OTDO
Old Tibetan Documents Online

ITJ_0504

IOL Tib J 504 (= Ch.03.17 = vol. 69, fol. 36)
    photo
1. Content : Recto, Bsngo ba, 'Substitution (of Buddhist funeral rites for indigenous ones)'. Verso, a fragment of Buddhist teaching on old age, sickness and death, addressed to a great king.
2. Note : Concertina. The beginning and the end are missing. 3 folios with 4-5 lines on each side.
3. References :
To recto, Valée Poussin (1962: 165) [P.Translit.], Stein (1970) [I.Translit., I.Trans.], Imaeda (1981: 75-79), Chu (1990) [I.Translit., I.Trans.], Imaeda (2006: 109-110), Ishikawa (2010) [I.Translit., I.Trans.], Mimaki (2014) [I.Translit., I.Trans.].

Transliteration   (Change the Display Format)

(r1-1) gnyen 'khor slad ma rnams la yang / rjes bzang zhing / / rab tu bkra' shis par gyur cig / / skyibs lug bsngo ba /
(r1-2) myi nag po'i gzhung / shid nag po'i / lugs / / bon dpags 'dod kyi / smrang / / 'dre gsur 'dod kyi rabs las / /
(r1-3) myi bas lug 'zangs / / ste / / skyibs lug gi mar ba khyod la / / bzang dgu se la bzar pa dang / mgyogs dgu' /
(r1-4) dkyus su brgyugs pa dang / / bum ril mang tu bsad pa dang / / skyibs lug khyod la gtad kyis / / deng phan cad / /
(r1-5) brag lam myed la yang lug / khyod kyis lam drongs shig / / mtsho rab myed la yang / lug khyod kyis / /
(r2-1) rab drol cig / / rmyig pas ni brag drol cig / / sngur pas ni mtsho rngubs shig / / ces 'byung ba yang / / sems
(r2-2) can thams cad / / las dge sdig gi dbang gis / 'gro' ba tsam du zad pas / / lug gis lam drangs / mkhan
(r2-3) byed kyang myi nus / / lug gis gnyer blang zhing / dkor pa byed kyang myi nus / rmyig pas brag dral yang myi nus / /
(r2-4) sngur pas mtsho' rngub kyang myi nus / pas / $ /: / lha chos dkar pa'i / gzhung lha'i yang lha / dkon mchog gsum la /
(r3-1) brten te / / lcags grang mo ni khong du ma bcug / / khrag dr[o]n p[o] ni phyir du ma phyung / / don snying ni spar gyis / /
(r3-2) ma brabs / / mgo dang lag tu ni ma phye / / lhu dang tshigs su ni ma phral / / sha dmar po ni zangs su ni ma tsos / /
(r3-3) rus pa dkar po ni / gtun la ma brdungs / / g.yang bzhi ni phrag la ma bkalte / / mtho ris myi'i lugs kyis / /
(r3-4) 'dre'i las ma byas / / srin gyi las ma byas / / myig gson myig ni / rig rig / / rna gson rna ni thab thab / / ru
(v1-1) sna ched po la gtogs pa dang / sgo ba dang / 'khor tang / pha ma dang / spun dang / srIng mo dang chung ma dang / bu pho dang / bu mo dang / sten grogs dang /
(v1-2) bran pho dang / bran mo dang / las byed pa 'I dang / go re long dang / zho shas 'tsho ba dang / yul gyI myi dang / gser dang / dngul dang / nor bu dang /
(v1-3) rIn po che dang / gos dang / nor dang / 'bru dang / bang mdzod las stsogs ste / / long spyod de dag thams chad bor te / / 'gro dgos so / /
(v1-4) rgyal po chen po / 'di lta ste / / rga ba ni dar la bab pa 'jom zhing 'ong ngo / / na ba ni nad myed pa 'jom zhing 'ong ngo / / 'chi ba nI srog
(v2-1) 'jom zhing 'ong ngo / / rgud pa ni phun sum tshogs pa 'jom zhIng 'ong ste / / rgyal po chen po sdIg pa myi dge bas / bskyed pa 'I lus
(v2-2) ni / / 'chi bdag gI[s] gstsal shing zug nas / / rgyags pa dang nI bral / / mgon nI myed / skyabs nI myed / dpung gnyen nI
(v2-3) myed / shis ni 'jIgs / tshIgs ni 'bye' bral / / sha dang khrag ni skams / / nad kyIs ni gdungs / / skom nI skom / / bzhin nI
(v2-4) gyur' / / rka lag ni g.yob / / las ni myI nus / mthu ni myed / kha chu dang / snabs dang / myi gtsang ba nI zag / / myig dang / rna ba dang /
(v3-1) sna dang / lce dang / lus dang / yId kyi dbang po ni 'gag / / skyIgs bu nI byung / / sgra dar dar po nI 'thon / / sman pas nI bor / sman dang /
(v3-2) bza' ba dang / bca' ba thams chad kyIs ni gles la bor te / / gcIg pu gnyIs su myed cIng / / tshe 'dI ni 'dor / skyas chen po nI
(v3-3) 'debs / / mun pa chen por ni 'jug / / g.yang sa chen por nI ltung / / gdon chen pos nI zin / / las kyI rlung gis nI bdas /
(v3-4) sa chu myed pa'I phyogs su 'gro ba na' / / pha ma dang / srIng mo dang / gnyen bshes kyIs bskor te / / kyI hud kyi hud ces mya