Old Tibetan Documents Online བོད་ཡིག

Text Archives > insc_Zhva_E

insc_Zhva_E
    This Text All the Texts Find both and  
1. Content : East inscription at the Zhva'i Lha khang
2. Location : Zhva'i lha khang, eighty kilometers northeast of Lhasa
3. Date : 812
4. Condition :
5. Photos / Rubbings :
Richardson (1985: plate 7): east, lines 1-19, (1985: plate 8): east, lines 9-29
6. References :
Bsod rnams skyid (1984: 88-89, 94-98) [*], Li and Coblin (1987: 261-299) [I. Translit., I. Trans.], Richardson (1952-52: 1985:1985: 43-63) [I. Translit., I. Trans.], Wang (1982: 105-134) [I. Translit., I. Trans.], Chen and Wang (2003: 77-79, 83-86, 90-92) [I. Translit., I. Trans.].

Transliteration   (Change the Display Format)

(1) ༄༅༎ མྱྀའི་རྒྱལ་པོ་ལྷས་མཟད་པ་ [འཕྲུལ]གྱྀ་ལྷ་
(2) བཙན་པོ་ཁྲི། ལྡེ་སྲོང་བརྩན་གྱི། བཀས༎ bka[s///]
(3) བན་དེ་མྱང་ཏྀང་ངེ་འཛིན། དབུ སྙུང་གཙྀགས་སླད་ཀྱིས་
(4) གནང་བ༎ བན་དེ་ཏིང་ངེ་འཛྀན། ངའི་ཆབ་སྲིད་འདོན་
(5) ཅིང། ཞོ་[]ཆེན་པོ་འབུལ་འབུལ་བ། གཙྀགས་སྔ་མ་
(6) གནངg[na]ng བའྀ་ཚེའང་ཟླ་དཔེ་དང༎ ཞོ་ཤའྀ་རྐྱེན་བཞྀན་
(7) བཀའ་+འ་ དྲྀན་འོས་པ་ཙམ་དུ་གནང་བ་ལས། བན་དེ་ཉིད་
(8) ཀྱིས། བཀའ་+འ་ དྲྀན་མྱྀ་ནོད་པར་གསོལ་ནས༎ གཙྀགས་
(9) རན་པར་དཔགས་པ་ལས་ཀྱང་ཕྲྀ་ཞིང་སྨད་པ་ཞོ་
(10) ཤའྀ་རྐྱེན་ཏུ་མ་བབ་སྟེ། བཀ་དྲིན་ཆུངས་ཤྀང་ཕམ་བར་
(11) གྱུརད། བན་དེ་ཏིང་ངེ་འཛྀན་ཀྱིས། ངའྀ་ཞ་སྔར་ཆབ་སྲྀད་
(12) གསོལ་ནས། ངའྀ་སྐུ་རིང་ལ། སྐུ་དང་+ང་ ཆབ་སྲྀད་ལ་འཕྲལ་
(13) ཡུན་གཉིས་སུ་ལེགས་པའྀ་བཀའ་གྲོས་གསོལད་ཅྀང་
(14) སྤྱིར་དཔེན་པའྀ་ལས་ཆེན་པོ་བྱས་པ་དང་+ང་ བླ་འོག་ཕྱོགས་
(15) སུ་བདེ་བ་དང། ཕན་བའྀ་མདོ་ཆེན་པོ་བྱེད་བྱེད༎ སྙིང་
(16) ཉེ་ཉེ་སྟེ། ཞོ་ཤ་ཆེར་ཕུལ་བ། བཀའ་དྲིན་གཙྀགས་
(17) བསྐྱེད་པར། ངའྀ་ཐུགས་ལ་དགོངས་ན། བན་དེ་ནི་གཙིགས་+ས་
(18) སྔར་གནང་བས་འཚལ་ཏེ་མྱི་བསྐྱེད་པར་གསོལ་གྱིས་
(19) ཀྱང་ཞོ་ཤ་ཆེན་པོའི་ལན། བཀའ་+འ་ དྲྀན་མྱྀ་འཕམ་བར་སྦྱྀན་པའྀ་
(20) རིགས་པར། རྗེ་བློན་མོལ་ནས། གཙྀགས་སྔར་གནང་བ་
(21) ཡང་+ང་ དེ་བཞིན་གནང་བའྀ་སྟེང་དུ། བན་དེ་ཏིང་ངེ་འཛྀན་སྙིང་
(22) ཉེ་ཞིང་ཞོ་ཤ་ཆེན་པོ་ཕུལ་བའྀ་ཕྱིར། བཀའ་+འ་ དྲིན་འབྲུག་གི་ལོ་
(23) ཕྱི་མ་ལ། ཕོ་བྲང་འོན་ཅང་དོ་ན་བཞུགས་པའྀ་ཚེ། གཙིགས་
(24) གསར་དུ་བསྐྱེད་དེ། ངའྀ་བཀས་གནང་+ང་ བ༎ ཡྀ་གེ་གཡུང་དྲུང་
(25) སྔར་གནང་བ་བས་བསྟོད་དེ་ཆེར་གནང་+ང་ བློན་སྣང་བཟང་
(26) འདུས་ཀོང་+ང་ གི་བུ་ཚ་འཕེལ་རྒྱུད་དམངས་ཀྱི་རྣམས་ཀྱང་གཙང་+ང་
(27) དང་+ང་ སྟོང་ལས་སྩོགས་པ་སྒོར་བདེ་བའྀ་རྣཾས། ཞང་ལོན་ཡྀ་གེ་
(28) ཅན་གྱི་ཐང་དུ་གནང་བ་དང་+ང་ མ་ཉེས་པར་སྲོག་སྲིད་ལ་དཀུ་
(29) དང་+ང་ གནོད་པ་བྱེད་ཞྀག་ཡོད་ན། སུ་ལ་བབ་ཀྱང་རུང། དཀུའ་
(30) བ་དང་+ང་ ཕེའུ་པའྀ་ངོ་ཁར་མྱྀ་དོར་བར། དཀུ་བ་དུ་གཏོགས་པ༎
(31) བཀ་གྱོད་ལ་གདགས་པར་གནང་བ་དང་+ང་ ལྷ་རྀས་སུ་བསྔོས་པ་
(32) ལས[l]as ཅིར་གྱུར་ཀྱང། བླ་འོག་གཞན་གྱྀས་དབང་+ང་ མྱི་བྱ་བར་གནང་+ང་
(33) []ལས་སྩོགས་ཏེ། གཙིགས་སྔ་མའྀ་སྟེང་དུ། གཙིགས་ཕྱྀ་མ་
(34) བསྣན[b]snan བསྐྱེད་དེ་གནང་བ་རྣམས་ཀྱང། དེ་བཞྀན་དུ། ནམ་ཞར་
(35) བརྩན[b]rtsan བར་གནང་སྟེ། ངའྀ་ཞ་སྔ་ནས་ཀྱང་དབུ་སྙུང་གནང་+ང་ ཇོ་མོ་
(36) མཆེད[m]ched དང་+ང་ རྒྱལ་ཕྲན་དང་+ང་ ཆབ་སྲྀད་ཀྱྀ་བློན་པོ་རྣམས་དང། ཞང་
(37) ལོན[l]on ཕྲ་མོ་ཐམས་ཅད་ཀྱང་བརྣན་ཏེ། མནས་བསྒགས་ནས།
(38) གཙིགས་བསྣན་བསྐྱེད་དེ་གནང[g]nang བ་ཡང་+ང་ ཡུན་ཏུ་བརྟན་ཞྀང་+ང་ མངོན་
(39) བར་བྱ་བའྀ་ཕྱིར། མདོའ་རྡོ་རིངས་ལ་བྲྀས་ཏེ་མཐའ་+འ་ ཕྱག་རྒྱས་
(40) བཏབ་ནས། གཙུག་ལག་ཁང་དང་+ང་ གཙྀགས་ཀྱྀ་མཁར་བུའྀ་
(41) དྲུང་དུ་བཞག་པ་ཡིན་གྱིས༎ རྗེ་བློན་ཕྱི་རབས་མངའ་+འ་ མཛད་པ་
(42) རྣཾས་ཀྱྀས་ཀྱང། ནཾ་ནཾ་ཞ་ཞར་གཙྀགས་རྣཾ་གཉིས་ཀྱྀ་ཡི་གེ་ལས་
(43) འབྱུང་བ་དང། རྡོ་རིངས་རྣཾ་གཉྀས་ལ་བྲྀས་པ་ལས་མྱྀ་དབྲྀ་མྱི་
(44) བཅོས་མྱི་བསྒྱུར་བར་གྱྀས་ཤིག༎ གཙྀགས་སྔ་མའྀ་སྟེང་
(45) དུ་ཕྱྀས་གཙྀགས་བསྣན་བསྐྱེད་དེ། གནང་བ་ཡང། ཞིབ་ཏུ་ནྀ་
(46) གཙྀགས་ཀྱྀ་ཡི་གེ་ལ་བྲྀས་ཏེ། ཕྱག་སྦལ་དུ་
(47) བཞག། དཔེ་གཅྀག་གཙིགས་སྔ་མ་དང་+ང་ ཕྱོགས་+ས་
(48) སུ་གཙྀགས་ཀྱི་མཁར་བུ་འདྀར་བཞག་+ག་ དཔེ་
(49) གཅྀག་འོག་དཔེར་འཆང་དུ་བཅུག་གོ༎
';