Pelliot tibétain 1194

1[---] [lug?] bu myed de da'i [sno (/sdo)] dang thong tho[-] [---]2[---] bu 'i tshab ma / / bu the zhon ne zhon <ma> bu ma myed ma ru rung gis gsung <gi> nas / / gi[-] [---]3yab dga' zin de'i ched po 'I / / po brang re bo gnag gi 'brum du / / ste se cung gru bzhi [bcas?] [---]4[bdang?] btshugs bya dgyi bzhi yang gnam du spu dad te <g>pho ma thing sngon bas la bros / <ra> sa ri [---]5sa [---] ste pha gshen rab myi bo dang dur shen rma da dang sgal shen tho'u yug zhal na re / [---]6[---] zhon ni bu [ma?] [myed?] kyi khyod kyi sman thang thang [brla?] ma ni / srin ^ag [se?] [rgyal?] pa 'is ka[-]7[---] la sten byang du ['chal (/'tshal)] te ma srin du rdzus kyis myed do ma dred mor ni rdzus kyis myed8[ma?] [srin?] rdzus kyi chab ma [du (/ru)] / <sba?>sbrang chang khyal khyil du sbrang zi ma gong te [dul?] gyis sbrang rtsi dngar9la [gsos?] / sbrang rtsi dngar za za na / sbrang pyug tshar te mchis na bu gso'i [sgyad?] nas spang [snar?]10[---] nong du ma dgo dang de ru mjal te / ma dgo 'is bu (interline<) de [ru?] (>interline) gso gso nas / <ma ma?> dngar byang byang ni [---]11[---] kyi zho nyug pyang pying ni sbrang nu ma 'i rtsi / bu ma myed kyi go ni ma dgo mo spang snar g.yel12ma [---] 'is bgyiste / da dga' zen te chen po'i dkor g.yang ngo rtsa'i bu spyangkhukhu nya skyes to<'i> d[-] [---]13ne [---] bu [rlag?] ste zer tong tong g.yub bun pun zhing mchis ste / <g>lug bu myed kyi ni bu ru te [zhon?]14ne [zhon?] bu myed bu ru bgyi 'chalo gsung nas<u> g.yang mo ngo rtsa ni bu the zhon ne zhon bsnam shing15[---] bskor bskor na ni bu[-] gda' / bltag bldag ni dbo tsha gda' ste [dad?] [---]16ni [---] zhing mchiso / pha gshen rab myi bo dang dur shen rma <b>da'i zhal / [---] g.yang ngo rtsa khyod [---]17bu [-]yad ni bu'i skyin ba rlag gi ni chab ma 'o 'ba' 'ba' ni bos shing songshig gshin pyir du ma18gson 'gro mod ma sman thang thang bla ma'i go ma<'i> dgo mo yar gyis gsos te ma dgo breng ni <zho>19[ma'i?] go mdzod chig / sbrang rtsi nyag nyug kyang lo'i ni brgyags lags mod / da chos gsar ma lagso khar20[bani?] rnying gi lugso / 'o na bu te zhon ne zhon la phan ching bsod do / bu ma myed kyi go yang de ltar <bu> go ma bu21myed kyi go yang de ltar go / di ring sang lta na myi smo pa yang cho las smoso / shi ba'i <'>pha dang ma smos bu [---]22kyi pha mas lasu lha mchod <nu> mchod na mgosu <mu> lha ma 'goste dmu dag dkar po gyang du bchado skyin ba dar [---]23[mnyed?] [---] [gyis?] ma 'tshabs ma dzil du ni gnam rdib na dka ba ni ris ma rton dkra dung bud gshegs na pha[-] [---]24pa [ltas?] [lond (/lind)] / du mod gnam gang la pha dang ni gtam bgyi mod gna' 'i gtham bgyis da'i srung du25lo gtam byas na myang ro ni rmad du gda' 'o / / ma<'> drin drin ni ['bod (/'god)] ching 'dugo / dngar zho dngar ni 'di na26yod do / bu <m>mtho la ru yang ma phrang shig dma' rab du ni ma tshin chig / ma sbrang ci <g>nyag nyug kyang 'di na yodo27ma dgo 'i zho ga [gug (/bug)] mo yang 'di na yod do <bgos?> gda' pye mar 'da' 'de yang 'di na yod do bu gnyen 'o28[byams?] kyi sris don no bu ma 'dod ma la ltos shig <shig> nu sru 'dod ni sru la <la> ltos shig / bu 'dod ni zhang la [ltos?]29shig char yas bab pru gsolo [sji?] mas langs kyI skyabs gsol lo / / bu <la> chang pha dang gtam bya mod bon dang30srung blango / bu khyod ma yin snyam ste ma yin no bu khyod ma ni srin mor sjus kyis myedo dred mor sjus kyis myedo /31/ [ma'i?] lag na thag zangs gzangs rings khyer te pu rkang pa gchago zer ro <ma'> bu ma'i lag na mthing gi nam [---]32khyer te bu'i dmyig bru 'is zer ro / gson gshin shed myi mthun no gson gshin brda myi mjald to nying zhing ga33[gchig?] mtshan zhing dgongs myi mthun bu shi ba dang ma gson gnyis kyang gson gshin brda myi m[-]34lo bu gshin <du> dang ni ma gson gnyis bye 'is myed do ma 'dod ni ma'i go sru 'dod ni sru 'i go / ma drin35drin 'de re ga lug spo ma nyi du khyod pha dur shen gyi rma 'is thugs drung nu ni chems bzhag go snyan drum du ni36sil don to myi ma myed kyi ma'i tshab mar bgyi 'o shi ba'i mying nas dbyung shi 'i tshab ma rlag gi skyin ba37'o / shi'i skyin long shig rlag tsha<m>b long shig / than gshin than ni chi 'is bgyi bya rgod kyi ni pha [smo?]38na rgo[d?] po thang yag chig rgod <ma> kyi ma spos na rgod mo thang ro ldem yag <ch>chig bu rgod pur rmang <rno>39rnon chig / pha bya ba than ngar <zhig> gyis bya <g>snyi gstsang bres ste gstsang myi gstsang ni 'og du zhugso smye40khyi smyi khyi ro bam ba ni steng du bor bya snyi ni gstsang bres so rgod thang kar thang nag thang ser gsum41ne [ru?] <b>b<kub>kum ste rgod gshog g.yas kyi gung ru blangs ste than gshin than gyi than du yang ma42rung ngo gnam du yar kyis ma mchiso gshog la 'o mnyan to (interline<) rgod kyi (>interline) g.yas gshog gi 'og ru blangs43ste [than?] gshin du bgyi shis bgyis na / gshin than du ma rung lha'i gshog du yar gyis ma mchiso44de 'i 'og rolna gshog ru zhig than gshin than du rung ngam bgyis na / gshin than du ma rung ste na45cha yang gsas kyi glad la bya ru khyung ru 'ong 'ong / te lha dang gsas kyi gshog / rgod gshog g.yon46<pa> kyi gung ru zhig <than ga> myi gson gshin kyi than tang prin du bgyis gshog la rgyus btags47na lam rgyu<s>n lam ni breng breng gshog la spos btags na shul lam spos btshon to gshog48[---] ma sgron shing btags na bye bar ni lam lam gshog khab btags na skas [lchags?]49[skas?] gnaM du zang zang / gshog la god kad bya rjungs btags na / gnam mthongs <mye> ['gyed?] [---]50sprin gyi go seld to / / gshog la mtshal btags bye bar ni lam lam zhing mchis gshog51la chong btags na / lam chong lam ni chong gi dmyig na zangzang gshog la spug52btags na lam spug lam ni khyud khyud gshog la gzig btags na gzi lam ni 'ol53'ol lha gsas kyi nan thu yang che smo ma nye ma than prin ni rgod kyis bgyis <shul lam> lo54<ba> rabs ni gshen kyis bkrol lo pha dur shen rma da 'is ma bdur kyang gchig myed do mtho55bya 'is ma bgoms ma bchags kyang gchig myed do zhes byas la lugs rabs bgyi'o56lug la 'o mnyan byin g.yal skyi lug la chags phab la lug la ma gos bsgon gtad57da spo ma nyi du ma smra yo ba la mcho myi 'tsham mo go ru chag <cha?> pa la gnyar myi 'grangngo58rgyal po gchig nongs na rgyal phran yang tha<g>go dbyi mo gchig drangs na se skyer drung yang59[yo?] gchig chig <cha> nyam nyes na gnyen lam mtha bzhi yang thag <ng>go / spo ma nye du khyod60[kya?] chab gang la ru ni bgyi 'tshal lo gson <lu> yul ni rtsva za bas gshin yul 'brem dang61na 'bras kyi lcang pa dang pye mar ['da (/'de)] 'de dang bu ram 'u gu cu 'thung ngo / bstan ngag tshig gsuM62rga ma zhir ma nyan na sha bya za ni ral ma rold rus pa gle 'cha yang khal ma khol lo mgo [---]63[rjim (/rjis)] bdas ni ban ma bun khrag sas 'thungs ni chab ma chibbo spo ma ni dgyes lags dang64ni lod lags sam bsnamsshing bu [ri?] gda' 'o bdags shing dbon tsha gda' 'o / mtho ste ni65gong [srag (/sreg)] ma bu mo dang mnyam du la rgol chig thul thul ni kha pyogs shig dma'66ste rab 'bog kyang nya be ba ltum <pu> pho dang mnyam du rab 'bog shig <sub> sab sub du67[dab?] gzhom shig lam lum du [rgyim?] 'dor zhig da chos gsar ma <'>yin khar ba ni rnying68gi gtshug / yul dag yul byang rnams na pha dang yab kyi mtshan na dga' zin te'i chen69po zhig dgo mo ma bu myed kyi ma'i go / sman thang thang brla ma 'i dkord dgo <so> [yad (/yar)]70<kya> rno ma yang bu myed kyi ma 'i skyin lagso / / sbrang rtsi <ma> nyug mo bu ma myed kyi ma [sman?]71thang thang brla ma'i skyin gyang skyin g.yang mo dka ri ngo rtsa yang bu the zhon ne zhon gyi bu72ma myed kyi skyin gyang skyino ma stor gyi skyin gyang skyin no ma rlag gi tsham ma yang <cham> tsha73ba ma [mod (/sod)] gna' de ltar phan ching bsod do / / gna' de ltar phan ching bsod na di ring74de ltar phan ching bsod do / da bu ma myed <'>skyin ba 'o bu ma 'dod kyang ma la thos ma bu75'dod kyang bu la <b>ltos shig bu [pru (/sru)] 'dod kyang [pru (/sru)] la ltos shig / tshva 'bras lug tshva spyi [dkar?]76gchig kyang lug chig dang na mnyam mo / bu myed kyi ma ru bgyi'o gnyen 'o byams kyi sris77[don?] no / rgyal thag brgyad gchor 'don no / /