Old Tibetan Documents Online བོད་ཡིག

Text Archives > Pt_0239

Pelliot tibétain 239
    This Text All the Texts Find both and  
1. Content : Recto, Bsngo ba, 'Substitution (of Buddhist funeral rites for indigenous ones)'. Verso, Lha yul du lam bstan pa, 'Account of the way (which leads) to the country of the gods'.
2. Note : concertina. Complete text. 19 folios with 3-5 lines on each side. Originally catalogued as two separate manuscripts: Pelliot tibétain 239 (18 folios) and Pelliot tibétain 733 (1 folio). At present they are merged together as Pelliot tibétain 239. Drawing of a dragon at the end of recto. Numbering: r2-3 = folio 2, recto, line 3.
3. References :
Choix I (pls. 168-175, notice 22), Choix IV (7-13) [I.Translit.].
Lalou (1939-1961: I, 66) [P.Translit.],Lalou (1949), Stein (1970) [P.Translit., P.Trans.], Macdonald (1971: 373-376), Imaeda (1981: 75-79), Yamaguchi (1985: 549-551) [P.Trans.], Chu (1990) [P.Translit., P.Trans.], Samosyuk (2002: 70-73), Cuevas (2003: 33), Imaeda (2006: 109-110).

Transliteration   (Change the Display Format)

(r1-1) ༄༅༎ རྀང་གུར་བསོ་བསྔོ་ བའ་+འ་ གཉེན་ཡྀད་ལ་གཅགས་པའྀ་མྱེ་ངན༎ བསང་བའྀ་ཕྱྀར། སྨྲང་དར་བཟོས་
(r1-2) རྒྱ་ཁང་དར་ཁྱྀམ་ལས་དཔེ་བླངས་ནས༎ དམྱྀག་བཞག་དུ་བྱས་པའ་+འ་ ཤྀད་ཡོ་ལང་གྀ་རྒྱེན༎ སེམ་སེམས་ ཤེན་ཅན་ རེ་ནག་
(r1-3) གྱྀ་རྒྱན༎ རྀང་གུར་བཟང་ཞུགས་དོག་གྱྀ་རྒྱེན་རྒྱན་ དང་བཅས་པ་འདྀ་ལྟ་ཞྀག༎ ལྷ་འྀ་ཡང་དཀོན་མཆོག་གསུམ་ལ་
(r1-4) བརྟེན་དེ༎ བཟང་རྒྱ་དར་ནོར་གྱི་དམྱྀག་ཆུད་མྱྀ་གསན་སྦྱྀན་གདོང་དོན་སྩལ་དུ་འགྱྀས༎ ལྷ་སྤོས་གཙང་མས་
(r1-5) བསང༎ ལྷ་སྔགས་གཉེན་པོས་བསྔགས་པའྀ་ཡོན་གྱྀས༎ གཤྀན་མྱྀང་འདྀ་ཞེས་བགྱྀ་བ༎ བརྒྱ།
(r2-1) རྣམ་པར་གྲོལ་བ་འཕྲུལ་གྀ་གཞལ་ཡས་ཁང་ཐོབ་སྟེ༎ མྱྀང་འདྀ་བཞེས་ཞེས་ འགྱྀ་བགྱྀ་ བ༎ བརྒྱ་ལ། དམྱལ་བར་སྐྱེས་
(r2-2) ན་ནྀ༎ ཞེ་སྟང་སྡང་ དམྱལ་སྲུངས་གྱྀ་སྲིན་པོས་མྱྀ་ཟུང་གཅྀང་ཅིང་ དམྱལ་གདུབ་གཤེག་པའྀ་སེམས་ཅན་ཐམས་ཅད་
(r2-3) འཕྲུལ་ & ཕྲུལ་ གྱྀ་གཞལ་མྱེད་ཁང་ཆེན་པོར་བཙུག་ཅྀང༎ དམྱལ་བའྀ་སེམས་ཅན་ཐམས་ཅན་ཅད་ ལ༎ སྐྱབས་བྱེད་ནུས་པར་
(r2-4) ཤོག་ཤྀག༎ གཤྀན་མྱྀང་འདྀ་ཞེས་བྱ་བ༎ ཡྀ་དགས་སུ་སྐྱེས་ན་ནྀ༎ ཡྀ་དགསdag[s] ཐམས་ཅད་གྱྀ་སྒྲས་མྱྀ་ཟུང་བཟུང་ གཅྀང་ཅིང་
(r2-5) ཡྀ་དགསdag[s] བཀྲེས་སྐོམ་གྱི་སེམས་ཅན་ཐམས་ཅད་ལ་སྐྱེབས་སྐྱབས་ བྱེད་ནུས་པར་ཤོག་ཤྀག༎ གཤིན་མྱིང་འདྀ་ཞེས་བྱ་བ།
(r3-1) ཡྀ་དགས་སུ་སྐྱེས་ན་ནྀ༎ ཡྀ་དག་དགས་ ཐམས་ཅད་གྱྀ་སྒྲ༎ མྱྀང་འད་འདི་ ཞེས་བྱ་བ༎ དུད་འགྲོ་གླེན་རྒུགས་ལྐུགས་ གྱྀ་
(r3-2) གནས་སུ་སྐྱེས་ན་ནྀ༎ དུད་འགྲོ་འི་དགྲ་ཐམསtha[ms] ཅད[ca]d ཀྱྀས་མྱྀ་བཟུང་ཅྀང༎ འགྲོ་བ་ཐམས་ཅད་གྱྀ་སྐྱེབས་སྐྱབས་ བྱེད་ནུས་
(r3-3) པར་ཤོག་ཤྀག༎ གཤྀན་མྱྀང་འདྀ་ཞེས་བྱ་བ༎ མྱྀར་སྐྱེས་ན་ནྀ༎ མྱྀ་འྀ་དགྲ་ཐམས་ཅད་ཀྱྀས་མྱྀ་ཟུག་བཟུང་ ཅྀང༎
(r3-4) མྱྀ་འྀ་འཇྀག་པའ་ཐམས་ཅད་ལས་སྐྱེབས་སྐྱབས་ བྱེད་ནུས་པར་ཤོག་ཤྀག༎ མྱྀང་འདྀ་ཞེས་བྱ་བ༎ ལྷར་སྐྱེས་ན་ནྀ༎
(r3-5) ལྷ་མ་ཡྀན་གྀ་དགྲ་ཐམས་ཅད་ཀྱྀས་མྱྀ་ཟུང་བཟུང་ ཅྀང༎ ལྷ་འྀ་འཇྀགས་པའ་ཐམས་ཅད་ལས་སྐྱེབས་སྐྱབས་ བྱེད་ནུས་
(r4-1) པར་ཤོག་ཤྀག༎ ཁམས་གསུམ་གྱྀ་སེམས་ཅན་ཐམས་ཅད་སྡུག་སྔལ་གྱྀ་དགྲ་ཐམས་ཅད་ཀྱྀས་མྱྀ་ཟུག་བཟུང་ ཅྀང༎
(r4-2) རྣམ་པར་གྲོལ་བ་འྀ་གཞལ་མྱེད་ཁང་ཆེན་པོར་ཕྱྀ་ཕྱིན་ པར་ཤོག་ཤྀག༎ གཉེན་ཁོར་འཁོར་ སླད་མ་རྣམས་ཀྱང་བཀྲ་ཤྀས་ཤྀང་རྗེས་
(r4-3) བཟང་བར་གྱུར་ཅྀག༎ དབོན་ལོབ་སྔོ་བའ་+འ་ སྔུན་གྱྀ་ལས་མཐུན་བའྀ་རྒྱུ༎ ཡུལ་ཅྀག་དུ་སྐྱེས་སྟེ༎ ཤས་བདགས། སྣག་
(r4-4) གྱྀས་འབྲེལ་དེ༎ གཉེན་དུ་གྱུར་ནས༎ དབྱར་གྱྀ་ལྡུམ་བུ་དང་འདྲ་བར་བཀོད་བཀོད་པ་ལས༎ ཚེ་སྔ་མ་ལ་སྲོག་གཅོད་པའྀ་
(r4-5) ལས་བྱེད་པའྀ་ལན་གྀས༎ ཚེ་ཐུང་བའྀ་སད་པ་བབ་སྟེ༎ མྱྀ་རྟག་པའྀ་སྲྀན་གྱིས་ཁྱེར་ནས་གཉེན་སྡུག་པའ་རྣམས་དང་
(r5-1) ནྀ་བྲལ། དེ། གཉེན་ཡྀད་ལ་གཅགས་པའྀ་མཚན་མ༎ ཆུ་གང་དང་ཁྲེལ་ལྟས་གྱྀས་ནས་གནས་ མཚན་མ༎ ནོར་གྱི་དབྱྀག་ལས་ཕྱུང།
(r5-2) ཕྱུགས་དུ་ཀྱུ་ནས་དྲངས་སྟེ༎ ཆུ་གང་ཁྲེལ་ལྟས་སུ་བསྲྀད་པའ་+འ་ ནོར་ཕུགས་ཕྱུགས་ ནས་བཀོད༎ ཕྱུགས་ཁྱུ་ནས་བཀོད་སྟེ༎
(r5-3) སྦྱྀན་བ་གཉེན་སྲྀས་སུ་བདང་པའ་+འ་ ལྷ་དཀོན་མཆོག་གསུམ་ལ་བརྟེན་དེ༎ སྨོན་ལམ་བཟང་པོ་དང། ལྷ་སྔགས་
(r5-4) བཟང་པོས་བདབ་པའྀ་ཡོན་གྱྀས༎ འཚྀ་ཚེ་ འདས་པ་མྱྀང་འདྀ་ཞེས་བགྱྀ་བ༎ གཉེན་བྱམས་པའྀ་ཡ་ལད་དང༎
(r5-5) འཕྲུལ་གྱྀ་གོ་ཅ་ཐོབ་སྟེ༎ ཚྀ་ཚེ་ འདས་པ་མྱྀང་འདྀ་ཞེས་བྱ་བ༎ གར་སྐྱེས་གར་སྐྱེས་གྱང༎ ལྕག་གཤེད་གྱྀ་འདྲེ་
(r6-1) སྲྀན་དང༎ ཉོན་མོས་མོངས་ པའྀ་སྒྲ་ཆ་སྣ་ཙོགས་གྱྀས་མྱྀ་ཟུག་བཟུང་ ཅྀང༎ འཆྀ་བདག་གྱྀ་བདུད་ལས་རྩོགས་སྩོགས་ པ༎ ཁམས་
(r6-2) གསུམ་གྀ་དགྲ་ཐམས་ཅད་ལས་རྒྱལ་བར་ཤོག་ཤྀག༎ འཕྲུ་སངས་བསྔ་བསྔོ་ པའ་+འ་ གཉེ་གཉེན་ སྡུག་ཅྀ་ཅྀང་ བྱམས་པ་འྀ་དགའ་
(r6-3) སྲྀས་དང༎ བུ་སྲྀང་བརྩེ་བ་འྀ་སྲིས་དང༎ ཁ་བཟས་གཙང་མར་བཤམས་ནས༎ ལྷ་སྔགས་གཉན་པོས་བདབ་སྟེ༎
(r6-4) ཡྀ་དག་དགས་ ལྟོགས་པའ་རྣམས་དང། སེམས་ཅན་བྲེལ་ཕོངས་ཐམས་ཅད་ལ༎ སྦྱྀན་བ་འགྱྀས་བགྱྀས་ པའྀ་ཡོན་དན་གྱྀས༎
(r6-5) མྱྀང་འདྀ་ཞེས་བྱ་བ༎ ལྷ་འྀ་ཞལ་བཟས་དང༎ བདུད་རྩྀ་བཏུང་བ་འྀ་དབང་ཐོབ་ཅྀང༎ སེམས་ཅན་ལ༎ སྦྱྀན་བ་ནམ་ཀ་
(r7-1) གང་བར་གདོང་ཞྀང༎ གཤྀན་[མྱིང]འདྀ་ཞེས་བྱ་བ་དང༎ སེམས་ཅན་ཐམས་ཅད་དེང་ཏིང་ ངེ་འཛན་འཛིན་ གྱྀ་བཟས་དང༎ ལྷ་འྀ་ཞལ་
(r7-2) བཟས་ཐམས་ཅད་ལ་སྩོགས་པ་ལས༎ ལོང་སྤྱོད་སྣ་ཙོགས་དང་ལྟན་བར་ཤོག་ཤྀག༎ ཕྲུ་སངས་ལས་སྩོགས་པས་
(r7-3) ལེགས་པར་སྔོ་པས༎ བདག་ཅག་གཉེན་ཁོར་འཁོར་ སླད་མ་མཆྀས་པ་རྣམས་དང༎ མཐའ་ཡས་པའི་སེམས་ཅན་ཐམས་ཅད༎
(r7-4) བདེ་ལེགས་ཕུན་གསུམ་ཚོགས་པར་ལྡན་བར་གྱུར་ཅྀག༎ སྐྱིབས་ལུག་སྔ་སྔོ་ པའ་+འ་ མྱྀ་ནག་པོ་འི་གཞུང༎
(r7-5) ཤྀད་ནག་པོ་འི་ལུགས༎ བོན་ཡས་འདོད་སྨྲང༎ འདྲེ་གསུར་འདོད་གྱྀ་རབས་ལས༎ མྱྀ་བས་
(r8-1) ནྀ་ལུག་འཛངས་ལ༎ མྱྀ་བས་ཀྱང་ལུག་མཐུ་ཆེ་བར་འབྱུང་བ་ཡང༎ སེམས་ཅན་ཐམས་གྱང་ས་སོ་
(r8-2) སོ་འྀ་ལས་ཀྱྀས་ཁྲྀད་པས༎ ལུག་གྱྀས་ལམ་དྲང་ཡང་མྱྀ་དགོས༎ ལུག་གྱྀས་བྲག་དྲལ་ཡང་མྱྀ་དགོས།
(r8-3) ལུག་གྱྀས་ལམ་མཁན་བྱེད་ཀྱང་མྱྀ་ནུས༎ ལུག་གྱྀས་བློ་བྱེད་ཀྱང་མྱྀ་ནུས། ལག་དུམ་གྱྀས་མདའ་འཕེན་ཡང་
(r8-4) མྱྀ་ནུས་པར༎ ངོན་མངོན་ དོན་ལ་ཡིད་ཆེས་པས༎ ལྷ་ཆོས་དཀར་པོ་འི་གཞུང༎ མྱྀ་དཀར་པོ་འི་ལུགས་ཤྀད་དཀར་
(r8-5) པོ་འི་ཆེས༎ ལྷ་ཆོས་དཀར་པོ་ལ་རྡེན་རྟེན་ ནས༎ ལྕགས་ལག་གྲང་མོ་ནི་ཁོང་དུ་མ་བཅུག༎ ཁོང་ཁྲག་དྲོན་པོ་
(r9-1) ནྀ་ཕྱིར་མ་ཕྱུང༎ དོན་སྙྀང་སྨད་ལྔ་ནྀ་སྤར་གྱྀས་མ་བདབ༎ གཡང་བཞྀ་ནྀ་ཕྲག་ལ་མ་གཟར༎ རུས་པ་
(r9-2) དཀར་པོ་ནྀ་གདུན་ལ་མ་རྡུངས༎ ཤ་དམར་པོ་ནི་བཟངས་སུ་མ་བཙོས༎ མཐོ་རེས་རིས་ མྱྀ་འྀ་ལུག་ཀྱྀས་འདྲེ་
(r9-3) འྀ་ལམ་མ་བྱད༎ སྲྀན་གྀ་ལས་ནྀ་མ་བྱས་སྟེ༎ དམྀག་གསོན་མྱྀག་ནྀ་རྀག་རྀག༎ རྣ་གསོན་རྣ་ནྀ་དབ་དབ༎
(r9-4) རུས་གསོན་རུ་རུས་ ནྀ་ཀྱྀལ་ཀྱྀལ༎ ཞྀང་སྤང་སྣར་པོ་ལ་ནྀ་སྤང་རྩྀ་ཡན་དུ་ཟ་ཞྀང་བཞག་པ་སྟེ༎ ལྷ་སྤོས་གཙང་
(r9-5) མས་ནྀ་བསངས༎ ལྷ་སྔགས་གཉེན་པོས་པོས་བདབ་པའྀ་ཡོན་གྱྀས༎ མྱྀང་འདྀ་ཞེས་བྱ་བ༎ གར་སྐྱེས་གར་
(r10-1) སྐྱེས་གྱང༎ མཚོན་ཆ་ལས་བསྩོགས་པའྀ་སྡུག་སྔལ་ཐམས་ཅད་ལས་ཐར་བ་དང༎ སྐྱེ་རྒན་བའྀ་སྡུག་
(r10-2) སྔལ་མྱེད་པའྀ་གཡུང་དྲུང་གྱྀ་ལུས་ཐོབ་པར་ཤོག་ཤྀག༎ སྐྱིབ་སྐྱིབས་ ལུག་ལེགས་པར་སྟད་པས༎ གཉེན་དུན་
(r10-3) སླད་མ་རྣམས་ལ༎ རྗེས་བཟང་ཞྀང་བཀྲ་ཤྀས་པར་གྱུར་ཅྀག༎ རྟ་སྔོས་བ༎ འདྀ་ལྟ་སྟེ། འདས་པའྀ་
(r10-4) དུས་ན༎ ངོམ་ངོ་ མཚར་རྨད་དུ་བྱུང༎ སྀང་ཀ་གླྀང་གྱྀ་གཡུལ་ཡུལ་ ལས༎ རྒྱམ་རྒྱ་ མཚོ་དབུས་སུ་ནྀ༎ དེད་སྡེ་ པོན་དཔོན་ འཁོར་དང་
(r10-5) བཅས་པ་གྲུ་གྱྀ་ནང་དུ་བཞུགས་པ་ལས༎ སྲྀན་གྱྀ་བོ་མོ་གནོད་སྤྱྀན་སྦྱིན་ འཇྀག་འཇྀགས་ པས་བཟུང༎ ལྕགས་མཁར་
(r11-1) འབར་མ་ནང་དུ་བཅུག་ནས༎ བཟའ་བར་བཤམ་པ་ལས༎ སྤྱན་རས་གཟྀགས་གྱྀ་དབང་ཕྱུག་ཐུགས་རྗེ་ཆེན་པོ་
(r11-2) དཔེ་མྱེད་པས༎ བདེད་སྡེ་ པོན་དཔོན་ འཇྀགས་པ་སྐྱབས་མྱེད་དེ་མཐོང་ནས༎ འཇྀགས་པ་ལས་སྐྱེབ་སྐྱོབ་ ཅྀང༎ སྡུག་སྔལ་
(r11-3) ལས་བསྒྲོལ་བའྀ་ཕྱྀར༎ ཐབས་གྱྀ་རྟ་འྀ་རྒྱལ་པོར་སྤྲུལ་པ་ནྀ༎ སྙྀང་རྗེ་ལྟན་བ་ཅང་ཤེས་པ་ལ་ཧོ༎ མཁའ་
(r11-4) ལ་བྱ་བཞྀན་ཆུ་བྱ་དང་འདྲ༎ འཇྀགས་མྱེད་མཐུར་ལྟན། ཡོན་དན་ཕུན་སུམ་ཚོགས༎ ལྕགས་མཁར་དགུ་
(r11-5) རྀམ་དུ༎ གསེར་གྀ་བྱྀ་མ་ལ་འགྲེ་ཞྀང་སྤྲུག་སྟེ༎ ཀུན་དུ་སྒྲ་སྐད་བཀང་པས༎ སྐྱབས་མྱེད་འཇྀགས་པ་
(r12-1) ལས་ཐར་པར་སུ་འདོད་པ༎ མྱྀ་སྔརས་སྔངས་ བརྟན་བའྀ་སེམས་ཀྱྀས་ང་ཞོན་ན༎ དེད་པོན་འཁོར་བཅས་
(r12-2) སྒྲ་སྐད་དེ་ཐོས་ནས༎ རབ་དུ་དགའ་ཞྀང་ཅང་ཤེས་རྟ་ཞོན་དེ༎ རྒྱ་མཚོ་ལས་རྒལ་དེ་འཇྀགས་པ་དེ་
(r12-3) ལས་ཐར༎ བླ་ན་མྱེད་པའྀ་བྱང་ཅུབ་སེམས་བསྐྱེད་ནས༎ དེ་བདེ་ སྐྱྀད་གཡུང་རྟང་དྲུང་ ཐར་པ་དེ་བཞྀན་དུ༎
(r12-4) དྀ་དེ་ རྀང་སང་ལྟར་མྱྀ་བུ་ལས་ཟད་ཅིང༎ བདག་བདུད་ཀྱིས་བཟུང་ནས༎ མྱྀ་བུ་གཞོན་ནས་ཤྀ༎ རྩྀ་དོག་སྔ་
(r12-5) ན་སྐམས་སྟེ༎ སྐྱབས་མྱེད་པར་གྱུར་ནས༎
(r13-1) ཡུན་དུ་ཕོངས་པ་ལ་ཞོན་བར། དོན་དུ་བསམ་ནས༎ དོ་མ་རུས་དང་མྱྀང། རྣམ་རྟ་འདྀ་ཡང༎ རྟ་མཆོག་
(r13-2) ཅང་ཤེས་པ་ལ་ཧོ་བཞྀན་དུ༎ ནམ་ནམ་ཞ་ཞ་ཡུན་ཀྱྀ་ཕྱུགས་གྱྀ་སྐལ་བར་དུ་བསྔོ་འོ༎ དཀོན་མཆོག་
(r13-3) གསུམ་གྱྀ་ཐུགས་རྗེ་དང༎ དགེ་བ་ཆེ་ཆུང་ཅྀ་སྤྱད་པའྀ་མཐུས་གྱྀས༎ རྟ་མཆོག་ཁྱོད་གྱྀ་ཡོན་དན་འདྀ་
(r13-4) རྣམ་རྣམས་ སྟེ༎ དགོངས་པ་དོན་གྲུབ་འཇྀགས་པ་ཀུན་ལས་བསྒྲལ༎ ཅྀ་ལྟར་ལུས་ལ་སྤུ་ནྀ་གྲངས་མྱེད་ཞིན་ཞིང་
(r13-5) ཕྱུགས་དང་ནོར་གྱྀ་སྐྱྀད་སྤྱོད་ལྟན་བར་ཤོག༎ འཇྀགས་པ་འི་གཡུལ་ཡུལ་ ལས་མགྱོགས་པ་འྀ་ཤུགས་
(r14-1) ཀྱྀས་བསྒྲལ༎ རྫུམ་རྫུ་ འཕྲུལ་རྐང་བཞྀ་ངན་ཙོང་ཀུན་བསྒྲ་བསྒྲལ་ དེ༎ ཕྱོགས་བཅུ་སངས་རྒྱས་ཡུལ་ན་ཡྀད་
(r14-2) བཞྀན་ཕྱྀན༎ མ་ནོར་སྒྲིབ་མྱེད་འཕྲུལ་གྱྀ་མྱྀག་གྀས་ནྀ༎ འཕགས་པའྀ་རྫུ་འཕྲུལ་མཐོང་བ་གྲངས་
(r14-3) མྱེད་ཤོག༎ སངས་རྒྱས་འཕྲུལ་གྱྀ་རྣ་བ་ཐོས་མྱེད་པས༎ དགེ་བའྀ་ཆོས་རྣམས་མ་ལུས་ཐོས་ཤོག༎
(r14-4) ཁྱེད་ཀྱི་སང་སང་གསལ་བའྀ་སྒྲ་སྙན་དེ༎ འདས་པའྀ་གཉེན་ས་བཤེས་ཀུན་དང་ཕྲད་པར་ཤོག༎
(r14-5) མཛེས་སྡུག་མཐུལ་མཐུ་ རྩལ་ཕུན་སུམ་ཚོགས་པ་དེས༎ བདེ་སྐྱིད་གཡུང་དྲུང་གནས་སུ་ཕྱྀན་པར་ཤོག༎
(r15-1) དེ་ལྟར་སྨོན་ལམ་རྒྱ་ཆེར་བདབ་པའྀ་བྱྀན་ཀྱྀ་རླབས་ཀྱྀས༎ ཚེ་འདས་པ་ཡང་མཐོ་རིས་ཐར་པའྀ་གནས།
(r15-2) ཐོབ་པར་ཤོག༎ ཡོན་བདག་སླད་མ་རྣམས་ཀྱང༎ བཀྲ་ཤྀས་ཞྀང་རྗེས་བཟང་པར་གྱུར་ཅྀག༎ གཉེན་སྲྀས་
(r15-3) གཡག་སྔོས་པའ་+འ་ ཐབ་ནྀ་རུ་རྣོ། ལུས་ནྀ་བརྗྀད་བཟང། འབྲོང་སྟིངས་ཆེན་འདྀ་ལྟ་ཞྀག༎ གཤྀད་ཤིད་
(r15-4) ནག་པོ་འི་འདྲེ་འི་སྣ་འདྲེན༎ སྲྀན་གྱྀ་ཆོས་ངན་པ་རྣམས་ནྀ༎ ཆོས་ངན་པ་བཞྀན་དུ་སྤངས༎
(r15-5) ལུས་ཀྱྀ་དྲྀ་མ་བཞྀན་དུ་བཀྲུས་དབྱངས་ནས༎
(r16-1) ལྷ་ཆོས་དཀར་པོ་འི་གཞུང་ལ༎ བཀྲ་ཤྀས་གྱྀ་རྗེས་བཟང་པོ་ལ་བརྟེན་ནས༎ ངན་པར་མ་བསམ༎ མདའ་
(r16-2) ནྀ་མ་འཕངས༎ མདུང་གྱྀས་ནྀ་མ་བདབ༎ སྙྀང་ཁྲག་དྲོན་མོ་ནི་ཁར་མ་ཕྱུང༎ དོན་སྙྀང་སྨད་ལྔ་ནྀ་སྤར་
(r16-3) གྱྀས་མ་བྲབས༎ ལྕེ་དམར་པོ་ནི་མཁལ་དུ་མ་ཕྱུང་སྟེ༎ མཁའ་ལུང་གཡང་པར་རྩྀ་དོག་བཟའ་ཞྀང༎
(r16-4) གཉམས་དངར་དགའ་ དུ་བཞག་པ་དང༎ ཕྱུགས་ལས་ངན་པ་མ་བྱས་པ་འྀ་ལན་གྱྀས༎ གཤྀན་མྱྀང་འདྀ་ཞེས་
(r17-1) བྱ་བ་ལ༎ གར་སྐྱེས་གར་སྐྱེས་ཀྱང༎ ཐབས་ལ་མཁས་པའྀ་རུ་རྣོན་པོ་དང༎ འཇྀགས་པ་མྱེད་
(r17-2) པའྀ་ཡག་གཡག་ སྙྀང་དཔའ་དང༎ བསོད་རྣམ་ནམས་ ཆེན་པ་ཡག་གཡག་ ལུས་སྡུག་པ་དང་འདྲ་བ་འྀ་གོ་ཅ་ཐོབ་པར་
(r17-3) ཤོག་ཤྀག༎ (line drawing of a flower) (line drawing of a dragon)
(v1-1) ༄༅༎ དེ་ནས་གཤྀན་ལམ་བསྟན་བའ་+འ་ བླ་ན་མྱེད་པའྀ་ཡེ་ཤེས་བསམ་གྱྀས་མྱྀ་ཁྱབ་
(v1-2) པ༎ ལྷ་འྀ་སྤྱན་རྣམ་པར་དག་པ་དང་ལྟན་བ༎ སངས་རྒྱས་བཅོམ་ལྟན་འདས་ཐམས་
(v1-3) ཅད་དགོངས་སུ་གསོལ༎ སེམས་ཅན་ཐམས་ཅད་ལ༎ བུ་ཅྀག་བཞྀན་དུ་སྙོམས་པར་
(v2-1) སྐྱོབ་པའྀ་བྱང་ཅུབ་སེམས་པ་དཔའ་ སེམས་པ་དཔའ་ ཆེན་པོ་རྣམས་གོངས་དགོངས་ སུ་གསོལ༎ ཡང་དག་
(v2-2) པའྀ་ཤེས་རབ་དང་ཁམས་གསུམ་གྀ་ཉོན་མོངས་པ་ཐམས་ཅད༎ རྩ་ནས་བཅོམ་སྟེ། ཆ་གཉྀས་ལས་ & s
(v2-3) རྣམས་རྣམ་ པར་གྲོལ་བའྀ་གོང་གོ་ འཕང་ཆེན་པོ་རྙེས་པས༎ འཕགས་པ་སྒྲ་བཅོམ་བ་རྣམས་དགོངས་དགོ & ngs
(v2-4) སུ་གསོལ༎ ཚེ་འདས་པ་ཁྱོད་ཉོན་ཅྀག༎ ཚེ་འདས་པ་ཁྱོད་ལ་འཇྀག་རྟེན་ཐམས་ཅད་
(v3-1) གྱྀ༎ ཆོས་ཉྀད་གློ་བུར་མྱྀ་རྟག་པའྀ་དུས་ལ་བབ་སྟེ༎ འདུས་བྱས་ཀྱྀ་ལྔ་ཕུང་རྒྱུ་སྒྱུ་ མ་ཞྀག་སྟེ༎
(v3-2) འཇྀག་རྟེན་འདྀ་ནས༎ ཕ་རོལ་དུ་འགྲོ་བའྀ་ཕོ་སྐྱབ་སྐྱབས་ ཆེན་པོ་འདེབས་པའྀ་དུས་ལ་བབ་སྟེ༎
(v3-3) གཅྀག་པུ་གཉྀས་སུ་མྱེད་པར༎ ས་ཙུགས་མྱེད་པའི་གནས་སུ་འགྲོ་བའྀ་མགོན་དང་སྐྱབས་སུ་ནྀ༎
(v3-4) སངས་རྒྱས་བཅོམ་ལྟན་འདས་དང༎ བྱང་ཅུབ་སེམས་དཔའ་སེམས་པ་དཔའ་ ཆེན་པོ་དང༎ འཕགས་
(v4-1) དཔའ་པ་ དགྲ་བཅོམ་བ་ལས་ཆེ་བའ་ཞན་གཞན་ མྱེད་པས༎ དེ་ལས་ཚེ་འདས་པ་ཁྱོད་ཡྀད་མ་གོལ༎
(v4-2) སེམས་ནྀ་མ་ལོག་པར༎ དུས་ཐམས་ཅད་དུ་དཀོན་མཆོག་གསུམ་ཀྱྀ་ཡྀད་ལ་སྦྱོས་ལ༎ དཀོན་
(v4-3) མཆོག་ལ་རྗེས་སུ་ཕྱོགས་ལ༎ གཞན་དུ་རྔོས་པོ་ཅི་ལ་ཡང་ཡྀད་ཀྱྀ་ལམ་མ་བྱེད་ཅྀག༎ སེམས་
(v4-4) ཀྱྀ་སྲང་མ་དོད་ཅིག༎ གཞན་ཡང་ཚེ་འདས་པ་ཁྱོད་ཉོན་ཅིག༎ ཁམས་གསུམ་གྀ་བཙོན་ར་འདྀར་
(v5-1) སྒྱུ་མ་འྀ་ལུས་བླངས་སྟེ༎ སྐྱེས་སོ་ཅོག་ཐམས་ཅད་ནྀ༎ མཐར་ཤྀ་བ་ལས་ཐར་པ་ཅྀག་ཀྱང་
(v5-2) མྱེད་དེ༎ དེ་ལྟར་སྐྱེས་པ་གཅྀག་ནས་ཅྀག་དུ་འགྲོ་བ་འྀ་སྐྱེ་ཤྀ་ལམ་ཉམ་ང་པ༎ དེ་ལྟ་བུ་དག་
(v5-3) ཡོད་ཀྱྀས་ཡྀད་ལ་དྲན་བར་བྱོལ་ཤྀག༎ འཛམ་བུ་གླྀང་འདིར་དཔག་ཙད་བརྒྱད་ཁྲྀ་འྀ་འོག་ན།
(v5-4) ན་རག་ཆེན་པོ་འི་གནས་ཡོད་ལྕགས་གྱྀས་གཞྀང་འབར་བའྀ་སྟེ་ན༎ ལྕགས་ཀྱི་ཁང་པ་འབར་
(v6-1) བའྀ་ནང་དུ། རག་ཤ་མཐུ་བོ་ཆེ་མང་པོས༎ འབུམ་གྲངས་མྱེད་པར༎ བཙོ་ཞྀང་བསྲག་པ་དང༎
(v6-2) གདུབ་ཅྀང་དམྱལ་བ་ལས་སྩོགས་དེ༎ སྟུག་སྡུག་ སྔལ་མྱྀ་བཟད་བར༎ ཀུན་དུ་འོ་དོད་ཆེན་པོ་འབོད་ཅིང༎
(v6-3) སྨྲེ་སྔགས་འདོན་པའྀ་ན་རག་འདྀ་ལྟ་བུ་དག་གི་གནས་ཡོད་ཀྱིས༎ ཚེ་འདས་པ་ཁྱོད་ལམ་དེར་མྱྀ་
(v6-4) ལྟུང་པའྀ་བག་ཆེར་བྱོས་ལ༎ བརྒྱ་ལ་དེར་ལྟུང་བར་དོགས་ན༎ ན་རག་ཆེན་པོ་དེ་ལ་ཆང་ཀྱུར་སྐྱོབ་པ༎
(v7-1) བྱང་ཅུབ་སེམས་དཔའ་འཕགས་པ་སྤྱན་རས་ཟྀགས་གཟྀགས་ ཀྱྀ་དབང་པོ་ཞེས་བྱ་བ་ཡོད་ཀྱྀས༎
(v7-2) དེ་འི་མཚན་དྲན་བར་བྱས་ལ༎ གསོལ་བ་བདབ་པའྀ་ཚིག་འདྀ་དང༎ སྔགས་འདྀ་སྨྲོས་ལ་
(v7-3) སྐྱབས་སུ་གསོལ་ཅྀག་དང༎ གནས་ངན་པ་དེ་ལས་ཐར་པར་འགྱུར་རོ༎ རྣམ་པར་ཐུགས་རྗེ་སྒོ་
(v7-4) ནས༎ བྱང་ཅུབ་མཆོག་བརྙས་པ༎ ཆོས་མཆོག་སྐྱོན་བྲལ་ཚངས་པ་ཆེན་པོ་འི་དབྱངས་གསུངས་
(v8-1) བས༎ མཚན་ཐོས་སྟུག་སྡུག་ སྔལ་ཞེ་མཛད་ཕོངས་པའྀ་མགན་གཅྀག་པའ་+འ་ སྤྱན་རས་གཟྀགས་
(v8-2) དབང་ & བང་ དེ་འྀས་སྐྱབ་དུ་གསོལ༎ ཨཱོM ཧྲྀ་ཧུང་པད་མ་པྲྀ་ཡ་སྭ་ཧཱ༎ ཚེ་འདས་པ་ཁྱོད་ཉོན་ཅྀག༎
(v8-3) གཞན་ཡང་འཛམ་བུ་གླྀང་འདྀ་ནས༎ དཔག་ཚད་ལྔ་བརྒྱ་འྀ་འོག་ན༎ ཡྀ་དགས་ཀྱྀ་འཇྀག་རྟེན་ཞེས་བྱ་
(v8-4) བ༎ ལྷག་པར་བཀྲེས་གྲང་གྀས་ཉོན་མོངས་པའྀ༎ སེམས་ཅན་ལོ་བརྒྱ་སྟོང་དུ་མར་ཡང༎ མཆྀལ་
(v9-1) མ་དབ་པ་གཅྀག་ཙམ་ཡང་བཟའ་བའྀ་སྐལ་བ་མྱེད་ལ༎ ལུས་ཀྱྀ་གོས་དང་མྱྀ་ལྟན་ཞྀང༎ ནམ་
(v9-2) ཀ་ལ་ལྕགས་གྱྀ་སེར་བ་དྲག་པོ་འབབ་པས༎ ལོ་ཁྲི་འབུམ་དུ་ཆོ་ངེ་སྒྲ་འབྱྀན་བ་འདྀ་ལྟ་བུ་འྀ་ན་རག་
(v9-3) ཀྱྀ་གནས་ཡོད་ཀྱིས༎ དེར་མྱྀ་འགྲོ་པར་ཚེ་འདས་པ་ཁྱོད་བག་ཆེར་བྱས་ལ༎ དེར་ལྟུང་བར་དོགས་ན༎
(v9-4) ཡྀ་དགས་ཀྱྀ་ལམ་དེ་ལ་ཆང་ཀྱུར་སྐྱོབ་པར་བྱད་པ༎ བྱང་ཅུབ་སེམས་དཔའ་ཆེན་པོ་ནམ་ཀ་མཛོད་
(v10-1) ཅེས་བྱ་བ་ཡོད་ཀྱྀས༎ དགེ་བའྀ་བཤེས་ཉེན་གཉེན་ དེ་དྲན་བར་བྱས་ལ༎ གསོལ་བ་དབ་པའྀ་ཚིག་དང།
(v10-2) སྔགས་གྱྀ་སྙྀང་པོ་འདྀ་སྨྲོས་ལ་སྐྱབས་སུ་གསོལ་ཅྀང༎ སྟུག་སྡུག་ སྔལ་གྱྀ་གནས་དེ་ལས་ཐར་པར་འགྱུར་
(v10-3) རོ༎ བསོད་ནམས་ཡེ་ཤེས་ཚོགས་ལས། དཔལ་གྀ་སྐུ་འཁྲུངས་སྟེ༎ དྀང་ཏིང་ ངེ་འཛྀན་ནམ་ཀ་མཛོད་ལ་
(v10-4) སྤྱོད་པའྀ་མངའ་རྙེ་པ༎ བཀྲེས་གྲང་བ་དང་ཕོངས་པའྀ་ཡྀ་དགས་སྒྲོལ་མཛད་པ༎ མགོན་པོ་ནམ་
(v11-1) ཀ་མཛོད་ཀྱྀས་སྐྱབ་དུ་གསོལ༎ ཨཱོM ག་ག་ན་སམ་བ་བ་ཛྲ་ཧོ་ད་ཧ་ས༎ ཚེ་འདས་པ་ཁྱོད་ཉོན་
(v11-2) ཅྀག༎ རྒྱམ་རྒྱ་ མཚོ་ཆེན་པོ་དང། གླྀང་ཆེན་པོ་བཞྀ་དང། ལྕགས་ཀྱྀ་རྀ་ཆེན་པོ་འྀ་བར་གྱྀ་གནས་ལ་
(v11-3) སྩོགས་པ་དེ་དག་ན༎ ལྷག་པར་བླུན་ཞེང་ཞིང་ རྨུགས་པས༎ ལེགས་ཉེས་གྱྀ་དུད་འགྲོ་བྱོལ་ཙོང་གྀ་
(v11-4) གནས་ཡོད་ཀྱྀས༎ ལམ་ངན་པ་དེར་ཡང་མྱྀ་ལྟུང་སྐྱེབ་བར་བག་ཆེར་གྱྀས་ཤྀག༎ བརྒྱ་ལ་དེར་ལྟུང་
(v12-1) བར་དོགས་ན༎ བྱོལ་ཙོང་དུད་འགྲོ་འི་ལམ་དེར་ཆང་ཀྱུར་སྐྱོབ་པའྀ་བྱང་ཅུབ་སེམས་པ་དཔའ་ ངན་ཙོང་སྤྱོང་
(v12-2) བ་ཞེས་བྱ་བ་ཡོད་ཀྱིས༎ དེ་ལ་དགེ་བའྀ་བཤེས་ཉེན་གཉེན་ ལ་རྟག་པར་དྲན་བར་གྱྀས་ལ༎ གསོལ་བ་བདབ་
(v12-3) པ་འྀ་སྔགས་ཀྱྀ་ཚྀག་འདྀ་སྨྲོས་ལ༎ སྐྱབས་སུ་གསོལ༎ དེ་ལས་ཐར་པར་འགྱུར་རོ༎ དེ་བཞྀན་ཉྀད་
(v12-4) དང་མཐར་ཕྱྀན་བ༎ འཇྀག་རྟེན་ཀུན་དུ་གསལ་པའྀ་ཡེ་ཤེས་སྒྲོན་མ་ཡྀས༎ དུད་འགྲོ་རྨོངས་པའྀ་
(v13-1) ལས་སྐྱེ་བོ་སྒྲོལ་མཛད་པའ་+འ་ མགོན་པོ་ངན་ཙོང་སྤྱོང་གྱྀས་སྐྱབ་དུ་གསོལ་དེ༎ ན་མ་ས་རྦ་དུར་ག་
(v13-2) དེ༎ བ་རྀ་ཤོ་དནྀ༎ ར་ཛ་ཡ་ད་ཐ་ག་ད་ཡ་ཨ་རྀ་ཧ་དྀ༎ སམ་ཡག་སམ་བུ་ད་ཡ༎ དད་ཡ་ཐ༎ ཨཱོM ཤོ་ད་ནྀ་
(v13-3) ས་རྦ་པ་པ་བྱྀ་ཤོ་དྷ་ད་ ནྀ༎ ཤུད་དེ་བྱྀ་ཤུད་དེ༎ ས་རྦ་ཀར་རྨ་ཨ་བ་ར་ན་བྱྀ་ཤུད་དེ་སྭ་ཧཱ༎ དེ་ལྟར་ངན་ཙོང་གསུཾ་
(v13-4) གྀ་སྒོ་ངེས་པར་བཀག་ནས༎ སངས་རྒྱས་དང་བྱང་ཅུབ་སེམས་དཔའ་ལས་སྩོགས་པ༎ འཕགས་
(v14-1) པ་ཐམས་ཅད་གྱྀ་ཐུགས་རྗེ་ཆེན་པོ་དང༎ བཀའ་བདེན་བའྀ་བྱིན་ཀྱི་རླབས་ཀྱིས༎ གཉེན་འདུན་ཕྱྀ་
(v14-2) མ་རྣམས་ཀྱྀས༎ དཀོན་མཆོག་གསུམ་ལ་བརྟེན་དེ༎ ཡང་དག་པའྀ་ཆུ་གང་མ་ནོར་པའྀ་སོད་བསོད་ ནམས་
(v14-3) གྱྀ་ཚོགས་འདྀ་དག་ལ༎ བརྟེན་ཅྀང་བདེག་ནས༎ བདེ་སྐྱྀད་ཕུན་གསུམ་ཚོགས་པའྀ་ལྷ་ཡུལ་དམ་པར་
(v14-4) འགྲོ་བའྀ་ལམ་ནྀ༎ འཛམ་བུ་གླྀང་འདྀ་ནས༎ བྱང་ཕྱོགས་ན་རྀ་རབ་ལྷུན་པོ་ཞེས་བྱ་བ༎ རྀ་འི་རྒྱལ་པོ་
(v15-1) རྀན་པོ་ཆེ་སྣ་བཞྀ་ལས་གྲུབ་པ་ཞྀག་ཡོད་དེ༎ དེ་འྀ་སྟེང་ན་ཆོས་བཟང་ལྷ་འྀ་འདུན་ས་ན༎
(v15-2) ལྷ་འྀ་དཔང་པོ་བརྒྱའ་བྱྀན་དང༎ བློན་པོ་གསུམ་ཅུ་རྩ་གཉྀས་དང༎ ལྷ་དང་མྱྀ་དང་སྲྀད་པའྀ་ལྟང་
(v15-3) ཕྱེ་ཞྀང་ལམ་སྟོན་པ་ཡོད་དེ༎ དེར་ལྷ་འྀ་རྒྱལ་པོ་དེས༎ རྀགས་ཀྱི་བུ་ཁྱོད་ལ༎ ཆོས་ཀྱྀ་མན་
(v15-4) ངག་སྟོན་ཅྀང༎ བསོད་ནམས་གྱྀ་མཐུ་སྟོངས་པར་གྱུར་རོ༎ རྀགས་ཀྱྀ་བུ་དེ་ནས༎ རྀ་རབ་གྱི་
(v16-1) བྱང་ཕྱོགས་གྱྀ་རྩེ་ན༎ ཕོབ་ཕོ་ བྲང་ལྕང་ལོ་ཅན་ཞེས་བྱ་བའ་+འ་ བཅོམ་ལྟན་འདས་དཔལ་ཕྱག་ན་
(v16-2) རྟོ་རྡོ་ རྗེ་ཁྲོ་བོ་མང་པོ་ཁོར་འཁོར་ དང༎ བཅས་པ་བཞུགས་སྟེ༎ འདོད་པ་ཐམས་ཅད་ཡྀད་བཞྀན་དུ་གྲུབ་པར༎
(v16-3) རྀགས་གྱྀ་བུ་ཁྱོད་ལ་དབང་བསྐུར་བར་འགྱུར་རོ༎ དེ་ནས་རྀགས་གྱྀ་བུ་ཁྱོད་ལ༎ ཕྱག་ན་རྟོ་རྡོ་ རྗེ་བྱྀན་
(v16-4) གྱྀ་རླབས་གྱྀས༎ སོང་ལ་དགའ་ལྟན་ལྷ་འྀ་གནས་ན༎ སངས་རྒྱས་ཤག་ཀྱྀ་ཀྱ་ ཐུབ་པ༎ ཆོས་གྱྀ་
(v17-1) རྒྱལ་ཙབ༎ འཔགས་པ་བྱམས་པ་ཞེས་བྱ་བ༎ འཁོར་བྱང་ཅུབ་སེམས་དཔའ་བ་སུ་མྱྀ་དྲ་དང༎
(v17-2) སེང་འགེ་བར་སྣང་ལ་སྩོགས་པ༎ བསྐལ་བཟང་པོ་འྀ་བྱང་ཅུབ་སེམས་དཔའ། དགུ་བརྒྱ་དགུ་བཅུ་
(v17-3) རྩ་དྲུག་ལ་སྩོགས་པ་དང༎ ལྷ་འྀ་བུ་གྲངས་མྱེད་པ་དང༎ རྀན་པོ་ཆེ་འྀ་གཞལ་མྱེད་ཁང་གྱྀ་ནང་ན༎
(v17-4) ལྷ་རྫས་ཀྱྀ་ལྷབ་ལྷུབ་དང༎ རོལ་མོ་སྣ་ཚོགས་གྱྀ་ལོང་སྤྱོད་དང་ལྟན་བ༎ བསམ་གྱྀས་མྱྀ་ཁྱབ་པ་ལས་
(v18-1) སྩོགས་པ༎ སྐྱྀད་པའྀ་རྒྱུ་རྐྱེན་ཕུན་གསུམ་ཚོགས་པ༎ ལྷ་ཡུལ་དམ་པ་དེར༎ བདེ་དགུ་ལ་བག་
(v18-2) ཡོད་པར་སྤྱོད་ཅིག༎ རྀགས་ཀྱྀ་བུ་ལྷ་འྀ་ལོང་སྤྱོད༎ དགའ་བ་འབའ་ཤྀག་གྀས་ཆོག་པར་མ་འཛྀན༎
(v18-3) བདག་དང་སེམས་ཅན་ཀུན་ཡོངས་སུ་མྱེ་ངན་ལས་འདའ་པར་བྱོལ་ལ༎ བསོད་ནམས་དང་ཡེ་ཤེས་གྱྀ་
(v18-4) ཚོགས་བཙལ་བ་ལ༎ མྱྀ་ངོམས་པའྀ་སེམས་ཞོག་ཤྀག༎ འདོད་ཆགས་དང་བྲལ་བར་ཡང་ཐོབ་
(v18-5) པར་གྱུར་ཤྀག༎
(v19-1) ༄༅༎ དེ་ནས་གཤྀན་༄༅༎ ཐམས་ཅད་མཁྱེན་པ་འྀ་ཡེ་ཤེས་ཀྱང༎ མངོན་བར་ཤེས་པའྀ་[---]
(v19-2) ལ་ཡང་རྣམ་པར་སྦྲུལ་བར་གྱྀས་ཤྀག༎ ཆོས་གྱྀ་དབྱྀངས་ལ་ཡང་མ་གཡོས་ཤྀག༎ བྱང་ཅུབ་གྱྀ་
(v19-3) སེམས་བསྐྱེད་པ་ལ་ཡང་མ་གདང་ཤྀག༎ དེ་བཞྀན་གཤེགས་པ་འྀ་རྣམ་པར་འཕྲུལ་བ་དང༎ བྱྀན་
(v19-4) གྱྀ་རླབས་ཀྱྀང་ཀྱང་ ཡོངས་སུ་རྟོན་ཅྀག༎ ལྷ་ཡུལ་དུ་ལམ་བསྟན་བ་རྫོགས་སོ༎ ཨཱོM
';