Old Tibetan Documents Online

Pelliot tibétain 1134

1. Content : Funeral rituals.

2. Note : Scroll. The beginning is missing. Verso, 297 lines. Verso, a Chinese Buddhist text. Cf. Catalogue VI (79-80).

3. References :

Choix II (pls. 460-469, notice 18), Choix IV (35-45) [I.Translit.].

Lalou (1939-1961: II, 67) [P.Translit.],Uray (1966: 247),Stein (1971: 491-500, 545).

Transliteration (Change the Display Format)

(1) [---]
(2) [---] [-]g tshigs [---]
(3) [---] [mo?] ni bgrod nongs te' / [---]
(4) [---] brkus / na / she za la ro sman / [spu] [---]
(5) [---] [-g (/ga)] ni rgar ma mnyan dro dpyid nyi ring po ni [nub?] [---]
(6) [---] [bgrod?] gru bzhi ni bgrod te / rje gral ni mto ma slebs / sha
(7) [---] [-]s / rjes bkur ni ngo myi 'to' / rtas bkur ni 'prag myi ring ring
(8) [---] bab / gi bar du skar ma gra grums / tang mjald te se gru bzhi / na /
(9) [---] pyugs spo ma nye du khyod gyang / se mo bgrod / nongs shing rta sbrang kham po ltar /
(10) ring du se mo / gru bzhi na lu sa re se mo bgrod legs / gru bzhi bgrod legs /
(11) na / gnam gyi ya bla dgung gi ya stengs na / pa dang yab smos / na / mgon tshun phyva' / ma /
(12) dang yum smos na / ta nga ngur mo / tang / bshos tang nams gyi sras / mgon tshun gtings na
(13) rje' / mgon tshun pyva'i / sras shig / btud tang ni chab gang / / / bdud dang bang pyal /
(14) / mnard ni bdud gyis mnar te / / pyva'i sras shig / grongs / na / do ma snying dags / ni
(15) pu dang mgyogs / tang dmag rab gyi rta po / nu yid / mgyogs / gnam gyi pa
(16) gi pa 'brum nas / bu ni lha 'i / bu / tsha ni srin gyi tsha ste' / bon / gshin gshen
(17) drag gi / pa ngag ni rgar nyand / dpyid nyi ni nub tu 'jugs / pu dang mgyogs tang nu yid
(18) mgyogs gnyis / rje gral / ni mto yang slebs / sha rtshi ni gda' / yang mnabs rjes bkur
(19) ni / ngo / yang mto' / rtas bkur ni / 'brag gyang ring / gnam rim pa dgu steng du mgon tshun /
(20) gdings na re / la mto rgal gyang / myi pyugs mnyam du rgal / dma rab 'bog gyang /
(21) myi pyugs mnyam du rgal / dbyar sngo dgun du sngo yang / myi pyugs mnyam du sngo / sngo mo /
(22) ngar 'gam yang myi pyugs / mnyam du 'gam / se mo bgrod / gnam rim pa dgu /
(23) 'i steng nas / par gshegs na se mo bgrod / gru bzhi bgrod / gnam gyi pa mta' /
(24) dgung gi pa 'brum / na / pa dang yab gyi mtshan / ding ding dings gyi / rje / ma dang yum gyi [mtshan?]
(25) dog ngur ngur ngur mo tshun / bshos dang gyi / sras / gdags dre'u rje btshan ba zhig / 'brog dbye
(26) [---] / lteng sum du / sha shord 'brong gong du gshegs / na brag gnam brag / gdrings brag gi /
(27) ka nas / chibs ka / gdangs dre'u rje / btshan ba / drir grongs gyis myed / na / do ma /
(28) snying dags / ser ngang ge / pa dur gshen rma da nas / bstan drung ni ma mnyan / glan drung ma /
(29) bstan pa ngag ni / rgar ma mnyan / dro dpyid nyi ni num du ma 'jugs / se mo ni bgrod /
(30) gru bzhi ni bgrod / gshin te / nyer bu bgrod / rje gral ni / mto ma slebs / sha rtshi
(31) gda' / ma mnabs / rjes bkur ni ngo myi 'to / rtas bkur ni / 'brag myi ring /
(32) ring tung gyi bar du / se mo ni / rgyand du lus / gru bzhi ni / lus / mdzad / ltad mo
(33) ni / myis blta / gad mo ni / myis bgad / pa dur gshen rma da nas / gshin lam mar ba yang /
(34) bstand gshin sgrog / mar ba ni gri yu rings gyis / brams / pa ngag gshen ngag tshig gsuM
(35) la ni / gshin la gong gsum / ma rgald / gshin yul / mar ba ma bgrod / ches byas / na /
(36) sne'u kyad kyud / gyang / snying ma bdun gyi laM / drang bu sag sig gyang snying ma bdun gyi lam
(37) chab bu chal chol gyang / snying ma bdun gyi lam / rab gshin rab ma rgald la gshin la / yang /
(38) ma rgald / se mo na lus gis / myed / spro ma kyed gyang / ser gang 'ge ltar / se mo bgrod nongs
(39) gru bzhi bgrod nongs / shing / se mo na / lus sa re / gru bzhi na lus sa re / / / chab gyi ya
(40) na / myi rab 'greng ru cho zhag / kab dang dbyal / btshald pa / chab gyi ma bzhug
(41) na / 'gyam mo tshe 'i bu mo / 'gyam za ting gug / chig kab dang gdar du blangs / na pra ma ni / bdud /
(42) gyis bgyis / bkyon ni / pyva / / myi rab 'greng / ru cho / 'ban te ni grongs gyis myed
(43) stug ste ni rlag / gis / myed / rno ste ni / / myed / myi myi shi 'i yul / na myi shis myed /
(44) ba myi rlag gi yul na ba rlag gis myed / 'pan gyi bu grongs na / gso ru / bon ma mcis /
(45) krung krung ni sngo rdol na / brdung du / bgar ma 'tshald / rje grongs gyis myed / g.yu grugs
(46) gyis myed myi / smon nI smon du / ma rung mtshe gzugs ma tsugs na do ma snying dangs
(47) gI / mying ba ni lcags te ku ku dmag rab gyi rta zangs te / pyo pyo gnam gyi pa mta dgung
(48) gi pa 'brum / na / bu nI lha'i / bu tsa / nI srin gyi tsa ste bon / gshin gshen drag cig dur rma
(49) / da na glan dril bu / rmun bu bon gshin gsas / drag gis gto bgyis dpyad
(50) bgyIs pa shId bgyi rmang tsugs shIg [cha?] gar ni ce ru rtsigs shIg bas la ni rgyal sgo
(51) shig lung na ni se / se gru / bzhi la shing tang bzhi btsugs / bya / kyi bzhI spord cig bzang
(52) se la ni sord cig / mgyogs nond / cig bzang se la / sard na pur ke mur ke gnyis /
(53) gtsos gyi nI snying khab dang / rma bzang ni chab ma dmyig bzang se la sard na dar ca / 'om bu / se la /
(54) mgyogs / / brgyugs na / lcags te khu khu dang zangs te pyo pyo pon kar skyes
(55) 'dab rgyan ka rtse dang / mgyogs nI brgyugs shed bzhi ni gnaM las bgye smra / bzhI ni sa la
(56) bkod thugs shul ni dga' brang du thugs sbra / ni / dkar mo pub rtan byang rtan khod mo ni bkod se 'brum
(57) bzhI 'i nang du lcags te ku ku dang zangs te ni pyo pyo gnyis gya ma za tIng ni dme gos nag po ni skul
(58) / mnabs / pyag na dar gyi pag tse ni snams srab mda' sha / brIng mnyen mo / ni bzung thugs dang / cad gyis / ni
(59) gnyen 'dun gI zhal myi 'tsold gyis / bstand pa ngag tsIg suM ni rgar / mnyend / dro / dpyid / nyi ring po ni nub
(60) du 'jugs ste snyan drung ni sil bond / spu drung ni / tems bzhag thugs rum du thems bzhag
(61) pa dur shen rma da chan dang / gshen rabs rab myi bo dang skar / the'u bzhug dang pyugs spo ma nye du khyed gyang
(62) grongs rje grongs gis myed grugs g.yu grugs gis myed 'pan gI ni bu khrung ni sgong rtold /
(63) rno'i ni gzhu chag gis pyi sgo ni gzigs shig ra skrom lug sgrom gyis ni bsgroms gshin /
(64) sgrom mar bar ni bcug ste mto la 'ang myi 'da' dma' rab gyang myi 'bog go pa dur rma da na dang
(65) gshen / rab myi / bo gnyis gyis / se mo ni bgrod legs te gru bzhi ni bgrod legs te rje gral nI mto
(66) yang slebs sha rtsi nI gda' yang / mnabs / da rung ni da cung / du bshos gyi ni / lha sa na ma grongs ni
(67) gyi / so / / / $ / lhe'u yang ka' rje'i / / / gna' kar / ga la gzhe dgu ga la / /
(68) skyin dang ma bab gyi ba snga na gnam gyi ya' bla na / dgung gI ya stengs na' / 'gon tsun phyva zhig khab dang /
(69) dbyal ma mcis kab dang dbyal btsald pa / bdud rje btsan tog skyold gyi sras mo tang nga bdud mo tang
(70) zhIg kab dang / dbyal du blangs te bshos tang / nams / gyi sras / bu po ru / byung / sras dral du bltam bu'i mying
(71) btags / sras gI mtsan btags pa / lhe'u yang ka rje ni lha dard btsan myi mags sgog tog ni
(72) myi mkas btsan ni 'dran 'tor mkyogs ni dkyus tsol zhang dang chab gang sdos / zhang
(73) bdud dang chab gang bsdos bdud dang yang bslogs / mnard ni zhang bdud gIs lhe'u yang
(74) ka rje gnam las / ni bdud bcad sa las ni sri grongs gyis / myed sang gI nam nangs / dgung
(75) sangs / na' pa / yab gyis bltas te / 'gon tsun pyvas / bltas / te / gzIgs pa na / bu / ma bzhengs sras
(76) ma / bzhengs / gyis myed pha / yab gI zhal nas 'gon tsun pyva'i zhal nas bu ci la thugs chad cI la
(77) 'brang 'old mto mkar bzhed na bzhes te bzhud dma' yul bzhed na bzhes / te / bzhud ces bgyis na
(78) bu ma / bzhengs sras / ma 'o na / btsan / khol / pa / bcu dang pyugs bdag / sna dgu / bzhed / daM
(79) lung dags [bo?] mco dgu na ra lug mying srIng / bzhed / na bzhes shes bgyis gyang bu ma bzhengs
(80) gIs myed / 'o na 'gon btsun / pyvas / bltas te gzigs / na spyan / bltas / na mcing / bas sngo sha / bltas gyis
(81) dar / bas dkar 'gon tsun / pyva las / bon / bkhas gsas drag bu lhe'u yang ka rje ni pang du blangs
(82) te zhag gsuM / du bskyed gyang bu myi mtsag snar gyang / grongs / gis myed bla za 'o 'bos / gyang
(83) du grongs spyan bye / 'ang / grongs / gyis myed / pa yab gi zhal / nas / 'gon tsun pyva'i
(84) zhal nas btsan rgyal kha ba mgyogs dkyus tsol ba / zhang dang cab gang bstos bdud /
(85) dang bang / byal bslags gis / zhang / bdud gyis / bgrongs / na / myi shi ba 'di gso na sos / sam
(86) myi sos / gor / gam ba 'di / sbyar na 'byord taM myi / 'byor ches / gnam / gyi / pha mta' / dgung
(87) gi / pa 'brum / na / bu ni lha / 'i / bu' / tsa ni / srin gyi tsha' / bon gshin / gshen drag / chig / yod / na /
(88) de gnyar te' / mgon tshun phyva' / dang gnyis / gyis / gto bgyis / dphyad / myi / shi / ba
(89) ni / gsor myi sos / gor gam ba ni / myi 'byor gyis / mdad shid cher gtang cha gar cher brtsig ches /
(90) / da' chibs do / / grar btshud / na / phu dang bgyogs / tang / nu yid mgyogs / grar
(91) / da' re shig re shig na / sa ma bi' / tog / na drang nga dbyen brgyad gyi nang na che bzhi zhig
(92) shag rag / mna' bchad mtho bchad / nya ce yor rmang sram che dang dngul / bya che' lchogs /
(93) mo wa che spyang ldom / dang bzhi' / sha rag / mtho bchad nas / sram che' / dang dngul gis /
(94) shag rag / mna' / zos / ma bu dug / nya che yor mang / wa che' / sbyang / ldom gis / shag
(95) rag mna / nya che yor mang gi / sha la ni za / grag ni 'tung zhing mchis / bya che lchogs mos
(96) nya che yor mang gi / ro' / mdab ma'i / gshog tog du / / sphrind gyi go / bsald / gnam
(97) gyi / mthongs phye ste / gnam gong yang du / bor dgung gong yang du bor / nya che yor mang gi
(98) ro' / nang nas / wa che spyang ldom / byung ste / / mgon phyva'i do ma snying dags / tang
(99) / yid mgyogs / gyi / bse 'i / cho rold / tang / byang gi / smyangs mtsherd chibs tang
(100) / yid mgyogs / gnyis bros te / song mgon tshun / phyvas / bsnyags / na ni ma slebs / gzung du
(101) ni / ma zind / mtho la ru bros / gyang bsnyag du ma slebs / dma' rab tu bros / gyang bsnyag tu ma slebs /
(102) dbye che la / bsnyags / gyang ma zind / 'prang rub tu bros / gyang ma / re shig re shig na / gnam gyi / pa
(103) mtha' / dgung gi / pha 'bram na / g.yu' / yi pha bong / g.yag tsam shig mchis / g.yu'i / pha bong g.yag /
(104) gyi / pha rold / na / g.yu'i / chu / myig / la / chu 'tung zhing mchis / g.yu'i chu myig gi / dngo ru / bse 'i /
(105) lag ni bres / lan tsha' / dgon / rtseg / gang zhig ni / gtor te bzhag / pu tang mgyogs tang nu
(106) mgyogs / gnyis / g.yu'i / chu myig tu / chu 'tung zhing / lan tsha dgo tsheg / gang la / ldag ching / gshegs / pa la / bse
(107) mang lag la togs / pu dang mgyogs / nu yid mgyogs / gnyis / sbreld / rgyang sbrel tu sbreld / nas / mang
(108) lag / gyer te byer / ri lung / bsnyags gyang ma slebs / g.yu'i chu myig du do zind / do ma zind
(109) gser gi chu myig du do zind / do ma zind / dngul / gi chu myig / tu do zind / do ma zind / ra gan gyi / chu
(110) tu do zind do ma zind / khar ba'i / chu myig / lchags gyi chu zangs / gyi chu tu / do zind do ma zin / ri la
(111) bros te song dmu ri mtho la bros te song na / dmu rje rgya' / bdun gyis / ri kha' / khus / dmu
(112) dbye che la / bkug dmu zhags / gsang gis / / 'brong gi / rdod sgrog gis brdod / bse'i / cho
(113) rol du ni bchug ste bzhag na / 'gon tshun / phyvas / srab mda' / nas ni / bzung ste / bshums mo rgyang
(114) gis / / nga'i / bu chig / chig / 'pan te grongs / sdug ste ni rla gis / myed / na / pu dang
(115) / tang nu yid mgyogs gnyis / gyis / chab gang la ru bya 'am myi yang ba rab tu spogs sam
(116) myi spogs shes / bgyis / lan chen / kha'is / blangs / dug chen mchus 'tungs / pha mgon / pyvas
(117) khri de mkar lchags / mkar / rtshe dgu'i / nang du / / 'bras / gyi / lchang pa la / sand / nas /
(118) ngar pye' / [la?] ni / bsgams / bu ram nyug chu la ni / blud / glad la ru btags sna bya ru 'ong 'ong / 'on
(119) drag / bu ni lha'i bu tsha ni srin gyi tsha' / myi bon / lha'i bon / rgya bon brim tang gis / rgyal tag
(120) / ni / gnam las / bre se gru bzhi ni / sa la / bchas / bas la ni / rgyal / bsgos / lung na ni / se /
(121) gshin sde'u nyer bu ni brtshigs byang brtan kod mo ni bkod / shing tang bzhi' / ni btshugs / bya dgyi
(122) bzhi ni spard / mgyogs / gral du dngard / na / do ma snying dags / pon kar skyes / 'dab phu dang
(123) / nu yid mgyogs / gnyis / du dngard / mgyogs / pum puM ni dar gis / bchings / rnga ma ni slungs
(124) su bchug / gnyen gang gis / ni / blta' / bon gang gis / ni / bgyerd / mgon tshun / phyva'is / skyibs / lug
(125) mar ba la / / / da di ring pa skyibs / lug / mar ba la do / nga 'i / bu / 'pan te ni grongs / sdug
(126) ste ni rlag / na / grongs myi bdur na / gson / mgur pras / rlag myi btsal na / ra stongs / da' / pu
(127) dang mgyogs / tang / nu yid mgyogs / gnyis / mtho la rkal gyang myi phyugs / mnyam / du / skyibs
(128) mar bas / drongs shig / rab 'bog gyang myi phyugs myi phyugs / mnyam / du skyibs lug mar
(129) bas drong shig / da di ring pan / pu dang mgyogs / dang nu yid mgyogs / dang lhe'u yang ka rje
(130) dang gsum / yang / bya rog gu'i / spu dang mtshungs / smug rum / na bo ro / skyibs lug / mar / bas /
(131) bgris / na / lhe'u yang kha rje' / pu dang mgyogs / nu yid mgyogs / gsuM yang
(132) / / / gnam / rim pha dgu'i / steng du btsan btshun lha' / dkos / na / bzhugs / gyang myi phyugs / mnyam / du
(133) dkos / na bzhugs / sha bri ltar / logs la / snar gyang myi pyugs / mnyam / du logs / la / snar / / /
(134) su la pan te bsod / na / lhe'u yang kha rje' / la / do ma / snying dags / pan te bsod / / / da di ring sang lta
(135) na / spo ma nye du / kyod / gyi / rje' / ni grongs / gis / myed / g.yu ni grugs gyis / myed rje grongs / na / ba
(136) grogs / lta' / ga la srid / g.yu grugs / na / myi sbyar lta / ga la srid / / da myi gshin pyiru / spo ma / nye du /
(137) pon kar / skyes 'dab / kyod / 'dong dgos / gyis / / da do mod / gang la / btams / pa ngag tshig / sum /
(138) ni rka nyon chig / dpyid nyi ring pa ni nub tu 'jug shig / snyan drung ni sil / bon do / spu drung du ni / tams
(139) go / bsnan / drung ma rung / glan drung ma / rna drung du sub ba re / kho re ye / / lam lum
(140) du / las sa re / sab sub tu / zho ma re / btams / pa ngag tshig sum / ni rkar gson / chig / dro dpyId nyi
(141) ring po / ni / nub tu 'jugs / na / mtshungs / tang ni mtsungs / gi / yul du / bzhu do / mnyam sa tang ni
(142) mnyams / gyi yul / du bzhu do / rje yid / gyis / ni / bsaMs / shing bzhu do / kol / dang gis ni mno / shing
(143) 'gro'o / ri dga' / ri / la / gshin / rtsi pang / phung / yul dga' / yul / na / chu gshin chu ni snga na / bzal bzu
(144) la / di ring pan / / spo nye du' / kyod gyang rje bden gyis / bgol / na gle spar ka dod / gis / ka ngand / gyis
(145) kha ngand gyi / myI bza' / sga bden / gyis / bstad na / myi ngand / rgya ngand / kha ngan gyis / myi ngand / gzhu /
(146) ker / gis / myi 'pang / di ring pan / do ma snying dags / kyo na / rnams / gyang skyibs lug mar
(147) ba la / gad de gtang / grva' / dpung mar la / de gtang / la / mtho rgal / myi phyugs / mnyam / du rgal
(148) gyang / mar / bas / drongs / shig / dma' / rab 'bog / gyang / myi / pyugs mnyam / du / skyibs lug /
(149) mar bas / drong shig / / / mtho 'da' na / gong sreg / / rgol chig / dma' rab 'bog gyang
(150) bye ba lhum pa ltar myi phyugs / mnyam du / 'bog shig / / / di ring pan / ngo shes / ni / bdag / lo
(151) nga shig / sna nar / rdzi gzod / chig / ring / tung gi / do ma / snying / stsang 'o bag / gi / pon
(152) kar skyes / / do ma snying dags / pon kar / skyes 'dab / khyod / gyis / bkur na ni ri yang
(153) teg / bsnyag / na / ni bya yang slebs / / di ring pan du / mtho la / 'das / gyang myi phyugs / mnyaM / du
(154) / la mto'i ni gchan / pas de na yang pon kar skyes 'dab / gis / mgar ltar ni /
(155) chen chig / / / dma' / rab 'bog gyang myi pyugs / mnyam / du 'bog ste' / rab gyi ni gchan
(156) pas / der na do ma snying dags / gis / smra zam gi gru ltar / togs / shig / / / da / gshin yul /
(157) bre ma / dang / du / byon / na / rtsva' / dbyar / sngo / dgun / sngo yang sngu na mchis / chu / myig / grang grung yang
(158) sngu na / / rtsi gshin / sngo na / mchis / / 'bre das / drag / gis / dras ded / pa ni / dmag rabs
(159) gyi / rta po / slad nas / mchi'o / skyibs / lug / mar ba dang bgrogs / te deng shig / btsan btshu
(160) na / dang mtshungs / dgos / na bzhugs / gyang myi phyugs / mnyam / du bzhugs / sha bri ltar
(161) bas / la / snar / gyang myi pyugs mnyam bas la / snor chig / / myi dang rta la / bsnand / pa' / myi / rma bu
(162) mchin rgyal / 'di / myil myi grongs / gi yul / dga' / yul / byang rnamsna / dpan gyi ni bu chig / grongs
(163) bdag myi rlag gi yul / brla mo / chab kor / na / dbul / gyi / pa chi rla gis / myed / gson /
(164) lo / brgya' ni / bra nga bsnyan la / dengs / grongs tshe / 'bum ni / snam phyi gdub ltar / 'gor /
(165) te' / di ring slan / skyin dang bab / gi 'og / tu / myi ngu / myi / gson / gshin /
(166) yul / myi / gchig / khyi pag / tsang myi gchig / di ring pan / / 'jigs /
(167) yul du / don gnyar / sad khung du / zhing rmo / gnam
(168) pyir mda' / pang / gshin / yul du / tan bta' /
(169) {gshin yul du tan bta'} na tand gyi / gcas gyang ga la yod ches / spo ma tugs ma / gdung /
(170) shig / 'gro lam myed gyang lam 'par / / nang dro myed gyang dro btsal / nub gyi / dgong
(171) na dgongs / 'phral la btsal / shi ste myi sos / na / zhang pho bdud / / phyva'i / ni / sras / bgrongs
(172) so / gshin yul du / gshin yul du tan / bta' na tan gyi gchas / tan gyi myed pa
(173) sdang ma yar mos / bu yar mo la / gshin yul / du / tand bta' / ba'i / gchas / / / di ring slan
(174) / gshin yul nas / slar 'gor pa'i / myi do / / di ring sang lta' / na / 'greng myi yi bu bskyed
(175) bskyed na / ta ma / sa'i / 'og / du 'das / gyis / / mgyogs gyi bu bskyed bskyed
(176) ta ma gchor du / / bzang rnab rnab na ta ma zhugs tog / dmar la / mgyogs breng breng
(177) na / gor tog slum gyi ya bo / / gda' bskyed bskyed na / ta ma chur / gna' / pa myes / ched pho / chu
(178) gang yang ba / di rIng / sang lta na / bu tsha gzhon / gyi bdud / di ring pan / dro gdugs las / gyang
(179) / sdug / bu las gyang dro ma las / gyang / rtsi gson rtsi spang rtshi spur bu las gyang
(180) rtsi gzhin / rtsi phyab ma dang mtshun rtsi yung brang dang yang / lha lug ngo / mar dang / phyugs /
(181) la / snyer bzhon las gyang / / yul / gson / yul / ngar 'gams / na / gshin gshin /
(182) yul brem dang na / 'bras gi lchang pa dbyar sngo dgun / sngo' / dang / yul gshin /
(183) / na / byang skyogs / dung skyogs / gyi / nang du chang blugs / pa gshin yul / 'brem dang / ri ro
(184) la / chab myig rngo bzangs / chang bas / zhim / snyan / dar snyan / chig rgyang / ring du ma gsand
(185) chig / spyan spug spyan ni / rgyang ring du ma gzigs / shig / gor zad ni shing dengs / te / do ma
(186) dags / gyi rmyig pa lchags / rmyig bzhi' / mar rtsed phying nu / rtshed pying / yang
(187) ba'i / rtsed pying / gshin yul / na / mdo ro dar bas / 'jaM / mo / myi me'u / gnyen / gyis / nas
(188) nas rtshed nas / bon pa ni / gshin / yul 'brem / dang na / gram bu [---] ruM na bye ma gnub bas 'jam mo /
(189) di rIng phan cad du se mo ye le ye' re gnag thibs se / bye'u phu ru ru rgya bya gang
(190) ka tsIg cig pu ru ru 'gro lam myed de brag la / lam tshol ba skyIbs lug / grva dbung
(191) mar rbas brag 'dra'o dphung pas ri / mtsho rab myeng la rab / /
(192) 'dod pa pyo pyo rgyal te / spo ma nye du khyod snga grin ni / / gshin
(193) 'brem dang na phyugs gson gshin myi gson gshin gnyis / rje /
(194) / lug / mar ba khyod / pa myed gyi pa'o / ma myed gyi ma rtsi kham gyis / stsan gyang
(195) myi khyod gyis son chig / chu rngubs gyis / glud gyang myi khyod gyis / lud chig / / / /
(196) $ /:/ da' / la dang dgos gyi mying ba ni / bki'u la' / zegs spangs / shig / spang chig / pa
(197) ru 'das na / gtshos dgo bre nge breng / sha rgyang ram ma rem / san kar skya bo zhig / gnam
(198) ru za nge zang lam gyi g.yon rold / na / su sgong rum gyond / / sbrang bus
(199) brtsed / laM gyi g.yon rol na / su tshem bu gyond / za su / pye mar za' / /
(200) nun lug 'tsho' / lam gyi g.yas rold na / ra byard gyond / / ldum
(201) tog za' / / brag chas / bsgrogs / nyon mongs / sdug pa'i yul / lam gyi
(202) g.yon rold na ru gyond / za' / bsnyod ni / sbrang bus /
(203) bsnyon / dgo re gas / bsnyod / yul / gshin yul / na / ba'i myi mye do skyibs lug
(204) mar bas glan ba'i rtsi yang bya' / nun lug gis / ma byas na / nang dro myed gyi
(205) yul / na / dro yod / nub dgongs myed gyi yul / dgongs / gyang yod / dbyar sngo dgun du
(206) sngo ste' / dga dang skyid pa'i / yul / smra shug rbum pho dbyar sngo dgun du sngo / ste snam [ral?]
(207) de ru khol chig / mching gi na dra' / sngon mo la / chibs / gyi' / pangs / rdod ni / de ru /
(208) rdod chig / bgre'u / 'i / ra ma pa mchis tang ra ma pa 'i / tshe'u sug / ya chig
(209) dang tshil re bo dar chig / 'ond chig / po brang ni g.yon tu rtibs shig / zhugs / tab ni / /
(210) glings shig / skyibs lug mar ba'i / 'ba' / la / rje ma /
(211) shig / pyugs / spho ma nye du / do ma snying dags khyed gyang mching gi na dra
(212) mo la / yengs / ste ma 'dug shig / / / / de ste phan gnam dang sa' / 'dabs
(213) te / khrigs / bye'u song na 'ju gi mtha' za reg / bye'u
(214) song na drung za reg myi bdag 'ongs / gyis / sgo bye zhes
(215) ste spu mtshal / nyag chig / bor te' myi bzangs ni 'dzuld te gshegs
(216) shig / rta bzangs / ni / mdur te gsheg shig / khyi bzangs dom bzangs ni / 'dral te
(217) gsheg shig / ba bri ni / g.yab gyis / tob shig / de ste pan du / bye ma nab nub gyang /
(218) snying ma bdun gyi lam / dga' / la / chig / pyur zhes / 'das / na / la'i / mying ba ni dro la / pam
(219) phum / spang chig pa ru snar / sha rgyang breng gtsos dgo raM ma rem / san kar skya bo /
(220) / gnam du za nge zang / lam gyi g.yon rold na / skyes po brgya' / zhig / mda' / rngal / 'pong
(221) rtsold te' / gyond btog dga' dang skyid pa'i / yul / sha ste
(222) ma bdur pha' / rlag / ste ma btshald / pa / mchen dmar / gri ma dmard pha / ba gar ba ma / bzhus
(223) te' / rtshi pyur lta' / zhing / nam gyi / 'on la rku' / yul / su'i / yul / zhes / bgyisna /
(224) myi btshun / grongs / pa'i / yul te' / sdug pa'i / yul / lam gyi g.yon
(225) rold / na / gser / gi / lchang brang ser mo la / 'bang sga de ru khold chig / mching gi / na /
(226) dra' / sngon mo la / 'pangs rdod de ru rtod chig / dri gi / ra ma / pa mchis / tang /
(227) / re bo dar chig / tang ne'u sug ya chig / bon chig / dbyar sngo dgun du sngo ste de na
(228) dgyes dgyes / lta' ste / ring tung gi yul / ma lags / gyis / de na ma bzhugs
(229) shig / pho brang ni g.yon / tu rtib shig / zhugs thab ni / glings / shig
(230) skyibs lug / mar ba'i / 'ba' / tabs sum la / rje ma bzhugs / zhig
(231) do ma snying dags / khyed gyang mching gi na / dra sngon mo / la / ma bzhugs shig /
(232) de ste pan gnam dang gangs 'tabs te / khrigs / bye'u khug sta'
(233) song na 'ju gi za reg / bye'u sgeg sa song na / drung za reg / spu
(234) nyag chig / dang / tshil / re bo dar chig / dang ne'u sug / ya / chig / tang / la / /
(235) / myi bzangs / ni / gsheg shig / rta bzangs ni mdur te gshegs shig
(236) rol / bzangs / ni / 'band te gshegs / shig / khyi bzangs / dom / bzangs / ni / 'dral / te gshegs
(237) shig / ba bri ni / g.yab gyis / tob shig / de sde pan gram bu gseg ma / yang snying ma
(238) bdun gyi lam / de ste pan / / la / chig 'das / na la'i / mying ba ni bgra la
(239) ljod mo / lags / bkra la mo ni / sphang chig pa ru snard / sha rgyang bre nge breng /
(240) gtsos / dgo re me rem / san kar skya bo zhig gnaM du zang / rgan / phyi gnyis / shig
(241) tu sro 'drab / dbyar sngo dgun sngo dgun du sngo / ste' / lam gyi g.yas / rold / na / myi
(242) rgan gnyis shig / rgan te ni / bkhra ma / mchod / yul de za su ni ldum tog za' /
(243) ni / sna lham gyond / shing [du?] ni ma gal shing / 'bud / lam gyi ni g.yon rold / na / phyi
(244) rgas / te' / bkra' / ru ni ma mchod gyis / nyi ma ni nub tu 'jugs / ni glu dang bro
(245) chu bchus / ni chang du rung myi bkra ma mchis pa'i / yul / te smra shug ni rmum / po
(246) zhig dbyar sngo ni dgun du sngo / snam ral / ni / rte ru khold / chig / mching gi / na
(247) dra ni sngon mo ni / dbyar sngo ni / dgun gyang sngo' / pangs rdod ni de' / ru / rtod / chig / bkra'i /
(248) ra ma pa mchis / tang ne'u sug ya chig tang tshil re bo dar chig / 'on chig
(249) skyibs / lug / mar ba'i 'ba' tabs sum la / rje yengs ste ma bzhugs
(250) shig pyugs do ma snying dags / gyang mching gi na dra sngon mo la ma /
(251) shig / po brang ni g.yon tu rtib shig / zhugs tab ni
(252) shig / de ste pa gnam dang g.ya' / 'tabs khrigs / bye'u
(253) / song na / mju gi za reg / bye'u sgeg sa song na / drung
(254) za reg / de ste pan dga' / la / chig phyur zhes 'dasna la de'i mying ba ni myi
(255) sman du grongs pa'i la ste' / dga' / la chig pyur zhes 'das la de'i
(256) mying ba ni / skyes dard na grongs / pa'i / la / ste' / la chig pa ru rgald / spang
(257) chig pa ru snard / sha rgyang re me rem / gtshos / dgo' / bre nge breng / san kar
(258) skya bo gnam du za nge zang la chig pa ru 'das / spang chig pha ru snard / skyes /
(259) lam rlag / pa'i / yul / te' / lam gyi / g.yas rold / na bu lon khungs / ma
(260) kerd khram bu khur togs / pa'i yul / te' / lam gyi g.yon rold / na myi la /
(261) ngan ma byas / dud dgus / ni / bskyald 'dreng dgus ni bsnyod su ni / nyi ma
(262) dro gser gyi / lchang brang ser / mo' / la / snam / ral de' ru khol chig chibs / gyi
(263) rtod mthing gi / na dra' sngon mo / la / rtod chig / pho ni g.yon tu rtib shig /
(264) tab ni gling zhig de ste pan / gnam dang brag 'dab krigs /
(265) bye'u gug sta song na mju gi mtha za reg / bye'u sgeg sa / song na mjug gi
(266) drung za reg / myi bzangs ni 'dzul te gshegs rta bzangs / ni mdurd te gshegs de ste
(267) pan / shing khung rab rib gyang snying ma bdun gyi lam / dag la chig / phyur zhes /
(268) dmag rta ma bsad pa / 'i / la ste' / la chig pa ru 'das / spang chig pa ru snar dmag rta khungs / nas
(269) pyung na lug lags bu gchig la / sga [stan?] de ru kold pa'i la ste' / lam / gyi / g.yas / rold
(270) na dmag gi rta ma bsad pha'i yul te' / sga stan khur du kyer ba'i yul / lam / gyi / g.yon / rold
(271) na / dmag rta khungs nas / phyung na / sga stan / kold / lam gyi g.yas rold na / rta ba ru
(272) srin rte 'u khrid na srin myig slad lheng / srin skad tong tong / sga stan tang la / brul / ba'i /
(273) yul / lam gyi g.yon rold na / snga brin ded pha / do ma snying dags / 'bred / sa ded / pha / dmag / rab gi
(274) rta pho / gser gyi / lchang brang / ser mo la / snam ral / khol / chig mching gi na dra sngon mo la
(275) chibs rtod chig / ra ma / pha / 'i / / ne'u sug / ya chig / tang
(276) tshil / re bo / dar chig / 'on / chig / [---]
(277) de ste pan chab brag khrigs de ste pan pa bong khral / khrol / gyang snyi
(278) ma / bdun gyi / lam / sring gi ba ma bsad pa 'i / la / ste' / dga' / la / chig pa 'das / na / sring ba khungs
(279) nas / pyung na / lags / bu / gyang zo ba 'gul du togs / pa'i / yul / te / lam gyi /
(280) / rold / na / sring gi ba' / ma bsad pa / 'i / yul / te bsgrogs na sring ra rgya mos
(281) / dbyar gyi ldum tog za' / lam g.yon / rol na / sring gi mtsho mo gungs
(282) nas / pyin na mu shu gnyan gyi' / 'bri brgya' / 'jo / ba bsab gchig / btam / lam gyi
(283) g.yas rol na sring bsad na / 'bri brgya' / 'pral / la / ded gyang zo stong mgul
(284) du togs / lam gyi g.yon rol / na / glang ma she'u glang / ma drung na sring gug sham
(285) za / tog / myi gnyen / shi na ba skya' / 'bring ting / ru sgrub byin / ba nang bzhos / pri nub
(286) / bal nang bald / na / gos / nub / yul / te / ba dang myi gnyis /
(287) dga' / dang skyid pa'i lo / smra shug rbum pho zhig / dbyar sngo dgun [*sngo] / ste' / snam / de
(288) ral de ru khol chig / de ste pa / bdags tang sribs / /
(289) / de ste pha brag / dbye chu dgu yang snying ma bdun gyi lam / dga' la chig
(290) zhes 'das / na tsha lob khungs nas pyin / na / sru mo mnyes / gshIn mas / sha mo pubs
(291) shig / ri 'i sho ma mdab chig / pub ching gyong 'dug shig / lam gyi g.yas / rold na
(292) tsha' lob myed tang na / gos / brgya' / gtang la / bzard gyang / sdig tang pruM phrum
(293) ji / dang / yeng yeng gi yul laM gI g.yon rold na tsa lob khungs nas pyind na pur /
(294) ke'is bkab pa sa khyim dgu / bas dro dbyard / sla sum la / re bo prugs suM bas
(295) gyang 'pru rji mas langs gi dga' dang / skyid pa'i yul dbyard sngo dgun du
(296) sngo nang gI dro phog shig nub gI dgongs / phog shig / ra ma / pha'i / tse'u sug
(297) dang / tsil / re bo dar cig byin cig / / / / /

OTDO

Old Tibetan Documents Online

Pt_1134