Pelliot tibétain 1038

1 / / yul dang mkhar du bcas pa' / so so yul bde bzhI2las / / spu rgyal bon gI btsan po ltI'u rgyal po thod rgyal3byun te / / la la 'I [m]chId nas nI rgyal phran / bcu gnyIs4la gtogs shes kyang mchI / / myI gtog shes kyang5mchI / / btsan po 'I gdung rab kyI khungs smos pa' / /6gnam dgung gI steng na / / lha ku spyI ser bzhIs brgyI ba' / /7ma sangs tham cad gI bdag po / / srId pa kun la mnga'8mdzad pa' / / phyva'I yang phyva lags shes kyang mchI / / rnam9gnyIs su nI gdol par sha za 'I rIgs / / rgyal po gdong10dmar gyI rIgs / gangs rI byud kor gyI nI bdag po / / gnod11sbyIn dza zhes bgyI ba 'I rIgs lags shes kyang mchI12rnam gsum du nI gnam rIm pa bcu gsum gyI steng na /13khrI bar la bdun tshIg / shes bgyI / / gnam gI lha las / sa14gdog drug du / / 'greng 'go nag gI rje myed gI rje / / dud rngog chag15bla myed kyI blar / blon po lho rngegs / bon po mtshe gco / phyag16tshang sha spug / / myI rje lha dang bdud / du brgyIs nas / / yul bod ka17g.yag drug du byon zhes mchI / / gang lags kyang myI mngon ste /18gdung spu bod dang / spu rgyal du gsol / / sde yang myI bdad