Old Tibetan Documents Online བོད་ཡིག

Text Archives > Pt_1286

Pelliot tibétain 1286
    This Text All the Texts Find both and  
1. Content : Catalogue of the ancient principalities and a list of the Royal genealogy.
2. Note : scroll. The end is missing. Recto, 69 lines. Verso, a Chinese Buddhist text. Cf. Catalogue VI (96).
3. References :
Choix II (pls. 554-556, notice 21-25),Choix III (14-16) [I.Translit.].
Lalou (1939-1961: III, 2) [P.Translit.],Bacot et al. (1940-1946: 80-89) [I.Translit., I.Trans.],Satō (1959-1960: 172-173, 210, 306, 338, 511, 627) [P.Translit., P.Trans.],Haarh (1969: 415-421) [P.Translit., P.Trans.],Macdonald (1971),Yamaguchi (1985: 454-457) [P.Trans.],Wang and Chen (1992: 67-70, 141-144, 173-175) [I.Translit., I.Trans.],Gnya' gong (1995: 3-12) [I.Translit.],Huang and Ma (2000: 124-128, 133-138, 152-154) [I.Translit., I.Trans.].

Transliteration   (Change the Display Format)

(1) ༄༅། ༔། གནའ་གཉེན་མཐའ་བཞི་[འི?]རབས་ལ༎ ལྡེ་འི་གངས་[བར?]ན། ལྡེ་ཟའྀ་གང་རག་མཱ༎ སྐྱྀ་འི་ལ་མདའ་ན། སྐྱྀ་ཟ་[འི?་དྲོ?]
(2) [གཚན?] [དགས་ཀྱྀ་བསེན?]མཁར་ན། དགས་ཟ་འྀ་གྱྀམ་པང་མའ། མཆྀམས་ཡུལ་གྱྀ་དངུལ་[ཁུང་ན?] མཆིམས་
(3) [?]ཤ་ཆང་མའ༎ གཉེན་ནྀ་མཐའ་བཞི༎ ཆབ་[ནྀ?]ལུགས་གཆིག། [ཡོས?]ནྀ་སྲང་གཆིག། མྱྀ་མཐའ་[---]
(4) [---]མཐའ་[བཞི?]ནི་[བྲག?] ཆབ་མཐའ་བཞྀ་ནི་[---]པྱིབ་མཐའ་བཞྀ་ནི་[---] གོས་མཐའm[tha'?]
(5) [བཞྀ?]ནི[n?]i དར༎ གཉེན་མཐའ་[བཞྀ?][ནྀ?]འྀ་ རབས་དང་ལུགས་ནྀ་[འདྀ?་ལགས?]
(6) ༄༅༎ རྒྱལ་པྲན་ཡུལ་ཡུལ་ན། མཁར་བུ་རེ་རེ་ན་གནསྟེ་གནས་ཏེ་ རྒྱལ་པྲན་བགྱྀད་པ་དང། རྒྱལ་པྲན་གྱྀ་བློན་པོ་བགྱིད་པ་འྀ་[རབས?]
(7) ལ༎ ཞང་ཞུང་དར་པ་འྀ་རྗོ་བོ་ལིག་སྙ་ཤུར། བློན་པོ་ཁྱུང་པོ་ར་སངས་རྗེ་དང། སྟོང་ལོམ་མ་ཙེ་གཉྀས༎ [མྱང?]
(8) རོ་འི་པྱེད་ཀར་ན། རྗེ་རྩང་རྗེ་འི་ཐོད་ཀར། བློན་པོ་སུ་དུ་དང་གནང་གཉྀས༎ ཡུལ་གནུབས་གྱྀ་ཀླིང་དགུའ་ན་
(9) རྗེ་གནུབས་རྗེ་འྀ་སྲིས་པ༎ བློན་པོ་རྨེ་འུ་དང་གྲོ་གཉིས༎ ཡུལ་མྱང་རོ་འི་ཤམ་པོ་ན། རྗེ་ལོ་ངམ་བྱི་[བྲོམ?]
(10) [?]ཚ་ བློན་པོ་ངབ་མྱི་དང་འབྲེ་གཉིས། ཡུལ་སྐྱི་རོ་འི་ལྗང་སྔོན་ན། རྗེ་སྐྱི་རྗེ་འྀ་རྨང་པོ། བློན་པོ་ཤེ་འུ་དང་[སྤུག?]
(11) གཉིས༎ ཡུལ་ངས་པོ་འི་ཁྲ་སུམ་ན། རྗེ་དགུག་གྲྀ་འི་ཟིང་པོ་རྗེ། བློན་པོ་མགར་དང་མཉན་གཉིས༎
(12) ཡུལ་དབྱེ་མོ་ཡུལ་བཞྀ་ན། རྗེ་དབྱེ་རྗེ་འྀ་མཁར་པ། བློན་པོ་དབོ་དང་རྟུག་གཉིས༎ ཡུལ་འོ་ཡུལ་གྱི་སྤང་
(13) གར་ན༎ རྗེ་འོལ་རྗེ་འྀ་ཟིན་བྲང་ཚ། བློན་པོ་རྔོ་དང་དབའས་གཉིས༎ ཡུལ་རྔེགས་ཡུལ་གྱི་གྲུ་
(14) བཞྀ་ན། རྗེ་རྔེགས་རྗེ་འྀ་ལ་བྲང། བློན་པོ་སས་པ་དང་མྱང་ནད་གཉིས༎ ཡུལ་ཀླུམ་རོ་འི་ཡ་སུམ་ན་
(15) རྗེ་ནམ་པ་འི་བུ་གསེང་ཏི༎ བློན་པོ་མྱང་དང་སྦྲང་གཉིས༎ ཡུལ་སྲིབས་ཡུལ་གྱི་རལ་མོ་[གོང?]
(16) [རྗེ?]དྲང་རྗེ་འྀ་རྣོལ་ནམ། བློན་པོ་ཞུག་ཚམས་དང་དབྲད་གཉིས༎ ཡུལ་རྐོང་ལ་བྲེ་སྣར་ན༎ རྗེ་
(17) རྐོང་རྗེ་འྀ་དཀར་པོ། བློན་པོ་མཁར་པ་དང་ཕ་དྲུག་གཉིས༎ ཡུལ་མྱང་ཡུལ་གྱྀ་རྟ་གསུམ་[ནའ?]
(18) རྗེ་མྱང་ཙུན་སླང་རྒྱལ༎ བློན་པོ་འོ་རུ་དང་སྤྲགས་གཉིས༎ ཡུལ་དགས་ཀྱི་གྲུ་བཞི་ན། རྗེ་དགས་
(19) རྒྱལ་གྱྀ་སྤྲོག་ཟིན། བློན་པོ་ཕ་གུ་དང་པོག་རོལ་གཉིས༎ ཡུལ་མཆྀམས་ཡུལ་གྱི་དགུའ་ཤུལ་
(20) ནའ། རྗེ་མཆིམས་རྗེ་འྀ་ནེ་འུ། བློན་པོ་དང་དང་དིང་དིང་གཉིས༎ ཡུལ་སུམ་ཡུལ་གྱྀ་ཡ་སུམ་ནའ༎
(21) རྗེ་འཐལ་ལྗྀ་རྨང་རུ་ཏི། བློན་པོ་རླང་དང་ཀམ་གཉྀས༎ ཡུལ་འབྲོག་མོ་སྣམ་གསུམ་ནའ།
(22) རྗེ་སེ་རེ་ཁྲྀ། བློན་པོ་སྐྱང་རེ་གནག༎ རྒྱལ་པྲན་བཅུ་གཉིས་ན། སེ་རེ་ཁྲི་དང་བཅུ་གསུམ། བློན་པོ་
(23) ཉྀ་ཤུ་རྩ་བཞི་ན། སྐྱང་རེ་གནག་དང་ཉི་ཤུ་རྩ་ལྔ། མཁར་བཅུ་གཉིས་ན། དབུ་ལྡེ་[དམ(/ངམ)]པ་དང་བཅུ་གསུམ།
(24) ཡུལ་བཅུ་གཉྀས་ན། བྱང་ཀ་སྣམ་བརྒྱད་དང་བཅུ་གསུམ། རྒྱལ་དགུའ་སྔོ་བཅུ༎ བློན་[དགུའ?]
(25) མཆིམས་བཅུ་ཞེས་བྱ་སྟེ༎ དེ་ཡན་ཆད་ཡ་ཡོགས་ནི། གདོད་བྱིན་རུམ་གྱི་ནྀ་རྐྱེན་ཞེས་བྱ་སྟེ༎
(26) གནའ་ཡུལ་ཡུལ་ན་རྒྱལ་པྲན་དང། བློན་པོ་འདྀ་ལྟར་བབ་སྟེ༎ མྱི་མང་གྀ་རྗེ། ཡུལ་ཆེ་འི་བདག་
(27) བྱེད་བྱེད་པ་ལས། རྒྱལ་པོ་བཙན་བ་དང། བློན་པོ་འཛངས་པ་དཀུའ་བོ་ཆེ་རྣམས་ཀྱིས། གཆིག་
(28) གྀས་གཆིག་བརླག་སྟེ། འབངས་སུ་བཀུག་ན། མཐའ་མ་འོ་ལྡེ་སྤུ་རྒྱལ་གྱྀ་དབུ་རྨོག་མ་ཐུབ་སྟེ།
(29) མནར་ནྀ་ལྷ་ནར་གྱིས་མནརད། ཐུན་ནྀ་རྗེ་ཐུན་གྱིས་བཐུན་ཏེ་བཀུག་གོ༎
(30) ༄༅། ༔། ལྷ་གནམ་གྱྀ་སྟེང་ནས་གཤེགས་པའ༎ གནམ་ལྷབ་ཀྱི་བླ་ན༎ ཡབ་ལྷ་བདག་དྲུག་བཞུགས་པ་འི་སྲས། གཅེན་
(31) གསུམ་གཅུང་གསུམ་ན། ཁྲྀ་འི་བདུན་ཚྀགས་དང་བདུན། ཁྲི་འི་བདུན་ཚིགས་ཀྱྀ་སྲས། ཁྲི་ཉག་ཁྲྀ་བཙན་པོའ༎
(32) ས་དོག་ལ་ཡུལ་ཡབ་ཀྱི་རྗེ། དོག་ཡབ་ཀྱི་ཆར་དུ་གཤེགས་སཱོ༎ ལྷ་རྀ་གྱང་དོར་གཤེགས་ན། རྀ་རབ་ལྷུན་པོ་ཡང་
(33) དགུའ་དུད་དུད། ཤྀང་སྡོང་པོ་ཡང་བང་ཐང་ཐང། ཆབ་ལུ་མ་ཡང་དངོ་སིལ་སྀལ། གོར་ཕ་བོང་ལ་སྩོགས་པ་ཡང་
(34) མཉེད་ཁྲུང་ཁྲུང་གིས་པྱག་འཚལ་ལོ༎ བོད་ཀ་གཡག་དྲུག་གྀ་རྗེར་གཤེགས་སོ། ཐོག་མ་ས་ལ་གཤེགས་
(35) པ་ཡང། གནམ་མཐའ་འོག་གྀ་རྗེར་གཤེགས་པས། གནམ་གྱྀ་ནི་དབུས། ས་འྀ་ནི་དཀྱིལ། གླྀང་གི་ནི་སྙིང་
(36) པོ། གངས་ཀྱི་ནྀ་ར་བ། ཆུ་བོ་ཀུན་ཀྱི་ནི་མགོ་བོ༎ རྀ་མཐོ་ས་གཙང། ཡུལ་བཟང། མྱི་འཛངས་ཤིང་
(37) དཔའ་དུ་སྐྱེ། ཆོས་བཟང་དུ་བྱེད། རྟ་མགྱོགས་སུ་འཕེལ་བ་འྀ་གནསུ་གནས་སུ་ ཚུལ་ཀྱིས་བདམས་སྟེ་གཤེགསཱོ།
(38) རྒྱལ་པོ་གཞན་དང་མྱྀ་མཚུངས་པ་འྀ་ཆོས། པྱག་མཉེད་ཁྲུང་ཁྲུང་གྀས་འཚལ་ཞྀང། སླེ་བ་འོད་ཀྱིས་
(39) ལེན། མྱྀ་བཙུན་སོན་པ་འྀ་རྣམས། རྗེ་ས་འྀ་གོས་གྱོན་ཞིང། སྐྱེས་པ་ཆེད་པོ་རྣམས་བཙུན་བ་འི་[རྣམས?]
(40) པ་ཡང་དེ་ནས་བྱུང་བ་ཡྀན་ནོ༎ ཤྀང་རབས་ཀྱྀ་ནང་ན་ནྀ་ཐང་ཤྀང་རིང་པོ་རིང། ཆུ་རབས་ཀྱི་ནང་ན་ནི་
(41) ཡར་ཅུ་སྔོན་པོ་ཆེ༎ ཡར་ལྷ་ཤམ་པོ་ནི་གཙུག་གྀ་ལྷ་འོ༎
(42) ༄༅། ༔། གནམ་ལྷབ་ཀྱྀ་བླ་ན་ཡབ་བླ་བདག་དྲུག་བཞུགས་པ་པ་འྀ་སྲས༎ གཅེན་གསུམ་གཅུང་གསུམ་ན༎ ཁྲི་འི་བདུན་ཚྀགས་དང་བདུན༎
(43) ཁྲྀ་འི་བདུན་ཚྀགས་ཀྱི་སྲས༎ ལྡེ་ཉག་ཁྲི་བཙན་པོ། ས་དོག་ལ་ཡུལ་ཡབ་ཀྱི་རྗེ་དོག་ཡབ་ཀྱྀ་ཆར་དུ་གཤེགས་ནས༎ ལྷ་སྲས་མྱི་
(44) ཡུལ་གྱྀ་རྒྱལ་མཛད་ཅིང་བཞུགས་པ་ལས། མངོན་དུ་ཐལ་བྱུང་དགུང་དུ་གཤེགས་པ༎ ལྡེ་ཉག་ཁྲི་བཙན་པོ་དང། གནམ་མུག་
(45) མུག་དུ་བཤོས་པ་འྀ་སྲས༎ མུ་ཁྲི་བཙན་པོ་མུག་མུ་ ཁྲི་བཙན་པོ་དང་ས་དྀང་དིང་དུ་བཤོས་པ་འྀ་སྲས༎ དྀང་ཁྲི་བཙན་པོ་དིང་ཁྲི་
(46) བཙན་པོ་དང། སོ་ཐམ་ཐམ་དུ་བཤོས་པ་འྀ་སྲས། སོ་ཁྲི་བཙན་པོ། སོ་ཁྲི་བཙན་པོ་འི་སྲས། དེ་ཁྲི་བཙན་པོ། དེ་ཁྲི་བཙན་
(47) པོ་འི་སྲས། ཁྲི་སྤེ་བཙན་པོ༎ འདྀ་ཡན་ཆད་འདྲའ་སྟེ། སྲས་ཆྀབས་ཀ་ཐུབ་ན། ཡབ་དགུང་དུ་གཤེགས་སོ༎ ཁྲི་སྤེ་
(48) བཙན་པོ་འྀ་སྲས། དྲྀ་གུམ་བཙན་པོ། དྲི་གུམ་བཙན་པོ་འི་སྲས༎ སྤུ་དེ་གུང་རྒྱལ་གནམ་ལ་དྲི་བདུན། ས་ལེ་ལེགས་
(49) དྲུག་བཤོས་ན། སྤུ་དེ་གུང་རྒྱལ་གྲོངས་ན༎ གྲང་མོ་གནམ་གསེར་བརྩིག། གསེར་བརྩིག་གྀ་སྲས༎ ཐོ་ལེག་
(50) བཙན་པོ༎ ཐོ་ལེག་བཙན་པོ་འི་སྲས། ཤོ་ལེགས་བཙན་པོ། ཤོ་ལེགས་བཙན་པོ་འི་སྲས༎ གོ་རུ་ལེགས་བཙན་པོ་
(51) གོ་རུ་ལེགས་བཙན་པོ་འི་སྲས༎ འབྲོང་ཞི་ལེགས་བཙན་པོ། འབྲོང་ཞི་ལེགས་བཙན་པོ་འི་སྲས། ཐི་ཤོ་ལེག་བཙན་པོའ།
(52) ཐྀ་ཤོག་ལེག་གི་སྲས། ཨཱི་ཤོ་ལེག་བཙན་པོ༎ ཨི་ཤོ་ལེག་གྀ་སྲས། ཟྭ་གནམ་ཟྀན་ཏེ༎ ཟྭ་གནམ་ཟྀན་ཏེ་འི་སྲས།
(53) ལྡེ་པྲུ་བོ་གནམ་གཞུང་བརྩན། གནམ་གཞུང་བརྩན་གྱྀ་སྲས༎ ལྡེ་གོལ། ལྡེ་གོལ། ལྡེ་གོལ་གྱི་སྲས། གནམ་ལྡེ་རྣོལ་
(54) ནམ། གནམ་ལྡེ་རྣོལ་ནམ་གྱྀ་སྲས། བསེའ་རྣོལ་པོ། བསེ་རྣོལ་པོ་འི་སྲས། ལྡེ་རྒྱལ་པོ། ལྡེ་རྒྱལ་པོ་འི་སྲས།
(55) རྒྱལ་སྲྀན་བརྩན། རྒྱལ་སྲིན་བརྩན་གྱྀ་སྲས། རྒྱལ་ཏོ་རེ་ལོངས་བརྩན། རྒྱལ་ཏོ་རེ་ལོངས་བརྩན་གྱི་སྲས།
(56) ཁྲི་བཙན་ནམ༎ ཁྲྀ་བརྩན་ནམ་གྱྀ་སྲས། ཁྲི་སྒྲ་སྦུང་བརྩན། ཁྲྀ་སྒྲ་སྦུང་བརྩན་གྱི་སྲས༎ ཁྲྀ་ཐོག་བརྩན་
(57) ཁྲི་ཐོག་བརྩན་དང། རུ་ཡོང་ཟ་སྟོང་རྒྱལ་མཚོ་མར་བཤོས་པ་འྀ་སྲས། ལྷ་ཐོ་དོ་སྙ་བརྩན། ལྷ་ཐོ་དོ་
(58) སྙ་བརྩན་དང། གནོའ་ཟ་མང་མོ་རྗེ་ཇི་དགོས་སུ་བཤོས་པ་འྀ་སྲས༎ ཁྲྀ་སྙ་ཟུང་བརྩན། ཁྲྀ་སྙ་ཟུང་
(59) བརྩན་དང། འབྲོའ་ཟ་དུང་པྱང་བཞེར་དུ་བཤོས་པ་འྀ་སྲས། འབྲོ་མཉེན་ལྡེ་རུ། འབྲོའ་མཉེན་ལྡེ་རུ་དང།
(60) མཆིམས་ཟ་ཀླུ་རྒྱལ་ངན་མོ་མཚོར་བཤོས་པ་འྀ་སྲས༎ སྟག་བུ་སྙ་གཟིགས། སྟག་བུ་སྙ་གཟིགས་དང།
(61) འོལ་གོད་ཟ་སྟོང་ཙུན་འབྲོ་གར་བཤོས་པ་འྀ་སྲས༎ སློན་བཙན་རླུང་ནམ། སློན་བཙན་རླུང་ནམ་དང།
(62) ཚེས་པོང་ཟ་འབྲིང་མ་ཐོག་དགོས་སུ་བཤོས་པ་འྀ་སྲས༎ སྲོང་ལྡེ་བརྩན། སྲོང་ལྡེ་བརྩན་དང། མོང་
(63) ཟ་ཁྲྀ་མོ་མཉེན་ལྡོང་སྟེང་དུ་བཤོས་པ་འྀ་སྲས༎ གུང་སྲོང་གུང་རྩན། གུང་སྲོང་གུང་རྩན་དང། ཁོན་ཅོ་མང་མོ་
(64) རྗེ་ཁྲི་སྐར་དུ་བཤོས་པ་འྀ་སྲས༎ མང་སློན་མང་རྩན། མང་སློན་མང་རྩན་དང། འབྲོའ་ཟ་ཁྲི་མ་ལོད་
(65) [ཁྲྀ?]སྟེང་དུ་བཤོས་པ་འྀ་སྲས༎ འདུས་སྲོང་མང་པོ་རྗེ། འདུས་སྲོང་མང་པོ་རྗེ་དང། མཆིམས་ཟ་བཙན་
(66) མ་ཐོག། ཐོག་སྟེང་དུ་བཤོས་པ་འྀ་སྲས༎ ཁྲྀ་ལྡེ་བཙུག་བརྩན༎ ཁྲི་ལྡེ་གཙུག་བརྩན་དང། སྣ་ནམ་ཟའ་
(67) མང་མོ་རྗེ་བཞྀ་སྟེང་དུ་བཤོས་པ་འི་སྲས། ཁྲི་སྲོང་ལྡེ་བརྩན། ཁྲི་སྲོང་ལྡེ་བརྩན་དང། ཚེས་པོང་ཟ་རྨ་རྒྱལ་
(68) ལྡོང་སྐར་དུ་བཤོས་པ་འྀ་སྲས། མུ་ནེ་བརྩན་དང། ལྡེ་སྲོང་བརྩན། མུ་བརྩན་གདུང་ཆད་ནས། ལྡེ་སྲོང་
(69) བརྩན་དང། འབྲོ་ཟ་ལྷ་རྒྱལ་མང་མོ་རྗེར་བཤོས་པ་འྀ་སྲས། ཁྲྀ་གཙུག་ལྡེ་བརྩན་དང། འུ་འྀ་དུམ་བརྟན་
';