Pelliot tibétain 1288 + IOL Tib J 750 (= Ch.79.VIII)

53shIng / btsan mo snya mo steng[s] snya shur spungs rye rgyug la bag mar gshegs par lo gchIg / 54 /:/ (vermilion<) spre'u lo la (>vermilion) bab ste / btsan po dbyard shangs gyI sum chu bo na bzhugs cIng / dgun nam ts[e] glIng du55gshegste / nad 'brum bus bsnyengs par lo gchIg / 56 /:/ (vermilion<) bya gagI lo la' (>vermilion) btsan po dbyar stod pho dam mdo na bzhugs shIng / dbyar smad sum chu bor sposte /57'dun ma 'dong ka'I ne tso lung du mgar btsan snya ldom bu dang / khrI 'brIng btsan brod gnyIs gyis bsduste58'brog mkhos chen po bgyis / dgun pho brang shangs gyI rab ka tsal du gshegs shIng / 'dun ma dungs59gyI stag tsal du bsduste / mun magI rkang ton bgyIs / pha los bkug par lo gcig / 60 /:/ (vermilion<) khyI lo la bab (>vermilion) ste / btsan po dbyard zrId na bzhugs shIng / lcog la log pa dang / dgun tshang bang snar / gshegste61/ 'dun ma glag gI pu cung du 'duste / zhugs long dmar pho brtsIs par lo gcig / 62 /:/ (vermilion<) phagI lo la bab ste / (>vermilion) btsan po dpyid zhe shing du gshegste / btsan mo khrI mo lan gyIs / ston mo chen po63gsold / 'bon da rgyal khrI zung gyIs / gser zangs chen po gsold pha dang / dbyard bal po na bzhugs64shIng / blon btsan snyas / zhIms gyI gu ran du zhang zhung gyI mkhos bgyIste / dru gu yul du ltang yor mchIs65dgun btsan pho 'on gyI sna bo na bzhugs par lo gchIg / 66(vermilion<) /:/ byI ba'I lo la bab ste (>vermilion) dbyard btsan pho sprags gyI sha ra na bzhugs shIng / dgun tshang bang sna nas / khrI67mang slon dgung du gshegs / btsan pho sras khrI 'dus srong / sgregs gyI lha lung du bltam / blon btsan68snyas dru gu yul du drangste / ldum bu khrI bshos khrom 'tsald par lo gchig / 69(vermilion<) /:/ glang gI lo la (>vermilion) / btsan po yab gyi spur ba lam na mkhyId cing bzhugste / rye shIn khu bul bu dang lcog la rIng70tsug skor dang gnyIs / glo ba rIngste / zhang zhung log cIng btsan po khrI 'dus srong nyen kar na bzhugs par lo chig / 71(vermilion<) /:/ stagI lo la bab ste (>vermilion) / btsan po yab gyI ring / ba lam na mkhyId cing bzhugste / dgun stod 'dun ma glagI72ryu byer 'dus / dgun smad mngan du 'duste / ra sang rje spung rye ryung dang / khu khrI snya dgru zung la bkyon bab73ste / btsan pho nyen kar na bzhugs shIng / yab btol bar lo gchIg / 74(vermilion<) /:/ yos bu'I lo la / (>vermilion) btsan po nyen kar na bzhugs shIng / pying bar btsan pho yab gyI mdad btang bar lo cig / 75(vermilion<) 'brugI lo la / (>vermilion) btsan po nyen kar na bzhugs shIng / blon khrI 'bring gyIs ru ringsu bsduste / khu dang ra sang76rje'I nor brtsIs / blon chen pho btsan snyas / sprags gyI mur gas su bsduste / dgun 'dun ba bams77gyI g.yag ru thang du blon chen po btsan snya dang / blon khrI 'bring gnyIs gyis bsdus par lo gchIg / 78(vermilion<) /:/ sbrul gyI lo la bab ste / (>vermilion) btsan po nyen khar na bzhugs shing / dbyard blon chen pho btsan snyas 'dun ma zrId mdar79bsduste / gnubs mang nyen bzhI brtsan dang / mgar mang nyen stag tsab gnyIs / bog la nas mas byung ste / 'dun80ma' rgyas gyI lung rIngs sdu bsdus phar lo gchIg / 81(vermilion<) /:/ rta'I lo la bab ste (>vermilion) / btsan po nyen kar na bzhugs shIng / blon chen pho btsan snyas / 'dun ma sgyog ram du'82bsduste / dgun mang nyen bzhI brtsan dang / mang zham stag tsab gnyis gyIs / 'dun ma rte'u mkhar du bsduste83brung pa lho 'brIng po rgyal sum sregs gyIs / nyen kar du 'bul skyems gsold phar lo gcig / 84(vermilion<) / lugI lo la bab ste / (>vermilion) btsan po nyen kar na bzhugs shIng / blon chen pho btsan snyas / sprags gyI mur85gas su / bsdus / dgun btsan mo mun cang kong co'i mdad btang bar lo gchig / 86(vermilion<) /:/ spre'u lo la bab ste (>vermilion) / btsan po nyen kar na bzhugs shIng / blon che btsan snyas / 'dun ma dbu ru shod gyI re87skar du bsduste / khu 'dus tsan dang rngegs khyI ma re dang / 'a zha gsum mchid shags 'tshal zhing / gnag88nad chen pho byung ste / khrI boms su / gor sha'I ltong brgyus nas / dgun 'dun shangs kyI rab kha tshal du'89'dus nas / rtsang chen gyI mngan bzhI las / gnyis su bcos phar lo gchig / 90(vermilion<) /:/ bya gagI lo la bab ste / (>vermilion) btsan po nyen kar na bzhugs shIng / blon chen po btsan snya dang / mang nyen stag91tsab gnyIs / dme' byung / shangs gyI sum chu bor / blon chen pho btsan snya gum / bang mo bang kar du blon khrI92'brIng btsan brod blon / chen phor btshug / blon khrI 'brIng gyis / dgun glagI pu chung du bsduste / btsan po khrI93'du srong du mtshan gsold / snom bu pas dug ma mang po bzung nas bkum bar lo gchig / 94(vermilion<) / khyI 'i lo la bab ste / (>vermilion) btsan po nyen kar na bzhugs shIng / blon khrI 'bring gyIs / dru gu yul du drang zhes bgyI95bgyI ba las / phyI dalte / dbyar 'dun shong snar 'dus / dgun bra ma thang du 'duste / shangs man chad du96zhIng gyI phying rIld btab phar lo gcig / 97(vermilion<) /:/ phagI lo la bab ste (>vermilion) / btsan po nyen kar na bzhugs shIng / blon khrI 'brIng gyis / dru gu gu zan yul du drangs / dgun98rtsang chen gyI phying rIld btab / 'bon da rgyal khrI zung dang / gnubs mang nyen bzhI brtsan dang / mgar sta gu ri99zung gsum gyIs / bzang sum tsal du bsduste / rtsang chen gyI log pho dang pho btsud par lo gchIg / 100(vermilion<) / byI ba'I lo la bab ste / (>vermilion) btsan po nyen kar na bzhugs shIng / dbyar 'dun zu spug du 'dus / dgun dbon da rgyal101khrI zung gyIs / zhogs gyI tshur lung du bsdus / btsan mo khrI mo stengs dags yul du chab srId la gshegs phar lo chIg / 102(vermilion<) / glang gyI lo la bab ste / (>vermilion) btsan po nyen kar gyI thang bu ra na bzhugs shIng / btsan mo khrI bangs / 'a zha rje la bag mar103gshegs / blon che khrI 'brIng dru gu yul nas slar 'khor te / dgun 'dun phul poe nya sha tshal du 'dus par lo chig / 104(vermilion<) / stagI lo la bab(>vermilion) ste / dbyard btsan po bal po bzhugs shIng / blon che khrI 'brIng gyis 'o yugI tsha stengsu mun105magI rtsis mgo bgyIs pha dang / dgun btsan pho 'on gyI 'a ga tsal na bzhugs shIng / dbon da rgyal dang blon che khrI106'brIng gyis / rtsang gyI gling kar tshal du bsduste / rtsang chen pha'I khram dmar po btab pha dang / mgar 'brIng rtsan / rtsang107rton dang / pa tsab rgyal tsan thom po gnyIs gyis / g.yo ru'I zhing gyi phyIng ril btab phar lo gchIg / 108(vermilion<) / yos bu'I lo la bab ste / (>vermilion) btsan po nyen kar na bzhugs shIng / dbyar 'dun sre'u gzhug du 'dus pa las /109lha gshegs nas / khra snar 'phoste / phyIng rild dang / rabs cad gyI rtsis bgyIs / dgun skyI bra ma tang du 'duste /110zhugs long dmar poe rkang ton bgyIs par lo gchIg / 111(vermilion<) / 'brugI lo la bab ste / (>vermilion) btsan po nyen kar na bzhugs shIng / dbyar 'dun shong snar 'duste / mngan chen po112drug du bskos / dgun 'dun skyI gling rIngs tsal du 'duste / khram dmar po btab / mdo smad gyI dgun 'dun113rgyam shI gar du 'duste / sum pa'I sho tshigs bzung bar lo gcig / 114(vermilion<) / sbrul gyI lo la / (>vermilion) btsan po nyen kar na bzhugs shIng / dbyard dung skyI stag tsal du 'duste / lnga brgya chen po bskos /115dgun bzang sum tsal du 'duste / rtsang cen poe 'brog bskos nas / blon che khrI 'brIng 'a zha yul du mcIs par lo chig / 116(vermilion<) / rta'I lo la (>vermilion) btsan po mal troe brdzen tang na bzhugs shIng / blon mang nyen bzhI brtsan gyis 'dun ma zu spugI zhon117bar bsdus shIng / mgar sta gu sog dagIs bzung / dgun btsan po re'u tsal na bzhugs shIng / ton ya bgo kha gan118pyag 'tsald / 'dun ma glagI phu chung du 'bon da rgyal dang / mang nyen bzhI brtsan gyIs bsduste / da rgyal guM bar lo chig / 119(vermilion<) / lugI lo la (>vermilion) btsan po dbyard bal po na bzhugs shing / 'dun ma dra'I gro pur 'dus pa las / mgar btsan nyen120gung rton glo ba rIngste btsan po ltam du gshegs / dgun btsan po brag mar du gshegs / sha tsal du mgar gung121rton gyI zhal ce dbyangs nas / nyen kar lcang bur btsan poe bkas bcade / gung rton bkum / blon che khri 'bring122'a zha yul du mcIs shing / stag la rgya dur du rgya'I dmag pon wang zhang sho dang g.yul sprade rgya mang po bkuM bar lo chig / 123(vermilion<) / spre'u lo la / (>vermilion) btsan po zrId mda' na bzhugs shIng / blon ce khrI 'brIng gyis / 'a zha yul gyI sil gu cIn gyi 'o kol du124'a zha'I mkhos bgyIs / dgun 'o bar tshal du mang nyen bzhI brtsan gyIs bsduste / btsan mo mang mo rje las myI mang po bkug lo cIg / 125(vermilion<) / bya gagI lo la bab ste / (>vermilion) btsan po bal po na bzhugs shIng / ce dog pan gyI po nya phyag 'tsald / dgun pho brang126brag mar gyI tsal ka na bzhugs shIng / 'dun ma 'on gyI 'a ga tsal na bzhugs par lo gchIg / 127(vermilion<) / khyI lo la bab (>vermilion) ste / btsan po dbyard byang rol du gshegs / dgun blon (interline<) chen (>interline) pho khrI 'bring gyIs / tsong ka che chung du drangste /128rgya'I dmag pon chen po thug pu shi bzung / de'i dgun mgar la bkyon phab ste btsan po phar du gshegs par [*lo] chig / 129(vermilion<) / pagi lo la bab ste / (>vermilion) btsan po dbyard phar nas bal phoe bri'u tang du gshegs shIng / rgya'I pho nya je'u zhang sho pyag130'tsald / dgun btsan pho dold gyI mar ma na bzhugs shIng / glo ba nye ba yig gtsang dang bya sga stsald / ton131ya bgo kha gan phyag 'tsald / sgregs gyI bya tsal du bkyon bab gyI nor brtsIs par lo gchig / 132(vermilion<) / byI ba'I lo la bab ste / (>vermilion) btsan po dbyard mong kar nas chab srId la sha gu nyIng sum khol du gshegs shIng /133ton ya bgo kha gan dru gu yul du btang / ston btsan pho gshegste ga chur drangs / dgun btsan poe pho brang134rma bya tsal na bzhugs / yum khrI ma lod 'on cang do na bzhugs shIng / 'ba' da shI phyag 'tsald par lo chig / 135(vermilion<) / glang gyI lo la bab ste (>vermilion) / btsan po dbyard gser zha na bzhugs shIng / zong cu dang the'u chur drangste / yum khrI136ma lod stod gyI mong na bzhugs shIng / dgun btsan pho khrI rtse na bzhugs cIng / dpyId ltab mar / zong chu dang /137the'u cur drangste / yum khrI ma lod / ngan lam tsal sar pa na bzhugs shIng / 'dun ma glagu chung du zhang btsan138btsan to re lhas byIn dang / seng go snang to re skyI zung gyis / bsdus par lo gchIg / 139(vermilion<) / stagI lo la bab (>vermilion) ste / btsan po dbyard pong khrI mu stengs na bzhugs / yum khrI ma lod yar 'brogI 'jon140na bzhugs / dgun btsan pho khrI rtse na bzhugs / mdo smad gyI dgun 'dun nam ldong prom du khu mang po rje lha141zung dang / blon mang rtsan ldong zhIs bsduste / sum ru'I mkos chen po bgyIs / yum 'on cang do na bzhugs142cIng / 'dun ma'ang 'on cang dor bsduste / [shId (/shIng)] gyi bka' tang chen po bor bar lo chig / 143(vermilion<) / yos bu'I lo la / (>vermilion) btsan po dbyard glIng gI 'ol byag na bzhugs shIng / rgya'I po nya kam keng phyag 'tsald /144mdo smad gyI dgun 'dun yol gyI ci 'bosu bsdus / yum rnang pho dur myIg na bzhugs shIng / khu 'byur lod btsan145bkum / dgun btsan po 'jang yul du gshegste / 'jang phab / par lo gcIg / 146(vermilion<) / 'brugI lo la bab ste / (>vermilion) dpyId kho brang tsal du rgyal btsug ru bltam / dbyard btsan po yab rma grom gyI yo147tI cu bzangs na bzhugs shIng / yum khrI ma lod yar 'brog gI 'o dang na bzhugste / 'dun ma brag sgor148'dus / dgun btsan pho chab srId la myva la gshegs pa las / dgung du gshegs / yum khrI ma lod lhas149gang tsal na bzhugste / 'dun ma byar lIngs tsal du zhang khrI bzang stag tsab gyIs bsdus par lo chig / 150(vermilion<) / sbrul gyI lo la bab ste (>vermilion) / btsan po sras rgyal gtsug ru dang / pyI khrI ma lod dron na bzhugs / ldeg ren pa'151mnon snang grags dang / khe rgad mdo snang las stsogs pa log ste bon mo na la tser ldeg ren pa log152pa rnams bkum / pong lag rang du btsan po gcen lha bal pho rgyal sa nas phab / btsan po yab khrI 'dus153srong gyI dpur / mer ke'i rIng khang na bzhugs / dgun (interline<) btsan (>interline) po rgyal gtsug ru dang / pyI khrI ma lod zhur na bzhugs /154khu mang po rje lha zung / blon chen por bka' stsald / de'i rjes la glIng rings tsal du khu mang po rje lha zung155la bkyon phab / dba's khrI gzigs zhang nyen blon chen phor bka' stsalde / se rIb log par lo gchIg / 156(vermilion<) / rta'I lo la (>vermilion) bab ste / btsan po dang / phyI dbyard dron na bzhugs / btsan po yab gyI dpur mer ke na bzhugs157'dun ma / na mar du 'bon da rgyal btsan zung dang / blon chen pho khrI gzigs gyIs bsduste / lho 'dus sregs158la bkyon phab / mdo smad gyI dgun 'dun par gyI gle mar zhang rgya stos bsdus / dgun phyIng bar btsan po159yab gyI mdad btang / pyI mang pangs nongs / mdo smad gyI 'dun ma yol gyI rte'u dkyusu 'dus par lo chig / 160(vermilion<) / lugI lo la bab / (>vermilion) btsan pho dbyard bal po na bzhugs / pyI dron na bzhugs / dbyar 'dun lha gab du 'bon161da rgyal dang / blon chen po khrI gzigs gyIs bsduste / mngan gyI khab soe khram spos / brung pa gnubs kho ma re gum162ste / skyIn bar rdo 'phan kong bcug / khu dang / lho bkyon bab gyI nor brtsis / ston phyI mang pangs gyI mdad btang /163dgun btsan po brag mar na bzhugs pa las / po brang 'phoste / phyI sbon lhas gang tsal na bzhugs / dgun 'dun164'on cang dor blon chen pho khrI gzigs gyIs bsdus ste / lnga brgya stong bu rjer bcos / mdo smad gyI mdun ma'165rag tagI rma rong du 'dus par lo gcIg / 166(vermilion<) / spre'u lo la bab ste / (>vermilion) btsan po dbyard bal po sha ru mkhar na bzhugs / pyI po brang dron na bzhugs shIng / dbyar167'dun mkhrIs pha tang du blon chen po khrI gzigs gyIs bsduste / sku srungs gyI khram dmar pho brtsIs / dgun168btsan po pho brang brag mar na bzhugs / pyI lhas gang tsal na bzhugs / 'dun ma 'on chang dor / blon chen169po khrI gzIgs gyis bsdus / mdo smad gyI mdun ma rag tagI nyam pur 'dus / 'bangs la gser170khral mang po bsdus / dpyId btsan mo ga dun gyI mdad btang bar lo gchig / 171(vermilion<) / bya gagI lo la bab ste / (>vermilion) btsan pho bal po na bzhugs / phyI dron na bzhugs / dbyar 'dun mkhrIs pa rtsar 'duste /172g.yo ru'i 'brog gyI mkhos bgyis / dgun btsan phoe pho brang brag mar na bzhugs / pyI lhas gang tsal na'173bzhugs / 'dun ma 'on cang dor 'duste / ru lagI zhugs long dmar pho brtsIs / se rib gyI rgyal pho bzung / mdo174smad gyI dgun 'dun gtse nam yor du 'dus par lo gchig / 175(vermilion<) / khyI lo la bab ste / (>vermilion) btsan po bal po na bzhugs / pyI dron na bzhugs / mkhrIs pha tang du 'dun ma 'duste /176btsan mo khong co gshegs pa'I yo byad bkral / zhang btsan to re lhas byIn las stsogs pas / gnye bo bgyI177ste / btsan mo kIm shang khong co ra sa'I sha tsal du gshegs / dgun btsan po stangs dbyal brag mar na bzhugs178pyI lha sgang tsal na bzhugste / mdo smad gyI 'dun ma gtse naM yor du zhang rgya sto dang / sta gu rI tsab gyis bsdus par lo chig / 179(vermilion<) / pagI lo la / (>vermilion) btsan po dbyard bal po na bzhugs / pyI dron na bzhugs / dbyar 'dun gzhong phyag du 'bon da rgyal btsan180zung dang / blon chen pho khrI gzigs gyIs bsduste / chog ro khong ge la bkyon bab / dgun btsan phoe po brang brag mar181na bzhugs / pyI lhas gang tsal na bzhugs / skyI rnamsu 'bon da rgyal btsan zung dang / blon blon chen pho khrI182gzigs gyIs bsduste / pha los mang pho bkug / mdo smad gyI 'dun ma gtse nam yor du chog ro khrI gzigs183/ gnang kong gyIs bsdus par lo gchIg / 184(vermilion<) / byI ba'I lo la / (>vermilion) btsan po dbyard bal pho na bzhugs / pyI dron na bzhugs / 'bon da rgyal dang / blon chen pho khrI gzIgs185gyIs / lha gab gyI bye ma lung du bsduste / dgun brag mar na bzhugs / btsan poe mtshan rgyal gtsug186ru las / khrI lde gtsug rtsan du gsold / pyI khri ma lod nongs / dgun 'dun skyI dra tsal du 'bon da rgyal dang /187blon chen pho khrI gzigs gyIs bsduste / ru gsum gyI khram dmar pho brtsIs / phyi btol bar lo gchig / 188(vermilion<) / glang gyI lo la bab ste / (>vermilion) btsan po dbyard mal troe brdzen tang na bzhugs / 'bon da rgyal dang blon chen pho189khrI gzIgs gyis / dbyar 'dun zu spugI rkyang bu tsal du bsduste / lnga brgya bskos / sngo sa skya sa / kha bstand190rgya'I pho nya yang kheng phyag 'tsald / dgun btsan phoe pho brang brag mar na bzhugs / pying bar phyI khri191ma lod gyI mdad btang / dgun 'dun mong kar du / blon chen pho khrI gzigs gyIs bsduste / gnubs192khrI mnyen mon tsan gum nas / khud pa chen phoe 'bangs khrI sum rje rtsang bzher la phul bar lo chig / 193(vermilion<) / stagI lo la bab (>vermilion) ste / btsan pho dbyard mal throe brdzen tang na bzhugs shIng / 'dun ma / mal throe ltamsu / blon chen194po khrI gzigs gyis bsduste / brung pa rdo 'phan kong nI byung / tshes pong tre gong bchug ste / 'bon da rgyal dang zhang195btsan to re lhas byIn gyis / sIl gu cIn gyi 'o khol du 'a zha'I mkhos bgyIs / dgun btsan pho nyen kar na'196bzhugs / dgun 'dun mnon du blon khrI sum rje rtsang bzher gyIs / bsduste / 'bon da rgyal dang / blon chen pho197khrI gzigs gnyIs gyis / 'bu shIng kun du dra ma drangste / slar 'khord par lo gchIg / 198(vermilion<) / yos bu'I lo la / (>vermilion) btsan po zhe shIng gyI rtsibs na bzhugs / dbyar 'dun zu spugI rkyang bu tshal du blon khrI sum rje rtsang199bzher gyIs bsduste / rtsang cen gyI brung pa lang sa tseng gum ste / zhang khrI mnyes smon zung bcug / dgun btsan po nya sha200tshal na bzhugs / 'dun ma 'o yugI nubsu / blon khrI sum rje rtsang bzher gyIs bsduste / blon chen po khrI gzigs201gyis / mdo smad gyI dgun 'dun rgyodu bsdus nas / mdo smad gyI mkhos chen po bgyIs par lo gchIg / 202(vermilion<) /:/ 'bragI lo la bab (>vermilion) ste / dbyard btsan pho pho brang / 203(vermilion<) /:/ sbrul gyI lo la (>vermilion) btsan po dbyard dungs na bzhugs / mdo smad gyI 'dun ma blon chen po khrI gzigs gyIs / gnyI204jI gen du bsdus / dgun btsan phoe pho brang brag mar na bzhugs / dgun 'dun mong kar du blon khrI sum rje rtsang bzher205gyis / bsduste / chIbs pon zhang khrI mnyes mnyen lod byung / zhang 'brIng rtsan khyI bu bchug / blon chen pho khrI gzIgs206gyIs / mdo smad gyI dgun 'dun ryam shI gar du bsduste / mngan gyI khyIm rtsis bgyIs phar lo chig / 207(vermilion<) / rta'I lo la / (>vermilion) btsan po dbyard bal po na bzhugs / dbyar 'dun gro pur zhang btsan to re dang / blon khrI sum rje rtsang bzher208gyis bsduste / dags poe khram dmar pho btab / dgun btsan phoe pho brang brag mar na bzhugs / ru gsum gyI rje zhing209glIngs gyI pying rIldang / sog rIld bgyIs / mdo smad gyI dgun 'dun / blon khrI gzigs gyIs / yol du bsdus phar lo chig / 210(vermilion<) / lugI lo la / (>vermilion) btsan po dbyard bal po na bzhugs / dbyar 'dun dra'I zar phur zhang btsan to re dang / blon khrI sum rjes bsduste211/ ru gsum gyI rje zhing gyI phying rIl gyI rtsis dang / sog ma'I rtsis dang / ru yong phyI gseng gum ste / brung pa seng go mon bu bchug212pa'I rtsis bgyIs / dgun btsan po brag mar na bzhugs / dgun 'dun tshang bang snar zhang btsan to re dang / blon khrI sum213rjes bsduste / zhang zhung dang mard kyI pha los bkug / rngegs mang zham stag tsab gyIs / rtsang chen gyI rje zhing gyI pying214rIl btab / mdo smad gyI dgun 'dun blon chen po khrI gzigs gyIs yol du bsdus phar lo gchIg / 215(vermilion<) / spre'u lo la / (>vermilion) btsan po dungs gyI stag tsal na bzhugs shIng / 'bug cor gyI pho nya phyag 'tsald / dbyar 'dun dungs216gyI mkha' bur zhang btsan to re dang / blon khrI sum rjes bsduste / rtsang chen gyI rje zhing glIngs gyi pyIng rild gyI rtsis bgyIs /217dgun 'dun bzang sum tshal du zhang btsan to re dang / blon khrI sum rjes bsduste / zhang lon gtsang la / chIbs gyI chas218phab / rgya'I mkar so ga song phab / mdo smad gyI dgun 'dun gtse nam yor du bsdus par lo gchIg / 219(vermilion<) / bya gagI lo la / (>vermilion) btsan po dbyard dungs gyI stag tsal na bzhugs pa las / rnang po dur myIg du 'phos shIng / dgos220dbyer / stod phyogs gyI pho nya mang po phyag 'tshald / blon chen pho khrI gzIgs dang / zhang btsan to re dang / khrI bzang stag tsab221gsum gum / dgun pho brang / brag mar na bzhugste / 'dun ma mkhar phrag du / blon khrI sum rjes bsdus nas / mngan222dang / slungs stod smad gyI thang khram chen po btab / mdo smad gyI dgun 'dun 'ryam shI gar du blon khrI gzIgs gnang223khong gyIs bsdus / dba's khrI sum rje rtsang bzher blon chen por bka' stsald / yum btsan ma tog nongs par lo chig / 224(vermilion<) / khyi lo la / (>vermilion) btsan po dbyard bal po na bzhugs shIng / dbyar 'dun drIb nag du blon chen po khrI sum rjes bsdus / dgun225btsan po brag mar na bzhugs / dgun 'dun mkhar prag du / blon chen pho khrI sum rjes bsduste / khab soe thugs nyen226gyI lhag cad brtsIs / mdo smad gyI 'dun ma gtse nam yor du blon khrI gzIgs gnang khong gyis bsdus phar lo chig / 227(vermilion<) / phagI lo la / (>vermilion) btsan po dbyard bal po na bzhugs shIng / dbyar 'dun drIb nag du blon khrI sum rjes bsduste / mngan lang228gro snya brtsan khong lod dang / seng go 'brIng rtsan mon chung gnyIs phyung ste / chog ro snya zhIn kong dang / gnubs khrI sum rje229stag rtsan gnyIs bchug / dgun btsan pho brag mar na bzhugste / yum btsan ma thogI mdad btang / 'dun ma mong kar du230blon khrI sum rjes bsduste / khud pa chen pho blon khrI sum rjes / zhang khrI mnyes smon zung la phul ba'I rtsis bgyIs /231mdo smad gyI dgun 'dun gtse nam yor du blon khrI gzigs gnang khong gyIs bsdus par lo chIg / 232(vermilion<) / byI ba'I lo la / (>vermilion) btsan po dbyard spel na bzhugs shIng / byang roldu gshegste / kho nye du rur / g.yag rgod la rol mo mdzade /233g.yag rgod sgrog du bchug / dbyar 'dun dbu ru shod gyI lcI'u lung du blon chen po khrI sum rjes bsdus / pa nong gyI chos gong234du / blon sta gu rI tsab gyis bsduste / zhang zhung gyI mkos bgyIs / dgun btsan pho brag mar na bzhugs / blon chen po khrI suM235rjes / dgun 'dun lhas gang tsal du bsdus / blon khrI gzigs gnang kong gyIs mdo smad gyI 'dun ma rgyodu bsdus par lo chIg / 236(vermilion<) / glang gyI lo la / (>vermilion) btsan po dbyard mtshar bu sna na bzhugs / shIng / blon khrI sum rjes bal poe brI'u tang du bsduste / blon chen237po khrI sum rje gum / dgun pho brang brag mar na bzhugste / tshang bang snar seng go mon chung spyugs / dpyId / rngegs mang zhaM238stag tsab / blon chen phor bka' stsald par lo gcig / 239(vermilion<) / stag gI lo la / (>vermilion) btsan poe pho brang sre ga'I mtshar bu sna na bzhugs / blon chen pho mang zham gyIs lha gab du bsdus /240dgun btsan poe pho brang / brag mar na bzhugs / mngan mched brgyad las bzhIr bcos pa'I zlugs gyI ring lugs241bkye' / dpyId blon chen po mang zham gyIs / zlor bsduste / mngan gyI thang sbyard / khab so'I khrald pa bskos / mdo smad242gyI dgun 'dun stag sgra khong lod gyIs / gtse nam yor du bsdus par lo gcIg / 243(vermilion<) / yos bu'I lo la / (>vermilion) btsan po dbyar chab srId la 'a zha yul du gshegste / shuldu dba's sum po skyes bka' gyod la244chags / rgya'I mkhar kva chu sIn cang phab / blon chen pho mang zham gum / dgun btsan phoe pho brang jor gong sna na'245bzhugste / 'bon 'a zha rje dang / zhang dbon gdan tshom / dba's stag sgra khong lod blon chen por bka' stsald /246'a zha phal pho che bya sga stsald / bod yul gyI dgun 'dun skyI lhas gang tshal du / zhang 'brIng rtshan khyI bus bsdus247mdo smad gyI 'dun ma 'bro lchI'u lung du blon khrI 'zigs gnang khong gyIs bsdus par lo gchIg / 248(vermilion<) / 'brugI lo la / (>vermilion) btsan po dbyard mtsho bgoe bol gangs na bzhugs pa las / slar bod yul du gshegste / 'dun ma zrId249gyI ldu nag du 'dus / dgun pho brang brag mar na bzhugste / dba's stag sgra khong lod la bkyon phab nas / 'bro chung bzang250'or mang blon chen por bka' stsald / dgun 'dun byar lIngs tsal du blon chen po cung bzang gyIs bsduste / mngan251chen po brgyad las / bzhIr bcos pa'I tang khraM btab / mdo smad gyI 'dun ma rgyodu bsdus par lo gchIg / 252(vermilion<) / sbrul gyI lo la / (>vermilion) btsan poe pho brang dbyard sre ga'I mtsar bu sna na bzhugs / blon skyes bzang ldong tsab las253stsogs pas / mu le cu ler g.yul sprade rgya mang po bdungs / dgun pho brang brag mar gyI dbu tshal na bzhugste rgya'I254po nya lI tsong kan pyag 'tsald / blon chen po cung bzang gyIs / dgun 'dun skyI sho ma rar bsduste / mun magI snon255god brtsIs / dmag dru gu yul du drangs pha slar 'khord par lo gchIg / 256(vermilion<) / rta'I lo la / (>vermilion) btsan po dbyard ba cos gyI ding dIng tang na bzhugste / rgya'I po nya tsva de pu pyag 'tsald / lcam lha spangs nongs /257dgun brag mar na bzhugs / 'dun ma mkar phrag du 'duste / kong coe blon chog ro zhIn kong phyung ste / lang gro khong rtsan bcug258pai rtsIs bgyIs / gtse naM yor du blon chen po cung bzang gyIs mtong sod gyI mkhos bgyIs par lo gcig / 259(vermilion<) / lugI lo la / (>vermilion) btsan po dbyard mtshar bu sna na bzhugste / rgya'I pho nya cang 'do shi las stsogs pha phyag 'tsald / dgun260brag mar gyI 'om bu tsal na bzhugste / dgun 'dun skyI sho ma rar blon chen po chung bzang gyIs bsduste / rtsang chen gyI261brung pa / zha snga thang rtsan byung nas / seng go mon bu bcug pa'I rtsis bgyIs par lo gchig / 262(vermilion<) / spre'u lo la / (>vermilion) dbyard btsan po ba chos gyI ding dIng tang na bzhugs / shIng / btsan yul du rgya'I pho nya / lI kheng dang / ta chIg263dang dur gyIs gyI po nya phyag 'tsald / dgun pho brang / brag mar gyI 'om bu tshal na bzhugs / dgun 'dun lhas gang tshal264du blon chen po cung bzang gyIs bsdus / lcam lhas pangs gyI mdad btang / mdo smad gyI 'dun ma zol du 'dus par lo chIg / 265(vermilion<) / bya gagI lo la / (>vermilion) btsan poe pho brang na dron na bzhugs / btsan yul du rgya'I pho nya / lI zhang sho dang myva la kag las / stsogs266pa pyag 'tsald / dgun pho brang brag mar gyI 'om bu tsal na bzhugs / blon chen po cung bzang gyIs / lhas gang tshal267du bsduste / ru bzhI rabs chad brtsIs / mdo smad gyI 'dun ma zol du 'dus par lo gchIg / 268(vermilion<) / khyI'I lo la / (>vermilion) btsan poe pho brang dbyard dron na bzhugs / rgya'I pho nya [wang (/'bang)] 'do shI phyag 'tsald / je ba 'dron ma lod dur269gyIs kha gan la bag mar btang / dgun pho brang brag mar gyI 'om bu tsal na bzhugs / 'dun ma zlor 'dus / 'a zha'I270pha los bgyIs / mdo smad gyI 'dun ma seb du 'duste / blon skyes bzang ldong tsab gyIs / khyI sha can phab par lo chig 271(vermilion<) / phagI lo la / (>vermilion) btsan poe po brang dbyard dron gyI mang ste lung na bzhugs / 'o yug du chIbs sde bzhI btsan poe272spyan snga brImste / rkang ton bgyIs / rgya'I po nya je'u jang shI pyag 'tsald / dgun brag mar gyI 'om bu tsal na bzhugs273blon chen po cung bzang 'a zha yul du mchIs par lo gcIg / 274(vermilion<) / byI ba'I lo la / (>vermilion) btsan po pho brang dron gyI mang ste lung na bzhugs / cog ro mang po rje khyI chung gyIs / dru gu yul du275drangs / dgun pho brang brag mar na bzhugs / rgya'I pho nya lI zhang sho pyag 'tsald par lo chig / 276(vermilion<) / glang gI lo la / (>vermilion) btsan poe pho brang dron gyI mang ste lung na bzhugs / blon skyes bzang ldong tsab gyIs / bru zha yul277du drangs / dgun pho brang brag mar na bzhugste / bru zha'I rgyal po phab ste phyag 'tshald / rgya'I pho nya [wang (/'bang)] 'do278shI pyag 'tsald / nas / rgyas chab srId bshIg par lo gchIg / 279(vermilion<) / stagI lo la / (>vermilion) btsan poe pho brang dbyard dron na bzhugste / chad ka bcad / dgun pho brang brag mar na bzhugs / dgun280'dun sgregs gyI bya tsal dang cu bgoe rte'u mkar du 'duste / cad ka brtsIs / skun kar rma tshe slar thob par lo chig / 281(vermilion<) / yos bu'I lo la / (>vermilion) btsan po dbyard chab srId la beg du gshegste / sras lhas bon dron na bzhugs / bzhugs282pa las nongs / btsan po yab dgun bod yul du slar gshegs / btsan mo kIm sheng khong co nongs par lo chig / 283(vermilion<) / 'brugI lo la / (>vermilion) btsan poe po brang / dbyard mtshar bu sna'I ngang mo glIng na bzhugste / je ba khrI ma lod bru zha rje la bag284mar btang / dgun pho brang brag mar na bzhugs / zhang khrI mnyes smon zung gum bar lo gcig / 285(vermilion<) / sprul gyI lo la / (>vermilion) btsan po dbyard chab srId la gshegste / rgya'I mkhar dar khva hyvan phab / zho don gyI zhang tsal du286btsan poe spyan sngar / khrom gyI mkos chen po bgyIs / dgun chab srId las slar brag mar du gshegste / bzo zhal287cos gyIs / brgalte mkar lcags rtse slar thob / btsan po sras lhas bon dang / btsan mo khong co gnyIs gyI288mdad btang / bar lo gcIg / 289(vermilion<) / rta'I lo la (>vermilion) / btsan poe po brang dbyard mtshar bu sna na bzhugs / rgya'I pho nya ^an da lang dang / myva nag poe po nya la290brI pyag 'tsald / zlor shud pu khong zung dang / lang gro khong rtsan gnyIs / 'byung 'jugI rtsis bgyIste / thang khram291btab / khu nye mon gangsu blon mang po rjes 'a zha'I mkhos bgyIs / btsan po srong lde brtsan brag mar du' /292bltam / yum mang mo rje nongs phar lo gchIg / 293(vermilion<) / lugI lo la / (>vermilion) btsan poe po brang dbyard ra mtshar na bzhugste / blon chen po chung bzang gyIs / dbyar 'dun294breng du bsduste / pha los gyI byang bu bor / dgun pho brang brag mar na bzhugs / skyI rnamsu rgod g.yung gyI pha los295cen po bkug / brag mar du rgya'I po nya kvag cung lang pyag 'tsald par lo gcig / 296(vermilion<) / spre'u lo la / (>vermilion) btsan po dbyard byang roldu gshegs pa las slar 'khorte / po brang ra mtshar tu btab / rgya'I297po nya / cang 'gvan 'ge dang / dur gyIs gyI po nya pyag 'tshald / yul yul dmag myI khram skya brtsIs / dgun po brang298brag mar na bzhugs / dgun 'dun skyI sho ma rar / blon chen po cung bzang dang blon skyes bzang gnyIs gyIs bsduste299dmag myI mkhos chen po bgyIste / btsan po bkas khram dmar po shog shog ser po la spos par lo chIg / 300(vermilion<) / bya gagI lo la / (>vermilion) btsan po dbyard 'o dang na bzhugs shIng / dgun brag mar na bzhugs / dgun 'dun301dra byer 'dus / brung pa zhang tre gong phyung ste / cog ro rma gong bcug pa dang / seng go 'phan la skyes phyung ste / myang302'dus khong bcug pa'I rtsis bgyIste / jo mo khrI btsun gyI mdad btang bar lo gchIg / 303(vermilion<) / khyI lo la / (>vermilion) btsan po dbyard pho brang na mar na bzhugs / dgun brag mar na bzhugste / blon chen po cung bzang dang304blon skyes bzang ldong tsab gnyIs gyis / dgun 'dun skyI byar lIngs tsal du bsduste / ru bzhI'i 'brog sog305gI mkhos bgyIs / btsan po bkas / stong sde'I gle'u thogsla / khral pa gu du spags / blon chen po man chad306bro stsalte / bka' nan cen pho mdzad nas / 'bangs mgo nag poe khral thung scungs par lo gcIg / 307(vermilion<) / phagI lo la / (>vermilion) btsan poe po brang na mar na bzhugste / 'brog sog gcod pa'I ring lugs so sor bkye / khu ler chIbs