Old Tibetan Documents Online བོད་ཡིག

Text Archive > Pt_1094

Pelliot tibétain 1094
    This Text All the Texts Find both and  

1. Content : Contract for the sale of an ox.

2. Note : Sheet. Complete text. Recto 14 lines with four round vermilion seals. Verso, 1 line is written in Tibetan and 1 line in Chinese.

3. References :

ChoixII (pls. 437-8), Takeuchi (1990a: 36), Takeuchi (1995: Plates 3), Takeuchi (2016: Pl.1).

Takeuchi (1990a: 35-44)[I.Translit., I.Trans.], Takeuchi (1995: 23-27)[I.Trans.], Takeuchi (1995: 139-144)[I.Translit., I.Trans.], Takeuchi (2016: 24-28)[I.Trans.], Takeuchi (2016: 140-146)[I.Translit., I.Trans.].

Transliteration   (Change the Display Format)

(r1) ། ༔། བྱི་བ་ལོ་འི་དགུན་སླ་འབྲིང་པོ་འི་ངོ་ལ༎ བློན་གཙུག་བརྟན་དང། བློན་ཁྲི་སུམ་བཞེར་དང། བློན་སྟག་སུམ་བཞེར་གྱིས།
(r2) ཁྲོམ་གྱི་འདུན་ས། པེའུ་མུན་དུ་བཏབ་པ་འི་ལན་ལ༎ སྟོང་སར་གྱི་སྡེ། ལི་གཡུ་ལེགས་རྗེ་གོལ་གྱིས༎ མཐོང་ཀྱབ་སེ་ཏོང་
(r3) ཕ་འི་སྟོང་པོན་ལྷོ་བློན་ཀླུ་སྒྲ་འི་བྲན་ཨན་པེའུ་ཏིག་ལས་གླང་གཆིག་དམར[d]mar སྲང་གསུམ་གྱིས་
(r4) མཇལད་པ་འི་སྤུ་རྟགས་དང་རུ་ཚུགས་ལ༎ གླང་དམར་བཀྲ་རུ་ཚོག། གདོང་ཡང་བཀྲ་བ་གཆིག་མཇལ་ཏེ། སླད་
(r5) ཀྱིས་གླང་འདི་པེའུ་ཏིག་འཚོང་ལ་མྱི་དབང་ཞེ་འམ་བདག་པོ་ཞིག་གུད་ནས་བྱུང་ངམ་ཞལ་མཆུ་གཆེས་ཕྲ་ཆི་བྱུང་[བ་ཡང]
(r6) པེའུ་ཏིག་མཆིད་ཀྱིས་འཚལ་ཞིང་གླང་རིན་དུ་དམར་སྲང་གསུམ་འཚལ་པ་ཞལ་ཆེ་[གྲས]གཆད་ཆི་
(r7) ཆད་པ་ལ་མྱི་སྡོད་པར་གཡུ་ལེགས་གྱི་སྒོར་འབུལ་བར་བགྱིས༎ བརྒྱའ་ལ་པེའུ་ཏིག་གཞི་ལ་མ་མཆིས་སམ་
(r8) འཕྲལ་དུ་བསྙག་པ་འི་ཁུ་སྐད་ཀྱིས་མྱི་སླེབས་ན་དམ་གོང་ནས་འབྱུང་བ་བཞིན། སྟོང་སར་གྱི་སྟོང་པོན་བློན་ཟླ་བཟ་
(r9) གྱི་བྲན་ཁུག་སྡེ་སྐྱེས་དང་###མཆིད་ཀྱིས་འཚལ་བར་བགྱིས༎ མཇལ་ཚོངས་འདི་ལྟར་བགྱིས་
(r10) ནས་གཐན་ཚིགས་བྲིས་ལགས་པ་འི་འོག་དུ་ཚོང་ལོ་བ་ཞིག་མཆིས་ན་གང་ལོ་བས་མྱི་ལོ་བ་ལ་ལོ་ཟན་
(r11) ཡལ་ཟུགས་སྲང་གཉིས་གང་མྱི་ལོ་བ་ལ་འཕྲལ་དུ་སྩལ་ཆིང་ལོ་ལྕག་ཀྱང་ཁྲིམས་བཞིན་གཞུ་
(r12) བར་བགྱིས་པ་འི་དཔང་ལ༎ ཞལ་ཆེ་པ་སྟག་བཟང་[ཙི]ཉམ་དང། ལེགས་བཟང་ལེགས་སྩན་དང། ལུ་སྱང་འདོ་དང།
(r13) ###ལ་སྩོགས་པ་འི་དཔང་རྒྱ་དང། ཁས་ལེན་དང་པེའུ་ཏིག་གི་
(r14) སུག་རྒྱས་བཏབ་པ༎ (four round vermilion seals)
(v1) ལྷོ་མྱི་ལ་གླང་མཇལ་པ་འྀ་དཔང་རྒྱ་
(v2) (three Chinese characters)