Old Tibetan
Documents Online
Google
Find on this site

Valid HTML 4.01 Transitional

Text Archives > Pt_1055

Pelliot tibetáin 1055 + [IOL Tib J 744] —The text is divided between two parts.
    This Text All the Texts  

1. Content : Divination with coins.

2. Note : scroll. The beginning is missing. Recto, 94 lines. Verso, blank. Originally a single document which is divided into two parts: IOL Tib J 744 and Pelliot tibetáin 1055. The text continues from Pelliot tibetáin 1055 to IOL Tib J 744.

3. References :

Choix II (pls. 353-354).

Lalou (1939-1961: II, 46) [P.Translit.], Yamaguchi (1985: 533-534 [P.Trans.], Yamaguchi (1987: 174-175) [P.Trans.], Wang Yao and Chen Jian (1987: 134-148) [I.Translit.,I.Trans.].

Transliteration   (Change the Display Format)

(1) ba la btab na don myi 'grub / / dgra pya la
(2) btab na dgras myi tshugs / / 'pho skyas bya
(3) na ngan / / 'dron po la btab na nye zho myed de
(4) re shig myi 'ong / / mo gzhi / : /
(5) $ / / dong tse bzhI gan te gzhan bub na / chu 'i
(6) ngo byung ste / / lus la gdon myed / / khyim
(7) pya dang srog pya la btab na bzang / / snying la
(8) 'tsher ba yod kyang nyes pa myi 'byung / / bya 'o
(9) cog grub / / gnyen bya na bu tsa gzhin / / khang
(10) khyim bya na kha dro / / nad pa la btab na sos
(11) pa'i ngo / / gdon pya la btab na / drI mo dang
(12) thab rgod che / / don gnyer na grub / / dgra pya la
(13) btab na / dgra myed / / bor rlag byung na rnyed pa'I
(14) ngo / / 'pho skyas bya na bzang / / nad pa la btab
(15) na sos pa'i ngo / / 'dron po la btab na /
(16) myur du phyin te mo 'di ci la btab kyang bzang
(17) rab bo / : /
(18) $ / / dong tse lnga gan te gzhan bub na / gser
(19) gi ngo byung ste / / khyim phya dang srog pya la btab
(20) na / / nor rdzas shig la gdon che ste / bya 'o cog
(21) myi grub / / srog pya la btab na shi ba'i ngo / / nad
(22) pa la btab na / / myur du sa ma spos na shI ba'I ngo
(23) gsol ba dang shags bkye na myi gnang ste pham
(24) ba'i ngo / / gnyen bya na khyim tab shi ba'i ngo / /
(25) dgra pya la btab na / dgra dang phrad pa'i ngo / / zhal
(26) ces btab na re shig myi 'byang / / srid pya la
(27) btab na / srid myed pa'i ngo / / 'dron po la btab
(28) na / nye zho byung ste / re shig myi 'ong / / bor rlag la
(29) btab na myi rnyed / / mo 'di ci la btab kyang
(30) ngan rab bo /:/
(31) $ / / dong tse drug gan te gzhan bub na / sa 'i ngo byung
(32) ste / / khyim pya dang srog pya la btab na bzang / rab
(33) gsol pa dang shags bkye na gnang nas bdag rgyal
(34) ba'i ngo / / gnyen bya na 'phrod de bu tsa gzhin / /
(35) khang khyIm bya na / dbang tang skye phyug btsan ba'i ngo /
(36) don gnyer na grub / / nad pa la btab na sos /
(37) bor rlag byung na rnyed pa'i ngo / / 'pho skyas bya na
(38) bzang / / 'dron po la btab na myur du phyin te /
(39) mo 'di ci la btab kyang bzang rab bo / : /
(40) $ / / dong tse bdun gan te gzhan bub na / lI'i
(41) ngo byung ste / / srog pya dang khyim pya la btab na
(42) ngan / / bla nas gyod rmas saM myi rmas pa la btab na
(43) rmas pa'i ngo / / nad pa la btab na cho ga ma byas
(44) na shI ba'i ngo / / lam ring por 'gro 'am myi 'gro ba
(45) la btab na / 'gro ste ne zho 'byung ba'i ngo / / dgra
(46) pya la btab na / dgra dang phrad pa'i ngo / / gsol ba
(47) la btab na myi gnang / / gdon pya la btab na / rtsog
(48) dang thab che ba'i ngo / / grog pya la btab na grog myed /
(49) 'dron po la btab na / re shIg myi 'ong / / mo 'di
(50) ci la btab kyang ngan rab bo / : /
(51) $ / / dong tse brgyad gan te gzhan bub na / / sa dang
(52) chu 'i ngo byung ste / lus ki srog pya la btab na bzang
(53) rab / / khyim pya dang srid pya la btab na / snyIng la ‘tshertsh+r
(54) ba yod kyang nyes pa myi 'byung ste bzang / / dgra pya
(55) la btab na / dgras myi tshugs / / ngo 'phral dang las
(56) gsol na myi gnang / / don gnyer na myi grub / gnyen
(57) bya na 'byor / / nad pa la btab na myur du 'byang / /
(58) bor rlag byung na re shIg myi rnyed de gzhan gis brin pa'i ngo /
(59) 'pho skyas byas na nyes pa myi 'byung / / khang khyim byas
(60) na gdon myi ldang / / 'dron po la btab na nye zho myed d
(61) re shig myi 'ong / / grog pya la btab na grog phyi dal / /
(62) gdon pya la btab na myi lha dang gdon ngo mchis pa'i ngo /
(63) phar 'gro 'am myi 'gro ba la btab na myi 'gro ste mo
(64) gzhi /:/
(65) $ / / dong tse dgu gan de gzhan bub na / / kong tse 'i
(66) ngo 'byung ste / / khyim pya dang srid pya la btab na /
(67) zla ba tshes pa bzhin ste / yar yar skye zhing bzang
(68) rab / / nad pa la btab na sos pa'i ngo / / 'ong ngam
(69) myi 'ong ba la btab na / nye zho myed de myur du 'ong
(70) ba'i ngo / / grog pya la btab na / grog ched po thob
(71) pa'I ngo / / gsol ba dang shags 'gyed na / bdag
(72) rgyal nas snying dga' ba'i ngo / / srid pya la btab
(73) na bzang / / nad pa la btab na myur du sos pa'i
(74) ngo / / srog pya la btab na bzang / 'dron po lam
(75) du zhugs te 'gro ba la btab na / / bla mas bskyabs
(76) mdzad pa'i ngo / / mo 'di ci la btab kyang bzang rab bo
(77) /:/ $ /:/ dong tse bcu gan te gzhang bub
(78) na / / mye dang sa'i ngo byung ste / / lus la nad myed /
(79) srog pya la btab na bzang / don gnyer na don grub /
(80) ngo 'phral dang las gsol na gnang / / khang
(81) khyim dang gnyen byed na bkra shis / / nad pa la
(82) btab na / rtsI sman bya myi dgos par sos / /
(83) zhal ces btab na myur du 'byang / / bor rlag byung
(84) na rnyed dka' / / 'pho skyas byas na nye zho myi 'byung /
(85) 'dron po la btab na re shig myi 'ong ste mo
(86) gzhi /:/:/ $ / / dong tse bcu gcig
(87) gan te gzhan bub na / / ki wang gi ngo byung ste
(88) bla nas gyod rmas saM myi rmas pa la btab na /
(89) rmas pa'i ngo / / khyim pya dang srog pya la btab
(90) na / gdon phugs su zhugs te bya dgur myI rung
(91) / gdon pya la btab na / rgyal byin dang the'u rang che
(92) ba'i ngo / / nad pa la btab na shI ba'i ngo / / shags
(93) bkye na pham ba'i ngo / / 'ong ngam myi 'ong
(94) ba la btab na myi 'ong / / grog pya la btab na