OTDO

Old Tibetan Documents Online

(1r1) $ / / / / kye rgo spang ni re re mo / / / / cha' btsugs
(1r2) ni rog mo spyan / / / / zhal bzangs ni g.yu ma
(1r3) mthon / / / / kye skad phran ni bre legs pa'sp+' / phra
(1r4) bkod ni gcig myi yar / dgu chag ni bre legs pas
(1r5) dgung [sngon?] ni gzhung brtan zhing / gnyi zla ni 'dron go shu pa /
(1r6) zha[l?] bzangs ni mtshon bres pas / phur gi [*ni] ri mos btab /
(1r7) lho sprin ni bre legs pas / dbyar bzhin ni char gi lugs
(1r8) dgun zhin ni bser gi skyabs / ri bran ni 'dab kyis bsal /
(1r9) kye te las [ni? yan?] chad du / skyi bser ni phyod gis khums / kye
(1r10) sman 'tsun ni gnyan rold pas / dog mtha'th+' ni nan du gshan /
(1v1) dog mo ni snar gi bdag / kye mdo nas ni yar gzigs na /
(1v2) dog mtha' ni rgyud gsuM mda' / kye chab mda' [*ni] mtsho na rol /
(1v3) mdo' nas ni re bres gis / dog gis ni myong pa 'di' / snar
(1v4) mtha' ni ljod mo stengs / kye lha 'i ni g.y'a btsugs pas /
(1v5) dbya' bkod ni mtha' myi g.y'o / mthing brang ni bre legs
(1v6) {legs} pa / dog me ni nan du mnan / gyur sram ni mthing
(1v7) la phyo' / kye 'greng gi ni myi myong ba' / myi 'i ni myi ba 'da' /
(1v8) kye rgyu drug ni gong dang sreg / ho bral ni sbal dang ljong / kye
(1v9) gug lcog ni mon dang sog / kye rgya yul ni bre legs pas
(1v10) 'o se ni phur ke dang / phrul gi ni ris phran dang / kye lha bra
(1v11) [ni?] [sa?] [le?] [sbram?] / sa smad ni mtsho [-]ong dang / shu [pang?] ni lde'u
(2r1) gtsos / dog blangs ni mna' yis skang / kye ri 'o ni bre
(2r2) legs pas / sman brgya' ni 'phong zhing 'tshom / gnaM sman
(2r3) ni gnyan gi bka'k+' / lho spangs ni bdag gi mtshad / kye lho spangs
(2r4) ni re re mo / bphaM dang ni yi ge la / sug srug ni 'phrin 'dogs
(2r5) po / mo bdag ni byo blag ma / ru skong ni g.yas pa ru / dbyaM
(2r6) ni dkar bting zhing / dkar mo [*ni] bre gang dang / mtshal gi ni snang
(2r7) ldam zhing / spos gi ni dud kyang thul / rul kong ni g.yon
(2r8) pa ru / gser gi ni thig le dang / nu mar ni ltong bzangs dang /
(2r9) dar kar ni g.yab 'bor zhing / za 'og ni mtshon dras la /
(2r10) bs'e byang ni dmyig du gsal / kye mtsho ro ni g.yu mtsho dang /
(2r11) [-]in cen ni sna tshogs rnams / sman gi ni dkor du '[-]ul /
(2v1) sman bshos ni gru bzhi dang / 'brang rgyas ni zhal kar dang /
(2v2) gzhib mar ni 'ol kon dang / skyems kyi ni bcud drangs shas /
(2v3) sman gi ni zhal du gsol / / / / kye gnam sman gi spyan
(2v4) drangs nas / / / / kye sman brgya' ni yar gshegs pa'p+' / bka'k+'
(2v5) snyan ni si si li / g.yu bun ni thu lu lu / / / /
(2v6) kye phu nas nis khyas btab pas / brag cha ni ti ri ri / mda'
(2v7) nas ni yab bor bas / lhog lhog ni ljab ma ljib / kye bdun
(2v8) 'buM ni snar gi rje / gnam sman ni dkar mo zhig / de 'i [*ni] phyag rnyan
(2v9) ba' / gnam sman ni dgu' brgya' dgu / gnyan gi ni dir ma dang /
(2v10) brgya' ma ni stong re tham / / kye gang sman ni dgu bgya' dgu /
(2v11) sha myed ni gangs gar dang / brgya' ma ni stong re tham / /
(3r1) g.y'a sman ni dgu brgya' dgu / dang ma ni zil drug dang / brgya ma
(3r2) ni stong re thaM / mang sman ni dgu' brgya' dgu / ji phyug ni phying
(3r3) 'dem dang / brgya' ma ni stong re tham / brag sman ni dgu brgya' dgu /
(3r4) mtshal kar ni shen gangs dang / brgya' ma ni stong re tham / mtsho
(3r5) sman ni dgu brgya' dgu / rlan gi ni [phar?] 'dom dang / brgya' ma ni
(3r6) stong re tham / byang sman ni dgu brgya' dgu / g.yu sman ni drul ma
(3r7) dang / brgya ma ni stong re tham / / / / / khus btab ni snyan ma
(3r8) su / g.yab bor ni spyan ma rdul / khu lung ni dbyangs ma zhan /
(3r9) kye yon dang ni yas tshang na / kye nyin rno ni mtshan du rno
(3r10) che gsum ni che la rno / nya gsuM ni dbu la rno / chung gsuM
(3r11) ni chung la rno / zor kham ni tshes la rno / cho lo ni
(3v1) {ni} bzang gsuM na / bzang gis ni bskyar mya 'tshal / bzang
(3v2) gnyis ni ngan gcig dang / 'bring gis ni gzhi' la zhog / /
(3v3) ngan gnyis ni bzang la gcig la / gcig tsham ni bskyar te btab
(3v4) cho lo ni ngan gsuM na / bskyar kyang ni don ma mchis / mo gdab
(3v5) pa ni @@@@ / @@@@
(3v6) @@@@ / / / / lha yul ni sman rol na / gnaM sman ni
(3v7) gnyan gis bka'k+' / bdag gi mchid / sman grangs 'du 'du
(3v8) zhing / deng ma ni bka'k+' bo che / kye bka' drang ni gsung rtag pas /
(3v9) cho lo ni gtsug 'dus kyis / dang sems ni rnal du phob /
(3v10) sems can ni so che gnam ring / myi 'phan nor phyug / lha brtsan
(3v11) rje 'byams / tshe lo mthar thug gyi bar du myi 'chi te bzang rab
(4r1) bo / / / / @@@@ / / / / @@@@ / / / / @@@ / / / / kye sman mtsun nI
(4r2) thod te rje / rnam sman ni gangs sgong rtse / sha mthong ni lgo mthong gsol /
(4r3) sha yar ni lgo yar 'jo' / skyoms sam ni sman gyi 'cho / myi khyod lha
(4r4) gnyan zhing kun gyis bkur ba bzhog 'dug te / ci la 'tsher yang ci yang
(4r5) myi nyes te bzang rab bo / / / / @@@@ / / / / @@@@ / / / / @@ / / / /
(4r6) kye rta zhig ni 'tsher 'tsher snyan / ngang dkar ni yid kar gnyis / gnyis
(4r7) ka ni dpal kyi rta / 'brong bu ni mdor snga ru / rgyug cing ni rmyig myi 'bub
(4r8) snga rtsid ni dbu la rgyan / rta 'i mor btab na ci yang myi nyes te bzang ngo / /
(4r9) @@@@ / / / / @@@@ / / / / @ / / / / kye dgung sngo dag yang byi la /
(4r10) dgung la dag bkod re nongs / smre bdun ni bzang mo rgyal / shar mkhyen
(4r11) ni nub myi mkhyen / khor zhong ni dbu yugs ltang gdon du ni 'gong
(4v1) pos bskyogs / gros tab tob che / blo dgod / bsam pa ci bsaMs
(4v2) kyang myi grub ste / ngan rab / / / / @@@@ / / / / @@ / / / / @@@
(4v3) @ / / / / kye na ning ni / tshal mo skar / dgongs spyod ni re che na /
(4v4) mgon btsun ni phya sdang ste / sdug la ni yun re ring / ci bgyi ni
(4v5) ci bsaMs kyang / khyu khud ni bskyud myi 'tshal / dran sems ni
(4v6) gsal yang / dbang dang chung ste 'jim pa chur bcug pa bzhin
(4v7) ste ngan no / / @@@@ / / / / @@@ / / / / @ /
(4v8) kye re skyid ni dpal po che / bye dpal ni mchod legs pas
(4v9) las byes ni byes dang 'phrod / khyim sa ni gdab legs pas /
(4v10) dog rum ni mtha'th+' myi g.y'o / srog lha ni mchod legs pas /
(4v11) tshe ring ni srog kyang sra / byes myi la btab na ci yang myi
(5r1) nyes par yul du 'khor ba 'i rtags ste bzang rab bo / /
(5r2) @@@@ / / @ / / @@@@ / /
(5r3) kye dbyar le ni zla gsuM na / smya lo ni phrum phrum se / skyes
(5r4) shes ni 'bras bu myed / ston sla ni zla gsuM na / spang rgyan ni
(5r5) g.yu 'i gce 'u / men tog ni sa le 'khrungs / g.yag [bal?]
(5r6) ni sngo 'is lod / myi rmang po rabs chad te shi ba'i ro [ste?]
(5r7) ngan rab bo / / / @@@@ / / @ / / @@@ /
(5r8) ri gsuM ni spyi bstus kyang / yar 'brog ni rgod ltar yan /
(5r9) lung gsuM ni mdo' bcad kyang / skud lnga ni rnal du chad /
(5r10) las rdzis ni bskyod pa bzhin / 'gro 'dod ni tsi ba mang
(5r11) yang / / ngo 'hre ched po yod pas / myi kha zer / rang yang
(5r12) don myi grub / ngo yogs gyi cho ga byos shig /
(5v1) / @@@@ / / @@ / @@ / kye dgung sngo ni
(5v2) ya byi na / gtam smos ni so shi can / zla brtsan ni zing
(5v3) po rje / zla 'grongs ni nya la grongs / kyu gud ni bskyod
(5v4) myi 'tshal / lha yul ni g.yu phra nas / gmu sman
(5v5) ni g.yan pa la / ri khyi ni rkun khyi 'tshal / de tsam
(5v6) ni g.yar la bcags / mo 'di ci la btab gyang
(5v7) ngan / / @@@@ / @@@ / @@ /
(5v8) kye gsum 'gros ni sman gyid gor / ri bsul [*ni]
(5v9) srang mkhas te / phu gsum ni gangs gyis bsgor /
(5v10) mda' gsum ni mthing gyis mkhyud / 'dran thor
(6r1) ni mkhyus myi tshol / re dog ched po cig las
(6r2) ci yang ma nyes te / ci la btab kyang bzang rab bo /
(6r3) @@@@ / @@ / @@@ / kye gangs la
(6r4) ni mtho dgongs te / byang tsha ni dkar klangs kyang /
(6r5) kha lam ni 'phrul gyi rta / rgyab la ni sgal ma
(6r6) gtod / rkang la ni rmyid myi rdol / ci bsams yang
(6r7) don phyon / bsam ba grub bzang rab bo / / @@@@ / @@@ /
(6r8) @@@ / / kye zhva phying [*ni] myi ldid du / char sprin [*ni] dgung la khor /
(6r9) du ba ni myi 'thul du / ser ba ni rgya tog gud / ma smyur ni dal /
(6r10) ches na / ser ser ni byang gyi rdzi / rab rab ni skyes la 'tshal
(6r11) gdon du 'gong po yo pa dang / dgra bzo bas bag zon bya /
(6v1) ngo lon byos la bag zon bya / mo 'bri[ng] / / @@@@ / /
(6v2) @@@ / @@@@ / / / / kye se sman ni zhal na re / lha ri
(6v3) ni skam pa gong / skyib ser ni rtsi dgod kyang / mying / gyis ni nyi
(6v4) ma bde / bka mchid ni dbyangs snyan yang / dang sems
(6v5) ni yid myi bde / nga myi rong bu can thig kyang yin / myi
(6v6) yang stang ngo / skal ba yang chung / mo 'bring smad do / /
(6v7) @@@@ / @ / @@ / / kye dgung sngo dag ya byi la / rgung
(6v8) la dag bkod re lags / dgu tshigs ni rgyal mo /
(6v9) skor / da nang ni dbus na shar / do nod dag dbus su nub /
(6v10) shar nub dag gnyi zlas 'byed / rgyu skardangskar dang 'du tshog sa /
(7r1) dpal gyi ni bu bskyed pas / dbu la dag la 'is
(7r2) bcings / re skyid dag dpal po che / bu tsa mtha lam
(7r3) dang srid bya la bdab na / mtha phan por 'ong te bzang
(7r4) rab bo / @@@@ / @ / @ / / kye phu gsum ni'
(7r5) ya byi na / g.yu nas ni ljang tog [nas (/nal)] / g.yu bya
(7r6) nani gsung 'gyur ba / deng thos ni skyid pa'i rtags /
(7r7) sdug thing myi bde ba las / gtam snyan pa thos pa
(7r8) 'am / nad tshab po che las thar ba'i rtags te /
(7r9) bzang / rab bo / / @@@@ / @@ / @ / kye dgung
(7r10) sngo dag ya byi na / g.ya gong ni spang gong nas /
(7r11) chung zhing ni dper legs pa / rgyal mtshan ni ga
(7v1) ga cung / mkhyen kar ni ma bskos kyang / zur bzhi
(7v2) ni logs dang brgyad / sems 'jings pa ni myis
(7v3) bstod / lha gnyan po ni 'go zhing tshad zin pas ni rang
(7v4) skyid / da ltar khyod mang bas mthar bar 'ong ste
(7v5) bzang rab bo / / @@@ / @@@ / @@@ /
(7v6) kye bya ruM dag khyung rum la / lha gnyan dag pho brang
(7v7) btab / bya rum dag g.yu rtse la / sman gnyan dag pho
(7v8) brang btab / g.yung rum dag khyung rtse pa / khyung gi
(7v9) dag mkhar cig brtsigs / dgra sdang dag sems
(7v10) dag chod / 'bros na shor ba 'am / 'jigs shing nyen pa
(7v11) la thar te bzang rab bo / @@@ / @@@ / @@@@ /
(7v12) kye lha ri dag ma byi la / mu sman ni gnyan rol dpa' /
(7v13) gsung snyan ni g.yu 'i dril / gcong rong ni zur gsuM
(8r1) pa'p+' / khyung gi ni gnas bcas pa'p+' / gzha phyir ni
(8r2) 'gum myi srid / re skyid ni dpal po che / dra ngas sku ba'b+'
(8r3) gcig yod kyang des myi gos te bzang rab bo / / / /
(8r4) @@@ / @@@@ / @@@@ / kye ri gsuM ni
(8r5) gnyan gi ri / lha bran ni 'du tshogs sa / dog mo ni bre
(8r6) legs pas / 'gre tud ni kun gis sten / myi gcig ni
(8r7) 'dzangs shes kyis / gnyen byams ni 'du 'tshogs sa /
(8r8) bsam ba myi dgar byed cing / rang mthar skyid bzang
(8r9) rab bo / @@@ / @@@@ / @@@ / kye bya
(8r10) rog ni phang phung la / dgos kyis ni na rgo rko / g[s]er
(8r11) gi ni sbrang dang mjal / gor ma ni brtsed brtsed na /
(8r12) nu men ni prag bzhin ma / 'od bzangs ni lha me
(8r13) lham / gnyen zhig byas na mthar bzang pad 'ong te / /
(8r14) bzang rab bo / / / @@@ / / @@@@ / / @@ / /
(8v1) kye sha la ni ma 'tshal bar / chu la ni yid myi
(8v2) ches / skyung khab ni mchu dmar ma / mu su ni gzhan
(8v3) bgyid na / ngo ['byur (/'gyur)] ni bdag che bar / dri ngas na rang
(8v4) la gzhag so nam ni rgya bskyed kyang / rgya btags
(8v5) ni skye rer zin / gdon du 'gong po yod pas / 'di
(8v6) ma bskrad na / 'jim pa chur bcug pa bzhin btsugbtsu & g
(8v7) zin te / ngan rab / / / @@@ / / @@@@ / / @ / /
(8v8) kyi gnam srin ni zhal ga re / gnam nas ni bdud /
(8v9) chad [kyang?] sa srin ni 'du tshogs sa / shes rab ni
(8v10) myi 'o la / mo btab ni mo ru ngan / ltas btab ni ltas
(8v11) [su (/stu)] ngan / gtsan la ni 'du 'du te / sha gcig ni
(9r1) dmyig las phyung / srin la ni 'du 'du te / myi
(9r2) gcig ni [nges (/ngas)] par 'chi / cho ki kha nas
(9r3) myed pas ngan rab bo / / / / @@@ / / @@@ / /
(9r4) @@ / / / / / / kye lha rI ni sman shong nas / pas
(9r5) gyi ni sha cig yar / gar yar ni lkyes dang
(9r6) mjalm & jal / gum ba nI lugs mchIs kyang / myi 'guM
(9r7) ni slar la gtang / nad tshab po che 'am / gmed
(9r8) ba drag po thar ba 'am / lo keg las shor te bzang
(9r9) rab bo / / @@@ / / @ / / / @@@@ / / / / kye dgung la
(9r10) ni bkod re nongs / smral le ni bzang to re / 'phong skyen
(9r11) ni sha 'tshal / smyin drug ni bzang mo rgyal / thags mkhas
(9v1) ni gos myi gyon / dgro zhin ni byi zhin gnyis /
(9v2) dgyes gyis ni gnyen bgyis kyang / gtan gi ni grigs
(9v3) ma lags / 'gong po ched pos rab du btsugs pas
(9v4) 'bral bar 'ong na ngan rab bo / / @@@ / @@ /
(9v5) @@@ / kye bdag nyid ni btsan du bzhugs / kha drag ni
(9v6) kun gi rje / [rtu (/rdu)] rings ni kun gi bdag / dgra dang ni g.yag
(9v7) 'dor yang / nyid kyi ni lha gnyan bas / dgra 'dor ni gnyen du
(9v8) mchi / g.yag 'dor ni zas su mchi / 'dre dang ni srin 'dor
(9v9) yang / lha dpal ni bsten legs pas / 'dre srin ni tshig
(9v10) yang phyung / dmu dag ni than du bsrings / re skyid ni dpal po
(9v11) che / bzang rab bo / @@@ / @@ / @@ / / / /
(10r1) kye gzhe ning ni yan cad du / spang chu ni mye reg
(10r2) la / bong bu ni gnag gis bskor / do cig ni sang
(10r3) phod na / khyi le ni sang po rje / gda' dgu ran
(10r4) gis bskor / dbang tang ni phyir phyir bzhin du
(10r5) mtho bar 'ong gis / sman lha ni bzang mo zhig
(10r6) gis bgo bas mthar skyid par cing bzang bar
(10r7) 'ong ngo / / @@@ / @@@ / @ / kye re
(10r8) zhig ni dpal po che / 'dre dang bgegs g.yo
(10r9) yang / de 'is ni phod myi tshugs / lha gnyan ni
(10r10) mchod legs kyang / bon gshen ni bsten
(10r11) legs pas / bdud gyi [*ni] spu gyur dang / sri 'i
(10v1) ni gong thar ro / tshe ring srog sra bzang rab bo / /
(10v2) @@@ / @@ / @ / kye thar ruM dag g.yu rum
(10v3) na / rim pa dag g.yu la bab / 'bab chu dag
(10v4) g.yu lo bab / gtsug lo dag sar myi skam / yar
(10v5) rka ni mthing mo la / gnam gyi ni mthongs phye bas /
(10v6) mdzod spyod ni ci bsams kyang / gron dang ni chud myi
(10v7) zos / ci la tsher yang ci yang myi nyes te bzang rab bo / /
(10v8) @@@ / @ / @ / kye rdzi 'u ni bsten nongs pas / g.yang
(10v9) mo ni la yul 'das / lge 'u ni nyal nongs pas / chibs
(10v10) dpon ni tshag rag sa / dbyam phying ni bting nongs pas /
(10v11) glo rgun ni se long sa / ngan rab bo / @@@ / @ /
(11r1) @@@ / kye g.yar khral ni rkyang na che / gnyen stug ni
(11r2) bsen dren nam / lha gnyan ni skyabs kyi gtso' / gnaM sman ni
(11r3) gnyan gis ris / dogs pa che yang lha gnyan pos bskyabs te /
(11r4) ci yang myi nyes te bzang rab bo / @@@ / / @@ /
(11r5) @@@@ / kye da rung ni da cung du / bya bran ni 'dab zhan
(11r6) pas / rgod gis ni rjes myi slebs / she 'u ni rgyus zhan
(11r7) pas / ri kha ni dkyus myi srongs / myi cung ni nas zhan bas /
(11r8) mu su ni chas kyang gcod / sang phyi ni gnangs gong du /
(11r9) gnyen byams ni 'du 'tshogs sa / mu sman ni rgyab rten
(11r10) gnas / bzang rab bo / @@@ / @ / @@ /
(11r11) kye lung nas phar bltas na / nas 'bras ni yul
(11v1) myi gnyan / sku 'khrungs ni za skar chung / khyikhye ma btsugs
(11v2) ni / khab bdag sdang / gu ge ni 'dris shing gyong / nya bag ni
(11v3) bcas shing kh'a / ngo 'hre ched po yod pas / ngo yogs
(11v4) gi cho ga gyis shig / gsum yul rdzogs / / / /
(11v5) @@ / / @@ / / @@ / / kye mtsho ro ni gangs yul
(11v6) na / g.yu bzangs ni ljang thog du / g.yu bran ni bka'sk+'
(11v7) brtses pas / dang dog ni skyid pa 'i rtags / bsam bar ni
(11v8) 'gyod pa las / gtam snyan pa ni thos te / ngo mtho'th+' ba 'i
(11v9) ltas te bzang rab bo / @@ / @@ / @@@@ / /
(11v10) kye yar kha ni mthing mo la / gnam gi [*ni] mthong phye bas /
(11v11) bsam dgu ni legs dang phrad / kye g.yu rgyal ni sngon
(12r1) po la / rka yul ni dral lags pas /
(12r2) myi bu ni rmang po la / lha gnyan ni bstod legs pas /
(12r3) dpal ka mtho ste srid byar bzang rab bo / @@ / @@@@ /
(12r4) @@@@ / kye gar kyi ni sum zur la / 'brong bu ni
(12r5) bzhengs legs pas / nams kyang ni gangs gong rtse /
(12r6) gong sreg ni ma bu la / gsung snyan ni g.yu 'i dril /
(12r7) nams kyang ni sman gi dkor / bya ma ni ngang mo la / bya bran
(12r8) ni khyu 'i pel / nams kyang mtsho 'i rgyan / srid bya dang
(12r9) rgod ma yo ma la btab na bzang rab bo / @@ /
(12r10) @@@ / @@@@ / kye dgung rum dag ya byi na /
(12r11) 'brong dang ni rgod ltong ba' / gnam sal dag tog la lus /
(12v1) gdon du ni 'gong po za' / byur ched po yod pas /
(12v2) gnyen byas pa las zas zos kyang / kha ru bab par
(12v3) myi 'ong zhing / gro mo smos kyang sris su myi 'ong / za skal
(12v4) chu mo ngan rab bo / @@ / @@ / @@@ /
(12v5) kye bar snang dag ya byi na / thang 'phrom nigni rgod lting
(12v6) ba' / rtsal bu ni zhabs {'debbs}(READ: 'debs)] kyang / zhags gyis
(12v7) ni re myi zin / g.y'a 'gong ni spang 'gong du / gar shog
(12v8) ni rgod 'drim ba / rkun po ni re myi zug / rang bzo ba
(12v9) la ngan / dgra bya la bzang / / / / @@ / @@@@ /
(12v10) @@@ / kye mkhar ni zo zo brang / kha bad ni spyin
(12v11) gis bgyis / kangs kar ni dru ma rtse / srungs sam
(13r1) ni lhas bskyabs pas / nams kyang ni gnyan gi
(13r2) rigs / bsam dgu ni legs kyis 'grub / mo bzang
(13r3) rab bo / @@ / @@@@ / @@ / kye g.yang gong dag ya
(13r4) byi la / gong sreg dag ma bu la / zas gyi nani skal chad pa / sru sru ni lo
(13r5) bzangs dang / skom gyi ni skal chad pa / chab dmyig ni tshul bzangs
(13r6) gnyis / chab tha ni snyi 'i 'is bskor / zem te ni ma gshegs na /
(13r7) nongs te ni 'gyod da re / ngan shom ba zhig yod pas / zon cher
(13r8) gyis shig / / / / / @@ / / / @@@@ / / @ / / / / kye bsam dang ni
(13r9) bka bo che / na cung ni 'u gzhon la / spyan dor ni ma gum shig
(13r10) gros gyis ni ma bshad cig / sang byi ni gnangs sgong du / 'greng
(13r11) 'dud ni 'du tshogs nas / 'go nag nI brgyab stan sa / btsan
(13v1) dang ni kha yad mnyam / mgyogs dang ni bang yang 'grin
(13v2) mo bzang rab bo / / / / @@ / / @@@ / / @@@ / / / / kye skar
(13v3) ma ni smyin drug la / gza brgyad ni yar du 'dus / smyin
(13v4) drug ni ldebs su shor / skyung khab ni nag mo la / khra bdun
(13v5) ni yar du 'dus / skyung khab ni ldebs su shor / dang nyen ba
(13v6) zhig la thar te / dgra bya la bzang rab bo / / / / @@ / / @@@ / /
(13v7) @@ / / / / kye dpal chen ni lha gnyan pas / spos thob ni
(13v8) [ru rum (/ngu ngum)] rtse / rtse thob ni dgung dang deg / lha yul ni mngon
(13v9) gsum ba / skyid pa'i yul ni yam tsan can / sna tshogs
(13v10) ni phya byams pas / dang srog ni lug du gsal / tshe 'i ni srog
(13v11) kyang sra / gzha phying ni 'gum myi srid / bzang rab bo / / / @@ / / /
(14r1) @ / / @@@ / / / kye smra yul ni thags brgyad na / dru gu ni
(14r2) mtha' bskor ba / gang nas ni gar mchis kyang /
(14r3) glo ba ni yar myi spro / snang ston ni nyon mongs pa /
(14r4) mthing la ni gang cu mthing / gdung 'phyam ni mkhod
(14r5) myi snyams / gdon du ni pho gdon yod / 'jim
(14r6) pa chur bcug pas 'dra ngan rab / @@ / @@
(14r7) @@@ / kye rma 'i ni brag gong na / sman shong
(14r8) ni ldem me ldem / g.yu li ni lhub pe lhub /
(14r9) sdug gi ni gnyan bsogs pa / drin la ni lan
(14r10) gis lan / rang gyi ni bu skyes pa / dgra snying ni
(14r11) phur gis 'debs / tsu mdzangs pa skyes
(14v1) ba dang / dpal kha gong du mthong te bzang rab / /
(14v2) @@ / @ / @@@@ / kye tsha ba ni skyol yul na
(14v3) rtol bu ni li chu snar / chung nas ni ran tshal
(14v4) 'tshal / g.yar du ni 'jug ma bcad / skyid nas
(14v5) ni zhing rmos pa / gtsang du ni shir ra re / byang du
(14v6) ni tsha blangs pas / lha gor ni rgyab myig rdol /
(14v7) sku 'khrungs ni myi bshigs pas / sungdangsung dang [*ni] 'grogs
(14v8) myi mkhyen / rang yang ni rong bu che / myi kha zer
(14v9) gdon du byur chags yod pas / ngo lon gyis
(14v10) shig / 'bring / @@ / @ / @@ /
(14v11) kye dang ma ni dbyar 'khor ba / lung nas
(15r1) ni phar gzigs nas ni / gdung 'phyam ni
(15r2) chab re rkon / ril ma ni thong du mthing / dpal cen
(15r3) ni lha rtsan pas / bdag nyid zla 'i gong /
(15r4) dgra cig bdag la 'dod de rtogs bre / myi brdzi
(15r5) ste brmyi ngan bzang rab / @@ / @@ / @ /
(15r6) kye lha rje ni sku mkhar la / dbu rtse ni sgron
(15r7) legs pas / kha bas ni brelegsbre legs pas / 'greng
(15r8) 'dud ni rkyab rten sa / myi brtsan ni nye'u gzhan
(15r9) la / dpal cen ni lha gnyan zhing / btsan
(15r10) phugs ni dregs btsan pas / phyi nang ni re
(15r11) ltos sa / tshe ring srog sra bzang rab /
(15v1) @@ / @ / @ / kye lha reri ni sman ri gnyis /
(15v2) gnyis ka ni dpal gyi shariri / lho ri ni byang ri
(15v3) nyis / gnyis ka ni sman gyi ri / rtags tsan ni
(15v4) byang btsun nyis / stong dang rkya li gyes /
(15v5) mthar bzang por 'ong zhing bzang rab bo /
(15v6) @ / @ / @ / kye nye 'u sing nI sngo mtha ru / dbyam
(15v7) phying ni dkar bting zhing / lha dang ni srin gnyis gyis /
(15v8) cho lo ni rgyan cig btab / nyin gsum ni bre bre
(15v9) zhing / mtshan gsum ni rgya rgya ste / lha rkyal ni
(15v10) seg du byung / srin pham ni godugod du chad / lha dang ni myi yul
(15v11) na / [gda (/gad)] rgyangs ni ye re mo / 'dre dang ni srin yul na / dud
(16r1) rgyangs ni ti ri ri / khar tsang ni khar nyen sngun / lha dang
(16r2) ni srin rgya ba / las la lha rgyal de bzang rab bo / @ / @@@@ /
(16r3) @@@@ / kye lho ga ni zas martedma rted / bsams kyang ni don
(16r4) myi grub / gdon du 'gong po zhig dang byur chags pa yod /
(16r5) pas mo 'grong / @ / @@@@ / @@@ / kye mu sman ni zhal
(16r6) na re / sman ri ni ya byi na zlog par ni ma 'drol kyang
(16r7) sha shor ni phas kyang mchi / lgo 'drim ni tshus kyang mchi
(16r8) de 'is ni nyams myi skyod / skyo le ni bdag gyi nor / stus
(16r9) shing ni ra bar gsol / bzang rab bo / @ / @@@@ /
(16r10) @@ / / kye mtho te ni ci la sman / lta ri ni snyi phroM
(16r11) zhig / smad de ni [mad (/mda)] sa ba / lha ri ni skam ba gong /
(16r12) kha 'dzin ni lha yang byed / spyi mdud ni lha yang 'dor
(16v1) khyim byar btab ni bzang rab bo / @ / @@@ / /
(16v2) @@@ / kye gnas la ni mchod legs pas /
(16v3) sku bla ni ma gsol bar / stang gyi ni dgra zhig guM /
(16v4) sman tu ni ma stungs par / bas gyi ni sha cig gum /
(16v5) yul gyi [*ni] lha gsol dang / byang gyi ni sha shor cig / byaMs
(16v6) gyi ni gnyen bsogs shing / dgra snying ni phur gyis
(16v7) btab / mo ci la btab kyang bzang rab bo / @ /
(16v8) @@@@ / @ / kye cu ru ni phan po skyes / [rtsdang?] [rnang (/rnad)]
(16v9) ni mtho bgrod kyang / deng thugs ni yem pang tshal / [mda (/mad)]
(16v10) rgyal ni dum bra zhig / khyen mkhar / ni ma chags
(16v11) byang / ngal [mad (/mda)] ni khor las skyes / sems khral
(17r1) che tsher la za / tsher la gyon / mod gya / 'di
(17r2) las dpal dang lha myi 'gyur te bzang rab bo /
(17r3) @ / @@@ / @ /
(17r4) kye khyung lung ni rngul mkhar na / g.yung dru ni
(17r5) chab 'ang bas / gru dang ni gzings bcas la / sman
(17r6) ri ni mtho yis khums / myi khyod gyis ci
(17r7) bsams kyang phyi dal che zhing / don myi grub /
(17r8) rab du myi'i kha 'jug / gdon du 'gong po yod /
(17r9) ngan rab bo / / @ / @@ / @@@ /
(17r10) kye phu sum ni ya byi la / spang snar /
(17v1) ni gser sdongs la / sha shor n[i] my[-]
(17v2) bdun kyis / sha gcig ni khus btab pa'p+' /
(17v3) mda' gsum ni ma byi na / gyur gsuM
(17v4) ni thugs snyung ba'b+' / 'o brgyal ni 'gres
(17v5) kyi non / dgra zhig la dogs pa las
(17v6) nyen myed de bzang rab bo / @ / @@@ /
(17v7) @@ / kye nyin zhing ni skugs na nyal /
(17v8) mtshan zhing ni yi ge 'dri / yi ge ni