Pelliot tibétain 1040

1 /:/ bon 'di gsang ba'i bon gis sul2yang bslag pa lo tus gi bro la gthogso / 3 /:/ rgyal byin gi rabs / pha yab gi mtshan na rgyal de4'I ched po ma sngom te'i ngas mo bu tha nga pung mo tang5<sbu?> pung sham bra ma zhal bzang sla re 'od dbu bzang /6ljang lo 'khril / su'i khab du bzhud na dmu yul /7steng brang na pha gthangs gyi dmu dang rje ma ba nga nu mo /8tang bu thang 'bring 'ol la cung gi khab dang dbyal du9blangste / rdzangs dang thubsu gser gi sga mo g.yu bse10dung gi sga mo snyan ca khes lum mgur cu bya bal11sku thur g.yag thur sbyang ngam sgon cig dang dmu12dang ding gser gi bya ma ngon dngul gi bye ma ron /13gser gi steng brang dngul gi steng brang zhig bon /14de myi bshosu bshos / shing bzhugs na / / ma btub ma /15bcad de / / che tsam che tsam na mtho mkhar gi rtse la16sgyes pho pying cen du rdzus te 'bod thong thong / nub17gyi 'on la dma' mkhar gi lhun na myi btsun btsun18mor rdzus te / / dud lhong lhong / nang gi thon la bya gag19se bor rdzus te zer dang dang nub gi 'on la g.ya<g>ng20pyug khar bar rdzus te rgal thod thod nub gi 'on21la khyi dom dmar du rdzus de zugs dang khal khal22nyi ma pye gsum gi sgang la rta thod rmang thod /23btsag smar gi thig le cen du rdzus te rgyal24no ne rdzu cho ne 'phrul / dmu thang 'bring 'o la cung25ni grongs gyis myed na / / da re shig na dmu thang 'bring26gi mdad shi<g>d ni cher bgyis / cha gar ni mthor /27brtsigs / rte'u gnag ni mang du bkum / gthangs /28gyi dmu dang rje'i zhal nas / tha nga pung mo tang las29byin nga rgyang sdig myed gis / pha rgyal de ched po'i30gam du bzhud cIg / ma sngom te ngas mo'i gam du bzhud31cig / / myi snying chags gi snying chags gi snying lan32dang lha dang dang chags dang lan / g.yu'i sga mo dang33gser gi sga mo dang da ci 'i rdzangs snga ma dang kun34bon de btang nas / / pha rgyal de'i gam du byon nas / 35 /:/ gnam gi pha mtha dgung gi pha 'brum las /36pyug myi bzhugsna / khab dang gdar myi mang na gseng37lde ri lde mang las khab dang gdar du btang te gshegso /38rdzangs dang thubsu gtshos gi bra nga dang chas te byon nas /39myi bshosu bshos mching rnamsu rnamso / / gseng lde ri40<la> 'i zhal nas / nga 'i yul byang 'bro brgyad gong du sha shor41dgo 'drim du gshegs gis / dbyar sla gsum la tha nga42pung mo tang lag pa thab / ngogsu ma ma bsnyal cig43zangs mo kha thab du ma spub cig / ces bgyis de44gshegso / / zhag bsdad na slar ma byon lo bsdad na45snying du ma byon nas / thang nga pung mo tang gi zhal nas / /46ma la lag pa thabs ngogsu bsnyal na ji 'dra zhes lag pa /47thabsu bsnyal zangs mo kha thab du spubo / gseng lde ri48ni glad pa g.yasu zugs te nongs gyis myed na / thang /49pung mo tang brag dkar gi steng du byon de du myi du na50mchi ma khrag du ngu zhing mchis na / da ri shig na spra51zhal thang ba zhig rgyab ni brag la bsten pyag ni zhabsla52tshom zhIng bzhugs nas / tha nga [*pung] mo tang gis zhal gi bshums53mo la pyagi mthing cung gis gzar de bor na spra zhal54thang ba'i zhal la phog te / 'byor ra rmu tsugi zhal <b>nas /55'di gnam sngo na ga la ji char zhig 'bab cig ces56bgyis de 'byor ra rmu tsug dmu bragi khar byon de bltasna57za myed ma de las bzang myede pa zhal bzang ni sla re /58'od pa zhig de na mchis na / / 'byor ra rmu tsug59gI zhal nas khyod su bu su tsha zhes dris na myi ngan bu'i60pha ni rgyal de ched po ma ni sngom te'i ngas mo bu tha nga /61pung mo tang zhes bgyi ba lags te / / myi ngan bu'i jo /62bo gseng lde ri ni byang 'brog du sha<r> shor du bzhud na /63da zhag bsdad na slar ma byon de ngu myi du na mchi ma64khrag du ngu zhing mchis / / shes bgyis nas / pha'i khol65po rigs gi rta po grongs gi spur 'tshal de mchis /66gis / myi'u bu cag gnyis / khyim gchig du 'du'o /67khyod gi jo bo nongs gis myed na da zhag drug na pha'i68khol po rigs gi rta po grongs gi spur 'tshal /69te mchis gis / / khyod 'u bu cag gnyis / khyim gchig70du 'du'o / ji gdas pung ra cig du spungo / zhes bgyisna /71myi ngan bu'i jo bo gseng lde ri lde rmang gi grongs72gi spur pha'i khol po rigs rta pos 'tshal de /73mchis na 'u bu cag gnyis 'tsho dang namso zhes bgyis74de / / tha nga pung mo tang slar du mchis na spra zhal thang75ba 'byor ra rmu tsug gis pha'i khol po rigs gi /76rta pos grongm gi spur 'tshal de mchis nas / / tha nga77pung mo tang gi mdad shid ni cher bgyis cha gar ni /78rIng du brtsigs nas / / bzang se las sar na pub /79bse sran ma myig dang 'brog ce sgyil 'dom gi80rva hva se las sar to / / tha nga pung mo tang ni spra /81zhal thang ba'i khab dang gdar du bzhudo / / rdzangs /82dang thubsu pub bse sran ma myig dang 'brog ce /83sgyil ldom gi rngu dang gtshos gi bra nga dang bmangso/ /84da re shig na spra zhal thang ba'i yab nongs te shid85dang rmang btsugs te bzang se las sar mgyogs86gang dgyusu brgyugs na / tha nga pung mo tang gi mchid87nas / myi bzang po pa byi su'i myi zhes bgyis na'i /88spra zhal thang ba'i myi zhes mchi g.yag bzang po89dang rta bzang po pha byi su'i zhes bgyis na spra90zhal thang ba'i rta dang g.yag ces mchi'o / /91thang nga pung mo tang gi mchid nas / / spra zhal thang92ba'i la cang mchis ji yang mchis na gdang la /93gdang la rgod pa spra lpags 'di lta dung yang /94ji du dung zhes gsung ste / thab gi nang du bor nas /95dud pa 'al 'ol gnam du song na yab la bdag /96drug bgyon / / mdag gram grum sa <s>du song /97sa bla mgon 'bum bgyon / de / / spra zhal thang ba'i98'phrul ni rgas de gum gis ma mchis / nas / / myi kho99mo byed de myi sug btags myi bzang zhes mchi ste /100'geg te nongs so / / spra zhal thang ba'i <zha> dkor /101pub bse sran ma myig sbya ngam sgon cig dang dmu /102dang di du gser gi bye ma ron g.yu'i ma du zham /103bre du zham / gser dang dngul gi bye ma ron gser gi104steng brang dngul gi steng brang / gser gi sga mo gtshos105gi bra nga snyan ca khes sum mgun bya bal 'brong ne106sgyil ldom gi rba dang /:/ yul bal yul lang tang du /107bal mkhar dngul phrom gi nang na bal rje la nam /108gi zhal nas / na ning gzhe ning snga na' / / gseng lde109dang spra zhal thang ba'i dkor dang dad du dung na di ring110sang lta na myi kho bo'i nor dang dad du rung grang zhes /111myi brgyas ni bsu rta brgyas ni rta brgyas ni bkur de /112bal mkhar dngul phrom gi nang du bcug te jo bo'i113dkor du bgyis / khol po po bal khol gdis bcu'i114nor dang dad du bgyis / te bzhag na rgyal pung ba'i115byin zhig / / rgyal byin no no rdzu gcho byin cho /116no 'phrul nas / / che tsam che tsam nang gi tho la /117mtho mkhar gi <rta> rtse la sgyes pho pying dkar cen118'bod thong thong da ci snga ma bzhin bgyi'o / /119nyi ma pye gsum gi sgang la rta thod rmang thod btsag120smar gi theg le cen du rdzus de / rgyal pung ba'i byin /121mkhar ral mo'i bcud zhing tha ba rnal chab rol ba'i122gzar g.yag bam ba'i sha zhig du ma btub ma bcade /123rje bgres te gdung chad na bal rje la nam bgres te gdung124chado / / khab lha za bal ma ni myi gzhon du drir nongs125nas bal mkhar dngul phrom gi sgo rtsig gis bcade126bzhag pa la /::/ yul glo 'i spu drung gi spu mkhar /127gi drung na glo rje rmang kugi zhal nas na ning gzhe ning128sngun bal rje la nam gi dkor dang dad du rung na129di ring sang lta na myi kho bo'i nor dang dad du rung130grang zhes gsung te myi brgyas bkun rta brgyas bsu131nas glo drung gi khu drung spu mkhar gi rtse du bcug na132rgyal byin no ne rdzu gcho byin cho ne 'phrul de /133ma btub ma bcad nas / / che tsam che tsam nasgyes134pho phying dkar cen du rdzus te 'bod thong thong snga ma135bzhin <b?>du bsla'o /:/ glo rje rmang kug gis ma bthub /136ma bcade myi brgyas ni bkur rta brgyas ni bsgyal te /137nan 'khor ro /::/ mkhar khy[u]ng lung