Pelliot tibétain 1285

r1chab che 'or du snyung / dbyal mo gnyi ru snyung / skan mo lde ru snyung / blon po klu [---]r2mngad cIng ses kyis mngad du mngad / / rma mngad cIng ses kyis rbu ru rbu [---]r3rI sum sha ma bshor / thang rI / 'brog ri / byang rI rbum pa gsum / zhIg sha ma bshor / [---]r4byang mtsho gsum zhIg nya ma bshor / / pha bo tho ru gshegs / chab gor kar tho ru gshegs [---]r5gshen / zhal na / / ji mnabs na / bu dam gdan ngar zhIg mnabs / / phyag na jI bsnams na / dar [---]r6zhI byi stsan / bu mo bzang byI bsgon zhIng zhi ma stsan gyi pha bo ba / myi sgon zhim myi stsan / pha bo bzang myi bsk[o]n [---]r7skyid de ma / ngad bya drug mo gyen zhig skyid de ma / mna'bas kyi na' bza' / gyon gyis / bye'u dro dro lta' / bshos kyi pham pha [b-] [---]r8bye'u zhIm zhim lta' / / bya' bya' / 'thung la mngad / thang te zangs / 'thung le mngad / / bya gsang du bslugs / sgon ka mang du [glu-] [---]r9mang du / glags / bu mo byang shin / bu mo zhong bu mo / rkong shin bu mo zhig zhal na ji mnabs na ska dang g.yer zhig [---]r10[---] [bsnams?] na' sngon mar mjes bzhi bsnams / bu mo bzang byis / bskon cing bu mo zhi byI stsan / bye'u bzang byI bso [---]r11zh[a?]n by[i?] stsan no / / bye'u skyId de ma / ngad bya drug mo gyen cig skyid de ma / nad la tshol ni khro / rId la tshol ni khro / myi snyung tsho dgu [---]r12snyung tsho dgu rbu bya la bshan / bya la mngad / bya la gnas mchIs te / bya la dkos mchis gyis / myI la tsher ltar phyung zhIng / [---]r13lta bzug / myI la phags ltar bzhus shIng bya lnga lhan ltar thob / / de nas myI sha' bgrang zhIng / byI sha yang myI sha dang 'dr[a] [---]r14myI nad cho dgu bya la dbu zhes bgyI 'o / / sang gi nam nangs dgung sangs na' / rI spo mtshal mnabs na' / sha bzhI gnag [d]u [---]r15bzhI sngo ru shog / sha bzhI ser du shog / sha bzhI smug du shog / gzhug rgyan gzhan nI 'dI dang 'dra 'o / / ### r16 / / yul smra yul thag brgyad na / pha dang yab gyi mtshan / smra' dIng ding dIngs kyi rje / ma dang yum gyI mtshan dbyal gun gun ma btsunr17bshos tang nams kyI sras na' / bu mo rung byung sras lcham du / bltam myIng dang mtshan btags pa' / thang nga brla mar btags / tha ngar18brla ma zhIg / gong la sdangs btsal / stangs mchIs / smra gol skyi ma zhig / than gyi rje btsal rje ma mchis / rkong yul bre snar mang du mchisr19rkong de dkar po zhig tha nga brla ma'I gong stangs btsal stangs ma lags / smra gol skyi ma rje ston rje ma lags / myang dang thags [sum (/tum)] nar20myang chun rgyal po zhig / tha nga brla ma'I / gong la ltangs ston stangs ma lags / smra gol skyI ma than gyI rje ston zhong du dam [rcun (/rtsun)] [zhing (/zhig)]r21rje drum po zhig tha nga brla ma'I / gong la / ltangs ston ltangs ma lags / smra gol skyi ma'i / than gyi rje ston na rje ma lags / mchimsr22yul dgu sul na mchis rje / gnyi sla tshe'u zhig / tha nga brla ma'I / gong la / ltangs ston / ltangs ma lags / smra go skyi ma'i / than gyI rje stonr23rje ma lags / / dags shul shing nag na' / dags rgyal sprogs zhIn zhig / tha nga brla ma'I / gong la / ltangs ma lags / smra gol skyi ma'i / thanr24kyI rje thon rje ma lags / / rngegs yul gru bzhI na rngegs rje gling brang tshe'u zhIg tha nga brla'i gong la ltangs ston ltangs ma lags / /r25smra gol skyi ma'I than gyI rje ston rje ma lags / / phu 'ol phu gda' dang na' / 'ol rje zin 'brang zhIg / tha nga brla ma'i gong la / ltangsr26ston ltangs ma lags / smra gol skyi ma'I / than gyi rje ston rje ma lags / / dbye mo yul drug na' / dbyes rje mkhar pa zhIg / tha nga brlar27ma'I gong la / ltangs ston ltangs ma lags / smra gol skyi ma'i / rje ston rje ma lags / / yar lung sogs dkar na 'o lde spu rgyal zhigr28thang thang brla ma'I gong la ltangs / ston ltangs ma lags / / skyI ro lchang sngon na skyi rje rmang po zhig / thang thang brla ma'I gong la / ltangsr29ston ltangs / smra gol skyi ma'i / than gyi rje ston rje ma lags / / da' re shig re shig na' / g.yu ro lung sum na' / thang ba g.yu thang zhig /r30thang thang brla ma'I gong la / ltangs kyang ltangs / smra gol skyI ma'i than gyi rje btsal rje yang rnyed / thang thang brla dang thang ba g.yu thang gnyisr31myI bshos mching rnams zhIng bzhugs / na' re shig re shIg na thang ba g.yu thang byang 'brog snam stod du / sha shor 'brong 'gor bzhud / sma gol /r32skyI ma ni / sha bal gtshogs bal / thu ru mchis / thang ba g.yu thang dang / smra gol skyi ma gnyis shig / sha bshor sha ma khums / dgo brims dgo mar33khums / kha bab byang 'thul nas / dbyam bu mtha' bsregs nas / thum thum brnal gyIs log cing bzhugs / / bzhugs na' g.yu bo lungr34sum na' tha nga thugs gyis / tshor brla ma thugs kyis tshor / thang thang brla ma zhIg / thugs snyung 'brang gam nas / gnam gyI nad ka cho dgu / skin kar35lde brgyad gnyI byung zer las gtang / zla byung 'od las gtang / skar byung zil las gtang / sprin byung gnur la gtang / gzha' byung 'od lasr36mangs ste gtang na' / byang 'brog snam stod na' / thang ba g.yu thang zhIg nad ka' cho dgu / skin ka lde brgyad cig / gnyi byung zer / zla byung /r37'od skar byung zil / sprin byung gnur / 'ja byung 'od las mchI ste / thang ba snyun gyis btab / g.yu thang snyun gyis btab / nu nu nam myI nangs /r38ston nam phru bo nam myi nangs / tsu tsu nyin myi nub / dpyid nyI dung yug / khu grags / g.yang bshos nyin myi nub / brla phag sha bre skams / ma khad /r39'og phag smya lo rul ma khad / dags rI dkar po las / pho gshen thod / dkar brgya' bsdus te / smrigs tang sha ra ra / mo btab phya klags gyangr40snyun gyI zo ma 'tshal / skran gyI lde ma rIg / sribsri nag mo la mo gshen dgu brgya bsdus te / mtho dang ljags se ljags / mo btab phya klags /r41kyang snyun gyI zo ma 'tshal / nad kyI lde ma rig / / bon po lam ba' mchIs / smra bon lam ba mchis / smra bon zing ba mchis / lam ba mchis smra /r42bon zing ba yis / kha smye gangs la bgrus / lag smye mtsho las bkrus / bsnyal / mo btab phya klags sna / snyun gyi jo yang 'tshal / skran gyir43lde yang rig / / smra bon zing ba mchid na re / thang ba g.yu thang 'dI / / kha bab / byang 'thul nas / / smra gol ni skyi ma dang / dbyam bu ni mtha' / /r44bsregs te / / thum thum nI brnal cing bzhugs bzhugs na' / g.yu ro ni lung sum na' / thang thang nI brla ma thugs kyIs chor / thangr45thang brla ma thugs snyung nI 'brang gam ste / / gnam gyi nad ka cho dgu / skar ka lde brgyad / cIg / / gnyI byung zer / zla byung 'od / skar byungr46[---] la / sprin byung gnur / 'ja byung 'od la mngags ste btang / / thang ba' g.yu thang zhig nad ka' / co dgu skar ka lde brgyad cig gnyIr47byung zer la mchIs ste / / thang ba snyun gyis btab / g.yu thang snyun gyis btab / ces bgyis na' / / thang ba g.yu thang gis / / ro gur48ni spyan rnon las / than tang ni phrin btang ste / / smra gol nI skyi ma 'is / / snying yang nI ma rings so / mtha yang ni ma' grangs / kha bab ni byang /r49'thul nas / dbyam bu nI mtha' bsregs nas / / thum thum ni brnal bas nas nad ka ni cho dgu dang skrar ni lde brgyad kyang / slad du ni sdus shigr50dang smra gol nI lde ma yang / sha bal nI gtshos bal 'tshal te mchis shes bgyis / / ro gu ni spyan rnon gyis / g.yu ro ni lung sum du /r51thang thang brla ma'i snyan du gsol / / thang thang brla ma zhIg / nad ka cho dgu skar ka lde brgyad / gnyI byung nI zer / zla byung 'od / skar byung zil / sprInr52byung nI gnur / 'ja' byung nI 'od / slar ru bsdus / se smog rub du bcug na' / / byang 'brog snam stod na' / thang ba g.yu thang snyun kyang gdangsr53thang ba g.yu thang dang / smra gol skyi mthing gnyis / sha bal gtshos bal 'tshal te g.yu ro lung sum du mchIs / na' sha bal gtshos bal ni / thangr54thang brla ma'I phyag du phul / / smra bon zing ba zhIg / gnyer te nad lhag rId lhag / nad phur rid phur nI / spang srin phyi bal / rbu skyen de la rbu / gshan /r55skyen de la bshan / / thang ba g.yu thang snyun kyang bshos / gna' bas da' bzang / phrum bas lod dkar / / da' de ring sang lta' na / myI rma bu /r56mching rgyal / 'dI yang btsan dang nI slungs kyis nI myi mngad do / / yod tang phyug gis myi mngad do / / na 'is mngad do / tsha 'is mngad do / /r57nan gzhan nI gong ma dang 'dra'o / / mtshal mngad do / bgyi / / de'i 'og tu ro mngad bgyI / de'i 'og tu sten mngad bgyI / de'i 'og tu dmu mngadr58bgyI ba'I rabs la' /:/:/ dmu yul dang brang gsang brang / rga rga dgyI dgyi / stang stang / steng steng / dmu mkhar / rgya la rgyal / 'jongr59gi nang na' / dmu'I pha yab gyI mtshan na' / gtangs brag cha dang dang / ma yum gyI mtshan / dbyal drum cha'i ngur ngur / bshos tang nams kyIr60sras / mying po dral po thang ba dmu thang / 'brIng ba dmu 'bring / / srIng mo lcham / tha nga dmu mo thang / 'brIng nga dmu mo 'bring / dmu lcham gong nga gong chung zhIgr61bzhugs / / da' thang ba dmu thang zhIg / mtho ste lha myi 'da' / dmu la gong sum la myI 'da' / / dma' ste rab myI 'bog / dmu mtsho thor ba' /r62rab myi 'bog cIng bzhugs bzhugs na' / / da' re shig re shig na' / thang ba dmu thang zhIg / thugs su gdon bchug / phyag du mtshon dar te / rta'r63la bchibs ste gshegs / dmu rta shu bzhur la bchIbs ste / dmu la gong sum du gshegs / mtho ste gnyan zhIg langs / dmu la gong sum /r64gnyan zhIg langs / dmu mtsho thor ba'i / 'gram du byon / dma ste klu zhIg langs / thang ba dmu thang / hu nu nam myI nangs / ston nam phru bo nam /r65myI nangs / / ^u tshu nyIn myi nub / dpyId nyi dung yug / khug grags g.yang bshos nyin myi nub / / bla ru gdugs bor snyung snyung lta / 'og du gdanr66btIng brtse brtse lta / dags rI dkar po la' las / pho gshen thod / dkar brgya bsogs te smrigs dang shar te shar / mo btab phya klags kyang /r67snyun gyi zo ma rnyed / skran gyi lde ma rIg / / srIbs rI nag mo la' / mo gshen zhu bub / brgya bsdus / mtho dang ljags se ljags / mo btab phya klagsr68kyang snyun gyI zo ma 'tshal / skran gyI lde ma rIg / / bon po lha mchi shIg / dmu bon ye'u than rmang ba la mchI shig / / kha' sme gangs la'r69bkrus / lag smye mtsho la bsnyal / gto zhing dpyad / dpyad na' / bram zhIng byul byul na' / snyun gyi zo yang 'tshal / skan gyI lde yang rig / /r70dmu bon / dmu bon ye'u than btsan ba mchid na re / thang ba dmu thang 'dI / thugs su gdon bchug / phyag du sa phyar te / mtho ste la 'das na'r71dmu la gong sum la zhIg 'das / dma' ste rab 'bogs na' / dmu mcho thor ba rab cIg 'bogs / mtho ste gnyan langs na' / dmu la gong suMr72gnyan zhIg langs / / dma ste klu langs na' / dmu mtsho thor ba klu zhIg langs / shes bgyIs na' / thang ba dmu thang mchid na re / mngad du /r73chog myI cog / dbu ru chog myI cog ces bgyis na' / dmu bon ye'u than mchid na re / mngad du do yang chog / dbu ru do yang chog / bshan du do /r74yang chog ces bgyis na' / mngad skyen jI la mngad / rbu skyen jI la rbu / dmu rta shu bzhur la' / / gser sga bang pa dmyIg gis bstad / dung /r75srab tshIg pas bsrabs ste / nub sum rbu ru rbu / nang sum shan du bshan / / mngad skyen de la mngad / rbu skyen de la rbu / bshan skyen de la bshanr76bslen skyen de la bslen / thang ba snyun kyang bshos / dmu thang bshos / gna' bas da' yang bzang phrom bas lod kyang dkar / / de ring sangr77lta na' / myI rma bu mching rgyal yang / btsan dang rlungs kyis myi mngad do / yod dang phyag gIs myI mngad do / / na yis mngad do tsha 'is mngad do /r78rta la mngad na / shu bo shu bzhur la mngad do / sga la mngad na / gser sga bang pa dmyig la mngad / srab la mngad na / dung srab tshig pa la mngado /r79'jug / gzhan nI / nan gong ma dang 'dra 'o / /:/:/ lde mngad kyi rabs la / / yul yar lung sogs dkar na' / mkhar bar por80zo brang gI nang na' / ga gar ltangs kyI rje / zhig bzhugs / ga gar ltangs gyI rje zhig mtho ste la myI 'da' / brag la lham po la myi 'da' dma' ster81rab myI 'bog / yar chab sngon mo rab myI 'bog / cIng bzhugs / bzhugs na / / re shig re shIg na' / ga gar ltang gyi rje zhig thugs su gdonr82[---] [phyag du sa] phyar nas / mtho ste la zhig 'das / brag la lham po myig gi la zhig 'das / dma' ste rab 'bogs nar83yar chab sngon mo rab cIg 'bogs / mtho ste gnyan langs na / brag la lham po myig gi gnyan zhig langs / dma' ste klu langs na' / yarr84chab sngon mo klu zhig langs / ga gar ltangs kyI rje zhig phyag zha brang la zha' / zhabs zhas 'gab du bskums / ha na na 'Is nam myI nangs / stonr85phu bo 'khyeg chom / nam myI nangs / ^u tsu tsu nyin myI nub / dpyid nyi dung yug khug grags g.yang bshos / nyin myi nub / bla phag sha bre skams ma'r86khad 'og phag smya lo rul ma khad / / dags rI dkar po la / pho gshen thod dkar brgya bsdus ste / mo btab phya klags kyang snyun gyI zo ma 'tshaldr87skran gyI lde ma rIg / / srIbs rI nag mo la / mo gshen brgya bsdus ste / mo btab phyag klags na' / snyun gyI zo ma 'tshal / skran gyi lde ma rig /r88bon po la mchI shig / lde gshen rmun bu la mchi shIg / lde gshen rmun bu'Is / kha sme gangs gangs la bkrus / / lag sme mtsho la bsnyalr89ga gar ltangs kyI rje / zhig mtho ste / dbu ska phyar phyur man chad du / gma' ste zhabs kyi rjes mchIl yan chad du / rgyang bu slan mar la'r90rbu skyen de la rbu / mngad skyen de la mngad / bslen skyen de la bslen / / rngegs smo gru bzhI na' / <rje> rngegs rje glum 'brang tshe'u la / rngegs /r91shen sto bo so ngan 'Is / ye zu ha ra chung la rbu / / dags shul shIng nad / na' / dags rgyal spro zin la / dags gyI rgyal gshen ho da 'isr92rna po mching tang de la rbu / / mchIms shul dgu sul na / mchims rje gnyI zla tshe'u la / mchIms / gshen lo rab 'brIng snar skyol gyis /r93gla po 'gab na la rbu / / zhong du dam dru na' / zhong rje drum po la / zhong shIn lon shin / thang po 'Is / bra' ba rtsing kar la rbu / rkong yul bre snarr94rkong rje dkar po zhIg / dbu snyung yang ma yong / spyan snyung blang ma bleng / thugs snyung mang ma mong / bon po la mchI shig / rkong shen dog por95dog rnying gis / sre bo ru 'jong la rbu / rgyal mngad cIng ses kyis mngad du / mngad / rgyal mngad / mngad cIng ses kyis rbu ru rbu / 'ong zug gisr96thub gyI cha len gyIs cha' / snang gIs cha' / zug gIs cha' / 'ong gI ma bthub / ma bsnar / ma len ma zug na / 'ol mngad / mngad cing /r97ses kyI mngad du mngad / 'ol mngad cIng ses kyis rbu ru rbu / /:/:/ 'ol phu dga' dang na' / / pha dang yab gyI mtshan / 'ol rje zin brang lo /r98ma' dang yum gyI mtshan brag za slebs sma gnyIs / bshos tang nams gyi sras / / bu mo ru byung sras lcham du bltam / / mying dang mtshan btagsr99pa' 'ol za lham bur btags / zhal bzang zla re 'od / tshems bzang 'gron re dkar / dbu bzang ljang re 'khril / ring bzang smyug re ldem zhingr100bzhugs / / skyi ro lchang sngon yI ba na' / / skyI rje rmang zhal na re / myI mtha' gnyen du bgyi bal lta g.yag du rmal / / sol dang rgyus su bcha'r101khab tang gdar du bzhed ches gsung / than mchis shu ru ru / phrin mchis se ra ra / nya lung brag 'or na / brag rgyal thang po zhal na re / myi mtha' gnyenr102du bgyi / bal dang g.yag du rmal / sol dang rgyus su bca' / khab tang gdar du bzhed ces gsung / than mchis shu ru ru / phrin mchIs se ra ra / /r103'ol rje zin brang zhIg / nyIn sum bsams / mtshan sum / mnos / / lam rIngs nye du bas / lam thung khyIm tshes bla' / brag rgyal thang po khab dur104bon / 'ol za lcham bu dang brag rgyal thang po / gnyis / myi bshos su bshos / mching rnams su brnams / shIng bzhugs / / 'ol za' lcham bus bltasr105shing gzigs na' / brag rgyal thang po'i / yul ngan sa dogs ste / 'ol bu dga' dang na / pha yul phrog snyam ste / yab yul phrog snyam ste / kham lenr106mo'i tshigs / nya' / smang ma'I sku / bya' rIgs spa'I lhu las / zam zam rma 'og du / 'ol zam rma 'og tu jI btso / khva la la / dug btso / khva la la jir107btso / khyI khyi li li dug btso / khyI li li khab myIg che gang na / 'greng ma che'i bdud / khab myig chung gang na 'greng ma chung gi bdud / / 'ol dug khur108ser ma / nya lung lhen mong brgya' / las / bskus pa'I gan du mchis / yab kyI gan du mchIs / nya lung lhen mong brgya zhig pha'i phyag du phul /r109'ol rje zin brang gis / gsol ba / sku ru gsol / langs pa dug du langs / 'ol dug khu ser sku ma gdings su langs / ha na na yis nam /r110myi nangs / hu tshu tshu 'is nyin myi nub / pho gshen / mo gshen brgya bsdus kyang / snyun kyI zo ma 'tshal / 'ol bo ljang tsa gshen gyi mon yug gIsr111snyun gyI zo yang 'tshal / skran gyI lde yang rIg / ljang tsha mchid na re mon yug mchid na re / / 'ol za lcham bu yIs / 'ol dug khu ser / nya'r112lung lhan mo brgya la / bskus / 'ol rje zin brang sku ru gsol / rlangs pa dug tu langs / shes bgyis / / 'ol rje zin brang zhal na re / mngadr113du chog myi chog / dbu ru chog myi chog / / 'ol bon mchid na re mngad du do yang chog / dbu ru do yang chog dbu ru do yang chog / mngad skyenr114jI la mngad / rbu skyen ji la rbu / mngad zung re lo / / lta nga pho chung zhIg bzung je lo / mngad bya bzung drug mo gyen zhIg bzung / ste nub sumr115mngad du mngad / nang sum dbu ru dbu / 'ol rje zin brang snyun kyang bshos / gna' bas da' yang bzang phrum bas lod gyang dkar / / de ringr116sang lta na myi rma bu mchIng rgyal / 'dI la phan te bsod /:/:/ / 'ong gis thub kyIs cha / chod kyis cha' / 'ong gis ma len ma zug / mar117len na' / / rgya mngad cIng ses gyis mngad du mngad / / rgya yul gtan bzangs na / pha dang yab gyI mtshan / rgya rje mying mtshan zhigr118ma dang yum gyi mtshan / rgya bdag btsun mo gnyis bshos dang nams kyI sras / tha nga rgya mo thang zhIg zhal bzang zla re 'od / rIng bzang /r119smyug re ldem / dbu bzang lchang lo 'khril / zhIng bzhugs / / lha yul gung na lha brtsan ba stang rje'i / khab dang dbyal du bzhed ces /r120gsung / than mchis phrin mchIs te / myI mtha' gnyen du bgyi / bal lta g.yag du rmal lo / zhes bgyis sna / / rgya rje mying mtshan zhalr121na' re / rmang gi bu cIg ma 'phan gyI myi ngo snyam / / dbul gyi ra cIg ma phyug gi mtsho po snyam / / myI ma' gnyen du myi bgyi bal ma g.yag dur122[myi? rmal?] / ches gsung / gzhan yang 'dI dang 'dra bar bgyi'o / / klu yul na dra gsing sngon gyi nang na' / klu brtsan rnga stang ra'I / zhal nas / khab dur123bzhed ches gsung / / myI yul skyI mthing nas / myI btsan chom po ba tI'I zhal nas / khab du bzhed ces gsung / / srin yul nag pa dgu sulr124na srin tsan dgu bo kha'i mchid nas / khab du bzhed ches gsung / / rgya rje zhal na re rmang gI bu cig ma / 'phan gyi myi ngo snyam / / dbul gyi ra cigr125ma phyug gi mdzo mo snyam / myI ma gnyen myI bgyi bal ma g.yag myI rmal zhes gsung / / re shig re shig na srin las rku byang ste / srin las snga byung /r126srin tsan dgu bo khas / / srIn rta' phyo sangs / nyIn sum gchud la bor / mtshan gsum lhags zla bor / rta' zhIg rte'u smyas / srin rta phyo sangsr127rte'u smyas / srin tsan dgu bo khas / / thang nga rgya mo thang gi / mchan du / rte'u ro bchug ste / bzhag / sang gi nam nangs dgung sangs na' / srinr128[tsha]n dgu bo kha'I mchid nas / thang rgya mo thang / rta dang rol rol tam / rta sras mchan na mnga' / pha yab gyi snyan du gsol lo / ma' yumr129gyi snyan du gsol lo / skad gsung / pha yab gyI snyan du ma gsol cig / myI ma kho mo srin tsan dgu bo kha'i / khab du mchi zhes gsung / nas /r130srin tsan dgu bo kha'i / khab du mchis / myi bshos shing mchIs / mchIng rnams shing / bzhugs / bshos tang nams kyi sras / sdig tang rur131[---] lag po che / sbar pa'I bu mo bong gsum / zam zam / rmang 'og du srIn zam / rmang 'og du srI zangs mar ba btsugs / ji btsor132khva la la' / dug btso khva la la / jI btso khyi khyI / dug btso khyil khyI / / srin dug mar ba dang spu dug reg chod / pha'i rangs su / za bog yid kyi /r133rIs / / ma'I rangs su go shon sto lo ris / srin dug mar ba' spu dug reg chod / bskus ste / pha'i rangs su bsnams / yab gyi rangsr134su bsnams / srin yul nag pa dgu sul nas / / rgya yul gtang bzangs kyi nang du byon / rgya rje mying mtshan la phyag ma dud kyIs 'tshald /r135sleb ma 'od kyis / bzung / pha'I phyag du phuld / yab kyI phyag du phul / rgya rje mying mtshan gyis / gsol ba su ru gsold / langs pa dug du langsr136srIn dug mar ba dang spu dug reg chod / na bza'I skyer nas langs / nu nu nam myI nangs / tsu tsu nyIn myi nub / pho gshen brgya bsdus te / mo gshenr137[brgya?] bsdus kyang snyun kyi zo ma 'tshald / skran gyI lde ma rIg / bon po la mchi shig leg tang rmang ba la mchi shig / mo btab phya klags na' / snyunr138[kyi zo] yang 'tshal / skran gyi lde yang rIg / / bon po rgya bon leg tang rmang ba'I mchid na re / tha nga rgya mo thang gis / srin yul nag pa dgu sul /r139srin dug mar ba dang spu dug reg chod / dar kar la yug brgya' / dar sna / sna chogs la bskus te / pha'I rangs su phul / yab gyi rangs su phulr140na na rgya rjes / gsol pa ring la gsol / langs spa dug du langs / spu dug reg chod ma' / / na bza'I skyer nas langs / shes bgyis na' / na nar141rgya rje mchid na re / mngad du chog myI chog / dbu ru chog myi chog / bon po mchid na re / dbu ru do yang chog / mngad du do yang chog / mngan skyen ji / /r142la mngad / dbu skyen jI la rbu / g.ya' bya gong mo dang / ngad ra lhang po chung dang / ngad bya drug mo gyen la nub sum mngad du mngad / nang sum rbu rur143rbu / na na rgya rje snyun gyang bshos / / da' de rIng sang lta na' / myI rma bu mching rgyal 'di / rgya mngad ses kyIs mngad du mngad / rgya mngad ses kyis rbu ru rbu / r144 / / / bal mngad cIng ses kyis mngad du mngad / / bal yul leng tang na' / pha dang yab kyi mtshan bal rje la nam zhig / / ma' dang yumr145gyI mtshan bal bdag btsun mo gnyis / bshos tang nams kyi sras / tha nga bal mo thang rIng bzang smyug re ldem / zhal bzang zla re 'od cing bzhugsr146na' / nags yul deng ba na / nags rje khri ba zhig / khab du bzhed ces gsung / bal rje la nam gyis / nags rje khri ba'i khab du bon / re shigr147re shIg na' / tha nga bal mo thang zhIg / nags yul / deng ba' / yul ngan sa dog ste / / pha la thugs chad yab la thugs chad de / sbal dug glang mchinr148ma nyIn sum byib du byib / nub sum / thab du bam / bam zhIng byib byib ste / khab myI che gang na 'greng ma che'i / bdud / khab myig chung gang nar149'greng ma chung gI bdud / / bal gyI phyas la bskus ste / / pha'I sku ru gsol / yab gyi sku ru gsol / / bal rje la nam zhig / gsol pa sku rur150langs pa dug du langs / / bal du glang mchin ma / sku ma sbyangs nas langs / ha na na yis nas myi nangs / / hu tsu tsu 'is / nyin myi nub / blar151phag sha bre sgams / sma khad / 'og phag smya lo rul ma khad / / dags rI dkar po la / pho gshen / thod kar brgya bsdus kyang snyun kyi zo mo /r152'tshald / skran kyi lde ma rig / / sribs rI nag mo la' / / mo gshen brgya bsdus kyang / snyun gyI zo ma 'tshal / skran gyi lde ma rIg / / bon po lar153mchI shig / bal bon rum la mchis shig / / bal bon rom po'is / gto zhing dpyad / dpyad na' / bram zhing bchag / bchag na' / snyun gyi zo yang /r154skran gyI lde yang rig / bal bon rom po mchid na re / bal rje la nam 'dI / tha nga bal mo thang gyIs / bal du glang mchIn ma / bal gyI / nya phyIs la / /r155bskus te / / bal rje la nam sku ru gsold / / bal dug glang mchIn ma sku ma sbyangs nas / langs / shes bgyIs na' / bal rje la nam zhal na' rer156[---] chog myI chog / dbu ru chog myI cog / ches bgyis na' / bon po mchid na re / mngad du do yang chog / dbu ru do yang chog / mngad skyen jI la / /r157[---] na jI la rbu / / bal la gong sum na' / / bal gyI ra' / brgya bsdus / / mngad ra cIg byung na' / lhang po chung cIg byung / / bal brag dmarr158[---] / bal gyI bya' / brgya' bsdus / ngad bya / cIg cig byung / drug mo gyen cig byung / / ngad ra lhang po chung dang / ngad bya drug mo gyen la / nub sum / /r159[mngad] du mngad / / nang sum rbu ru rbu / / bal rje lang tang snyun kyang bshos / / de ring sang lta na' / myi rma bu mching rgyal / 'dI / bal mngad [---]r160kyIs mngad du / mngad / / mngad ma cig ses kyis / rbu ru rbu / 'dI man chad kyang nan ltag ma dang 'dra' 'o / / ### r161 / / ltam mngad mngad cIg ses kyis mngad du mngad / / ltam mngad cIg ses kyis / rbu ru rbu / / ltam shul gung dang na' / / [---]r162bzhugs / da re shig re shig na' / / ltam za yas smo btsun gyis / ltam ba dgo mo zhig / bzhos ste / khang pa'i mthong su [---]r163[---] / nyi dug mthing sil ma / ltam ba dgo mo'i / zho'I nang du bab / / ltam za yas smo btsun gyis / ltam ba dgo mo'i zho / / [---]r164[---] / gsol pa zho ru gsol / / lang pa dug [du] langs / gnyI dug mthing sil ma' / sku ma gdIngs nas langs / ha na na [---]r165myi nangs / hu tsu tsus nyin myi nub / / bla ru / gdugs [bor? stang? stang?] lta' / 'og du gdan btIng brtse brtse lta' / / dags rI dkar po / / pho / /r166gshen thod kar brgya bsdus kyang / snyun gyI zo ma ['tshal?] / / [skran? gyi? lde?] ma rIg / srIbs ri nag mo / mo gshen zhu bub / brgya bsdus kyang / snyun kyir167zo ma 'tshal / skran gyi lde ma rIg / / bon po la mchi shig / ltam bon dmus long / / la mchI shig / ltam bon dmus long gis / gtho zhing dphyadr168dpyad na' / / bram zhing byul byul na' / / snyun gyI zo yang 'tshald / / skran gyI lde yang rIg / / ltam bon dmus long mchId na re / ltam rje ya bor169[---] ltam za yas smo btsun gyis / ltam ba' / dgo mo'i / zho bzhos nas / khang pa'I mthongs su / bzhag / nyI ma'i zer bab ste / gnyI dug mthingr170[---] ba / dgo mo zho / yI nang du bab na' ltam rje ya bo [sku?] ru gsold / / langs pa dug du langs / / ltam mngad [---]r171[---] [yul] rtsang ro dbyes kar na' / rtsang la bye'u zhig / dbu snyung spyan du snyung / gnya' na ltag du tsa na' / / rtsang shen snya [lngag] gI [---]r172rkang dmar la / nub sum / mngad du mngad / / nang sum rbu ru rbu / rtsang brang rub du bor / / dbu snyung / spyan snyung / gnya' na ltag [---] r173 / / skyI ro ljang sngon na skyI bla / bya rmang dbu snyung / spyan snyung ste / skyi gshen rgyan ngar gyIs / chu bya gnya' rIngs la / nub sum / rbu ru rbur174nang sum bshan du bshan / skyI 'phrang rub du bo / skyi bla bya rmangs / dbu snyung / spyan snyung yang bshos /:/:/ rkong yul bre snar gyi bar du /r175[---] gI bar du 'dI dang 'dra bar bgyI 'o /:/:/ yar lung scogs gar na' / / yar la sham po la / lde gshen rmun bu yis / khrung khrungr176[---] la rbu / / dbye mo yul drug na' / / dbye bla spyil / gangs zhIg snyung ba la' / / dbye' / gshen / / khar bu ljon phyug gis gisr177[---] ron phang la rbu / / 'ol phu dga' da[ng?] 'ol lha sha bzan / snyung 'ol gshen 'jang tsa mon yug gis / shug bya thi ba la rbu / /r178rngegs shul gru bzhI na' / / rngegs lha bya rmang srung / rngegs gshen so ngan sto bo'is / bya' sreg pa la rbu' / / dags shul shingr179nag na dags lha sgam po snyung / dags shen rbam dang chas / bye'u ne tsho / 'phong dur ma la rbu' / / mchIms shul dgu sul na' mchimsr180[---] [than?] 'tsho snyung / mchIms gshen lo rab ['brIng? rab?] snar skyol gyIs / zer mo 'phan bzangs de la rbu' / / zhong yul dam drug na zhongr181[---] / zhong gshen lon shin thang po'is / bya bon bang reg de la rbu / / rkong yul bre snar na' / rkong lha des legs snyung / rkong shen /r182[---] gdang g[su]ng snyan de la rbu / / rkong lha des legs snyun kyang bshos / / de ring sang lta na' / myI rma bu mchIng rgyal /r183[---] kyis mngad du mngad / lha mngad cIng ses kyis rbu ru rbu / / gzhan nI gong ma bzhIn bgyI 'o / / de 'is snang gi cha / zug gis char184[---] zug na' / rgyal mngad du mngad cIng ses kyis mngad du mngad / / / rtsang pho phyed kar / rtsang rje po bla snyung dbu snyung yang /r185[---] yong / spyan snyung blang ma bleng / thugs snyung mang ma / mong zhIng bzhugs / rtsang gshen snyen snya ngagis / gtshos bu byang ka' chung la / / nub sumr186[---] du mngad / nang sum rbu ru rbu / ste rtsang brang rub du bor na' / rtsang rje phva snyun kyang bshos / / skyI ro ljang sngon na' / skyi rje rmang po snyung / dbu snyung yangr187ma yong / spyan snyung blang ma bleng / thugs snyung mang ma mong / skyi gshen / rgyan ngar gyis / sha po ru bchu las / nub sum / mngad du mngad / nang sumr188rbu ru rbu / / skyi 'phrang rub mor bor / / skyI rje rmang po snyun kyang bshos / / 'dI man chad rkong yul yan chad 'di bzhin bskor ro / / yar lungr189sogs dkar na 'ol lde spu rgyal snyung dbu snyung yang ma yong spyan snyung blang ma gleng / thugs snyung mang ma mong / lde gshen rmun bu 'is dge'u phongsr190dkar la nub suM / mngad du mngad du mngad / nang suM / rbu ru rbu / / / dbye mo yul drug na' / dbye rje khar pa zhig snyung / dbye gshen khar bu ljonr191phyug gis / dge'u phongs dkar la rbu / / 'ol phu dga' dang na' / 'ol rje zing brang <snyu> snyung / 'ol bon 'jang tsa mon yug gis / /v1'mon / skya mo la nub sum rbu ru rbu / nang sum mngad du mngad / lha mngad ses kyis rbu ru rbu / / de ring sang lta na' myi rma bu mching rgyalv2''dI [la?] mngad cing ses gyis mngad du mngad / lha mngad cing ses kyis rbu ru rbu / / v1[---] ni sug srag du / stsal [---]v2[---] gI bdag / [dbu?] dangv3[---] / bab [---] 'khrungs [---]v4[---] ni sug du / stsal / 'thing [ran?] sug du [stsal? dmu?]v5[---] [re? bstos?] / [stod?] pa ni [mche?] [---] [brdung? zhis?] [---]v6[---] bal de bal te / [---] ni go [bo'i?] gthag la ni dang bthag [---]v7[---] yam sa yam sa / sku ru ni sman gsol na sman gsol ni sum [---]v8[---] gshog ru'i rabso / / [-]u / bya gsum [---] yul nag [---]v9[---] lhog se lhogs / bya gsum [---] /v10[---] ba gsol na / gnyI chab zu [---] sman chab zu lu mu / / / /v11[---] zhog bdud yul ni yang ru byon / bya gas nI go bo'is / bdud rtsi ni [---]v12bdud prag ni btshal rtses bchas / dud ma mo ni zur du bzhurd / bdud kyi [---]v13ces byung / rta rdzi gang ni bsdu bsdu zhing / bdud chab ni gzhur la / 'thungs / bdud [---]v14zag nI / thems la bsad / rtsi rtsI ni nan re che / bdud rtsi nyug brang ni nan re che / [---]v15ni tham shad kyang / bdud rtsI ni nan la bsad / gnam gi g.yen dgu / rdzogs dang [---]v16rkong yul yan chan bskor te bgyi'o / da nas bkyon 'bar sri gchanv17gI rtsha rdzi ba yang smos te gsado / / /:/ rkong brag ni dmar stengsu / bya gsumv18dang / grang ma ni rdzI ba gnyIs / 'gran 'grar [---] chang bcha tshos bya tshang na lthag [---]v19[rdzI? tshang?] ni 'og du bchas / / bya'I ni sku smog na / rdzi ba nI sku yang smog / bya'i ni sgongv20'drIl na / rdzI ba'i sgong yang 'drild [---] / rdzI ba'i ni bu yang [---]v21bya'i bu ni byil de sos / rdzI ba'i bu ni byil de ruld / rdzi ba ni thugsu snyung / / byav22gsum ni / bus te bthang / go bo ni bus te bthang / rdzi bas ni bya bkur na / kha na ni yangv23yang lta' / bal gi 'dab ko lta' / / bya nyis ni / rdzi bshan na / rdzi bshan ni phun phun duv24rkong yul nas / rtsang gi bar du / gthugs de 'di bzhin bgyi'o / rdzi rabs gyI [---] v25 / brag cig gnam du zang nge zang / kham brag mar po gnam du zang nge zang / kham las myir bgyisv26sngar las dong du brkos te / yol ma nI yol gog dang / rdza'u nI phyi gol dang / rdza ma nI kha skya dangv27dung dang ka ya' / 'bal 'rgye / / dog ya' / sbal mtsho dkar po'i nan zhIg mnan zhing bzhag / / gsasv28srIn thel ma thel chung gnyIs shig bsngags shing gangs la bsngags / shIng [gsad?]v29ka ya' srIn so ma so chung gnyIs shig bsngags shing g.ya' la gsad / spang srin spangv30sha stag cung gnyis shig bsngags shIng spang la gsad / shIng srin khra ma khra cung gnyIs shigv31shIng la bsngags shing gsad / so srIn yer ba'kham ba gnyis shig sgong la bsngagsv32[shing?] gsad / skyIn 'dang chen po gnam las myI 'bab grang / rman dang chu ngu sa las myI g.yosv33grang / skyin dang gnam las 'babs / rman da' sa las g.yos na / byI brun thabs suMv34sgyer gIs bchad de gsad / chab srin bu mo rgyal ba yeu srin ra gnyIs shig bsngagsv35shing chab la gsad / v36 / / nam ka mnyan cIng se mo yang du mnyan sprin kha mnyan cIng tho brgyad yang du mnyan / mi nad mnyanv37cing lang dgu yang du mnyan / rta nad mnyan cing mtsher bcu yang du mnyan / gnag nad mnyan [---]v38rkom / bu yang du mnyan / lug nad mnyan cIng thal ba dkar phyag yang du mnyan / ra nad mnyan cing gang sav39yang du mnyan / phag nad mnyan cIng khag pa go yang du mnyan / co nad mnyan cing thar gongs srInv40yang du mnyan / khyI nad mnyan cIng ral ba mgo smyor yang du mnyan / nas nad mnyan cing bca' [---]v41yang du mnyan / gro nad mnyan cIng gru 'thu zhur bgru yang du mnyan / tho ras 'di lta rlad bda'o / rlad gyi 'di [lta?]v42dang yab gyi mtshan lung bas kyI ya phun / lung bas kyI myI skya rta ru skya snam ru mchog du skya' chags [---]v43[ru? skya'?] phyag lchag mthung du skya' / slad kyi rjesu skya / rlad kyi ma tang yum gyi mtshan na lung basv44kyi ma 'dug chab bas kyi ma mtha' na / dbyal gyi mo sngo rta ru sngo / dbu zhu phud du sngo / chags [---]v45ru sngo / bshos dang 'di lta nams gyi sras ni lnga sha 'da sha dar 'di dar / sha sha 'di lta / dar mangsv46sha zhu dmyIg mangs dbu la gsol / sha lham spu gur rkang la bgos / 'od ma tshig ma gsuM phyag na [---]v47mching ral skya bo mtshan na bthags / sha khyi ring phran slad na / 'brang sha la khyI bkye / smral la ni [---]v48bkye / sha'i myig drags / bas las bu rab cig / 'drild / brag bzhengs kun kyang / skam dang yeng se yengv49shing bzheng gun kyang gnyer dang sig se sigs / chab bzhengs kun kyang dbu dang rog se rogs / / mnyanv50'di lta ro gu 'dogs / khab btsun sras mo bzhengs / 'bras drug gchod la bnan / rgal dang thong [---]v51nam rgya nam ched po mtha' nas yal yal mangs sin chon nas / 'bal gyi chab dang nyu gu [---]v52sal sal dangs ston / da rung da chung chom dangs / 'o sa nam nangs / mtho nas nangs shing [---]v53phun ston / da rung da chung chom phun / btsan de 'dong 'dong bdud 'drold du / tho ras rlad la thogs / btsun mov54dmu 'drol dmu bzhud du / tho ras 'di lta rlad la thogs / gnyan de sla bzhud du / tho ras 'di lta rlad la thogsv55btsun de gnyi bzhud du tho ras 'di lta rlad la thogs / 'phan de skar bzhud du tho ras 'di lta rlad la thogs / bzangv56ste gzha' bzhud du tho ras 'di lta rlad la thogs / / phun de sprin bzhud du tho ras 'di lta rlad la thogs / bzang stev57sman bzhud du tho ras 'di lta rlad la thogs / gnyan de gthor bzhud du tho ras 'di lta rlad la thogs / klu dang rngasv58bzhud du tho ras 'di lta rlad la thogs / srin 'dod gchan bzhud du tho ras 'di lta rlad la thogs / gcob dang chabv59bzhud du tho ras 'di lta rlad la thogs / nad dang rid 'gro ru tho ras 'di lta rlad la thogs / dug dang rma bzhudv60du tho ras 'di lta rlad la thogs / skran dang gtshod bzhud du tho ras 'di lta rlad la thogs / gnam bya bkrangsv61kyI dgu brgya dgu bcu na gnam bya mu to dang brgya ma stong re tham / gangs bya bkrangs kyis dgu brgya dgu bcu na rgod pov62gshog po sder ba dang brgya ma sto re thaM / nub nyal ba gang du nyal na / bra gar rtse la nyal / nub cing rmyi zhing ci lav63'dob / byang gi sha god gtshos / god la rmyi zhing 'dob / bya nang nam gi tho ras dgung gi slang ras la gshegsu 'di ltav64'dabs tsag sprugs / gsung du du mgur cig gsalde / nam gi 'di lta rlad bchado / dgung gi sho dral to / chu bya'v65bkrangs kyis dgu brgya dgu bcu na / go bo klad dkar klad gnag dang brgya ma stong re tham / nub nyal ba gang du nyal bav66brag mar [cang (/dang)] yag rtse la nyal / nub rmyi zhing ci la 'dob / byang gi sha ru dgon pha la nub cing rmyi zhing 'dob / de nav67nam gi tho ras dgung gi slang rangs la / gsung du 'di lta mgur cig bsal / gshegsu 'di lta [---]v68sprugsu / nam gi rlad bchado / dgung gi sho dral do / / g.ya' bya bkrangs kyis dgu brgya dgu bcu na / g.ya' bya [---]v69[brgya? ma?] stong re tham / nub nyal gang du nyal na bya brag mda' sgro phyan phyan kha na nyald nub [---]v70bthangs 'dob ci la 'dob / byang gi mon 'ju chig 'dru la rmyi zhing 'dob / da nang nam gi tho rangs dgung gi slangv71rangs la gsung du 'di lta mgur cig bsal / gshegsu 'di lta 'dab cig sprugste / nam gi ma [---]v72dgung gI tho bchado / nags bya bkrangs kyis dgu brgya dgu bcu na ro dgu ces thod dang brgya ma stong re tham /v73nub nyal gang du nyal na / shing gi kha la nyal nub cing rmyi zhing chi la 'dob / rgun 'bru pham 'bruv74la rmyi zhing 'dob / da nang nam gi tho ras dgung gi rlad rangs la / gsung du mgur cig bsal / gshegsv75su 'dab cig sprugste dgung gi rlad bchado nam gi sho dralo / / spang bya bkrangs kyis dgu brgya dgu bcuv76na / spang bya tshe tso ne tsho dang brgya ma stong re tham nub nyal ba gang du nyal na / rtsis skyang phyar phyar sku [---]v77la nyal / nub cing rmyi 'debs ci la 'debs na grog dang sbur la 'debs / da nang / nam gi rlad bchad do dgungv78gI sho dral do / khyim bya bkrangs kyis dgu brgya dgu [bcu?] na khyim bya sbungs po se bo dun shan dang brgya ma stong re thaM /v79nub nyal ba gang du nyal na / sab mo rgyan bzangs kha la nyald / nub rmyi zhing shi la 'dob / mchig phyi skyangv80['thu?] zhing 'dob / da nang nam gi rlad rangs dgung gi tho ras la gsung du 'di lta mgur cig bsal / gshegsuv81nam gi tho bchado dgung gi rlad bchado / rgya'i 'di lta nam nangso / rgya nan ched po mtha' nas nang [---] tso [---]v82la la 'bal gi chab dang nyu gu dngo nas dangs [---] lal la / 'o se nam nas mtho nas nangs [---]v83phan nam gi rlad gchad ci 'is gchad / dgung gi sho dral ci dang ci 'is dral / nam gi rlad bchad [---]v84ltams kyis gchad / dgung sho dral so dang ltams kyis dral / se bchal ldang bchal gang du bchalv85[rkong?] [---] 'di lta lung gsum yar du bchal / ci khrungs ltem se ltems se 'khrungs 'di lta ltemse ltems [---]v86chI khrungs phyu ru ru se 'khrungs phyu ru ru / gtshang ma 'di lta myi gchad / snga dang 'di lta zor gis bchad [---]v87myi dbyi dbyi na / kri dang / 'di lta bshan gis phyi / bkri shing bshal bshal de rlad bon dang tang grol grol [---]v88gshol na / rlad bon mchid na re [---] mtshungs go lyeng myi mtshungs [---]v89tshal mod kyeng yin go leng ma yin / btshal ma gang du btshal / skyi ro phang du btshal / ltshang ro [---]v90du btshal / ci khrungs pyu ru ru se khrungs ltem' / se 'khrungs ltam se ltam / bchang ma [---]v91[sta?] dang zor gis bchad / dbyi ma dbyi dbyi na gro dang bshan gis dbyi / bkris shing bshalde / rlad [---]v92grol phyag du gsol / 'di 'dgo 'di mod kyong / mtshungs go lyeng myi mtshungs / tshul go tshul [---]v93go leng ma yin / btshal ma gang du btshal na / ra cig myang ra snyan / mnyel ka'i se ce'i mchi cig / myi [---]v94mnyel ka'i zer mo mtsho / bra gu ldengs kyi gong na mtsho'u sgril kyi 'og na ci khrungs ltems [---]v95'khrungs phyu ru ru / se 'khrungs phyu ru ru / gtshang ma myi gchang na sta dang zor gis bchad / dbyi [---]v96gro dang bshan gyis dbyi / kras shing bshal bshal de / rlad bon dang dang grol phyag du gsol / [rlad?]v97bon zhal na re / myi las nad len 'di lagso / chibs las sgrog bgrol 'di lags [---]v98pha dang yab gyi mtshan / spo mthon khrigs kyi mang po rje / se'i ma dang yum / se se lung [---]v99bshos dang nams kyi sras / se 'phang 'di lta rum zur mo / 'brug 'jug [---]v100las nad ka cho dgu skran ka lde brgyad la se'u phying gong song / se'u phying gong 'dril [---]v101[---] [chibs (/chabs)] las skrog khrol cig / gnam [---]v102nad ka gnag / gnam la [---] ka gnag / sa la se mo kru bzhi'i myi gang ri bab mying [---]v103'dI la nad ka cho dgu skran ka lde brgyad 'ba' tshon gnag gis blang / 'gron [---]v104gnam la nad ka dang sprin kha ser ma bal mtshon dbu rgyab mtshon ser gis blang [---]v105[sha?] sprin ka dmar na / sa la bal mtshon rgyab mtshon dmar gis blang / gnam la nad ka [---] dang [---]v106ka mthon / sa la bal mtshon mthon gis blang / gnam la nad ka dang sprin kha g.yagv107[bal?] mtshon g.yag gis blang / / gnam la nad ka dang sprin ka dkar na / sa la bal [---]v108[bal?] mtshon dkar gis blang / dmu'i ni nam nangso / tho ras rlad bda' kyen ru bar [---]v109blangs / / chibs las sgrog bgroldo / [---] do re dag dong gis sgo bas sgo ru shigv110bas [---] rol chig / bdud 'dong dmu 'dong sla 'dong gnyi la [---] skam [---]v111[---] / na 'dong sten 'od gis [---] phye shig ### v112 / / dpal sngags sngags lan gsum du gdab pa la [---] ri [---]v113zi pa ste zi ma / tsha'i dbal la yum / 'dran de pa / 'dran de ma / 'dran de sras / se ru / them 'nus [---]v114byan glag sbam po phyi mo chum chum chum / /:/ / chu sngags lan gsum gdabo / skar sar phyi [---] skya [---]v115[sngag (/stag)] pa ho ma zha' / / nas 'brum bdun dang mtshe nyag gcig / dang rjes kyi sa blang ste / bal nag po'i [---]v116du dril la / bya gsas go bo nan gis gnan / / myi btsun pon pa zhig sku nas mtshal [---] bo [---]v117lo tog snar / nyi ma'i bkrag zham ste / cha'i dbal la zham [---] gthang sngags la gdang [---]v118sha blun / dgo brum byi brun / brag dreg / lung mye'i 'og nas thab sum bsngags te lan gsum [---]v119rabs la / / mu ya thib sla ya thib / bye re mye na sa ba [---] / mum mye na sla / mye na sad [---]v120chung la sngags / pha la / sli bye / mun slin thib / bye thib / sli hur ^ar hu [---] srom / zhon sin bra'o / [---]v121mye re mye na sad / / /:/ 'or skags la / gnam gyi ngad / sa'i [---] sprin gi rlabs / gabs kyi 'od [---]v122[mol (/sol)] / yab lha ya stengs na / bdud kyi 'or / dmu'i nad / sla'i [---] / gnyi 'od / skar gyi dril nad [---]v123lus 'dus / mgur gstsang phran du snyun kyi dmyigs shig bab / nad kyi chung zhig bchas / 'bras kyi dmyigs shigv124tshol / 'phyo ni skar skar ni skar / dmyigs ni dmyigs / pyo ni gstsang / 'ol ni 'bras / tshig gsum bsngags [---]v125hum hom ^o 'ub de'i dva thva / ^on dvo 'un un / stu sod / skam kro / spyar ma stu sod / sngags kyi [---]v126shIng gsad / thun kyis bchad cing gsad / dve war hom bar bru mad rgyal nu ma las gsad / mda' rtse las [---]v127las blang / pha'i spar gsum gis nad la bram bram / 'bras la 'dran kyis gling / thag snar [---]v128[---] gnam gI ya bla dgung gi ya stengs na / lchags gyi pha dang yab kyi mtshan na / [dgung (/dgu)] bu thon thon [---]v129[---] gyi ma dang yum gi mtshan na / dbyig ma thar thar lags [---] bshos dang nams kyi srasv130[---] krongs kyI dum pa / 'phan skar shugs kyi [---] pab gyi dum pa / dbyig mas [---]v131[---] ['khrungs?] kyI thog ma / lche ru brdungs / rab ma ba ra ru bab / [---] phrag [---] nang du bab / 'phal [---]v132[---] du bab / bal mgar gong sngon gis sol ba / g.ya' ri brnyil / the'u le [---]v133[---] skar re 'khrugs / lchags kyi ra sa shing ra [---] shal po la gso / mgar gi [---]v134['rdung? zhing?] bchagste / mkhar gnya' rings rtse nas bab / [---] 'o mar logs la gsod / rno lchag [---]v135[---] dang yab gyi mtshan na / pha ltshe las blango [---] pha dang yab gyi mtshan na dmu [---]v136[lchag?] skyI 'pho ro pa / ma sa lchags kyi ngar ma / bshos dang nams kyi sras / yam tshe pa dang yam tshe [---]v137[---] lchags pa dang gar lchags ma / rno lchag pha dang rno lchags ma / lche yas bab kyi tho [---]v138[---] lchags kyI gdod bab gang du bab / bal rI nag po mtho la bab / mgar gi rigs lhung [---]v139[---] rgya phug dang bar lhung / gnam las mgar gis [---] lhags na / bzang thang bzang 'bri [---]v140[---] lha mgar rmang nga ba gsum / / sa las mgar gsum [---] rgya mgar khru na [---] mgar zing [---]v141[---] dang bal mgar tshab po gsum / sa las [---] lhags rdo la pyi la [---] / ma [brga?] [---]v142[---] dang gsum / myang nad do la dang bzhi / so phan [---] dang drug / [---] las lhagste bal ri nag pov143[---] ri spug mthon las / blag ma myI blag mar [---] mjor plags bkur ma myi bkur na dral [---]v144gro yod gis bkur / bod kyi rgyal dang na sol ma g.ya ri brnyil / sud [---] rlab [---] / the'u [---]v145thI tsha skare 'khrugs / lag ngar gzha'r [---] nad / che ste che brdungs na [---]v146po long 'greng chod brdus / chung ste chung brdungs na mthur po [---] sa / mde'u rtse rno ni kyang [---]v147logs dang brgyad / dgra' ngar ma'i ngo yang glon / ri dags [---] srog gchad / 'a [---]v148[sta? stsa?] re lung bzangs dang bshan bu yu gar dang zor [---] brdungs kyang [---] ra bzhi [logs (/sogs)]v149brgyad /