IOL Tib J 151 (= Ch.73.XIV.11 = vol. 68, fol. 52-53)
1. Content : Recto, Skye shi'i 'khor lo ’The history of the cycle of birth and death'. Verso, Lha yul du lam bstan pa 'Account of the way (which leads) to the country of the gods'.
2. Note : Concertina. The beginning and the end are missing. 10 folios with 6-7 lines on each side.
3. References :
To recto, Valée Poussin (1962: 57) [P.Translit.].
(r1-01) 'dra 'is slar smras pa / / de ni skye zhing 'chI ba'i chos / / skye shi lo rgyus shin tu zab / / de 'i chos thsul bdag ma
(r1-02) / 'tshal / / dge ba 'di nas phar bzhud la / / lang ka gnas kyi mtsho 'gram na / / bar snang khams kyi dbang chen la / /
(r1-03) de la skye shi lo rgyas / / dris / / de nas lha bu rin cen lag / / de skad bstan pa'i tshig thos nas / /
(r1-04) / / skyes shi lo rgyus dri ba'I phyir / / bar snang dbangb +ng chen de tsh[o]l du / / 'khor tang b[c]as ste mchis pa ni / / lha 'i cod
(r1-05) pan pu ru ru / / mchod pa'i sIl snyan si lI li / / rnga dbyangs sna tshogs di rI ri / / de nas lha bu rin cen lag
(r1-06) / yul khams mang po phar 'das ste / / lang ka'i mtsho 'i 'gram du phyIn / / bar snang dbang cen de dang mjal /
(r2-01) pyag byas lag sbyar 'di skad smras / / 'phags pas bdag la thugs rje gzigs / / ma 'tshal dri zhing gsol /
(r2-02) ba mchis / / mya ngan rgya mtsho bshad myi lang / / btsun ba khyod kyis bdag ston ces / / tshig bzang snyan pa du mas gsold / /
(r2-03) / bar snang dbang pos slar smras pa / / dge bas dri ba jI zhig mchis / / bar snang dbang cen dag gis nI / / byang cub sems /
(r2-04) pa'i rnam thar pa' / / dogs pa myed pa'i sgo thob ste / / phyogs bcu 'i sang rgyas zhing kun du / / lus kyis dbang ba thogs /
(r2-05) / pa myed / / dngos myed gnas myed byin rlabs kyIs / / bdag ni nam ka dbyIngs la 'gro / / sa la byI 'u 'dzul sting du 'byung /
(r2-06) / / chu la 'gro na '[-]ing ba myed / / 'gro ba kun dang 'dra ba'i / / spruld pa'I sprin kyang rab tu 'gyed / / phyogs bcu 'I khams kyi sangs
(r3-01) rgyas kun / / yang dag chos tsul / / ci gsung ba / / de dag thams cad bdag gis thos / / de 'dra ba'i mthu thob pas / /
(r3-02) / sems can gang gis bdag mthong ba' / / de kun nges par byang cub ste / / bdag gi yon tan de 'dra na / / dge bas
(r3-03) dri ba ji zhIg mchis / / rIn cen lag gis 'dI skad gsold / / bdag gi pha nI 'od 'bar rgyal / / de ni tshe 'phos /
(r3-04) lus rjes na / / ji bgyis slar mchi phrad par rung / / ji bgyIs bde zhing skyIs par 'gyur / / de skad ces ni dris pa
(r3-05) dang / / bar snang dbang pos slar smras pa' / / de ni skye zhI shi [ba]'I [ch]os / / skye shi chol shIn tu zab / / de 'i chos tshul
(r3-06) bdag ma 'tshal / / dge ba 'di nas par bzhud la / / sprin cence+n rgyal la dri bar mdzo[d] / / de [na]s lha bu rin
(r4-01) cen lag / / yul khams mang po phar 'das ste / / rdo rje grong khyer der phyin na / / sprIn cen rgyal po khri la 'dug /
(r4-02) / sems can mang la chos bstan pa / / rin cen lag gIs de mthong na / / rkang la spyi bos phyag 'tshal te / / bskor nas
(r4-03) lag sbyar 'di skad smras / / 'phags pas bdag la thugs rje gzigs / / ma 'tshal dri zhing gsol ba mchIs / /
(r4-04) / mya ngan rgya mtsho bshad myi lang / / khyod kyis de dag bdag ston ces / / tshig bzang snyan pa du mas gsold / / sprin cen
(r4-05) rgyal pos slar smras pa' / / dge bas bdag la ji zhig drI / / sprin cen rgyal po bdag gis nI / / dbyangs tang ldan
(r4-06) ba'i gzugs thob ste / / kha'i nang nas 'od kyang byung / / 'od 'phro phung po de rnams kyIs / / stong sum 'jig
(r5-01) rten 'das par gyur sems can gang gis de mthong ngam 'od 'phro de [gy]is reg 'gyur pa / thams cad bdag gi drung du 'dus / / yi ge 'khor lo rgyan bstan pas / / shes shing
(r5-02) rtogs par byas pas na / / bla na myed pa'i byang cub las / / de kun phyir myI ldog par byas / / bdag gi yon tan de 'dra
(r5-03) na / / dge bas dri ba jI zhig mchIs / / rin cen lag gis 'dI skad gsol / / bdag gi pha nI 'od 'bar rgyal / /
(r5-04) / de nI tshe 'phos lus rjes na / / jI bgyis slar mchI phrad par rung / / jI bgyis bde zhIng skyid par 'gyur / / de skad
(r5-05) ces ni drIs pa dang / / sprin cen rgyal pos slar smras pa / / de nI skyes shing shI ba'I chos / / skye shI lo rgyus shin tu
(r5-06) zab / / de 'i chos tshul bdag ma 'tshal / / dge ba 'di nas phar bzhus la / / tshong pon btang brjod de la /
(r6-01) / dris / / de skad bstan pa'i tshIg thos nas / / rjes gus par phyag byas te / / de nas lha bu rin cen lag skye shi 'I
(r6-02) chos tshul dri ba'i phyIr / / tsheng pon btang brjod de tshol du / / 'khor tang bcas te mchis pa nI / / lha 'i cod pan pu ru
(r6-03) ru / / rin cen sIl snyan si lI lI / / rnga sbyangs sna tshogs di ri ri / / de nas lha bu rin cen lag / / yul khams /
(r6-04) mang po phar 'das ste / / [gnas?] tshal gnas pa'i yul du phyIn / / de nas tshong pon btang brjod de / / 'dug
(r6-05) par yang nI de mthong nas / / rkang la gus par phyag 'tshald te / / mdun du thal sbyar 'di skad smras / / 'phags pas /
(r6-06) bdag la thugs rje gzigs / / ma 'tshal dri zhing gsol ba mchis / / mya ngan rgya mtsho bshad myI lang / / de 'i lus
(r7-01) la snang ba ni / / phyogs bcu 'i sang rgyas bcom ldan 'das / / zhing bcu rdul phran mnyam ba dag / / 'khor tang yon tan /
(r7-02) rnams su bcas / / theg pa sna tshogs rnam par bkod / / sangs rgyas kyIs ni spruld pa dang / / spyod lam sna tshogs
(r7-03) kun ston pa' / / de kun tshong pon lus la snang / / de nas ting nge 'dzIn las langs / / rin cen lag la slar smras pa' / /
(r7-04) / dge bas bdag la ji zhIg dri / / tshong pon btang brjod bdag gis nI / / rnam par thogs myed rgyan shes pas / / phyogs
(r7-05) bcu sang rgyas de yang mthong / / de dag 'di ru byon pa myed / / rang gi lus kyang 'gro ba myed / / de bzhin gshegs pas
(r7-06) / dmyigs pa yang / / rmyi lam gzugs brnyan lta bu dang / / sgyu ma byas pa'i gzugs 'dra ste / / gsung yang
(r8-01) / sgra brnyan brag ca bzhin / / rang sems rnam par dmyigs pa yang / / rmyi lam chu zla sgyu ma dang / / sgra brnyan lta bur bdag
(r8-02) gIs shes / / byang cub sems pa'i tshogs kun gyang / / rang sems byin kyI rlabs las 'byung / / de 'dra shes nas
(r8-03) 'di snyam bsems / / dge ba rang sems nye bar bstan / / chos kyI sprin kyis rang sems rlan / / sgrib pa'i chos las /
(r8-04) rang sems sbyangs / / brtson grus gyIs ni rang sems brtan / / bzod pas rang gi sem nyId bsnyams / / ye shes rtog
(r8-05) pas sems nyid gzhol / / shes rab kyIs ni yongsu sbyangs / / 'dri 'dra 'I tshul ni rab tu shes / / bdag gi yon tan de
(r8-06) 'dra na / / dge bas dri ba jI zhig mchis / / rin cen lag gis 'dI skad gsold / / bdag gi pha nI 'od 'bar rgyal /
(r9-01) / de ni tshe 'phos lus rjes na / / ji bgyIs slar mchi phrad par rung / / ji bgyIs bde zhing skyid par 'gyur / / de skad ces
(r9-02) ni dris pa dang / / tshong pon gyIs ni slar smras pa' / / de ni skye zhing shI ba'i chos / / skye shi lo rgyas shin tu zab / / de'i
(r9-03) chos tshul bdag ma 'tshal / / dge ba 'di nas phar bzhud la / / dge bsnyen ma'i yId bzhin la' / / skye shi lo rgyus
(r9-04) dri bar mdzod / / de nas lha bu rin cen lag / / de skad bstan pa'i tshig thos nas / / rje sa gus par phyag 'tshal te / / skye shi
(r9-05) chos tshul drI ba'i phyir / / dge bsnyen yid bzhIn de tshol du / / 'khor tang bcas te mchis pa ni / / lha 'I chod pan pu ru ru
(r9-06) rin cen sil snyan sI li lI / / rnga sbyangs sna tshogs di rI ri / / de nas lha bu rin cen lag / / yul khams /
(r10-01) / mang po phar 'das te / / rgya mtsho rnam par rlob par phyin / / yul de rgyan kyIs brgyan pa ni / / de bzhin shing dang rIn cen shing /
(r10-02) / / bza shing sna tshogs ra ba dang / / rIn cen rtsig pas kun nas bskor / / de 'i dbus kyI gzhal myed khang / / rin cen brgyan kyIs
(r10-03) / brgyan pa na / / yid bzhin dge bsnyen khri la 'dug / / mto ris gnas ba'I lha kun dang / / myI dang gshin rje yI dags dang / /
(r10-04) phyogs bcu kun nas '[d]u bar snang / / lha bu rin cen lag de 'is / / dge bsnyen rkang la phyag 'tshal te / / bskor
(r10-05) nas tshIg kyang 'di skad smras / / 'phags pas bdag la thugs rje [gzi]gs / / ma 'tshal dri zhIng gsol ba mchis / /
(r10-06) / mye nagn rgya mtsho bshad myI rung / / dge bsnyen ma 'is bdag ston ces / / tshig bzang snyan pa du mas gsold / /
(v1-01) yi dags grol mdzad pa / / mgon po nam mdzod kyis gshin la chang khyur bskyab tu gsol / / ^om ga ga na sam bha'
(v1-02) ba dzra ho da ha' sa / / tshe dang ldan ba gshin khyod nyon cig / / rgya mtsho chen po dang gling chen po bzhi dang / lcags kyi
(v1-03) ri chen po'i / / bar bar gyi ri / / mun nag gi gnas la stsogs pa de dag na / / lhag par yang blun zhing rmongs
(v1-04) pas / / legs nyes kyi dud 'gro byol song gi skye gnas yod kyis / / lam ngan pa der yang myI skye myi ltung ba'i bag cher
(v1-05) byos la / / brgya la der ltung du dogs na / / dud 'gro byol song de las chang khyur skyob pa'i / / byang cub sems dpa' / /
(v1-06) ngan song sbyong zhes bya ba yod kyis / / de dge ba'i bshes nyen 'di rtag tu dran bar byos la / / gsol ba gdab pa dang /
(v2-01) sngags kyi snying po 'di smros la / / skyabs su gsol cig / / gnas ngan pa de las thar par 'gyur ro / / de bzhin nyid
(v2-02) kyI mnga' dbang mthar phyin pas / / 'jig rten kun tu gsal ba'i ye shes sgron ma 'is / / dud 'gro rmongs pa'i lam
(v2-03) las skye bo sgrol mdzad pa / / mgon po ngan tsong sbyong gis / / gshin la chang khyur bskyab tu gsol / / na ma sa rba tu ga ti pa ri
(v2-04) sho dha na / ra dza ya' / / ta tha ga tha ya / ^a ri ha te sam myag sam 'bhu dha ya / tad thya da / ^o'm sho dha ne / sho dha ni / / pa rba pa pa bha shod
(v2-05) dha ne / shud dhe bhi shud dhe / ma rba kar ma ^a bha ra ba shud dhe sva ha / / de ltar ngan tsong gsum gyi sgo bkag nas / / sangs rgyas
(v2-06) dang byang cub sems / thams cad kyi thugs rje chan po dang bka' / bden ba'i byin rlabs dang / / gnyen sdug
(v3-01) phyi ma rnams kyis / / dkon mchog gsum la brten te / / yang dag pa'i chu gang dang / / ma nor pa'i bsod nams /
(v3-02) kyi tshogs 'di dag gis / / bteg cing brten nas bde skyid phun sum tshogs pa'i / / lha yul dam par 'gro
(v3-03) lam ni / / 'dzam bu gling 'di nas byang phyog na ri rab lhun po / / zhes bya ba ri 'i rgyal po / / rin po che sna bzhi las
(v3-04) grub pa zhig yod de de'i steng na / / chos bzang lha 'i mdun tsa nas / / lha 'i dpang po brgya byin dang / blon po sum cu rtsa gnyis
(v3-05) dang / / lha dang myi 'i srid pa'i lam ston pa'I gnas yod de / / der yang lha 'i rgyal po des rigs kyI bu gshin khyod
(v3-06) la chos kyi man ngag ston cing / / bsod nams kyI mthu bstan par 'gyur ro / / rigs kyI bu gshin khyod de nas
(v3-07) ri rab kyi byang phyogs kyi rtse na / / pho brang lcang lo can zhes bya ba na / / bcom ldan 'das dpal phyag na rdo rje kho
(v4-01) bo mang po'i 'khor tang bcas / / pa bzhugs pas / / bsams dgu yid bzhin du grub par / / rigs kyi bu
(v4-02) gshin khyod la dbang bskur bar 'gyur ro /:/ de nas rigs kyi bu gshin khyod la / / dpal phyag na rdo rje 'i byin rlabs
(v4-03) kyis song la / / dga' ldan lha'i gnas na / / sangs rgyas shag kya thub pa'i chos kyi rgyal mtshan 'pags pa byams
(v4-04) pa zhes bya ba / / 'khor byang cub sems dpa' / / 'ba' su myi tra dang seng ge bar snang la stsogs pa / / bskal
(v4-05) pa bzang po 'i byang cub sems dpa' / / dgu brgya dgu bcu rtsa drug la stsogs pa dang / / lha 'i bu grangs
(v4-06) myed pa nga rin po che 'i gzhal myed khang na / lha rdzas kyi lhab lhub dang rol mo sna tshogs dang / / chos kyi long spyod zad myi shes pa bsam gyis myi khyab pa la stsogs pa / skyid pa'i rgyu rkyen
(v5-01) / phun sum tshogs pa'i / / lha 'i yul dam pa der / / gshin khyod bde dgu la bag yod par spyod cig
(v5-02) / rigs kyi bu gshin khyod lha 'i long spyod dga' ba 'ba shig gis chog par ma 'dzin par / / gshin khyod dang
(v5-03) sems can kun yongs kyis mya ngan las 'das pa gyis la / / bsod nams dang ye shes kyi tshogs btshal ba la
(v5-04) myi ngoms pa'i sems can zhog shig / / 'dod chags dang bral bar yang gyis shig / thams cad mkhyen pa'i ye
(v5-05) shes kyang btshal bar gyis shig / / mngon bar shes pa'i ye shes la yang rnam par 'phruld par gyis shig / / chos
(v5-06) kyi dbyings las kyang ma g.yo shig / / byang cub kyi sems bskyed pa yang ma gtang shig / / de bzhin gshegs /
(v6-01) pa'i sprul pa dang byin gyi rlabs kyis kyang gshin khyod la yongs su ston cig ////////////////
(v6-02) 'jig rten 'di nas tshe 'phos lus rjes 'jig rten gyI khams gzhan du phung po len cing skye ba na / gnam yongs su
(v6-03) gtad pa ni / / gshin 'di shar phyogs kyi zhing du skyes na / / de'i sang rgyas kyi mtshan ni / myI 'khrug pa zhes bgyi ste / / byang
(v6-04) cub sems pa phyag na rdo rje la stsogs pa grangs myed pa dang phrad cing lhan cig tu gnas par shog shig / / gshin 'di
(v6-05) lho phyogs kyi sang rgyas kyi zhing du skyes na / 'de 'i sang rgyas kyI mtshan ni / / rin 'byung gnas shes bsgyi ste / / byang cub sems dpa'
(v6-06) phyag na rin po che la stsogs pa grangs myed pa dang phrad cing lhan cig tu gnas par gyur cig / / gshin 'di nub
(v7-01) phyogs kyi sang rgyas kyi zhing du skyes na :/ de 'i sang rgyas kyi mtshan ni / snang ba mtha yas zhes bgyi ste / byang cub sems
(v7-02) pa spyan ras gzigs kyi dbang po la stsogs pa grangs myed pa dang phrad cing lhan cig du gnas par shog shig /
(v7-03) / / gshin 'di byang phyogs / / kyi sang rgyas kyI zhing du skyes na / / de 'i sang rgyas kyi mtshan ni gdon myi za ba'i dngos
(v7-04) grub ces bgyi ste / / byang cub sems dpa' go cha brtan ba la stsogs pa grangs myed pa dang phrad cing lhan cig
(v7-05) du gnas par shog shig / / gshin 'di zhes bgyi ba steng gi sang rgyas kyi zhIng du skyes na / / de 'i sang rgyas
(v7-06) kyi mtshan ni / / gsung mchog ces bgyi ste / / byang cub sems pa nam ka 'i snying po la stsogs pa grangs
(v8-01) myed pa dang lhan cig tu gnas par shog shig / / gshin 'di zhes bgyi ba / / 'og ma phyogs kyi sang
(v8-02) rgyas kyi zhing du skyes na / / de'i sang rgyas kyi mtshan ni 'bum gzugs zhes bgyi ste / / byang cub sems pa
(v8-03) yon tan brtan ba la stsogs pa grangs myed pa dang phrad cing / lhan cig tu gnas par shog shig / / gshin 'di
(v8-04) zhes bgyi ba sngar 'das pa'i sang rgyas kyi zhing du skyes na / / de 'i sang rgyas kyi mtshan ni / / mar mye mdzad ces
(v8-05) bgyi ste / / byang cub sems 'jam dpal la stsogs pa grangs myed pa dang phrad cing lhan cig tu gnas par
(v8-06) shog shig / / gshin 'di / / ma 'ongs pa'i sang rgyas kyi zhing du skyes na / / sangs rgyas de 'i mtshan ni /
(v9-01) byams pa zhes bgyi ste / / byang cub sems dpa' sa 'i snying po lastsogs pa grangs myed pa dang phrad cing
(v9-02) lhan cig tu gnas par shog shig / / gshin 'di zhes bgyi ba da ltar gyi sangs rgyas kyi zhing du skyes / / de 'i
(v9-03) sangs rgyas kyi mtshan ni / / shag kya thub pa zhes bgyi ste / / byang cub sems pa bsgrib pa sel lastsogs
(v9-04) pa grangs myed pa dang phrad cing lhan cig tu gnas par shog shig / / gshin 'di dbus kyi sang rgyas kyi zhing du
(v9-05) skyes na / / de 'i sangs rgyas kyi mtshan ni / / rnam par snang mdzad chen po zhes bgyi ste / / bcom ldan 'das
(v9-06) dbang phyug chen mo lastsogs pa dang / / 'pags dpa' myi g.yo 'dzin la stsogs pa grangs myed pa dang phrad
(v10-01) cing lhan cig du gnas par shog shig /:/ gshin mying 'di zhes bgyI ba / / sangs rgyas kyi zhing phyogs 'tshams
(v10-02) / bzhi gang du skyes na yang / / sangs rgyas dang byang cub sems dpa' / grangs myed pa dang phrad cing lhan cig tu
(v10-03) gnas par gyur cig / / gshin mying 'di zhes bgyI ba' / / gang tu skye ba len cing gnas pa'i tshe na yang /
(v10-04) sa dang pha rol du phyin pa la spyod par gyur te / / 'khor gsum yongs su dag pa'i sbyin ba dang / / myi gnas pa'i
(v10-05) tshul khrim dang / / bye brag myed pa'i bzod pa dang / / blang dor myed pa'i brtson grus dang / / rnam par myi rtog pa'i
(v10-06) bsam gtan dang / / mtshan ma myi dmyigs pa'i shes rab dang / / mtha gnyis yongsu spong ba'i thabs