Old Tibetan
Documents Online
Google
Find on this site

Valid HTML 4.01 Transitional

Text Archives > insc_Rkong

insc_Rkong
    This Text All the Texts  

1. Content :

2. Note :

3. References :

Transliteration   (Change the Display Format)

(1) $ / / lha btsan po khrI srong lde brtsan dang / lde srong yab sras kyI ring la' / /
(2) ### / / rkong dkar po la gtsIgs gnang ba' / /
(3) $ / / kar po mang po rje dang / ### / blon po gru'I zung gIs gsold ba' / / thog ma phyva ya bla bdag drug gI sras las /
(4) nya grI btsan po myi yul gyI rjer / / lha rI gyang dor gshegs pa tshun chad / drI gum btsan po phan chad / gdung rabs bdun gyI bar du / / phying ba stag
(5) rtse na bzhugs bzhugs / / drI gum btsan po'i sras / gcen nya khyI dang / gcung sha khyI gnyis las / / gcung sha khyI ni / lha btsan po / gcen nya khyI
(6) ni rkong yul du bzhugs ste / gcen kar po nI / thog ma yas gshegs pa'I tshe / / mched gnyIs kyi / sku bla gnyan po gsol ba dang / sku bla de mo dang bshos pa
(7) 'I lha bdag bgyId kyis kyang / lha sras kyI sku rIm gro la / bdagIbdag gI srog la' bab pa man chad kyI cho gar mdzad pa / srog phongs ma bgyIs te / / lha sras kyI chab
(8) srId 'dI ltar mtho / dbu rmog brtsand / yong lha sras gnam dang 'dra ba'I chags 'og na / / gnam kol du gnang ba'ang cIs bas zhIg mchis na / bdag
(9) cag lta zhIg / thog ma mched gyes nas / / pha myes dang po lha myI ma phye ba tshun chad / bde skyid cIng / chu srId g.yung drung dang 'dra bar gnang gIs kyang / deng sang
(10) du / khab so dpon sna dagIsdag gIs / / khral kyI sna 'tshal te / gtses shIng mchis na / / nam du'ang bde bar thugs bag mdzad pa'I / gtsIgs tsaM zhig cI gnang zhes
(11) gsold nas / / de bzhIn du gnang ste / / gtsIgs 'phra men sgrom bu stsald ba'I dper brIs pa' / ###
(12) $ / / btsan po lha sras khrI srong lde brtsan gyI ring la / / kar po'I gtsIgs gnang ba las
(13) lha sras lde srong gI sku ring la / / gtsIgs snga ma bas bskyed par / bka's / / gnang b'a /
(14) $ / / nam zhar gyang / / rkong kar po'i rgyal por gzhan myI gzhug par / / kar po mang po rje'i bu tsa 'phel rgyud las stsald bar gnang ngo /
(15) kar po mang po [rj]e['I] rgyud rabs chad na gcen rgyal po / kar po'I mying myi rlag par / / rgyal por yang / / kar po rgyal brtsan gyI rgyud las
(16) bsko'o / / rgyal brtsan gyi rgyud kyang rabs chad na / / nye 'tshams las / / kha chems kyIs gang / gsol ba'I nang nas / spu dang
(17) sbyard te / / gang 'os pa gcIg stsald bar gnang ngo / / ###
(18) $ / / rkong kar po'I bran dang / / zhIng 'brog / slan chad myI dbrI zhing / / rje blas dang / / dpya' khral bla skyes myI dbab pa dang /
(19) stsang dphya' nas dang / / 'bras gang 'bul yang rung / / 'bul ba'I sa tshigs / / da ltar gyI las mI bsring bar / / lha sras /
(20) yab kyi bka's / / gnang ba [b]zh[i]n du / / lha sras lde srong gI sku ring la / / / rje / / blon mol te /
(21) / ### / bka's / / gnang ngo / /