Old Tibetan Documents Online

IOL Tib J 734 (= Ch.85.IX.4 = vol. 69, fols. 76-83)

1. Content : The age of decline.

2. Note : Scroll. The original scroll is now cut into 8 sheets. The beginning is missing. Recto, 354 lines. Verso, on the 8th and last sheet, 2 lines written between columns of Chinese Buddhist texts. As for the Chinese texts, cf. Enoki (1962: C37, 42, 79). Numbering: 3r124 = 3rd sheet, recto, line 124 (counted consecutively from the beginning throughout the manuscript).

3. References :

Thomas (1957: 52-102) [I.Translit., I.Trans.],Vallée Poussin (1962: 233),Macdonald (1971: 357-373),Stein (1971: 502-505),Tōyō Bunko (part 8, 53),Stein (1985).

Transliteration (Change the Display Format)

(1r1) [---]པར་[འོང?] [ངོ?]༎ [དེ?]ཡང་
(1r2) གིས་མྱྀ་གཡོན་ཆན་ཀྱི་རོགས་བྱས་ཕས༎ མྱི་གཡོན་ཅན་སྟོབས་ཆེ་བར་འོང་
(1r3) ངོ༎
(1r4) ༄༅༎ མྱི་ཕྱུག་ཟྀང་ནོར་བདོག་ནའ། ངན་པ་ཡང་འཛངས་ཤྀང་ཞེས་བསྟོད་པར་འོང་ངོ༎
(1r5) མྱི་དབུལ་བའི་ཕྱྀར། འཛངས་ཀྱང་ངན་ཏོ་ཞེས་སྨད་པར་འོང་ངོ༎ དཔེར་ཕ་མ།
(1r6) གཉིས་ལ་བུ་སྤུན་གཉྀས་བདོག་ན། བུ་གཅྀག་གིས་ཕ་ལོག་པོ་ལ་ངན་དགུར་བྱས།
(1r7) པས་ནོར་བཙལད་ཏེ་འོངས་ན་ཕ་མ་གཉྀས་ཀྱང་བུ་དེས་ནོར་རྙེད་འཛངས་སོ་ཞེས་
(1r8) བསྡོད་པར་འོང་ངོ༎ བུ་གཅྀག་དྲང་མཁྲང་ཆེ་མྱི་ཕ་ལོག་པོ་ལ་དངན་མྱི་བྱེད་ནོར་མྱི།
(1r9) ཚོལད་ཏེ། གཙུག་ལག་གྀ་མྱི་ནྀ་ངན་ཅེས་སྨད་པར་འོང་ངོ༎ འུང་ལྟར་ཕ་མ་གཉྀས་
(1r10) ཀྱང་སྙིང་གྱུརད་ཏེ༎ བུ་འཛངས་ངན་ཀྱི་བྱེ་ཆག་ཀྱང་མྱི་ཕེད། བུ་འི་ངོ་ཡང་མྱི་སྙོམས་
(1r11) པར་འོང་ངོ༎ མྱྀ་ཆེད་པོ་ཕྱུག་པོ་ཞྀག་གྀས་མ་རིག་པར་ཚིག་ངན་པ་དང། བརྫུན་ཞྀག་ཟེར་ན་ཡང།
(1r12) མྱྀ་འོ་ཅོག་གྀས་གསག་བྱས་ཏེ༎ [ཀུན?]གྱྀས་མཉན་དེ་སྟོད་པར་འོང་ངོ༎ མྱྀ་ཆེད་པོ་དང་ཕྱག་པོའྀ་ཁ།
(1r13) ནས་དགོད་མྱྀ་བྲོ་པའྀ་ཚིག་ཐོས་ན་ཡང་ཀུན་གྱྀས་དགད་མོ་འྀ་ར་མདའ་བྱས་ཏེ། བགད་པར་འོང་ངོ༎
(1r14) མྱི་དབུལ་པོ་འྀ་པྱིར་ཁ་ནས་སྲིད་ལ་ཕན་པའྀ་ཚིག་བཟང་པོ་བདེན་བ་ཞྀག་ཟེར་ན་ཡང་སུས་ཀྱང།
(1r15) མྱི་བཉན་བར་འོང་ངོ༎ ལ་ལ་ཆིག་བདེན་བ་དེ་[ཐོས?]ན་ཡང༎ རྣ་བ་ཡི་གཅྀག་ཏུ་ཐོས་ན། རྣ་བ་ཡང་ཅིག།
(1r16) ཏུ་ཕྱུང་སྟེ། ཡྀད་ལ་མྱི་འཛྀན་བར་འོང་ངོ། བདེན་ཞེས་སུས་ཀྱང་མྱྀ་བཉན་མྱི་བསྟོད་པར་ ༎
(1r17) དགོད་བྲོ་བའྀ་ཚིག་ཅིག་བྱས་ཀྱང་སུས་ཀྱང་མྱྀ་བགད་པར་འོང་ངོ༎ རབས་པྱྀ་པྱིར་ཞྀང་མྱི་གཉེན།
(1r18) དགུ་ཡང་དབུལ་བའྀ་པྱིར་གཉེན་དུ་མྱྀ་རྩི་བར་འོང་ངོ༎ པྱུག་པོ་གཉིས་ནྀ་མྱི་གཉེན་མྱྀ་སྡུག་ཀྱང།
(1r19) ཕྱུག་པའྀ་པྱིར་གཉེན་སྡུག་ཙེས་ཤ་ཆང་སྟོན་མོ་འདྲེ་ཞིང་གཉེན་ཏུ་འཐམ་བར་འོང་ངོ༎
(1r20) དབུལ་པོ་ནི་དབུལ་བའྀ་པྱིར་གཉེན་དངན་ཅན་བྱས་སྟེ༎ གཉེན་ན་ཡང་སོ་སོར་བྱེ་བར་ ༎
(1r21) ༄༅༎ རབས་[ཕྱྀ] [ཕྱིས?]ཞིང༎ ལྷ་མྱྀ་མ་བྱེ་བའི་དུས་བཟང་པོ་ལྟར་སུ་ཡང་ མྱྀ་བྱེད།
(1r22) པར་འོང་ངོ༎ ཚེ་དུས་ངན་པ་ལ་བབ་ཀྱིས༎ པྱྀ་པྱིར་ཞིང་འགྲེང་མྱི་འོ་ཆོག་ཁྲེལ་མྱེད་ལྟས་
(1r23) མྱེད་པར་འོང་ངོ༎ ངོ་ཚ་མྱྀ་ཤེས་པར་ ༎ བནའ་གཟུངས་མྱེད་པར་ ༎ ནོར་དད་གྱྀ།
(1r24) པྱྀར་ བདུད་སྲོག་གིས་མྱྀ་འཇྀགས་པར་འོང་ངོ༎ མྱྀ་ཕ་ལོག་པོ་ལ་ངན་དགུ་བྱེད་ཅིང་ནོར་ཆོལ།
(1r25) བར་འོང་ངོ༎ འུང་གིས་ཁྲེལ་ལྟས་མྱེད་ཅྀང་མནའ་ཟོས་པ་སྡྀག་སྟེ༎ ཕ་པས་བུ་ངན་བུ་པས་ཙ་ངན་དེ།
(1r26) མྱྀ་རབས་པྱྀ་པྱིར་ཞྀང་ངན་དུ་འོང་ངོ༎ ལུས་ཀྱང་ཕ་བས་བུ་ཐུང་པ་ཤེ་དག་དུ་འོང་ངོ༎ ཅྀ་བྱ་འོ་ཆོག།
(1r27) པ་ཙམ་བུས་མྱྀ་ཕོད་པར་འོང་ངོ༎ ཇྀ་ལྟ་ཞེ་ན་མྱྀ་དཔའ་པོ་གཅིག་ལག་ན་མདུང་ཅིག་ །
(1r28) དམག་དུ་ཁྲྀ་དུ་སྟོང་གྀ་ནང་ན༎ ཕར་བརྒལ་ཚུར་བརྒལ་ཏེ་འོངས་པ་བས་ཀྱང༎ མྱྀ་ཕ་ལོག་པོ།
(1r29) འྀ་ཆུང་མ་ལ་བྱྀ་བ་བྱས་སམ༎ ཕྲོག་རློག་བྱས་སམ༎ རྒྱོན་པོ་བྱས་སམ༎ མྱི་ལ་ངན་དུ་བྱས་པ།
(1r30) གསང་ཞྀང་མྱི་འཇོག་པར༎ བཟུང་སྟེ༎ ངོ་ཚ་མྱི་ཤེས་པར༎ མྱྀ་འོ་ཆོག་ལ་གཐམ་ཟེར།
(1r31) བར་འོང་ངོ༎ རབས་པྱྀ་པྱིར་ཞྀང་སྐྱེས་པ་པས༎ བུད་མྱེད་བོ་དྲག་པར་འོང་ངོ༎ བུད་མྱེད་ངོ་ཚ་མྱྀ་ཤེས།
(1r32) ཤྀང་མྱི་སྲུན་པར་འོང་ངོ༎ བུད་མྱེད་ངན་པར་འོང་ངོ༎ སྤྱར་བར་འོང་ངོ༎ སྐྱེས་པ་ཕས་མྱྀ་ཟེར་པར༎
(1r33) མོས་ཚུས་བསྐུལ་ཏེ་ཉལ་པར་འོང་ངོ༎ བུད་མྱེད་གཅྀག་ནུབ་ཅིག་ལ་སྐྱེས་པ་ལས་རེ་མོས་བརྒྱོས་ཀྱང།
(1r34) སྙྀང་མྱི་ཚིམ་སྟེ༎ ད་དུང་འདོད་པར་འོང་ངོ༎
(1r35) ༄༅༎ ཆེ་སྟེ་རྒྱལ་པོ་འི་ཆུང་མ་མང་ཅད༎ རྒྱལ་པོ་བས་མོ་འཛང་སུ་རྩྀ་སྟེ༎ སྲྀད་ཀྱི་ནང་དུ་ །
(1r36) རྒྱལ་པོ་དང་བློན་པོ་འྀ་བར་དུ་ཞུགས་ནས་འཕྲ་མ་བྱས་ཏེ༎ རྒྱལ་པོ་དང་བློན་པོ་གཉིས་ཀྱང་པྱེ་བར།
(1r37) འོང་ངོ༎ འུང་གི་པྱིར་འབངས་ཀྱང་ཉོན་མོངས་ཐན་ཁོལ་བར་བར་འོང་ངོ༎ བརླག་པར་འོང་ངོ།
(1r38) རབས་པྱྀ་པྱིར་ཞིང་མྱི་འོ་ཆོག་ཁྱོ་བས་ཆུང་མ་ཁ་དྲག་པར་འོང་ངོ༎ ཆུང་མས་ཕ་དང་བུ། [ཕུང?]། པྱེ་བར།
(1r39) འོང་ངོ༎ ། ཕུ་པོ་དང་ནུ་[བོར?]པྱེ་བར་འོང་ངོ༎ ཉེན་དགུ་སྡུག་དགུ་ཕྱེ་[སྟེ?]འཐབ་འབྲེག་པར་འོང།
(1r40) གཉེན་གསོད་པར་འོང་ངོ༎ དེ་ནས་[---]དེ། ཕྱུག་པོ་མཐོན༎
(1r41) [---]
(2r42) [---]གྲོས་མ་[དགའ?] [---]འཚེས་[---]རབ་དུ་[---]རུ།
(2r43) ༎ [ཚད?] [མ?] [ཁད?]། བྲང་པས་[བརྟགས?]མ་ཁད༎ བཤོས་ལོ་[བརྒྱ?] [བབས?]། [གྲོངས?]བདུན་[འབུམ?] [---] [གཤེགས?]།
(2r44) མ་ཁད༎ བཤོས་ལྷ་ས་དགེའུ་ལས་པང་མ་[ཁད?]། གྲོངས་ལྟང་ཁུང་[གྲུ?]བཞྀའི། བདག་དུ་གཤེགས།
(2r45) བཤོས་[སྐད?] [བྱོང?]བྱོང། གནམ་དགུང་དུ། ཡར་མ་ཁད༎ གྲོངས་སྐད་ཐམ་[ཐུམ?]ནྀ། གང་འགྲམ་དུ།
(2r46) [འདྲིལ?]མ་ཁད༎ མགོ་ལྡས་ནི། སྐུར་མགོ་[---]ཡེང། ཞབས་བྱ་རྒང། ནྀ་[---]ན་རྀང། རམས།
(2r47) [མཐིལ?]ལྟར། མཐུར་མ་ཁད། སོགས་མཐིལ་ལྟར། ཞོམ་མ་ཁད། བདགས་རཾ།
(2r48) དཀར་པོ་ལ། པོ་གཤེན་ཐོད་ཀར་བརྒྱ་བསོགས་ཏེ༎ མོ་བཐབ་[པྱ?]བལྷགས། [སྲྀབ?]ས་ནག་པོ་ལ།
(2r49) མ་མོ་གཤེན་ཞུ་[བུབ(/བྲབ)]། བརྒྱ་སོགས་ཏེ། མོ་[བཐབ?་པྱ?]་ ། ནི་བཟུང། ནི་[བཐགས?]།
(2r50) [---]ཀར་ནི། གཟུགས། སྟན་ཀར་ནི་[བརྒྱབ?] [---]འོ་[---]ཆུབ་མ་བསླུས་ན། པུ་ཡ་[བླ(/གླ)]།
(2r51) [---]བཙུགས་[མ?]ཀྱྀས། བྱ་ལྟར་[---] [མདའ(/མདས)]མ་བླ་ཅུད་པོ་བཅུ་གཉིས།
(2r52) ཡུལ་ནས་[ཉ?]ལྟར། ཚེད་[---] [བགྱྀད?]གངས་ལྟར་[རྙིལ?]མ།
(2r53) [ཁད]གཡེན་[དགུ?] [---]མ་ཁད༎ [---]པྲོ་[---]ནྀ་ཕྲོགས་མ་ཁད། ཚམ་པོས།
(2r54) [---]མ་ཁད༎ ཕུར་པོས་ནི་པྱུང་མ་ཁད། ཐོམ་པོས་ནི་གཐོམས་མ་ཁད། སྲོད་ཀྱི་འཇ་ངུས།
(2r55) ནི་བཞབས་[མ?]ཁད། ཐོ་རས་རྒུན་བུས་ནི་རྒུས་མ་ཁད༎ མཐོ་མཁར་ཀྱི་རྩེ་ནས་སྐུའི་[བརླ?]ཞིག།
(2r56) [ཡོར?]མ་ཁད། དམའ་མཁར་ཀྱི་སྒོ་ནས་སྐུའྀ་བརླ་ཞྀག་ཡར་མ་ཁད༎ བལ་ཁྱྀམ་གུར་མོ་ཆར་ཁྱྀམ་
(2r57) [---]བོ་ཤིང་ཁྱྀམ་ཁང་མོ་ནང་ནས་སྐུའི་བརླ་ཞིག་ཡར་མ་ཁད། ད་ཉན་ཀར་ནི་ ། སྟན་ཀར།
(2r58) ༎ པོན་ཀར་ནི་ ། གོན་གར་ནི་ ༎ མྱི་རྨ་བུ་མཆིང་རྒྱལ་འདི། ཉན་འོག་དུ་ནི་ །
(2r59) [---] [ཉན?]འོག་དུ་ནི་སླུདོ། ནུབ་སུམ། སྐུ་ཉན་དུ་གཟུགས་ན། ལྷ་དགུ་གསས་དགུ་དང་རྗེ་དགུ་གར་[དགུ?]དང།
(2r60) [---]བོན་དགུ་དང༎ རྗེ་ཧྀས་སྟེན་ཆེན་པོ། དང་མཚེ་ཧིས་པོ་ཧྀས་བདག། མ་མཆྀས།
(2r61) [---] [སྐུ?] [---]ཀར་[སྤྱོན?]། ཉྀན་སུམ། གཡང་དུ་[གླན?]དུ་[---]ཟུ་གཡང་བོན་ཐེག་ལེག། དང་ཕྱ་བོན།
(2r62) [---]བོ་བླ་[---]སྲད་[པོ]མ་ [---]། སྐུ་རུ་སྤྱོན། ཉིན་[སུམ?]གཡང་དུ།
(2r63) [---] [ཡང?] [མཚེ?]མ་[མཆྀས?]བླ་མཚེ་སྲད་པོ་མ་ ཉྀ་སུམ་ཉན་ཀར་ ཡང་མཚེ་བླ།
(2r64) [---]སྲད་པོ་མ་མཆིས། ཧྀས་པོ་ཧྀས་བདག་མ་མཆིས། སྟན་ཀར་ ཉན་ཀར་རྩིག་དུ་ཡང།
(2r65) མཚེ་ཧྀས་པོ་ཧིས་བདག་མ་མཆིས་བླ་མཚེ་སྲད་པོ་མ་མཆིས། ཧིན་ཀར་གཟུགས་འཔན་ཀར་རྒྱབ་དུ་ཡང།
(2r66) མཚེ་ཧྀས་པོ་ཧིས་བདག་མ་མཆྀས༎ གོན་[ཀར?]་ ཡང་མཚེ་ཧྀས་པོ་ཧྀས་བདག་མ་མཆིས།
(2r67) བླ་མཚེ་སྲད་པོ་མ་མཆྀས་[ད(/ན)]མྱི་ཉན་འོག་དུ་གཞུག་ཅིང་[ཉན?]འོག་དུ་། ཡང་མཚེ་ཧྀས་པོ།
(2r68) ཧིས་བདག་མ་མཆིས༎ སྐུ་རླ་གང་ཉན་ཁང་དབུབ་དུ་ཡང། མཚེ་ཧྀས་པོ་ཧྀས་བདག་མ་མཆིས།
(2r69) རླ་མཚེ་སྲད་ མ་མཆིས༎ རླན་མཁར་རྩིག་དུ་ཡང་མཚེ་ཧིས་པོ་ཧྀས་བདག་མ་མཆིས༎
(2r70) [---]མཚེ་སྲད་པོ་མ་མཆིས༎ རླ་ཁྱྀམ་པྱུག་ར་རྩིག་དུ་ཡང་མཚེ་ཧྀས་པོ་ཧིས་བདག་རླ་མཚེ་སྲད།
(2r71) [༌པོ་༌མ] རླ་ལམ་སྒྱ་སྒྱོ་རྩིག་དུ་ཡང། མཚེ་ཧིས་པོ་ཧིས་བདག་རླ་མཚེ་སྲད་པོ་མ་མཆིས།
(2r72) [---] [ཚེ?]བྱང་ཐོག་སྐྲོ་གསེར། ཁུང་མཚེ་ལ་རབ་མཚེ། མཚེ་ཧིས་པོ་ཧིས་བདག་མ་ལགས༎ བླ་མཚེ་སྲད།
(2r73) ལགས། ལྷོ་བྲག་མཚེ། [རྒྱས?]བཟངས་དང་ལྡམ་མཚེ་ཁར་བ་ཡང་མཚེ་ཧིས་པོ་ཧྀས་བདག། བླ་མཚེ།
(2r74) [---]འི་མཚེ་རུམ་བའི་ངན་མཚེ། གདོ་བོ་ཡང་མཚེ། ཧིས་པོ་ཧིས་བདག།
(2r75) [---]མཚེ་[སྲད?]པོ་མ་ལགས། གས་མཚེའི་ཐལ་བ། དང་གཡ་མཚེའི། སྤུར་བུའ། དང་སྤང་མཚེའི་རུན།
(3r76) [---]པུ་ཡང་མཚེ་ཧིས་ཕོ་ཧིས་བདག་མ་ལགས། ཉན་ཀར་གཟུགས། སྟན་ཀར་[རྒྱབ?]།
(3r77) [---] [ཀར?]རྩིག་གོན་ཀར་སླུད་ཀྱི་མཚེ་བཚལ། མཚེ་ཧིས་པོ་ཧིས་བདག།
(3r78) [---]། ཧིན་ཀར་གཟུགསུ་འཕན་ཀར་རྒྱབ་ཀྱི་མཚེ་ཧིས་པོ་ཧིས་མ་མཆིས། བླ་མཚེ།
(3r79) [---] པོ་ཧིས་བདག། བླ་མཚེ་སྲད་པོ་བཙལ་གང་དུ་བཙལ་ན། གཚུག་རི་ཡོ་འ།
(3r80) [---] པོ་ཏོས་དགས་གཉིས། ཚོལ་གཚུག་རྀ་ཡོ་འ་[གཉིས?]ན། མཚེ་ཧྀས་པོ་ཧིས་བདག་
(3r81) [---] གཚུག་རྀ་ཡོ་འ་གསུམ། [ཆ?] [དང?]སྙམས། [དྲུག?]ཙ་དང་སྟེངས་དགུ་ཆ་དང་གྱུད་[---]
(3r82) [---]དགུ་[---]པྱི་གྱུད་ཀྱི་སྟང་ན། བཅུ་ཆ་[དང?]རལ། དེའི་ཡ་བླ་ཡ་སྟེངས། ན། རི་རིང་པོ།
(3r83) རིང་[ཀྱི?]མཚེ་ན་བླ་རི་རྀང་ཀྱི་མཚེ། དབྱེ་ཆེའི་མཚེ་ན། བླ་དབྱེ་ཆེའི་མཚེ་འཔྲང་རུབ་ཀྱི་མཚེ།
(3r84) [---]འཔྲང་རུབ་ཀྱྀ་མཚེ༎ རྀ་རིང་ཀྱྀ་མཚེ་ན་འབྲོ་རྀ་རིང་ཀྱྀ་མཚེ། དབྱེ་ཆེའི་མཚེ་ན། འབྲོག་དབྱེ་ཆེའི་མཚེ།
(3r85) འཔྲང་རུབ་ཀྱྀ་མཚེ་ན། འབྲོག་འཔྲང་རུབ་ཀྱི་མཚེ། རྀ་རིང་ཀྱྀ་མཚེ་ན་སྐྱི་རྀ་རིང་ཀྱྀ་མཚེ། དབྱེ་ཆེའྀ་མཚེ་ན་སྐྱི་དབྱེ་ཆེའྀ་
(3r86) མཚེ། འཔྲང་རུབ་ཀྱི་མཚེ་ན། སྐྱྀ་ལོ་མ། འཔྲང་རུབ་ཀྱི་མཚེ༎ པ་ཡབ་ཀྱི། མཚན་བ་ལྷ་མཚེ་ཁར་བ། མ་ཡུམ་
(3r87) ཀྱི་མཚན་བ། མཚེ་མའི་ཁྲུན་བཟངས༎ བུ་གླ་མཚེ་སྲད་པོ། ནང་སུམ་སྐུ་རུ་སྤྱོན། ཉིན་སུམ་གཡང་དུ་བླན༎
(3r88) ལྷ་བོན་[འཔྲང?] [རུ?]གཡང་བོན་ཐེག་ལེག། པྱ་བོན་ཀྱུ་ར། རྗེ་བླ་བོ་[ཀྲ?]སྲས། གླ་མཙེ་སྲད་པོ་དང་ནང་སུམ་སྐུ་རུ་སྤྱོན།
(3r89) ཉིན་སུམ་གཡང་དུ་གླན། ནུབ་སུམ་ཉན་དུ་གཟུགས་ཀྱི་མཚེ། ཧྀས་ཕོ་ཧིས་བདག་མ་མཅིས༎ རྀ་བཟུར་
(3r90) [ཏེ?]བཟུར་ན་[སྙྀ?]རི་བཟུར་ཏེ་བཟུར། སྤང་ལྡེབ་བེ་ལྡེབ་ན་སྙི་སྤང་ལེབ་བེ་ལྡེབ། ཕུ་དང་དང་ན་སྙི་པུ་དང་དང། མདའ་ལྗོད་
(3r91) [---]མདའ་ལྗོད་ལྗོད༎ ཀྱི་ནང་ན་ཕ་ཡབ་[ཀྱྀ?]མཚན་ནི་མཚེ་བ་རང་རོང། མ་ཡུམ་ཀྱི་མཚན་ནི་མཚེ་མ།
(3r92) [---]། པུ་མཚེ་བུ་ཁྲུན་བཟངས་[ལྗོན?] [བཟངས?]། མཚེ་བུ་[---]། ཐོག་ཡ་རུ་བལྟས་ན། ཐེ་བྲྀང་བྲིང་ན། གཡུ་
(3r93) [---]། གཡུ་མོང་རེ་སྔོ། [ལུགིས?]གཡང་གྱིས་[གཡུ?] [---]སྔོ་ དྲུང་མ་རུ་བལྟས་ནའ།
(3r94) [བྲྀ?] [---]བསེ་བས་དམར་བང་བས་དམར། བའྀ་ས་སྐྱའི་ས་ཚིགས་བལྟས་ན་མདའ་རྒྱལ་དྲུམ་ཀྱྀ་ཚིགས།
(3r95) [---]བལྟས་ན། གཞྀ་རྒྱལ་འོད་ཀྱྀ་ཁོང། ཁྲུན་བལྟས་ན། བྱ་རྒྱལ་རྗེའྀ་ཁྲུན། སྤུ་ ན་ར་རྒྱལ་གཡང་ཀྱི་སྤུ།
(3r96) [སུས?]ཀྱང་མ་འཙལ་སུས་ཀྱང་མ་མཐོང། བྱ་རྒོད་པོ། ཐང་པྲོམ་ཐང་གཡག། ཀྱིས་མཐོང་སྟེ། ཡ་མང་ཡ་རུ་བཀལ།
(3r97) གཐུབས། མཚེ་མོ་ཉག་ཅིག་འདབ་ཀྱི་སྡེར་གོང་[དུ?]གཐུར། དེ་བཏང། ན། ལྷ་མཚེ་བྱང་པངས་གསས་
(3r98) མཚེ་སུམ་པངས། ལགས། མཚེ་མོ་[ཉག?]ཅིག་ ཀྱི་སྡེར་གོང་[---]ཐུར་ཏེ་བཏང། ན། བོན་ཀྱི་ནྀ་ཡས་མཚེ།
(3r99) གླུན་ཀྱྀ་ནི་མས་མཚེ་ལགས། ཡ་མང་ནི་ཡ་རུ་བཀལད། [ཚིགས?]མང་ནི་ གཐུབས། མཚེ་ཧིས་པོ་ཧིས་
(3r100) བདག་ལགས། མཚེ་མོ་བྱང་པངས་ ༎ སུམ་ཟུར་ ། རྗེ་སྣམས་ཏེ་གཤེགས། བླ་བོ་བླ་སྲས།
(3r101) སྣམས་ཏེ་གཤེགས། ནུབ་སུམ་སྐུ་ཉན་དུ་གཟུགས། ཀྱྀ་མཚེ་ཧྀས་པོ་ཧིས་བདག་ ༎ ཧྀས་པོ་[ཧིས?]
(3r102) [བདག?]གྱྀས་རྗེ་དགུ་གར་དགུ། ལྷ་དགུ་གསས་དགུ་པ་དགུ་བོན་[དགུ?]རྗེ་ཧྀས་སྟེན་ཆེན་པོ། མཚེ་མོ་སུམ་
(3r103) ཟུར་དང་[---]སུམ་ནི་ཉན་དུ་བཙུགས་ཉན་ཀྱྀ་bda[-]པ་ཡང་[ཧིས?] [པོ?]ཧྀས་བདག་འདི་ལགས༎
(3r104) མཁར་སྟེང་སྟེང་ ཀྱང་ ཧིས་པོ་ཧིས་བདག། ཀྱྀས་རྩིགས། རླ་ཁྱྀམ་རྩིགས་ཀྱང།
(3r105) ཧྀས་པོ་ཧིས་བདག་ཀྱིས་རྩྀགས། རླ་ལཾ་སྐྱ་སྒྱོ་བགྱྀས་ཀྱང་ཧྀས་པོ་ཧིས་བདག་ཀྱྀས་བགྱིས་
(3r106) [ན?] རྨ་བུ་མཆིང་རྒྱལ་འདི། ལྷ་ལ་ཉན་ཀར་ སྟན་ཀར་ ། ཕོན་མཁར་ནི་ །
(3r107) གོན་ཀར་ནྀ་སླུདོ༎ པན་ཀར་ནྀ་རྒྱབ། མཚེ་ལ་ཉན་དུ་བཙུགས། ན། མཚེ་མོ་བྱང་[པང]སུམ་ཟུར་
(3r108) ལ་ཉན་དུ་ ༎ ། ཉན་ཀྱྀ་བདག་ཀྱང་སིབ་བསེ་གོང་ཀར་བེ་ནེ་[ཚོག?]པོ་ ༎ སྟན་ཀྱི་
(3r109) དྲུང་པོ་ཡང་སིབ་བསེ་གོང་ཀར་བེ་[ནེ?]ཚོག་པོ་ལགས༎ ལོ་དེ་བདག་ཀྱང་སྀབ་བསེ་གོང་ཀར།
(3r110) བེ་ནེ་ཚོག་པོ་ལགས༎ རླན་མཁར་སྟང་སྟེང་[རྩིག?]དུ་ཡང་སིབ་བསེ་གོང་ཀར་བེ་ནེ་ཚོག་པོ།
(3r111) [ན?] [རླ?]ཁྱྀམ་པྱུག་ར་རྩིག་དུ་ཡང་སིབ་བསེ་གོང་ཀར་བེ་ནེ་ཚོག་པོ་མ་མཆིས། རླ་ལཾ་སྟང་སྟེང་
(3r112) རྩྀག་དུ་ཡང་སྀབ་བསེ་གོང་ཀར་བེ་ནེ་ཚོག་པོ་མ་མཆིས༎ ཉན་ཀར་ སིབ་བསེ་གོང་[ཀར?]
(3r113) [བེ?] [ནེ?]ཚོག་པོ་མ་མཆིས། སྟན་ཀར་རྒྱབ་[དུ?]། ཡང། སིབ་བསེ་[གོང?]ཀར། བེ་ནེ་ཚོག་པོ་མ་མཆིས་
(3r114) པོན་ཀར་རྩིག་དུ་ཡང་སྀབ་བསེ་གོང་[ཀར?]། བེ་ནེ་ཚོག་པོ་མ་མཆིས༎ གོན་ཀར་ ཡང་
(3r115) སིབ་བསེ་གོང་ཀར་[བེ?] [ནེ?]ཚོག་[པོ?]མ་མཆིས། [-]n ཀར་གཟུགས་པན་ཀར་རྒྱབ་དུ་སིབ་བསེ་
(3r116) གོང་ཀར་བེ་ནེ་ཚོག་པོ་མ་མཆིས། ཁང་སྐུ་གང་ཉན་ཁང་རླ་གང་དབུབ་དུ་ཡང་སྀབ་བསེ་གོང་གར་བེ་ནེ་ཚོག་པོ་མ་མཆིས།
(3r117) འདི་བཞྀན་དུ་གཡུ་དང་ནས་དང་པོ་མ་དང་རས་ལ་ནན་འདི་བཞྀན་བསྐོར་རོ༎ སྀབ་བསེ་གོང་ཀར། བེ་ནེ་[ཚོག?] [པོ?]།
(3r118) བཙལ། ན་བསེ་ཤང་ཤང་རུ་རིངས། ཀྱྀ་རབས་སྨོས་ཏེ། བསེའི་ཕ་སྨོས། ཀྱང་བསེ་གོང་ཀར་མ་ལགས། སྀབ་བསེ་གོང་ཀར།
(3r119) བེ་ནེ་ཚོག་པོ་མ་ ། ཕ་དུང་གྱྀ་གླང་པོ་དང། མ་གཡུའི་འཔྲ་མོ་གཉྀས་སྨོས་སྟེ། བསེའི་པུ་རུ་ཅྀག་གྱི་[---]། ན།
(3r120) སྀབ་བསེ་བེ་ནེ་ཚོག་པོ་གོང་ཀར་ལགས་སོ༎ ནུབ་སུམ་ཉན་དུ་བཙུགས་[ན?]ཉན་ཁར་[ནི?]། ། [སྟན?] [ཀར?] [ནི?]་ །
(3r121) ཀར་ནི་ ༎ གོན་ཀར་ནྀ་ ༎ ཧྱྀན་ཀར་ནི་ ། དཔན་ཀར་ནི་ ། བསེ་ཐོག་མ་བཙལ་[---]
(3r122) དེ་བརྩིགས་ཤིང་རྙེད་ཅེས་བགྱི་འོ། ༔༎ གཡུ་ལ་ཡང་ནན་ལྟག་མ་བཞྀན་དུ་མྱེ་ཆོ་ཐིང་སྣར་གཡུ། རྒྱ་སྦྲངས་[ཐེ?] [ཐོག?]
(3r123) ནམ་པོ་འབྲིང་རུ་མ་མཆིས་ཤེས་བགྱི་འོ༎ ནུབ་སུམ་ཉན་དུ་གཟུགས་ཀྱི། གཡུ་ནེ་ཚོ་མ་མཆིས། ཐིང་སྣར་[---]
(4r124) གཡུ་བཙལ་ནེ་[ཙོ་ཐིང]སྣར་ནམ་པོ་འབྲིང་རུ་མ་མཆིས༎ གཡུའི་ཕ་ནི་གཡུ་རྗེ་ཐང་ཕོ། གཡུའི་མ་ནྀ་གཡུ་
(4r125) སྐོ། སྤུ་རྒྱལ་མཉམ་ལས་གཤེགས། ཀྱི་གཡུ་བྱ་སྒོང་ནུ་སྒོང༎ ད་རྒྱལ་ཀྱི་གཡུ་རྨ་ལཆགས་རྐོང་རྒྱལ་ཀྱྀ་[---]
(4r126) [ནར?]མྱིའི་གཡུ། [སྤོ(/སྤི)]མཐིང་པྱགི་གཡུ། ཀྱ་ར་ཀྱུ་རའི་གཡུ། འ་ཞ་བོང་རུ་མེ་ཉག་བོང་རུ་ཉན་ཀྱི་གཡུ་མ་
(4r127) ལགས༎ གཡུའི་[གནམ?]པོ་འབྲིང་རུ་གཡུ་རྒྱལ་སྦྲངས། ཀྱི་ཁེ་ཐོག་ནེ་ཚོ་[ཐིང?]སྣར་མ་ ༎ གནམ་ཀྱི་
(4r128) པ་མཐ། [-]ng ཀྱི་པ་[-]m ན༎ གནམ་དང་ས་འཐབ་ཡེང་ཡེང་དཾ་དཾ། ལཆགས་དང་ཟངས་འཐབ་ཁྲོལ་ཁྲོལ་
(4r129) སྀལ་སིལ༎ དེའི་པ་[---] [ན?]། བྲག་གནམ་དུ་ཟང་ཟང་གཡུ་བྲག་སྔོན་[མོ?]གནམ་དུ་[ཟང?]ཟང་མཚོ་[---]
(4r130) ཁྱིལ་ཁྱྀལ་གཡུ་[མཚོ?] [སྔོན?] [མོ?]་ ཁྱིལ་ཁྱིལ། གྲུ་ཡང་དུང་གྱི་གྲུ། གདོས་ཀྱང་ཀྱང་དུང་ཀྱི་གདོས། སྐྱ་[---]
(4r131) དུང་ཀྱྀ་སྐྱ༎ མཚོ་པ་རུ་རྒལ་ན། གཡུ་མཚོ་སྔོན་མོ་པ་རུ་རྒལ། གཡུ་བྲག་སྔོན་མོ་ལ། གཡུ་སྟ་གཟང་རིངས་ཀྱིས་[---]
(4r132) ཕུད་ཅིག་བཐབ་པ་ལ། གཡུ་རྒལ་ཏེ་མཆིས། ལྷ་གཡུ་གམ་དང་རོགས་ཤིག་ཉན་གྱི་གཡུ་མ་ལགས། གནམ་[---]
(4r133) [---] མཉན་གཡུ་གཐོད༎ སྟ་རེ་པུད་ཅིག་བཐབ་ན། གཡུ་རྒལ་ཏེ་མཆིས་སྲིན་གཡུ་ན་[---]
(4r134) [---]ལགས་ས་རིམ་བདུན་དུ། གཡུ་མཉན་གཡུ་གཐོད༎ སྟ་རེ་ཐབས་ཤིག་བཐབ་ནའ།
(4r135) [---]ཞིང་ལྡག་པ་རྒལ་ཏེ་མཆིས༎ ལྷ་དང་ཆགས་ཀྱི། བསོད། མྱི་ཐུགས་བུད་ཀྱི་རྟན་
(4r136) [---] སྟ་རེ་ཐབས་ཤིག་བཏབ་ནའ༎ མྱྀང་ནི་ནི་མོན་བུ་མོན་འཛུ། གཡུའི་མྱིང་བ་ནེ་ཙོ་
(4r137) [ཐིང(/ཐང)]སྣར། གཡུ་[རྒྱལ?]སྦྲངས། གནམ་པོ་བྲི་འུ་རུ་ཉན་ཀྱི་གཡུ་ ༎ གཡུ་ལ་ཉན་དུ་བཙུགས་ན།
(4r138) གཡུ་ནེ་ཙོ་ཐིང་སྣར། གཡུ་རྒྱལ་སྦྲངས་ཀྱེ་ཐོག། ནམ་པོ་བྲི་འུ་རུ་ལ་ཉན་དུ་བཙུགས། ཉན་[ཀར?]
(4r139) ནི་ ། སྟན་[ཀར?] [ནི?]རྒྱབ་བོ། པན་ཀར་ནི་ ། བོན་ཀར་ནི་སླུད་དོ༎ ཧྀན་ཀར་ནི་
(4r140) ཕན་ཀར་ནི་རྒྱབ་བོ༎ ཉན་ཀྱི་བདག་ཆེས་མཆི་བ་དང་རླན་ཀར་[ལས?]སྩོགས་པ་འང་གཡུ་ནེ་ཙོ་[---]
(4r141) སྣར་གནམ་པོ་བྲྀ་འུ་རུས་རྩིགས་ཤིང་ཉན་ཀྱི་བདག་ཅེས་སྨོས་ཏེ། ཉན་ཀྱི་བདག་ཀྱང་སུ་[ཞེ?] [---]
(4r142) སྨོས་ཕ་གུན་དང་རླན་ཀར་སྩོགས་པ། གུན་སྨོས་ཏེ། ཉན་ཀྱི་བདག་སྟན་ཀྱི་དྲུམ། ཉན་ཀྱྀ་བདག་ལྷ་[---]
(4r143) ཀྱྀ་བྲུ་བདུན་ནས་མོ་བྱུང་དྲུག་ལས་གཤེགས་ཤེས་བགྱྀའོ༎ ༎ ནས་ཀྱྀ་པ་ཡབ་སྨོས་ན་ཆབ་བགོ་རོ་[---]
(4r144) ན་ མྱི་[-]ng ན། པོ་བྱ་རྒོད་ཙམ་ལྡྀང། ནས་ཀྱྀ་མ་ཡུམ་ཀྱི་མཚན་ཆབ་ཀྱྀ་མ་ཞུག་ཆབ་གཞུག་སེར་
(4r145) [---]སྐད་ན་གཡང་མོ་དབོག་ཙམ་སྐད། གནག་པལ་ཆེ་ན། ཆུད་དང། གཡེར་ཀྱིས་སྐལ་ཀྱིས།
(4r146) [---]་ ༎ [བུ(/བ)]བརྒོ་rpyi ནས་ནྀ་དཀུ་དང་དྲིང་ཀྱི་ནས། ཀྱྀས་ཉན་ཀྱི་ནས་མ་ལགས། གྲོ་ཁ་
(4r147) [---]གདོད་ཀྱི་སྐལ་ཀྱིས། ཉན་ཀྱྀ་ནས་མ་ ། སྔོ་མོ་གྲངས་མངས་དང་རབ་མོ་བཞི།
(4r148) [---]ཀྱྀ་གསང་ཀྱྀས་ཉན་ཀྱི་ནས་མ་ལགས། ནས་མོ་བྱུང་དྲུག་ལྷ་ནས་ལྷ་ནས།
(4r149) [---]གསོ༎ ནས་ལ་ཉན་དུ་བཙུགས་ནའ། ནས་མོ་བྱུང་དྲུག།
(4r150) [---]། དུ་ཉན་དུ་བཙུགས༎ ལུག་དང་གཡང་ཀྱིས་བགྱིས་ནའ། [---]
(4r151) [---]གྱིས་ནའ་གསེར་ཁང་སེར་མོ་མྱྀ་ལུད་དགའ་ཞ་ཞ་ལྷག་མ་ལ་ཉན་དུ་[བཙུགས?]༎
(4r152) [---]དུམ་ཕ་ལས་ཉན་དུ་བཙུགས༎ [ནས?]སྔོ་མོ་ལ་ཉན་དུ་བཙུགསོ༎ ཉན་ཀར་[ནི?]བཙུགས་
(4r153) [---]ཀར་ནི་རྒྱབ། ཧྀན་ཀར་ནི་བཙུགས། པན་ཀར་ནི་རྒྱབ། ༔། ནན་ཐོག་མ་བཞིན་དུ་སྐོར་
(4r154) [---]༎ ༔། ཉན་ཀྱི་བདག་ཀྱང་ཕོ་མ་ཀླུམ་ཙུབ་ཅེས་བགྱི་སྟེ། ཕ་ཡབ་ཀྱྀ་མཚན་ནི་རྩང་
(4r155) ཧོ་[དེ(/ངེ)] [ཁོར?] [---]། མ་ཡུམ་དུ་སྨོས་ན། མ་དྲུམ་པང་འདབ་ཆེན༎ བྲུན་འདེ་མྱེད་མ། བུ་སྨྱྀག་གུ་ལྡེམ་པང༎
(4r156) སྨྱྀ་ སུམ་ཟུར། མོན་སྨྱྀག་ལྡེམ་པང༎ སུམ་ཟུར་བཟུང་པར་བཟུང། བཅད་པར་བཅད། དཔེ་འུ་ལ།
(4r157) ཉན་དུ་བཙུགས༎ [པ(/པོ)]མ་ལ་ཉན་དུ་བཙུགས༎ མོན་སྐུར་ལྷོ་སྐུར་རྒྱ་སྐུར་ཁོར་བ་ལ་ཉན་དུ་བཙུགས།
(4r158) སྨྱྀ་གུ་ལྡེམ་པང་ལ་ཉན་དུ་བཙུགས༎ ཉན་ཀར་ནི་ ། སྟན་ཀར་ནྀ་ ། བོན་ཀར་ནི་ །
(4r159) ཧིན་ཀར་ནི་ ། རླན་ཀར་ ༎ ནན་སྔ་མ་བཞིན་དུ་[བསྐོར?]རོ༎ ། རས་ལ་ཉན་དུ་བཙུགས་
(4r160) ཡུལ་[རྒྱ?]ཡུལ་གཏན་བཟངས་ན་ཐང་ང་རྒྱ་མོ་ཐང་འབལ་ཀྱང་ཤིང་ལ་འབལ༎ འབྲལ་ཀྱང་ནི་[---]བྲལ། འབྲལ་
(4r161) འཛུད་ཀྱང་ནི་རྒྱ་གརད་འཛུད། ཐང་ང་ནི་རྒྱ་མོ་ཐང། དང་ཐ་ང་མོན་མོ་ཐང་དང་ཐ་ང་ལྷོ་མོ་ཐང་དང་ཐང་ང་བལ་
(4r162) མོ་[ཐང?] [ཀྱི?] [---] [བཐགས?] [པ?]སྨོས་ཏེ༎ རས་ལ་ཉན་དུ་བཙུགས་ཤེས་བགྱྀ་འོ༎ ཉན་ཀར་ནི།
(4r163) འཛུགས༎ [---]ཀར་ནི་རྒྱབ༎ སྐུ་ར་པྱི་ཉན། ར་པྱྀ་སྟན། ར་པྱྀ་བོན་ཀར་བཙུགས། གོན་ཀར་ནི་རྒྱབ།
(4r164) ཧྀན་ཀར་ནི་[བཙུགས?]། པན་ཀར་ནི་རྒྱབ། ད་མྱྀ་རྨ་བུ་མཆིང་རྒྱལ་འདི་ནང་སུམ་སྐུ་རུ་སྦྱོན། ཉྀན་སུཾ་གཡང་དུ་བླན།
(4r165) ན་ལྷ་བོན་[---]ཟུ་[གཡང?]བོན་ཐེག་ལེག། པྱ་བོན་ཁྱུ་ར། རྗེ་བླ་བོ་བླ་སྲས། བླ་མཚེ་སྲད་པོ་བྲུ་བདུན་དང་ཉྀན་སུཾ་གཡང་
(4r166) དུ་བླན་ན་གཡང་ཡང་ཡོན༎ ནུབ་སུཾ་སྐུ་བླ་རུ་སྤྱོན། ནུབ་སུམ་ཉན་དུ་འཛུགས་ན། རྗེ་དགུ་གར་དགུ་དང་ལྷ་དགུ་གསས་
(4r167) དགུ་དང་ཕ་དགུ་བོན་དགུ་དང། རྗེ་ཧིས་སྟེན་ཆེན་པོ་དང། མཚེ་ཧྀས་པོ་ཧིས་བདག་དང། ནུབ་སུཾ་ཉན་འཛུགས་ན་ཉན་[ཀྱང?]
(4r168) ཚུགས། རླན་[---]སྟེང་ནི་རྩྀགས། རླ་ཁྱིམ་སྒྱུགས་ར་ནྀ་རྩིགས། རླ་ལམ་སྒྱ་སྒྱོ་ནི་[བགྱྀས?]། ཁང་སྐུ་ཁང་
(4r169) རླ་ཁང་ཉན་ཁང་[ནི?]པུབ༎ ཉན་ཀྱྀ་བདག་བགྱིས། སྟན་ཀྱྀ་དྲུམ་བགྱིས། ལོ་དེ་བདག་བགྱྀས། སི་སྀ་དྲུམ་བགྱིས།
(4r170) མཚེ་ལ་ཉན་དུ་བཙུགས་[ན?]། ཧྀས་པོ་ བྱང་པང་སུམ་ཟུར་ལ་ཉན་དུ་བཙུགས། གཡུ་ལ་ཉན་དུ་བཙུགས་
(5r171) ན། གཡུ་ནེ་ཙོ་ཐིང་སྣར་གཡུ་རྒྱལ་སྦྲངས་ཀེ་ཐོག་ནམ་པོ་འབྲི་འུ་ལ་ཉན་བཙུགས། བསེ་ལ་ཉན་དུ་བཙུགས་
(5r172) ན། སིབ་སེ་གོང་ཀར་བེ་ནེ་ཆོག་པོ་ལ་ཉན་དུ་བཙུགས། ནས་ལ་ཉན་དུ་བཙུགས་ནའ། ལྷ་ བདུན་[---]
(5r173) ནས་མོ་བྱུང་དྲུང་ལ་ཉན་དུ་བཙུགས། སྤེ་འུ་ལ་ཉན་དུ་བཙུགས༎ སྐུར་བུ་ཁྲི་ [---]དུ་བཙུགས༎
(5r174) རས་ལ་ཉན་དུ་བཙུགས་ན། རྒྱ་རས་རྩང་འབྲང། མོན་རས་ཁུལ་ཐིང་ལྷོ་རས་
(5r175) རྣམ་བལ་རས་ཚིགས་མ་ལ་ཉན་དུ་བཙུགས། ཉན་ཀར་ནི་བཙུགས། ༔། ནན་ནི་སྔ་མ་བཞིན་དུ་འགོར།
(5r176) ༄༅། ༔། བདག་རྀ་ཐམ་ཤད་ལ་པུ་རྨ་བོའི་ཉན་ཀར་བཙུགས། སྟན་ཀར་རྒྱབ། སྒོ་ར་པྱྀ་ཉན། [---]ར་[པྱི(/པྱྀ)]སྟན།
(5r177) ཤིང་རྀང་ཐུང་ཡང་པུ་རྨ་བོའི་ཤྀང། རྩྀ་བཟང་ངན་ཡང་པུ་རྨ་བུའི་རྩྀའ། གོར་ཆེ་ཆུང་[---]
(5r178) གོར། ཆབ་དྲང་དྲོ་ཡང་པུ་རྨ་བུའྀ་ཆབ། འབྲོག་ཆེ་ཆུང་ཡང་པུ་རྨ་བུའི་འབྲོག། ཡུལ་ཕུས་མདའས་ཀྱང་
(5r179) བུ་རྨ་བུའི་ཡུལ༎ མྱི་རྨ་བུའི་མཆིང་རྒྱལ་ཡང་ཕུ་ཡ་བླའི་ཉན་མཉན། ན། ཕུ་རྨ་བུའི་ཉན་དུ་
(5r180) ཉན་དུ་[འཛུགས?]། ཉན་ཀར་ནྀ་བཙུགས། སྟན་ཀར་ནི་བརྒྱབ། སྐུ་ར་པྱྀ་ཉན། ར་པྱི་སྟནད་ཤིང་རྀང་ཐུང་[ཡང?]
(5r181) མྱྀ་རྨ་བུའི་ཤིང། རྩྀ་བཟང་ངན་ཡང་མྱི་རྨ་བུའི་རྩྀ། ཆབ་དྲང་དྲོ་ཡང་མྱི་རྨ་བུའྀ་ཆབ། གོར་ཆེ་ཆུང་
(5r182) ཡང་མྱྀ་རྨ་བུའི་གོར། ཡུལ་པུས་མདའས་ཀྱང་རྨྱི་རྨ་བུའྀ་ཡུལ། འབྲོག་ཆེ་ཆུང་ཡང་མྱི་རྨ་བུའྀ་
(5r183) འབྲོག། སྲིབས་རི་ཐམ་ཤད། ལཆམ་ཀྱི་ཉན་དུ་མཉན། ཉན་དུ་འཛུགས་ལྗམ་ཡུལ་མའི་ཉན་དུ་མཉན།
(5r184) དུ་བཙུགས། པུ་རྨ་བོ། ལ་མང་བ་བཞིན་དུ་ནན་སྔ་མ་བཞིན་དུ་བསྐོར་ཏེ་ལཙམ་ཡུལ་མ་[---] [མཉན?]དུ།
(5r185) འཛུག་ཤེས་བགྱྀའོ༎ མྱྀ་རྨ་བུའི་མཆྀང་རྒྱལ་ཀྱིས། མ་བླའི་ཉན་དུ་མཉན་ལྗམ་ཡུལ་མའི་ཉན་དུ།
(5r186) མཉན། སྲིབ་རྀ་ཐམས་ཤད་ལ། ལྗམ་ཡུལ་མ་མང་བ་མྱྀ་རྨ་བུ་མཆིང་རྒྱལ་མང་ཞེས་ལན་[ལྟག?] [མ?]
(5r187) བཞིན་དུ་བསྐོར་རོ༎ པོ་བླ་ལ་ཉན་དུ་མཉན་རོད་དཔྱེ་ཐོག་བདེ་དྲུམ་ལ་ཉན་དུ་མྱི་མཉན། འོ་[དེ?]ལྷ་[དཔལ?] [ཕུ?]
(5r188) རྒྱལ་ཀྱི་[ཉན?]དུ་མཉན༎ རད་དཔྱེ་ཐོག་བདེ་འདྲུམ་ཉན་དུ་མཉན། ཉན་ཐུ་འཛུགས། འོ་དེ་ལྷ་དཔལ་གུང་[རྒྱལ?]
(5r189) བས། ཡུལ་ཀྱྀ་པུ་རུ་བཞུད། ན་ཆབ་ དཀའ་ཡང་བྱུལ༎ ཡུལ་ཀྱི་མད་རུ་བཞུད་ན། རྗེ་ཞིང་འོར་མོའི།
(5r190) དཀའ་ཡང་བྱུལ་ཡུལ་གྱྀ་ཕུ་རུ་བཞུད་ན། དྲུག་དང་ཞལ་ཡང་ཙོམ༎ མདའ་རུ་བཞུད་ན། ཁབ་ [སྒོ(/སྒྱོ)]།
(5r191) ཡང་བྱུལ། པུ་རུ་བཞུད་ན་རྩི་དྲུགི་མཆོག་ཀྱང་གཟིགས། མདའ་རུ་བཞུད་ན། ཕང་ ཁྱིམ་ཡང་གཟིགས།
(5r192) ཡར་རུ་སྐེད་སྐེན་ཐིངས་[སོ(/པོ)]སྨྲ་སྨྱ་བོ་ལག་རིངས། ཡ་རུ་སྐེན། མ་རུ་སྐེན་ཆབ་སོ་ཉ་ཚོལ། [ཕོ?] [རྒྱལ?] [ཉན?]དུ།
(5r193) འཛུགས། བྱ་སྐོག་ཐེག་ཏོ་ཉན་དུ་མཉན༎ འཛུགས། འོ་དེ་གུང་རྒྱལ་ཀྱི་ཉན་དུ་[---]
(5r194) འཛུགས། མྱི་རྨ་བུ་མཆིང་རྒྱལ་ཀྱང་འདི་བཞྀན་ནན་[སྐོརད?་དེ?]བགྱིའ། ད་ལྗམ་ཀྱྀ་ཉན་དུ་མྱྀ་མཉན་[ཁྲི?] [---]
(5r195) ཁྲྀ་ཅོག་ཀྱི་ཉན་དུ་མྱྀ་མཉན། རོད་མོ་ལྷ་ལ་ཉན་དུ་མཉན། དོར་མོ་ལྷ་ལ་ཉན་དུ་མཉན། ལྗམ་ཁྲི་མོ་ཁྲི་ཅོག་[---]
(5r196) འཛུགས། པ་ལ་པྱྀ་ལྡང་ནས་བསུ་ཡང་བསུ། དམའ་རབ་ཀྱྀ་ཚོམས་ནས་བསྐྱང་ཡང་བསྐྱང། [ན?] [བང?] [---]།
(5r197) གཡོ་གཡོ། འབྲུམ་དུ་ཡང་ཐུ་ཐུ། སྣེ་འུ་ཁྱུད་པྱིར་ལྷང་ཚེར་ཙམ་ཞིག། མྱྀ་འདུར་མྱི་ཁྲུག། དཕྱི་ཞལ་ཙམ།
(5r198) ཞིག་མྱྀ་འཐུར། མྱི་རྨ་བུ་མཆིང་རྒྱལ་ཆུང་མོ་བླ་ལ་ཉན་དུ་མ་མཉན། ཁྲྀ་མོ་ཁྲི་ཅོག་[གྱྀ?]ཉན་དུ་འཛུགས་
(5r199) མྱི་རྨ་བུ་མཆིང་རྒྱལ་ཡང་ལྗམ་ཁྲྀ་མོ་ཁྲི་ཙོག་ཀྱྀ་ནན་བཞིན་སྨོས་ཏེ་སྐོར་རོ༎ [---]བུ།
(5r200) མྱི་སྨོན་བུ་ཞིག། ཡུལ་འབྲོག་དབྱེ་ལྡང་སུམ་དུ་ཤ་འཆོར་དུ་གཤེགས་གཡག་འགོར་དུ་གཤེགས། [---]དུ།
(5r201) དུ་གཤེགས། ལྷ་ཤ་ཀར་བུ་ཞིག་ནྀ་ལྷ་ལམ་དཀར་དུ་བྲོས་ཏེ་རུ་དང་འོངས་སེ་འོངས། སྙེགས་སྟེ་ནི་མ་སླེབས་ ནི་
(5r202) མ་ཕོག། སྲིན་ཤ་ནག་པོ་ཞིག་ནི་སྲྀན་ལམ་གནག་དུ་བྲོས་ཏེ། གཤུག་དང་ཚུབ་ཚུབ། སྙེགས་ཏེ་ནྀ་མ་སླེབས་ །
(5r203) ནྀ་མ་ཕོག། མྱི་ཤ་སྤུར་བུ་ཞྀག་ནི་མྱྀ་ལམ་སྤུར་དུ་བྲོས་ཏེ་སྙེགས་ཏེ་ནྀ་མ་སླེབས་ ནྀ། མ་པོག་
(5r204) ཤ་ཕས་སེ་བྱུང་དངའས་པོ་འཔྲལ་གདའས་ཤིག་ཕས་སེ་བྱུང། རུ་བལྟས་ནྀ་དུང་གྱི་རུ། སྣ་བལྟས་ནི་བྱང་ཀྱི་སྣ་སྤུ་
(5r205) བལྟས་ནྀ་གཡགི་སྤུ། རྨྱྀག་བལྟས་ནི་བསེའི་རྨྱྀག། ཤ་སྙེགས་ཏེ་ནི་སླེབས། འཔངས་ཏེ་ནྀ་བཞིགས་ཤ་བྲགི་མདོ་
(5r206) རུ་ཆེགས། ཤ་ལ་མདའ་ཡྀས་འཔངས། སྨྲལ་ལ་དྲུམ་ཀྱྀས་རླད། ཤ་ལ་མདའིས་པོག་སྟོན་མ་པོག་དྲུམ་ཀྱིས་བཞིགས་
(5r207) གས་སྟོན་ན་མ་བཞྀགས། མདའ་མཐོ་སྟེ་མཆྀས། ལྷ་བྲག་དཀར་པོ་རྩེ་ན། འབྲོག་སྲྀན་དྲེ་[---]།
(5r208) སྒོ་རུ་ཟུག། ཤ་བྲོས་ཏེ་མཆིས། དངས་པོ་འཔྲལ་གངས་བྲོས་ཏེ་མཆྀས། ལེ་འུ་འབྲོག་ལ་གོང་དུ། [འདས?]ཏེ་མཆིས་[---]
(5r209) འབྲོག་བྱེ་ལྡང་སུམ་འདའས་ཏེ་མཆྀས༎ ཤ་[དངས(/དངས)]པོ་འཔྲལ་གངས་ནི་སྙེགས་ཏེ་ནི་སླེབས། འཔངས་ཏེ་ནྀ་བཞིགས༎
(5r210) ཤ་[དངས(/དངས)]པོ་འཔྲལ་གངས་དེ་རུ་བཀུམ། ཤ་འཅ་ནི་rhal ཏེ་rhald/ པགས་བཤུ་ནྀ་ལྗི་བེ་ལྗྀང་ཅིང་བཞུགས།
(5r211) ནའ་ལ་དགུ་བ་ལའྀ་རྒྱབ་ནའ། འབྲོག་སྲིན་དྲེ་ད་ཞྀག་པྱི་རྒོ་ནྀ་ ལྷོགས་སྒྲ་འབྲུག་རེ་ནྀ་[འདིར?] [ཞྀང?] [མཆིས?]
(5r212) པྱྀ་འུ་ཐོང་པ་ཞིག་བཀུམ། ལ་དགུ་བ་ཞིག་ ། མཆྀས་ན། ལྷ་བྲག་དགར་པོའི་རྩེ་ནའ།
(5r213) འབྲོག་སྲྀན་དྲེ་དའི་ཚང་ཀྱྀ་སྒོ་ན། མདའ་ཅྀག་ནི་བྲུག། ཅིང་མཆིས། ཤ་ཅྀག་ནི་རྗེས་ཤིག་[བྱུང?] [རྒྱ?]ཅྀག་ནི།
(5r214) རྗེས་ཤིག་བྱུང༎ ཤ་དང་ནི་རྒྱ་རྗེས་བཅད། འབྲོག་ལ་གོང་སུམ་འདས་ཏེ་མཆིས། ཁ་[---] [བུ?] [མྱི?] [སྨོན?]བུ་
(5r215) པུ་ཞིག། ཤ་པྱེད་བཤས་པྱེད་མ་བཤས། པགས་པྱེད་བཤུས་པྱེད་མ་བཤུས། འབྲོག་སྲིན་[---]
(6r216) མོ་ནྀ་གནམ་དུ་བརྡབས། ཐིག་རིད་ནྀ་ས་རུ་རྡུངས། ཁ་འོ་དེ་ནི་དམར་སོ་འོ་རྀང་ནི་དགར། སྐྲ་ཡེང་[---]ཞྀང་པ་
(6r217) སེ་མཆིས༎ ཁ་ཡང་དེའི་བུ་མྱི་སྨོན་བུ་ཅུང་ཞིག། སྤྱན་ཆེར་ཞེས་གཟིགས། ན། ཐུགས་འུལ་ཞེས་[---]
(6r218) སྙེང་ཀྱྀ་ལམ་དུ། བརླ་ཞིག་འཙལད། དབུ་སྐྲ་ཉག་བདུན་དང། སྤྱན་ཀྱྀ་རྫི་མ་འབྲུ་བདུན་དང། [---]མཚོ།
(6r219) རོ་གཡུ་བདུན། འབྲོག་སྲིན་དྲེ་དས་འཙལད༎ འབྲོག་སྲྀན་པྱན་མ་ཡེད་ཡེད་མོས། འཙལད། མྱྀ་{སྨོན}་།
(6r220) སྨོན་བུ་ཅུང་ཞིག། སོ་ཡ་དག་ལས་ནྀ་ཆད་མ་ཁད། འཆྀ་མ་དག་ལས་ནི་འཅེལ་མ་ཁད། སྤྱན་རླང་མ་[---]ལཆགས།
(6r221) ལྡབ་མ་ལྡིབ། ཐུགས་རྨང་མ་རྨོང་ཞིང་བཞུགས་བཞུགས། ན། མྱྀ་མེ་འུ་གཉེན་བ་ག་ལ་[---]།
(6r222) སེ་བ་བཤན་བ་ག་ལ་མཆིས། ལྷའྀ་པྱག་ཙང་སྟེར་བྱང་ཚ་ཞིག་ལ་བཞུགས་ཤེས་བགྱིས་[---]
(6r223) པྱག་ཚང་སྟེར་བྱང་ཚ་ཞིག་པས་སེ་བྱོན། ལྷ་བོན་འཔྲང་ཟུ་གཡང་བོན་ཐེག་ལེག། པྱ་བོན་ཀྱུར་ར༎ ཞིག་[གཉར?]
(6r224) ཏེ། ནང་སུམ་ནི་དམུ་དག་ལྷ་དག་གསས་དག། རྒྱལ་བ་གསུམ་ལ། སྐུ་ཉན་དུ་བཙུགས། མཚེ་ཉག་ཅིག་[དང?] [ཡུངས?]།
(6r225) དགང་ཅྀག་ནི་སྐུ་གླུད་དུ་བོར༎ ན་འབྲོག་སྲིན་པྱག་མ་ཡེད་མོས་ མཆིས༎ ནུབ་སུམ་ནི་སྐུ་གླུད་དུ་
(6r226) བོར། ནང་སུམ་ནི་སྐུ་རུ་སྤྱོན། ནུབ་སུམ་ནྀ་ཉན་དུ་བཙུགས། འབྲོག་སྲིན་པྱབ་མོ་ལ་ཉན་དུ་བཙུགས་[---]ནང་
(6r227) སུམ་ནྀ་གཡང་དུ་བླན་ན། ཁ་ཡང་དེའྀ་པུ་མྱི་སྨོན་བུ་ལ་གཡང་དུ། བླན༎ མྱི་སྨོན་བུ་ཆུང་ནི། [སྔར?]བས་
(6r228) ནི་ད་བཟང། གཞེ་བས་ནི་ད་[སྒྱན?]། གོག་གོག་ནི་བཞེངས་ཟོར་ཟོར་ནི་སྤྲགས། ད་མྱི་རྨ་བུ་[མཆིང?] [རྒྱལ?] [---]
(6r229) ལྷ་བོན་འབྲང་ཟུ་གཡང་བོན་ཐེག་[ལེག?]། པྱ་བོན་ཀྱུར་ར་གསུམ་ཀྱིས། ནུབ་སུམ་སྲྀན་པྱིན་[---]
(6r230) ཉན་དུ་བཙུགས། བོར། ནང་སུམ་ནི་གཡང་དུ་བླན༎ ༎ ༎ ། ལྷ་མྱང་ལྷ་བུ་མོ་ཞིག་ཡུལ་ཀྱི།
(6r231) བདག་མཛད་ཅིང། བཞུགས། ཡུལ་མྱང་ཡུལ་ཤིང་ནགྀ་བདག་མཛད་ཅིང། བཞུགས་སྲྀན་ཀྱི་[མགོ?] [གནོན?]
(6r232) ཅིང་རྙེན་མཛད་ན། མྱང་སྲྀན་ཕླ༎ ཧ་ཇི་ཁུའི་མགོ་གནོན་རྙེན་མཛད་ཅིང་བཞུགས། ཡུལ་པུ་རུ་
(6r233) གཡོས་ན། མྱང་ཡུལ་ཤིང་ནག། པུ་རུ་གཡོས། གྱྀས་མྱེད་སྲིན་ཕསེ་པྱུང་ནའ། མྱང་སྲིན་ཕསེ་
(6r234) [བྱུང?]། མྱང་སྲིན་པླ་ཧ་ཇི་ཁུ་ཕསེ་བྱུང། མྱང་ལྷ་བུ་མོ་ཞིག། ཐུམ་ཐུམ་མནལ་ཇིན་[བཞུགས?]༎
(6r235) ན། མྱང་སྲིན་པླ་ཇི་ཁུས་སྐུའྀ་བརླ་ཞིག་བརྐུས༎ ཐུགས་ཀྱྀ་མཚོ་[རོ?]གཡུ་བདུན་འཙལ༎ [---]
(6r236) བུ་མོ་ཞྀག་ཐུགས་བསམ་མ་མཁྱེན། ཀྱྀས་རྨང་མ་རྨོང། ཞལ་གསུང་མ་མཁྱེན་ཀྱྀས་[---]
(6r237) སྤྱན་གཟིགས་མ་མཁྱེན་ཀྱྀས་རླང་མ་རླིང། བཤོས་ཡ་དག་ལས་ནི་འཅད་[---]ཁད་[---]མ་དག།
(6r238) ལས་ནི། འཇེལ་མ་ཁད། ཕྲའྀས་ནི་ཆད་མ་ཁད། སྲབ་ཀྱྀས་ནི་རྡོལ་མ་ཁད། གཤེན་[---]མཆིས་
(6r239) ཤིག། མྱང་ཤེན་རྒྱའི་མྱང་ཡུལ་ཐིང་སྣར་དང་དཔྱང་ལད་ལཆོག་གཉིས་ཤིག། སྲིན་ཡུལ་མྱེ་[མྱི?] [རླང?]
(6r240) ཆུ་མྱི་རྒུམ་ཀྱི་ཡུལ་དུ། མྱང་སྲིང་ཕླ་ཇི་ཁུའི་[གན?]དུ་གླུདུ་བོར༎ ནུབ་སུམ་ཉན་དུ་[བཙུགས(/བཅུགས)]ན།
(6r241) མང་ལ་བོ་ཞིག་ཉན་དུ་བཙུགས། གཡུ་མྱེ་ཅོ་[དང(/ངང)]བསེ་བེ་ཅོ་ཞིག་ཉན་དུ་བཙུགས། མྱང་ལ་བོ་མོ།
(6r242) ཞིག། གནའ་བས་ད་བཟང་གཉེ་བས་ད་རྒྱན། གནའ་མྱང་ལྷ་བོ་མོའི་ཉན། ད་སུའྀ་ཉན་ན་མྱི་རྨ་བུ་
(6r243) མཆིང་རྒྱལ་ཀྱྀ་ཉན་ཏོ༎ ཕོ་གག་གྀ་ཉན། མོ་གུག་གི་ཉན། སྀམ་བའི་འོདུ་ཉན། [མི(/སྀ)]རའི་དཀར་དུ་
(6r244) ཉན། ཤིང་ཁྲ་མོ་མ་བཅག་བྱ་འཔར་བ་ནི་མ་བཟུང་ཤྀག། མཆིག་ཁང་མོ་ནི་མ་འབུབ་ཤྀག། ཁྱི་སྦག་
(6r245) པ་ནྀ་མ་བསྐང་ཤིག༎ མྱྀ་པོ་ཉན་ན་[རྦ(/རྭ)]རྩི་པྱྀ། རྟ་བོ་ཉན་ན། བེ་ཅོ། རྐང་བུ། བཙུན་ཤོ་ཉན། བཀྲ་ཤིས།
(6r246) ཀྱི་ཉན་ནོ། བཤུར་ལེགས་ཀྱི་ཉན་ནོ༎ ཕ་ཧི་དེ་ཆེན་པོ་གནམ་ཀ་ལོང་སུམ་ན་བཞུགས། ཕ་ལ་ཉན།
(6r247) དུ་ ། མ་པྲ་དག་བཙུན་མོ་ས་ག་གདིང་དྲུག་ན་བཞུགས་ལ་ཉན་དུ་ ། བུ་ཧྀས་
(6r248) བུ་སྤུན་ལ་ཉན་དུ་ ། མྱྀ་རྨ་བུ་མཆིང་རྒྱལ་འདི་ལ། མཚེ་ཧྀས་པོ་[ཧིས?] [---]མཚེ་མོ་
(6r249) བྱང་པང་སུམ་ཟུར། དང། སྀབ་བསེ་གོང་ཀར་བེ་ནེ་ཆོག་པོ་དང་གཡུ་གནམ་པོ་བྲི་འུ་རུ་དང་ནེ་ཙོ་ཐིང་
(6r250) སྣར་གཡུ་རྒྱལ་སྤྲང་ཀེ་ཐོག། འདྀ་[---]ལ་ཉན་དུ་བཙུགས། པུ་རྨ་བོའི་ཁ་ཅུག་ཐེན་དུ་ཉན།
(6r251) སྙན་ཀར་བ་བྱ་བཀྲེས་པས་ཀྱང་གསང། རླ་མཆེ་སྲད་པོ་དང། མཚེ་ཧིས་པོ་ཧྀས་བདགས་དང་བསེ་བེ་ནེ་
(6r252) ཆོག་པོ་གོང་ཀར་དང། མྱི་རྨ་[བོ?]མཆིང་རྒྱལ་ཀྱི་དབུ་ལ་གསོལ། ན། བྱ་དཀྱི་བས་སྔོ། བསེ་བེ་ནེ་ཅོག་
(6r253) པོ་དང་བསེ་གོང་ཀར་དང། གཡུ་གནམ་པོ་བྲྀ་འུ་རུ་དང་གཡུ་རྒྱལ་སྤྲངས་ཀེ་ཐོག་དང་དབུ་ལ་ཉན་
(6r254) དུ་བཚུགས༎ ཕུ་རྨ་བོའི་ཁ་ཙུག་ཐེན་དུ་ཉན༎ སྙན་ཀར་བ་བྱ་བགྲེས་བས་[---]མཚེ་སྲད་
(6r255) པོ་དང་ཧྀས་པོ་ཧིས་བདག། དང་བསེ་བེ་ནེ་ཅོག་པོ་གོང་ཀར་དང་གཡུ་[---]
(6r256) ནམ་པོ་བྲི་འུ་རུ། གཡུ་རྒྱལ་སྦྲངས་ཀེ་ཐོག་དང། མོན་སྐུར་ལྷོ་སྒུར། རྒྱ་[སྐུར?] [---]།
(6r257) རས་རྒྱ་རས་རྩང་[གྲང?]དང། མོན་རས་ཁུལ་ཐིང་བལ་རས་ཤགས་རྣམས། དང་མྱྀ་རྨ་བུ་མཆིང།
(6r258) རྒྱལ་ཐུགས་ལ་[ཉན?]༎ སྐུ་ལ་རྟན། རིང་ལ་རྟན་ན། སྐུ་ནང་དུ་མྱི་པུལ། པྱྀ་རུ་མྱི་འགྱེད།
(6r259) གཡསུ་མྱི་ཡོ༎ གཡོསུ་མྱི་རྟུལ། ལྷ་ནས་ཀྱྀ་བྲུ་བདུན། མཉན་སྐྱེམས། དམུ་དག་སྐྱེམས་
(6r260) ཀྱི་པྱང་བྱང་ཀུ། སྐུ་རུ་གསོལ། ན། སྐུ་ན་མཚལ་པྱོ་འོར་འོར། ཁབ་བྱ་རྨང་[ཚམ(/ཙམ)] [---]། གཡུ་
(7r261) རླ་གཡུ་ཐིང་པོ་ཙམ་འོད་དང་ལམ༎ ལམ༎ ཞལ་ལ་ཉན་ན། སྟེན་པོ་བྱ་བགྲེས་ཐེན་[---]། རིང་ལ་ཉན་ན་
(7r262) ཁྲང་མོ་དགུ་རྣམ་ཐེན་དུ་ཉན། སྐུ་རྟན་བྱང་གཡུ་ཐེན་དུ་ཉན། ཞབས་ལ་ཉན་ན། [---]བྱེ་འུ་[---]ལ་
(7r263) ལྡོང་ཁབ་ཞལ་བཟངས་ཐེན་དུ། ཉན། ད་ཉན་ཀྱྀ་བདག་ཀྱང་མཚེ་ཧིས་པོ་ཧྀས་བདག་ ། ལོ་དེ་
(7r264) བདག་ཀྱང་མཚེ་ཧིས་པོ་ཧིས་བདག། ། སྀ་སི་དྲུམ་པོ་ཆེ་ཡང་མཚེ་ཧྀས་པོ་ཧིས་བདག་
(7r265) ། ད་ཉན་གར་ནི་ ། སྟན་ཀར་ནི་ ། བོན་ཀར་ནི་ ། གོན་ཀར་ནྀ་སླུད་དོ།
(7r266) ཧྀན་ཀར་ནི་སླུད་དོ། ཕན་ཀར་ནྀ་ ། མྱྀ་རྨ་བུ་མཆིང་རྒྱལ་འདི་མྱྀ་ཉན་རང་ཐེན། དེ་སླུད་ནའ།
(7r267) བཙན་བདུད་རྐུན་མ། བཙུན་རྨུ་རྐུན་མ། གནམ་ལ་གཡེན་དགུ་རྒུན་མས། གཉར་ན། མྱི་[---]ས་
(7r268) ལ་སྲི་རྐུན་མ། ཆུད་རྒུན། རྐུན་མས་བྲག་ཧྭོད་དེ་ཆབ་གསང་བདག། མ་མོས་གཉར་ན་[མྱི?] [སླེབས?]
(7r269) ཤ་གངས་གོང་དུ་སླུད་ན། ཁྱྀ་ལོ་ཚ་ཁང་ཀྱི་མྱི་ཟུགས། པྲུམ་སླང་བྲ་སླུད་ན། མྱི་རྐུན་ཀྱིས་མྱྀ་སླེབས་
(7r270) ན་བོང་ཟན་སླུད་ན། མྱྀ་ལྕེ་ཐན་ཀྱིས་མྱྀ་སླེབས། ཁྲུང་ཁྲུང་དགུ་ལ། འཕར་ན། བྱན་ལྷག་གཆན་གྱིས་
(7r271) མྱྀ་སླེབས། ལྕོ་ག་བོང་རུམ་དུ་འཁྲས་ན། པྱ་རྗེ་ཁྲའིས་མྱྀ་སླེབས༎ ད་རླན་མཁར་སྡང་སྟང།
(7r272) རླ་ལམ་སྒྱ་སྒྱོ། རླ་ཁྱྀམ་སྐྱུག་ར། རླ་ལམ་སྟང་ ། མྱྀ་རབ་བགྲེས་ལོབ་དུ་གཤེགས་ཤིག་[ཤྀང(/ཤྀད)]རབ།
(7r273) ལོ་[ཆིབ?]དུ་གཤེགས་ཤིག། མྱྀ་ཇི་རང་ཐེན་ན༎ མྱི་ཉན་རང། ཐེན། ཉན་ཇི་ར་[---]ཉན་ཅབ་
(7r274) རང་ཐེན། ཆབ་ཇི་རང་ཐེན་ན་ཆབ་གཞུང་རང་ཐེན། གཞུང་ཇི་རང་ཐེན། ན་གཞུང་རྔོ་[རང?] [ཐེན?]། རྔོ་ཇི་
(7r275) རང་ཐེན་ན། རྔོ་[འག(/འག)]ཙམ་དང་ནའ་བྲག་མཁར་རྩེ་མྱི་རྙིལ། དབུགས་ཆབ་ཙམ་ཤུར་ན་[---] [ཆབ?]
(7r276) སྔོན་མོ་རྔོ་མྱི་སྐམས། ད་མྱྀ་རྨ་བུ་མཆིང་རྒྱལ་འདི། དྲི་སོག་རོལ་ལ་ཞལ་མ་ཆེ་ལྗགས་མ་རིང།
(7r277) མྱི་རྨང་ཤྀ་རོ་ཐ་ལ་ཁྲམ་ཏེན། ཤིང་སྒོང་ཆགི་མགོ་ཐུར་དུ་ཡུ། ཏེན་ཀ་ཆེན་ལ། ཞལ་ཆེས་ན། ཡུར་བ།
(7r278) ཡ་རོལ་ཀྱི་ནས་ལ་ལྷོས། གཆུང་ལ་ཞལ་ཆེས་ན། ཡུར་བ་མ་རོལ་ཀྱི་ནས་ལ་ལྷོས། རྗེ་ལ་ཞལ་ཆྀས་
(7r279) ན་ཡུར་བ་མ་རོལ་ཀྱྀ་ནས་ལ་ལྷོས། ཞལ་ཆེས། ན། ཤུལ་ཀྱྀ་མ་རོལ་ཀྱི་ནས་ལ་ལྷོས༎ [སྀ?]ལེ་
(7r280) དྲོན་ལ་ཞལ་ཆེས་ལྗགས་རིངས། ནམ་པྱོད་ཀྱི་ནས་ལ་ལྷོས། མྱྀ་རྨ་པུ་མཆིང་[---]ཉན་འོག་དུ།
(7r281) བཙུགསོ༎ ཉན་འོག་དུ་སླུད། དོ། ལྷ་ལ་ཉན་དུ་བཙུགས་ན། ལྷ་འོག་ནི་རྒད་སྤགས། སྲྀན་འོག་ནི།
(7r282) གླུད་འདོར། གནའ་མྱྀ་ལུད་ནི་ཇྀ་ལྟར། ཟན་དགས་ནྀ་ཇི་ལྟར་པན། ཡུལ་ལྷ་ཡུལ་ནི་ནང་ན། མྱི་སྙྀ་མྱི་
(7r283) ཁྱྀམ་བདུན་ཞྀག། རྨོས་ནས་དང་ རྨོས་ན་ཁྲུངས་མཚེ་དང་ ། འཁྲུངས། མཚེ་[འཁྲུང?]ཀྱི།
(7r284) གཞོན་བཟངས། མཚེ་འཁྲུངས་ཀྱི་གཉ་རིངས། ལྷ་བཞུགས་ན་ཡིད་ནོན། བཞུགས། མྱི་[མཆི?] [---]ན།
(7r285) བག་རྣོན་མཆིས། སྲིན་མཆིས་ན། སྲིན་མྱྀག་རྣོན། མཆིས། མྱྀ་བག་རྣོན་ཀྱིས། མཚེ། གཅིག་ཉག་
(7r286) ཉིས་ཉག་གསུམ་ཞིག། བཅདེ། མྱྀ་བག་རྣོན་འཙལ་ཏེ་མཆིས། སྲྀན་མྱིག་རྣོན་[ཀྱིས?] [མཐོང?]སྟེ།
(7r287) མྱི་བྲོས་ཏེ་མཆིས་བག་རྣོན་བྲོས་ཏེ་མཆིས། སྲྀན་ཀྱིས་བསྙགས་ན་སྲིན་མྱྀག་རྣོན་ཀྱིས་བསྙགས།
(7r288) ན་མྱྀ་བག་རྣོན། མ་རྨ་ཐེན་རི་ཐེན་སྤངས། ཐེན་ཙིགས་གསུམ་ཀྱྀ་ཐོག་དུ་བྱོན། [སྲིས?]དེ་[རུ?] [སླེབས?]
(7r289) ། མྱྀ་བག་རྣོན་ཀྱིས། མཚེ་མོ་ཉག་གསུམ་ཞིག་བོར་ན། སྲིན་འཙལ་ཏེ་མཆིས་[མྱིག?] [---]
(7r290) མཆིས། མྱྀ་ཐར་ཏེ་མཆིས་བག་རྣོན་ཐར་ཏེ་མཆིས། དི་རྀང་སང་ལྟ་ན། མཚེ་ཉག་ཅིག་ཉག་ཉིས་[---]
(7r291) པོ་འདྀ། མྱི་རྨ་བུ་མཆིང་རྒྱལ་ཀྱི་སྐུའི་ བོར་རོ། རིང་ཀྱྀ་ བོར། རོ། ལྷ་དགུ་ནི་ཉན་དུ་[---]།
(7r292) [མྱི?]ཇྀ་རང་ཐེན་ན་མྱྀ་ཉན་རང་ཐེན། ཉན་ཇྀ་རང་ཐེན་ན་ཉན་ལྷ་རང་ཐེནད། ཡུལ་རྩང་ཤུལ་མཐོ་[---]རྗེ་རྩང་
(7r293) རྗེ་པྭ་འ་ཞིག། སྲིན་རྩང་སྲིན་པོ་ད་འི་མཆྀད། ནས། མྱེ་མྱྀ་དགུ་ཆུ་མྱི་རླང་ཀྱྀ་ཡུལ་དུ་[བཀྲི?་ཞེས?]བགྱྀས། ན།
(7r294) རྩང་རྗེ་ཕྭ་འས། རྩང་ཤེན་སྙལ་ངག་བགུག་སྟེ། ཡུངས་མོ་དགང་ཅིག་དང། གཡུ་སླག་[---]དང། བསེ་
(7r295) བྱང་པང་པ་མྱིག་དང། ལྷ་ལ་ཉན་དུ་བཙུགས་ན། རྩང་ལྷ་པུ་དར་ལ་ཉན་དུ་བཙུགས། [---]ཚེ་མོ།
(7r296) ཉག་ཅིག་དང་ཡུངས་མོ་དགང་བཟངས། དང། ཟེར་མོ་འཔན་བཟངས། དང་མོན་ལུག་[འབྲས?] [---]
(7r297) བྲེ་བ་ཅུང། དང་སྐུའི་ བོར། ན། སྲྀན་རྩང་སྲིན་པོད་དེ་འཙལ་ཏེ་མཆིས། མྱི་ཐར་ཏེ་[མཆིས?]། ན།
(7r298) རྩང་རྗེ་པྭ་འ་ཐར་ཏེ་མཆིས། མྱྀ་རྨ་བུ་མཆིང་རྒྱལ་འདི་ལྷ་ལ་ཉན་དུ་བཙུགས་ན། རྩང་ལྷ་པུ་དར་ལ་ཉན།
(7r299) དུ་ ༎ སྲིན་ལ་ཁླུད་བོར་ན། རྩང་སྲྀན་པོད་དེ་མྱེ་མྱི་དགུ་ཆུ་མྱི་རླང་བའི་ཡུལ་དུ་ བོར།
(7r300) རོ༎ ཡུལ་གནུབས་ཤུལ་ཀིང་དྲུག་ན། རྗེ་གནུབས་རྗེ་སྲིབས་པ་བཞུགས། སྲིན་གནུབས། ནི།
(7r301) རྐང་པྲན༎ ཀྱིས་སྲིན་ཡུལ་མྱེ་མྱི་དགུ་ཆུ་མྱི་རླང་ཀྱི་ཡུལ་དུ་བཀྲི་ཞེས་བགྱིས་ནའ།
(7r302) རོང་པོ་ལྡེ་ཁར་གྱྀས། སྲྀན་གན་དུ་གླུད་བོར་ན་གནུབས་སྲིན་རྐང་པྲན་གྱི་གན་དུ་[གླུད?]བོར། ལྷ་ལ་
(7r303) ཉན་དུ་བཙུགས་ན། གནུབས་ན། གནུབས་ལྷ་མཐོན་དྲུག་ལ་ཉན་དུ་བཙུགས། ཡུངས་ཀར་ནི་[---]
(7r304) དང་གཡུ་སླག་ཅེན་དང་བསེ་བྱང་པང་པ་མྱིག་དང། ལྷ་ལ་ནི་ཉན་དུ་ ། ལྷ་ལ་ཉན་བཙུགས་
(7r305) པ་དང་སྲིན་ལ་གླུད་བོར་བའི་རྟན་བཙལ་བ། ནི་ནན་སྔ་མ་བཞིན་དུ་བསྐོར་རོ༎ ལྷ་ལ་ཉན་དུ་བཙུགས་ན་
(7r306) ཐང་[ལྷ(/ལ)]ཡ་བཞུར་ལ། ཉན་དུ་བཙུགས་སྲིན་ཀན་དུ་གླུད་བོར། ན། ཐང་སྲྀན་པྱོ་པྱོ་མོའི་གན་དུ།
(7r307) གླུད་བོར་རོ། འབྲོག་སྲྀན་པྱབ་མའི་གན་དུ་གླུད་བོར། རྗེ་ཐང་རྗེ་སུམ་པོ་ནི་བཤོས་སོ༎ མྱི་རྨ་བུ་མཆིང་
(7r308) རྒྱལ་ཡང་ལྷ་ལ་ཉན་དུ་བཙུགས། ན། ཐང་ལྷ་ཡ་བཞུར་ལ་ཉན་དུ་བཙུགས་སྲིན་ལ། གླུད་དུ་[---]།
(7r309) བོར་ན། ཐང་སིན་པྱོ་པྱོ་མོ་ སྲིན་པྱབ་མ་ལ་ བོར་[---] [ལྷ?]འོག་དུ་[---] [གདའ?]།
(8r310) སྤགས། སྲིན་འོག་དུ་ནི་གླུད་བོར༎ ཡུལ་ངས་པོ་ཁྲ་སུམ་ན། རྗེ་དྲང་རྗེ་རྣོལ་ནམ་ཞིག། [ངས?]པོ།
(8r311) སྲྀན་ནག་ར་རྒྱས། སྲིན་ཡུལ་མྱེ་མྱི་དགུ་ཆུ་མྱི་རླང་ཀྱྀ་ཡུལ་དུ་བགྲྀ་ཞིས་མཆྀ་ན། དྲང་གཤེན།
(8r312) འབྲོང་པྱག་གྱྀས། ལྷ་ལ་ནི་ཉན་དུ་བཙུགས། ཁླུམ་ལྷ་ཐུགས་པོ། ལ་ཉན་དུ་བཙུགས།
(8r313) སྲིན་གན་དུ་གླུད་དུ་བོར་ན། ཀླུམ་སྲིན། དོམ་རའི་གན་དུ་གླུད་དུ་བོར། མྱྀ་རྨ་བུ་མཆིང་རྒྱལ། གྱང།
(8r314) ལྷ་ལ་ཉན་དུ་ ། ཀླུམ་ལྷ་ཐུགས་པོ་ལ་ཉན། དུ་བཙུགས། སྲྀན་གན་དུ་ [བོར?]ནལ།
(8r315) ཀླུམ་སྲྀན་དོམ་ར་རྒྱའི་གན་དུ་ བོར༎ མྱི་རྨ་བུ་མཆྀང་རྒྱལ་ཡང་མྱི་ལྷ་རང་ཐེན་[---]།
(8r316) ཡུལ་སྐྱི་རོ་ལྗང་སྔོན་ན། རྗེ་སྐྱི་རྗེ་རྨང་པོ་ཞིག། སྲིན་སྐྱི་སྲིན་ཙ་ལུང་ཞའི་མཆིད་ནས་[---]།
(8r317) མྱེ་མྱི་དགུ་ཆུ་མྱི་རླང་གྱི་ཡུལ་དུ་བགྲི་ཞིས་མཆིའ། སྐྱི་གཤེན་རྒྱན་ངར་ཞིག་གཉར་[ཏེ?]། སྲིན།
(8r318) འོག་དུ་ནི་གླུད་བོར། ལྷ་འོག་དུ་ནི་གདའ་སྤགས། ལྷ་ལ་ཉན། བཙུགས། ན་སྐྱི་བླ་[པྱ(/ཕྱ)]
(8r319) མང་ལ། ཉན་བཙུགས། སྲིན་ལ་གླུད་བོར་ན། སྐྱི་སྲིན་ཚ་ལུང་[ཞལ?]གླུད་བོ་[---]མྱི་རྨ་
(8r320) བུ་མཆིང་རྒྱལ་ཡང་ལྷ་ལ་ཉན་དུ་བཙུགས་ན་སྐྱྀ་བླ་པྱ་མངས་ལ། ཉན་དུ་ཙུགས་[---]གླུད་
(8r321) དུ་བོར་ན། སྐྱི་སྲིན། ཙ་ལུང་ཞའི་གན་དུ་གླུད་དུ་བོར༎ ཡུལ་ཡར་ཁྱིམ་སོགས་[ཡར(/ཀར)] [ནའ?]༎
(8r322) ཡུལ་རྗེ་འོ་ལྡེ་སྤུ་རྒྱལ་བཟུགས། ན། སྲྀན་ཡར་སྲིན་པ་སྣ་རྀང་པོའི་མཆིད་ནས། སྲིན་[---]ཡུལ།
(8r323) མྱེ་མྱི་དགུ་ཆུ་མྱི་རླང་ཀྱི་ཡུལ་དུ་བགྲི་ཞེས་མཆིའ། ལྡེ་གཤེན་རྨུན་བུ་བཀུག་སྟེ། ལྷ་ལ་ཉན་དུ།
(8r324) བཙུགས་ན། ཡར་ལྷ་ཤམ་པོ་ལ་ཉན་དུ་བཙུགས། སྲིན་ལ་ བོར་ན། ཡར་སྲིན་[དྲ?་ལ?]ལ་གླུད་དུ་
(8r325) བོར༎ ཡུལ་དབྱེ་མོ་ཡུལ་དྲུག། ན། དབྱེ་རྗེ་ཁར་བ་ཞིག་སྲིན་དབྱེ་སྲིན་ཡུག་མོའི་མཆིད་ནས་སྲིན་
(8r326) ཡུལ་མྱེ་མྱི་དཀུ་ཆུ་མྱི་རླང་ཀྱྀ་ཡུལ་དུ་བཀྲི་ཞེས་ན། དབྱེ་གཤེན་ཀར་བུ་ལྗོན་པྱུག། [---]ཉར།
(8r327) ཏེ། ལ་ཉན་དུ་བཙུགས་ན། དབྱེ་བླ་སྤྱི་གང་ ཉན་དུ་བཙུགས། སྲིན་ལ་གླུད་[---]ན།
(8r328) དབྱེ་སྲིན་ཡུག་མོ་ལ་གླུད་དུ་བོར༎ ཡུལ་རྔེགས་ཤུལ་ཁླིང་བྲང་ཅེ་འུ་ན། རྗེ་རྔེག་རྗེ་[གླིང?]
(8r329) འབྲང་ཙེ་འུ་བཞུགས། སྲིན་རྔེགས་སྲིན་ར་ལྤགས་ཀྱི་མཆིད་ནས་སྲིན་ཡུལ་མྱེ་མྱི་[དགུ?] [ཆུ?]མྱི།
(8r330) རླང་ཀྱི་ཡུལ་དུ་བཀྲི་ཞེས་མཆི། རྔེགས་ཤེན། རྨུན་བུས་ལྷ་ལ་ཉན་དུ་བཙུགས་ན། [རྔེགས?]ལྷ།
(8r331) པྱ་རྨང་ལ་ཉན་དུ་བཙུགས། སྲིན་ལ་གླུད་དུ་བོར་ན། རྔེགས་སྲིན་ར་ ། བོར། [---]
(8r332) ཡུལ་འོལ་པུ་དག་དང་ན། རྗེ་འོལ་རྗེ་ཟིན་པྲང་བཞུགས། འོལ་སྲིན་དེན་པོ་བླའི་མཆིད་[ནས?]།
(8r333) སྲིན་ཡུལ་མྱེ་མྱི་དགུ་ཆུ་མྱི་རླང་ཀྱི་ཡུལ་དུ་བཀྲི་ཞེས་མཆིའ། ལྗང་ཙ་གཤེན་ཀྱི་མུན་ཞག་
(8r334) ཙས་ལྷ་ལ་ཉན་དུ་བཙུགས། སྲིན་ལ་ བོར༎ འོ་ལ་ཤ་བཟན༎ ། ཡུལ་དགས་ཡུལ།
(8r335) ཤིང་ནག་ན། རྗེ་དར་རྒྱལ་སྤྲོག་ཟིན། སྲིན་དགས་སྲིན་ཕླད་པོ་མགོ་དགུའི་མཆིད་ནས།
(8r336) སྲིན་ཡུལ་མྱེ་མྱི་དགུ་ཆུ་མྱི་རླང་ཀྱྀ་ཡུལ་དུ་བཀྲི་ཞེས་བགྱྀས་ན། རྒྱལ་[---] [ཤེན?] [ལོ?]དས་ནས།
(8r337) ཉ་ལ་ནི་ཉན་བཙུགས། སྲིན་ལ་གླུད་བོར༎ ། ཡུལ་མཆིམས་[---]། ཀྱི་དགྲ་སུལ། ན།
(8r338) རྗེ་མཆིམས་རྗེ་ནེ་འུ། བཞུགས། སྲིན་མཆིམས་སྲིན། པོད་[---]དུ་ཁླད་
(8r339) ཀྱི་པྱ་ཁྱྀ་མའི་མཆིད་ནས༎ སྲིན་ཡུལ་མྱེ་མྱི་དགུ་ཆུ་མྱི་[རླང?]ཀྱི་ཡུལ་དུ་བཀྲི་[---]
(8r340) ཤེན་དོ་རབ་འབྲིང་རབ་ཀྱྀས་མཆིད་ནས། ལྷ་ལ་ནི་ཉན་དུ་བཙུགས། སྲིན་ལ་[ནི?] [---]བོར།
(8r341) མྱང་ཡུལ་ཤིང་སྔོན་ན། རྗེ་མྱང་ཙུན་རྒྱལ་པོ་དོག། ཅིག་བཞུགས། མྱང་[སྲི(/སྲིན)] [---]གནག་བྲང་
(8r342) མའི་མཆིད་ནས། སྲིན་ཡུལ་མྱེ་མྱི་དཀུ་ཆུ་མྱི་རླང་ཀྱི་ཡུལ་དུ་བཀྲི་ཞེ་[---]།
(8r343) རྒྱས་ལྷ་ལ་ཉན་དུ་བཙུགས། སྲིན་ལ་གླུདུ་བོར༎ །
(8r344) ཡུལ་རྐོང་ཡུལ་བྲེ་སྣར་ན། རྗེ་རྐོང་འདེ་དཀར་པོ་བཞུགས། རྐོང་[སྲིན?] [---]དེན་[པོ?]འི་[མཆིད?]།
(8r345) ནས། སྲིན་ཡུལ་མྱེ་མྱྀ་དཀུ་ཆུ་མྱི་རླང་ཀྱྀ་ཡུལ་བཀྲི་ཞེ་ན། རྐོང་ཤེན་[---]དོག་པོ་[དོག?]ཉ།
(8r346) ཡྀས་ལྷ་ལ་ཉན་དུ་བཙུགས། སྲིན་ལ་གླུདུ་བོར༎ ཡུ་[མདོ?]རོ། [---]ལུང་[---]། རྗེ་
(8r347) མདོ་རྗེ་འོན་བྲང་བཞུགས། སྲིན་མདོ་སྲིན་རྐང་མར་ཀྱི་མཆིད་ནས། སྲིན་[ཡུལ?་མྱེ?་མྱི?་དཀུ?]།
(8r348) ཆུ་མྱི་རླང་ཀྱི་ཡུལ་དུ་བཀྲི་ཞེ་ན། མདོ་གཤེན་མར་རྟས་ཉ་ལ་ནི་ཉན་ཙུགས་[སྲིན?] [ལ?] [ནི?] [གླུདུ?] [བོར?]
(8r349) ། ཡུལ་རྒྱ་ཡུལ་གདན་བཟངས་ན། རྗེ་རྒྱ་རྗེ་མྱེ་མཚང་རྨང་པོ་བཞུགས། སྲིན་[---] [མྱིག] [མར]
(8r350) ཀྱི་མཆིད། ནས། སྲིན་ཡུལ་མྱེ་མྱི་དགུ་ཆུ་མྱི་རླང་ཀྱི་ཡུལ་དུ་བཀྲི་ཞེ་ན༎ རྒྱ་བོན་ལེག་དང་རྨང་
(8r351) བས་ལྷ་ལ་ནི་ཉན་བཙུགས་སྲིན་ལ་ནི་ བོར༎ མྱི་ཇི་རང་[ཏེ?] [---] [ན?]། མྱི་ཉན་རང་རྟེན།
(8r352) ཉན་ཇི་རང་ཐེན་ན་ཉན་ལྷ་རང་ཐེན། ལྷ་དགུ་ཉན་དུ་བཙུགས་[---]སྲིན་དགུ་ བོར༎
(8r353) ལྷ་འོག་དུ་རྐད་སྤགས་སྲིན་འོག་དུ་གླུད་ཀྱིས་སླུད་ན། མྱི་ལུད་[---]
(8r354) མྱི་སྐད་མ་མཆིས་ན། ཡ་བླ་བདུང་པོ་ཡོད་གཟས་མ། [---]
(8v1) མཆིས། གྱ་ལུང་པྱ་སྐོརད་མ་མཆིས།
(8v2) ན་པྱ་རྗེ་ཁྲ་འང་ཡོང་གཟས་མ་མཆིས། མྱི་འོང་དུ་ཀླུ་དུ་བོར་[རྗེ?] [---]སྤར་ཏོ་

OTDO

Old Tibetan Documents Online

ITJ_0734