Second inscription at Ldan ma brag

1/ / spre'u gi lo'i dbyar /2mtsan po khri sde srong brtsan gyi ring la /3dg'e slong chos dang chab srid kyi bka' chen po la btags ste /4gser gyI bku rgyal man cad kyi thabs rtsal /5jo mo mchims lta legs mo brtsan la rtsogs pa /6rjes 'bangs mang mo zhig thar par bkyel /7bka' chen po la gtogs pa'i dge slong bran ka yon tan dang lho don dam dang blon chen zhang 'bro phri gzu' dam shags [---] dang nang blon [---] blon khri sum bzhengs mdo' brtsan la rtsogs pa /8chab srid la bka' rtsal te /9rgya dang mjal dus kyI mgo' brtsams pa'i las la [---] mkhan bod gor ye shes dbyangs dang / 10dg'e slong stag lo gthan te dang /11gad nam ka'I snying po dbyangs kyis / 12btshan po'i sku [yon] dang sems can thams cad kyI bsod nams su /13sku gzugs dang smon lam 'dI rnams bris te /14spyi'I zhing ta pa ni /15'or ngu'i gnas brtan /16rlang mchog rab dang /17gnyI bzang po dpal kyis bgyIs /18las dpon [---] dg'e slong zhe hr'I dg'e slong [---] gseng pab shIn dang yen dam yes bgyIs jo mkhan [---] /19yugs gi nyag bre shab dang shod lags kod dang /20ldum ma 'gam dang rgya hun bong tseng spang dang /21hva ho'u jIn rnams kyi bgyis so /:/22'dI la rjes su yi reng bas kyang bsod nams mnyam par thob bo /