Pelliot tibétain 1072

1[---] [-]ts[-] [dang /] [---] / / [-]u[-] [---] [-]j[-] [---] [-]u[-] ba'i rma2rma zand / 'jal gyang rung / / / srang grangs 'jal pa la srang chig [---] kh[o]r na su'ang rung dgumo / / / mda'snI3phogste nga'I mda' ma yin zhes / snyon snyon ma tsangs na mda's pog pa gum gyang rung / ma gum gyang rung / thong4myI khrims bzhIn dgum mo / snyon snyon tshangs <na> dang skur pa zan <dang> kyang thong myi'i skur pa zan dang khrIms gchIg5du dbango / / (vermilion<) phyag rgya (>vermilion) 6(vermilion<) rgyal 'bangs g.yung ngo 'tshal la / zhang lon chen po man cad gyIs / ri dags ras stsogs pa la / / [---]7pas [---] ni gum pa dang ma gum pa'I khrims la / / (>vermilion) rgyal 'bangs g.yung ngo 'tsal dang zhang lon dang dmangs gyI bran8rkya la ma gtogs pa dang lho bal gyI btson yan cad zhIg la / / zhang lon zangs gyI yi ge pa <ma> yan chad dang stong mnyam pa9gcIg gIs / / ri dags las stsogs pa la / / mda' rngul bas phog dang gum yang rung ma gum gyang rung / / khon mchIs10te chad kar 'phangs re zhes gtsang dgar bcu gnyis / khong dang bcu gsum bro stsa[l] to / / bro stsal te dkar chag11na / / thong myI dang khrims gchIg go / / dkar gy[i]s tshang tsheng mda's phog pa gum na myI snyong du srang nyis brgya'12phabste yus bdag dang 'dam po phyed mar dbango / / 'dam po ma mchIs na srang nyIs brgya kun yus bdag13dbango / / mda's / phog pa ma gum na gson stong srang brgya phab te / yus bdag dang 'dam po gnyis phyed14mar dbango / / 'dam po ma mcIs na srang brgya kun yus bdag dbango / gum ba'i ston yang rung / gson15po'I gson stong kyang rung stong 'jal ba la / zhang lon kyang rung / / srang chIg ma khor na dgum mo / mda's nI16phog te / nga'I mda' ma yIn ces snyon snyon ma tshangs / na mda's phog gum kyang rung ma gum kyang rung / /17thong myi khrims bzhIn dgumo / / snyon snyon tshangs dang skur ba zan kyang thong myI'i skur pa zan dang khrims /18gchIg du dbango / / (vermilion<) :: (>vermilion) / rgyal 'bangs g.yung ngo 'tsal dang zhang lon dang dmangs gyI bran rkya la ma gtogs /19pa dang lho bal gyI btson yan cad g.yung ngo 'tshal dang 'dI rnams gchIg la / / gtsang chen man cad rgod do /20'tshal dang stong mnyam ba zhIg gis / rI dags las stsogs pa la / / mda'<s> rngul bas / phog dang gum yang /21rung ma gum kyang rung khon mchIs te chad kar 'phangs re zhes gtsang dkar bcung nyIs / kho na dang bcu22gsum bro stsalto / / bro stsal pa la dkar chag na / thong myI dang bka' grIms gchIg go / / dkar gyis tshangs23te mda's phog pa nI gum dang / / myI stong du srang brgya phab te / / yus bdag dang 'dam pho phyed mar24<du> dbango / / 'dam po ma mcIs / na srang brgya kun yus / bdag dbango / / mda's / phog pa ma gum / na25rma zan du srang nyI shu phab te yus bdag dang 'dam po phyed mar dbango / 'dam po ma mchIs / na / srang26nyI shu kun yus bdag <[---]> dbango / / gum ba'I stong yang rung / / ma gum ba'i rma zan kyang rung srang grangs27'chal / ba srang gchIg ma khor na su yang rung dgumo / / mda's pog te <na> nga 'I mda' ma yIn ces /28snyon snyon ma tshangs / na mda's / pog pa gum yang rung ma guM <nga> yang rung thong myI dang khrIms gchIg du29dgumo / snyon snyon tshangs dang skur pa zan thong myi'I skur pa zan dang khrIms gchIg du dbango / /30(vermilion<) :: (>vermilion) / rgyal 'bangs g.yung ngo 'tshal / dang zhang lon dang dmangs gyI bran rkya la ma gtogs pa g.yung31dang lho bal gyI btson man chad 'dI rnams / rI dags / la mda' rngul bas / pog pa la / / stong /32mnyamo / / stong mnyam / ba 'di rnams / nang rI dags la mda' rngul ba las / stsogs pas phog dang /33gum kyang rung ma gum gyang rung / khon mchIs te chad kar 'phangs re zhes / gtsang dkar bcu /34gnyIs / kho na bdag tang bcu gsum / bro / stsalto / bro stsal pa la / dkar cag na thong myi dang /35khrIms gchIgo / / dkar gyIs tshangs / / te mda's / phog pa nI gum dang myI stong du srang lnga bcu / /36phab te / yus bdag dang 'dam po / phyed mar du dbango / 'dam po ma mchIs / na srang lnga bcu37kun yus bdag dbango / mda's phog pa / ma gum dang rma zan du srang bcu phab te yus bdag /38dang 'dam po phyed mar du dbango / / 'dam po ma mchIs / tang srang bcu kun yus / bdag dbango / /39gum ba'I stong yang rung ma gum ba'I rma zan kyang rung / srang gchIg ma khor na dgumo / / mda's /40phog te nga'I mda' ma yIn ces / snyon snyon ma tshangs na / mda's / phog pa gum kyang rung / / ma /41gum kyang rung / thong myi dang khrims gchIg du dgumo / / snyon snyon tshangs na skur pa zan kyang /42thong myI'i skur pa zan dang khrIms gchIg du dbango / (vermilion<) phyag rgya (>vermilion) 43(vermilion<) ri dags la mda's / rngul bas / rogs gyI g.yar la / phogs te / gum ba dang / ma gum pa'i khrims la / (>vermilion)44ri 'dags la mda's 'phangs pas / gcig gi g.yar phogs te / mgum na' / g.yar 'i bdag pos / g.yar45'di la / srang grangs / di snyed chig / / myi ri re zhes / 'bro gthald dang / srang du ri ba 'i / skyin ba gcig /46gcold chig / / g.yar mda's phog pas ma gum dang / g.yar gyI rma' zan du lug sha bzan47gcig stsold cig / (vermilion<) phyag rgya (>vermilion) 48(vermilion<) gnyen ba nang mda' rngul / bas phog na / dmer brtsi ba dang / myI brtsi' ba'I khrims la / (>vermilion) / / zhang lon chen49po man chad / dmangs tha ma yan chad / ri 'dags las stsogs pa la / mda' rngul te / phu nu po nang gcig gis / gcig50mgum na / dmer brtsi ba dang / myi brtsi ba ni / thong myi'i khrims gyI nang na' / / phu nu po nang gcig gIs <g> gcig51mgum ste / dmer brtsi ba dang / myI brtsi ba 'i / khrIms gyi yi ge / bzhin 'du / gcod to / (vermilion<) phyag rgya / (>vermilion) 52(vermilion<) zhang lon man chad / dmangs yan chad g.yag dang / 'bri'i 'og du chud pa las / / phyung na' / phya dga' stsald53/ pa / dang / ma phyungs na / chad pa gcad pa'i khrims la / (>vermilion) 54(vermilion<) / zhang lon chen po dang / stong mnyam pa man chad / phra myen gyi / yi ge pa / dang stong mnyam ba yan chad / g.yag55/ gI 'og du / chud pa las gchIg gIs / gcIg phyung pa dang ma phyung ba'I / khrims la (>vermilion) / blon che las stsogs te /56zhang lon chen po bzhI man cad phre men gyI yI ge yan cad / zhang lon khong ta ngo bo dang / / zhang lon 'dI rnams gyI57myes po dang pha dang phyI mo dang ma dang bu po spad phan chad pha spun spad tshun cad / yI ge ma mchIs pa'I rnams58dang / ma yar mo dang mna' ma dang sdum pa khyo mo dang bu srIng khyo ma mchIs pa dang 'dI rnams / g.yag gi59'og du chud pa la / / stong mnyamo / stong mnyam 'dI rnams / gcIg g.yag gI 'og du chud pa la / gcIg gam60na mcIs mchIs te ma phyung nas / g.yag gIs / bkum na ma phyung ba'I chad par / srang lnga brgya phab te / bkum61ba stsalto / ma gum na ma phyung ba'i chad par srang nyIs brgya lnga bcu phab te g.yag gI 'og nas /62thar pa stsalto / g.yag gyI 'og nas / phyung na phyung ba'i bya dgar bu mo stsalto / bu mo ma mchIs na63srIng mo dbango / bu mo 'am srIng mo ma mchIs sam / stsalte ma 'tsal na srang nyIs brgya stsol /64chIg / / (vermilion<) phyag rgya (>vermilion) 65(vermilion<) / zhang lon chen po dang chen po dang stong mnyam pa man cad / phra men yI ge pa stong mnyam pa yan66cad cIg g.yag gyI 'og du chud pa la / dngul gyi yI ge pa man cad / zangs gyI yi ge pa yan cad67gyIs / phyung ba dang ma phyung ba'i khrims la / / / (>vermilion) zhang lon chen po bzhI dang stong mnyam ba man cad68pra men gyI yI ge pa <bku> dang stong mnyam ba yang cad g.yag gyI 'og du chud pa la / dngul gyI yi69ge pa dang stong mnyam ba man cad / zangs gyI / yI ge pa stong mnyam ba yan chad / gcIg gis /70ma phyung te g.yag gyIs bkum / na ma phyung ba'I chad pa srang lnga brgya / phab te gum ba stsalto /71srang lnga brgya phab pa'I slad na sdar gyIs 'o dom kyang gdagso / / g.yagi 'og du chud pa /72ma gum na ma phyung ba'I chad par sdar ma 'o dom / gdagsu baso / / g.yag gyI 'og <du>73nas phyung na bya dgar bu mo 'am / srIng mo gchIg stsal kyang rung / srang brgya lnga bcu74stsal kyang rung / / de'i gchIg stsol chIg / (vermilion<) phyag rgya (>vermilion) 75(vermilion<) / zhang lon dngul gyi yI ge pa dang / stong mnyam ba man chad / zangs gyi yi ge pa / dang / stongs mnyam ba76yan chad / cig / g.yag 'i / 'og du chud pa <dang> / la / khong ta' gcig gi gcig phyung ba dang / ma phyungs pa'i77khrims la / (>vermilion) zhang lon dngul gyi yIge pa man chad zangs gyi yIge pa yan chad zhang lon khong rta ngo78po dang / zhang lon 'dI rnams gyi myes po dang pha dang phyi mo dang ma dang pu po spad <spad> phan chad pha spun79spad tshun chad yI ge ma mchis pa'I rnams dang ma yar mo dang sdu pa khyo mo dang mna' ma dang bu /80sring khyo ma mchis pa dang 'di rnams la g.yagi 'og du chud pa la stong mnyamo / stong mnyam / ba81'dI rnams gcig / g.yagi / 'og du / chud pa la gcig gam na mchis mchis te ma phyung nas /82g.yagis bkum na ma phyung pa'i chad par / srang sum rgya' phabste / bkum ba stsald do / ma gum83na ma phyung pa'i chad par / srang brgya' lnga bcu phabste g.yag gi 'og nas 'thar pa stsald do /84g.yag gi 'og nas phyung na / phyung ba'i bya dgar bu mo dbango / bu mo ma mchis na sring mo85dbango / bu mo 'am sring mo ma mchis sam / stsalde kho myi 'tshald na / srang brgya' stsold shig86(vermilion<) phyag rgya (>vermilion) 87(vermilion<) / zhang lon ched po man chad zangs gyi yI ge pa yan chad khong ta ngo bo dang khong dang stong mnyam88ba g.yag gi 'og du chud pa la gtsang chen man chad cIg gis / phyung ba dang ma phyung ba'i / khrims la (>vermilion)89zangs gyI yIge pa / yan chad / khong ta ngo bo dang / khong ta dang stong mnyam ba zhig g.yag gi 'og du chud pa la / gtsang90cen (interline<) man (>interline) chad dmangs tha ma yan chad / gyis ma phyung ste / g.yag gis / bkum na ma phyung pa'i <da> chad par91sdar ma wa dom btags te dgum du baso / bu smad ni / bang za phyugs nor dang khol yul dang mal na dgod do92bu pho ma mchis / na bu mo smad dang bang za<ng> phyug nor khol yul pha stsalto / pha ma mchis na bu mo smad93dang bang za phyug nor <pa> phu nu po / gag mdur ba stsaldo / khol yul ni phu nu bo drung mchis kyang myi stsaldo94sdar ma bkum pa su 'i 'bangs / / su'i bran khol yul so sor <rnga> bzhes 'tshol shig / / zhang lon95g.yag gI 'og du chud pa ma gum na sdar ma'I chad par / wa dom bdagste bang za phyug nor96stsal te bu sdum pa (interline<) ma (>interline) phub pa dang spyugs go spyugs pa'i / khol yul nI pu stum pa phub pa mchis na /97bu stsaldo / bu sdum pa phub pa ma mchis <m>na pha stsalto / pha ma mchis na phu nu bo drung mchis98kyang khol yul (interline<) nI (>interline) myi stsald do / spyugs pa su'i 'bangs sI'i bran <so> khol yul so sor bzhes /99'tshol shig / g.yag gI 'og nas phyung na phyung ba'i bya' dgar srang lnga' bcu stsal do /100(vermilion<) phyag rgya (>vermilion) 101(vermilion<) / gtsang cen man chad dang dmangs pa yan chad cIg g.yag gi 'og du chud pa las zhang long yI ge102pa 'o 'tshal zhig gis phyung pa dang ma phyung pa'i khrims la / (>vermilion) gtsang cen man chad dmangs tha ma yan /103chad cIg / g.yag gi 'og du chud pa las (interline<) zhang lon (>interline) / zangs gyI yI ge pa yan chad khong ta ngo po dang khong ta dang stong104mnyam pa' yan chad jig / gam na mchis mchis te g.yag gi 'og du chud pa las ma phyungs105te / gum na ma phyung pa'i chad par srang brgya' phabste <ma> gum ba stsaldo / ma gum na ma phyung pa'i106chad par srang lnga' bcus phabste g.yag gi 'og nas 'thar pa stsalto / g.yag gi 'og nas /107phyung na phyung ba'I bya dgar bu mo dbango / bu mo ma mchis na sring mo dbango / sring ma mchis sam108stsal te ma 'tshal na srang nyis cu stsol shig (vermilion<) / / / / /:: (>vermilion) gtsang chen man chad dmangs yan chad myi dge ba /109zhig / g.yag gi 'og du chud pa la myi ngan pas ma phyungste / g.yag gi bkum na ma phyung <par> pa'i /110chad par sdar ma 'o dom btagste bang za phyug nor stsaldo / bu pho khyim ma phub pa dang spyugo / khol111yul nI spyug pa'i slad na bu pho sdum pa phub pa mchis na bu stsaldo / bu sdum pa phub pa ma mchis112na / pha stsal do <na> pha ma mchis na spyug pa si'i 'bangs sI'i bran (interline<) khol yul (>interline) so sor bzhes 'tshol cig /113ma gum na ma phyung pa'i chad <cha> par sdar ma 'o dom btagste 'og rta g.yag gi 'og nas phyung ba stsaldo114g.yag gyI 'og nas phyung na phyung pa'I phya dgar bu mo 'am sring mo cig stsal kyang rung srang bco lnga115'jal kyang rung / te gcig stsol cig / (vermilion<) ::/ (>vermilion) myi mnyam ba <gcig> gnyisla gcIg <la> g.yag gi 'og /116du chud pa la gcIg gis ma phyung <ma> ste / g.yag gis bkum / na ma phyung pa'i chad par sdar ma 'o dom117btagste 'og rta bkum ba stsalto / / / ma gum na ma phyung pa'i chad par 'o dom btagsu baso /118g.yag gI 'og nas phyung na phyung ba'I pya dgar bu mo 'am srang mo zhig dbango / bu sring ma mchi119sa sa ma stsalde kho ma 'tshal na 'og rta stsol cIg / (vermilion<) ::/ (>vermilion) myi ngan pa zhig g.yag gyI 'og du chud120pa la myI dge' <ba> zhig gis ma phyungste / g.yag gis bkum na ma phyung pa'i chad par 'o /121dom btagste 'og rta bkum pa stsal do / ma gum na ma phyung pa'i chad par <la> 'og rtas bcade122g.yag gI 'og nas 'thar pa stsaldo / g.yag gi 'og nas phyung na / / phyung pa'i pya dgar123bu mo stsal do / bu mo ma mchis na / sring mo dbango / bu mo 'am / sring mo ma mchis sam124stsal de kho na myi 'tshal na srang bcu stsol cIg / (vermilion<) phyag rgya'o (>vermilion) 125(vermilion<) phyag rgya (>vermilion) 126(vermilion<) / / myi g.yagI 'og du chud pa / 'byIn te g.yag gyI 'og du chud pa dang 'byin ma myi gnyi / /127ga gum / pa / dang / ma gum / pa'i / khrims la / (>vermilion) / / g.yag gyI 'og du chud pa 'ang g.yag gyis bkum 'pyin128'byIn pa'ang g.yag gis bkum ste gnyis ga bkum na sngar g.yag gyi 'og du chud pa'i lan129gyIs 'byIn pa'i ro rdzangsu g.yar<g> cig stsol shig / 'byin ma myi g.yag gyis / bkum g.yag130gI 'og du chud pa ni 'byin ma myI yon te ma gum dang 'byin ma myi ro rdzangs su g.yag gyi 'og131nas phyung ba'i srang grangsu stsal du baso / 'byin ma 'i g.yar bkum na g.yar gyi skyin pa132rngan pa'i srang grangs la ma gtogs par stsol cIg / (vermilion<) phyag rgya'o 133phyag rgya (>vermilion) 134(vermilion<) / myig g.yag gyI 'og du chud pa la gcIg gis g.yag drangste g.yag drang du ma rung na<s> / myi135bgum pa'i khrims la / (>vermilion) g.yag gyI 'og du zhang lon zhig chud kyang rung rmang pa zhig g.yag gyi 'og136du chud pa la gcigs g.yag drangste / phying pas drangs kyang rung thag pas drangs kyang rung gzhus137drangs kyang rung / jIs drangs kyang rung g.yag la reg par snyogste g.yag ma rung ste g.yag gIs /138myi bkum na / bkum du baso / ma phyin pa la chad pa ma mchiso / (vermilion<) / / / / / phyag rgya (>vermilion) 139(vermilion<) phyag rgya (>vermilion) 140(vermilion<) / myi g.yag gyi 'og du chud pa myi mang po zhig gis phyung pa'i khrims la <g.yag> (>vermilion)141g.yag gyi 'og <du> nas phyung ba'i 'byin ma mang po zhig gis phyung yang rung / khrims142gyI srang grang la / 'godu baso / (vermilion<) phyag rgya (>vermilion) / 143(vermilion<) phyag rgya (>vermilion) 144(vermilion<) / zhang lon man chad / <ma> dmangs yan chad bri'i 'og du chud pa la phyung pa dang ma phyung145pa'I khrims la / (>vermilion) brI'i 'og du chud pa la ma phyungste / 'bri <[---]> myi bkum dang zhang lon146bkum kyang rung / rmang zhig bkum kyang rung g.yag gis bkum dang chad pa khrims147gcIgo / 'bri'i 'og du chude ma gum zhang lon zangs gyi yIge pa yan chad cIg gis /148gcIg nang ma phyung na ma phyung ba'i chad par / 'og rtas bcade 'bri'i 'og nas 'thar pa stsal149to <pa> / 'bri'I 'og nas phyung na phyung ba'i bya dgar 'og rta stsol shig / 'bri'i 'og du chude150ma gum ba gtsang cen man chad dmangs tha ma yan chad cIg ste gcig gis / cig /151ma phyung na ma phyung ba'i chad par 'og rtas bcade 'bri'i 'og nas 'thar pas stsol /152shig / phyung na phyung ba'i bya dgar rta gzhi cIg stsol cig / / / / ma gum ba zangs gyi yIge pa153yan chad cIg ste gtsang chen man chad cIg gis ma phyung na / ma phyung pa'i chad par /154'o dom btag ste ring res res cig gis bcado / 'bri'i 'og nas phyung ba'i bya155dgar / gnag grus cig stsol shig / 'bri'i 'og du chud ma gum pa gtsang cen156man chad jig ste / zhang lon zangs gyi yIge pa yan chad jig gis ma phyung na ma phyung pa'I157chad par 'og rtas bcade 'brI'i 'og nas 'thar pa stsol shig / 'bri'I 'og nas / phyung158na phyung pa'I bya dgar 'og rta dbango (vermilion<) / phyag rgya (>vermilion) 159(vermilion<) phyag rgya (>vermilion) 160(vermilion<) / g.yag dang 'bri'I 'og du chud pa las gam na mchis pas ma phyung na gang sdar ma gcig161'o dom gdags pa'I khrims la / (>vermilion) zhang lon man chad dmangs tha ma yan chad g.yag dang 'brI'i162'og du chud pa la grogs po'am g.yog bran zhig gan na mchis mchis te / g.yag163dang 'brI'i 'og du chud pa / ma phyung ngam / grogs ma bgyis na <ma> gam na su nye bar mchis pa'I164rnams / gyI nang nas zha lcer spyangste / gang star ma gcig 'o dom gdags pa'I khrims la bab165na 'o dom gdagso / gzhan nI 'o dom myi gdags par stong ji bab pa 'jalo (vermilion<) phyag rgya (>vermilion) 166(vermilion<) phyag rgya (>vermilion) 167(vermilion<) / zhang lon zangs gyi yi ge pa <ma> yan chad gyi bu tsha dang ya lag la yI ge mchis na mda' rngul168ba dang g.yag dang 'brI'i <'o> 'og du chud na yI ges dphye / pa'i khrims la / (>vermilion) zhang lon ched po man /169chad zangs gyI yige pa yan chad gyi bu po spad phan chad pha spun spad tshun chad yIge mchis ste mda' rngul170pa dang g.yag dang 'brI'i 'og du chud pa la <s> gtogs na kho na yIge ji la gtog pa'I khrims171bzhin du bgyi'o / yiges byas bu 'ang rung pha la ma gtog so / phu po nu bo yang rung gcig la /172gcIg ma gdogso (vermilion<) / phyag rgya (>vermilion) 173(vermilion<) phyag rgya (>vermilion) 174(vermilion<) / ri dags gyI dom thang dang sang mda' phyi mda'I thang dang / ri dags la / mda' grangs brtsi'/175ba dang ri dags / khongs nas shor pa dang phyi sha myi gnang pa'i khrims la / (>vermilion) 176(vermilion<) / ri dags khums na / don dbang ba'i <khrims> la thang la / (>vermilion) ri dags bkum ste don177dbang ba nI g.yag cig la mda' drug du rtsi'i snga' mda' dbang pa ni thur thur178g.yon logsu mtho gang yon por bcade g.yas log gyi 'kho ba rtsib ma logs dbango179rnga ma dang snying dang <'>brang dang lce dang khrag phyed dang / rtsa rgyus dang de rnams snga mda' dbango / phyi mda'180dbang pa nI g.yon lbags gyi rtsib ma'I lgo pa dang khrag phyed dang nang rol chu spyug dang181gshul rgyus dang de rnams phyi mda' dbango / yang mda' ni rtsIb ma g.yas pa dbango182bzhi mda' rtsib ma g.yon logs dbango / lnga mda' rkang <la> sla dbango / drug mda' lag183sla dbango / 'bri gcIg la mda' gsum du brtsi'o / snga mda' dbang pa ni thur thur184g.yon logsu mtho gang yon por bcade g.yas lbags lgo ba dang rnga ma dang brang snying185lce khrag phyed dang <ga> gshang dang rtsa rgyus dang de rnams snga mda' dbango / phyi mda' dbang ba ni186rtsIb ma g.yon logs gyI kho pI dang khrag phyed dang nang rol chu spyug dang bog bog dang gshul rgyus187dang de rnams phyI mda' dbango / yang mda' dbang ba ni mjig pa'i lgo ba dang sla bzhi / dbango188/ / sha ba dang rkyang man chad dgo ba yan chad mda' gnyis / su brtsi'o / snga' mda' ni phag spa dang snying189dang brang dang lce dang khrag phyed dang rtsa rgyus dang de rnams snga mda' dbango / phyi mda' dbang pa ni mjing shun no