Pelliot tibétain 1060

1[---] bar /2[---] [yab? mya? slabs? rtsa? sha? rtsa? na? gda'?] [mya] mnabs / / [rje?] bden dang zhal [myI?] mjal na' / / rta la 'o mnyan3rmang la sdIg bthod <do> na' / / kha bang gnyIs 'tshos gyI bu (interline<) ra yag gnyIs 'tshos bu (>interline) / spu dkar du byung na rta lha 'I rta ste lha yul gung dang gyI nang du /4mchIs ste / rta lha 'I rta ste / gnyan te ma btub / / gdod de ma bcad / na' / phuM phuM tshungs gcIg / rnga ma nyag gcIg /5mtsho mo nyag gcIg yungs mo / sgangs / gcIg (interline<) skyem pa dngul gang / (>interline) gyIs rta la 'o mnyen / rmang la sdIg btod / / <b>spu gnag6du byung na' na rta bdud <du> gyI rta ste / gnyan de ma bthub gtod de ma bcad na / phuM phuM tshungs gcIg / rnga ma nyag cIg /7mtshe mo nyag gcIg / yungs mo sgangs / gcIg skyems pa dngul gang gyIs rta la 'o mnyen rmang la sdIg btod do /8shu bo zhur por byung na / rta dmu 'I rta ste / gnyan de ma bthub / gthod de ma bcad / gyIs rta la 'o mnyen / rmang la sdIg /9bthod do / / sngon po la zhur por <la> byung na / rta dmu' 'I rta ste / rta la 'o mnyen / rmang la sdIg btod do / / dkar po /10<kha> la she'u rIgsu byung na / rta skar gyI gyi rta ste / gnyan te / <ga> ma btub gthod de ma <bthub> / bcad na' / rta la 'o mnyen /11rmang la sdIg bt<u>od do / / lu shu dmar du byung na / rta gzha' 'I rta ste gnyan te mthub gtod de ma bcad / na rta /12la 'o mnyen rmang la sdIg bdod do / / / 'ol ba zhur por byung na / rta sprIn gyI rta ste rta la 'o mnyen /13rmang la sdIg btod do / sngon po la rnga skyar byung na / rta gnyan gyI rta ste / rta la 'o mnyen / rmang la sdIg btod / do /14mtshal bu zhur por byung na / rta klu 'I rta ste gnyan te <ma> ma btub / gdod de ma bcad na / rta la 'o mnyen /15rmang la sdIg btod / do / / / shu<r> mo la la gar du byung na / rta sman gyI rta ste / rta la 'o mnyen / rmang la sdIg btod /16do / / / <nga> nag po la rngog bkra'r byung na / rta srIn gyI rta ste <rta> gnyan te ma bthub / gthod de ma bcad / na /17rta sdIg bthod <kyang mra> do / / rta la 'o mnyen nI gnam du mnyen no / / rmang la sdIg btod nI sa la btod /18do / / /:/ rta la cho ma smos rmang 'brang ma blags na rje bden dang zhal myI mjal na' / / rta la /19cho smos so rmang la 'brang blag <go> / / na' / gnam la sprIn kha bo smra shes ste sprIn / ka' / dkar na / / sa la rta spu dkar / / gnam /20la sprIn kha gnag na' / sa la rta spu gnag / / g<m>nam la sprIn kha smug na / sa la rta spu smug / gnam la sprIn sngo na / sa /21la rta spu sngo / / gnam la sprIn kha ser na' / sa la rta spu ser / / / kha bang gnyIs 'tshos gyI bu / spu dkar du byung na' / lha yul /22gung dang gI nang du mchIs te rta lha 'I rta ste / cho yang lha rta 'I cho / 'brang yang lha rta 'I 'brang / do ma 'I myI rIgs snyIng dags gyI myI rIgs /23spu gnag du byung na rta bdud gyI rta ste / cho yang bdud rta 'I cho 'brang yang / bdud rta 'I 'brang / / ste do ma 'I myI rIgs / snyIng dags / /24gyI myI cho / / spu smug po la zhur por byung na / rta dmu 'I rta ste cho yang dmu rta 'I cho / 'brang yang dmu rta 'brang / do ma 'I myI /25rIgs / snyI dags gyI myI cho / / skya bo la ['od?] por byung na' / rta cho yang sla rta'i 'brang ste / / do ma 'I myi rIgs / snying /26dags gyI myI rigs / / sngon po la zhung por byung na' / / cho yang gnyi rta'I cho 'brang yang gnyi rta 'I 'brang / / te do ma'i27myI cho snying dags dkar po shi'u rIs su byung na' cho yang skar rta'i cho 'brang yang skar rta'i 'brang / / te do ma'I /28myI cho snyi / / dags gyI myi rIgs / / shu bo la' zhur por byung na' / cho yang gzha rta'I cho 'brang yang gzha rta'i /29'brang / / te do ma 'i myI cho 'brang yang gzha rta'I 'brang te snying dag gyI myi rIgs / / 'ol ba' la zhur por por /30byung na' / / cho yang / / sprin rta 'I 'brang te do ma 'I myi cho snying dags gyI rIgs / / sngon po la rngaskyar /31byung / na' / / cho yang gnyan rta'i cho rIgs kyang gnyan rta'i rIgs ste do ma'i myI cho snying dags gyi myI rIgs /32mtshal bu la zhur por byung na' / / cho yang klu rta'I cho 'brang ya yang glu rta'i 'brang yang klu rta 'i 'brang ste /33do ma 'i myI cho snyi dags gyi myI rIgs / / shu mo lag gar du byu na' cho yang sman rta'I cho <yang> 'brang yang sman /34rta'I 'brang / / do ma'I myi cho snying <g>dags gyi myi 'brang / / nag po la rngog bkra'r byung na' / / cho yang srin /35rta'i 'brang do'i myI cho snyang dags gyi myI rIgs / / dbo yog sder du byung na' / / rta men sgyi ba [khob?] la la rta shI na' /36bya rog grog byung te cho yang bya zan gyi 'brangste / / do ma 'i myi cho snyIng dags gyi myI rigs / / spo ma cho /37ched po nI gnam las glag 'brang ma po nI sa' las brtsI 'o / / rta la cho myed rmang la 'bra med snyam te yi ma38[---] 'chad cIg / / khyod lta ma lags gyI / / dpo yog sder la yang cho dang 'brang yod de cho yang bya zan /39'drang yang bya zan gyi 'brang <gis> / / ngo / / do mod rta la cho smos so rmang la / / 'brang blag go / / dkar po brgya40bsogs na' / dkar po spo gangs dang brgya stong re tham 'ba' / / do ma 'i de cho snyIng dags gyi de rIgs so /41nag po brgya bsogs na' nag chung sran ma dmyI ga dang brgya te stong re tham 'ba' / / smug po brgya bsogs na' /42smug po brgya bsogs na' chos gyi gtsos gong gong dang brgya stong re tham 'ba' / 'ol ba' brgya bsogs na' /43thang brang 'ol ka' ['byo?] dang brgya stong re tham 'ba' / / ser po brgya bsogs na' gser bye'u nam ka' /44ldIng dang brgya stong re tham 'ba' / / khra bo brgya bsogs na' khre'u lo rmun dang brgya ste stong re tham 'ba' /45shu bo brgya bsogs na' / dang re dang brgya' stong re thaM ba / mog ro brgya bsogs na' / tIng phuM po dang brgya stong re thaM ba / / yang /46cho yang do ma thugs dags / gyI cho 'brang / yang do ma thugs gyI 'brang / ngo / / cho yang phu dang mgyogs dang / nu yId mgyogs /47gyi cho / 'brang yang phu dang mgyogs dang nu yId mgyogs gyI / 'brang / / khod de byang <rts>rtsong / dang nag po smra shes / las sogs /48pa yang [nan?] [gong?] ma bzhIn skor cig / / /:/ lo ma nyid du / gral gang dngar pa khe<d>n rnams / / rje dang 'bangs /49mjal / myI dang phyugs <myI> mjal / gser dang g.yu <myI> mjal / snyIng lo dga' myong / skra lo gsar bthags rje bden dang zhal mjal /50du / [spo?] / ma [khen (/khe na)] rnams gyI mtho rngog sgra phyur phyur man cad dang / dma' dmyIg bzhI lchags / ka' yan cad / du gnam /51la g.yen dgu 'I g.yal chags / / g.yal nga ba slad du spyI na / lha 'I g.yal chags na lha rje kh<r>ar mangs skyol gyI /52g.yal chags / / tsham gyI g.yal chags / na cham rje thad kar gyI g.yal chags / / <da> bdud gyI g.yal chagg na bdud /53rje rmang khug gyi g.yal chags / / dmu 'I g.yal chags / na' / dmu rje btsan ba 'I g.yal chags / / sla 'I g.yal chags /54na sla khrI bo gang rgyal gyI g.yal chags / / g<y>nyI 'I / g.yal chags / na' / mang rgyal lho sa cung gyI g.yal chags / /55skar gyI g.yal chags na skar spo de rgyal ba 'I g.yal chags / / gzh<e>a 'I g.yal chags / na / gzha' bzang khug mo <ga>56'o rgyad stong 'buM gyI g.yal chags / / sprIn gyi g.yal chags / na' / sprIn rje khe'u thung rmang g.yag skyes gyI g.yal chags /57gnyan gyI g.yal chags na' / gnyan suM tho / de rgyal ba 'I g.yal chags / klu 'I g.yal chags na' / klu rdeng de bo 'I g.yal /58chags / / sman gyI g.yal chags / sman tsun chung ma ron gyI g.yal chags / / gzed gyI g.yal chags na / gze rgyal thang po /59'I g.yal chags / / srIn gyi g.yal chags na srIn rje dgu lchogs gyI g.yang chags / pa / / phuM phuM tshungs gcIg / rnga ma nyag /60gcIg / mtshe mo nyag gcig / yungs smo sgangs gcIg / skyems pa pa dngul gang gyIs g.yal nga ba yang / slad du spyI /61'o / <rba?> rkyang rdIg pa yang slad du gcad do / / /:/ spo ma <nya> gral gang dngar pa khe na rnams / rje /62bden dang zhal mjal du / sa la / rgyal po bcu gsuM gyI phung dang byIn chags <ngan> ['a?] / g.yal nga rgyang rdI<d>g / na g.yal /63nga ba slad du spyI rgyang sdIg pa sla du g<g?>cad na' / yul chab gyI ya bgo / <mkhar> mkhar khyung lung rngul mkhar /64gyI nang na rgyal po lIg snya shur / blon po nI khyung po dang r<e>a stsang rje / khol gu ge dang gug lchog gyI rta 'I cho dang 'brang du /65'a bthub ma bcad na chIbs na rod dang mang rog / nya mo dang sbal tsal yan (interline<) cad / (>interline) brgya sdong re tham ba 'I cho dang 'brang du /66ma bthub na ma bcad na / rI gcIg gyI rtsI la mnyam du 'tshal 'tshal lung gcIg gyI chab la / mnyam du 'tshal /67'tshal / / spang snar gyI sgang 'grums 'grums / / lung phran gyI mul <g>'thub 'thub / / rtsva zogs pa spang dang /68myIg gyI drIn / / chab 'tshal ba gong gyI gcags / rta pha la byIn nga / ma la rgyang sdIg / bu la g.yag chags pa /69phuM phuM / tshungs gcIg rnga ma nyag gcIg / mtshe mo nyag gcIg / yungs mo gangs gcIg / skyems pa rngul gang gyIs /70lha thugs cags gyI thugs lan <yang> na' / zhang zhung gyI lha mu rgyung dang stang rgyung thugs cags gyI thug lan /71yang slan du glan no / / rgyal dang cags gyI dang lan yang / / slad du glan no / blon snying / / cags gyI snyIng lan /72na' khyung po ra sang / / rje snyIng cags gyi snying lan yang / / slad du glan no / / lha slan yang sladu glan no73<dag> rgyal spro yang / / slad du <g>dgar ro / / 'dI man cad rgyal po / / rIl yang nan 'dI bzhin bskoro /74yul kha la rtsang stod rtsang gyi dngo mkhar gyI nang na' / lha rtsang la 'i bye'u / rje rtsang rje'i phyva' / / blon po sudu /75dang gnang / khol rtsang kol re'u rdzI / / rta rtsang rta dgol long leg pa' / / dang brgya stong re tham 'ba' 'I76cho dang 'brang du ma btub / / yul skyi ro lngang sngon mkhar skyi mkhar zo yong sngon 'bu'i / / nang na' / lha skyibs la bya mang77ngas / / rje skyi rje'i / / rmang po / / <su> shu'u dang spug / rta skyi rta skya ma lan kar / dang brgya stong re tham 'ba'78dbye mo <'>yul dug na' rje dbye rje mkhar pa' / lha dbye bla spyi bgangs / / pho gum dang phog rol dbye rta thang <mangs?>79mangs / dang brgya sto re tham 'ba' / / yul rng<b>egs yul se mo gru bzhi / / lha rngegs lha 'I byar mangs <dang> rngegs80rje'i lIn 'brang / / blon po sam pa dang sa pod / / rta rngegs rta sngo ma gzhung bkra' / / dang brgya stong re tham81'ba' / / yul mchIms yul dgu sul na' / lha mchims la 'i / / than 'tsho / / rje mchIms rje ne'u / blon po dang /82dang ding / / gnyis mchIms rta se'u gad la bar / / dang brgya ste re tham 'ba' / / yul lho ga lang drug na' /83lho bla 'i gang rgyal / / rje lho rje lang lIng blon lho blon lho blon thog snar / / lho rta ngang brang / / brgya stong re /84tham 'ba' / / yul stod ro lung gsum / / stod lha 'i zeze rje stod rje 'brong lom / /85rta snar 'brang dang brgya stong re tham 'ba' / mkhar <rje?> my<o>ang ro sham po dgu rtsigs lang lIng gi nang na' rgyal po86long ngam rje dang ngam tsha pyi brom dkar po / blon po / / ngab myi dang 'bre gas / / rta ngas po rdzI tong / / dang brgya87stong re tham 'ba' / / myang yul shing nag na' / / lha myang lha 'i bo mo / rje myang tsun gyi rgya po / / rta myang rta88nag bra' / / dang brgya stong re tham 'ba' / / yul rkong yul bre snar na' / / lha rkong lha [tes (/des)] legs / rje rkong89rje dkar po / mkhar pa dang 'phan gtug gnyis / / rta krong rta / / rngog bkra' / dang brgya ste stong re90tham 'ba' / / yul byang ka' snam brgyad mkhar shu ba' ba leg gyi nang na' / / drugu'i lha yol dang91re' / rgyal hir kin dang dar kan / blon po dun rgyus dang ^a ma ca' / khol nag drug dang dang ^a ma ca'92rta hal tsun dang thog bya rmad / / dang brgya stong re tham / / yul chab gyi ma gzhug rgya mkhar stegs pa'i93nang na' / / lha rgya bl<e>a'i 'brong nam rje rgya rje'i myi 'chan / / rgya blon gyi zing ba' / rgya rta 'cham 'gam dang brgya /94stong re tham 'ba' / / 'i cho dang 'brang du ma btub ma ma} bcad / / rgya po bcu gnyIs na {se ra grI dang95bcu gsum blon po nyi shu rtsa bzhi na' / / skyang re gnag dang nyishu rtsa lnga 'a yu bcu gnyis na'96hod gyi [se?] mo gru dang bcu gsum / / mkhar bcu gnyis na' dbu ste ngam pa ra dang bcu gsum /97gi rta 'i cho dang 'brang du ma btub ma bcad na' / / rta pha la byin nga ma la g.yal <ca> cags bu la rgyang stig /98pum phum chungs cIg rnga ma 'phan cIg skyem pa dngul gang gyis lha thugs chags gyi thugs /99lan yang slad du glan rgyal dang cags gyi dang lan yang slad du glan [rgya?] myi snyi chags gyi snyi lan /100yang slad du glan no / /