Pelliot tibétain 126
1. Content : 1. 'Phrul kyi byig shus phyi ma la bstan pa'i mdo (ll. 1-103). 2. A dialogue between the ruler of Dmu and an envoy of Phyva, two important clans in the ancient religion (ll. 104-168).
2. Note : Scroll. The beginning and the end are missing. Recto, 168 lines. The line 14 is integrally deleted at origin and is not included in this edition. Verso, 2 Chinese Buddhist texts. Cf. Catalogue VI (22).
3. References :
Choix I (pls.128-136, notice 21), Choix IV (1-6) [I.Translit.].
Lalou (1939-1961: I, 44) [P.Translit.], Stein (1959: 62, 64), Macdonald (1971: 305-306, 369-373), Yamaguchi (1983: 171-172, 211) [P.Trans.], Yamaguchi (1985: 546-549) [P.Trans.], Luo (1989) [P.Translit., P.Trans.], Chu (1990) [P.Translit., P.Trans.],Ishikawa (2000) [P.Translit., P.Trans.], Ishikawa (2001) [P.Translit., P.Trans.].
Transliteration (Change the
Display
Format)
(1) dang gdan / / [cha?] du [---] [dga'?] la / / sd[i]g pa ngan
(2) dgu gtong myi phod / / tshe cig btsan phyug mchog du 'dzin / /
(3) lha chos bzang po gcig myi spyod / / ma tshor bar du bdud
(4) kyis khyer / / gna' myi 'dzangs shing che dgu yang / / tshe ring da lta
(5) gcig myi snang / / shi zin phan cad sa phung yin / / myi cig
(6) skyes pa'i tshe dus la ring por myi thogs de'u re myed / / khrel
(7) dang gzungs myed mna' yang bza' / / mtha' ma yun du
(8) legs myi spyod / / tshe srog thung ba glog par myur / / gson
(9) dang bye ste / / dur du bskyal / / sdig byes grogs po rtag
(10) par 'dre dang srin / / gtan kyi grogs ngan skyid myi
(11) myong / / dge sdig myi shes nyon re mongs / / nang nub myi dal
(12) phyug por 'dod / / lhag par yod kyang chog myi shes / /
(13) shI ba'i re mo kun la 'ong / /
(14)
(15) shi zin phan cad ci shes / / bsag shIng bdog pa kun dang
(16) bral / / phyi na ci lus bdag myi dran / / leglegs pa 'ba' shig
(17) grogs su 'ongs / / byad bzhin bzang po klu dang sman / /
(18) myi sdug mthar mar skam kyis myed / / gos zas bzang po
(19) za' bog dar / / cir yang ma rung rdul du gyur / / gshin
(20) cha bzang po bgos myi phan / / kha zas bzang po dur du
(21) bcugs / / lo stong bar kyi brgyags yod kyang / /
(22) za ba'i dbang myed yun du lus / / bzang sdug gnyis
(23) shIg dur bcug kyang / / khog skam gnyi shig dgar myi dran / /
(24) gnyen sdug gnyi shig sngas na du / / khri 'bod stong 'bod
(25) rnas myi thos / / gson gshin lam gnyis so sor gyes /
(26) shi ba'i nyon mongs kun 'is brjod / / gnyen dang bdza' bshes
(27) phyi na tshol / / khang khyim bzang po 'dug dbang myed / / ma tshor
(28) bar du bdud kyis khyer / / bzang sdug gnyi shig 'dug dbang
(29) myed / / lo brgya' tshe yang 'dron po 'i zhag / / gshin rje'I
(30) sbron 'os so sor khyer / / shar nub 'dul yang ngo myi shes / /
(31) shag nyer kun 'is byol myi btang / / legs pa 'ba'
(32) shig groggrogs su 'ongs / / gson gyi tshe na btsan phyugs sgrun / /
(33) shi ba 'I 'og legs nyes bsgrun / / mthon man kun yang sdig yul
(34) gcig / / lha yul sgro mor che chung mtshungs / / legs rgu byas na
(35) dpal du skye / nyes rgu byas na byus du gyur / / 'di gnyis gang bya zhib
(36) du brtogs / / shi ba yang dag thar ba myed / / bdud 'ongs nad 'ongs
(37) da gzod skrag / / lus srog gar sba blo myi rnyed / / 'gug cing sbron ba thad
(38) du 'ongs / / gshin rje'i bdun du ci skad bshag / / dkar chags
(39) plags na legs ma byas / / srin gyis bzungs shing zangs su brtsos
(40) sdig yul kun du khyab par khrid / / skyin 'dang 'bab du sdig myi
(41) 'byang / / 'chi ba'i dus na btsan nyen myed / / skye dgu kun yang gcig myi
(42) thar / / gson gyi tshe na legs ma byas / / shi ba'i 'og du bzhar ma ru[ng?]
(43) 'di dag gad bya zhib du brtogs / / legs nyes myi shes gsod pa dang / / chang
(44) thung ba'i tshul bshad pa / / bdag gyi chung ma dgos myi brin / / gzhan gyi chung ma
(45) gser bas brin / / yang dag bden chos myi rtog cing / / phra ma khrugs ma
(46) mchog du 'dzin / sha chang gral na ran 'dzang rtod / / khyal ba'i smyo tshig ched
(47) du zer / / lha nga nang du sdig myi bshag / / bde ba'i tshe na lha myi dran / / na ba'i
(48) tshe na / lha ltos / sdig to myi la lha myi 'go / / lha chos thos na dpyas su
(49) 'dzin / / sha chang mthong na srog kyang bsdo / / lha chos byed na' 'on zhing rnegs
(50) sgyu ma'i don myed sun myi 'byin / / 'phyo g.yam byed pa skyo myi shes / /
(51) myI 'i myi grangs phyug kyi chos / / sdig yul kun du btsal myi dgongs
(52) sdig lam gsum las thar myi myong / / gnag lug kun bsad zang[s]
(53) su btsos / / khra sgrig thogs shing ri lung rgyug / / gzhan la na
(54) tsha bdag myi tshor / / pags bshus sha bshas so sor za' / / 'dre
(55) bkren phar spyang ltogs pa 'dra / / lha chos myi byed smyo zhing rgyug
(56) myi 'i myi grangs 'dre dang mtshungs / / sdig yul kun du btsal myi
(57) dgos / / bdag kyi lus la tshogs par yod / / sems shan thams
(58) cad gson por 'dod / / bsad pa'i na tsha kun myi dga' / / srog
(59) la 'phangs par che cung mtshungs / / gzhan 'is bdag bsad sha
(60) zos dka' myi dka' / / de las soms ste lha chos byos / /
(61) $ / / chang thung khyel ba dug dang mtshungs / / ci yang myi dran
(62) smyo ba'i tshul / / bzhin 'gyur stabs khyebs tshig myi bden / /
(63) mtshon dang ngag shor srog kyI bdud / / skyugs pa khar byung sla tsha
(64) bro / / nang par langs nas nyams myi dga'g+' / / las kyi bun byung
(65) nyon re mongs / / zas kyI gron che so nam stong / / nam zhig
(66) legs pa zhib du rtogs / / ngan pa'i tshul bshad pa' / / / /
(67) sha zos chang thung thab mo byed / / nyin mtshun ngan byed bdag
(68) myi tshor / / 'gram spu skyes su chos myi byed / / byed bzhin
(69) bzang po gnyer mar gyur / / khong zhom skyibs dgu mnga'
(70) myi sdug / / dmyig mdoms / rna 'on bzang myi rigs / / [---]
(71) 'dam lag 'dar 'gro myi phod / /
(72) spyi char kha bog rda myi phrad / / sha zad pags rnyil skam la thug / /
(73) yar lang mar 'dug gog cing phye / / bu tsha'i snying du phyir myi sdug
(74) bsam na' myi dga' dgun myi chad / / bdag shI skyin 'bar gzhar
(75) myi 'gro / / 'dug pa'i lo grangs zad kyis myed / / da cung ngan
(76) byed bdag myi tshor / / legs pa'i chos kyang zad la 'das / /
(77) legs pa ma mthang da dung slobs / / / / srI zhu'i mdo bshad pa' / /
(78) pha ma mthong na' / / tshig pa za' / / bu smad mthong na dga' bar
(79) 'dzin / / pha ma btsal na gzhan myi rnyed / / bu smad btsal ba rnyed p'ap+' READ: pa'I
(80) sla / / pha myed na ni myi skye 'o / / ma myed na nI myi sos so / / ma'i bu
(81) gsos shin du dga' / / thog ma chags nas nyams myi bde / /
(82) ma byung bar du nyon re mongs / / zla ba'b+' tshangs nas bye brag phyid / /
(83) lug bsad sha gzhi 'og dang 'dra / / g.yas g.yos kun
(84) kyang khrag 'is gang / / na tsha myi bzad shi la thug / / gshes
(85) grang mal du ma bdag nyal / / skam dro mal du bu
(86) sdug bsnyal / / ma snying rtag du bu la chags / / ska cig myi
(87) bzod nyon re mongs / / skyes na chung ma'i ngag nyen cing / /
(88) pha ma gshes na dmyig 'or byed / / bu smad mthong na dga'
(89) bar 'dzin / / de ltI'u bu'i sdig yul du / / phyin cing nam
(90) du yang thar myi myong / / de las som ste sri zhu byos / / leglegs
(91) nyes kyi mdo bshad / / leglegs pa myi shes gsod dga' / / kun
(92) la dngan byed 'dre dang 'dra / / byams gshingshing kun gsos
(93) lha dang mtshungs / / nal g.yam rtsog pa'i myi dag
(94) la / / lha mnol zhing ni byur du 'gyur / / myi g.yam khong
(95) gtsang ya rabs thu / / legs dgu spyod pa dpal du skyes
(96) grogs po rtag par lha dang 'grogs / / rkun phrog
(97) byed pa kun kyi gcan / / rku bar myi bsam kun kyis
(98) bstod / / rtsod par myi 'dod nyams snying bde / / khrog gtuM
(99) zhe sdang 'khon kyi tshang / / kun kyang myI 'dum srid kyi gzhis
(100) khong mnyen tshig 'jam leglegs kyi gnyen / / mang po mdu
(101) ba legs kyi snon / / rdzun cen phra ma srid kyi gdon / /
(102) byams pa'i mdo myed 'khyam ba yin / / 'phrul kyI byig
(103) shus phyi ma la bstan pa'I mdo rdzogs so / /
(104) $ / / gna' dang po / gzhe thog ma / dmu dang phyva gnyen ba'i 'tshe / phyva 'i pho nya dmu 'i [tha?]d du mchis pa' /
(105) dmu 'is bka' stsal pa / nged kyi dmu yul 'di dag na / dga' lha byed ni nam myi nangs la / dro nyi 'od kyis
(106) ni / mun myi sros pa'i sa yul 'di dag ni / g.ya' mtha' ni gangs kyis bskor / mthing mtha' ni dag gyis
(107) bskor te / mtho ste bya myi lding la / dma' ste byi myi zul ba'i gra gru 'di dag na / / chu chun [nong?]nor bu dag
(108) sbron du 'ongs pa'i mchid na re / pho brang khab sgo na / bang nge bung nge se ru long long / ne'u bun bun po / myi cung po ka
(109) tsam la / rta cung lgo ba tsam kha cig gda' 'o skad na / / myi ni su 'i myi / byon ni gang nas byon / don no su
(110) la gnyer / drag du rmed pas / zhib du springs shig / / / / pho nyas lan btab pa'p+' / bdag
(111) cag ni 'phyva 'i 'bangs / phyva 'is bka' stsald / rje ni zhu phud nas / mgo nag 'greng la rje myed
(112) rje skos la / rngog chags dud la khram thob cig ces bka' stsald pa / 'debs shing mchi ba'i
(113) shul ka na / bab dmu yul du bab ste / dga' ni lha byed / dro ni gnyen byed / yar ni lha mchod / mar ni [sri?]
(114) gnon ba'i thad kar bab ste / / bdag cag ngan pa yang lha la ni yon 'bul / dmu rje la ni bkod tsam
(115) 'bul zhing spyang ngar mchis / / pa'i pho nya lags / / / dmu rjes bka' stsald / pa' / /
(116) myi khyod cag kyi bka' mchid la / g.yo sgyus bsnan pa'i sho ge dag rab du che bas / shul ner bar byon ba
(117) 'dra / nor tshabs dag rab du che bas / sngar gi shul gang lags pa de kho zung la slar gshegs shig / / pho nyas
(118) lan btab pa'p+' / / bdag cag rtsang smad mdo nas tshur mchis na / shul yang nor / te / / ri rong ni stsub / chu rdzab
(119) ni che / myi dang mjal pa las / skra ni 'kham pa dmyig ni ser ba / skad ni 'dzer ba / rka lag ni khyor ba
(120) cig dang mjal te / su 'i myi zhes bdag cag la 'dri 'o / bdag cag kyis kyang / drang por smras te / dmu 'i yul du
(121) phyva 'i pho nyar mchi zhes bgyis na / kho 'i mchid nas / 'o na khyod cag nor par 'ongs te / yul 'di ni
(122) srin gi yul gis / / dmu'i yul ni shar lho 'i tshams na yin bas / de ltar / song skad nas shul
(123) bstan / te / da ltar dmu'i yul 'dab du 'phebs na / myi dang mjal na / myi mgon po bas legs
(124) skad mdangs ni 'brug skad pas che la snyan / dri gsung ni spos kyi dri bas gda' 'o / da rje 'i spya ngar sku
(125) bla la yon 'bul / dmu rje la bkod tsam 'bul zhing zhal mthong bar ci gnang / / / / dmu rjes
(126) bka' stsald pa / nged kyi yul 'di dag na / sa 'tshams kyi stag 'phreng khri skugs dag na / gles pa stag dang
(127) gzig / dom dang dred las bstsogs pa mang por mchis na / de kun gcig dang yang ma phrad na / khyed cag gnam nas 'ongs
(128) na ni / phur ba'i 'dab shog myed la / sa las 'dzul te 'ongs na ni byi ba ma yin na / khyed cag gi tshig la zol mang
(129) bas slar gshegs shig / / / / pho nyas lan btab pa / bdag cag ngan pa la sgyu dang zol ma mch[is] /
(130) dmu rje 'i stag phrang gzig phrang na / gles pa stag gzig dang yang mjal / dom dang dred dang yang mjal /
(131) la la ni btsas phul / myi la ni yon phul nas / bdag cag ngan pa la shul bstan nas / dmu rje 'i spya ngar mchis
(132) pa lags / / / / dmu rjes bka' stsal pa / / khyed cag gi tshig la yong zol yod pas / nged
(133) dmu 'i gcan pa gles pa lcags kyi myi rta zhub rlung ltar ni phyo la / glog ltar ni myur ba / lcags kyi ri bong la lcags kyi
(134) khra bkye ste / ste len du len ba dag kyang yod na / de kun gcig dang yang ma phrad na / khyod cag kyi tshig yang brdzun dang zol mchis
(135) pas / slar gshegs shig / / / / pho nyas lan btab pa / / bdag cag ngan pa la rdzun dang zol ma mchis / lcags kyi myi
(136) rta zhub lcags kyi khra bkye ba glog ltar myur ba dang yang mjal te / lcags kyi thur ma la / lcags kyi ri bong gtur nas bsreg
(137) sha bgyid pa dang yang mjal / mdzo mo dkar mo zhig bshas te / mzhug ma ma bcad pa dang yang mjal nas / de kun la yang
(138) phyva'i bka' rtags dang skyes rangs phul te / rta / rgal nas mchis na / da sku bla myi mthur myi g.yo ba'i lha yon tsam 'bul du
(139) mchis na / lha zhal tsam mtho zhing phyag chud pa tsam du ci gnang / / / / dmu rjes bka' stsal pa'p+' /
(140) 'o na phyva 'i pho nya nged kyi sku bla la mchod gsol du 'ongs na / mchod pa'i rkyen ci yod / 'jang smyug mchod
(141) la / thang kar yug gyis bsgron ba lha mda' yod dam myed / lha mda' 'i rkyen rgya dar ris phran yug kyis
(142) btags pa yod dam myed / gser kha ma blangs pa yod dam myed / g.yu 'i slag cen yod dam myed / sngon mo
(143) 'bru bdun la khal dgu yod dam myed / sngon mo 'ding ding 'bras kyi khu khal dgu yod dam myed / mthud gong
(144) gong mo tsam mchis saM ma mchis / mar gi sreg sha sreg pa tsam mchis sam ma mchis / ^o ma'i
(145) gdar bre kha tsam mchis sam mchis / lha lug ngo mar mchis sam mchis / lha rta snyan kar mchis
(146) sam ma mchis / lha 'bri zal mo mchis sam ma mchis / lha g.yag sham po mchis sam ma mchis /
(147) dmu rje la yang skyes rangs rdzogs par mchis sam / dmu blon la yang skyes rangs rdzogs par mchis na /
(148) 'dron po dag kyang dgung mtha' skor skor ni / rgod po mtha' zags la / dog mth'amtha' skor bskor ni mtshal
(149) ba thil rdol / myi ni chad rta ni ngal na yang / ra ma'i 'dab tsam du gdab du gnang / sku bla la yang yon 'bul
(150) du gnang ngo / / / / zhu ba rnam 'ga'ga' snyan du zhus te / bka' gnyan pos lung du stsal te gnang
(151) ba / gtang rag spyi bo gtsug gyis 'tshal zhing mchis so / / / / $ / / sku gnyen phyogs kyi
(152) zha snga nas / mang zham nyid kyis mchod gsol pa / / bdag cag ngan pa lta shig mchis pa / bus ba ngan pa
(153) 'ga['] zhig rkang rings te skyes na / khyed kyi zham 'bring 'dab du / ring ba'i ni srab mda' 'dzin pa 'am / thung ba'i
(154) ba'i ni yob cen gi rten tsam 'am / mtshan mo ni g.yang mo 'i mtha' skyong ba tsam du 'bul bar bsaMs
(155) te / rko [---] [rnam?] 'ga['] tsam zhus na / yang / rko long du ma brtsis te / bka' chad kyis ma bkum /
(156) gshegs su gnang ba glo ba dga' / / de 'i rjes la myi dang 'dra ba'i gdan tshab 'am / gsol du rung ba'i
(157) bshos [skyems?] ni ci yang ma 'byor lags na yang / bye'u tshang du rgyal gshegs pa dang mtshungs te / gdugs
(158) tshod ma khongs pa'i thog du / grang mo zhal bu re re zhig sku la dmyigs shing mchis na / chungs kyis
(159) bka' myi 'bab / bzhes pa tsam du ci gnang / / / / bdag cag ngan pa mchis
(160) pa yang deng gi gdugs la / 'di 'dra ba'i bka' lung gnyan po g.yar du stsal pa yang / g.yar tshod ma
(161) mchis / / bdag cag kyi yab khu dag kyang ma rdzogs / / yab khu dag dang bka' gros bgyis la
(162) de nas khyed cag la bka' lung dag sbyin gis / / / / sku gnyen 'phrul gi zha snga nas /
(163) deng gi gdugs la gor bu 'i zhabs tshegs la ma gzigs te gdan gshegs su gnang ba glo ba
(164) dga' / bdag cag ngan pa yang lha zhal tsam mthong / lha bka' tsam nyan cing mchis na / bka'
(165) stsal pa tsam du ci gnang / / / / de lags khyed 'o skol mchis pa yang / phu ni stong sde /
(166) mda' ni rgya sde / rje gcig gi 'bangs la yul cIg gi ni myi / sa cig gi 'bras / ri cig gi
(167) rdo / khyed 'o skol la dbyar myed pas / khyed kyis nas kyang ce'u yag dang log men dag ltos / rung
(168) zhing shis par gyur na / bdag cag [---] bka' gros dag [b]gyis la / khyed la bka' lung dag sbyIn gis /
(2) dgu gtong myi phod / / tshe cig btsan phyug mchog du 'dzin / /
(3) lha chos bzang po gcig myi spyod / / ma tshor bar du bdud
(4) kyis khyer / / gna' myi 'dzangs shing che dgu yang / / tshe ring da lta
(5) gcig myi snang / / shi zin phan cad sa phung yin / / myi cig
(6) skyes pa'i tshe dus la ring por myi thogs de'u re myed / / khrel
(7) dang gzungs myed mna' yang bza' / / mtha' ma yun du
(8) legs myi spyod / / tshe srog thung ba glog par myur / / gson
(9) dang bye ste / / dur du bskyal / / sdig byes grogs po rtag
(10) par 'dre dang srin / / gtan kyi grogs ngan skyid myi
(11) myong / / dge sdig myi shes nyon re mongs / / nang nub myi dal
(12) phyug por 'dod / / lhag par yod kyang chog myi shes / /
(13) shI ba'i re mo kun la 'ong / /
(14)
(15) shi zin phan cad ci shes / / bsag shIng bdog pa kun dang
(16) bral / / phyi na ci lus bdag myi dran / / leglegs pa 'ba' shig
(17) grogs su 'ongs / / byad bzhin bzang po klu dang sman / /
(18) myi sdug mthar mar skam kyis myed / / gos zas bzang po
(19) za' bog dar / / cir yang ma rung rdul du gyur / / gshin
(20) cha bzang po bgos myi phan / / kha zas bzang po dur du
(21) bcugs / / lo stong bar kyi brgyags yod kyang / /
(22) za ba'i dbang myed yun du lus / / bzang sdug gnyis
(23) shIg dur bcug kyang / / khog skam gnyi shig dgar myi dran / /
(24) gnyen sdug gnyi shig sngas na du / / khri 'bod stong 'bod
(25) rnas myi thos / / gson gshin lam gnyis so sor gyes /
(26) shi ba'i nyon mongs kun 'is brjod / / gnyen dang bdza' bshes
(27) phyi na tshol / / khang khyim bzang po 'dug dbang myed / / ma tshor
(28) bar du bdud kyis khyer / / bzang sdug gnyi shig 'dug dbang
(29) myed / / lo brgya' tshe yang 'dron po 'i zhag / / gshin rje'I
(30) sbron 'os so sor khyer / / shar nub 'dul yang ngo myi shes / /
(31) shag nyer kun 'is byol myi btang / / legs pa 'ba'
(32) shig groggrogs su 'ongs / / gson gyi tshe na btsan phyugs sgrun / /
(33) shi ba 'I 'og legs nyes bsgrun / / mthon man kun yang sdig yul
(34) gcig / / lha yul sgro mor che chung mtshungs / / legs rgu byas na
(35) dpal du skye / nyes rgu byas na byus du gyur / / 'di gnyis gang bya zhib
(36) du brtogs / / shi ba yang dag thar ba myed / / bdud 'ongs nad 'ongs
(37) da gzod skrag / / lus srog gar sba blo myi rnyed / / 'gug cing sbron ba thad
(38) du 'ongs / / gshin rje'i bdun du ci skad bshag / / dkar chags
(39) plags na legs ma byas / / srin gyis bzungs shing zangs su brtsos
(40) sdig yul kun du khyab par khrid / / skyin 'dang 'bab du sdig myi
(41) 'byang / / 'chi ba'i dus na btsan nyen myed / / skye dgu kun yang gcig myi
(42) thar / / gson gyi tshe na legs ma byas / / shi ba'i 'og du bzhar ma ru[ng?]
(43) 'di dag gad bya zhib du brtogs / / legs nyes myi shes gsod pa dang / / chang
(44) thung ba'i tshul bshad pa / / bdag gyi chung ma dgos myi brin / / gzhan gyi chung ma
(45) gser bas brin / / yang dag bden chos myi rtog cing / / phra ma khrugs ma
(46) mchog du 'dzin / sha chang gral na ran 'dzang rtod / / khyal ba'i smyo tshig ched
(47) du zer / / lha nga nang du sdig myi bshag / / bde ba'i tshe na lha myi dran / / na ba'i
(48) tshe na / lha ltos / sdig to myi la lha myi 'go / / lha chos thos na dpyas su
(49) 'dzin / / sha chang mthong na srog kyang bsdo / / lha chos byed na' 'on zhing rnegs
(50) sgyu ma'i don myed sun myi 'byin / / 'phyo g.yam byed pa skyo myi shes / /
(51) myI 'i myi grangs phyug kyi chos / / sdig yul kun du btsal myi dgongs
(52) sdig lam gsum las thar myi myong / / gnag lug kun bsad zang[s]
(53) su btsos / / khra sgrig thogs shing ri lung rgyug / / gzhan la na
(54) tsha bdag myi tshor / / pags bshus sha bshas so sor za' / / 'dre
(55) bkren phar spyang ltogs pa 'dra / / lha chos myi byed smyo zhing rgyug
(56) myi 'i myi grangs 'dre dang mtshungs / / sdig yul kun du btsal myi
(57) dgos / / bdag kyi lus la tshogs par yod / / sems shan thams
(58) cad gson por 'dod / / bsad pa'i na tsha kun myi dga' / / srog
(59) la 'phangs par che cung mtshungs / / gzhan 'is bdag bsad sha
(60) zos dka' myi dka' / / de las soms ste lha chos byos / /
(61) $ / / chang thung khyel ba dug dang mtshungs / / ci yang myi dran
(62) smyo ba'i tshul / / bzhin 'gyur stabs khyebs tshig myi bden / /
(63) mtshon dang ngag shor srog kyI bdud / / skyugs pa khar byung sla tsha
(64) bro / / nang par langs nas nyams myi dga'g+' / / las kyi bun byung
(65) nyon re mongs / / zas kyI gron che so nam stong / / nam zhig
(66) legs pa zhib du rtogs / / ngan pa'i tshul bshad pa' / / / /
(67) sha zos chang thung thab mo byed / / nyin mtshun ngan byed bdag
(68) myi tshor / / 'gram spu skyes su chos myi byed / / byed bzhin
(69) bzang po gnyer mar gyur / / khong zhom skyibs dgu mnga'
(70) myi sdug / / dmyig mdoms / rna 'on bzang myi rigs / / [---]
(71) 'dam lag 'dar 'gro myi phod / /
(72) spyi char kha bog rda myi phrad / / sha zad pags rnyil skam la thug / /
(73) yar lang mar 'dug gog cing phye / / bu tsha'i snying du phyir myi sdug
(74) bsam na' myi dga' dgun myi chad / / bdag shI skyin 'bar gzhar
(75) myi 'gro / / 'dug pa'i lo grangs zad kyis myed / / da cung ngan
(76) byed bdag myi tshor / / legs pa'i chos kyang zad la 'das / /
(77) legs pa ma mthang da dung slobs / / / / srI zhu'i mdo bshad pa' / /
(78) pha ma mthong na' / / tshig pa za' / / bu smad mthong na dga' bar
(79) 'dzin / / pha ma btsal na gzhan myi rnyed / / bu smad btsal ba rnyed p'ap+' READ: pa'I
(80) sla / / pha myed na ni myi skye 'o / / ma myed na nI myi sos so / / ma'i bu
(81) gsos shin du dga' / / thog ma chags nas nyams myi bde / /
(82) ma byung bar du nyon re mongs / / zla ba'b+' tshangs nas bye brag phyid / /
(83) lug bsad sha gzhi 'og dang 'dra / / g.yas g.yos kun
(84) kyang khrag 'is gang / / na tsha myi bzad shi la thug / / gshes
(85) grang mal du ma bdag nyal / / skam dro mal du bu
(86) sdug bsnyal / / ma snying rtag du bu la chags / / ska cig myi
(87) bzod nyon re mongs / / skyes na chung ma'i ngag nyen cing / /
(88) pha ma gshes na dmyig 'or byed / / bu smad mthong na dga'
(89) bar 'dzin / / de ltI'u bu'i sdig yul du / / phyin cing nam
(90) du yang thar myi myong / / de las som ste sri zhu byos / / leglegs
(91) nyes kyi mdo bshad / / leglegs pa myi shes gsod dga' / / kun
(92) la dngan byed 'dre dang 'dra / / byams gshingshing kun gsos
(93) lha dang mtshungs / / nal g.yam rtsog pa'i myi dag
(94) la / / lha mnol zhing ni byur du 'gyur / / myi g.yam khong
(95) gtsang ya rabs thu / / legs dgu spyod pa dpal du skyes
(96) grogs po rtag par lha dang 'grogs / / rkun phrog
(97) byed pa kun kyi gcan / / rku bar myi bsam kun kyis
(98) bstod / / rtsod par myi 'dod nyams snying bde / / khrog gtuM
(99) zhe sdang 'khon kyi tshang / / kun kyang myI 'dum srid kyi gzhis
(100) khong mnyen tshig 'jam leglegs kyi gnyen / / mang po mdu
(101) ba legs kyi snon / / rdzun cen phra ma srid kyi gdon / /
(102) byams pa'i mdo myed 'khyam ba yin / / 'phrul kyI byig
(103) shus phyi ma la bstan pa'I mdo rdzogs so / /
(104) $ / / gna' dang po / gzhe thog ma / dmu dang phyva gnyen ba'i 'tshe / phyva 'i pho nya dmu 'i [tha?]d du mchis pa' /
(105) dmu 'is bka' stsal pa / nged kyi dmu yul 'di dag na / dga' lha byed ni nam myi nangs la / dro nyi 'od kyis
(106) ni / mun myi sros pa'i sa yul 'di dag ni / g.ya' mtha' ni gangs kyis bskor / mthing mtha' ni dag gyis
(107) bskor te / mtho ste bya myi lding la / dma' ste byi myi zul ba'i gra gru 'di dag na / / chu chun [nong?]nor bu dag
(108) sbron du 'ongs pa'i mchid na re / pho brang khab sgo na / bang nge bung nge se ru long long / ne'u bun bun po / myi cung po ka
(109) tsam la / rta cung lgo ba tsam kha cig gda' 'o skad na / / myi ni su 'i myi / byon ni gang nas byon / don no su
(110) la gnyer / drag du rmed pas / zhib du springs shig / / / / pho nyas lan btab pa'p+' / bdag
(111) cag ni 'phyva 'i 'bangs / phyva 'is bka' stsald / rje ni zhu phud nas / mgo nag 'greng la rje myed
(112) rje skos la / rngog chags dud la khram thob cig ces bka' stsald pa / 'debs shing mchi ba'i
(113) shul ka na / bab dmu yul du bab ste / dga' ni lha byed / dro ni gnyen byed / yar ni lha mchod / mar ni [sri?]
(114) gnon ba'i thad kar bab ste / / bdag cag ngan pa yang lha la ni yon 'bul / dmu rje la ni bkod tsam
(115) 'bul zhing spyang ngar mchis / / pa'i pho nya lags / / / dmu rjes bka' stsald / pa' / /
(116) myi khyod cag kyi bka' mchid la / g.yo sgyus bsnan pa'i sho ge dag rab du che bas / shul ner bar byon ba
(117) 'dra / nor tshabs dag rab du che bas / sngar gi shul gang lags pa de kho zung la slar gshegs shig / / pho nyas
(118) lan btab pa'p+' / / bdag cag rtsang smad mdo nas tshur mchis na / shul yang nor / te / / ri rong ni stsub / chu rdzab
(119) ni che / myi dang mjal pa las / skra ni 'kham pa dmyig ni ser ba / skad ni 'dzer ba / rka lag ni khyor ba
(120) cig dang mjal te / su 'i myi zhes bdag cag la 'dri 'o / bdag cag kyis kyang / drang por smras te / dmu 'i yul du
(121) phyva 'i pho nyar mchi zhes bgyis na / kho 'i mchid nas / 'o na khyod cag nor par 'ongs te / yul 'di ni
(122) srin gi yul gis / / dmu'i yul ni shar lho 'i tshams na yin bas / de ltar / song skad nas shul
(123) bstan / te / da ltar dmu'i yul 'dab du 'phebs na / myi dang mjal na / myi mgon po bas legs
(124) skad mdangs ni 'brug skad pas che la snyan / dri gsung ni spos kyi dri bas gda' 'o / da rje 'i spya ngar sku
(125) bla la yon 'bul / dmu rje la bkod tsam 'bul zhing zhal mthong bar ci gnang / / / / dmu rjes
(126) bka' stsald pa / nged kyi yul 'di dag na / sa 'tshams kyi stag 'phreng khri skugs dag na / gles pa stag dang
(127) gzig / dom dang dred las bstsogs pa mang por mchis na / de kun gcig dang yang ma phrad na / khyed cag gnam nas 'ongs
(128) na ni / phur ba'i 'dab shog myed la / sa las 'dzul te 'ongs na ni byi ba ma yin na / khyed cag gi tshig la zol mang
(129) bas slar gshegs shig / / / / pho nyas lan btab pa / bdag cag ngan pa la sgyu dang zol ma mch[is] /
(130) dmu rje 'i stag phrang gzig phrang na / gles pa stag gzig dang yang mjal / dom dang dred dang yang mjal /
(131) la la ni btsas phul / myi la ni yon phul nas / bdag cag ngan pa la shul bstan nas / dmu rje 'i spya ngar mchis
(132) pa lags / / / / dmu rjes bka' stsal pa / / khyed cag gi tshig la yong zol yod pas / nged
(133) dmu 'i gcan pa gles pa lcags kyi myi rta zhub rlung ltar ni phyo la / glog ltar ni myur ba / lcags kyi ri bong la lcags kyi
(134) khra bkye ste / ste len du len ba dag kyang yod na / de kun gcig dang yang ma phrad na / khyod cag kyi tshig yang brdzun dang zol mchis
(135) pas / slar gshegs shig / / / / pho nyas lan btab pa / / bdag cag ngan pa la rdzun dang zol ma mchis / lcags kyi myi
(136) rta zhub lcags kyi khra bkye ba glog ltar myur ba dang yang mjal te / lcags kyi thur ma la / lcags kyi ri bong gtur nas bsreg
(137) sha bgyid pa dang yang mjal / mdzo mo dkar mo zhig bshas te / mzhug ma ma bcad pa dang yang mjal nas / de kun la yang
(138) phyva'i bka' rtags dang skyes rangs phul te / rta / rgal nas mchis na / da sku bla myi mthur myi g.yo ba'i lha yon tsam 'bul du
(139) mchis na / lha zhal tsam mtho zhing phyag chud pa tsam du ci gnang / / / / dmu rjes bka' stsal pa'p+' /
(140) 'o na phyva 'i pho nya nged kyi sku bla la mchod gsol du 'ongs na / mchod pa'i rkyen ci yod / 'jang smyug mchod
(141) la / thang kar yug gyis bsgron ba lha mda' yod dam myed / lha mda' 'i rkyen rgya dar ris phran yug kyis
(142) btags pa yod dam myed / gser kha ma blangs pa yod dam myed / g.yu 'i slag cen yod dam myed / sngon mo
(143) 'bru bdun la khal dgu yod dam myed / sngon mo 'ding ding 'bras kyi khu khal dgu yod dam myed / mthud gong
(144) gong mo tsam mchis saM ma mchis / mar gi sreg sha sreg pa tsam mchis sam ma mchis / ^o ma'i
(145) gdar bre kha tsam mchis sam mchis / lha lug ngo mar mchis sam mchis / lha rta snyan kar mchis
(146) sam ma mchis / lha 'bri zal mo mchis sam ma mchis / lha g.yag sham po mchis sam ma mchis /
(147) dmu rje la yang skyes rangs rdzogs par mchis sam / dmu blon la yang skyes rangs rdzogs par mchis na /
(148) 'dron po dag kyang dgung mtha' skor skor ni / rgod po mtha' zags la / dog mth'amtha' skor bskor ni mtshal
(149) ba thil rdol / myi ni chad rta ni ngal na yang / ra ma'i 'dab tsam du gdab du gnang / sku bla la yang yon 'bul
(150) du gnang ngo / / / / zhu ba rnam 'ga'ga' snyan du zhus te / bka' gnyan pos lung du stsal te gnang
(151) ba / gtang rag spyi bo gtsug gyis 'tshal zhing mchis so / / / / $ / / sku gnyen phyogs kyi
(152) zha snga nas / mang zham nyid kyis mchod gsol pa / / bdag cag ngan pa lta shig mchis pa / bus ba ngan pa
(153) 'ga['] zhig rkang rings te skyes na / khyed kyi zham 'bring 'dab du / ring ba'i ni srab mda' 'dzin pa 'am / thung ba'i
(154) ba'i ni yob cen gi rten tsam 'am / mtshan mo ni g.yang mo 'i mtha' skyong ba tsam du 'bul bar bsaMs
(155) te / rko [---] [rnam?] 'ga['] tsam zhus na / yang / rko long du ma brtsis te / bka' chad kyis ma bkum /
(156) gshegs su gnang ba glo ba dga' / / de 'i rjes la myi dang 'dra ba'i gdan tshab 'am / gsol du rung ba'i
(157) bshos [skyems?] ni ci yang ma 'byor lags na yang / bye'u tshang du rgyal gshegs pa dang mtshungs te / gdugs
(158) tshod ma khongs pa'i thog du / grang mo zhal bu re re zhig sku la dmyigs shing mchis na / chungs kyis
(159) bka' myi 'bab / bzhes pa tsam du ci gnang / / / / bdag cag ngan pa mchis
(160) pa yang deng gi gdugs la / 'di 'dra ba'i bka' lung gnyan po g.yar du stsal pa yang / g.yar tshod ma
(161) mchis / / bdag cag kyi yab khu dag kyang ma rdzogs / / yab khu dag dang bka' gros bgyis la
(162) de nas khyed cag la bka' lung dag sbyin gis / / / / sku gnyen 'phrul gi zha snga nas /
(163) deng gi gdugs la gor bu 'i zhabs tshegs la ma gzigs te gdan gshegs su gnang ba glo ba
(164) dga' / bdag cag ngan pa yang lha zhal tsam mthong / lha bka' tsam nyan cing mchis na / bka'
(165) stsal pa tsam du ci gnang / / / / de lags khyed 'o skol mchis pa yang / phu ni stong sde /
(166) mda' ni rgya sde / rje gcig gi 'bangs la yul cIg gi ni myi / sa cig gi 'bras / ri cig gi
(167) rdo / khyed 'o skol la dbyar myed pas / khyed kyis nas kyang ce'u yag dang log men dag ltos / rung
(168) zhing shis par gyur na / bdag cag [---] bka' gros dag [b]gyis la / khyed la bka' lung dag sbyIn gis /