1. Content : Inscription at the 'Phyong rgyas bridge
2. Location : 'Phyong rgyas
3. Date : ca. 797, end of the reign of Khri srong lde brtsan
4. Condition :
5. Photos / Rubbings :
6. References :
Richardson (1964: 1985: 36-41) [I. Translit., I. Trans.], Li and Coblin (1987: 227-237) [I. Translit., I. Trans.]
(1) $ / / lha btsan po yab myes lha dang myI'i
(2) rjer gshegs te / chos gtsug lag ni
(3) lugs kyis bzang / / dbu rmog brtsan po ni
(4) byin du che'o / /
(5) $ / / lha btsan po khri srong lde brtsan gyi zha
(6) snga nas kyang / yab myes kyi lugs bzhin /
(7) lha'i gtsug lag nI ma nyams / gnam
(8) sa'i chos dang ni 'thun par mdzad / sku
(9) yon tan yongs kyis brjod pa'I yi ge /
(10) nam zhig rdo rings la bris so / /
(11) chos rgyal chen pos phrin las su ci
(12) mdzad pa dang / dbu rmog brtsan po'i byIn
(13) gyis / chab srid skyes pa las stsogs pa'i
(14) gtam gyi yI ge / zhib mo gcIg ni / gud
(15) na yod do / /
(16) $ / / 'phrul gyi lha btsan po khri srong lde
(17) brtsan gyi zha snga nas / mtha' bzhi'i rgyal po
(18) gzhan dang myi 'dra ste / byin gyi sgam dkyel
(19) chen po dang / dbu rmog brtsan pos / yar ni
(20) ta zhig gyi mtshams man chad / mar ni long
(21) shan gyi la rgyud yan cad / chab 'og 'du
(22) ste / chab srid ni lho byang shar nub /
(23) mthas klas par che'o / / de ltar chab srid
(24) che ba'i byin gyis / bod yongs yul che / khong
(25) phyug du gyurd pas / nang nas kyang / nam
(26) zhar bde zhing skyid par gnas so / /
(27) thugs la byang chub spyod pa rlabs po
(28) che mnga' bas / 'jig rten las 'das pa'i
(29) chos bzang po brnyes nas / kun la bka'
(30) drin du byin no / / de ltar 'greng dud
(31) gnyIs la / 'phral yun gnyIs kyi bka' drin
(32) chen pos ma khyab pa myed de / / myi yongs
(33) kyis mtshan yang / 'phrul gyi lha byang chub
(34) chen por gsol to / /