Old Tibetan
Documents Online
Google
Find on this site

Valid HTML 4.01 Transitional

Text Archives > Pt_0981

Pelliot tibetáin 981
    This Text All the Texts  

1. Content : Recto, Tibetan version of Rāmāyana stories. Verso, writing exercise of letters.

2. Note : scroll. The beginning and the end are missing. Recto, 276 lines of a part of Tibetan version of Rāmāyana stories. Verso, 31 lines of Tibetan, writing exercise of letters. According to Takeuchi 1990, it is classified as Type III, with greeting pattern 2: private letters.

3. References :

Lalou (1939-1961: II 29) [P.Translit.], Balbir (1963: 39-63) [I.Translit.,I.Trans.], de Jong (1977) [I.Translit.], de Jong (1989) [I.Translit.,I.Trans.].

Transliteration   (Change the Display Format)

(r1) [---]d [---] / / rgy[al po ra] ma na '[---]
(r2) [---] log shag du bkol ba' / / / /
(r3) $ / / / / rgyal po ra ma na stangs dbyal bka'k+' mchid kyi {ye ge} / / sngon rgya' mtsho 'i gling / / rI rab ky[i][---]
(r4) [---]ogs kyi ngos na / / yul lang ka pu ra zhes bgyi ba / / ne'u seng sngon pos ni sprin gyi mtho / / bye ba ltar [sngon?][---]
(r5) [---]od / / 'tshe 'u lang ling ni gza' skar mkha' las shar pa ltar bkra tsig tshig / / nga' ngur thang [---]
(r6) [---] dir dir / / lha bya gnam la 'phur ba ni gshog sgra 'ur 'ur / / dpag bsam gyI ljon shi[ng] [---]
(r7) [---] 'i 'bras bu 'phrul zhing / / dar zab kyI lo ma lhubs pa dag ni / / su 'dod nga la long zhes '[---]
(r8) [---] tig gyi char pa ni phrva phrva / / g.yu 'I gram bu ni sil sIl / / gser gyi bye ma ni phang phung / [/]
(r9) [---] pa shed na / / srIn po sde tshan zhig mchIs pa'i rgyal po yag sha ko [re]
(r10) [---] mthu stobs dang gzi byin spa la rtsal dang drag shul du ldan bas / [/]
(r11) [---] pa' ma ha de ba dang / / brgya' byIn las bstsogs pas kyang myi thub ste / /
(r12) [---]sum dang gling bzhI 'i dbang du yang zhugs nas / / lha dang myi lislas stsogs te dkar po 'i rnams ni dmas
(r13) [---] srin las stsogs pa nag po 'i rnams nI dar cing rgyags te / / lo nyes dang / nad mang du byung [---]
(r14) [---] ba dang / / lha rnams gyIs bsgros te gros byas pa' / / srin na po 'i 'khor dang bcas pa
(r15) [---] / lha dang myi 'i srid dma' ste ma rung gis myed na ci ltar bya' zhes gros byas na / /
(r16) [---] dbang ba bas kyang mthu che ba / / da ltar gyI lha myI gzhan gyis myi thub / / lha 'I drang song rnam [---]
(r17) [---] dang / / dpal lha mo gnyis bshos par gsol na / / de 'i sras kyis thub par nges shes d[---]
(r18) lha rnam gyIs drang srong dang / dpal lha mo gnyis la gsol pa' / / shes rdzogs gzugs brnyenbrnyan [---]
(r19) la ma chags kyang / / rang skyon bsals+l phyIr myemye long rtag du blta' / / 'dod pa'i rdul phran phan tsun myi
(r20) gdung yang / / lha myI yongs la brtser dgongs bsrol pa'i rigs shes gsol pa dang / / gnyis kas kyang gnang nas / /
(r21) so so na gzi te / / 'dzum ba tsam gyis sras chags nas / / dus su btsas pa'i sras nI / / rnam thos gyi sras
(r22) shes btags so / / de nas rnam thos gyi srissras kyis / / yul lang ka pu ra 'i srin po rnams kha bas dmyal bcad do / /
(r23) yul lang ka pu ra myi dang lhas gang ngo / / srIn po rabs ma chad pa'i phud du / / yag sha ko ri shes bya' ba'i bu /
(r24) mal hyan pan ta shes bya ba / / tshem bu na 'dug pa cig bzhag go / / bu de skyes te bsams pa / / yul myI khyim tse
(r25) thams cad la / / pha ma dang gnyen bzhes yod na / / bdag gyI pha ma dang gnyen gdun'dun ga re snyam nas / / bram 'dze ra
(r26) ta na la drIs pa dang / / ra ta na khyod kyi pha ni yag sha ko ri zhes bya ste / / mthu rtsal dang gzi byin las bsogs pa lha
(r27) gang bas kyang che ste / / srin po'i 'khor 'phal mo che zhig dang / / yul 'di na 'phags par long spyod dang / /
(r28) skyId cing 'dug pa las / / rnam thos kyi sras kyIs 'greng myed du brnal nas / / phud du bzhags nI khyod yin no
(r29) zhes zer thos nas / / shIn tu yid la gcags te / / 'di 'i lan myI lon du myi gtang ngo snyam du bsams pa' / /
(r30) bdag nI mthu chung bas myI nus / / skyabs chen po 'ga' zhig la brten te / / bsam ba bsgrub bar bsam[s]
(r31) nas / / tshangs pa'i sras shva pa sI na shes bya ba / / rnam par rgyal ba'i khang bzangs kyi shing rta 'I mtshal
(r32) na / / lha 'I drang srong mdzad pa'I khas blangs nas / / lo mang po zhig gyi bar du / dka' thub dang / rim 'gro cher
(r33) byas te mnyes pa byas so / / de nas nyin gcIg na / / mal hya phan tas / / lha 'I drang srong la bka' stsal pa / /
(r34) srId gsum mnga' mdzad mtshangs pa lha 'I sras / / 'byor kun ldan lha myi yongs kyi gtso / / btsan ya[ng]
(r35) ma drags bde la ma chags kyang / / brtser dgongs 'bul ba thugs rjes bzhes laslags sam zhes byas pa dang / / lha 'i
(r36) drang srong gyis bka' stsal pa / / nga nI tshangs pa'i long spyod la ma chags ste / / dben ba'i gnas su srung gi spyod
(r37) pa la ci yang myI dgongs mod kyi / / sems can bsod namsnams thob par bya ba'i phyir / / sbyin ba stob pa'i
(r38) nirnor bzhes su gnang ngo shes byung nas / / zhag gsum lon ba'i 'og du / / mal hyan pan tas / /
(r39) [lha?] [dra]ng srong la gsol pa / / 'jig rten dag na gnyi ltar dro ba rkon / / bdag la byams par khyod las
(r40) gzha myI bzhugs / / drIn gzo lan du bdag gi bu mo 'di / / me ke se na 'bul na bzhes su gsol / /
(r41) zhes byas nas / / bu mo khrid de 'ongs pa dang / / lha 'i drang srong rab du myI dgyes te / / bdag gyis bu mamo
(r42) 'dI blangs na ni / / drang srong gi chos lugs dang yang 'gal te / / 'jig rten gzhan gyis kyang dpyas
(r43) par 'ong / / ma blangs na nI brtse bas byin ba'i nor blang ngo zhes smras pa'i tshigs dang yang 'gal na / /
(r44) cI lta bya snyam nas sems myi bde ste cang myi gsung ba dang/ / mal hyan pan tas gsol pa'p+' / / kun la
(r45) bde ba'i bde mchog long spyod ni / / gzi mdangs gdzesmdzes pa'i grogs dang bsten pa lags / /
(r46) dpal brjid 'phrul kyi bsten grogs / / lha mo 'di / / khyed la 'tshams zhes / / kun bstod sku
(r47) myI ngas / / mgo 'phang dma' zhing / / skabs kyi zur myig can / / yig tsam 'dzum zhIng / /
(r48) gzhog stegs tshul la mkhas / / 'jo sgeg che zhing / byI byad dag la brtson / / lha mo 'di 'i nang na' / /
(r49) dkon ba 'di bzhes shIg ces gsol pa dang / / lha'i drang srong gyis bka'k+' stsal pa' / / nged lha'i
(r50) lu kyis sngar smras pa'i tshigs dang / 'gal ba byar myI rung la / / khyod kyi bo mo yang yId dang 'thad pa
(r51) zhIg pas / / khab du bzhes su gnang ngo zhes byas pa dang / / srIn po rab du dga'g+' ste / / gtang rag
(r52) btang ngo / / de nas me ke se na la / / lha'i drang srong gyi sras khye'u gsum yod de / / ched po'i mying ni /
(r53) 'da' sha grI ba zhes bya / / 'bring po 'i mying nI / ^ud pa ka na zhes bya' / / tha chungs kyi mying ni / ci ri sha
(r54) na zhes bya ste / / sras gsum yod pa la / / myes po nang gyI ched po la byams nas / / mgo bcu
(r55) byIn te mgo mang ba bzhin du / mthu rtsal dang / long spyod kyang che 'o / / de nas lan cig na / / mal hya
(r56) pan tas / / lha'i bu rnams la gsol pa' / / bdag lta zhig / / srIn zad kyi ni dum 'bu / / shing zad kyI
(r57) nI rnu ba zhig / / rIgs dma' zhing / mthu chung gyIs kyang / / dbang tang che ste / tsha bo khyod 'd[ra] ba['] [yod?]
(r58) na / / myI snga ni ni spyom pa' / / shing snga nI rib ma' / / gzhan la ngom yang ngom / / yul kar gsh[egs?]
(r59) su gsol pa la[s] / / lha 'i bu rnam kyang / / yul lang ka pu rar gshegs su gnang ngo / / srin pos
(r60) bsams pa / / da bdag gyi bsam ba ni grub pa 'dra' 'o zhes zer nas / / de nas lha 'i bu
(r61) rnams kyis / / lha 'I rngos grub bsgrubs pa las / / lha rnams rngos grub ngan ba mthong nas /
(r62) dgos grub ma ster ro / / de nas lha 'i bu rnams sngun bsnyen bkur byas pa'i slobs dpon / /
(r63) ma ha de bas tshigs la dbang bskur ba'i lha mo shig / / lha 'i bu rnams kyI thugs su stsal te
(r64) dgongs grub gsol pa / / lha rnams kyi dbang / lha mo des bsgyur nas / / lha rnams la dbang byed
(r65) par gnang nas / / de tshun cad lha rnams phung bar byas nas / / yul lang ka pu ra'i lha myI
(r66) rnams brlag ste / / srIn po 'i sde tshan gyIs bkang nas / / mda' sha grI ba rgyal po byed do / / lha klu rnams ni /
(r67) sgo pa dang dkor 'dzin dang / phyag dar bgyId du stsal / / mda' sha grugri ba dar nas long spyod dang ldan nas /
(r68) rgyal po yang gar dgyes par rol du gshesgshegs so / / de nas blon po che phra rnams kyIs gsol pa / /
(r69) gzhan phal la thub pa ni mad na / / 'jig rten gyi lha snu shes ba / / mthu che zhizhing rdzu 'phrul dang
(r70) ldan ba zhIg mchis zhes gsol toto / / de nas byi snu gang na 'dug ces dris pa dang / / byang phyogs
(r71) 'o ma mtsho shes bgyi bar mchis shes gsol ba dang / / mda' sha gri ba shIng rta la zhugs nas der
(r72) mchIs so / / byI snu 'i 'khor gcig gis mthong nas / / mda' sha gri ba 'dIr 'ongs zhes byas
(r73) pa dang / byI snyu 'I zhal nas / rgyal po 'dir 'ongs pa legs / / nang du shog cig ces bsgo ba dang
(r74) mda' sha gri ba na re nga nI thab mo la 'ongs na / / cI ste nang du 'gro zhes byas pa dang / / byI snu 'i zhal
(r75) nas / / khyed yi bu cag gnyIs kyang zhan las 'phags pa yin bas / / khyI phrad du 'thab par myi
(r76) rigs pas / / dIng ni nang du shog la zan yang zos ngal yang sos te / sang ni 'thab mo 'gyed
(r77) do shes 'byung ba dang / / 'da' sha grI ba nang du 'ongs pa dang / / byI snu lang su yang ma btub pa las
(r78) mda' sha grI ba khros nas / / tshur shog yu bu cag gnyis 'thab mo 'gyed ces zer ba dang /
(r79) byI snu zhal nas / gzhan myI dgos nga'i rna ba ya gcig thyogtheg la khyekhyer rog ces zer ba dang / rna ba ya
(r80) [gc]Ig kyang ma theg nas / / bred zad nas / byI snu 'i rkang pa la mgo gtugs nas phyag byas
(r81) so / / slaslar lang ka'i yul du song ngo / / byI snu ni de ltar ma thub bo / / de nas dga' ldan gyI gnas su / /
(r82) lha rnams 'dus nas gros bgyis pa' / / dbang phyug chen pos bka' stsal pa' / / 'jIg rterten gi
(r83) phyva' la drIs cig ces 'byung ngo / / phya 'i zhal nas / / lang ka'I rgyal po 'da' sha grI ba bas /
(r84) lha rnams bkol zhing gnod pa byed pa / / dang po dbang sus bskur / / zhes rmas pa dang / ma ha de ba
(r85) lags ces gsol te / / 'o na ma ha de ba'i thad du song la / / gza' phur bus ma ha de balba la dris
(r86) pa las / / ma ha de ba'i zhal nas ngas 'di dbang bskur ba ni mad / / mda' sha grI ba 'di ltar
(r87) 'dug myi mkhas te / / 'jig rten la gnod na / / nga ni dam tshigs bcas pa yin bas / /
(r88) lha byI snyu la zhus cig ces 'byung ba dang / / byi snu 'is bka' stsal pa' / / da lta 'i dus na / / 'dzam bu gling
(r89) gyI rgyal po / / 'da' sha ri te shes kyang bya / / shing rta bcu pa shes kyang bya ste / / rgyal po de la bu myed pas / / de 'i
(r90) bur nga sprul te / srin pong bar bya 'o shes bka' stsal te / / de nas byI snu ni / shing rta bcu pipa'i bu / ra ma nar
(r91) sprul / / byi snu 'i bu ni / nu bo lag sha nar sprul / / lha rnams kyis sprul pa mang po bkye 'o / /
(r92) srin po 'i sri brlag par nus pa'i lha mo gcig / / mda' sha grigri ba'i chung ma'i mngal
(r93) du zhugs so / / de nas re shig na / mda' sha gri ba'i chung ma la bo mo gcig brtsas so / /
(r94) mchanmtshan mkhan gyis bldasbltas na / / pha dang srin po 'i sde tshan brlag pa'i mtshan dang ldan nas /
(r95) zangs kha sbyar gyi nang du bcugs ste / / chu bskur te btang ngo / / re shig rgya gar gI zhing pa / /
(r96) dka' blang ba'i nang du 'ongs nas rnyed do / / myIng yang rol rnyed mar btags so / / res shig na /
(r97) 'dzam bu gling la dbang ba'i rgyal po / / shing rta bcu pa zhes bgyi ba zhig sras yong myi mnga' nas / /
(r98) gangs ti se la sgra bcim ba lnga brgya' bzhugs pa la / / rgyal pos mchod pa byas nas / bu slang pa las
(r99) men tog gcig bskur nas / / 'di btsun mo gnang cen la byin dang / sras yong par 'gyur ro zhes
(r100) gsung nas / / rgyal pos btsun mo gnang cen la stsanstsal pa dang / / btsun mo gnang cen bsams
(r101) pa / / bdag bu myed pa bzhin sems myi bde ba bzhin / / chun ma yang de dang 'dra' bar bsam nas /
(r102) men tog phyadphyed mar bgos te zongzos [---] so / rgyal pos yang btsun mo gnyis ka dang gzims nas / /
(r103) sras khye'u re re brtsas pa las / / chun ma'i sras zhag gsum gyis sna la btsas te rgan nas / /
(r104) myIng yang ra ma na btag so / / btsun mo gnang chen gi sras gzhon nas myIng yang lag sha nar btags
(r105) so / / re shig na lha dang lha ma yin g.yul sprad de / / rgyal po shing rta bcu pa dmag la phyin nas /
(r106) rmas te slar byon pa dang / / snyun chabsch+b READ: tshabs che ste / rgyal po 'i thugs la dgongs pa / / bdag ni nas dgas
(r107) pa'i steng du / / na tshabs che ste / / 'tsho ba yang myi dran na / / bdag gi btsun mo gan cen gi bu rgyal srid
(r108) du bcug par 'dod na / / ra ma na nas dgan bzhin du / / chugchun ma'i ngor byas nas bskos na / / 'brang kyis
(r109) kyang dbyasdbyas / / ra ma na bsgos na ni / / btsun mo gan cen yang yi chad na / / ci ltar bya snyam nas / /
(r110) rgyal po sems myi bde ste / / snyun yang slar 'bred nas / / grosgrongs la thug pa dang / / bdag ni yab kyi
(r111) sku yon du bsngos te / / drang srong gi spyad pa spyod na ci gnang zhes gsol dang / / yab dgyes
(r112) nas lag sha na rgyal sri du bcug pa las / / rgyal po yang tshe 'das so' / / de nas lag sha
(r113) nas pho bo la rgyal srid brtabs pa las / / ra ma na ma btub ste drang srong bya bar dam bcas pas
(r114) myI 'dod ce zer ba dang / / lag sha nas gsol pa / / de ltar dam bcas pa la gnas te rgyal
(r115) po myi 'do'dod na / / khyod kyi chags ya gcig bskur bar ci gnang / / chags nI rgyal po 'i
(r116) gdan la bzhugsbzhugs te / / bdag ni chags 'og rgyal po ched po bgyi 'o ces zer nas / / ra ma
(r117) na 'i chags ya gcig ni rgyal po byed / / lag sha na nI blon po byed do / / de nas re shig na bu mo
(r118) rol rnyed ma nar phyin te / / bu mo de las sdug pa ma byung nas / / zhIng pa rnams kyis gros
(r119) byas nas / / myIr skyes pa la rgyal po ra ma na las bzang ba myi 'byung ces zer nas / / ra ma na
(r120) la phul lo / / tshigs kyIs bstod pa / / skra ni mthon ting / myIg ni ^ud palpa la / / tshangs pa'I
(r121) dbyIngs ltar kha dog rnam par dag / / 'phre ba'i rgyan mtshogmchog kha dog yid du shis / / dpal ldan
(r122) drI myed pad mo'i mchog la skyes / / lus kyI yan lag du mnyam ste sdug / / gser gi gzugs
(r123) legs nonnor bu phyis pa 'dra' / / phyogs kun 'od kyis rnam par dag par gsal / /
(r124) 'di 'i bdag po gzhan ni gcig ma mchis / / mtshan ma brgya 'i sku gzugs mdzes mnga'ng+'
(r125) ba / / khyod kyi zha sngar bu mo 'di 'bul na / / rgyan dang bcasbcas shing shing du yid 'ong / /
(r126) rIn cen pad mas glhub ste bzhes su gsol ces / / bstod tshigs dang bcas te phul
(r127) lo / / ra ma nas bltas na / / bo mo de las bzang zhing sdug pa myed nas / /
(r128) chags pa'i sem gis / / drang srong gi spyod pa yang bor nas / / bu mo bzhes su gzhanggnang nas / /
(r129) mtshan yang lha mo zi tar gtags so / / btsun mo blangs nas / / rgyal po mdzad do / / de nesnas res
(r130) shIg na / / 'da' gri ba'i sring mo / / phur pa la zhes bya ba / / skra 'dzings shIng 'jol ba / / myIg nas
(r131) mye 'bar ba / / mtshan gcig la dpag tshad brgyad khrI 'i bar du rgyu zhing / / myI 'o chog la gnod pa
(r132) zhIg yod pas / / rgyal po ra ma na mthong ba dang / / ma 'os par bzang bas / / ^a cang chags ches te /
(r133) 'di dang lhan gcig 'grogs na ci ma rung snyam nas / / 'phags par bzang mo zhig du bsprul nas
(r134) rgyal po smras pa / / gzugs bzang mchog 'di khyod kyi 'bangs su bzhes shes gsol nas / /
(r135) phyag byas ste drung du bsdad kyang / / rgyal po 'i btsun mo se ta 'i byad kyis phul phyung bas / / srin mo
(r136) la bltar yang ma btub pa dang / / 'di las yId la gcags myed pas / / thabs cig bya ba zhes
(r137) bsams nas / / rang gi gnas su song ste / / mying po mda' sha gri ba la gsol pa / / 'dzam bu gling
(r138) myI yul na / / rgyal po ra ma na 'i btsun mor 'os pas / / ra ma na la phrog pa'i rigs so zhes
(r139) gs[o]l pa dang / / 'da sha grI ba dga' ste / / blon po rnams la gros gsol pa dang / ra ma na las
(r140) [m]thu che ba myed na / / 'o skol gis kho 'i btsun mo phrog pa lta ma yin / / brkur yang myI thob
(r141) brgya' la thob na yang / slad rjes gI mkhon dang srid brlag par mchi / zhes bgyis pa dang / / mdamda' sha gri
(r142) ba ma btub nas / / phyIs ci byung yang rung / / 'dI myi thothob du myi rung zhes byas pa dang / / blon po me ru tse
(r143) na r[e] / / de ltar do galg is written interline la bab na / / re shig ni thob gi / phyis 'o skol gI srid ni de kho nangnar myed do / /
(r144) [---]r nas / / 'o na bdag ni rin po che 'i ri dags shIg bgyi ste / / ra ma na stang sbyalstangs dbyal la bslus pa
(r145) [dang] / / bud myed kyi 'dod chen gyis ra ma na la bu nyi zung la khye rog ces zer / / ra ma na zhalzha is written interline nas / / 'di
(r146) nI bslu ba'i ri dags yIn bas bsnyag du myi rung zhes gsungs pa dang / / lha mo ma btub nas / /
(r147) rI dags kyis bslur ci mchis / / rgyal po 'u ni zung la bdag la stsol zhes bgyis pa dang / /
(r148) rgyal po'i zhal nanas / / 'u ni bsnyag gi bar du khyod phrog par 'ong zhes bgyi ba dang / / lha mo
(r149) zhal nas / / kye ri bo spu mtho gnyen gi rtse / / rin chen shel gyi sdong khrugs pa / [/]
(r150) klu bdag byin gyis mthu bsrungs pas / / dgung yar 'khva skem 'tshang myi 'cha' / /
(r151) zhezhes bgyis pa dang / / rgyal po 'i zhal nas/ / 'o na ri dags bsnyag du 'gro gis / /
(r152) lag sha na lha mo srungs shig zhes bsgo so / / rgyal po ri dags bsnyags nas / /
(r153) [de] nas sri[n] gyi mthus / / rgyal po da[ng] / btsun m[o]'i bar du / / tshub ma chen pos bca[d]
(r154) de myi mthong bar byas nas / / rgyal pos ri dag[s] gyi glor mda' cig brgyab pa dang
(r155) ri dags gyis ^a na ma lag sha ne zhes mchi ba [---] lha mos gsan nas / / rgyal po [ma?]
(r156) [---] 'dra' g[c]ung grogs [la] b[zh]ud ces gsungs pa dang / / lag sha na'i mchi[d] [---]
(r157) rgyal pos bdag la bka' [---] lh[a] [m]o srungs shig zhes mchi bas / / bdag 'gro she[s]
(r158) mchi ba dang [---] kh[r]os nas smras pa'p+' / / rgyal po nongs na / / nga la bsrung na cha ci mchis / /
(r159) [---] lam na / / rgyal po myi bzhug[s] dang / / [b]dag dang bzhugs par d[g]ongs pa 'dra[']
(r160) [---] ma thad na nga'I lus 'di mye phung du gyur te / / su reg pa tshig cig zhes dmod
(r161) pa b[o]r t[e] / / de nas [la]g sha na 'i zhal nas / / bdag ni gcen gyI bsgo ba nyan te myI 'gro
(r162) bar zad gyI / / sems la gsal ba myed do / / sems la g.yo myed na / nam zhig na khyo
(r163) shug mkhon cig ces dmod pa bor / / de nas lag sha na gcen gi grogs mdzad du bzhud pa
(r164) dang / / lha mo zi ta rgyal po 'i mya ngan langs te / ngu zhing 'di skad ces gsongs so / / kyI [dbu?]
(r165) bud myed rnams kyis smras pa [---] / / legs 'gyur ba ga la yod / / phugs su myi rtogs
(r166) 'phral du lta / / 'dod cen che zhing / srab la yang / yun gyi legs nyes myI shes pas / /
(r167) gnang bar bya ba'i ga rigs / / snying da[ng] 'dra ba'i rgyal po de / / da tsam rmad cig / nyes pa snyaM
(r168) zhes / / ngu zhing 'dug pa dang / de nas srIn mda' sha grI ba der phyin nas / /
(r169) lha mo blang ba tshad pa las / / lha mo la reg pa tshig par shes nas / rgyal po ra ma na dag kyang slar log du nye
(r170) bas / / sa gzhI the gi tsam zhig dang blangs nas bros sos+ho / / de nas rgyal po ra ma na slar mchis na / / btsun
(r171) mo sa gzhi dang bthas te ma mchIs pa dang / / spun gnyIs shin tu yid la gcags nas / / gzhu brdungs
(r172) nas bsnyags pa dang / / khungs ma phyin rmad ma rnyed nas / / ngal bso ba'i sa dag na / / gzhu la bskom
(r173) tshugs bya nas gnyid log na / / dbyar dang po skyes pa'i rtsva gzhu la khrIs nas sna la zug pa dang gzod sad
(r174) de / / yar bzhengs nas rmad 'dor zhing 'dI skad gsongs so / / da tsam bzang mo de / gdung ba'i mchIs ma
(r175) dkyus shing spyan bkra' nas / / zla mdangs mdzes pa'i zhal na nas lbab ltar 'dril ba snyam / /
(r176) gnyI zer lta bu 'i nyen pa'i thugs ngan gis / / mtshan mo mun pa bzhIn du gyur pa snyam zhes gsung
(r177) zhIng bzhud pa dang / / lung pa zhIg gi mdor chu nag po ched po zhig dang mjal ba dang / / gcung gyIs btung
(r178) bar tshad pa las / / gcen gI mchid nas / / 'dI ni semsems can ched po shig khu ba yin bas / / btung du myi rung ces
(r179) bsgos siso / / de nas yIn no / / de nas spre'u de la rgyal pos khyod ci nyes ces dris pa dang / / bdag cag
(r180) spun gnyis mchis pa la / / bdag nI pho bo lags te / / mgrIn bzang shes bgyI / / nyu bo ni 'ba'b+' lI zhes
(r181) bgyI / / bdag cag gnyIs ni spre'u gi rgyal po 'i bu yin nas / / rgyal srId rtod pa las nu bo she mo che te
(r182) bdag la brgyab pa yIn mchi bo / / de nas rgyal pos bud myed 'di lta bu zhIg snang ngam ces drIs pa dang / /
(r183) bdag nI bro 'tshal bas ma mthong / / bdag gI slad na spre'u gsum zhig / / khyed bda' ba dang bros nas
(r184) da lta' rI 'di la thal / / de rnams de 'dre'u cig mthong mchis ba dang / / de nas rI grod du bltas na / /
(r185) spre'u gsum gda' ba dang / / rgyal pos nged gnod pa myi byed gis mar shog shig ces bos pa dang / spre'u
(r186) der 'ongs so / / rmas na' / gzhe nying snga mo zhig na / / myI mgo bcu pa zhig gi / / bud myed sman 'dra'
(r187) ba zhig sa bzhI dang bcas te khyer de song ngo / / bud myed de ngu zhing 'dI skad mchi 'o / / bdag nI rgyal po ra ma na
(r188) 'I btsun mo zi ta yin / / mthu ltan gang dang bdag la myI brtse 'am / / myI sdug gzug can 'dI las phrog
(r189) du gsol / / yid gcugs drin dang bral ba'I bsdug bsngal bas / / dang po nyid na ma skyes bla ba zhIg / /
(r190) cI ltar bkra' ba'I myig gnyIs phyung ba bas / / yong nas / dmus long dag du gyur gyang rung zhes mchi ba
(r191) zhig / / nam ka la khyer ti bros so / / zhes gsol pa dang / / rgyal po ra ma na'i zhalzha in written interline nas / / mgrin
(r192) bzang gI dan grogs ngas bya la rgyal srId du gzhug na / / nga'I mtsun mo btsal ba'i rogs khyod
(r193) myI byed dam ces gsol pa dang / / mgrin bzang gIs kyang bdag gi dan rogs bgyis na / /
(r194) bdag kyang bka' lung bzhin bgyI 'o / / zhes gsol nas bro tshigs bzungs so / /
(r195) spre'u gnyIs sang nang par rgyal srId la 'thab par dus btab bo / / rgyal pos kyang 'ba' li
(r196) bsad par bgyIs so / / de nas spre'u gnyIs thug ces bkye ba dang / / spre'u gnyIs 'dra'
(r197) ches nas gang la 'phang cha myed nas ma 'phangs so / / 'ba' le 'is mgrin bzang de'u
(r198) bzad tsam du byas nas btang ngogngo / / mgrIn bzang rgyal po la gsol pa / / bdag la 'tho
(r199) 'tsham ba 'dra' / / bdag ni shi la thug ces gsol ba dang / / rgyal po 'i zhal nas
(r200) dI ring ni spre'u gnyIs 'dra' ches pas mda' ma 'phangs so / / sang ni khyod kyi mjug
(r201) ma la me long cig thogs la khye shes byas pa dang / / sang 'gyed par dus btab nas / /
(r202) de nas spre'u gnyis thug ces bkye ba dang / / mgrinmgrin bzang la mye long yod par mthong nas
(r203) 'ba' li la mdramda' cig brgyab bo / / 'ba' lI rdud ces 'gyal ba mthong nas / /
(r204) drung du phyin te bltas na / / rgyal po ra ma na 'i mdas phog ste shi ba mthong nas smras pa / /
(r205) mthu rtsal che yang dgongs rlabs chung / / grogs po btsal na mtho bdam mod / / nongs leg[s]
(r206) myed par go mnyam na / / 'ba' lI lhag par ci ste bkum / / rgyal po ra ma nI mdas phog
(r207) ste gum ba ltalha ltar skye bas bla 'grang zhes zer te song so / / rgyal po ra ma na yang cung
(r208) sad skyengs so / / de nas mgrin bzang dang / btsun mo btsal bar dus btabinitial b is written interline nas / / slar rang
(r209) gyI yul du phyIn nas dmag dpung bslogs nas dus sar / / lo gsum bsdad pa las
(r210) spre'u dmag ma 'ongs nas / / mda' la ye ge bris nas / / mgrIn bzang gyi yuyul du
(r211) 'phangs pa dang / / spre'u rmamsrnams gyis mda' la ye ge mthong nas / / sngar log spyod la
(r212) g.yengs nas / / dmag bcad pa gzod dran nas / / ye ge blags na / / dam la gnas
(r213) pa'I mgrin bzang po / / 'ba' li lam du ma 'gro shig / / gang zhIg 'ba' li bsad pa'i
(r214) lam / / de ni yangs pa ma yin no / / zhes byung nas / / des skrag nas dmag gzod dus
(r215) sar phyIn no / / de nisnas rgyal po ra ma 'I mchid nas / / spre'u la rem ba 'ga' zhIg btus
(r216) te / / lha mo btsal du btang zhes bgyis pa dang / / mgrin bzang gI zhal nas / / nang na mthu
(r217) tshal che ba 'di gsum che zhes bgyis nas btus pa / / phag shu dang zi 'du dang / ha nu
(r218) man ta gsum btus so / / rgyal pos kyang / / 'phrin yig dang / / rtags so rdub brdzangs
(r219) nas / / tshol du btang ngo / / de nas spre'u gsum mar phyin dgung phyIn na / / khungs ma phyin /
(r220) rmad ma rnyed nas / mchI mchi ba dang / / brag mthongs gcIg na bya' nag po chad po zhig dadang
(r221) mjal ba dang / / bya' de la drIs pa dang / / nga nI bya' khyung gi rgyal po ^a ga 'dza na zhes bya'
(r222) ste rgyal po ra ma na dang / / sngun nged gnyis shag rag po yin te / / lha mo srin mda' sha gri
(r223) bas khyer te / / da lta nI yul lang ka phu ra na 'dug ces mchi nas / / de nas spre'u rnamrnams gyis / /
(r224) bsgros pa / / yul lang ka pu ra ni rgya' mtsho na 'dug pas / / yu bu su 'gro nus ces bsgros pa dang /
(r225) ha nu man ta nga nus zhes khas blangs nas / / gnyIs ni mtsho 'gram na sdod / / ha nu man ta mchongs
(r226) te mchis nas / / yul lang kar phyIn nas / / btsal ba las / / mkhar sgo myed rim dgu 'I
(r227) nang du bcugs nas / / dmag gyis 'tshol 'o / / srin gIs gzims par nI ma tshugs / /
(r228) tshIg par shes nas lha mo rang nyams su mchis ste / / ha nu man ta 'jab 'jab nas lha mo dang
(r229) mjal lo / / de nas phyag byas 'phrIn yig dang / rtags so rdub phul te / / btsun mos phrin yig
(r230) blags pa las / / 'phrIn yig las 'byung ba'b+' / /
(r231) $ / / men tog 'dab rgyas lta bu'i ^ud pal la / / snyun kyI than bas gdungs par ma gyur tam / /
(r232) stag ris / bung ba' lta bur 'khor lding la / / thugs kyi grva nas / / breng breng myi brtse 'am / / bdag ni
(r233) bslu ba'I ri dags de bkum slar mchIs na' / / sag gzhir bcas te / bzang mo myi bzhugs nas
(r234) mye ngan {yid} (SHAPE: yid) la gdungs pa'I lug mdog ni / / lo 'ba' lhags pa'i / / shing ltar mdzes dang bral /
(r235) shel mdog 'dra ba'i than 'grogs de myed nas / / ngur pa bzhin du phyogs tsam kun du tshol /
(r236) chab gang / g.yung 'drung yun kyi thag bsrIng bas / / lo zla mang po yengs las 'das / / da ni gangs
(r237) kyI se 'ge rtsal phyung mthug gtugs nas / / bsdo ba'i dgra gzhan rang yid 'khams te 'chi / /
(r238) lhun po ril por / / rIn cen byin shar na' / / skar tshogs mkha' las rgyu ba 'od dang bral / /
(r239) de bas bdag la / thugs brtse 'i ngang nyId ni / / dkyil yangs / rgya' mtsho 'i gtings su / gyur ltar ya[n?]
(r240) phu chab lta bu'i / yid kyIs / / dba' rgal dag / / rgya skyed dgongs pa'I / lhum su / thim bar mdzod
(r241) ces byung ngo / / de nas / lha mo'i zhal nas / / spre'u las gtod 'dod che ba myed pas / / gob shig
(r242) srin po dag gyis / bsad par / 'ong ngo zhes gsro na' / / ha nu man ta ma nyen te / /
(r243) srin po'i bskyed mo mtshal du song nas / / shing kun mgo 'jug bzlog ste / / rkal ka mang po zhig byas pa dang /
(r244) spre'u ma rungs pa zhig 'os'ongs so zhes zer nas / / 'da' sha krakri ba'i snyen du gdas te / / / 'dzIn pa mang
(r245) du btang nas / / spre'u gyis 'dzin pa rIl bsad do / / 'da' sha kri bas / thugs snyungs nas / / gnyI zer gyi
(r246) zhags pa' / / dngos grub can / bskur te btangs nas / / zhags myig cher byas na ni / / spre'u chu ngur song
(r247) nas ma zin / / zhags myIg chu ngur byas na ni / spre'u cher byas nas ma zin ba dang / / dngos grub gyI lhas /
(r248) gnyI zer gyi zhags pa' / / dngos grub can gyI zhags pas / / spre'u ha nu man ta zunzin to / / srin po na
(r249) re ding gsad do zhes / / bsgo ba dang / ha nu man tas / / srin po rnams la gsol pa' / / khrI lan myi
(r250) bkum du myI gsol na' / / bdag gyI pha ltar dgum bar ci gnang zhes gsol lo' / /
(r251) pha ci ltar bsad ces dris nas / / mjug ma la / ras yug stong gyi bskrIs nas / / mar pha lam khrI'i
(r252) nang du bcug ste / mye btangs nas bkum zhes bgyis pa dang / / spre'u zer ba' / bden bar btsis
(r253) nas / / de bzhin du byas te / / myemye btangs tsam na' / / mjug ma sprugs nas / / srIn po'i rgya
(r254) skeg mkhar bcas te / / mye btangs nas / / srin po kha btag go / / de nas / lha mo zi ta'i drung du mchi[s
(r255) nas / bdag slar mchi / / bka'sk+' spring mdzod ces bgyis pa dang / / lha mos spre'u la dris pa' / /
(r256) spre'u dmagdmag la / / khyed tsam phod pa du yod ces dris pa dang / / ha nu man tas gsol pa' / /
(r257) bdag la bstod pa / legs ma yin / / gzhan la smad pa de bas thu / / thugs nas / lha mo khyod drina'dri na / /
(r258) bdag tsam phod pa' / spre'u la dkon zhes gsol nas / / yI ge mnos te / rgyal po ra ma na'i
(r259) drung du mchis te / / rgyal po dgyes nas / 'phrIn yig lan bklags na' / / yon tan yid
(r260) bzhIn / / mang po'i 'phra 'tshogs kyIs / / mdzes pas / brgyan pa sgron ma lta bu'i sku / / snyun gyi
(r261) ser bus / / ma bskyod lham me zhes / / gus par dri ba'i lan tshigs snyen pa dang / / brtser dgongs 'phrin
(r262) yIg sems la / don rig cing / / mnyen lcam ljug ma'i / phyag rgya ngo 'tshal te / / bus ba dva brug /
(r263) rmis pa'I / rmi lam na' / / pha ma gna' 'das / phrad de / rmyis pa bzhin / / bdag la dran ba'I stobs
(r264) nI dbang myed pas / /
(r265) 'phrogs zhing / bsnams nas / / lha nyid la lhag par brang breng brtse ba'i mthu ma mchis / / chab gang
(r266) gzungs kyis yun du ma btang zhing / / mnga' tang rkyen gyis 'khor tshogs mang po la / / bdag lta
(r267) myI dpen / / dman ba ma mchis kyang / / chab gang 'khor yug / ri brtan ya rabs gzhung / /
(r268) thugs la brtse bar dgongs pa / / gtang rag 'tshal zhes 'byung ngo / / de nas / myI dang / spre'u gyi
(r269) dmag lang ka pur du chas te / / shul kar 'bab chu ched po zhig gyIs chod pa / / spre'u ma ku dang
(r270) dan 'du gnyis / / zam pa btsug pa'i mthu la ma dum nas / / 'tham mo bgyis pa dang /
(r271) rgyal mopo ra ma nas / spre'u gnyis la bsgo ba' / / rtsal gyi drag shul rngams pa'i mthu stobs
(r272) dang / rang rIg bzo la mkhas pa'i / mkhas bzo gnyis / / yon tan so sor / / che ba'i phrag dog gyis /
(r273) 'thab cing / 'gran ba'I gcugs ni / ci yang myed / / de skad ces bskos pa dang / / 'bab'thab mo zhil te /
(r274) zam btsugs nas / / phyIn no / / lang ka pu rar 'da' sha grI ba dang / 'thab par dus btab nas /
(r275) mna'mda' sha grI ba'i nu bo / / ^ud pa kar na' / / rgyal po ra ma na' la / 'khus te mchis pa dang / /
(r276) rgyal po ra ma na' / / yId ma che te / /
(v1) $ // ^a
(v2) [---] [nas] 'i mnga' bdag then leng kong gyi zha sngar / / g.[l]on [du] 'i tsang kun bk[r]a shIs gyI mchid gsol ba' /
(v3) bdag byang cub sems pa'I zha snga nas / / [rdzed] bo' gyi chab srid dgung du gdon pa dang / / 'bangs myi sna mang po ['i]
(v4) [---] [bskyang ba] dang rgun tshigs dang po la bab pa'i nam zla [cha] gra[ng] bas sku bsil ba dang / / rIn po che pad ma'[i] g[---]
(v5) [---]yod nas / li bar nyI stong lnga brgya'i bar du ch[ib]s [du] rab du 'o brgyal [---]
(v6) bzhes sam ma bzhes / gus par s[ri] zhu snyun gs[o]l zhing mchi[---]
(v7) bka stsalstsa is written interline par ci gnang / / leng kong zha sngar / / rgyal po 'i mnga' rIs khr[---]
(v8) zham 'bring 'od 'bar dang chab srId rnying snying pa [gyed] gsar du gso ba' dang / / se leng bu gtsug lag khang la [---]
(v9) du gshegs par / / bkas spring bas mjal nas / / glo ba dga' ste / / spyan '[---]
(v10) brdzangs pa lags / / rgyal 'bangs mang pos zhu ba gsol nas / / gdan ma byon bar [---]
(v11) kyang rab du glo las 'phreng 'o na ynag rje dang / / leng kong du bka' gos mthan nas / / mnga[---]
(v12) [---]in / / cham la 'phebs / / rgya drug 'od 'bar gyI chab srid ni nye ring ma mchis par ci gna[ng] [---]
(v13) $ / / ha se ma' bdag thyen leng kong gyi zha sngar / / g.yas ru ban de dang / / zhang lon byin gyi mchid gsol
(v14) mnga' bdag byang cub sems pa'i zha snga nas / / rje dbon zhang gyi chab srId dgung du gdon ba dang / /
(v15) 'bangs myI sna mang po 'i chis kyis bskyang ba dang / rgun tshigs dang po la bab pa'i nam zla cha grang
(v16) bas / / sku bsil ba dang / / rIn po che pad ma'i gdan khrI las bskyod nas / / li bar nyI stong lnga brgya
(v17) ba'I bar du chibs gong du rab du 'o brgyal na / / rIn po che sku gnyan zhing btsun ba las snyun bzhes
(v18) sam ma bzhes / / gus pa'i sri zhus snyun gsol zhing mchis na' / /
(v19) rIn po che pad ma 'i gdan khri las bskyod nas / / lI bar nyI stong lnga brgya' ba'i bar du chib gong du rab du 'o brgyal
(v20) rIn po che sku gnyan zhing btsun ba las snyun bzhes sam ma bzhes / gus pa la sri zhus snyun gsol zhing mchis na'
(v21) mchid yI ge las snyun gsol zhing mchis na' / bka' bstal pa ci gnang /
(v22) mchId yI ge las snyul
(v23) dze dIng phu shi li 'du tse dang 'kam shI wang stag la
(v24) bstsan la stsal ba' / / khyed dze ding na' /
(v25) dze deng phu shi li 'du tse dang / 'kam shi wang stag la
(v26) bstsan la stsal ba' // 'kam
(v27) then leng kong gyis mchid gsol ba'this line is written inverted
(v28) then leng kong gyis mchid gsol ba'this line is written inverted
(v29) $ / / then the'i pe'u gi zha sngar //
(v30) $ / / ^a hya dang ^a ma las rtsog pa phyogs gi zha sngar / /
(v31) ju tig gi mchid gsol ba' / /