Old Tibetan Documents Online

Pelliot tibétain 1071

1. Content : Law of hunting.

2. Note : Scroll. Complete text. Recto, 469 lines. Verso, 2 lines in Tibetan written between Chinese Buddhist texts. For the Chinese texts, Cf. Catalogue VI (67-69).

3. References :

Choix II (pls. 378-402, notice 16).

Lalou (1939-1961: II, 51) [P.Translit.],Uray (1979: 277 n.4),Yamaguchi (1979: 19-23) [P.Trans.],Ren (1983),Wang and Chen (1983a: 7-35) [I.Trans.],Wang and Chen (1983b: 12-56) [I.Translit.],Yamaguchi (1983: 801-805) [P.Trans.],Yamaguchi (1985: 524-528, 530-531) [P.Trans.],Richardson (1990) [P.Trans.],Gnya' gong (1995: 281-290, 294-307) [I.Translit.],Xu (2001: 37-51),Dotson (2004: 81-82),Ohara (2005) [P.Translit., P.Trans.].

Transliteration (Change the Display Format)

(r1) {$ / / zhang}
(r2) $ / / / zhang lon chen po dang / khong ta'I myes po dang pha dang 'di rnams / nang gcig gis / gcig ri dags la / drngul bas phog pa dang
(r3) zhang lon 'di rnams la' / zhang lon g.yu'I yI ge pa man cad / dmangs mtha' ma yan cad / kyis rI dags la mda's drngul ba'I khrim /
(r4) la /:/ / blon chen po dang / nang blon chen po dang / btsan po'I zhang drung chab srid la dbang ba gcIg dang / blon chen po'I 'og pon /
(r5) zhang blon chen po 'dI bzhi / khong ta ngo bo dang / khong ta'I myes po dang pha dang 'di rnams / mda' drngul pa la' / stong / / stong /
(r6) mnyam ba 'di rnams / gcig gis gcIg la / { la / } ri dag la mda' drngul pa las / stsogs pas phogs pa dang / zhang lon /
(r7) 'di rnams / la g.yu'I yi ge pa man cad / phra men kyI yI ge pa yan cad / stong mnyam ba / gcig gis gcig / ri dag la /
(r8) mda' drngul pha / pa pas / phogs dang / gum yang rung ma gum yang rung / mkhon mchis te chad /
(r9) kar 'phangs re zhes / gtsang dkar bcu gnyis dang kho na bdag dang bcu gsum / bro / dkar / thong myi /
(r10) dang khrims gcig go / stong yang myi / dkar gyis changs tang / mda' phogs pa' / gum dang / myI stong /
(r11) srang khri / yus bdag dang / 'dam po phyed mar / 'dam po ma mchis na / srang khri yus bdag /
(r12) mdas phogs pa / ma gum na stong / srang lnga stong / yus bdag dang 'dam po phyed mar / 'dam po ma mchis /
(r13) na / srang lnga stong kun yus bdag / / mdas / nga'I mda' ma yIn ces snyon snyon ma / mdas /
(r14) phogs gum yang rung ma gum / yang rung / / thong myi dang khrims / / snyon snyon pa tshangs dang / skur pa zan kyang /
(r15) thong myi'i skur pa zan dang khrims gcig du / /:/ / zhang lon chen po ngo bo dang / chen po dang stong mnyams ba zhig /
(r16) la / zhang lon dngul gyI yI ge pa man cad / zangs kyI yi ge pa yan cad / stong mnyam ba gcig gis / ri dag la mda' /
(r17) drnguld / pa phas phogs na / gum yang rung / ma gum yang rung / mkhon mchIs te chad kar mdas /
(r18) 'phang re zhes / dkar bcu gnyis dang kho na bdag dang bcu gsuM bro / bro stsald pa la dkar /
(r19) thong myi dang khrims gcig go / / stong yang myi / / dkar kyi changs te / mda's phog pa gum dang / /
(r20) mda's 'phong 'phong ba / kho na sgor rabs / khol yul kun dang / bang za dang phyug nor kun / yus bdag /
(r21) / / dang 'dam po phyed mar stsald to / 'dam po ma mchis na / khol yul dang bang za phyug nor kun / yus bdag /
(r22) / bu mo smad nI / sgor rabs chad pa'I 'og na / ma mchis na pha / ma ma ma mchis na / phu nu bo gag /
(r23) 'dur pa stsald to / mda's phog pa ma gum dang / gson stong du srang lnga stong / yus bdag dang 'daM /
(r24) phos phyed mar / 'dam po ma mchis na gson stong kyan yus bdag / mda's nI / nga'i /
(r25) mda' ma yIn ces / mchI / snyon snyon ma tshangs dang / mda's phog pa gus yang rung / ma gum yang rung / thong /
(r26) myi khrims bzhin du dgum / snyon snyon / skur pa zan kyang / thong myI'i skur pa zan dang khrims gcig /
(r27) du / /:/ / zhang blon chen po ngo bo dang / zhang lon chen po / stong mnyam ba / zhig la / gtsang chen man cad / dmang mtha' /
(r28) ma yan cad / gcig gis gcig / rI dag la mda's rngul bas las stsogs phas phogs na' /
(r29) gum yang rung ma gum yang rung / / khon chad kar 'phang re ces / gtsang kar myi bcu gnyis dang /
(r30) kho na dang bcu gsum bro / / bro stsald pa las / dkar thong myi dang khrims gcig go / dkar /
(r31) kyis chang dang / kho nI sgor rabs / khol yul kun dang bang za phyugs nor kun / yus bdag dang 'dam po /
(r32) phyed mar / / 'dam po ma mchis dang / / kun yus bdag / bu smad ni sgor rabs chad pa'I /
(r33) 'og du / pha mchis dang pha stsald to / pha mchis dang phu nu bo gang 'dur pa stsald to / / mdas nga'i /
(r34) mda' ma yIn ces snyon snyon ma chang na / mda's phog pa gum yang rung / ma gum yang rung / thong myI'i khrims /
(r35) bzhin du dgum / snyon snyon te chang dang / skur ma zan kyang / thong myI'i skur pa zan thang du / /
(r36) $ / / zhang lon g.yu'I yI ge pa ngo bo dang / g.yu'I yI ge pa dang / stom mnyam ba zhig la / zhang lon chen po /
(r37) man cad / dmangs mtha' ma yan / gyis / / ri dag la mdas pas / gum ba / ma gum ba'I /
(r38) khrims la / /:/ / zhang lon g.yu'I yI ge khong ta ngo bo dang / g.yu'I yI ge pa'I myes pho dang pha' / dang zhang lon chen po /
(r39) bzhI'i phu bo spad phan cad / pha spun spad tshun cad / yI ge ma mchis pa'I rnams / dang ma yar mo dang / bna' ma /
(r40) dang / khyo mo dang / bu sring khyo ma mchis pa dang / 'di rnams / ri dag la mda' rngul pa la / phog pa la / stong /
(r41) / stong mnyam ba gcIg gis gcig / la / / ri dag la stsogs pa la / mda's / phog pa dang 'di rnams /
(r42) la / zhang lon chen po ngo bo dang / zhang lon chen po dang stong mnyam ba dang / phra men kyI yI ge pa dang stong mnyam ba /
(r43) gcig gis / / / ri dag la stsogs pa la / mda's phogs pa dang / gum yang rung ma gum yang rung / khon /
(r44) / chad kar 'dar 'phang re ces / gtsang dkar myi bcu gnyis dang / kho na dang bcu gsum bro / bro stsal pa la /
(r45) dkar / thong myi dang bka' khrims gcig go / stong nI myi / dkar kyIs / mdas phog pa /
(r46) gum dang / myI stong du srang drug stong / 'dam po dang yus bdag phyed mar stsald to / 'dam po ma mchis dang /
(r47) srang drug stong kun yus bdag / / srang cig ma khor na / / mdas phog pa la ma gum dang / gson /
(r48) stong du / srang sum stong / yus bdag dang 'dam po phyed mar / 'dam po ma mchis dang / srang sum sto[ng] [/]
(r49) kun yus bdag / mda's nI / nga'I mda's ma yin ces / / snyon snyon ma chang na / mda's phog pa gum yang rung /
(r50) ma gum yang rung / thong myI'i khrims bzhin du / snyon snyon chang na / skur pa zan kyang / thong myI skur pa zan dang /
(r51) khrims gcIg go / /:/ / zhang lon g.yu'I yI ge pa ngo bo dang / g.yu'I yI ge pa stong mnyam ba dang / dngul gyi yI ge pa /
(r52) stong mnyam ba man cad / zangs kyI yI ge / pa dang stong mnyam ba yan cad cIg gis / ri dag la /
(r53) pa la / mda's rngul phas phogs na / gum yang rung ma gum yang rung / mkhon / chad kar 'phang re /
(r54) ces / gtsang dkar bcu gnyis dang / kho na bdag dang bcu gsum / gis bro stsold to / bro stsal pa las / dkar /
(r55) / thong myi dang bka' grams / kar kyis / mdas 'phog pa nI gum na / mda' 'phong /
(r56) 'phong ba / kho na 'bras shig / khol yul kyi phyed dang / bang za'I phyed dang / phyug nor kyi phyed / yus bdag /
(r57) dang 'dam po phyed mar /:/ 'dam po ma mchis na / khol yul kyI phyed dang bang za dang phyug nor kyI phyed / yus bdag /
(r58) / / khol yul kyI phyed dang / za'I phyed dang phyug nor kyI phyed / nI bu po mchis na / bu po / bu pho ma mchis /
(r59) dang pha / pha bu zhig ma mchis na / bu mo smad dang zang za phyed dang {dang} phyug nor phyed / phu nu bo bdur pa /
(r60) / mda' 'phong 'phong ba / bkum ba / khol yul gyI phyed nI / su'I bran su'i 'bang / so sor bzhes /
(r61) 'tshol zhig / / mda's phog pa ma gum na / gson stong srang sum stong / yus bdag dang /
(r62) 'dam pho phyed mar / / 'dam po ma mchis na / srang sum stong kun yus bdag / mda's /
(r63) nI / nga'i mda' ma yIn ces / snyon te ma / mdas phog pa gum yang rung / ma gum yang /
(r64) rung / thong myig / snyon snyon de chang stang / skur pa zan kyang / thong myig kyi skur pa /
(r65) zan dang khrim gcig du / /:/ / zhang lon g.yu'I yI ge pa dang / g.yu'I yi ge pa stong mnyam ba / zhig /
(r66) la / gtsang chen man cad / dmangs mtha' ma yan cad / cig gis / ri dag la la / mda' /
(r67) rngul pas / phog ste gum yang rung / / ma gum yang rung / mkhon mchis te / chad kar /
(r68) 'phang re ces / gtsang kar bcu gnyis kho na bdag dang bcu gsum bro / bro stsal pa dkar chag / /
(r69) dang / thom myig dang bka' grims gcIg go / bkar kyis / mda's phog pa gum na / mda's /
(r70) 'phong 'phong ba / kho na' / sgor rabs / khol yul bang za phyug nor bu smad la / yus bdag dang /
(r71) 'dam po phyed mar / / mda's phog pa ma gum na' / mda' 'phong ba / kho na' bra shig bkum /
(r72) ste / phyug nor kyI phyed dang bang za'I phyed / bkum ba'I 'og na bu po mchis dang / bu po / bu mo /
(r73) ma mchis dang / pha / pha yang ma mchIs na / bu mo smad / dang phyug nor phyed bang za phyed /
(r74) phu nu bo gag gis 'dur pa zhig stsald to / khol yul nI mda's 'phong bkum pa /
(r75) su'i bran su'I 'bangs so sor bzhes 'tshol zhig / / mdas nI nga'I mda' ma yIn /
(r76) ces / snyon te ma chang dang / mdas phog pa gum yang rung / ma gum yang rung / thong myi'i bka' /
(r77) khrims bzhin du / / snyon snyon te chang na skur pa zan kyang / thong myI'I skur pa dang thang /
(r78) gcig du / /
(r79) $ / / zhang lon gser gyI yI ge ngo bo dang / gser gyI yI ge pa dang / stong thang ba / zhig la / zhang lon /
(r80) man cad / dmangs mtha' ma yan cad / gcig gis ri dag la stsogs pa la / mdas rngul pas /
(r81) / gum dang / ma gum ba'I khrims la /:/ / zhang lon gser gyI yI ge pa ngo bo dang / gser gyI yI ge /
(r82) pa'I myes pho dang pha' dang / zhang lon g.yu'I yI ge pa'I bu po spad phan cad / pha spun spad tshun /
(r83) cad / yI ge ma mchIs pa'I rnams dang / ma yar mo dang mna' ma dang khyo mo dang / bu sring khyo ma mchis /
(r84) pa 'di rnams / ri dag la mda' rngul pa la / phog pa la / stong / stong mnyam ba /
(r85) gcig gis gcig la / ri dag la stsogs pa la / mdas rngul phas phog pa dang / stong mnyam /
(r86) ba'i rnams la / zhang lon chen po dang / stong mnyam pa man cad / zangs kyi yI ge pa dang / stong mnyam /
(r87) yan cad / gcig gis / ri dag las stsog pa la / mdas rngul phas phog dang / gum yang rung /
(r88) ma gum yang rung / mkhon / chad kar 'bang re ces / gtsang dkar myi bcu gnyis dang /
(r89) kho na bdag dang / bcu gsum / bro / bro stsal pa dkar chag dang / thong myi dang /
(r90) khrims gcig go / dkar kyi / mdas phog pa nI gum / dang myi stong du srang lnga stong /
(r91) yus bdag dang 'dam po phyed mar / / 'dam po ma mchIs dang srang lnga stong kun yus bdag
(r92) / / mdas phog pa ma gum na / gson stong srang nyI stong lnga brgya / yus bdag dang /
(r93) 'dam po phyed mar / 'dam po ma mchis na / srang nyi stong lnga brgya kun yus bdag /
(r94) mdas / nga'i mda' ma yIn ces / snyon snyon ma chang na / mdas phog pa / gum yang rung /
(r95) ma gum yang rung / thong myI'I khrims bzhin du dgum / snyon snyon te chang na / skur ma zan kyang / thong
(r96) myI'i skur ma zan / thang bzhin du / /:/ / zhang lon gser gyI yI ge pa ngo bo dang / gser kyI yI ge pa /
(r97) dang stong mnyam ba / zhig la / gtsang chen man cad / dmangs mtha' ma yan cad / gyis / ri dag la stsog
(r98) pa la / mda's rngul phas phog dang / bkum yang rung ma gum yang rung / khon chad kar 'phang /
(r99) re ces / / gtsang dkar bcu gnyis dang kho bdag dang bcu gsum bro / bro dkar chag na /
(r100) thong myi dang bka' grims / / dkar kyis mda's phog pa gum / kho na 'bra shIg /
(r101) / bu smad sgre bor spyug go / / khol yul dang bang za dang phyug nor kun / yus bdag dang / 'dam /
(r102) po phyed mar / / 'dam po ma mchIs dang / khol yul dang phyug nor / yus bdag /
(r103) mdas phog pa ma gum dang / kho na 'bra shig / phyug nor dang bang za kun la yus bdag dang 'dam /
(r104) po phyed mar / / 'dam pho ma mchis na / nor dang bang za kun yus bdag / /
(r105) $ / / zhang lon phra men kyI yI ge pa ngo bo {bo} dang / / phra men kyI yI ge pa dang stong mnyam ba / / zhig la' / / zhang lon chen po man /
(r106) cad / dmangs mtha' ma yan cad / / kyis rI dag la stsogs pa la / mdas / gum ba dang ma gum ba'i /
(r107) khrims la /::/ / zhang lon phra men gyI yI ge pa ngo bo dang / / phra men kyI yI ge pa'I / myes po dang pha' dang / zhang lon gser /
(r108) gyI yi ge pa'I bu po spad phan cad / pha spun spad tshun / cad / yI ge ma mchis pa'i rnams dang / ma yar mo dang mna' /
(r109) ma dang khyo mo dang / bu sring khyo ma mchis pa / rnams / / ri dag la stsogs pa la / mdas phog / pa la stong /
(r110) / / / stong mnyam ba gcig gis / gcig la / ri dag la mdas rngul pas phog pa dang / stong mnyam 'di rnams la / zhang /
(r111) lon chen po dang / stong mnyam ba man cad / zangs kyI yi ge pa dang / stong mnyam ba yan cad / gyis ri dag la stsogs /
(r112) pa la / mda's rngul phas phog kyang rung / ma gum yang rung / mkhon chad kar 'phang re ces / / gtsang dkar bcu /
(r113) gnyis / kho na bdag dang / bcu gsum bro stsal / to / dkar chag na thong myi dang bka' grim gcig go / / dkar gyis /
(r114) mdas phog pa gum dang / stong du srang bzhi stong / yus bdag dang / 'dam po phyed mar / 'dam /
(r115) po ma mchis na / srang bzhI stong kun yus bdag / mdas phog pa ma gum na / gson stong du srang /
(r116) stong / yus bdag dang 'dam po phyed mar / / 'dam po ma mchis na / kun yus bdag
(r117) mdas nI / nga'i mda' ma yIn ces snyon snyon te ma chang na / mdas phog pa gum yang rung /
(r118) ma gum yang rung / thong myI'I khrims bzhin du / snyon snyon / skur ba zan kyang / thong myi /
(r119) 'I skur pa zan dang khrims zhIg du / /::/ / zhang lon phra men kyI yi ge pa ngo bo dang / phra men gyi
(r120) yI ge pa stong mnyam ba zhig / gtsang chen man cad / dmangs yan cad zhig gis / ri dag la stsog / /
(r121) pa la / mdas rngul pas phog na / / gum yang rung / ma gum yang rung / mkhon mchis te / chad kar /
(r122) 'phang re ces / gtsang dkar bcu gnyis dang / kho na bdag dang bcu gsum bro / bro dkar /
(r123) / thong myi dang khrims gcig go / / dkar gyis / mdas phog pa gum / dang kho na 'bra shig /
(r124) bu mo smad / sgra bor spyug go / / khol yul dang bang za phyug nor / la yus bdag dang 'dam po phyed mar /
(r125) / / 'dam po mchis na / khol yul dang / bang za phyug nor kun yus bdag / mdas phog /
(r126) pa ma gum na / kho 'da' 'bra shig / bang za phyug nor kun la 'dam po dang yus bdag phyed /
(r127) mar / / 'dam po ma mchis na / phyur nor dang bang za kun yus bdag / khol yul ni /
(r128) bu smad stsald / mal na / / phu bo ma mchis na / pha / pha yang ma mchis na / khol /
(r129) yul / phu nu bo drung mchis kyang myi / bu mo smad phu nu bo su 'dur pa zhig stsal to' /
(r130) khol yul nI / su'i 'bangs su'I bran bzhes 'tshol zhig / / mdas nI / nga'i mda' ma yIn
(r131) ces / snyon snyon ma / / mdas phog pa gum yang rung / ma gum yang rung / thong myi dang khrims /
(r132) / / bzhin du / snyon snyon chang na / skur pa zan kyang / thong myI'i skur pa zan dang khrims /
(r133) gcig du /
(r134) $ / / zhang lon dngul gyI yi ge ngo bo dang / dngul gyI yi ge pa dang stong mnyam zhig la / zhang lon chen [*po] /
(r135) man cad / dmangs mtha' ma yan cad / kyis ri dags la stsogs pa la / mdas rngul / phas /
(r136) / gum ba dang ma gum / de 'i khrims la /::/ /
(r137) zhang lon dngul gyI yI ge pa ngo bo dang / dngul gyI yi ge pa'I / myes po dang pha' dang / zhang lon phra men
(r138) pa'I / bu po spad phan cad / pha spun spad tshun cad / yI ge ma mchis pa rnams dang / / ma yar mo dang /
(r139) mna' ma dang khyo mo dang / bu sring khyo ma mchis pa / 'dI / rnams / rI dag la mda's rngul pha / la stsog
(r140) te / phogs pa la / ston mnyam bo / / / stong mnyam ba gcIg gIs / gcig la / ri dags /
(r141) la / mda's rngul pa la / phog pa dang / stong mnyam ba 'di rnams / la / / / zhang lon chen po
(r142) dang / stong mnyam ba man cad / zangs kyI yI ge pa dang stong mnyam ba yan cad / gyis / ri dags
(r143) pa la / mda' rnguld phas phog dang / gum yang rung ma gum yang rung / mkhon
(r144) ched kar 'phangs re zhes / gtsang dkar myi bcu gnyis kho na bdag
(r145) bcu gsum bro / dkar chag na' / thong myi bka' grims dang
(r146) 'o / dkar gyis / mda's phog pa' gum myi sthong du srang sum
(r147) stong phab ste / yus bdag dang 'dam pho phyed mar / 'dam po ma
(r148) / srang sum stong gun yus bdag / mda's phog pa /
(r149) ma gum na' / gson stong / srang stong lnga brgya phab ste yus bdag
(r150) 'dam pho pyed mar / 'dam pho ma srang stong lnga brgya /
(r151) yus bdag / srang chig ma khor na' / dge ba yang /
(r152) mda's ni phog ste nga'i mda' ma yin zhes snyon snyon ma tshangs
(r153) na mda's phog pa gum yang rung ma guM yang rung thong myi bka' /
(r154) grims gchig du / snyon tshangs dang / skur pa zan kyang thong
(r155) myi skur pa zan dang thang gchig du /::/ zhang lon dngul gyi
(r156) yi ge pa ngo bo dang dngul gyi yi ge pa dang stong mnyam ba gchig
(r157) la gtsang chen man chad / dmangs mtha ma yan cad gyis / ri dags
(r158) la stsogs pa la / mda' rngul pas phog na' / gum yang rung
(r159) ma gum yang rung / mkhon ched kar 'phangs re zhes / gtsang
(r160) dkar myi bchu gnyis kho na bdag dang bchu gsum bro /
(r161) / dkar chag na thong myi khrims / / dkar gyIs mda' /
(r162) sa phog pa gum kho na bra shig bkum ste khol yul gyi pyed dang bang za'i
(r163) pyed dang phyugs nor gyi pyed dang gun yus bdag 'da'am po pyed mar
(r164) 'dam po ma mchis na khol yul gyi pyed pyugs nor gyi pyed bang za /
(r165) gun yus bdag / khol yul gyi pyed pyugs nor gyi pyed nI bu
(r166) smad mal na / phu bo ma mchis na pha / ba
(r167) na khol yul gyi pyed po ni / phu nu bo drung mchis gyang myi
(r168) bu smad phyugs nor gyi pyed ni phu nu bo su 'dur ba zhig / khol /
(r169) yul gyi pyed ni su'i 'bangs si'i bran bas sor bzhes 'tshol
(r170) chIg / mda's phog ma gum khol yul gyi pyed bang za pyug
(r171) nor gun gyI pyed yus bdag dang 'da'am po pyed mar dba[ng]o
(r172) 'dam po ma mchis na bang za pyugs nor gyi pyed yus bdag
(r173) / / khol yul / dang bang za pyugs nor gyi pyed pho ni
(r174) kho na / mal na / / mda's ni phog ste nga'i
(r175) mda' ma yin zhes snyon snyon ma tshangs na' / mda's phog
(r176) pa gum yang rung ma gum yang rung / thong myi grims
(r177) du / / bsnyon snyon tshangs dang skur pa zan kyang / thong myi'i
(r178) skur pa zan dang khrims gchig du
(r179) $ / zhang lon ra gan kyI yI ge pa ngo bo dang / ra gan kyI yI ge pa dang stong mnyam ba zhig la / zhang lon chen po man /
(r180) chad / dmangs mtha' ma yan cad / kyis / ri dags la stsogs pa la / mdas / phogs na /
(r181) gum ba dang ma gum ba'I khrims la / / zhang lon ra gan pa 'i yI ge pa ngo bo dang / ra gan yI ge /
(r182) pa'I myes po dang / pha dang / zhang lon dngul kyI yI ge pa'I / bu pho spad phan cad / pha spun spad tshun /
(r183) cad / yi ge ma mchis pa'i rnams dang / ma yar mo dang mna' ma dang / khyo mo dang bu sring khyo ma mchis /
(r184) pa 'di rnams / ri dag la mda' / phog pa la / stong / / stong mnyam bas /
(r185) gcig gis gcig la / / ri dag la mda's rngul pa la phogs pa dang / stong mnyaM /
(r186) ba'i rnams / la / zhang lon chen po dang / stong mnyam ba cad / zangs kyI yI ge pa dang stong mnyam /
(r187) yan cad / gyis / rI dags la stsogs pa / mdas rngul phas phog dang / gum yang rung / ma gum yang /
(r188) rung / mkhon / chad kar 'phangs re tses / / gtsang dkar bcu gnyis / kho na bdag /
(r189) btsu gsum bro / bro dkar / thong myi dang khrims gcig / dkar gyis /
(r190) mda's phogs pa / gum dang / brang nyi stong / yus bdag dang 'dam po / phyed mar /
(r191) 'dam po ma mchis na / srang nyi stong kun yus bdag / / mda's phog pa / ma gum dang /
(r192) gson stong du / srang stong / yus bdag dang 'dam po phyed mar / 'dam po ma /
(r193) mchis na / srang stong kun yus bdag / / stong srang cig ma khor na / / dge yang rung /
(r194) / / / mdas nI / nga'i mda' ma yIn ces / snyon snyon ma / mdas phogs /
(r195) pa gum yang rung / ma gum yang rung / thong myI'i khrims bzhin du / / snyon snyon chang /
(r196) dang / / skur pa zan gyang / thong myI'i skur ba zan dang khrims gcig du /::/ / zhang lon /
(r197) ra gan kyI yI ge pa ngo bo dang / ra gan kyI yI ge pa dang / stong mnyam ba zhig la / gtsangs chen man cad /
(r198) dmangs mtha' ma yan cad / zhig gis / rI dags la / stsogs pa la / mda's rngul pas phogs / pa
(r199) / dang / gum yang rung ma gum yang rung / khon / ched kar 'phang re ces / gtsang dkar /
(r200) myi bcu gnyis / / kho na bdag dang bcu gsum bro / / dkar thong myi dang khrims gcig
(r201) go / / dkar mda's phogs pa gum dang / kho na 'bras shig dkum / khol yul kyI phyed dang /
(r202) phyug nor kyI phyed bang za kun / yus bdag dang 'dam po phyed mar / 'dam po ma mchIs /
(r203) khol yul kyI phyed dang / phyug nor kyI phyed dang bang za kun / yus bdag / / khol yul kyI phyed
(r204) dang phyug nor kyI phyed pho / ni bu smad / mal na dgod do / bu po ma mchis na pha
(r205) pha ma mchIs na / khol yul kyI phyed / phu nu bo drung mchis kyang myi / / bu mo smad dang /
(r206) nor kyi phyed ni / phu nu bo su 'dur ba stsal / do / / khol yul kyI phyed pho ni / mda' 'phong 'phong pa / su'i /
(r207) 'bangs / sI'i bran so sor bzhes 'tshol zhig' / / / / mda's 'phong 'phong ba ma gum na / khol yul
(r208) kyI phyed dang / phyug nor kyi phyed / la yus bdag dang 'dam po gnyis / phyed mar / / 'dam po /
(r209) ma mchis / khol yul kyI phyed dang / bang za phyug nor kun kyI phyed / yus bdag / khol /
(r210) yul dang / bang za phyug nor / phyed po ni / kho na bdag / mal na bas so / / mda's /
(r211) nI / nga'I mda' ma yIn ces / snyon snyon ma / / mda's phog 'am / gum yang rung / ma gum /
(r212) yang rung / ste / / bong myi khrims bzhin / / snyon snyon chang sna / skur pa zan kyang / thong myI'i /
(r213) skur pa zan bzhIn / /
(r214) {$ / / zangs kyI yI ge pa ngo bo dang /}
(r215) $ / / zhang lon zangs kyI yI ge pa ngo bo dang / zangs kyI yI ge pa'I / pha dang stong mnyam / ba zhig la / zhang /
(r216) lon chen po man cad / dmangs mtha' ma yan cad / kyis ri dag la stsogs pa / la mda's rngul pas /
(r217) / gum ba dang ma gum ba'i khrims la /::/ zhang lon zangs kyI yi ge pa ngo bo dang / zangs /
(r218) kyI yi ge pa'I / myes pho dang / pha dang zhang lon ra gan pa'I / bu po spad phan cad / pha spun spad /
(r219) tshun cad / yI ge ma mchis pa'i rnams dang / ma yar mo dang / bna' ma dang khyo mo dang / bu sring /
(r220) khyo ma mchis pa dang / 'di rnams la / ri dags la mda's rngul pha / la stsogs pa phog /
(r221) pa / la stong / stong mnyam ba / gcig gis gcig la / ri dags la mda's rngul ba la / stsogs /
(r222) pas phogs pa dang / stong mnyam ba 'di rnams la / zhang lon chen po dang stong mnyam ba / / man cad /
(r223) zangs kyI yI ge pa dang / stong mnyam ba yan cad / kyis / ri dags la stsogs pa la / mda's rngul pas
(r224) phogs te gum yang rung / / ma gum yang rung / / mkhon mchis te / ched kar 'phang re ces / gtsang dkar /
(r225) bcu gnyis dang / kho na bdag dang bcu gsum bro / / dkar chags dang thong myi dang khrims /
(r226) gcig / dkar kyis / mdas phog pa gum dang / myi stong du srang stong / yus bdag dang /
(r227) 'dam po phyed mar stsald do / / 'dam po ma mchis dang / srang stong kum yus bdag / / mdas phog /
(r228) pa ma gum na' / gson stong du srang lnga brgya' / yus bdag cag 'dam po gnyis phyed mar /
(r229) 'dam po ma mchis na / srang lnga brgya' kun yus bdag / srang cig ma khor na / dge yang /
(r230) mdas / nga'i mda ma yin ces snyon snyon / ma chang dang / mdas phog pa gum yang rung /
(r231) ma gum yang rung / thong myI'i khrims bzhin du / snyon snyon te chang dang / skur pa zan kyang / thong /
(r232) myi skur pa zan / gyI / khrims bzhin / /::/ / zangs kyI yI ge pa ngo bo dang / zangs gyI yI ge pa dang /
(r233) stong mnyam ba zhig la / gtsangs chen man cad / dmangs mtha' ma yan cad / kyis ri dags la stsogs pa /
(r234) la / mda's rngul phas phogs dang / / khon mchis te ched kar 'phang re / tses / gtsang dkar bcu gnyis /
(r235) kho na bdag dang bcu gsum bro / / dkar / thong myi dang khrims gcig go / / dkar kyis / /
(r236) / mdas phogs pa gum dang / kho na 'bra cig / khol yul kyI phyed dang / phyug nor kyi phye dang /
(r237) bang za la / yus bdag dang 'dam po phyed mar / 'dam po ma mchis na / khol yul kyi phyed dang / phyug
(r238) nor kyi phyed dang / bang za'I phyed / kun yus bdag / / khol yul kyI phyed dang phyug nor kyI phyed po ni /
(r239) bu smad / mal na dgod to / / / bu po ma mchis na pha / pha ma mchis na / khol yul nI / bu nu po drung /
(r240) mchis kyang myi / / bu mo smad dang / phyug nor kyi phyed / ni phu nu bo sus 'dur ba / / khol yul kyi phyed /
(r241) po ni / sI'i 'bangs sI'i bran / so sor bzhes 'tshal zhig / / mdas phog pa ma gum na / khol yul /
(r242) bang za phyug nor kun kyi phyed / la / yus bdag dang 'dam po gnyis phyed mar / / 'dam po ma mchis na /
(r243) khol yul dang bang za phyug nor kyI phyed / yus bdag / / khol yul dang bang za dang / phyug nor kun kyi phyed kho na stsal /
(r244) te mal na dgod do / / mdas nI phog dang / nga'i mda' ma yin ces / bsnyon snyon ma / / phog pa' /
(r245) gum yang rung / ma gum yang rung / thong myI'i khrims dang bzhIn du dgum / / snyon snyon chang dang / skur pa /
(r246) zan kyang thong myi / skur pa zan / bzhin / /
(r247) $ / / gtsang chen dang / stong mnyam ba / rgod do 'tshald la / zhang lon chen po man cad kyis / ri dags
(r248) la stsogs pa la / mdas phog pa ste / / gum ba dang ma gum ba'i bka' grims la /:/ gtsang
(r249) chen ngo bo dang / zangs kyI yI ge pa'I / bu po spad phan cad / pha spun spad tshan cad / yI ma mchis pa'i rnams /
(r250) dang / / ma yar mo dang bna' ma dang / khyo mo dang / bu sring khyo ma mchis pa dang / rgyal 'bangs rgod do /
(r251) 'tshal dang / / zhang lon dmang kyi / bran rkya la gtogs pa dang / / mngan kyI mngan lag dang / 'di rnams / pho /
(r252) smos / ri dags las / mda's rngul pa la :/ phog pa'I stong thang / / stong mnyam ba /
(r253) 'di rnams / la / / / / zhang lon chen po dang / stong mnyam ba / / man cad / zangs kyi yI ge pa stong mnyam /
(r254) ba yan cad / / ri dags la / stsogs pa la / / mda's rngul phas phog dang / gum yang rung / ma rung yang /
(r255) rung / mkhon mchIs te / ched kar 'phangs re ces / / gtsang dkar bcu gnyis / kho na bdag dang bcu suM /
(r256) bro / / dkar chags na / thong myi dang khims gcig /:/ / dkar kyis / mdas phog pa gum /
(r257) myI stong du srang sum brgya / / yus bdag dang 'dam po / phyed mar / / 'dam po ma mchis na' /
(r258) srang sum brgya' kun yus bdag / / mdas phog pa ma gum dang / gson stong du srang brgya' /
(r259) lnga bcu / yus bdag dang 'dam po phyed mar / / 'dam po ma mchIs na / srang brgya lnga bcu /
(r260) kun / yus bdag / stong 'tshal ba srang cig ma khor / dge ba zhang lon / kyang / / mdas nI / nga'i /
(r261) mda' / ma yIn ces / bsnyon snyon ma chang na / / mdas phog pa gum yang rung / ma gum yang rung /
(r262) thong myI'i khrims bzhin du dgum / / / snyon snyon chang dang / skur pa zan kyang / thong myI'i skur pa /
(r263) zan bzhin du / /:/ / gtsang chen ngo bo dang / zangs kyI yI ge pa'I bu pho spad man cad / pha spun /
(r264) spad tshun cad / yI ge ma mchis pa'i rnams dang / ma yar mo dang / bna' ma dang / khyo mo dang
(r265) bu sring khyo ma mchis pa dang / rgyal 'bangs rgod do 'tshald dang / zhang lon dang / dmangs / /
(r266) kyi bran / rkya la gtogs pa dang / mngan gyi mngan lag dang / 'di rnams pho smos / stong mnyam
(r267) zhig la / ri dags la mda's rngul pa / / pa la stsogs phas / phog dang / gum yang rung / ma gum yang
(r268) rung / / mkhon / ched kar 'phangs re ces / gtsang dkar bcu gnyis / kho na bdag dang bcu /
(r269) gsum bro / / dkar chag na / thong myi pa'I khrims dang khrims gcig gi / dkar kyis
(r270) mdas phogs pa / gum dang / myI stong du srang brgya' lnga bcu / yus bdag dang / 'dam po phyed mar /
(r271) mar / / 'dam po ma mchis brgya' lnga bcu po yus bdag / / mdas phog pa / ma /
(r272) gum dang / rman zan srang sum cu / yus bdag dang / 'dam po phyed mar / 'dam po ma
(r273) mchis dang / srang sum cu kun yus bdag / / gum ba'I stong yang / rung / ma gum pe'i rman zan
(r274) kyang rung / srang 'grang 'tshald ba la / su yang rung / srang cIg ma khor na / mda's nI / nga'I mdas /
(r275) ma phog ces / snyon snyon ma tshangs na / mdas phog pa gum yang rung / ma gum yang rung / thong myi /
(r276) khrims bzhin du / / snyon snyon tshangs dang / skur pa zan kyang / thong myI'i skur pa zan dang khrim gcig du /
(r277) ::/ / gtsang chen dang / / rgyal 'bangs rgod do 'tshald / dang stong mnyam ba zhig la / / g.yung ngo 'tshald dang / lho bal btson / /
(r278) yan cad kyis / ri dags la / stsog / pa la mdas rngul phas phog pa dang / / gum yang rung / khon mchis te ched kar /
(r279) 'phangs re ces / gtsang dkar bcu gnyis / kho na bdag dang bcu gsum bro / / bro / dkar / thong myi dang /
(r280) khrims gcig go / / dkar kyi / mdas phog pa gum dang / myI stong du srang brgya' lnga bcu / yus bdag /
(r281) dang 'dam po phyed mar / / / 'dam po ma mchis dang / srang lnga brgya' lnga bcu kun yus bdag / mdas phog /
(r282) ma gum na / rman zan srang sum cu / / yus bdag dang 'dam po phyed mar / / / 'dam po ma mchis dang srang /
(r283) sum kun yus bdag / / gum ba'I stong 'jald yang rung / ma gum ba'I rman zan 'jald kyang rung / ste srang /
(r284) grang 'jal ba la / srang cIg ma khor na / / su yang rung / / mdas nI / nga'I mda' ma yin ces /
(r285) snyon snyon ma chang na / mda's phog pa gum yang rung / ma gum yang rung / thong myI'i khrims bzhin du / / snyon
(r286) snyon chang dang / / skur pa zan kyang / thong myi skur pa zan dang / khrims gcig du / /
(r287) $ / / rgyal 'bangs g.yung ngo 'tshald / zhang lon chen po man cad / kyis / / ri dags la stsogs pa la / mda's /
(r288) / phog ste / gum ba dang / ma gum ba'I khrims la / /::/ / rgyal 'bangs 'tshald / dang zhang lon
(r289) dang dmangs kyi bran rkya la gtogs pa dang / lho bal kyI btson yan cad zhig / la zhang lon zangs kyI /
(r290) yI ge [*pa] man cad dang / stong ma mnyam ba gcig gis / rI dags la stsogs pa la / mda's rngul bas phog /
(r291) dang / gum yang rung ma gum yang rung / khon mchis te ched dkar bgum re ces / gtsang dkar bcu gnyis /
(r292) kho na dang bcu gsum bro / / bro stsald te dkar chag na' / thong myi dang khrims gcIg go / / dkar kyis /
(r293) / mda's phog pa gum na / myI stong du / srang nyis brgya' / yus bdag dang 'dam po phyed /
(r294) mar / / 'dam po ma mchis dang / srang nyis brgya' kun yus bdag / / mdas phog pa / ma / gum na /
(r295) gson stong du / srang brgya / yus bdag dang 'dam po phyed mar / 'dam po ma mchis dang / srang /
(r296) brgya kun yus bdag / / gum ba'I stong yang / rung gson stong yang rung / ste / stong 'tshal ba la / zhang
(r297) lon yang rung / grang cIg ma khor na / / / mdas nI / nga'I mda' ma yIn ces / snyon snyon ma chang dang
(r298) mdas phog pa gum yang rung / ma gum yang rung / thong myI'i khrims bzhin du dgum / / snyon snyon chang dang / skur pa /
(r299) zan kyang / thong myI'i skur pa zan dang khrims gcig tu / / / rgyal 'bangs g.yung ngo 'chald dang / zhang lon /
(r300) dang dmangs gyi bran / rkya la gtogs pa dang / lho bal kyi btson / / yan cad / 'tshald dang /
(r301) 'di rnams / gcig la / / gtsang chen man cad / rgod do 'chal / stong mnyam ba zhig gis / ri dags la /
(r302) stsogs pa la / / mdas rngul pas phog pa dang / / gum yang rung ma gum yang rung / / mkhon mchis te ched gar
(r303) 'phangs re ces / / gtsang dkar bcu gnyis / kho na bdag dang bcu gsum bro / / bro stsal te dkar /
(r304) thong myi dang khrims gcIg 'o / / dkar kyis / mda's phog pa / gum dang / myI stong du / srang brgya' phab /
(r305) ste / yus bdag dang 'dam po phyed mar / / / 'dam po ma mchIs na srang brgya' kun yus bdag / /
(r306) mdas phog pa ma gum na / rman zan du srang gnyis shu / yus bdag dang 'dam po phyed mar /
(r307) 'dam po ma mchIs dang / srang nyis shu kun yus bdag / / gum ba'I stong yang rung / ma gum rman zan /
(r308) yang rung / srang grang 'jald ba la / srang cig ma khor na / su yang rung dgum / / mdas / nga'I mda' /
(r309) ma yIn ces / bsnyon snyon ma tshang na / / mdas phog pa gum yang rung / ma gum yang rung / thong myi dang khrims /
(r310) gcig du dguM ngo / / snyon snyon tshang dang / skur pa zan kyang / thong myi skur pa zan khrims gcig du /
(r311) /::/ / rgyal 'bangs g.yung ngo 'tshald dang / zhang lon dang dmangs kyI bran / rkya la gtogs pa / g.yung dang lho bal /
(r312) kyI btson / man cad 'dI rnams / ri dags la / mdas rngul phas / phog pa la / stong / / stong mnyam ba /
(r313) 'di rnams / nang / / rI dags la mda's rngul pa la stsogs phas phog dang / / gum yang rung / ma gum yang /
(r314) rung / / ste khon / ched kar 'bangs re ces / gtsang dkar bcu gnyis dang / kho na bcu gsum /
(r315) bro stsal de / / bro stsald pa la / / dkar chag na / thong myi dang khrims gcig go / dkar / mdas phog pa nI /
(r316) gum dang / myI stong du srang lnga bcu / yus bdag dang 'dam po phyed mar / / 'dam po ma mchIs /
(r317) dang / srang lnga bcu kun yus bdag / / mdas phogs pa / ma gum dang / srang bcus / yus bdag /
(r318) 'dam pho / phyed mar / / 'dam po ma mchIs dang srang bcu kun yus bdag / / guM ba'i stong yang /
(r319) rung / ma gum ba'I rman zan yang rung / srang cIg ma khor na / / mdas / nga'I mda' ma yin /
(r320) ces / snyon snyon ma tshang na / / mdas phog pa / gum yang rung ma gum yang rung / thong myi dang khrim gcig du /
(r321) snyon snyon chang dang / skur pa zan kyang / thong myi'I skur pa zan dang / khrims gcIg / / du / / / ri dags /
(r322) la mdas 'phangs bas / g.yar gum na / g.yar kyI bdag phos / g.yar 'dI srang grangs /
(r323) 'di snyed zhig / myI rI re ces / bros / dang srang du rI' be'i skyind ba gcIg stsald shig / / g.yar mdas /
(r324) phog pa / ma gum dang / rman zan du lug sha zan gcIg stsald shIg /
(r325) $ / / gnyan ba dang / mda's rngul phas / phog na / dmer brtsi ba dang myi brtsI ba'i khrims la /
(r326) :/ / zhang lon chen po man cad / dmangs mtha' ma yan cad / ri dags la stsogs pa / la / mda's /
(r327) phu nu bo nang / gcig gis gcIg bkum na / dmer brtsI ba dang myI brtsI ba ni / thong myI'i khrims gyi nang na /
(r328) nu bo nang / gcIg gis / dmer brtsI ba dang myi brtsI bai / khrims kyi yI ge bzhin /
(r329) $ / / zhang lon chen po dang stong mnyam ba man cad / phra men kyI yI ge pa dang stong mnyam ba yan cad /
(r330) 'og du chud la / gcig gis gcig phyung ba dang / ma phyung ba'I khrims la /:/ / blon che la /
(r331) / zhang lon bzhi man cad / phra men kyI yi ge pa yan cad / zhang lon khong ta ngo bo dang /
(r332) zhang lon 'di rnams kyI myes pho dang / pha dang phyi mo dang ma' dang / bu po spad phan cad /
(r333) pha spun spad tshun cad / yI ge ma mchis pa'i rnams dang / ma yar mo dang bna' ma dang khyo mo /
(r334) dang bu sring khyo ma mchis pa 'di rnams / tshud pa la / stong / stong mnyam /
(r335) ba'i rnams / gcig chud pa la / gcIg gan na / ma phyung nas / /
(r336) bkum na' / ma phyung ba'I chad par / srang lnga brgya' / dkum ba / ma gum na / ma phyung /
(r337) pa'i chad par / srang nyi brgya lnga bcu / 'og nas thar pa / 'og nas /
(r338) phyung na / phyung ba'i byad gar bu mo / bu mo ma mchis na / sring mo / bu mo 'am sring mo ma mchis /
(r339) saM / ma 'tshald na / srang nyis brgya' stsold zhig / /
(r340) {$ / / zhang lon chen po dang stong mnyam ma}
(r341) $ / zhang lon chen dang / zhang lon chen po dang stong mnyam ba man cad / phra men kyi yI ge pa dang stong /
(r342) mnyam ba yan cad / cig / / 'og du chud pa la / / dngul kyI yI ge pa man cad / zangs kyI yI ge /
(r343) pa yan cad / kyis phyung ba dang ma phyung be'i khrims la / /::/ / zhang lon chen po bzhi dang / stong mnyam ba man /
(r344) cad / phra men kyI yi ge pa dang / stong mnyam ba yan / cig / 'og du chud pa la / dngul kyI yI ge [*pa] dang /
(r345) stong mnyam man cad / zangs kyI yI ge pa dang stong mnyam cad ba cIg gis / ma / bkum na /
(r346) ma bkum ba'i chad par / srang lnga brgya' / gum ba stsald to / / srang lnga brgya phab / slad na' /
(r347) snar gis 'o dom yang / / 'og du chud pa ma gum na' / ma phyung ba'i chad par / sdar ma 'o dom /
(r348) gdag su / / 'og du phyung na' / byad gar / bu mo 'am srIng mo gcig stsald / kyang rung / /
(r349) srang brgya' lnga bcu / stsal kyang rung / de cig stsol / / cIg /
(r350) $ / / zhang lon dngul kyi yi ge pa dang stong mnyam ba man cad / zangs kyI yI ge pa dang stong mnyam yan cad /
(r351) gcIg / 'og tu chud pa la / khong ta gcig gis gcIg byung ba dang ma phyung ba'I / khrims la' /::/
(r352) zhang lon dngul kyI yI ge pa dang stong mnyam man cad / zangs kyI yI ge pa / stong mnyam ba yan cad / cig 'og
(r353) pa la / khong ta gcIg gis / gcig byung ba dang / ma phyung ba'I khrims la / /::/ / zhang lon dngul kyI yI ge pa /
(r354) man cad / zangs kyI yI ge pa yan cad / zhang lon khong ta ngo bo dang / zhang lon 'dI rnams kyI / myes pho dang / /
(r355) pha dang phyI mo dang / ma dang bu po spad phan cad / pha spun spad tshun cad / yI ge ma mchis pa'i rnams / dang /
(r356) ma yar mo dang mna' ma dang / khyo mo dang / bu sring khyo ma mchis pa dang / 'di rnams la / 'og du chud /
(r357) pa la / stong / stong mnyam ba 'di rnams / gcIg 'og du chud pa las / gcIg gum na' /
(r358) mchis / ma phyung nas / bkum na / ma phyung ba'I chad par srang sum brgya
(r359) / / / gum na ma phyung ba'I chad par / srang brgya lnga bcu / 'og nas thar pa /
(r360) 'og nas phyung na' / byad kar bu mo bu mo ma mchis na sring mo / sring mo 'am bu mo /
(r361) ma mchis sam / myi tshald na / srang brgya' stsold zhig / /
(r362) $ / / zhang lon chen po man cad / zangs kyI yI ge pa yan cad / khong ta ngo bo dang / khong ta dang / stong mnyams ba' /
(r363) 'og du chud pa las / gtsang chen man cad cig gis / pyung ba dang / ma phyung ba'I khrims la /::/ / zangs gyI /
(r364) yI ge [*pa] yan cad / khong ta ngo bo dang / / khong ta stong mnyam [lan ca?] ba zhig 'og tu chud pa la / / gtsang chen man cad /
(r365) dmangs mtha' ma yan cad zhig phyung ste / / bkum na / ma phyung ba'I chad par / 'o dom /
(r366) sdar ma bkum du bas so / / bu smad nI bang za phyug nor dang khol yul mal na / / bu pho ma mchis na' /
(r367) bu mo smad / za phyug nor / khol yul pha / / pha ma mchIs na / bu mo smad / bang za phyug nor / khol yul / phu nu bo /
(r368) gag gis 'dur pa / / khol yul nI phu nu bo drung mchIs kyang myI stsald do / snar ma bkum ba / su'I 'bangs /
(r369) sI'i bran so sor bzhes 'tshal zhig / / / zhang lon zhig 'og du gum na / snar ma'I chad par / 'o dom /
(r370) / bang za phyug nor / stsald te / sdum pa ma phub pa dang / / / spyug pa'I khol yul / ni bu sdum pa /
(r371) phub pa mchis na / bu / bu sdu pa phub ma mchIs dang pha / pha mchis na / khol yul / gi phu nu bo drung mchis /
(r372) kyang / myi stsald to / / / spyug pa / sI'i 'bangs su'i bran so sor bzhes 'tshol zhig / / g.yag gI 'og nas /
(r373) phyung dang / byad kar srang lnga bcu stsald do /
(r374) $ / / gtsang chen man cad / dmangs mtha' ma yan cad cIg / 'og du chud chud pa las / zhang lon yI ge /
(r375) pa'o 'tshald zhig gis / phyung ba dang / ma phyug ba'I khrims la /::/ / gtsang chen man cad dmangs mtha' ma yan /
(r376) cad cIg / 'og du chud pa las / / zhang lon zangs kyI yI ge pa man cad / khong ta ngo bo dang stong mnyam yan cad /
(r377) cig / gam na mchIs / 'og du tshud pa las / ma gum na / chad par / srang brgya' / gum /
(r378) ba stsal do / ma gum na / ma phyung ba'I chad par srang lnga bcu / 'og nas thang pa / /
(r379) 'og nas phyang na / phyung ba'I byad gar mo / bu mo ma mchis na sring mo / srang mo ma mchis sam / /
(r380) kho ma 'tshalde / srang nyis shu stsold zhig /::/ / gtsang chen man cad / dmangs yan cad / myI dge ba zhig /
(r381) 'og du chud pa pas / myi ngan pas ma / bkum na / ma phyung ba'i chad par / snar /
(r382) ma 'o dom / bang za phrug nor / / bu po khyim ma phub pa dang / / khol yul nI spyug pa'i /
(r383) slad na' / bu po sdum pa / phub pa mchIs na / bu / sdum pa phub ma ma mchis na / pha /
(r384) ma mchis na / spyug pa / sI'i 'bangs sI'i bran so sor bzhes 'tshol zhig / / ma gum na / ma phyung ba'I chad /
(r385) par / sdar ma 'o dom / 'og rta 'og nas phyung ba / / 'og nas phyung dang
(r386) phyung ba'I byad gar / bu mo 'am sring zhig kyang rung / srang bco lnga 'tshal kyang rung / de cig stsol cig /
(r387) :/ / myi mnyam gnyis la / gcig 'og du chud pa las / gcig gis ma phyung ste / bkum / na
(r388) / ma phyung ba'I chad par / sdar ma / 'o dom 'og rta bkuM ba / / / / ma gum na ma phyung ba'I chad par / snar ma /
(r389) 'o dom / / 'og nas phyung na / phyung ba'I byad gar / bu mo 'am srIng mo dbang ngo /
(r390) bu sring ma mchis sam / / kho myI 'tshal ma / 'og rta stsol zhig / /::/ / myi ngan pa zhig / /
(r391) 'og du tshud pa las / myI dge ba zhig ma :/ 'og du bkum na' / ma phyung ba'i chad par / 'o dom /
(r392) / 'og rta bkum ba / / ma gum na ma phyung pa'i chad par / 'og rta 'og nas thar pa /
(r393) / nas / phyung na' / phyung ba'I byad gar / bu mo / bu mo ma mchIs na / sring mo /
(r394) bu mo 'am sring mo ma mchis sam / kho ma 'tshald na / srang bcu stsald zhig / /
(r395) $ / / myi 'og du chud pa / / 'byin 'byIn te / 'og du chud pa / dang / 'byin /
(r396) myi gnyis / gum ba dang / ma gum ba'I khrims la / /:/ / 'og du chud pa yang / bkum /
(r397) 'byin pa yang bkum ste / gnyi ga bkum na' / sngar 'og du chud pas / lan gyis / / 'byin /
(r398) ba'I ro rdzang du g.yar gcig stsol zhig / / 'byin ba myi bkum / 'og du / chud
(r399) pa ni / 'byin 'byin pa myi'i yond te ma gum dang / 'byin ba myi ro /
(r400) 'og nas pyung ba'i srang / 'byin ba'i gyar gum na' /
(r401) g.yar gyi skyin ba rngan pa'i srang grangs la ma gtogs par stsold
(r402) $ / myi 'og du chud pa la gchig gis g.yag drang du ma
(r403) rung na bkum ba'i / /:/ / 'og du zhang lon zhig chud kyang
(r404) rung / dmangs shig / 'og du chud pa la / / g.yag
(r405) / phying pas drangs kyang rung thag pas drangs kyang rung /
(r406) gzhus drangs kyang rung / chis drangs kyang rung / g.yag rIg
(r407) par g.yag ma myi bkum na
(r408) du / ma pyind pa la chad pa ma /
(r409) $ / myi 'og du chud par / myi mang po pyung ba'i
(r410) la / /:/ 'og nas phyung pa'i 'byin ba myi mang po
(r411) pyung kyang rung khrims kyi srang grangs la / /:/
(r412) $ / zhang lon man chad dmangs / yan chad / 'bri'i 'og du chud
(r413) pa la / phyung ba dang ma py[u]ng ba'i / / 'bri'i 'og du
(r414) chud pa la / ma pyung ste 'bris myi bkum dang / zhang lon bkum
(r415) yang rung / dmangs shig bkum yang rung / g.yag gyis bkum
(r416) ba dang chad pa khrims / / 'bri 'og du chud de / ma bkum na / zhang lon /
(r417) zangs gyI yI ge [*pa] yan cad cIg kyis / gcIg gis nar ma phyung na / ma phyung ba'i chad pa / 'og rtas / 'bri 'og /
(r418) nas thar pa / stsald pa / / 'bri 'og nas phyung na / phyung ba'I byad gar yang 'og rta stsald / zhig / / 'bri 'og du /
(r419) / ma gum ba / gtsangs chan man cad / dmangs mtha' ma yan cad / cIg ste / gcig gis gcig ma /
(r420) ma phyung ba'i chad kar / 'og rtas / 'bri 'og nas thar pa / / phyung na phyung ba'I byad gar / rta gzhI' /
(r421) gcIg stsold zhig / / ma gum ba zangs kyI yI ge pa man cad / gtsang chen man cad cig gis / ma phyung na /
(r422) ma phyung ba'i chad par / / 'o dom ring res gcig gis / / 'brI 'og nas phyung ba'I byad gar / gnag /
(r423) grus gcig stsol zhig / / 'brI 'og du chud de / ma gum ba / gtsangs chen can cad / zhang blon zangs gyI yI ge [*pa] /
(r424) yan cad cig gis / ma phyung na / ma phyung ba'i chad pa / 'og rta gcIg gis / 'brI 'og nas thar pa stsol zhig /
(r425) 'bri 'og nas phyung dang / phyung ba'I byad gar 'og rta stsold zhig / /
(r426) $ / / / g.yag dang 'og du chud pa las / gan na mchis phas / ma phyung na / gang sdar ma 'o dom gdag pa'I /
(r427) khrims la / /:/ / zhang lon man cad / dmangs mtha' ma yan cad / 'brI 'og du chud pa la / rog po 'am g.yog bran /
(r428) zhIg / gam na mchis mchIs te / g.yag dang 'bri 'og du / chud pa ma phyung 'am / grogs ma bgyis na / gam na /
(r429) su nye ba mchis pa rnams / gyi nang nas / zhal cer / gang sdar ma gcIg / 'o dom gdags pa'I khrims /
(r430) la / / bab na' 'ang / / 'o dom / / gzhan nI 'o dom myi gdags phar stong ji bab pa / /
(r431) $ / / zhang lon zangs kyI yI ge pa yan cad / gyI bu tsha dang / ya lag la / yI ge ma mchis na / mda's rngul /
(r432) pa dang / g.yag dang 'bri 'og du chud na / yI ges 'bye ba'I khrims la / /:/ / zhang lon chen po man cad /
(r433) zangs kyI yI ge pa yan cad kyI / bu pho spad phan cad / pha spun spad tshun / cad / yI ge ma mchis ste mda' /
(r434) rngul ba dang / g.yag dang 'brI 'og du chud pa / la / / yI ge jI la gtogs pa / khrims bzhin /
(r435) du bgyI'o / yI ges dbyes / bu yang rung / pha la / phu nu bo drung yang rung gcIg la gcig ma /
(r436) $ / / rI dags khums na don dbang ba'I thang la / /:/ ri dag / don dbang ba ni / g.yag cIg la mda'
(r437) drug du brtsI 'o / snga mda' dbang ba nI / thur thur g.yon mtho gang / yon pur bcad te / g.yas log /
(r438) dko ba / rtsIb ma log / dnga' ma dang snying dang brang dang lce dang khrag phyed dang rtsa rgyus 'di rnams / snga mda' /
(r439) / / / phyi mda' dbang ba nI / g.yon pag kyI rtsib ma kho ba dang khrag phyed dang / nang rol chu spyag dang / gshul /
(r440) rgyus dang / de rnams phyi mda' / yang mda' nI rtsIb ma g.yas pa / bzhi mda' nI rtsib ma g.yon /
(r441) log / lnga mda' ni rkang sla / drug mda' nI lag sla / / 'bri cig la mda' gsum du /
(r442) brtsI ste / snga mda' dbang ba nI / thur thur g.yon log mtho gang yon pur / g.yas lbag kyI dko ba /
(r443) dang / rnga ma dang snyIng dang / brang dang lce dang khrag phyed dang gshang dang / rtsa rgyus dang 'di rnams / phyi mda'
(r444) dbang ba nI / rtsIb ma g.yon yog kyi dko ba dang / khrag phyed dang / nang rol chu sbyag dang / bog bog dang / gshul
(r445) rgyas de nams / / yang mda' dbang ba nI / mjI[ng] pa'I kho ba dang zla bzhi / / sha ba dang rkyang /
(r446) man cad dgo ba yan cad / mda' brtsI 'o / / snga mda' / ni dang / snying dang brang dang lce dang /
(r447) dang khrag phyed dang / rtsa rgyus dang de rnams / snga mda' / / phyi mda' dbang ba / mjIng shun dang /
(r448) bog bog dang / nang rol shu sgyag dang / mchin pa dang khrag phyed dang / shul rgyus de rnams dbang ngo /
(r449) $ / / ri dags la / mda' tshang na / ri dag khums zhes mchir myi gnang ba'i khrims la / /::/ / ri dags la /
(r450) myI cig gi / lag na mda' chang ba nI / myi / / myI dus 'phangs pa brtsI 'i / ma mthong ma 'tshal ces /
(r451) mchI / mchIs myI brtsa'o / /
(r452) $ / ri dags la / mda' dkus pa dang / mda' sa rnyed pa'I /::/ ri dags la mdas / mchIs /
(r453) pa la / mda' / rkus na' / mda' gnyis dkud / / mda' sa na rnyed na dkud myi / mda' ngos /
(r454) bIn na' / gyi na slar lon zhig / /
(r455) $ / / ri dags khong sa nas / btang ba'I khrims la /::/ / ri dags bye na' bye ba'i chad pa' nI / g.yag cIg shor na /
(r456) nya tsha bzhi bcu / 'bri cig shor na / nya tsha nyi shu stshal / rkyang cIg shor na nya cha bzhi bcu / rna ba smyan /
(r457) dang gcod gshor na / nya tsha brgyad stsald / / rgo ba shor na nya tsha drug stsal / lIng myi brgya'u rje dang bcu sna'i
(r458) chad pa nI / jI 'os pa nya tsha' grangs phral la stsald / lings gyi ri dags kyI sha zhig la rkus na / mkhar /
(r459) tsud lo gcIg gis / su 'dzIn 'dzen su 'dam 'dam be'i byad gar 'og rta stsald to
(r460) yus nas / ri dags kyI lings btab pa las sha rkus na / rkud sum tshal / / 'dam po' 'am su rgal /
(r461) rgal ba ni / rkud kyi / sum cu /
(r462) $ / / zhes ra phas / sang sha / yul myi / la sha btam pa dang / / zhes ra phas yul myI tshal ma /
(r463) phrog pa'I / khrims la /::/ / zhes ra phas / ba sha shor shor te / mchis brang du ma mchIs / grong du /
(r464) mchis dang / grong myes rad pa stsald zhig / chal ma sngun nas 'tshal na / 'tshal du /
(r465) sngu nas ma 'tshal na / 'tshal ces mchi / tshal ma phrog na / dmyig nyi ga gdod do / grong myi la /
(r466) khal ma phab /
(r467) $ / / phyi sha myi gnang ba'I /::/ / phyi sha ma gnang bar / phyi sha bgyid dang / sus kyang / zung zhig /
(r468) 'dzIn 'dzin pa 'byad gar / 'og rta
(r469) / / (inverted<) lags so (>inverted)
(v1) ji rom gas kong gyis spad / mo 'gaM
(v2) mye tshab gyIs bris

OTDO

Old Tibetan Documents Online

Pt_1071