[Pelliot tibetáin 1055 ] + IOL Tib J 744 (= vol.69, fol.10) — The text is divided between two parts.
1. Content : Divination with coins.
2. Note : Scroll. The beginning is missing. Recto, 29 lines. Verso, blank. Originally a single document which is divided into two parts: IOL Tib J 744 and Pelliot tibetáin 1055. The text continues from Pelliot tibetáin 1055 to IOL Tib J 744.
3. References :
(1) grog myed / / dgra pya la btab na dgra dang phrad
(2) pa'i ngo / / don gnyer ba la btab na don
(3) myi 'grub ste ngan no / : /
(4) $ / / dong tse bcu gnyIs ril gan na the'u
(5) kong gi ngo byung ste / / khyim pya dang srog pya
(6) la btab na bzang rab / / grog pya la btab
(7) na grog che / / gnyen byas na bkra shis ba'i
(8) ngo / / dgra pya la btab na dgra myed / / 'pho
(9) skyas byas na nyes pa myi 'byung / / khang
(10) khyim byas na gdon myi ldang / / ngo 'phral
(11) dang las gsol na thob / / srid pya la bt[ab] na
(12) bzang / nad pa la btab na sos pa'i ngo / /
(13) mo 'di ci la btab kyang bzang rab bo / : /
(14) dong tse ril bub na / / srin zha mo 'i sgo / /
(15) lha thams cad gyis zhabs kyis mnan ba'i
(16) ngo byung ste / / khyim pya dang srid pya la btab na
(17) bzang rab / / srog pya la btab na myi shi / /
(18) shags bkye na bdag rgyal ba'i ngo / / gnyen
(19) byas na 'phrod / / 'don po la btab na re
(20) shig myi 'ong / / gdon pya la btab na / /
(21) the'u rang dang dri mo sdong ba'i ngo / / dgra
(22) pya la btab na dgra myed / / 'pho skyas byas
(23) na bzang / nyes pa myi 'byung / don pya la btab
(24) na don grub / / nad pa la btab na myi shi / /
(25) bor rlag byung na rnyed dka' / / khang khyim
(26) byas na kha dro / / / rje blas dang ngo 'phral
(27) gsol na gnang / / / nye zho 'ong
(28) ngam myi 'ong ba la btab na / nye zho myi
(29) 'ong ste bzang rab bo / : / : /