Old Tibetan Documents Online བོད་ཡིག

Text Archives > insc_Skar

insc_Skar
    This Text All the Texts Find both and  
1. Content : The Skar cung inscription
2. Location : Ra ma sgang, 3.2. kilometers southwest of Lhasa
3. Date : reign of Khri lde srong brtsan (779?-815)
4. Condition : in Nor bu gling ka (Takeuchi 1996: 233)
5. Photos / Rubbings :
Richardson (1949: plate X): lines 32-41(42), (1963 [sic. 1973]: plate 17): lines 38-41 (partial): (1985: plate 10): lines 24-35(36), Snellgrove and Richardson (1968: 38): lines 24-36.
6. References :
Richardson (1949: 1973) [*], Tucci (1950: 4-8, 53-54, 104-108) [*], Wang (1982: 151-163) [I. Translit., I. Trans.], Richardson (1985: 72-81) [I. Translit., I. Trans.], Bsod rnams skyid (1984: 106-113) [*], Li and Coblin (1987: 316-331) [I. Translit., I. Trans.].

Transliteration   (Change the Display Format)

(1) ༄༅༎ འཕྲུལ་གྱྀ་ལྷ་བཙན་པོ་ཁྲི་ལྡེ་སྲོང བརྩན་གྱི་རིང
(2) ལ༎ དམ་པའྀ་ཆོས་ཡུན་དུ་བརྟན་བར་གཙིགས
(3) བརྣན་པ༎
(4) ༄༅༎ འཕྲུལ་གྱྀ་ལྷ་བཙན་po/ མྱེས། ཁྲྀ་སྲོང་བརྩན་གྱི་
(5) རིང་ལ༎ སངས་རྒྱས་kyI ཆོས་མཛད་དེ༎ ར་སའི་གཙུག་
(6) ལག་ཁང་ལས་སྩོགས་པ་བརྩྀགས་ཤིང༎ དཀོན མཆོག་
(7) གསུམ་གྱྀ་རྟེན་བཙུགས་པ་དང༎ མྱེས། ཁྲི འདུས་སྲོང་གྀ་
(8) རྀང་ལ༎ གླིང་གྀ་ཁྲི་རྩེ་ལས་སྩོགས པར། གཙུགས་ལག་
(9) ཁང[kha]ng བརྩྀགས་སྟེ༎ དཀོན་མཆོག་གསུམ་གྱྀ་རྟེན་བཙུགས་
(10) པ་དང༎ མྱེས། ཁྲྀ་ལྡེ་གཙུག བརྩན་གྱྀ་རིང་ལ༎ བྲག་མར་གྱྀ་
(11) ཀྭ་ཅུ་དང་མཆྀང ཕུར་གཙུག་ལག་ཁང་བརྩྀགས་སྟེ༎ དཀོན་
(12) མཆོག་གསུམ གྱྀ་རྟེན་བཙུགས་པ་དང༎ ཡབ། ཁྲྀ་སྲོང་ལྡེ་
(13) བརྩན གྱྀ་རིང་ལ༎ བྲག་མར་གྱྀ་བསམ་ཡས་ལས་སྩོགས་
(14) པ། དབུང་མཐར་གཙུག་ལག་ཁང་བརྩྀགས་སྟེ༎ དཀོན་
(15) མཆོག་གསུམ་གྱྀ་རྟེན་བཙུགས་པ་དང༎ ལྷ་བཙན་པོ། ཁྲི།
(16) ལྡེ་སྲོང་བརྩན་གྱྀ་རིང་ལ་ཡང༎ སྐར་ཅུང་གཙུག་ལག་ཁང་
(17) ལས་སྩོགས་པ་བརྩྀགས་སྟེ༎ དཀོན་མཆོག་གསུམ་གྱྀ་རྟེན་
(18) བཙུགས་པ་ལས་སྩོགས་པ༎ གདུང་རབས་རྒྱུད་ཀྱྀས།
(19) འདྀ་ལྟར་སངས་རྒྱས་ཀྱྀ་ཆོས་མཛད་པ་འདི༎ ནམ་དུ་ཡང་མ་
(20) ཞྀག། མ་བཏང་ན༎ ལེགས་པ་དཔག་དུ་མྱེད་པར་འགྱུར༎
(21) བཏང་སྟེ། ཞྀག་གམ། མྱེད་པར་གྱུར་ན༎ སྡིག་པ་གྲངས་མྱེད་
(22) པར་འོང་བས༎ ད་ཕྱྀན་ཆད་ནམ་ནམ་ཞ་ཞར༎ འཕྲུལ་གྱྀ་ལྷ་
(23) བཙན་པོ། ཡབ། ཁྲྀ་སྲོང་ལྡེ་བརྩན་གྱྀ་རིང་ལ༎ དཀོན་མཆོག་
(24) གསུམ་གྱྀ་རྟེན་བཙུགས་པ་དང། སངས་རྒྱས་ཀྱྀ་ཆོས་མཛད་པ་
(25) མྱྀ་གཏང་མ་ཞིག་པར༎ གདུང་རབས་རྒྱུད་ཀྱྀས་ཡི་དམ་བཅའོ་
(26) ཞེས་འབྱུང་བ་ལས་སྩོགས་པ༎ བཙན་པོ་ཡབ་སྲས༎ རྗེ་
(27) བློན། ཀུན་ཀྱྀས་དབུ་སྙུང་དང་བྲོ་བོར་ཏེ༎ གཙིགས་ཀྱྀ་ཡི་གེ་དང།
(28) རྡོ་རྀངས་ལ་བྲིས་པ་བཞྀན་དུ་ཡང་མཛད་དོ༎ འདྀ་ལྟར༎ ཡབ་
(29) མྱེས། གདུང་རབས་རྒྱུད་ཀྱྀས༎ དཀོན་མཆོག་གསུམ་གྱྀ་རྟེན་
(30) བཙུགས་ཤྀང། སངས་རྒྱས་ཀྱྀ་ཆོས་མཛད་པ་འདི༎ གཅེས་སྤྲས་ཅྀ་
(31) ལ་ཡང། སྡྀག་གོ་ཞེའམ། མ་ལེགས་སོ་ཞེས༎ མོ་དང་རྨྱི་ལྟས་ལས་
(32) སྩོགས་སྟེ། ཅྀའི་ཕྱིར་ཡང་རུང་སྟེ། མྱྀ་གཞིག་གོ། མྱྀ་སྤང་ངོ༎ དེ་སྐད་
(33) ཅེས། ཆེ་ཆུང་སུས་གསོལད་ཀྱྀས་ཀྱང། དེ་ལྟར་མྱི་མཛད་དོ༎ བཙན་
(34) པོ་དབོན་སྲས༎ སྐུ་ཆུ་ངུར་བཞུགས་པ་ཡན་ཅད༎ ཆབ་སྲྀད་ཀྱི་
(35) མངའ་བདག་མཛད་པ་མན་ཆད་ཀྱང༎ དགེ་སློང་ལས། དགེ་བའྀ་
(36) བཤེས་ཉེན་བསྐོས་སྟེ། ཆོས་ཐུགས་སུ་ཅྀ་ཆུད་ཆུད་དུ་བསླབ་ཅིང༎ བོད་
(37) ཡོངས་ཀྱྀས་ཀྱང་ཆོས་སློབ་ཅིང་སྤྱད་པའྀ་སྒོ་མྱི་གཅད། ནམ་དུ་ཡང་བོད་ཡ་
(38) རབས་མན་ཅད། བོད་འབངས་ལས་ཐར་པར་གཟུད་པའྀ་སྒོ་མྱི་བགག་
(39) པར། དད་པའྀ་རྣམས་ལས་ཐར་པར་བཙུད་དེ༎ དེའི་ནང་ནས་
(40) ནུས་པ་ལས༎ བཅོམ་ལྡན་འདས་ཀྱྀ་རིང་ལུགས་རྟག་དུ་བསྐོ་
(41) ཞྀང༎ བཅོམ་ལྡན་འདས་ཀྱྀ་རིང་ལུགས་བྱེད་པའྀ་རྣམས་ཆོས་འཁོར་
(42) ནས་བྱའོ་ཅོག་གྀ་བཀའ་ལ་ཡང་བཏགས་སྟེ༎ ཆོས་འཁོར་གྱྀ་ལས་དང་
(43) དབང་བྱེད་ཅྀང། དགེ་བའྀ་བཤེས་ཉེན་བྱེད་པར་བསྐོའོ༎ རབ་དུ་བྱུང་བའྀ་
(44) རྣམས༎ ངེད་ཡབ་སྲས་ཀྱྀས། མཆོད་གནས་སུ་གནང་བ་བཞྀན་དུ་བྱས་
(45) སྟེ༎ བཙན་པོའི། ཕོ་བྲང་ན་དཀོན་མཆོག་གསུམ་གྱྀ་རྟེན་བཙུགས་ཤྀང།
(46) མཆོད་པ་ཡང༎ གུ་དུ་མྱྀ་སྤང་མྱི་བསྐར་ཞྀང་མཆོད་གནས་སུ་བགྱྀའོ༎
(47) མདོར་ན༎ བཙན་པོའྀ། ཕོ་བྲང་དང། བོད་ཁམས་ན། དཀོན་མཆོག་གསུམ་མྱེད་
(48) པ་དང། སྤང་བའྀ་ཐབས་ཅྀ་ཡང་མྱྀ་མཛད་དོ༎ ཡབ་མྱེས་དབོན་སྲས་
(49) གང་གྀ་རིང་ལ་ཡང་རུང་སྟེ། དཀོན་མཆོག་གསུམ་གྱྀ་རྐྱེན་བཅད་པའི་རྣམས་
(50) ཀྱང་མ་དམའས་མ་ཞྀག་པའྀ་ཆོས་སུ༎ ལྷ་རྀས་ཀྱི་ཁྱྀམ་ཡྀག་གྀ་མགོ་ནན་ལས་
(51) འབྱུང་བ་བཞྀན་དུ་ཆིས་མཛད་དོ༎ ད་ཕྱྀན་ཆད་གདུང་རབས་རེ་རེ་ཞིང་ཡང།
(52) བཙན་པོ་ཡབ་སྲས་ཀྱྀས། འདྀ་བཞིན་དུ་ཡྀ་དམ་བཅའོ༎ དེ་ལས་མནའ་ཁ་
(53) དབུད་པ་དག་མྱྀ་བགྱྀ་མྱི་བསྒྱུར་བར༎ འཇྀག་རྟེན་ལས་འདས་པ་དང། འཇྀག་
(54) རྟེན་གྱྀ་ལྷ་དང་མྱྀ་མ་ཡྀན་པ་ཐམས་ཅད་ཀྱང། དཔང་དུ་གསོལ་ཏེ༎ བཙན་པོ།
(55) རྗེ་བློན་ཀུན་ཀྱྀས་ཀྱང། དབུ་སྙུང དང། བྲོ་བོར་རོ། གཙིགས་བརྣནད་པའྀ་
(56) ཡྀ་གེ་ཞིབ་མོ་ནི ཡབ་ཀྱྀ་རིང་ལ་གཙྀགས་ཀྱྀ་ཡི་གེ་བྲྀས་པའི་ཟླ[z]la []
(57) བཞག་གོ
';