OTDO
Old Tibetan Documents Online

ITJ_0742

IOL Tib J 742 (= Fragment 55. = vol. 68, fols. 115-116)
    photo
1. Content : Divination with coins.
2. Note : Scroll. Complete text. Recto, a Chinese Buddhist text. Cf. Enoki (1962: C5). Verso, 49 lines.
3. References :
Macdonald (1971: 282-283), Thomas (1957: 150-151) [P.Translit.,P.Trans.], Yamaguchi (1987: 174) [P.Trans.], Chen Jian (2007) [I.Translit.,I.Trans.], Nishida (2011: 316-325) [I.Translit.,I.Trans.].

Transliteration   (Change the Display Format)

(1) (flower shape) / (flower shape) / gnam dang po kong tshe 'phrul kyI bu / / gtsug lag dang / gtsug lag mang po zhig mdor
(2) bstus ste / gtan la phab ba / 'phrul kyI {la} rgyal po li bsam blang gis chib gong nas thugs ring nas mo 'di
(3) gtan la phab pa lags so / mo 'di phugs brtan la 'phral rno / mo 'di 'debs pa'i yo byad la / spos
(4) gIs nI mchod / g.yu mchod 'phrugs gcIg dang / mda' bya drgod ma cIg dang / rme'u bre gang dang /
(5) dpags bu dkar thod gcig myed de myi rung / mo cha tshang na rab du rno 'o / (flower shape) /
(6) $ / / dong tshe gcIg gan na / nyI ma khud par shar pa'I ngo ste / khyIm phya dang srId phyar btab na bzang /
(7) bor rlag byung na rnyed / nad pa la btab na sos / 'dron po la btab na nye bar 'ong / mo 'di ci la btab na
(8) kyang rab bo / $ / / don tshe gnyIs gan na / myI'i ngo la bab ste / khyIm bdag gza' bran nang
(9) mthun te / lus la gdon myed / khyIm phya dang srog phyar btab na bzang / skyes bu ngo mtho / grog che /
(10) khang khIm brtan por gzugs / nad pa gso na nye bar sos / gnam pa 'I ngo zhe bya / snang gsal cIg gIs
(11) cIg bsus te / mo 'dI la btab kyang rab bo / (flower shape) / (flower shape) /
(12) $ / / dong tshe gsum gan na / sa dang lcags kyI ngo la bab ste / khyIm phya dang srog phyar btab na bzang /
(13) nad pa la btab na yul gdon dang / drI mo 'I ngo yod de gnod / cho ga byas na bzang ngo / ma byas na ngan / nyon tsong dang
(14) don gnyer na bzang / 'dron po la btab na myI bzang / myI 'ong // (flower shape) //
(15) $ / / dong tshe bzhI gan na / gnam gru bzhI pa sde brgyad gI ngo la bab ste / khyIm phya dang srog phyar
(16) btab na bzang / gdon phyar btab na zas ngan dang slo thab dang mkhon las byung ste yul don dang / / drI mor
(17) bsdongs ste gnod / nad pa la btab na nad gzhi che / cho ga bya bar bzang / dgra phyar btab na dgradgra ngo mtho / gnyen
(18) byed pa dang khang khyIm byed pa dang / [dur] chad byed par btab na bzang ngo / (two flower shapes) /
(19) $ / (flower shape) / dong thse lnga gan na / bshum ba'I ngo la bab ste / khyIm gnyIs gcig du 'dus pa'I ngo la bab ste /
(20) lho ba bkres la z[i]s gi sri langs te / khyIm phya [srog] phyar btab na ngan / lha nI sngangs myI ni skrag pa'I ngo ste /
(21) dgra sdang ba nI phrad / gnyen byams pa dang nI snol / gdon phyar btab na / phung srIn dang btsan drI[d] mar po dang /
(22) rta shu bo zhon ba [g]cIg gnod / nad pa la btab na / glud btang na rung / mo 'dI ci la btab kyang ngan no / (flower shape) /
(23) $ / / dong tshe drug gan na / chu dang gser gI ngo la bab ste / khyIm phya srId phya srog phyar btab na bzang /
(24) dgra phyar btab na dgra myed / btson du bzung na thar / yus brtsod / na thob / gyod rmas na 'byang / nad
(25) pa gsos na so / don gnyer na 'grub / gnam la skar ma smyIn drug gI ngo ste / skar ma mang pos bskor
(26) ba'I ngo / mo 'di ci la btab kyang rab bo / (flower shape) / (flower shape) / (flower shape) /
(27) dar ma $ / / / dong tshe bdun gan na // mye dang sa 'i ngo la bab ste // gshin ba kren dang // sa dur langs
(28) pa'i ngo la bab ste // khyim gnyis cig du [sus (/sdus)] pa'I ngo la bab ste // khyim phya dang srog phyar btab
(29) na ngan // /// nang myi mthun khal lce mang // skyes bu snying tsher ba'i ngo // dgra phyar btab na dgra'
(30) ngo mtho // myi kha za' // gnod dam myi gnod pa la btab na gnod do // mo 'di ci la btab kyang
(31) ngan // (flower shape) // dong tshe brgyad gan na // chu dang shing skyes pa'i ngo la bab ste // ci la btab kyang bzang //
(32) gnam myi g.yo pa myi ldag // phyi dal ched por bcad // 'dron po myi 'ongs // gsol ba
(33) myi gnang // stor ba myi snyed // gzhan ci la btab kyang bzang //
(34) (flower shape) // dong tshe dgu gan na // rgyal po 'i ngo la bab ste // dga' ba'I rtam snyan pa ni thos //
(35) bsam pa'I don ni grub // 'dod pa'i nor ni snyed // mo 'di ci la btab kyang bzang ngo //
(36) (flower shape) // dong tshe bcu gan na // nyis zla 'phrug cig dus cig du shar pa'I ngo // rgyal po gser gyi
(37) khra'u thog na bzhugs ste // kun la lung snyan pa 'bogs pa'i ngo pa // nad pa gso'
(38) na sos // don nyer na 'grub // bor glag byung ba la btab na snyed // 'dron po la btab na
(39) grog che // mo 'di ci la btab kyang bzang ngo // //
(40) (flower shape) // dong tshe bcu cig gan na myi 'i ngo la bab ste // // da // kong rtse myi dgyes ste //
(41) ci bya 'o chog myi 'grubs // khyim phya dang srog phyar btab na ngan // mkhon dang mgon
(42) gzan yod de // lha ni sngangs myi ni skrag ste // mo 'di ci la btab kyang ngan no //
(43) (flower shape) // dong tshe bcu gnyis gan na // nyi ma stong dus cig du shar pa'i ngo la bab ste //
(44) tshe rabs gar 'gro na yang // gnam grog ched po 'ongs ste bzang //
(45) nad pa tshab che na ngan // mo 'di gzhan ci la btab kyang bzang // (flower shape) // dong tshe kun
(46) bub na // nyi ma nub pa'i ngo la bab ste // sa 'gam ba'i ngo // rgyal ni gdung chad pa'i
(47) ngo // bse' ni dmyig bol ba'I ngo // cho ga byas kyang myi zlogs // mo 'di ci la
(48) btab kyang ngan no / : / dkong tse 'phrul gyis mdzad pa'i dong tse bcu gnyis kyi mo //
(49) brdzogs so // /// //