Pelliot tibetáin 986
1. Content : Shangshu paraphrase.
2. Note : Scroll. The beginning is missing. Recto, 158 lines of Tibetan paraphrase of Shangshu. Verso, blank.
3. References :
Huang (1981) [I.Translit.,I.Trans.], Chen Jian and Wang Yao (1983) [I.Translit.], Coblin (1991: 305-315) [I.Translit.,I.Trans.], Garatti (2018: 158-159) [P.Translit.,P.Trans.].
Transliteration (Change the
Display
Format)
(1) [---] ste le'u gny[i]s pa'o / / lo bcu gsum lon ba'I dpyid
(2) [---] yul lag cu'I byang phyogs kyi chu 'gram du bsnyogs nas / /
(3) [---] 'dus pa'I rnams / / bdag gis bsgo ba'I tshig
(4) [---] na / / legs pa myi grub kyIs dogs te / rgyun du legs pa she dag
(5) [---]m pa dang rtag du myI 'bral ba'i dper nI / / legs pa spyod da dang
(6) [---] do / / ^in gyI rgyal po cI'u yang / chos lugs las 'gal ba /
(7) [---] / myi rgan [---]s drang dkan can ni bsrIngs / / nyes byed pa
(8) [---] py[o]d d[o] / / myi rigs pa'I drag shul la 'dod rgyal she dag du spyod
(9) [---] cing byed par nye nye bshes bshes 'du ste dang nang bcas nas su nang 'thab ste gcig gIs gcig gsod
(10) [---]s kyang gsal bar gzigs shIng gsan to / / yong gnam ni myi mang po
(11) [---] / / myi'I bdag du bskos pa ni / gnam gyi chos gus par bsrung ba yin na / / rgyal po kher gyis gnam gyI chos ltar
(12) [---] / / ['bangs la gnod] cing gdug [gi] cu dang 'dra bar phab pas / / kher gyi srId brlhagbrlag par / gnam gyis cI'u la bk'a stsald pa
(13) [---]s so / / kher chos lugs las 'gal bar spyod pa ni / / mya[---] po cI'u bas kyang lhag ste / / legs pa spyod cing tshul 'dzin pa'I
(14) [---] / ste nor rdzas phrogs [shing stams] las gcod / / khu dbon lastsogs pa snying nye zhing drang dkan chan ni srog la
(15) [---] / / gnam dang sku bla dang zhal bu la stsogs pa ma g[sol na] yang gnod pa ci yod / / chos lam las 'gal ba byas kyang
(16) [---]d par bdanbden ces zer te / / 'di 'dra bar myi rIgs par spyod pas / / [---] [c]i'u bas kyang lhag ces bya'o / / gnam gyis 'bangs kyI chis
(17) [---]g bskos pas / / rgyal po cI'u gyi spyod lam ngan cing myi g[tsang] [b]a myed par bya dgos so / / bdag gi rmyi lam dang mo 'thun bar
(18) bzang ste / / bsam ba 'grub pa'i ltas pas / / jI'u gyi yul du dmag drangs kyis kyang thub par 'gyur ro / / rgyal po jI'u la khu dbon lastsogs
(19) ste pha tshan nang nas bskos peipa'i blon po khri prag yod kyis kyang / / sems dang spyod lam 'thun ba nI gcig kyang myed do / / bdag la rus myi
(20) gcig pa'I blon po bcu yod kyi[s] kyang / / sems dangd+ng spyod pa rIl 'thun te / / ji'u la blon po nye ba las bskos pa 'dI snyed yod kyis kyang / /
(21) bdag gi blon po myi yang dag pa'I spyod lam dang 'thun ba nyu ngu tsam yang myi phod do / / myi lastsogs te srid pa thams chad gnam gyIs yod
(22) par byas pa 'di / / gnam gyi spyan dang snyan du nI / rgyal po bskos pa yin te / / 'bangs myI skyid cIng nyes pa byung ba ni / / rgyal po rang gIs chis nyes
(23) pa'o / / da bdag dmag dpa' zhing bzang ba dang chas te / / jI'u gi so bsdam nas / / jI'u gI skyon myed par bsal te / / dgra chosu bya ba'I rnams legs
(24) shIng gstsal ba / / rgyal po thang bas lhag par bya dgos pas / / rgyal pran dang dmag myi phyogs gyis kyang / bdagI tshig 'dI khyad
(25) du myi g[c?]ad pa dang / dgra la brgal ba yangy+ng dang po nas thub pa 'dra bar chas myi gcad cing / myi thub par dogs par bsam
(26) ste / / brgal na / / dgra thub par 'gyur bas / / phyogs su sgrims la gnyems par rgol cig / / rgyal po jI'u
(27) gi 'bangs / 'jigs shing bag tsha ba nI / / glang dang / sha ba rva stor pa dang 'dra bar / rang gI spa zhum bas / / dma[g]
(28) myi phyog[s] bdag gi bsam ba dang / 'thun bar bya ste / / don chen por grub na / nam zha'I srid brtan bar 'gyur ro / /
(29) $ / / rgyal po bu 'vang gis / / dmag myi mang po la gtsigs stsal pa / tha ma ste / / le'u gsum pa 'o / / lo bcu gsuM
(30) lon ba'I dpyid sla ra ba tshes nyi shu dgu la / / rgyal po cu'u bu'b+' 'vang gis / dmag myi mang po bsags te / spya nga brimsm+s
(31) nas / / dmag ru drug la / gtsigs gsal bar stsal nas / phyogs s[u] bsgo ba / / yul nub phyogs na /
(32) 'dug pa'I myi ya rabs khyed rnams / gnam gyI [cho]s gsal bar shes pa yin bas / / legs nyes chos lugs dang / thang
(33) khrims la stsogs pa gsal bar sru[ng] shig / / ^in gyI rgyal po ji'u sri zhu dang / chu gang gI lugs / srid
(34) pa rnam lnga nI myi spyod / / gna' myi snga rabs gyi gtsug lag dang / sku bla dang mgon mtshun la stsogs pa la nI /
(35) gus par myI sems pas / ji'u gI srog gnam gyis bcad pa yIn te / / bdagI spyod lam gyis rang srog rang gis
(36) bcado / / myi mang po dang mkhon pa yangy+ng / 'bangs stams las bcad pa'I dper / rgyal po ji'u dang / khab tar kis yang
(37) tog steng na bzhugs pas / dgun chu 'gram du myi gnyis 'ongs pa dang / gcig nI 'ongs ma thag du chu rgal / /
(38) [gcig ni] chu rgal ma nus pa dang / khab tar gyis gsol pa / / bdag gis thos na / [pha] ma gzho nu'I bu ni rus pa mkhr[egs]
(39) shing / lhags pa la dp'a / / pha [ma rgan] ba'I [bu] ni rus pa gsu bas / lhags pa la zhan ces / byas pa dang / / rgyal
(40) po jI'u gis myI de gnyis bkug ste / / 'dI bd[e]n brdzun brtag pa'I phyir / rkang pa bcag par byas pa
(41) dang / khu byi kan gyI chos lugs las 'gal ba / 'dI lta bu mdzad pa'I myi rigs par / blon gsol pa
(42) dang / nga myi gcig gsod la yang myi dbang ngam zhes / bka' phab pa dang / khab dar kis gsol pa / bdag gisg+s
(43) thos pa myi 'phrul zhes pa nI / snying la khung bu dgu mchis / myi 'dzangs pa nI snying la khung bu bdun mchis
(44) shes gda' ste / / 'dI yang 'dzangs par gsol ba zhig na / / snying la khung bu bdun mchis pa mad dam
(45) myi mad pa / spya nga brim ba'I rigs sam myi rIgs shes gsol pa dang / [byi] kan 'phral du bkuM ste /
(46) snying phyung nas / spya nga brims na / snying la khung bu yangy+ng bdun mchis par ['d]ugo / chab b[r]gal pa myi gnyis
(47) kyang rkang pa bcad ste spya nga brims na / / khab gyis gsol pa ltar mad par gyur to / / 'dI ltar ma nyes
(48) par stams las bcad pa / / gnam mth'a 'og du khyab par byas so / / rgyal po'I lugs phyal bar bor
(49) nas [ya]b khu dang blon po la stsogs te / snying nye bas / blon btab pa'I rnams kyang / ril gyIs khrims dang sbyar /
(50) lo[ngs spyod] gyI rkyen ya mtshan she dag sbyor zhIng / khab tar ki yId dang 'thun bar sems shing / rol mo dang /
(51) 'phral gang gI s[k]um 'ba' shig spyod pas / gnam gyis cham phab ste / ji'u gI srog gcad par dgongs
(52) pas / dmag [myI phyog]s kyang / le lo bla khyad ma bgyid par / bdag gI tshig gus par nyon te / / gnam gyis
(53) dgongs pa dang ['th]un par / ji'u [gI] srog 'prog go / / g[na'] myi dngags las / nga dang / 'thun bar
(54) byed pa nI lci zhing gus par ['tsham?] mo / / gnod par byed pa nI lan mkhon gyis / glan no zhes 'byung st[e] / /
(55) ji'u / rgyal po'I spyod lam las nI / 'gal bar spyod cing / / myi mang po stams las bcad pas / tshe rabs kyI
(56) mkhon du gyur to / / yong legs pa zhIg byed na nI / grub cing rgyas par bya / / nyes pa zhig bsal na nI / rtsa ba
(57) yan cad / / [rIl gyis] gdon dgos te / / rgyal pran bdag dang / dmag myi phyogs su bsdongs nas / / rgyal
(58) po ji'u gi [b]u tsa [ya]n cad rgyud myed par bya dgos so / / bdag re ba nI dmag myi phyogs gyis kyang / brgal
(59) ba la tsham tshom myi za bar / / bdag gis bsams pa'I don bsgrub dgos so / / de la srog phongs ma byas
(60) te / ngo 'phral la thug pa nI bya dg'a cher sbyin / / bdagI lung ltar ma byas te / rje blas nyams su myI len pa
(61) [ni] / srog la dbab bo / : : / rgyal po bu'b+' 'vang gis / gdung ba'I tshig gis smras pa / / bdag gi yab / blun ['va]ng
(62) legs pa'I yon tan dang ldan te / / phyogs su snyoms pa'I dper nI / / gnyI zla 'od dang 'dra ste / ma khyab pa myed
(63) pas / / mtha' bzhI 'bangs kyang / legs pa'I yon tan la mos nas / / phal cher 'bangs su [r]ang 'dus so / /
(64) bdag gis / da rgyal po je'u thub par gyur na yang / bdag dpa' zhing / dgra chos la mkhas pa ma yin gyI / / bdag
(65) gi yab blun 'vang gis / gnam la nyes ma byas te / / gnam gyI chos dang mthun bar spyad pas / gnam gyis
(66) bstangs pa yang / yab gyI yon no / / gal te / / bdag gis jI'u ma thub par gyur na yang / bdag yab la ma
(67) gtogs te / / rgyal pran / bdag la legs pa'I yon tan myed pa'I phyir ro / /
(68) $ / / rgyal po 'bu 'vang gis / yul 'bog yar / rgyal phran dang / dmag myI phyogs la gtsigs stsal pa'I / le'u
(69) bzhI pa / / rgyal po 'bu 'vang / shing rta sum brgya rkyen gyI dmag nyI gri gcig stong dang / nga phod stagI tshad du dp'a ba / /
(70) sum brgya dang chas te / / yul 'bog yar nol thabs gyI sar gtsigs stsal nas / dpyid sla 'bring po tshes bzhI ste /
(71) shing po byI ba'I nam ka phan phun na / ji'u dang 'thab mo bya bar chad de / g.yul bshams nas / / rgyal po 'bu 'vang phyag
(72) g.yon par / gser gyI dgra sta thogs / phyag g.yas par nI ru mtshon thogs te / phyogs su bsgo ba / / nub
(73) phyogs nas / 'ongs pa'I dmag myi khyed rnams / re shig khyed la sdod cig / / khyim tshes gyI rgyal pran grogs
(74) po'I rnams kyang / dang po nas / yid 'thun ba'I phyir / gros mthun te / / phyin pa dang / dmag pon dang / kha chen gyi
(75) dpon sna man cad / stong pon stong cung la stsogs te / / sna phra mo la gtogs pa yan cad dang / dmag myi phra
(76) phyogs su / snga phyir gtsigs byin zhIng bsgo ba / rnams gus par soms te / / dgra la brgal zhIng 'dor
(77) pa dang / dgyed pa la stsogs pa / / ngas ru mtshon ji ltar bsgyur ba bzhIn gyis shIg / / gna'I myI dngags
(78) las / bya mo zer na nI khyim phung / mos pho'I dbang phrogs pa nI srid shor zhes / / 'byung ste / / da rgyal po
(79) ji'u khab tar ka'I ngag myi lon te / / ji'u gI dbang / tar gyis phrogs pasp+s / / gnam sa dang / sku bla dang zhal bu
(80) la stsogs pa mchod cing / gsol ba'I rigs pa yangy+ng myI mchod myi gsol / / phu nu drung gIs blon btab pa nI /
(81) bzlog ste / sha rus nI bsrings / / rgyal khams gzhan nas nyes pa'I myi mchu thogs pa / skyon can rIl /
(82) bsogs nas / las su bskos te / myi 'dI dag dang bsdongs nas / / chos lugs las 'gal ba myi rigs pa sna
(83) tshogs spyod de / / phyi nang 'dra bar brdzun sgyu she dag byed cing / 'bangs stams las bcad pas / / bdag
(84) gnam gyI lung gus par nyan te / / jI'u la dmag drangs pa yin bas / / deng thab mo bya ba nI / brgal zhing bsnyag
(85) pa yangy+ng / 'dom bdun las 'dar myi rung / slar nur zhing dgyed pa yang / 'dom bdun las nur du myi rung bas /
(86) phyogs su 'thun bar gyIs shig / / dmag myi phyogs kyang srog spongs ma 'tshal bar / / sbyugsspyugs te /
(87) dpa' zhIng rtsal dbyung ba nI / stag dang gung dang dom dang dred dang 'dra bar / bya dgos so / / pham glo ba nyer 'ong
(88) ba nI / ma bgag ma brgal bar thong shig / / phyogs su bsgrims la / le lo ma byed cig / / nga'I tshig
(89) ltar myi byed pa nI / 'phral du gsad do / /
(90) $ / / dgra chos dang / dpa' rtsal gyI don 'grub pa'I le'u lnga pa / / rgyal po 'bu 'vang gIs / je'u gi srid
(91) brlag nas / / slar log ste / / bka' stsal pa / / ngas dgra chos lan gcig spyad pas / / gnam mtha' 'og
(92) bde bar 'gyur te / / cham la phab pas / phyin cad dgra chos spyad myi dgos te / / dra ma'I rkyen myI dgos pas / /
(93) dmag myi brgyags khal gnag rta rnams / rang nyam du yan par thong shig ces bsgo nas / / gnag rta'I rnaMs
(94) rI hva shan la yan par bkye'o / / je'u gI srid brlag pa'I rjes la / / ^in tang gI [thang?] khrims rtsis mgo rIlr+l spya
(95) nga brims nas / / jI'u gI yab myes yon tan can gyI khrims bzang po nI bzhag / / jI'u gI khrims ngan pa nI /
(96) bsal te / / bor ro / / rgyal po 'bu 'vang gIs / / ji'u la dmag drang bar chad pa'I tshe / / dpyid sla ra ba tshes gnyisny+s
(97) te / / chu bo 'brugI nyi ma la / / sla ba tshes gyis kyang / da dung gshed nag pos / khebs te / myi mngon bas / zhag cig
(98) bstis te / / tshes gsuM chachu mo sbrul gyI nyi ma la lam du zhugs te / ji'u la dmag drang bar chas nas / / dpyid sla ra
(99) ba tshes nyI shu brgyad la / rma chu la rab meng chin du brgal nas / / ji'u gI srid brlag ste / / dbyar sla ra ba tshes
(100) gsuM ste / sla ba sos shing gsal ba'I dus su / / shang ji'u gI yul nas / slar yul bung du log ste / / dgra ca'I rnaM
(101) ril bsnyal nas / / slan cad gtsug lag dang / yIg rtsis spyod cing / slob du stsal nas / / dra rkyen gyi rta nI yul
(102) hva shan du yan du bkye / / gnag nI tshal thI 'u lim du btang nas / / da phyin cad dgra chos myi spyod pas / /
(103) dgra ca dang / dgra rkyen gyI rkang 'gros la stsogs pa / / phyin cad myi spyad par bya'o zhes / bka' stsal nas / /
(104) dbyar sla ra ba tshes gcig ste / mye mo lug gI nyi ma la / / gdung rabs bdun tshun cad gyI zhal bu gsol
(105) pa'I tshe / / pho brang nas / lI [bar (/nar)] nyIs stong tshun cad gnas pa'I rgyal pran rnams ma bkug par / rang lha 'bras
(106) dang mchod pa'I yo byad 'tshal te / / zhal bu gsol ba'I sar 'dus te / gsol lo / / dbyar sla ra ba
(107) tshes bzhI ste / lcags po khyI'i nyI ma la / shing spungs pa'I khar / srog chags sna gsum bzhag ste / mye btang
(108) nas / gnam mchod de / / gnam gyIs lung stsal pa bzhin don chen po grub ste // ji'u gi srid brlag nas /
(109) bdag gI don cher grub ces gsol nas / / chab 'og du 'dus pa'I sku bla'o 'tshal dang / rI gnyan po dang /
(110) chu chen po la stsogs pa / rIl mchod de / / dbyar sla ra ba nya bri nas / / phyogs bzhI rgyal pran dang /
(111) zhang lon sna la gtogs pa yan cad ril 'dus te / / rgyal po ji'u 'bun 'vang gI bka' gus par
(112) nyan nas / / ril chags 'og du 'dus so / / rgyal po 'bun 'vang / gdung ba'I tshig gis / rgyal
(113) pran rnams la bsgo ba / / bdag gi yab myes snga rabs / he'u tshig nas / / rgyal pran gyI srid
(114) rnyed de / / yul sa mtho ba'I mgo yang de nas byung / / hi'u tshig gI yang tsa / kong le'u gis kyang / legs
(115) pa'I yon tan dang / gna' myI spyod lam rgyas shing / / gus par byed de / / srid phyir zhIng dar nas / / rgyal po de'I
(116) 'vang gis / yab myes snga rabs yon tan dang ldan ba'I rjes su / / rgyal po chen por bsgrub pa'I srol btod
(117) de / / sras gyvI lig / sgam zhIng 'bangs la / 'o byams shing / chis mkhas pa'I phyir / / sras bun 'vang skyes
(118) pa yang / gnam gyI dgongs pa dang 'thun bar / don chen po bsgrub pa la mkhas pas / / gnam mtha' bzhI /
(119) 'ngangs'bangs kyang bde bar byas so / / 'bun 'vang sgal dkyel che bas / chab srid bskyed pa'I phyir / rgyal khams
(120) chen po nI mthu dang byin gyis mnan / / khams chu ngu nI legs pa'I yon tan [la?] mos zhing 'dud du stsal pa /
(121) las / / dgongs pa don chen po ma grub par nongs so / / rgyal po jI'u gi srId brlag pa / bdag rang gis
(122) byas pa ma yin te / / yab 'bun 'vang gI zhal chems dang / rgyal po ji'u ma 'os ma rig par / rgyal po'I
(123) lugs las 'gal bar byed pa'I phyir ro / / jI'u la dmag drangs pa'I tshe yang / 'dI ltar 'gal bar byed
(124) pas / nga'I yab myes / chos lam dang / rgyal lugs bzhin byed pa'I bu tsa / 'bu 'vang gis / / ji'u gI srid
(125) brlag go zhes / gnam sa dang / lha klu dang / sku bla dang / zhal bu la stsogs pa la sbran te / gsol nas / dmagm+g
(126) phab bo / / rgyal po jI'u chos lam las 'gal bar byed pas / / gnam sa dang / sku bla dang / zhal bu la
(127) stsogs pa / / mnga'mnga' thang bcad de / mchod pa'I rigs pa las / / ril myi gsol bar / / gnam mtha'
(128) 'og nyes pa byed pa'I skyon can / thams cad bsdus te / / skyabs byas nas / / nyes byed pa'I myi myi rnyed myi
(129) zin pa'I / dper nI / gcan zan nags tsal dang / brag phugs su zhen pa dang / chu myig gI chu rtsang por
(130) 'dres na / / btsal du myI rnyed pa dang 'dra'o / / bdag rgyal pran chung gis / blon po 'dzangs pa yon tan can dgu dang / /
(131) bud myed gcig dang bcu rnyed de / / blon po 'dI rnams dang / gnam gyI chos gus par bsrungs nas / /
(132) rgyal po ji'u / 'khrugs pa'I lam bcad do / / nga rgyal khams gzhan dang myi 'dra bar che zhing / gtsug lag
(133) dang ldan bas / / lho bal la stsogs te / / rgyal khams thams cad chagsg+s 'og du 'dus nas / / bka'k+' gus
(134) par nyan to / / dang po jI'u la / dmag 'dren bar chas pa'I tshe / / yul de'I myi pho smos mang du 'dus nas /
(135) rgyal po sgam po 'bu 'vang byon bas / / bdag cag slan cad sdug bsngal las thar par 'gyur ro
(136) zhes gsol te / / zab dar mang du bsdus nas / skyes su phul lo / / gnam gis kyang cI'u gI legs
(137) pa 'grub par dgyes nas / / don chen po grub pa yangy+ng / gnam gyis bstangso / / ji'u dang nol thabs
(138) dpyid sla ra ba tshes brgyad gyI nub mo / / g.yul bshams pa las / / char mo che phab ste / gnam gyis
(139) bdag la stong na nI char pa chad par 'gyur / ji'u la stong na nI char pa myI 'chad do zhes smras pa dang /
(140) char pa mod la chad pa yang / legs pa gnam gyis bstangs shes bya'o / / phyi de nang par dpyid sla 'bring
(141) po tshes bzhI ste / / shIng po byi ba'I nam ka phan phun na / / ji'u gis dmag mang po nags tsal dang /
(142) bshams nas / bsdos te / / brgalbrgal pa las / / ci'u la lta ga la thub ste / / ji'u gI dmag myi nang gcig
(143) gis gcig bsad nas / khrag mang po phub theg pa tsam du phab ste / / bdag gis go gyon te / dgra chos
(144) lan cig spyad pa tsam gyis / / gnam mtha' 'og bde bar gyur to / / sngon rgyal po jI'u pha khu yon
(145) tan can / kI tsi dang / byid dkan gyis / / jI'u la / blon drag du btab pa las / / byid dkan snying phyung ste
(146) bsad pa dang / kI tse phyag sbal du bcug yang / / phyag sbal nas phyung / / byid kan nI blon po ched po'I
(147) thang du shid btang / / yong lu zhes bya ba 'dzangs pa dben sa na gnas te / / ji'u gis las su ma bskos pa
(148) yang / las su bskos / / phyag mdzod chen po log the'I dkor dang / / khu ke'I stsang rIl gyis bton
(149) nas / / 'bangs phyogs su bya dga'g+' cher byin te / / 'bangs mang po / bka' drIn gyis 'dI ltar
(150) khyab ces / gtang rag gtong ngo / / sngon gyi dus na / rgyal pran dang / blon po rim pa lnga yod
(151) de / / bar du jI'u gis myed par byas pa yang / sngon gyi lugs bzhIn / las gyi rIm pa yod par byaso / /
(152) zhing pa'I dbang tang rnam gsum yangy+ng / sngon gyi lugs dang mthun bar dgongs te / / dmyigs phye'o / /
(153) las su bsko ba yangy+ng shes pa'I yon tan dang myI ldan na / / nye zhing bshes gyis kyang myI bsko'o / / chu gang dang
(154) sri zhu'I lugs rnam lnga dang / shi bdur dang lha mtshun mchod pa'I lugs dang / zhIng chos dang myi drang
(155) po gzhung can la stsogs te / / gong nas smos pa'I rnams / gus shing lci bar spyod pas / / 'bangs
(156) gyi chis yang myi mdzad par / phyag brkyang ste / bzhugs gyis kyang / / gnam mtha' 'og gI 'bangsng+s
(157) rang bzhIn du skyid par gyur to //
(158) $ / / zhang shu bam po drug pa rdzogs s.hos+ho / /
(2) [---] yul lag cu'I byang phyogs kyi chu 'gram du bsnyogs nas / /
(3) [---] 'dus pa'I rnams / / bdag gis bsgo ba'I tshig
(4) [---] na / / legs pa myi grub kyIs dogs te / rgyun du legs pa she dag
(5) [---]m pa dang rtag du myI 'bral ba'i dper nI / / legs pa spyod da dang
(6) [---] do / / ^in gyI rgyal po cI'u yang / chos lugs las 'gal ba /
(7) [---] / myi rgan [---]s drang dkan can ni bsrIngs / / nyes byed pa
(8) [---] py[o]d d[o] / / myi rigs pa'I drag shul la 'dod rgyal she dag du spyod
(9) [---] cing byed par nye nye bshes bshes 'du ste dang nang bcas nas su nang 'thab ste gcig gIs gcig gsod
(10) [---]s kyang gsal bar gzigs shIng gsan to / / yong gnam ni myi mang po
(11) [---] / / myi'I bdag du bskos pa ni / gnam gyi chos gus par bsrung ba yin na / / rgyal po kher gyis gnam gyI chos ltar
(12) [---] / / ['bangs la gnod] cing gdug [gi] cu dang 'dra bar phab pas / / kher gyi srId brlhagbrlag par / gnam gyis cI'u la bk'a stsald pa
(13) [---]s so / / kher chos lugs las 'gal bar spyod pa ni / / mya[---] po cI'u bas kyang lhag ste / / legs pa spyod cing tshul 'dzin pa'I
(14) [---] / ste nor rdzas phrogs [shing stams] las gcod / / khu dbon lastsogs pa snying nye zhing drang dkan chan ni srog la
(15) [---] / / gnam dang sku bla dang zhal bu la stsogs pa ma g[sol na] yang gnod pa ci yod / / chos lam las 'gal ba byas kyang
(16) [---]d par bdanbden ces zer te / / 'di 'dra bar myi rIgs par spyod pas / / [---] [c]i'u bas kyang lhag ces bya'o / / gnam gyis 'bangs kyI chis
(17) [---]g bskos pas / / rgyal po cI'u gyi spyod lam ngan cing myi g[tsang] [b]a myed par bya dgos so / / bdag gi rmyi lam dang mo 'thun bar
(18) bzang ste / / bsam ba 'grub pa'i ltas pas / / jI'u gyi yul du dmag drangs kyis kyang thub par 'gyur ro / / rgyal po jI'u la khu dbon lastsogs
(19) ste pha tshan nang nas bskos peipa'i blon po khri prag yod kyis kyang / / sems dang spyod lam 'thun ba nI gcig kyang myed do / / bdag la rus myi
(20) gcig pa'I blon po bcu yod kyi[s] kyang / / sems dangd+ng spyod pa rIl 'thun te / / ji'u la blon po nye ba las bskos pa 'dI snyed yod kyis kyang / /
(21) bdag gi blon po myi yang dag pa'I spyod lam dang 'thun ba nyu ngu tsam yang myi phod do / / myi lastsogs te srid pa thams chad gnam gyIs yod
(22) par byas pa 'di / / gnam gyi spyan dang snyan du nI / rgyal po bskos pa yin te / / 'bangs myI skyid cIng nyes pa byung ba ni / / rgyal po rang gIs chis nyes
(23) pa'o / / da bdag dmag dpa' zhing bzang ba dang chas te / / jI'u gi so bsdam nas / / jI'u gI skyon myed par bsal te / / dgra chosu bya ba'I rnams legs
(24) shIng gstsal ba / / rgyal po thang bas lhag par bya dgos pas / / rgyal pran dang dmag myi phyogs gyis kyang / bdagI tshig 'dI khyad
(25) du myi g[c?]ad pa dang / dgra la brgal ba yangy+ng dang po nas thub pa 'dra bar chas myi gcad cing / myi thub par dogs par bsam
(26) ste / / brgal na / / dgra thub par 'gyur bas / / phyogs su sgrims la gnyems par rgol cig / / rgyal po jI'u
(27) gi 'bangs / 'jigs shing bag tsha ba nI / / glang dang / sha ba rva stor pa dang 'dra bar / rang gI spa zhum bas / / dma[g]
(28) myi phyog[s] bdag gi bsam ba dang / 'thun bar bya ste / / don chen por grub na / nam zha'I srid brtan bar 'gyur ro / /
(29) $ / / rgyal po bu 'vang gis / / dmag myi mang po la gtsigs stsal pa / tha ma ste / / le'u gsum pa 'o / / lo bcu gsuM
(30) lon ba'I dpyid sla ra ba tshes nyi shu dgu la / / rgyal po cu'u bu'b+' 'vang gis / dmag myi mang po bsags te / spya nga brimsm+s
(31) nas / / dmag ru drug la / gtsigs gsal bar stsal nas / phyogs s[u] bsgo ba / / yul nub phyogs na /
(32) 'dug pa'I myi ya rabs khyed rnams / gnam gyI [cho]s gsal bar shes pa yin bas / / legs nyes chos lugs dang / thang
(33) khrims la stsogs pa gsal bar sru[ng] shig / / ^in gyI rgyal po ji'u sri zhu dang / chu gang gI lugs / srid
(34) pa rnam lnga nI myi spyod / / gna' myi snga rabs gyi gtsug lag dang / sku bla dang mgon mtshun la stsogs pa la nI /
(35) gus par myI sems pas / ji'u gI srog gnam gyis bcad pa yIn te / / bdagI spyod lam gyis rang srog rang gis
(36) bcado / / myi mang po dang mkhon pa yangy+ng / 'bangs stams las bcad pa'I dper / rgyal po ji'u dang / khab tar kis yang
(37) tog steng na bzhugs pas / dgun chu 'gram du myi gnyis 'ongs pa dang / gcig nI 'ongs ma thag du chu rgal / /
(38) [gcig ni] chu rgal ma nus pa dang / khab tar gyis gsol pa / / bdag gis thos na / [pha] ma gzho nu'I bu ni rus pa mkhr[egs]
(39) shing / lhags pa la dp'a / / pha [ma rgan] ba'I [bu] ni rus pa gsu bas / lhags pa la zhan ces / byas pa dang / / rgyal
(40) po jI'u gis myI de gnyis bkug ste / / 'dI bd[e]n brdzun brtag pa'I phyir / rkang pa bcag par byas pa
(41) dang / khu byi kan gyI chos lugs las 'gal ba / 'dI lta bu mdzad pa'I myi rigs par / blon gsol pa
(42) dang / nga myi gcig gsod la yang myi dbang ngam zhes / bka' phab pa dang / khab dar kis gsol pa / bdag gisg+s
(43) thos pa myi 'phrul zhes pa nI / snying la khung bu dgu mchis / myi 'dzangs pa nI snying la khung bu bdun mchis
(44) shes gda' ste / / 'dI yang 'dzangs par gsol ba zhig na / / snying la khung bu bdun mchis pa mad dam
(45) myi mad pa / spya nga brim ba'I rigs sam myi rIgs shes gsol pa dang / [byi] kan 'phral du bkuM ste /
(46) snying phyung nas / spya nga brims na / snying la khung bu yangy+ng bdun mchis par ['d]ugo / chab b[r]gal pa myi gnyis
(47) kyang rkang pa bcad ste spya nga brims na / / khab gyis gsol pa ltar mad par gyur to / / 'dI ltar ma nyes
(48) par stams las bcad pa / / gnam mth'a 'og du khyab par byas so / / rgyal po'I lugs phyal bar bor
(49) nas [ya]b khu dang blon po la stsogs te / snying nye bas / blon btab pa'I rnams kyang / ril gyIs khrims dang sbyar /
(50) lo[ngs spyod] gyI rkyen ya mtshan she dag sbyor zhIng / khab tar ki yId dang 'thun bar sems shing / rol mo dang /
(51) 'phral gang gI s[k]um 'ba' shig spyod pas / gnam gyis cham phab ste / ji'u gI srog gcad par dgongs
(52) pas / dmag [myI phyog]s kyang / le lo bla khyad ma bgyid par / bdag gI tshig gus par nyon te / / gnam gyis
(53) dgongs pa dang ['th]un par / ji'u [gI] srog 'prog go / / g[na'] myi dngags las / nga dang / 'thun bar
(54) byed pa nI lci zhing gus par ['tsham?] mo / / gnod par byed pa nI lan mkhon gyis / glan no zhes 'byung st[e] / /
(55) ji'u / rgyal po'I spyod lam las nI / 'gal bar spyod cing / / myi mang po stams las bcad pas / tshe rabs kyI
(56) mkhon du gyur to / / yong legs pa zhIg byed na nI / grub cing rgyas par bya / / nyes pa zhig bsal na nI / rtsa ba
(57) yan cad / / [rIl gyis] gdon dgos te / / rgyal pran bdag dang / dmag myi phyogs su bsdongs nas / / rgyal
(58) po ji'u gi [b]u tsa [ya]n cad rgyud myed par bya dgos so / / bdag re ba nI dmag myi phyogs gyis kyang / brgal
(59) ba la tsham tshom myi za bar / / bdag gis bsams pa'I don bsgrub dgos so / / de la srog phongs ma byas
(60) te / ngo 'phral la thug pa nI bya dg'a cher sbyin / / bdagI lung ltar ma byas te / rje blas nyams su myI len pa
(61) [ni] / srog la dbab bo / : : / rgyal po bu'b+' 'vang gis / gdung ba'I tshig gis smras pa / / bdag gi yab / blun ['va]ng
(62) legs pa'I yon tan dang ldan te / / phyogs su snyoms pa'I dper nI / / gnyI zla 'od dang 'dra ste / ma khyab pa myed
(63) pas / / mtha' bzhI 'bangs kyang / legs pa'I yon tan la mos nas / / phal cher 'bangs su [r]ang 'dus so / /
(64) bdag gis / da rgyal po je'u thub par gyur na yang / bdag dpa' zhing / dgra chos la mkhas pa ma yin gyI / / bdag
(65) gi yab blun 'vang gis / gnam la nyes ma byas te / / gnam gyI chos dang mthun bar spyad pas / gnam gyis
(66) bstangs pa yang / yab gyI yon no / / gal te / / bdag gis jI'u ma thub par gyur na yang / bdag yab la ma
(67) gtogs te / / rgyal pran / bdag la legs pa'I yon tan myed pa'I phyir ro / /
(68) $ / / rgyal po 'bu 'vang gis / yul 'bog yar / rgyal phran dang / dmag myI phyogs la gtsigs stsal pa'I / le'u
(69) bzhI pa / / rgyal po 'bu 'vang / shing rta sum brgya rkyen gyI dmag nyI gri gcig stong dang / nga phod stagI tshad du dp'a ba / /
(70) sum brgya dang chas te / / yul 'bog yar nol thabs gyI sar gtsigs stsal nas / dpyid sla 'bring po tshes bzhI ste /
(71) shing po byI ba'I nam ka phan phun na / ji'u dang 'thab mo bya bar chad de / g.yul bshams nas / / rgyal po 'bu 'vang phyag
(72) g.yon par / gser gyI dgra sta thogs / phyag g.yas par nI ru mtshon thogs te / phyogs su bsgo ba / / nub
(73) phyogs nas / 'ongs pa'I dmag myi khyed rnams / re shig khyed la sdod cig / / khyim tshes gyI rgyal pran grogs
(74) po'I rnams kyang / dang po nas / yid 'thun ba'I phyir / gros mthun te / / phyin pa dang / dmag pon dang / kha chen gyi
(75) dpon sna man cad / stong pon stong cung la stsogs te / / sna phra mo la gtogs pa yan cad dang / dmag myi phra
(76) phyogs su / snga phyir gtsigs byin zhIng bsgo ba / rnams gus par soms te / / dgra la brgal zhIng 'dor
(77) pa dang / dgyed pa la stsogs pa / / ngas ru mtshon ji ltar bsgyur ba bzhIn gyis shIg / / gna'I myI dngags
(78) las / bya mo zer na nI khyim phung / mos pho'I dbang phrogs pa nI srid shor zhes / / 'byung ste / / da rgyal po
(79) ji'u khab tar ka'I ngag myi lon te / / ji'u gI dbang / tar gyis phrogs pasp+s / / gnam sa dang / sku bla dang zhal bu
(80) la stsogs pa mchod cing / gsol ba'I rigs pa yangy+ng myI mchod myi gsol / / phu nu drung gIs blon btab pa nI /
(81) bzlog ste / sha rus nI bsrings / / rgyal khams gzhan nas nyes pa'I myi mchu thogs pa / skyon can rIl /
(82) bsogs nas / las su bskos te / myi 'dI dag dang bsdongs nas / / chos lugs las 'gal ba myi rigs pa sna
(83) tshogs spyod de / / phyi nang 'dra bar brdzun sgyu she dag byed cing / 'bangs stams las bcad pas / / bdag
(84) gnam gyI lung gus par nyan te / / jI'u la dmag drangs pa yin bas / / deng thab mo bya ba nI / brgal zhing bsnyag
(85) pa yangy+ng / 'dom bdun las 'dar myi rung / slar nur zhing dgyed pa yang / 'dom bdun las nur du myi rung bas /
(86) phyogs su 'thun bar gyIs shig / / dmag myi phyogs kyang srog spongs ma 'tshal bar / / sbyugsspyugs te /
(87) dpa' zhIng rtsal dbyung ba nI / stag dang gung dang dom dang dred dang 'dra bar / bya dgos so / / pham glo ba nyer 'ong
(88) ba nI / ma bgag ma brgal bar thong shig / / phyogs su bsgrims la / le lo ma byed cig / / nga'I tshig
(89) ltar myi byed pa nI / 'phral du gsad do / /
(90) $ / / dgra chos dang / dpa' rtsal gyI don 'grub pa'I le'u lnga pa / / rgyal po 'bu 'vang gIs / je'u gi srid
(91) brlag nas / / slar log ste / / bka' stsal pa / / ngas dgra chos lan gcig spyad pas / / gnam mtha' 'og
(92) bde bar 'gyur te / / cham la phab pas / phyin cad dgra chos spyad myi dgos te / / dra ma'I rkyen myI dgos pas / /
(93) dmag myi brgyags khal gnag rta rnams / rang nyam du yan par thong shig ces bsgo nas / / gnag rta'I rnaMs
(94) rI hva shan la yan par bkye'o / / je'u gI srid brlag pa'I rjes la / / ^in tang gI [thang?] khrims rtsis mgo rIlr+l spya
(95) nga brims nas / / jI'u gI yab myes yon tan can gyI khrims bzang po nI bzhag / / jI'u gI khrims ngan pa nI /
(96) bsal te / / bor ro / / rgyal po 'bu 'vang gIs / / ji'u la dmag drang bar chad pa'I tshe / / dpyid sla ra ba tshes gnyisny+s
(97) te / / chu bo 'brugI nyi ma la / / sla ba tshes gyis kyang / da dung gshed nag pos / khebs te / myi mngon bas / zhag cig
(98) bstis te / / tshes gsuM chachu mo sbrul gyI nyi ma la lam du zhugs te / ji'u la dmag drang bar chas nas / / dpyid sla ra
(99) ba tshes nyI shu brgyad la / rma chu la rab meng chin du brgal nas / / ji'u gI srid brlag ste / / dbyar sla ra ba tshes
(100) gsuM ste / sla ba sos shing gsal ba'I dus su / / shang ji'u gI yul nas / slar yul bung du log ste / / dgra ca'I rnaM
(101) ril bsnyal nas / / slan cad gtsug lag dang / yIg rtsis spyod cing / slob du stsal nas / / dra rkyen gyi rta nI yul
(102) hva shan du yan du bkye / / gnag nI tshal thI 'u lim du btang nas / / da phyin cad dgra chos myi spyod pas / /
(103) dgra ca dang / dgra rkyen gyI rkang 'gros la stsogs pa / / phyin cad myi spyad par bya'o zhes / bka' stsal nas / /
(104) dbyar sla ra ba tshes gcig ste / mye mo lug gI nyi ma la / / gdung rabs bdun tshun cad gyI zhal bu gsol
(105) pa'I tshe / / pho brang nas / lI [bar (/nar)] nyIs stong tshun cad gnas pa'I rgyal pran rnams ma bkug par / rang lha 'bras
(106) dang mchod pa'I yo byad 'tshal te / / zhal bu gsol ba'I sar 'dus te / gsol lo / / dbyar sla ra ba
(107) tshes bzhI ste / lcags po khyI'i nyI ma la / shing spungs pa'I khar / srog chags sna gsum bzhag ste / mye btang
(108) nas / gnam mchod de / / gnam gyIs lung stsal pa bzhin don chen po grub ste // ji'u gi srid brlag nas /
(109) bdag gI don cher grub ces gsol nas / / chab 'og du 'dus pa'I sku bla'o 'tshal dang / rI gnyan po dang /
(110) chu chen po la stsogs pa / rIl mchod de / / dbyar sla ra ba nya bri nas / / phyogs bzhI rgyal pran dang /
(111) zhang lon sna la gtogs pa yan cad ril 'dus te / / rgyal po ji'u 'bun 'vang gI bka' gus par
(112) nyan nas / / ril chags 'og du 'dus so / / rgyal po 'bun 'vang / gdung ba'I tshig gis / rgyal
(113) pran rnams la bsgo ba / / bdag gi yab myes snga rabs / he'u tshig nas / / rgyal pran gyI srid
(114) rnyed de / / yul sa mtho ba'I mgo yang de nas byung / / hi'u tshig gI yang tsa / kong le'u gis kyang / legs
(115) pa'I yon tan dang / gna' myI spyod lam rgyas shing / / gus par byed de / / srid phyir zhIng dar nas / / rgyal po de'I
(116) 'vang gis / yab myes snga rabs yon tan dang ldan ba'I rjes su / / rgyal po chen por bsgrub pa'I srol btod
(117) de / / sras gyvI lig / sgam zhIng 'bangs la / 'o byams shing / chis mkhas pa'I phyir / / sras bun 'vang skyes
(118) pa yang / gnam gyI dgongs pa dang 'thun bar / don chen po bsgrub pa la mkhas pas / / gnam mtha' bzhI /
(119) 'ngangs'bangs kyang bde bar byas so / / 'bun 'vang sgal dkyel che bas / chab srid bskyed pa'I phyir / rgyal khams
(120) chen po nI mthu dang byin gyis mnan / / khams chu ngu nI legs pa'I yon tan [la?] mos zhing 'dud du stsal pa /
(121) las / / dgongs pa don chen po ma grub par nongs so / / rgyal po jI'u gi srId brlag pa / bdag rang gis
(122) byas pa ma yin te / / yab 'bun 'vang gI zhal chems dang / rgyal po ji'u ma 'os ma rig par / rgyal po'I
(123) lugs las 'gal bar byed pa'I phyir ro / / jI'u la dmag drangs pa'I tshe yang / 'dI ltar 'gal bar byed
(124) pas / nga'I yab myes / chos lam dang / rgyal lugs bzhin byed pa'I bu tsa / 'bu 'vang gis / / ji'u gI srid
(125) brlag go zhes / gnam sa dang / lha klu dang / sku bla dang / zhal bu la stsogs pa la sbran te / gsol nas / dmagm+g
(126) phab bo / / rgyal po jI'u chos lam las 'gal bar byed pas / / gnam sa dang / sku bla dang / zhal bu la
(127) stsogs pa / / mnga'mnga' thang bcad de / mchod pa'I rigs pa las / / ril myi gsol bar / / gnam mtha'
(128) 'og nyes pa byed pa'I skyon can / thams cad bsdus te / / skyabs byas nas / / nyes byed pa'I myi myi rnyed myi
(129) zin pa'I / dper nI / gcan zan nags tsal dang / brag phugs su zhen pa dang / chu myig gI chu rtsang por
(130) 'dres na / / btsal du myI rnyed pa dang 'dra'o / / bdag rgyal pran chung gis / blon po 'dzangs pa yon tan can dgu dang / /
(131) bud myed gcig dang bcu rnyed de / / blon po 'dI rnams dang / gnam gyI chos gus par bsrungs nas / /
(132) rgyal po ji'u / 'khrugs pa'I lam bcad do / / nga rgyal khams gzhan dang myi 'dra bar che zhing / gtsug lag
(133) dang ldan bas / / lho bal la stsogs te / / rgyal khams thams cad chagsg+s 'og du 'dus nas / / bka'k+' gus
(134) par nyan to / / dang po jI'u la / dmag 'dren bar chas pa'I tshe / / yul de'I myi pho smos mang du 'dus nas /
(135) rgyal po sgam po 'bu 'vang byon bas / / bdag cag slan cad sdug bsngal las thar par 'gyur ro
(136) zhes gsol te / / zab dar mang du bsdus nas / skyes su phul lo / / gnam gis kyang cI'u gI legs
(137) pa 'grub par dgyes nas / / don chen po grub pa yangy+ng / gnam gyis bstangso / / ji'u dang nol thabs
(138) dpyid sla ra ba tshes brgyad gyI nub mo / / g.yul bshams pa las / / char mo che phab ste / gnam gyis
(139) bdag la stong na nI char pa chad par 'gyur / ji'u la stong na nI char pa myI 'chad do zhes smras pa dang /
(140) char pa mod la chad pa yang / legs pa gnam gyis bstangs shes bya'o / / phyi de nang par dpyid sla 'bring
(141) po tshes bzhI ste / / shIng po byi ba'I nam ka phan phun na / / ji'u gis dmag mang po nags tsal dang /
(142) bshams nas / bsdos te / / brgalbrgal pa las / / ci'u la lta ga la thub ste / / ji'u gI dmag myi nang gcig
(143) gis gcig bsad nas / khrag mang po phub theg pa tsam du phab ste / / bdag gis go gyon te / dgra chos
(144) lan cig spyad pa tsam gyis / / gnam mtha' 'og bde bar gyur to / / sngon rgyal po jI'u pha khu yon
(145) tan can / kI tsi dang / byid dkan gyis / / jI'u la / blon drag du btab pa las / / byid dkan snying phyung ste
(146) bsad pa dang / kI tse phyag sbal du bcug yang / / phyag sbal nas phyung / / byid kan nI blon po ched po'I
(147) thang du shid btang / / yong lu zhes bya ba 'dzangs pa dben sa na gnas te / / ji'u gis las su ma bskos pa
(148) yang / las su bskos / / phyag mdzod chen po log the'I dkor dang / / khu ke'I stsang rIl gyis bton
(149) nas / / 'bangs phyogs su bya dga'g+' cher byin te / / 'bangs mang po / bka' drIn gyis 'dI ltar
(150) khyab ces / gtang rag gtong ngo / / sngon gyi dus na / rgyal pran dang / blon po rim pa lnga yod
(151) de / / bar du jI'u gis myed par byas pa yang / sngon gyi lugs bzhIn / las gyi rIm pa yod par byaso / /
(152) zhing pa'I dbang tang rnam gsum yangy+ng / sngon gyi lugs dang mthun bar dgongs te / / dmyigs phye'o / /
(153) las su bsko ba yangy+ng shes pa'I yon tan dang myI ldan na / / nye zhing bshes gyis kyang myI bsko'o / / chu gang dang
(154) sri zhu'I lugs rnam lnga dang / shi bdur dang lha mtshun mchod pa'I lugs dang / zhIng chos dang myi drang
(155) po gzhung can la stsogs te / / gong nas smos pa'I rnams / gus shing lci bar spyod pas / / 'bangs
(156) gyi chis yang myi mdzad par / phyag brkyang ste / bzhugs gyis kyang / / gnam mtha' 'og gI 'bangsng+s
(157) rang bzhIn du skyid par gyur to //
(158) $ / / zhang shu bam po drug pa rdzogs s.hos+ho / /