Pelliot tibétain 1039

1[---] khag gun ma pha na khog2gun ma bu dga' / mya 'bud phung chu skol / lhag bye khyud mo / gtIng bya gnur / mo thang dga'3mo thang zhig shog / phung dang sdangste / mchIng rgyal la phung byad cho dgur bcIngsna / <b?> pha gla'o yang4da bo ma sa srIn byed myed ma / rma khyim 'phrang ra / byad khyIm sre ga na ku ru ga shog shog / 'bod5'bod dga' dang stangste / myI rmabu mchIng rgyal / blon po lhabo dang gnubs gnyIs / lho dang rngegs gnyis6khol lde khol thog stong / lde za gag kar zhib myI rmabu la snga gos ngan las byadu bcIngs phyi zas7ngan dug du gdon na / dug khyim gsang ra byad khyIm sre ga nangdugururu shog / 'bod 'bod yul dbye mo8yul drug ku na rje dbye rje khar ba blon gro dang / rme'u gnyis / khol dbye kol lug dgra / dbye za ko ma ma zhIg9myI rma bu mchIng rgyal la snga gos ngan la bya du bcIngs / phyI zas ngan la dugdu'don na / guru shog /10yul rngegs yul sre mo lung suM na rje rngeg rjes / glIng brag tshe'u blon gsas pa dang / myas gnyis /11khong bod gdug gnyIs / rje rngegs za gang kar sman zhig myI rmabu mchIng rgyal snga gos ngan labya12du bcIngs phyi zas ngan la dugdu gdon gururu shog / yul 'ga' shul gru bzhi na rje gdad rgyal sprog13zin blon po dgum dang / phog rol gnyis / khong stong bcu <'>dga' za khug phangs zhig myi rmabu mchIng rgyal la14snga gos ngan la byadu bcug / phyI zas ngan la dug du gdon / dku khyim sdang ra / rma khyim phrang ra byad khyim15sre ga'I nangdu ku ru ru shog / 'bod 'bod / yul mchIms yul / dku yul na rje mchIms rje blon po rde['u?]16dang phyags gnyis / khol mchims khol / pha bcu mchis / za sha chang ma zhig myI rma bu mchIms rgyal la17snga gos ngan la byadu bcings / <phyI zas ngan la dug du> zangs dku zangs byad zangs nI btsugs dku chang18hug pa<'> ni btsos / dku lug sdang lug byad lug ni <b>bsad / byad ra rgya mo dang byad byad / bye se mo nI bzung [ste?]19byad bcIngs / rkyen bkrol gyi nI byad bkrol skyen gyIs byad dgrol / gong dram ta la bor glengs / la bcar20gnam byad cho dgu gong <g>dgu grI dgu pham la btsIgs / pha byad cho ma cho dgu nI tshog mor mol21btsIs kar <nI> / gyI yan kal / gnagI man gal / g.yagI yan gal / skun gyI man gal / thon kyi man <la> gal22<sm[-] [---]> smugI man gal / las bkol / sha bo 'gam gyI tsa dang / g.yag po gnya'I chu las / dgrol23nas / myIlde spus bya tsam ba ltar bsgyud / rta ltar bsgrogs / nga bshos gsung lkugs bzhugs na / pa thebs24pa nga bshos zhve bzha 'gab du khums / phyag zha 'gab brang la zha / ba yang bshes zhal ba ba tag ltar25nan pa dang / thugs re'u tshIl ltar 'khyags pa / nga bshos bu bung nI bzhengs / ke ge kog nI bshoste gna'26bas da bzang / phrum bas lo lo dkar / gna' de ltar 'phan te bsodo / da myI rma bu mchIng rgyal 'dI dku27babs nI dgu bgyis / dbyar byad mas nI byad bgyIs ba ltar nI bsgyud / rta ltar nI bsgrogs / yan dang <'>ni28man sna dang nI yan gsung dang nI gsugs / zhud dang ltebs / bon po 'bo bu lag ngan gyIs byad khyIm sre29nI phub / dku zangs nI btsugs pa lug dku lug / byad lug / sdang lug nI bsad / chang dku chang sdang /30byad chang <la?> hug pa chang nI btsos / ra byad ra skya mo dang / bya byad bya se mo nI bzung ste / gnam cho ma31cho dgu nI / khong dgu brI dgu la phan du btsIs / sa byad cho ma cho dgu ni tsIg mo rom mo la btsIs /32dkar gyI kal gna gI / man kal / g.yagI man gal / kal skud kyI yan kal / thon gyI man gal /33sgugI yan kal / las / bro le / pho bcu ru gnya'I chu / g.yag po gnya'i chu las / dgrolo / byad <kyI> nI dgro34dgro lo / zaru dri mo mchIng skyen mchIng gi myi thI grol skyen grol gyi the <gna?> gna' phan da phan35gna' bsod na da bsod gnam gyI mtha bzhIr bso / /