IOL Tib J 734 (= Ch.85.IX.4 = vol. 69, fols. 76-83)

1r1[---] par ['ong?] [ngo?] / / [de?] yang sr[I]n1r2gis myI g.yon chan kyi rogs byas phas / / myi g.yon can stobs che bar 'ong1r3ngo / / 1r4 / / myi phyug zIng nor bdog na' / ngan pa yang 'dzangs shIng zhes bstod par 'ong ngo / /1r5myi dbul ba'i phyIr / 'dzangs kyang ngan to zhes smad par 'ong ngo / / dper pha ma /1r6gnyis la bu spun gnyIs bdog na / bu gcIg gis pha log po la ngan dgur byas /1r7pas nor btsald te 'ongs na pha ma gnyIs kyang bu des nor rnyed 'dzangs so zhes1r8bsdod par 'ong ngo / / bu gcIg drang mkhrang che myi pha log po la dngan myi byed nor myi /1r9tshold te / gtsug lag gI myi nI ngan ces smad par 'ong ngo / / 'ung ltar pha ma gnyIs1r10kyang snying gyurd te / / bu 'dzangs ngan kyi bye chag kyang myi phed / bu 'i ngo yang myi snyoms1r11par 'ong ngo / / myI ched po phyug po zhIg gIs ma rig par tshig ngan pa dang / brdzun zhIg zer na yang /1r12myI 'o cog gIs gsag byas te / / [kun?] gyIs mnyan de stod par 'ong ngo / / myI ched po dang phyag po'I kha /1r13nas dgod myI bro pa'I tshig thos na yang kun gyIs dgad mo 'I ra mda' byas te / bgad par 'ong ngo / /1r14myi dbul po 'I pyir kha nas srid la phan pa'I tshig bzang po bden ba zhIg zer na yang sus kyang /1r15myi bnyan bar 'ong ngo / / la la chig bden ba de [thos?] na yang / / rna ba yi gcIg tu thos na / rna ba yang cig /1r16tu phyung ste / yId la myi 'dzIn bar 'ong ngo / bden zhes sus kyang myI bnyan myi bstod par 'ongo / /1r17dgod bro ba'I tshig cig byas kyang sus kyang myI bgad par 'ong ngo / / rabs pyI pyir zhIng myi gnyen /1r18dgu yang dbul ba'I pyir gnyen du myI rtsi bar 'ong ngo / / pyug po gnyis nI myi gnyen myI sdug kyang /1r19phyug pa'I pyir gnyen sdug tses sha chang ston mo 'dre zhing gnyen tu 'tham bar 'ong ngo / /1r20dbul po ni dbul ba'I pyir gnyen dngan can byas ste / / gnyen na yang so sor bye bar 'ongo / / 1r21 / / rabs [phyI] [phyis?] zhing / / lha myI ma bye ba'i dus bzang po ltar su yang legsu myI byed /1r22par 'ong ngo / / tshe dus ngan pa la bab kyis / / pyI pyir zhing 'greng myi 'o chog khrel myed ltas1r23myed par 'ong ngo / / ngo tsha myI shes par 'ongo / / bna' gzungs myed par 'ongo / / nor dad gyI /1r24pyIr bdagI bdud srog gis myI 'jIgs par 'ong ngo / / myI pha log po la ngan dgu byed cing nor chol /1r25bar 'ong ngo / / 'ung gis khrel ltas myed cIng mna' zos pa sdIg ste / / pha pas bu ngan bu pas tsa ngan de /1r26myI rabs pyI pyir zhIng ngan du 'ong ngo / / lus kyang pha bas bu thung pa she dag du 'ong ngo / / cI bya 'o chog /1r27pa tsam bus myI phod par 'ong ngo / / jI lta zhe na myI dpa' po gcig lag na mdung cig thogste /1r28dmag du khrI du stong gI nang na / / phar brgal tshur brgal te 'ongs pa bas kyang / / myI pha log po /1r29'I chung ma la byI ba byas sam / / phrog rlog byas sam / / rgyon po byas sam / / myi la ngan du byas pa /1r30gsang zhIng myi 'jog par / / legsu bzung ste / / ngo tsha myi shes par / / myI 'o chog la gtham zer /1r31bar 'ong ngo / / rabs pyI pyir zhIng skyes pa pas / / bud myed bo drag par 'ong ngo / / bud myed ngo tsha myI shes /1r32shIng myi srun par 'ong ngo / / bud myed ngan par 'ong ngo / / spyar bar 'ong ngo / / skyes pa phas myI zer par / /1r33mos tshus bskul te nyal par 'ong ngo / / bud myed gcIg nub cig la skyes pa las re mos brgyos kyang /1r34snyIng myi tshim ste / / da dung 'dod par 'ong ngo / / 1r35 / / che ste rgyal po 'i chung ma mang cad / / rgyal po bas mo 'dzang su rtsI ste / / srId kyi nang du zhugste /1r36rgyal po dang blon po 'I bar du zhugs nas 'phra ma byas te / / rgyal po dang blon po gnyis kyang pye bar /1r37'ong ngo / / 'ung gi pyir 'bangs kyang nyon mongs than khol bar bar 'ong ngo / / brlag par 'ong ngo /1r38rabs pyI pyir zhing myi 'o chog khyo bas chung ma kha drag par 'ong ngo / / chung mas pha dang bu / [phung?] / pye bar /1r39'ong ngo / / / phu po dang nu [bor?] pye bar 'ong ngo / / nyen dgu sdug dgu phye [ste?] 'thab 'breg par 'ong /1r40gnyen gsod par 'ong ngo / / de nas [---] de / phyug po mthon / /1r41[---]2r42[---] gros ma [dga'?] [---] 'tshes [---] rab du [---] ru /2r43/ / [tshad?] [ma?] [khad?] / brang pas [brtags?] ma khad / / bshos lo [brgya?] [babs?] / [grongs?] bdun ['bum?] [---] [gshegs?] /2r44ma khad / / bshos lha sa dge'u las pang ma [khad?] / grongs ltang khung [gru?] bzhI'i / bdag du gshegs /2r45bshos [skad?] [byong?] byong / gnam dgung du / yar ma khad / / grongs skad tham [thum?] nI / gang 'gram du /2r46['dril?] ma khad / / mgo ldas ni / skur mgo [---] yeng / zhabs bya rgang / nI [---] na rIng / rams /2r47[mthil?] ltar / tshIgsu mthur ma khad / sogs mthil ltar / sbubsu zhom ma khad / bdags raM /2r48dkar po la / po gshen thod kar brgya bsogs te / / mo bthab [pya?] blhags / [srIb?] sa nag po la /2r49ma mo gshen zhu [bub (/brab)] / brgya sogs te / mo [bthab? pya?] [blhagste?] / zungsla ni bzung / thagsla ni [bthags?] /2r50[---] kar ni / gzugs / stan kar ni [brgyab?] [---] 'o [---] chub ma bslus na / pu ya [bla (/gla)] /2r51[---] btsugs [ma?] kyIs / bya ltar [---] [mda' (/mdas)] ma bla cud po bcu gnyis /2r52yul nas [nya?] ltar / tshed [---] [bgyId?] gangs ltar [rnyil?] ma /2r53[khad] g.yen [dgu?] [---] ma khad / / [---] pro [---] nI phrogs ma khad / tsham pos /2r54[---] ma khad / / phur pos ni pyung ma khad / thom pos ni gthoms ma khad / srod kyi 'ja ngus /2r55ni bzhabs [ma?] khad / tho ras rgun bus ni rgus ma khad / / mtho mkhar kyi rtse nas sku'i [brla?] zhig /2r56[yor?] ma khad / dma' mkhar kyi sgo nas sku'I brla zhIg yar ma khad / / bal khyIm gur mo char khyIm2r57[---] bo shing khyIm khang mo nang nas sku'i brla zhig yar ma khad / da nyan kar ni gzugso / stan kar /2r58rgyabo / / pon kar ni gzugso / gon gar ni rgyabo / / myi rma bu mching rgyal 'di / nyan 'og du ni gzhugo /2r59[---] [nyan?] 'og du ni sludo / nub sum / sku nyan du gzugs na / lha dgu gsas dgu dang rje dgu gar [dgu?] dang /2r60[---] bon dgu dang / / rje hIs sten chen po / dang mtshe his po hIs bdag / ma mchIs /2r61[---] [sku?] [---] kar [spyon?] / nyIn sum / g.yang du [glan?] du [---] zu g.yang bon theg leg / dang phya bon /2r62[---] bo bla [---] srad [po] ma m[ch]is / / [---] / sku ru spyon / nyin [sum?] g.yang du /2r63[---] [yang?] [mtshe?] ma [mchIs?] bla mtshe srad po ma mch[i]s / / nyI sum nyan kar gzugsu yang mtshe bla /2r64[---] srad po ma mchis / hIs po hIs bdag ma mchis / stan kar rgyabo nyan kar rtsig du yang /2r65mtshe hIs po his bdag ma mchis bla mtshe srad po ma mchis / hin kar gzugs 'pan kar rgyab du yang /2r66mtshe hIs po his bdag ma mchIs / / gon [kar?] sludu yang mtshe hIs po hIs bdag ma mchis /2r67bla mtshe srad po ma mchIs [da (/na)] myi nyan 'og du gzhug cing [nyan?] 'og du / sludu yang mtshe hIs po /2r68his bdag ma mchis / / sku rla gang nyan khang dbub du yang / mtshe hIs po hIs bdag ma mchis /2r69rla mtshe srad ph[o] ma mchis / / rlan mkhar rtsig du yang mtshe his po hIs bdag ma mchis / /2r70[---] mtshe srad po ma mchis / / rla khyIm pyug ra rtsig du yang mtshe hIs po his bdag rla mtshe srad /2r71[*po *ma] [m]chis / / rla lam sgya sgyo rtsig du yang / mtshe his po his bdag rla mtshe srad po ma mchis /2r72[---] [tshe?] byang thog skro gser / khung mtshe la rab mtshe / mtshe his po his bdag ma lags / / bla mtshe srad /2r73[*po] [*ma] lags / lho brag mtshe / [rgyas?] bzangs dang ldam mtshe khar ba yang mtshe his po hIs bdag / bla mtshe /2r74[---] 'i mtshe rum ba'i ngan mtshe / gdo bo yang mtshe / his po his bdag /2r75[---] mtshe [srad?] po ma lags / gas mtshe'i thal ba / dang g.ya mtshe'i / spur bu' / dang spang mtshe'i run /3r76[---] pu yang mtshe his pho his bdag ma lags / nyan kar gzugs / stan kar [rgyab?] /3r77[---] [kar?] rtsig gon kar slud kyi mtshe btshal / mtshe his po his bdag /3r78[---] / hin kar gzugsu 'phan kar rgyab kyi mtshe his po his ma mchis / bla mtshe /3r79[---] h[i]s po his bdag / bla mtshe srad po btsal gang du btsal na / gtshug ri yo 'a /3r80[---] h[i]s po tos dags gnyis / tshol gtshug rI yo 'a [gnyis?] na / mtshe hIs po his bdag3r81[---] [tsho]l / gtshug rI yo 'a gsum / [cha?] [dang?] snyams / [drug?] tsa dang stengs dgu cha dang gyud [---]3r82[---] dgu [---] pyi gyud kyi stang na / bcu cha [dang?] ral / de'i ya bla ya stengs / na / ri ring po /3r83ring [kyi?] mtshe na bla ri rIng kyi mtshe / dbye che'i mtshe na / bla dbye che'i mtshe 'prang rub kyi mtshe /3r84[---] 'prang rub kyI mtshe / / rI ring kyI mtshe na 'bro rI ring kyI mtshe / dbye che'i mtshe na / 'brog dbye che'i mtshe /3r85'prang rub kyI mtshe na / 'brog 'prang rub kyi mtshe / rI ring kyI mtshe na skyi rI ring kyI mtshe / dbye che'I mtshe na skyi dbye che'I3r86mtshe / 'prang rub kyi mtshe na / skyI lo ma / 'prang rub kyi mtshe / / pa yab kyi / mtshan ba lha mtshe khar ba / ma yum3r87kyi mtshan ba / mtshe ma'i khrun bzangs / / bu gla mtshe srad po / nang sum sku ru spyon / nyin sum g.yang du blan / /3r88lha bon ['prang?] [ru?] g.yang bon theg leg / pya bon kyu ra / rje bla bo [kra?] sras / gla mtse srad po dang nang sum sku ru spyon /3r89nyin sum g.yang du glan / nub sum nyan du gzugs kyi mtshe / hIs pho his bdag ma mcis / / rI bzur3r90[te?] bzur na [snyI?] ri bzur te bzur / spang ldeb be ldeb na snyi spang leb be ldeb / phu dang dang na snyi pu dang dang / mda' ljod3r91[---] mda' ljod ljod / / kyi nang na pha yab [kyI?] mtshan ni mtshe ba rang rong / ma yum kyi mtshan ni mtshe ma /3r92[---] / pu mtshe bu khrun bzangs [ljon?] [bzangs?] / mtshe bu [---] / thog ya ru bltas na / the brIng bring na / g.yu3r93[---] / g.yu mong re sngo / [lugis?] g.yang gyis [g.yu?] [---] sngo zhi[ng] [b]zhugs / drung ma ru bltas na' /3r94[brI?] [---] bse bas dmar bang bas dmar / ba'I sa skya'i sa tshigs bltas na mda' rgyal drum kyI tshigs /3r95[---] bltas na / gzhI rgyal 'od kyI khong / khrun bltas na / bya rgyal rje'I khrun / spu blta[s] na ra rgyal g.yang kyi spu /3r96[sus?] kyang ma 'tsal sus kyang ma mthong / bya rgod po / thang prom thang g.yag / kyis mthong ste / ya mang ya ru bkal /3r97[tshi]gsu gthubs / mtshe mo nyag cig 'dab kyi sder gong [du?] gthur / de btang / na / lha mtshe byang pangs gsas3r98mtshe sum pangs / lags / mtshe mo [nyag?] cig [']dab kyi sder gong [---] thur te btang / na / bon kyi nI yas mtshe /3r99glun kyI ni mas mtshe lags / ya mang ni ya ru bkald / [tshigs?] mang ni tshigsu gthubs / mtshe his po his3r100bdag lags / mtshe mo byang pangs lagso / / sum zur lagso / rje snams te gshegs / bla bo bla sras /3r101snams te gshegs / nub sum sku nyan du gzugs / kyI mtshe hIs po his bdag lagso / / hIs po [his?]3r102[bdag?] gyIs rje dgu gar dgu / lha dgu gsas dgu pa dgu bon [dgu?] rje hIs sten chen po / mtshe mo sum3r103zur dang [---] sum ni nyan du btsugs nyan kyI bda[-] pa yang [his?] [po?] hIs bdag 'di lags / /3r104rla[n] mkhar steng steng rtsIg[s] kyang m[tshe] his po his bdag / kyIs rtsigs / rla khyIm rtsigs kyang /3r105hIs po his bdag kyis rtsIgs / rla laM skya sgyo bgyIs kyang hIs po his bdag kyIs bgyis3r106[na?] [m]yI rma bu mching rgyal 'di / lha la nyan kar btsugso stan kar rgyabo / phon mkhar ni btsugso /3r107gon kar nI sludo / / pan kar nI rgyab / mtshe la nyan du btsugs / na / mtshe mo byang [pang] sum zur3r108la nyan du btsugso / / / nyan kyI bdag kyang sib bse gong kar be ne [tshog?] po la[gs?] / / stan kyi3r109drung po yang sib bse gong kar be [ne?] tshog po lags / / lo de bdag kyang sIb bse gong kar /3r110be ne tshog po lags / / rlan mkhar stang steng [rtsig?] du yang sib bse gong kar be ne tshog po /3r111[na?] [mch]Is / [rla?] khyIm pyug ra rtsig du yang sib bse gong kar be ne tshog po ma mchis / rla laM stang steng3r112rtsIg du yang sIb bse gong kar be ne tshog po ma mchis / / nyan kar gzugsu sib bse gong [kar?]3r113[be?] [ne?] tshog po ma mchis / stan kar rgyab [du?] / yang / sib bse [gong?] kar / be ne tshog po ma mchis3r114pon kar rtsig du yang sIb bse gong [kar?] / be ne tshog po ma mchis / / gon kar sludu yang3r115sib bse gong kar [be?] [ne?] tshog [po?] ma mchis / [-]n kar gzugs pan kar rgyab du sib bse3r116gong kar be ne tshog po ma mchis / khang sku gang nyan khang rla gang dbub du yang sIb bse gong gar be ne tshog po ma mchis /3r117na[g?] 'di bzhIn du g.yu dang nas dang po ma dang ras la nan 'di bzhIn bskor ro / / sIb bse gong kar / be ne [tshog?] [po?] /3r118btsal / na bse shang shang ru rings / kyI rabs smos te / bse'i pha smos / kyang bse gong kar ma lags / sIb bse gong kar /3r119be ne tshog po ma lagso / pha dung gyI glang po dang / ma g.yu'i 'pra mo gnyIs smos ste / bse'i pu ru cIg gyi [---] / na /3r120sIb bse be ne tshog po gong kar lags so / / nub sum nyan du btsugs [na?] nyan khar [ni?] / btsugso / [stan?] [kar?] [ni?] rgyabo /3r121[hi?]n kar ni btsugso / / gon kar nI sludo / / hyIn kar ni [btsugso?] / dpan kar ni rgyabo / bse thog ma btsal [---]3r122de brtsigs shing rnyed ces bgyi 'o /:/ / g.yu la yang nan ltag ma bzhIn du mye cho thing snar g.yu / rgya sbrangs [the?] [thog?]3r123nam po 'bring ru ma mchis shes bgyi 'o / / nub sum nyan du gzugs kyi / g.yu ne tsho ma mchis / thing snar [---]4r124g.yu btsal ne [tso thing] snar nam po 'bring ru ma mchis / / g.yu'i pha ni g.yu rje thang pho / g.yu'i ma nI g.yu4r125sko / spu rgyal mnyam las gshegs / kyi g.yu bya sgong nu sgong / / da rgyal kyi g.yu rma lchags rkong rgyal kyI [---]4r126thi[ng] [sna]r [nar?] myi'i g.yu / [spo (/spi)] mthing pyagi g.yu / kya ra kyu ra'i g.yu / 'a zha bong ru me nyag bong ru nyan kyi g.yu ma4r127lags / / g.yu'i [gnam?] po 'bring ru g.yu rgyal sbrangs / kyi khe thog ne tsho [thing?] snar ma lagso / / gnam kyi4r128pa mtha / [-]ng kyi pa [-]m na / / gnam dang sa 'thab yeng yeng daM daM / lchags dang zangs 'thab khrol khrol4r129sIl sil / / de'i pa [---] [na?] / brag gnam du zang zang g.yu brag sngon [mo?] gnam du [zang?] zang mtsho [---]4r130khyil khyIl g.yu [mtsho?] [sngon?] [mo?] thadu khyil khyil / gru yang dung gyi gru / gdos kyang kyang dung kyi gdos / skya [---]4r131dung kyI skya / / mtsho pa ru rgal na / g.yu mtsho sngon mo pa ru rgal / g.yu brag sngon mo la / g.yu sta gzang rings kyis [---]4r132phud cig bthab pa la / g.yu rgal te mchis / lha g.yu gam dang rogs shig nyan gyi g.yu ma lags / gnam [---]4r133[---] [g.]yu mnyan g.yu gthod / / sta re pud cig bthab na / g.yu rgal te mchis srin g.yu na [---]4r134[---] lags sa rim bdun du / g.yu mnyan g.yu gthod / / sta re thabs shig bthab na' /4r135[---] zhing ldag pa rgal te mchis / / lha dang chags kyi / bsod / myi thugs bud kyi rtan4r136[---] [la]gs / / sta re thabs shig btab na' / / myIng ni ni mon bu mon 'dzu / g.yu'i mying ba ne tso4r137[thing (/thang)] snar / g.yu [rgyal?] sbrangs / gnam po bri 'u ru nyan kyi g.yu lagso / / g.yu la nyan du btsugs na /4r138g.yu ne tso thing snar / g.yu rgyal sbrangs kye thog / nam po bri 'u ru la nyan du btsugs / nyan [kar?]4r139ni btsugso / stan [kar?] [ni?] rgyab bo / pan kar ni btsugso / bon kar ni slud do / / hIn kar ni btsu[gso?]4r140phan kar ni rgyab bo / / nyan kyi bdag ches mchi ba dang rlan kar [las?] stsogs pa 'ang g.yu ne tso [---]4r141snar gnam po brI 'u rus rtsigs shing nyan kyi bdag ces smos te / nyan kyi bdag kyang su [zhe?] [---]4r142smos pha gun dang rlan kar stsogs pa / gun smos te / nyan kyi bdag stan kyi drum / nyan kyI bdag lha [---]4r143kyI bru bdun nas mo byung drug las gshegs shes bgyI'o / / / / nas kyI pa yab smos na chab bgo ro [---]4r144na l[d?]Ing myi [-]ng na / po bya rgod tsam ldIng / nas kyI ma yum kyi mtshan chab kyI ma zhug chab gzhug ser4r145[---] skad na g.yang mo dbog tsam skad / gnag pal che na / chud dang / g.yer kyis skal kyis /4r146[---] [lagso?] / / [bu (/ba)] brgo rpyi nas nI dku dang dring kyi nas / kyIs nyan kyi nas ma lags / gro kha4r147[---] gdod kyi skal kyis / nyan kyI nas ma lagso / sngo mo grangs mangs dang rab mo bzhi /4r148[---] kyI gsang kyIs nyan kyi nas ma lags / nas mo byung drug lha nas lha nas /4r149[---] gso / / nas la nyan du btsugs na' / nas mo byung drug /4r150[---] / du nyan du btsugs / / lug dang g.yang kyis bgyis na' / [---]4r151[---] gyis na' gser khang ser mo myI lud dga' zha zha lhag ma la nyan du [btsugs?] / /4r152[---] dum pha las nyan du btsugs / / [nas?] sngo mo la nyan du btsugso / / nyan kar [ni?] btsugs4r153[---] kar ni rgyab / hIn kar ni btsugs / pan kar ni rgyab /:/ nan thog ma bzhin du skor4r154[---] / /:/ nyan kyi bdag kyang pho ma klum tsub ces bgyi ste / pha yab kyI mtshan ni rtsang4r155ho [de (/nge)] [khor?] [---] / ma yum du smos na / ma drum pang 'dab chen / / brun 'de myed ma / bu smyIg gu ldem pang / /4r156smyI [g?]u sum zur / mon smyIg ldem pang / / sum zur bzung par bzung / bcad par bcad / dpe 'u la /4r157nyan du btsugs / / [pa (/po)] ma la nyan du btsugs / / mon skur lho skur rgya skur khor ba la nyan du btsugs /4r158smyI gu ldem pang la nyan du btsugs / / nyan kar ni btsugso / stan kar nI rgyabo / bon kar ni btsugso' /4r159hin kar ni rgyabo / rlan kar btsugso / / nan snga ma bzhin du [bskor?] ro / / / ras la nyan du btsugs4r160yul [rgya?] yul gtan bzangs na thang nga rgya mo thang 'bal kyang shing la 'bal / / 'bral kyang ni [---] bral / 'bral4r161'dzud kyang ni rgya gard 'dzud / thang nga ni rgya mo thang / dang tha nga mon mo thang dang tha nga lho mo thang dang thang nga bal4r162mo [thang?] [kyi?] [---] [bthags?] [pa?] smos te / / ras la nyan du btsugs shes bgyI 'o / / nyan kar ni /4r163'dzugs / / [---] kar ni rgyab / / sku ra pyi nyan / ra pyI stan / ra pyI bon kar btsugs / gon kar ni rgyab /4r164hIn kar ni [btsugs?] / pan kar ni rgyab / da myI rma bu mching rgyal 'di nang sum sku ru sbyon / nyIn suM g.yang du blan /4r165na lha bon [---] zu [g.yang?] bon theg leg / pya bon khyu ra / rje bla bo bla sras / bla mtshe srad po bru bdun dang nyIn suM g.yang4r166du blan na g.yang yang yon / / nub suM sku bla ru spyon / nub sum nyan du 'dzugs na / rje dgu gar dgu dang lha dgu gsas4r167dgu dang pha dgu bon dgu dang / rje his sten chen po dang / mtshe hIs po his bdag dang / nub suM nyan 'dzugs na nyan [kyang?]4r168tshugs / rlan [---] steng ni rtsIgs / rla khyim sgyugs ra nI rtsigs / rla lam sgya sgyo ni [bgyIs?] / khang sku khang4r169rla khang nyan khang [ni?] pub / / nyan kyI bdag bgyis / stan kyI drum bgyis / lo de bdag bgyIs / si sI drum bgyis /4r170mtshe la nyan du btsugs [na?] / hIs po hI[s] [b]dag byang pang sum zur la nyan du btsugs / g.yu la nyan du btsugs5r171na / g.yu ne tso thing snar g.yu rgyal sbrangs ke thog nam po 'bri 'u la nyan btsugs / bse la nyan du btsugs5r172na / sib se gong kar be ne chog po la nyan du btsugs / nas la nyan du btsugs na' / lha na[s] [br?]u bdun [---]5r173nas mo byung drung la nyan du btsugs / spe 'u la nyan du btsugs / / skur bu khri btsugsla [---] du btsugs / /5r174ras la nyan du btsugs na / rgya ras rtsang 'brang / mon ras khul thing lho ras shag[s]5r175rnam bal ras tshigs ma la nyan du btsugs / nyan kar ni btsugs /:/ nan ni snga ma bzhin du 'gor / 5r176 /:/ bdag rI tham shad la pu rma bo'i nyan kar btsugs / stan kar rgyab / sgo ra pyI nyan / [---] ra [pyi (/pyI)] stan /5r177shing rIng thung yang pu rma bo'i shIng / rtsI bzang ngan yang pu rma bu'i rtsI' / gor che chung [---]5r178gor / chab drang dro yang pu rma bu'I chab / 'brog che chung yang pu rma bu'i 'brog / yul phus mda's kyang5r179bu rma bu'i yul / / myi rma bu'i mching rgyal yang phu ya bla'i nyan mnyan / na / phu rma bu'i nyan du m[nyan]5r180nyan du ['dzugs?] / nyan kar nI btsugs / stan kar ni brgyab / sku ra pyI nyan / ra pyi stand shing rIng thung [yang?]5r181myI rma bu'i shing / rtsI bzang ngan yang myi rma bu'i rtsI / chab drang dro yang myi rma bu'I chab / gor che chung5r182yang myI rma bu'i gor / yul pus mda's kyang rmyi rma bu'I yul / 'brog che chung yang myi rma bu'I5r183'brog / sribs ri tham shad / lcham kyi nyan du mnyan / nyan du 'dzugs ljam yul ma'i nyan du mnyan /5r184du btsugs / pu rma bo / la mang ba bzhin du nan snga ma bzhin du bskor te ltsam yul ma [---] [mnyan?] du /5r185'dzug shes bgyI'o / / myI rma bu'i mchIng rgyal kyis / ma bla'i nyan du mnyan ljam yul ma'i nyan du /5r186mnyan / srib rI thams shad la / ljam yul ma mang ba myI rma bu mching rgyal mang zhes lan [ltag?] [ma?]5r187bzhin du bskor ro / / po bla la nyan du mnyan rod dpye thog bde drum la nyan du myi mnyan / 'o [de?] lha [dpal?] [phu?]5r188rgyal kyi [nyan?] du mnyan / / rad dpye thog bde 'drum nyan du mnyan / nyan thu 'dzugs / 'o de lha dpal gung [rgyal?]5r189bas / yul kyI pu ru bzhud / na chab dragi dka' yang byul / / yul kyi mda ru bzhud na / rje zhing 'or mo'i /5r190dka' yang byul yul gyI phu ru bzhud na / drug dang zhal yang tsom / / mda' ru bzhud na / khab drugi [sgo (/sgyo)] /5r191yang byul / pu ru bzhud na rtsi drugi mchog kyang gzigs / mda' ru bzhud na / phang drugi khyim yang gzigs /5r192yar ru sked sken things [so (/po)] smra smya bo lag rings / ya ru sken / ma ru sken chab so nya tshol / [pho?] [rgyal?] [nyan?] du /5r193'dzugs / bya skog theg to nyan du mnyan / / tsugsu 'dzugs / 'o de gung rgyal kyi nyan du [---]5r194'dzugs / myi rma bu mching rgyal kyang 'di bzhIn nan [skord? de?] bgyi' / da ljam kyI nyan du myI mnyan [khri?] [---]5r195khrI cog kyi nyan du myI mnyan / rod mo lha la nyan du mnyan / dor mo lha la nyan du mnyan / ljam khri mo khri cog [---]5r196'dzugs / pa la pyI ldang nas bsu yang bsu / dma' rab kyI tshoms nas bskyang yang bskyang / [na?] [bang?] [---] /5r197g.yo g.yo / 'brum du yang thu thu / sne 'u khyud pyir lhang tsher tsam zhig / myI 'dur myi khrug / dphyi zhal tsam /5r198zhig myI 'thur / myi rma bu mching rgyal chung mo bla la nyan du ma mnyan / khrI mo khri cog [gyI?] nyan du 'dzugs5r199myi rma bu mching rgyal yang ljam khrI mo khri tsog kyI nan bzhin smos te skor ro / / [---] bu /5r200myi smon bu zhig / yul 'brog dbye ldang sum du sha 'chor du gshegs g.yag 'gor du gshegs / [---] du /5r201du gshegs / lha sha kar bu zhig nI lha lam dkar du bros te ru dang 'ongs se 'ongs / snyegs ste ni ma slebs ['phangste?] ni5r202ma phog / srin sha nag po zhig ni srIn lam gnag du bros te / gshug dang tshub tshub / snyegs te nI ma slebs ['pangste?] /5r203nI ma phog / myi sha spur bu zhIg ni myI lam spur du bros te snyegs te nI ma slebs 'pangste nI / ma pog5r204sha phas se byung dnga's po 'pral gda's shig phas se byung / ru bltas nI dung gyi ru / sna bltas ni byang kyi sna spu5r205bltas nI g.yagi spu / rmyIg bltas ni bse'i rmyIg / sha snyegs te ni slebs / 'pangs te nI bzhigs sha bragi mdo5r206ru chegs / sha la mda' yIs 'pangs / smral la drum kyIs rlad / sha la mda'is pog ston ma pog drum kyis bzhigs5r207gs ston na ma bzhIgs / mda' mtho ste mchIs / lha brag dkar po rtse na / 'brog srIn dre [---] /5r208sgo ru zug / sha bros te mchis / dngas po 'pral gangs bros te mchIs / le 'u 'brog la gong du / ['das?] te mchis [---]5r209'brog bye ldang sum 'da's te mchIs / / sha [dangs (/dngas)] po 'pral gangs ni snyegs te ni slebs / 'pangs te nI bzhigs / /5r210sha [dangs (/dngas)] po 'pral gangs de ru bkum / sha 'ca ni rhal te rhald / pags bshu nI lji be ljIng cing bzhugs /5r211na' la dgu ba la'I rgyab na' / 'brog srin dre da zhIg pyi rgo nI lhogse lhogs sgra 'brug re nI ['dir?] [zhIng?] [mchis?]5r212pyI 'u thong pa zhig bkum / la dgu ba zhig sladu 'da'ste / mchIs na / lha brag dgar po'i rtse na' /5r213'brog srIn dre da'i tshang kyI sgo na / mda' cIg ni brug / cing mchis / sha cIg ni rjes shig [byung?] [rgya?] cIg ni /5r214rjes shig byung / / sha dang ni rgya rjes bcad / 'brog la gong sum 'das te mchis / kha [---] [bu?] [myi?] [smon?] bu5r215pu zhig / sha pyed bshas pyed ma bshas / pags pyed bshus pyed ma bshus / 'brog srin [---]6r216mo nI gnam du brdabs / thig rid nI sa ru rdungs / kha 'o de ni dmar so 'o rIng ni dgar / skra yeng [---] zhIng pa6r217se mchis / / kha yang de'i bu myi smon bu cung zhig / spyan cher zhes gzigs / na / thugs 'ul zhes [---]6r218snyeng kyI lam du / brla zhig 'tsald / dbu skra nyag bdun dang / spyan kyI rdzi ma 'bru bdun dang / [---] mtsho /6r219ro g.yu bdun / 'brog srin dre das 'tsald / / 'brog srIn pyan ma yed yed mos / 'tsald / myI {smon} /6r220smon bu cung zhig / so ya dag las nI chad ma khad / 'chI ma dag las ni 'cel ma khad / spyan rlang ma [---] lchags /6r221ldab ma ldib / thugs rmang ma rmong zhing bzhugs bzhugs / na / myI me 'u gnyen ba ga la [---] /6r222se ba bshan ba ga la mchis / lha'I pyag tsang ster byang tsha zhig la bzhugs shes bgyis [---]6r223pyag tshang ster byang tsha zhig pas se byon / lha bon 'prang zu g.yang bon theg leg / pya bon kyur ra / / zhig [gnyar?]6r224te / nang sum ni dmu dag lha dag gsas dag / rgyal ba gsum la / sku nyan du btsugs / mtshe nyag cig [dang?] [yungs?] /6r225dgang cIg ni sku glud du bor / / na 'brog srin pyag ma yed mos 'tsalde mchis / / nub sum ni sku glud du6r226bor / nang sum ni sku ru spyon / nub sum nI nyan du btsugs / 'brog srin pyab mo la nyan du btsugs [---] nang6r227sum nI g.yang du blan na / kha yang de'I pu myi smon bu la g.yang du / blan / / myi smon bu chung ni / [sngar?] bas6r228ni da bzang / gzhe bas ni da [sgyan?] / gog gog ni bzhengs zor zor ni sprags / da myi rma bu [mching?] [rgyal?] [---]6r229lha bon 'brang zu g.yang bon theg [leg?] / pya bon kyur ra gsum kyis / nub sum srIn pyin [---]6r230nyan du btsugs / gludu bor / nang sum ni g.yang du blan / / / / / / / lha myang lha bu mo zhig yul kyi /6r231bdag mdzad cing / bzhugs / yul myang yul shing nagI bdag mdzad cing / bzhugs srIn kyi [mgo?] [gnon?]6r232cing rnyen mdzad na / myang srIn phla / / ha ji khu'i mgo gnon rnyen mdzad cing bzhugs / yul pu ru6r233g.yos na / myang yul shing nag / pu ru g.yos / gyIs myed srin phase pyung na' / myang srin phase6r234[byung?] / myang srin pla ha ji khu phase byung / myang lha bu mo zhig / thum thum mnal jin [bzhugs?] / /6r235na / myang srin pla ji khus sku'I brla zhig brkus / / thugs kyI mtsho [ro?] g.yu bdun 'tsal / / [---]6r236bu mo zhIg thugs bsam ma mkhyen / kyIs rmang ma rmong / zhal gsung ma mkhyen kyIs [---]6r237spyan gzigs ma mkhyen kyIs rlang ma rling / bshos ya dag las ni 'cad [---] khad [---] ma dag /6r238las ni / 'jel ma khad / phra'Is ni chad ma khad / srab kyIs ni rdol ma khad / gshen [---] mchis6r239shig / myang shen rgya'i myang yul thing snar dang dpyang lad lchog gnyis shig / srin yul mye [myi?] [rlang?]6r240chu myi rgum kyi yul du / myang sring phla ji khu'i [gan?] du gludu bor / / nub sum nyan du [btsugs (/bcugs)] na /6r241mang la bo zhig nyan du btsugs / g.yu mye co [dang (/ngang)] bse be co zhig nyan du btsugs / myang la bo mo /6r242zhig / gna' bas da bzang gnye bas da rgyan / gna' myang lha bo mo'i nyan / da su'I nyan na myi rma bu6r243mching rgyal kyI nyan to / / pho gag gI nyan / mo gug gi nyan / sIm ba'i 'odu nyan / [mi (/sI)] ra'i dkar du6r244nyan / shing khra mo ma bcag bya 'par ba ni ma bzung shIg / mchig khang mo ni ma 'bub shIg / khyi sbag6r245pa nI ma bskang shig / / myI po nyan na [rba (/rva)] rtsi pyI / rta bo nyan na / be co / rkang bu / btsun sho nyan / bkra shis /6r246kyi nyan no / bshur legs kyi nyan no / / pha hi de chen po gnam ka long sum na bzhugs / pha la nyan /6r247du btsugso / ma pra dag btsun mo sa ga gding drug na bzhugs la nyan du btsugso / bu hIs6r248bu spun la nyan du btsugso / myI rma bu mching rgyal 'di la / mtshe hIs po [his?] [---] mtshe mo6r249byang pang sum zur / dang / sIb bse gong kar be ne chog po dang g.yu gnam po bri 'u ru dang ne tso thing6r250snar g.yu rgyal sprang ke thog / 'dI [---] la nyan du btsugs / pu rma bo'i kha cug then du nyan /6r251snyan kar ba bya bkres pas kyang gsang / rla mche srad po dang / mtshe his po hIs bdags dang bse be ne6r252chog po gong kar dang / myi rma [bo?] mching rgyal kyi dbu la gsol / na / bya dkyi bas sngo / bse be ne cog6r253po dang bse gong kar dang / g.yu gnam po brI 'u ru dang g.yu rgyal sprangs ke thog dang dbu la nyan6r254du btshugs / / phu rma bo'i kha tsug then du nyan / / snyan kar ba bya bgres bas [---] mtshe srad6r255po dang hIs po his bdag / dang bse be ne cog po gong kar dang g.yu [---]6r256nam po bri 'u ru / g.yu rgyal sbrangs ke thog dang / mon skur lho sgur / rgya [skur?] [---] /6r257ras rgya ras rtsang [grang?] dang / mon ras khul thing bal ras shags rnams / dang myI rma bu mching /6r258rgyal thugs la [nyan?] / / sku la rtan / ring la rtan na / sku nang du myi pul / pyI ru myi 'gyed /6r259g.yasu myi yo / / g.yosu myi rtul / lha nas kyI bru bdun / mnyan skyems / dmu dag skyems6r260kyi pyang byang ku / sku ru gsol / na / sku na mtshal pyo 'or 'or / khab bya rmang [tsham (/tsam)] [---] / g.yu7r261rla g.yu thing po tsam 'od dang lam / / lam / / zhal la nyan na / sten po bya bgres then [---] / ring la nyan na7r262khrang mo dgu rnam then du nyan / sku rtan byang g.yu then du nyan / zhabs la nyan na / [---] bye 'u [---] la7r263ldong khab zhal bzangs then du / nyan / da nyan kyI bdag kyang mtshe his po hIs bdag lagso / lo de7r264bdag kyang mtshe his po his bdag / lagso / sI si drum po che yang mtshe hIs po his bdag7r265lagso / da nyan gar ni gzugso / stan kar ni rgyabo / bon kar ni rtsigso / gon kar nI slud do /7r266hIn kar ni slud do / phan kar nI rgyabo / myI rma bu mching rgyal 'di myI nyan rang then / de slud na' /7r267btsan bdud rkun ma / btsun rmu rkun ma / gnam la g.yen dgu rgun mas / gnyar na / myi [---] sa7r268la sri rkun ma / chud rgun / rkun mas brag hvod de chab gsang bdag / ma mos gnyar na [myi?] [slebs?]7r269sha gangs gong du slud na / khyI lo tsha khang kyi myi zugs / prum slang bra slud na / myi rkun kyis myI slebs7r270na bong zan slud na / myI lce than kyis myI slebs / khrung khrung dgu la / 'phar na / byan lhag gchan gyis7r271myI slebs / lco ga bong rum du 'khras na / pya rje khra'is myI slebs / / da rlan mkhar sdang stang /7r272rla lam sgya sgyo / rla khyIm skyug ra / rla lam stang stengsu / myI rab bgres lob du gshegs shig [shIng (/shId)] rab /7r273lo [chib?] du gshegs shig / myI ji rang then na / / myi nyan rang / then / nyan ji ra [---] nyan cab7r274rang then / chab ji rang then na chab gzhung rang then / gzhung ji rang then / na gzhung rngo [rang?] [then?] / rngo ji7r275rang then na / rngo ['ga (/'ag)] tsam dang na' brag mkhar rtse myi rnyil / dbugs chab tsam shur na [---] [chab?]7r276sngon mo rngo myi skams / da myI rma bu mching rgyal 'di / dri sog rol la zhal ma che ljags ma ring /7r277myi rmang shI ro tha la khram ten / shing sgong chagi mgo thur du yu / ten ka chen la / zhal ches na / yur ba /7r278ya rol kyi nas la lhos / gchung la zhal ches na / yur ba ma rol kyi nas la lhos / rje la zhal chIs7r279na yur ba ma rol kyI nas la lhos / 'bangsla zhal ches / na / shul kyI ma rol kyi nas la lhos / / [sI?] le7r280dron la zhal ches ljags rings / nam pyod kyi nas la lhos / myI rma pu mching [---] nyan 'og du /7r281btsugso / / nyan 'og du slud / do / lha la nyan du btsugs na / lha 'og ni rgad spags / srIn 'og ni /7r282glud 'dor / gna' myI lud ni jI ltar / zan dags nI ji ltar pan / yul lha yul ni nang na / myi snyI myi7r283khyIm bdun zhIg / rmos nas dang brasu rmos na khrungs mtshe dang yungsu / 'khrungs / mtshe ['khrung?] kyi /7r284gzhon bzangs / mtshe 'khrungs kyi gnya rings / lha bzhugs na yid non / bzhugs / myi [mchi?] [---] na /7r285bag rnon mchis / srin mchis na / srin myIg rnon / mchis / myI bag rnon kyis / mtshe / gcig nyag7r286nyis nyag gsum zhig / bcade / myI bag rnon 'tsal te mchis / srIn myig rnon [kyis?] [mthong?] ste /7r287myi bros te mchis bag rnon bros te mchis / srIn kyis bsnyags na srin myIg rnon kyis bsnyags /7r288na myI bag rnon / ma rma then ri then spangs / then tsigs gsum kyI thog du byon / [sris?] de [ru?] [slebs?]7r289/ myI bag rnon kyis / mtshe mo nyag gsum zhig bor na / srin 'tsal te mchis [myig?] [---]7r290mchis / myI thar te mchis bag rnon thar te mchis / di rIng sang lta na / mtshe nyag cig nyag nyis [---]7r291po 'dI / myi rma bu mching rgyal kyi sku'i gludu bor ro / ring kyI khabsu bor / ro / lha dgu ni nyan du [---] /7r292[myi?] jI rang then na myI nyan rang then / nyan jI rang then na nyan lha rang thend / yul rtsang shul mtho [---] rje rtsang7r293rje pva 'a zhig / srin rtsang srin po da 'i mchId / nas / mye myI dgu chu myi rlang kyI yul du [bkri? zhes?] bgyIs / na /7r294rtsang rje phva 'as / rtsang shen snyal ngag bgug ste / yungs mo dgang cig dang / g.yu slag [---] dang / bse7r295byang pang pa myig dang / lha la nyan du btsugs na / rtsang lha pu dar la nyan du btsugs / [---] tshe mo /7r296nyag cig dang yungs mo dgang bzangs / dang / zer mo 'pan bzangs / dang mon lug ['bras?] [---]7r297bre ba cung / dang sku'i gludu bor / na / srIn rtsang srin pod de 'tsal te mchis / myi thar te [mchis?] / na /7r298rtsang rje pva 'a thar te mchis / myI rma bu mching rgyal 'di lha la nyan du btsugs na / rtsang lha pu dar la nyan /7r299du btsugso / / srin la khlud bor na / rtsang srIn pod de mye myi dgu chu myi rlang ba'i yul du gludu bor /7r300ro / / yul gnubs shul king drug na / rje gnubs rje sribs pa bzhugs / srin gnubs / ni /7r301rkang pran / / kyis srin yul mye myi dgu chu myi rlang kyi yul du bkri zhes bgyis na' /7r302rong po lde khar gyIs / srIn gan du glud bor na gnubs srin rkang pran gyi gan du [glud?] bor / lha la7r303nyan du btsugs na / gnubs na / gnubs lha mthon drug la nyan du btsugs / yungs kar ni [---]7r304dang g.yu slag cen dang bse byang pang pa myig dang / lha la ni nyan du btsugso / lha la nyan btsugs7r305pa dang srin la glud bor ba'i rtan btsal ba / ni nan snga ma bzhin du bskor ro / / lha la nyan du btsugs na7r306thang [lha (/la)] ya bzhur la / nyan du btsugs srin kan du glud bor / na / thang srIn pyo pyo mo'i gan du /7r307glud bor ro / 'brog srIn pyab ma'i gan du glud bor / rje thang rje sum po ni bshos so / / myi rma bu mching7r308rgyal yang lha la nyan du btsugs / na / thang lha ya bzhur la nyan du btsugs srin la / glud du [---] /7r309bor na / thang sin pyo pyo mo ''brog srin pyab ma la gludu bor [---] [lha?] 'og du [---] [gda'?] /8r310spags / srin 'og du ni glud bor / / yul ngas po khra sum na / rje drang rje rnol nam zhig / [ngas?] po /8r311srIn nag ra rgyas / srin yul mye myi dgu chu myi rlang kyI yul du bgrI zhis mchI na / drang gshen /8r312'brong pyag gyIs / lha la ni nyan du btsugs / khlum lha thugs po / la nyan du btsugs /8r313srin gan du glud du bor na / klum srin / dom ra'i gan du glud du bor / myI rma bu mching rgyal / gyang /8r314lha la nyan du btsugsna / klum lha thugs po la nyan / du btsugs / srIn gan du [gludu?] [bor?] nal /8r315klum srIn dom ra rgya'i gan du gludu bor / / myi rma bu mchIng rgyal yang myi lha rang then [---] /8r316yul skyi ro ljang sngon na / rje skyi rje rmang po zhig / srin skyi srin tsa lung zha'i mchid nas [---] /8r317mye myi dgu chu myi rlang gyi yul du bgri zhis mchi' / skyi gshen rgyan ngar zhig gnyar [te?] / srin /8r318'og du ni glud bor / lha 'og du ni gda' spags / lha la nyan / btsugs / na skyi bla [pya (/phya)]8r319mang la / nyan btsugs / srin la glud bor na / skyi srin tsha lung [zhal?] glud bo [---] myi rma8r320bu mching rgyal yang lha la nyan du btsugs na skyI bla pya mangs la / nyan du tsugs [---] glud8r321du bor na / skyi srin / tsa lung zha'i gan du glud du bor / / yul yar khyim sogs [yar (/kar)] [na'?] / /8r322yul rje 'o lde spu rgyal bzugs / na / srIn yar srin pa sna rIng po'i mchid nas / srin [---] yul /8r323mye myi dgu chu myi rlang kyi yul du bgri zhes mchi' / lde gshen rmun bu bkug ste / lha la nyan du /8r324btsugs na / yar lha sham po la nyan du btsugs / srin la gludu bor na / yar srin [dra? la?] la glud du8r325bor / / yul dbye mo yul drug / na / dbye rje khar ba zhig srin dbye srin yug mo'i mchid nas srin8r326yul mye myi dku chu myi rlang kyI yul du bkri zhes na / dbye gshen kar bu ljon pyug / [---] nyar /8r327te / la nyan du btsugs na / dbye bla spyi gang gangsla nyan du btsugs / srin la glud [---] na /8r328dbye srin yug mo la glud du bor / / yul rngegs shul khling brang ce 'u na / rje rngeg rje [gling?]8r329'brang tse 'u bzhugs / srin rngegs srin ra lpags kyi mchid nas srin yul mye myi [dgu?] [chu?] myi /8r330rlang kyi yul du bkri zhes mchi / rngegs shen / rmun bus lha la nyan du btsugs na / [rngegs?] lha /8r331pya rmang la nyan du btsugs / srin la glud du bor na / rngegs srin ra lpagsla / gludu bor / [---]8r332yul 'ol pu dag dang na / rje 'ol rje zin prang bzhugs / 'ol srin den po bla'i mchid [nas?] /8r333srin yul mye myi dgu chu myi rlang kyi yul du bkri zhes mchi' / ljang tsa gshen kyi mun zhag8r334tsas lha la nyan du btsugs / srin la gludu bor / / 'o la sha bzan / / / yul dags yul /8r335shing nag na / rje dar rgyal sprog zin / srin dags srin phlad po mgo dgu'i mchid nas /8r336srin yul mye myi dgu chu myi rlang kyI yul du bkri zhes bgyIs na / rgyal [---] [shen?] [lo?] das nas /8r337nya la ni nyan btsugs / srin la glud bor / / / yul mchims [---] / kyi dgra sul / na /8r338rje mchims rje ne 'u / bzhugs / srin mchims srin / pod [---] du khlad8r339kyi pya khyI ma'i mchid nas / / srin yul mye myi dgu chu myi [rlang?] kyi yul du bkri [---]8r340shen do rab 'bring rab kyIs mchid nas / lha la ni nyan du btsugs / srin la [ni?] [---] bor /8r341myang yul shing sngon na / rje myang tsun rgyal po dog / cig bzhugs / myang [sri (/srin)] [---] gnag brang8r342ma'i mchid nas / srin yul mye myi dku chu myi rlang kyi yul du bkri zhe [---] /8r343rgyas lha la nyan du btsugs / srin la gludu bor / / /8r344yul rkong yul bre snar na / rje rkong 'de dkar po bzhugs / rkong [srin?] [---] den [po?] 'i [mchid?] /8r345nas / srin yul mye myI dku chu myi rlang kyI yul bkri zhe na / rkong shen [---] dog po [dog?] nya /8r346yIs lha la nyan du btsugs / srin la gludu bor / / yu [mdo?] ro / [---] lung [---] / rje8r347mdo rje 'on brang bzhugs / srin mdo srin rkang mar kyi mchid nas / srin [yul? mye? myi? dku?] /8r348chu myi rlang kyi yul du bkri zhe na / mdo gshen mar rtas nya la ni nyan tsugs [srin?] [la?] [ni?] [gludu?] [bor?]8r349/ yul rgya yul gdan bzangs na / rje rgya rje mye mtshang rmang po bzhugs / srin [---] [myig] [mar]8r350kyi mchid / nas / srin yul mye myi dgu chu myi rlang kyi yul du bkri zhe na / / rgya bon leg dang rmang8r351bas lha la ni nyan btsugs srin la ni kludu bor / / myi ji rang [te?] [---] [na?] / myi nyan rang rten /8r352nyan ji rang then na nyan lha rang then / lha dgu nyan du btsugs [---] srin dgu gludu bor / /8r353lha 'og du rkad spags srin 'og du glud kyis slud na / myi lud [---]8r354myi skad ma mchis na / ya bla bdung po yod gzas ma / [---]8v1mchis / gya lung pya skord ma mchis /8v2na pya rje khra 'ang yong gzas ma mchis / myi 'ong du klu du bor [rje?] [---] spar to