Pelliot tibétain 1136

1[---]2[---] [rgyal? gra?] [---]3rgyal du gshegs / / gnyan dang klu yan chad rgyal gshegs pa ni g.yen dgu bya tham shad rang rang4bdud tang 'dre bar smoso / / ma bla cud ki rgyal gshegs na smya bo lag rings rgyal du gshegs / de mo5sho'i rgyal gshegs na' ske ga pung 'dur / 'brong pub [b?]ud bu 'brong dur gyi rgyal du gshegs / bdag shing pha dgu6rgyal du gshegs / sribs shing ma bcu'I rgyal du gshegs / / rabs rdzogso / / 7 /:/ yul dga' yul byang rnams na smra myi ste btsun po dang rma myi de btsun po gnyis shig mchisna / / 'o na smra myi ste8btshun po snying du yang rma myi de las sdug ma mchis / rma myi de'i snying du yang smra myi ste btsun po las sdug9ma mchiste myi sdug gnyis ni shag rag bgyis gchig shi ni gchig gis bdur bar bgyis gchig rlag ni10gchig gis btshal bar bgyisna / / 'o na re shig re shigna smra myi ste btshun po zhig byang 'brog snam stod du11g.yag shor 'brong 'gor du gshegsna / 'brong ba myi gshed gyis smra myi ste btshun po zhig myi rta gdum du bldugste12bkrongs kyis ma mchisno / / re shig [re? shig?] na rma myi de btsun po zhig ro bsdad ni zhag du ma byond13zhag bsdad ni slar slar ma byond / [---] / ni lor ma byon lo bsdad ni snying du ma byon nas / rma myi de btshun14pho zhig byang ka snam brgyad du smra myi ste btshun po zhig [-]l du byon na smra myi ste btshun po ni 'brong bu myi15gshed kyis myi dri nu bkrongs kyispur ma mchis / / dang [-]l nas thugs chad ro ru chad brang [gam?] gdingsu16gam thugs gnag chad kyis byams stang gi ngo mo ['tshald?] spun mchi 'khor gyis ni lta l[-] d[u?]g dkar17[mya?] gzigs du myi ngu na mchi ma khrag gis nguste / smra myi ste btsun [---] chen pos / smra myi ste btshun [po'i? spur?] shig [snaM? ste?]18rma myi de'i btsun po'i mchid nas / smra myi ste btsun po 'od shid du [gtang?] ['tshal?] [brang?] du gzugs 'tshal gsung ste rgyal [thag?] brgyad ni19bas la bchas / se gru bzhi ni lung du brtsigs / gdan byang gdan khod mo ni gdan du bting / gram mching gram sngon mo ni phabsu bkhroM / / 'o na do20ma mchis snying dags ma mchis nas / / rma myi de'i btshun po zhig do ma tsholdu mchis snying dags tshol du mchisna / yul sre ga rte'u lung na21rta pha yab kyi mtshan na / gser rta'I gser ma ron dang ma g.yu rta'i g.yu ma ron gnyis rta gnyis 'tshos kyi bu rmang gnyis 'thams kyi22bu lo'i dusu rte'u bal bu mtshog rum zhig byung ste / rte'u ma pyi 'brang ba las / rma myi de'i btsun pos / mang zhags 'breng gis bzung ste / skyes23mthu che ni mthu 'is drangs ste / bse'i cho rol du ni bcug / mthing gi dmu rtod kyis bsgrogs nas / pyugs spo mnye du ma / smra myi ste btsun po dang24myi ngan bu gnyis myi sdug gnyis ni shag rag bgyiste gchig shi ni gchig gIs bdur bar bgyis na / smra myi ste btshun po ni rman te ni grongs /25sdug ste ni rlag na / shid bgyir 'brang gzugsu / do ma ma mchis snying dags ma mchisna / / pyugs smo ma khyod kyis chab gang lar bgyi 'tshal26yang ba rab du spogs 'tshal zhes mchi nas / / yul dga' yul byang rnam[s]u [rte?]'u bal bu khri de bzhud nas / mying dang btshan btags pa'27ser ngang 'ger btags nas 'tshal te mchis nas bres rta bres skyal mo skyil mor stsald nas / 'bras kyi lcang pa ni gsan ca bu ram nyug28cu ni blud nas / pum phum ni dar gyis bchings / dbul bya ru khyung ru ni btsugs / rngog ma ni gsham du bkye / sogs shun sge'u gong ni / khabsu29bkab / mjug mani slungsu stsald te chab gang ni lar btab yang 'ba' [bab?] du spagste / phan te bsod do / / nan skorzhib du bgyi / 30 /:/ yul chab kyi ya bgo na rtsang ho de 'i hos bdag dang ma yum gyi mtshan gshen za'I gyi myed ma bshos dang nams kyi sras na / / mying dral gyI mtshan31sma bu zing ba'i zIng skyes dang sring mo lcam smos pa / lcam lho rgyal gyI byang mo tsun / / 'o na re shig re shig na / rtsang ho'I hos bdag tang smra bon gyi zing ba32zing sgyes gnyis la dkor dang dagsu chi mnga' na' / ra bdun cha bdun zhig mnga' / 'o na khye'u ra rdzi cha rdzi po zhig / ra lnga 'tso zhing spang ka nyug33[ra?] slag gyon zhing drib du 'khor te / ra 'tsho cha 'tsho zhing lung 'gi ya pur mchis na / 'o na re shig re shig na / / lung 'gI ya phu brag dmar rum nas34srin rta khra mo gchig byung / yul lung 'gi ma mda' nas / cu rta sngon po gchig byung ste / rta gnyis 'tshos kyi bu rmang gnyis 'thams kyi bu lo'i dus / su35sla'I man du rte'u bal bu mchog rum gchig byung ste rte'u ma phyi 'brang rmang bu yum phyi dgyu zhing mchis na / / sang phod lo'i dus sla'i man du / yang36rte'u bal bu mchog rum gchig byung rta bzhi rmang bzhI zhig / nyin zhing [---] ri dkar gyi rtsva la za zhing sribs ri gnag gI cu la 'thung zhing mchis na' /37['o?] na' re shig re shig na' / khye'u ra rdzi cha rdzi pos jo bo rtsang ho de'I hos [bdag?] dang smra bon gyi zing ba zIng skyes kyi snyan du gsol de nan skor gong ma38las 'byung ba bzhin bgyi / / jo bo rtsang ho de'i hos bdag dang smra bon gyi zing ba'I zing skyes kyi zhal nas / 'o na khye'u chi bden chi brdzun zhes rta [gzigs?]39su gshegs gshegs na' / / khye'u ra rdzi cha rdzi chi mchi chi mad de / rtsang hos bdag dang rma bu zing ba'i zing skyes zhig slaru byon te / ra bdun cha /40bdun bal te / rta'i kog tshe rmang 'gi kog tshe ra snyi thing ka lag bzhi zhig bgyis ste / rta gling khyad khyud ljad ljod du btsugste / pu nas khus btab41mda' nas g.yab bor na / rta dkyus ste mchis rmang dkyuste mchis nas / ra snyi thing ka lag la / cu rta sngon po zun nas rgal pa thabs gchig rgal42[na?] ra snyi [thing?] ka lag chad de lung 'gi ma mda' na mtsho so rum du bros kyis ma mchIs / srin rta khra mo zun te rgal pa thabs gchig rgal na ra snyi43thing ka lag chad de lung 'gi ya pur brag dmar rum du bros ste mchis / / 'o na rte'u bal bu gnyis shig zun te / rgal pa thabs gchig thabs gnyis44thabs gsum rgal kyang ra snyi thing ka lag ma chad de / / rte'u ma shorte / de ru zun na / rtsang ho de'I hos bdag dang smra bon gyi zing ba gnyis45kyis bse 'i cho rol du ni bcug mthing 'gi dmu rtod kyis brtod nas / / mying dang mtshan btags pa' / pho ni bkra la byar btags nu bo ni gnag46dom byar btagste dkor dang dagsu bgyiso / / 'o na lcam lho rgyal byang mo tsun zhig / / yul chab kyi ya bgor / rje gu ge rkang phran dang gnyen47dang gdumdu bgyiste / rje gu ge rkang phran gyi gnye bo myi brgya rkya brgya zhig yas se byung na / / lcam lho rgyal byang mo tsun gyi mchid nas / / yul kha la48ra nga stod ni bkrod ching shul ring la / / zhang zhung gu ge rkang phran ni 'dris shing sdang / nya gro ni bcha zhing kha 'is gsung nas / rtsidag gnag gis49'gegs ste de ru nongs na' / / 'o na yab rtsang ho de hos bdag dang mying smra bon zing skyes kyis nang gi dro la bzhengsu gsol na yang50bzhengsu ma gnang nub kyi 'on la bzhengsu gsol [na?] bzhengsu ma gnang / / ste lcam lho rgyal byang mo tsun ni zhal ni mun re phab / rtsi dag nag po ni mgul51na nar zhing mchiso / / pha yab rtsang ho de'i hos bdag dang dral smra bon zing skyes kyis / / pha gshen rabs kyi myi bo'i snyan du gsol te / myi ngan52bu 'i bu mo lcam lho rgyal gyi byang mo tshun ni / rtsi dag gnaggIs 'gegste gum na / da rtsi dag gnag chig dgrol 'tshal zhes bgyis na / pha gshen53rabs kyi myi bo'i zhal nas / rtsi dag gnag po ni dgrol myi 'tshal / bya gshen 'jon mos dgrol 'tshal zhes gsung na 'o na bya gshen 'jon mo zhig54bya bon bang pa bang reg chig gnyer du btang na yang bya gshen 'jon mo ma khugs nas / / skyin po ru thog rje zhig bya gshen 'jon mo55gnyer du btang na / bya gshen 'jon mo zhi khugste mchis nas bya gshen 'jon mo 'is 'geg lug nag po dang 'geg ra rgya bo zhig rgyusu brgyus56nas / nub gsuM bon gshen bon du bsgyerd na sang 'gi nam nangs na 'geg lug nag po dang 'geg ra rgya bo la bdud dgu ni bdud du bor zhing57mchis / / lcam lho rgyal byang mo tsun gi mgul nas / / rtsi dag gnag chig grol ching mchiste zhal mdangs dkar ni sla re 'od de zhal dang58bzhad pa lta zhing bzhugs nas / / yab rtsang ho de'i hos bdag gis shid du ni gtang 'tshal 'brang du ni gzugs 'tshal zhes gsung nas59rgyal thag brgyad bas la bchas se gru bzhi lung du brtsiste / yab kyis do ma ra ni bkra la bya drangso / / mying dral pos ni / sring gi ba ru gnag60dom bya drangste phan te bsod gna' phan da yang phan gna' bsod da yang bsod / /