Pelliot tibétain 1297.5

1 /:/ stagI lo'i dgun / / se tong pa'I s[d]e skyo yang legs las / / cang ban de leng hyen gyIs / / rta rgod ma gchig mjald pa las / / rta '[dI]2slar / / yang legs gyIs g.yar te 'tshald nas / / yos bu lo'I ston sla 'bring po tshun chad slar ban de leng hyen gyI sgor bskya3bar bgyIs / / de tshun chad [r]god ma 'dI guM stor zhIg du gyurd [na ya]ng / / rta skyin tshad thu[b pa<g>] sbruM gchig 'pral la leng hyen la 'bul [ba]4dang / / rta dngos gum stor du ma gyurd na yang / / dbyar tshan [d?]u stsald chIng rte'u mchis par yang g.yon blangste / rta myi sbruM na yang yang le[gs]5mchid kyIs 'tshal bar bgyiste / / yang legs dusu rta ma bskyald daM tha snyad chig btags par gyurd na / khas len skyo sma[-]6legs dang / lha stang stang / daM gong nas 'byung ba bzhin mchid kyIs 'tshal bar bgyis ste / khong rta rnaMs kyI sug rgya dang / blon g.yu [---]7bzang / dang / blon lha bzang lha ston dang / tse'u stag legs dang / ['ga (/'go)] brtan kong dang8[---] d[pa]ng rgyas btab pa' / /