Old Tibetan Documents Online

Pelliot tib tain 1287

1. Content : Old Tibetan Chronicle.

2. Note : Scroll. The end is missing. Recto, 536 lines. Verso, Chinese Buddhist texts. Cf. Catalogue VI (96-100). Similar to IOL Tib J 1375.

3. References :

Choix II (pls. 557-578, notice 21-23, 25-31), Choix III (17-39) [I.Translit.].

Lalou (1939-1961: III, 2) [P.Translit.], Bacot et al. (1940-1946: 93-170) [I.Translit., I.Trans.], Róna-Tas (1955) [ P.Translit., P.Trans.], Satō (1958-1959: 171, 175-6 et passim.) [P.Translit., P.Trans.], Uray (1962: 229-230) [ P.Translit., P.Trans.], Petech (1968), Uray (1968), Haarh (1969: 401-406) [P.Translit., P.Trans.], Uray (1972) [P.Translit., P.Trans.], Bogoslovskij (1972: 31, 36 et passim.), Beckwith (1977: 177-258) [P.Translit., P.Trans.], Moriyasu (1984: 21-22, 29, 57) [P.Translit., P.Trans.], Yamaguchi (1985: 458-462, 463-466, 466-476, 485-489) [P.Translit., P.Trans.], Beckwith (1987: 11, 13 et passim.) [P.Translit., P.Trans.], Stein (1987: 176-182) [P.Trans.], Uray (1988: 1503), Wang and Chen (1992: 34-66, 112-141, 157-172) [I.Translit., I.Trans.], Gnya' gong (1995: 16-108, 361-402) [P.Translit.], Huang and Ma (2000: 140-151, 156-295) [I.Translit., I.Trans.], Hill (2006) [P.Translit., P.Trans.], Zeisler (2011)[P.Trans.].

Transliteration (Change the Display Format)

(1) $ /:/ drI gum btsan po sku chung ba 'I tshe mtshan jIr gdags shes / / ma ma gro zha ma skyi brling ma la drIs na / ma ma 'I mchid nas /
(2) skyI brag mar ba nI rnyil tam ma rnyil / dang ma 'bri spangs nI myes tshig gam ma tshIg / mtsho dam le dbal mtsho ni skams
(3) sam ma skams shes mchi / brag ma rnyIl / mtsho yang ma skams spang yang myes ma tshig ces / ma ma gro zha
(4) ma / rgas nas rna log par thos ste / brag kyang rnyil / spang yang myes tshig / mtsho yang skams shes thos nas / /
(5) 'on tang chu dgum sri dgum gyIs / drI gum btsan por mtshan thog shig ches mchi nas / / drI gum btsan
(6) por mtshan btags nas / mtshan btags / thugs su yang zhugs / lde sras myI 'i myi tshul te / mngon
(7) bar dgung du gshegs pa la stsogs pa 'phrul dang byIn ched po mnga' bas / drod dang dregs ma thub ste / / btsan
(8) 'dran bda' nas / yab 'bangs pha dgu' dang / yum 'bangs tshan gsum la dgra ru rgal g.yag du drung
(9) phod dam zhes bka' stsal na / so so nas kun gyis myI phod ches gsol to / lo ngam rta rdzis kyang myi phod
(10) ces gsol pa las ma gnang ste / / 'ung nas lo ngam gyIs gsol pa / de ltar myI gnang na / lha 'i dkor
(11) mdung rang 'debs dang / ral rang gcod dang / khrab rang gyon dang / phub rang bzur la stsogs pa / 'phrul gyi dkor
(12) ched po mnga' ba 'I rnams bdag la stsal na phod ces gsol to / de nas lha 'I dkor tham shad stsal to /
(13) 'ung nas lo ngam rta rdzI yang / mkhar myang ro sham por sngar mchIs so / btsan po yang myang ro sham por /
(14) gshegs nas / myang ro thal ba tshal du g.yul bres nas / 'ung nas rta rdzI 'i mchid nas / dbu' 'breng zang yag kyang
(15) gchad du gsol / dbu' skas sten dgu' yang kha thur du bstan du gsol nas / de rnam gnyis kyang de bzhin
(16) gnang ngo / / 'ung nas lo ngam gyIs glang po brgya' la / gser gyI mdung rtse nyis brgya' btags te / rgyab du thal
(17) ba bkal nas / glang nang 'thab ste / thal ba gthor nas / de 'I nang du lo ngam gyis brgal to / btsan po dri gum lde
(18) bla gung rgyal gyis gnam du drangs na / lo ngam gyIs mchan nas spre 'u pyung bas / lde bla gung rgyal ni ti tse gangs
(19) rum du gshegs so / / btsan po dri gum yang de ru bkrongs nas / spur zangs brgya' kha sprod gyi nang
(20) du bcug ste rtsang chu 'I gzhung la btang ngo / chab gzhug ser klu 'od de bed de ring mo 'I ltor gshegs so / /
(21) sras gnyis kyang sha khyI dang nya khyIr rkong yul du bkye 'o / / 'ung gI rjes la rhya mo rhul bzhi khugs
(22) dang / sna nam btsan bzhong rgyal gnyis / / srId kyi khyi bo che 'on zugs yar grags dang / 'jang gI zu le ma 'jang dang
(23) 'on rku gnyis kyi spu la dug / 'phrang po 'i brag g.ya' bo 'da' nas / pho la bltas na ltas bzang ste
(24) yul myang ro sham po drung du lhags nas / thabs kyIs bsgyud de / khyI 'i spu la dug yod pa da nga 'I rta rdzis khrid nas /
(25) khyI bzang po lo ngam gyi byugs pa dang / nga 'I rta rdzIs khyi 'I spu la dug bskus pas lag pa byug ste bsad de /
(26) sha blan no / / 'ung gI 'og du bkrags kyI bu lha bu ru la skyes pha tshan dang / / rhya pha tshan du 'thabs so / rhyas
(27) bkrags rabs bchad / dud sna pho lo / / bkrags kyI chung ba gchig bros te / pha mying gI yul du thar to / lto na bu khyer te
(28) song ba byung ngo / / bu spus la 'greng nus tsam nas / ma la myI gang bya gang la rjo bo yod na nga 'i rjo bo gar re / myi gang
(29) bya gang la / pha yod na nga 'i pha ga re zhes zer to / nga la ston chig ces mchi na / ma 'I mchid nas / myI 'u chung kha
(30) ma che shig / rte 'u cung kha ma drag nga myI shes shes byas na / spus kyI bu ngar le skyes kyi mchid nas / nga la myi
(31) bstan na shIr 'gro zhes bgyis pa dang / mas kyang gdod bstan te / khyod kyi pha nI rhyas bsad do / khyod kyi jo bo
(32) btsan po ni / lo ngam rta rdzIs / spur ni zangs brgya' ma kha sprod kyI nang du bcug ste / rtsang po 'i
(33) gzhung la btang ngo / chab gzhug ser tshangs su / klu 'o de ring mo 'i ltor gshegs so / / sras mched
(34) gnyis nI sha khyi dang nya khyIr / rkong yul du bkye 'o / / 'ung nas spus kyi bu ngar la skyes
(35) kyi mchid nas / nga myI rlagi ni rjes gcod / chu rlag gi ni dbres tshol du 'gro zhes mchi nas / song ngo /
(36) rkong yul bre snar du sras sha khyI nya khyi dang yang mjal lo / / klu 'o de bed de ring mo dang yang mjal lo / / btsan
(37) po 'i spur jI 'dod pas blu zhes byas na / gzhan jI yang myI 'dod / myi 'I myig bya myIg ltar 'dug pa 'og nas 'gebs
(38) pa gchig 'dod ces zer nas / / spus kyi bu ngar la skyes kyis / gnam mtha' bzhir btsal kyang myi 'i myig
(39) bya myig dang mtshungs 'og nas 'gebs pa ma rnyed nas / brgyags chad lham / slar ma 'I gan du 'ongs
(40) nas / myI rlag gi nI rjes chod / chu ni dbres kyang rnyed do / sras sha khyi nya khyI dang yang mjald / klu 'o de ring
(41) mo dang yang mjal na / spur gyi glud du / myI 'i myig bya myig dang mtshungs 'og nas 'gebs pa gchig 'dod
(42) ches zer na ma rnyed kyIs / da dung tshol du 'gro dgos kyis / brgyags thog shig ces mchi nas song ngo / /
(43) gang par 'phrun gyi 'og du pyin na / cho myi bya 'I bu mo zhig yur ba byed pa 'I gan du song na / bu khu ljo na
(44) 'dug pa zhig / myig bya myig dang mtshungs 'og nas 'gebs pa gchig 'dug nas / de blu na ji 'dod
(45) ces ma la drIs na / ma na re gzhan myI 'dod / nam nam zha zhar / btsan po rje dbyal zhig nongs na / thor to 'phren
(46) mo ni bcings / ngo la mtshal gyis byugs / lus la ni bzhags / btsan po 'i spur la nI 'tshog / myI la 'phrog
(47) [-]om / zas la nI za 'thung / de ltar bya 'am myi bya zhes mchi nas / de bzhin bgyi bar / mna' bchad mtho'
(48) bchad / dam bgyIs tshIg bgyis / / cho myI bya 'I bu mo khrid de song ngo / / klu 'o de ring mo 'i ltor spur gyI klud du
(49) bcug ste btang ngo / nya lha gnyIs kyis btsan po 'i spur bzung ngo / gyang to bla 'bubs kyi mgur du bang so /
(50) gcung nya khyI nI yab kyi mdad gtong ngo / gcen sha khyI ni yab kyI sku mtshal gnyer du / nya khyi ni
(51) rkong dkar po / dmag sum stong sum rgya zhig dang / mkhar pying bar / yul yab
(52) kyi rje myi bzhugs na / pyi 'brog gdengs pyol pyol gyi cha 'o / dog yab kyi char ma / sa 'on bu spur
(53) khog khog ces gsungs so / men pa 'phreng ba 'I la / ting srab rong rIngs 'da's so / ba /
(54) chos gung dang du gshegs so / myang ro sham por gshegs na / lo ngam pho brgya' nI zangs bu brgya' glad la
(55) phub nas / / lo ngam mo brgya' nI slang nga brang la bchar te ngog go / myang ro sham po phab bo /
(56) 'greng nI btson du bzung / / dud nI bchad nas / ba chos gung dang du / mgur 'dI zhes
(57) / 'a ba nyi nye pa nyid / bya ro ro na mdung gI rtse rang nig / yos ro ro na lham gyi gong ra nig / brla'
(58) brdungs / spur btab / wo de myed spu de myed ches gsungs so / slar pying ba stag rtser gshegs s'o /
(59) yul yab kyi rje ru gshegs so / yul pyi 'brog gdengs myi pyol gyi cha 'o / dog yab kyi chab mchis
(60) kyIs / sa 'on bu spur myI khog gI cha 'o / de zhes mgur / sgyed po 'og gzugs na / zangs rdo
(61) bla nas phab ste / rje ru / / bshos na nI spu de gung rgyal / grongs na nI grang mo gnam bse' /
(62) brtsig / 'greng mgo nag gI rje / dud rngog chags kyi rkyen du / /
(63) $ /:/ btsan po lde pru bo gnam gzhung rtsan gyI ring slan chad / / blon che bgyis pa 'I rabs la / / gna' thog
(64) ma 'da'r kyI bu stong dang rjes byas te / / 'dzangs la dpa' 'o / / glo ba yang nye 'o / / de 'I 'og du rngegs /
(65) dud kyI rjes byas ste / / dpa' la / / de 'I 'og du khu lha bo mgo gar gyis byas te / / dgra la d /
(66) zhIng snying shes / myig rno / / de 'I 'og du lho thang 'bring ya stengs kyis byas te / / pyi 'i dgra thub / /
(67) nang gI khab bso mtho' / / de 'i 'og du rngegs thang yong thang rjes / / dpa' zhing 'dzangs so / /
(68) de 'i 'og du gnubs smon to re sbung brtsan gyis byas te / / snyIng shes myig rno / / de 'I 'og du mthon myi 'bring /
(69) po rgyal btsan nus byas te / / dku' ched po byas nas / / kho na 'i sring mo mthon myI za yar steng / dug bskur /
(70) te btang ba las / / mo na dug 'thungs nas / / btsan nu bkum ba / / de 'I 'og du sna nam / /
(71) ['bring?] tog rjes byas / / de 'i 'og du gnubs khrI do re mthong pos byas / / de 'I 'og du gnubs /
(72) khri dog rje gtsug blon gyis byas / / de 'I 'og du gnubs mnyen to re ngan snang gis byas / / de 'i 'og
(73) du shud pu rgyal to re nga myis byas te / / 'dI yan chad kyi blon po 'phrul dang ldan te / ltag brnyan dang 'dom /
(74) ste / / 'dzangs kyang tshad myed do / / myI de lte bu ma skyes pa tsam gyi tshod do / / de 'i 'og du mong /
(75) khri do re snang tshab kyis / / 'dzangs kyi tshad nI / rtsang bod kyi jo bo mar mun brlags [te?] /
(76) dku' ched po blod pa 'I tshe / / deng pho nya zhIg rings par 'ong ba snyam gis / / pho nya 'i lan myur du /
(77) bgyi 'tshal zhes mchi nas / / pho nya 'I lan ji la ma rag par byas pa las / / 'ung gI rjes la' / /
(78) pho nya mchis nas / / bya myi dgos par / / sngar sug las bgyis / / 'ung tsam mo / /
(79) de 'i 'og du / / mgar khri sgra 'dzI rmun gyis / / 'dzangs rgya dang ltag brnyan nI / / 'dron po myi /
(80) gsum 'grogs te 'gro na / / 'dron po thog ma 'i snying la 'dI sems / / bar ma 'i snying la 'dI / /
(81) sems / tha ma 'I snying la 'dI sems shes / / grogs po la gtam byas pa dang / / bden nam brdzun /
(82) 'dron po gsum kha rmas na / / khrI sgra 'dzI rmun mchi ba bzhin mad de / / 'dzangs kyang / /
(83) nI de tsam mo / / de 'I 'og du myang mang po rje zhang snang gis byas so / / btsan po yab khri slon btsan / /
(84) dgung du gshegs / / sras khrI srong brtsan gyi ring la / / myang mang po rje zhang snang gIs / / sum khams
(85) thams shad 'bangs su dgug par bka' stsol to / / myang mang po rje zhang snang gIs / / 'dzangs kyi
(86) blo sgyu gnyIs kyis / / myI rta gnyis tshegs ma byung bar / / dpya' phab lug rtug gi sgyu / / lce thor to
(87) la brjod de / / 'bangs gnyug ma bzhin du bkug ste 'ung tsam mo / / de 'i 'og du mgar mang
(88) zham sum snang gIs byas so / / mang zham sum snang dang / khu khri snya dgru' zung gnyis / / ral dang brda'
(89) prad ches bgyis te / / gna' btsan po 'bro mnyen gyi ring la / / mthon myi 'bring po rgyal btsan
(90) nus blon che bgyis pa na yang / / glo ba rIngs par / / mgar mang zham sum snang ral dang /
(91) brda' prad de tshor ba skad du bgyis nas / / bzung ste bkyon phab pa na yang / / gshed ma mang zham suM / /
(92) snang gis bgyIs te / / bkuM nas / / mgo bchad pa thog ches blangs te / / snam prag du bcug nas / /
(93) gom pa lnga drug tsam bor ba dang 'gyel ba skad bya 'o / / de 'I 'og du khyung po spung sad zu tses /
(94) byas pa las / / 'o ma lde lod btsan dang regs ma mjal nas / / mkhar khri boms su mchIs te / / khri boms
(95) dku' gang pub nas / btsan po srong brtsan ston mo gsol bar byas te / / glo ba rings pa / mgar yul zung
(96) gIs tshor nas / rang gI mgo bchad de gum mo / / spung sad zu tse 'dzangs kyad kyi tshad ni / / rtsIs gra gsum
(97) zhal ce gra bzhI yang rna bas nyan zhing gchod / myig mangs gra chig kyang rtse na / rgyal / / bya pug ron
(98) khyu gchig nam ka la ba yang / gchig gnyIs gsum bzhi lnga drug ches / bya pyir 'phur
(99) ba yang bgrangs pa las / / bya chig ma tshang na / / khras bsad pa 'dra's ltos shes mchi nas / / myi
(100) yongs kyis bltas pa las / / bya chig khras bkum ste / / spung sad zu tse lte bu / tshor skyen la dku' che / /
(101) snying 'dzangs / / myI chig la tshogs dgu tshogs na / / zu tse lte bu su ga la yang myed do / / de 'i 'og du
(102) mgar stong rtsan yul zung gIs byas so / / yul zung rgas nas / / 'o ma lde lod btsan bcug go' / /
(103) rIng po ma rag par glo ba rings nas bkuM mo / / 'ung nas blon stong rtsan slar bcug ste / lo drug bgyis /
(104) nas / / rgas te guM mo / / skyin bar zhang lon pra mo dang 'bangs kyis dpya'd pa nI / / dba's sum snang /
(105) bcug krang zhes dpyad do / / rje blon gsangs ste bka' btags pa nI / / mgar btsan snya ldom bu rta dang /
(106) mtshungs rIgs kyis blon cher bcug go / / blon che 'I lugs slob pa 'i 'og pon / dba's sum
(107) snang gis byas te / sum snang gum nas / / blon btsan snya ldom bus byas s'o / / de 'I 'og du khu mang po
(108) rje lha zung gIs byas so / / lha zung bkyon phab nas / / dba's khrI gzigs zhang nyen gyis byas so' / /
(109) de nas mgar khrI 'bring btsan brod kyis byas so / / de 'i 'og du dba's khri sum rje rtsang bzher gyis /
(110) byas so' / / de 'i 'og du rngegs mang zham stag tshab gyis byas so / / de 'i 'og du dba's stag
(111) sgra khong lod kyis byas te / / bkyon phab nas / / 'bro cung bzang 'or mang gis byas so / / de 'i 'og
(112) du 'bal skye zang ldong tshab kyis byas so / skye zang ldong tshab bkyon phab nas / / dba's snang bzher
(113) zla brtsan gyis / / de 'i 'og du mgos khri bzang yab lag gIs byas so / / de 'i 'og du /
(114) mchims zhang rgyal zIgs shu teng gIs byas so / / de nas ngan lam stag sgra klu gong gis / /
(115) de 'i 'og du sna nam zhang rgyal tshan lha snang gis byas so / / de 'i 'og du 'bro khri gzu ram
(116) kyis / / de 'i 'og du dba' mang rje lha lod kyis byas so / / de 'i 'og du 'bro khri sum rje stag
(117) snang gIs byas so / / de 'i 'og du dba's rgyal to re stag snyas byas so' / /
(118) $ /:/ mkhar pyIng ba stag rtse na nI rgyal stag bu snya gzIgs bzhugs / / nyen kar rnying pa nI zing po rje stag skya bo mchis / /
(119) sdur ba 'I yu sna na ni / / zIng po rje khri pangs sum mchis / / 'ung nas zIng po rje stag skya bo lta zhig / / jI la yang
(120) log pa gshIn pyogs she dag byed de / / nyes pa nI legs par bcug / legs pa ni nyes par bcug go / /
(121) pa snyIng nye ba / / legs pa 'i srid byas blo bstan pa nI myi nyan / / myI gcam bu ngo za ri byed pa 'I tshig ni / /
(122) ched du yang nyan to / / myI 'dI lte bu 'i yus byung ngo / / myI 'dzangs pa drang mkhrang byed pa dang / / dpa' bo chu gang byed pa /
(123) la sdang ste / rI mo bskyungs / / ma 'os pa 'I chad pa nI nan che 'o / / myi mkho' ba 'I las kyi sna grangs nI mangs so / /
(124) 'ung ltar zIng po rje stag skya bo / / chos log ching srId gyur pas / / rjo bo nyes dgu' byed pa' / / myIg gis / /
(125) mthong yang / / nyes pa 'I blo gdab du ma 'os pa 'I chad pa nan ches / tshig drag gIs / / jI ga sus kyang blo gdab /
(126) ma phod do / / rjo bo ni bla na gthum mo / / khol po nI 'og na skrag go / / rjo bo ni bla na smyo / khol po ni 'og / /
(127) na gram mo / / gchIg la gchig snying myI brtan te / / tha dad du sems so / / jo bo zing po rje ngan zhan te / /
(128) jI la yang log pa gshIn pyogs nyes dgur byed pas / / yul gyi srid kyang dma's so / / myI yongs kyang rjo bo /
(129) la 'khang ngo / / 'ung nas zing po rje stag skya bo 'i blon po / / mnyan 'dzI zung nag pos / / rjo bo la gsol / /
(130) rjo bo ji la yang log pa gshIn pyogs mdzad pas / / skol kyI srid nI srid du ma rung / chos nI chos su
(131) ma rung ste / yul gyI myi dbul / nyams kyI srid dma' ste / na mo brlag zin na jI nongs shes gsol nas /
(132) 'ung nas / zIng po rje stag skya bo nyan du ma rung ste / / 'dI skad zer ba nyes so zhes / / 'dzI zung blon po las /
(133) pyung ngo / / 'ung nas 'dzI zung ma rangs ste / / zIng po rje khri pang sum la ltas nas / / nag po /
(134) skya bo bsad / dre 'u rgal te bse' sga bchag go / / stag skya bo 'i yul / yul yel rab sde bzhi / /
(135) klum ya gsum / / zIng po rje khri pang sum gyIs / 'dus so' / / de 'I dku' 'gel du mkhar
(136) sdur bas bchad de / klum ya sum gyi smad / / mnyan 'dzI zung gi bran du dngar to / / bran gyi sa
(137) rIs kyi nang du / / myang nam to re khru gru dang / smon to re tseng sku spad kyang / / 'dzI zung gI bran du bchad do / /
(138) 'ung nas / 'dzI zung gi chung ma pa tsab zas / myang bran byed pa la / / dregs bkur te / / sdIg bsnol / stu bstan /
(139) nas / myang tseng sku ma rangs te / / zIng po rje khri pang sum la / / mnyan gyI bran byed myi phod ches 'khangs /
(140) ste / / zIng po rje na re / / mnyan 'dzI zung las nga la snying nye myed pa 'I bran du / / khyon 'da' ma
(141) ran la myed do / / rjo mos sdig bsnol stu bstan ba bas / / khar glan yang rjo mo dbang gis / nyes pa
(142) myed do zhes bsgo ste / gsol ba ma gnang ngo / / 'ung gI tshig des tseng sku shin du ma rangs ste yi chad do' / /
(143) 'ung gI rjes la / / zIng po rje 'i mngan dba's bshos to re khru gu dang / / gshen khri bzher 'dron kong gnyis /
(144) 'phren ba 'I rdzing kar 'thabs nas / / gshen kyis dba's bsad do / / dba's kyI pho bo phangs to re dbyi tshab kyis /
(145) zIng po rje la / nu bo gshen kyis bsad pa 'I stong ji gnang zhes gsol nas / / zIng po rjes / / gshen khri bzher /
(146) khol tshab nang blon byed pa'I ngo ma chod de / / dge bas myi dge ba bsad na / bsad du zad do zhes bsgo 'o / /
(147) 'ung gI tshig des / / dbyI tshab shin du ma rangs ste yi chad do / / 'ung nas myang dba's yi chad de / 'grogs /
(148) ste dong ngo / / dbyI tshab ni snga / tseng sku nI 'pyi ste / / khyim du dong ngo / / tseng sku gchig pu pyi na tshur smra ste / chab chab
(149) nI pha rol na / yar chab nI pha rol na / / myI 'i ni myI bu ste / lha 'I ni sras po bzhugs / / rje bden ni bkol /
(150) du dga' / sga bden gyis nI bstad du dga' zhes snying la sems pa khar tor ches byung nas / / dbyi tshab sngun
(151) na 'gro ba 'I rna bar lhangs shes thos ste / / dbyi tshab kyis tshIg de tog ces blangs nas / / tseng sku khyod
(152) zer ba las bden ba myed do / / kho bo yang 'dI las ma rangs pa myed kyis / / khyod sems pa dang myi 'dra'
(153) re zhes mna' bor ro / / 'ung nas / myang dba's gnyIs zing po rje las 'khus te / / btsan po spu rgyal
(154) la glo ba nye bar byas nas / mna' mtho' yang cher bchad do / / 'ung gI 'og du dba's dbyi tshab kyis / / zhang
(155) po mnon bzang to re sron / blo la btags te / / mna' mtho bchad pa las / / bzang to re shi nas / / bu pang
(156) sum 'dron po / / zIng po rje 'i nang kor byed pa blo la mna' mtho' bchad do / / myang smon to res /
(157) tshes pong nag seng blo la btags te / mna' mtho bchad do / / 'ung nas myang dba's mnon dang gsuM gyis /
(158) tshes pong nag seng las prin kyIs / / spu rgyal stag bu 'I snyan du bon nas / / btsan po 'i zhal nas / nga 'i sring
(159) mo zhig kyang / zIng po rje 'i ga na 'dug mod kyi / / khyed zer ba bzhin bya 'o zhes bka' stsal nas / / myang
(160) dba's mnon dang gsum / / bro len ching mkhar pying bar mchIs nas / / nyin zhing nI phag tshal gyi shing
(161) khung na / / mtshan zhing nI pying bar mchi ste / / dbu snyung bro mna' gcod pa 'i tshe / / yar myI 'bangs
(162) kyis dpyad pa' / / myI bzangs nI rta bzangs shig / / nyIn zhing nI phag tshal na / mtshan zhing nI pying
(163) bar mchI' / dgra' 'am nI zin ci 'u zhes dpyad do / / 'ung gI rjes la / zIng po rje la dra ma ma drangs /
(164) rgyal stag bu dgung du / / gdod ma rgyal stag bu 'i snyan du nI / prin tshes pong nag seng gis /
(165) bgyis so / / de tshun chad nI tshes pong nag seng gi bran / / spug gyim tang rmang bus bgyis so / / gyim
(166) tang rmang bu blo la btags na / gnyId log pa na brdol gyis dogs nas / / khyo mo dang myI nyal bar ri la
(167) nyal zhing / nub re mal re 'pho' 'o / / khyo yang [ngal (/nga la)] mtshar gyi yI dags shig bab kyis / / gsang
(168) thub par gyi shig ches / 'ung nas jI zhig byed byed nas / / khyo mo dang gnyIg ka / 'ung nas
(169) khyo mo na re / / khyod lto bo che la / yI dags ma bab kyi / / lto sbyor du nges so zhes byas so / 'ung nas de 'i
(170) nub mo nas mod la ngo byas ste / mdza' nas / nub gnyis sum lhan chig nyal ba ltar byas ste / /
(171) khyo mo 'i lce sos btab ste / / dmur dmur te bchad nas / / khyo mo yang shi 'o / / 'ung gi 'og du
(172) zing po rje la ma drangs par / / gyim tang rmang bu nad kyis btab ste rabs chad de shi 'o / /
(173) $ / / / btsan po slon mtshan dang / slon kol mched gnyIs kyis / / myang sku dang / dba's dbyI tshab dang / dba's myes /
(174) snang dang / dba's pu tshab dang / mnon 'dron po dang / tshes pong nag seng drug / / bro stsal pa 'I tshig nI / / deng phan chad / zing
(175) po rje rgyab du myI dor re / spu rgyal pang du myI len re / / btsan po spu rgyal la glo ba 'drIng re / / mthang grang re / man ngag thub par myi
(176) 'tshal re / pyI ma nang 'tshal re / som nyi bgyId re / / brtul phod par myI 'tshal re / / srog spongs 'tshal re / / btsan po
(177) slon btsan gyis / / bka' jI stsald pa bzhIn myi nyan re / gzhan sus bslus kyang nyan re bar bro stsol to / / myang
(178) tseng cung dang / myang mu gseng dang / tshes pong na gu dang / dba's myes snang / dba's pu tshab rnams bro la / /
(179) de nas dgung thus bgos ste / slar mchis so / / gcung slon kol dang / yum stong tsun gnyIs nI / slad na yul 'tsho' / /
(180) zhIng bzhugs so / / btsan po khri slon btsan gyis / zhabs kyIs btsugs te / dmag khrI dang drangs so / / myang tseng sku / /
(181) dang / mnon 'dron po gnyis nI / / stag pa sha ru la tshun chad / bya gchod ching nyan rnar bkye'o / / dba's dbyI tshab dang / /
(182) tshes pong nag seng gnyis nI / btsan po 'i spyan 'dren no / / chu bo ni rab du btod do / dra la nI dbye ru btIng ngo / mkhar yu
(183) sna nI phab bo / / dgu grI zing po rje nI brlag go / / mang po rje sum bu nI dru gu yul du bros so / yung ba sna man chad / /
(184) rkong bre snar yan chad / btsan po pyag du bon to / / btsan po khri slon btsan gyIs / bka' stsal te / yul ngas po las / /
(185) 'phan yul du myIng spos so / / myang dba's kyis / / mchId blangs pa / / gzus nI lha bon to / slon mtshan slon kol /
(186) gzus nI lha bon to / / prin bya rgod kyis / / tshes pong nag seng gis btags so / rje bden gyIs nI bkol to /
(187) sga bden gyIs ni bstad do / / myI smon rum du byung ngo / / mtshe gzugs rum du 'khrungs so / / de nas yul ngas po 'i /
(188) 'bangs / / dba's dbyI tshab la stsogs pas / / btsan po 'i mtshan gsol pa / / chab srid gnam bas mtho / /
(189) dbu rmog ri bas brtsan te / / gnam rI slon mtshan du / / myang dba's mnon dang gsum gyis / /
(190) zIng po rje 'I srid / / btsan po spu rgyal gyi pyag du dngar to / / de nas gnam ri slon mtshan gyIs pyag lcag gis / /
(191) dras te / / myang tseng sku 'I bya dga'r / / mnyan 'dzI zung gi mkhar sdur ba dang / bran khyIm stong lnga brgya' /
(192) dba's dbyi tshab kyI bya dga'r / / za gad gshen kyi yul sa dang / mal tro pyogs nas bran khyIm stong lnga brgya' stsal to / / mnon 'dron
(193) po'i bya dga'r / kho na 'I pu nu po mnon la stsogs pa bran khyIm stong lnga brgya' stsal to / / tshes pong nag seng gI bya dga'r /
(194) 'on kyI smon mkhar nas / / bran khyim sum brgya' stsal to / / myang tseng cung dang / pha spun po mu gseng gnyIs nI dku la / /
(195) gthogs ste / dku rgyal pa 'i nang du yang gthogs so / / dba's dbyI tshab kyi tsha bo / / stag po rje myes snang dang / mang po
(196) rje pu tshab gnyIs dku' rgyal la gthogs so / / tshes pong nag seng gI nu bo na gu dku' rgyal la gthogs so' / /
(197) 'ung lta ste / myang dba's dang gsum / tshes pong prin dang bzhis / / glo ba nye nas / bran khyIm mang po dang / /
(198) yul ched po stsal to / / btsan po 'i blon por bcug go / / rgyal po 'dI 'i ring la / / khyung po spung sad kyis /
(199) rtsang bod kyi rjo bo mar mun mgo bchad de / / rtsang bod khyim nyi gri / / btsan po 'i pyag du / zu tse glo ba nye 'o / /
(200) 'ung nas / btsan po slon btsan gyIs / / rtsang bod khyim nyi grI / / zu tse glo ba nye ba 'i bya dga'r stsal to / / 'ung gI 'og du / /
(201) btsan po mched gnyis la / / mong sngon po glo ba rIngs pa / zu tse glo ba nye bas dku' bel nas / / btsan po mched
(202) gnyIs kyi sku la ma dar par / / mong sngon po bkuM ste / / zu tse glo ba nye 'o / / zing po rje srid brlag pa 'I blo la' /
(203) gthogs te / / zu tse glo ba nye 'o / / 'ung gI rjes la dags po 'bangs su mnga' ba las log go / / 'ung nas rje
(204) blon yongs su 'dus te / / dags po lha de dgug pa 'I bka' gros mdzad nas / dmag pon sus bya zhes blod na / /
(205) seng go myi chen gyIs / / kho bos rngo thog ches khas blangs so / / 'ung nas khyung po spung sad na re / / khyo 'da's /
(206) dmag pon 'ong ngam / myI 'dzangs pa go / / sgye 'u nang du smyung bu bcug pa dang mtshungs shes bya na / / khyo 'da' /
(207) btsan po 'i snam pyI par bka' stsal nas / / lo du ma zhig lon na / / 'dzangs rngo thog go zhes / / myI chig gIs /
(208) bstod pa kho bos ma thos na / / khyo 'da's myI 'ong ba la bsgre bsgre ste / / 'bangs chab 'tshal bar mchi 'o / /
(209) zhes byas so / / myI chen na re / / myi yongs kyis kho bo la snyan du myi brjod pa yang bden no / / kho bo sngon
(210) sgye 'u nang du zhugs kyang ma zhugs / rtse mo pyir ma byung ba yang bden no / / kho bo sngon sgye 'u nang du zhugs
(211) su zin na / / rtse mo bas yu ba phan chad pyung ste song zin no / / 'ung gIs deng kho bos gsol ba yang / /
(212) sngon ji 'i nang du yang ma zhugs pas / / gdod 'jug par gsol ba yIn no zhes byas so / / 'ung nas / /
(213) btsan pos kyang / myi chen gsol ba bzhin gnang nas / / dags po dgug pa 'I dmag pon du bka' /
(214) stsal to / / 'ung nas myi chen gyis / / dags po lha de la brgal te / / dags po yongs su bkug ste / / myi chen
(215) gyi bya dga'r / / gser khung re 'u rgal gyi myi dang 'brog du bchas te stsal to / / 'brong che po rngul gyi rva myi /
(216) yongs kyi kha brjod na / / myi chen gyIs / / dags kyi bsen mkhar la / / mdung mo thabs /
(217) gchig gIs / 'brog mo thang gang thob / / pyogs rngeg sum brtsan skya bo reng gis / dpa' ba 'I pul
(218) pyin na / / nyIn chig la dags po myi brgya' bsad ches 'ung skad do / / 'ung gI rjes la / myang smon to
(219) re glo ba nye ba'I bu / / zhang snang btsan po 'i zha 'brIng snang ma pa 'tshal zhIng mchis so / / 'ung gI rjes la' / /
(220) btsan po rjes 'bangs dgyes skyems ston mo gsol lo / / 'ung gI tshe khyung po spung sad kyis klu blangs pa 'I / /
(221) tshig la / / mon ka 'I ni stag chig pa / stag bkum nI zu tses bkum / gung bkros nI pyag du pul / sla lbo ni /
(222) rngegs stsald / / rtsang brang nI ya stod kyi thang prom nI rgod lding ba' / / rgod bkuM nI zu tses bkum / / rgod
(223) nI pyag du pul / gsab gsob nI lho rngegs stsald / / na nIng ni gzhe nIng snga / / tI se ni gangs drung
(224) nas / / sha dang nI rkyang byer ba' / / sham po nI rtsa la byer / / dI ring nI sang lta na sham po ni gnyan gyI rtsa / / sha rkyang
(225) nI tshas ma ngan / / sha rkyang nI tshas ngan na / / ti se nI gangs kyis [blun (/brun)] / / na ning nI gzhe ning sngon / ma pang nI mtsho
(226) 'gram nas / ngang dang nI ngur byer ba / / dang ko ni mtsho la byer / / dI ring nI sang lta na / dang ko ni lha 'I mtsho' / /
(227) nga ngur nI tshas ma ngan / nga ngur nI tshas ngan na / ma pang nI mtsho 'is [blun (/brun)] / / lho rngegs nI 'phan gyi snon /
(228) se khyung nI 'phan gyis btab / / snga na nI 'phan ba la / da tsam nI spyan yang yas / dbu pying nI gro bo la /
(229) tha ma ni bskord / zu tse ni stsal lags krang / klu de zhes / / 'ung nas btsan po 'i
(230) thugs la dgongs pa / / blon po lho rngegs gchig gIs lan blan bar thugs re ba las / sus kyang ma
(231) blan to / / 'ung nas zhang snang pe 'u zur 'bring po bchas pa tsam zhig / / snang ma ltom zhing mchis pa la / /
(232) khyod pha snying nye ba 'I bu na / / klu shes sam zhes rmas pa dang / / zhang snang gis mchid 'tshal zhes gsol to / /
(233) zhang snang gIs klu blangs pa / / kye na ning nI gzhe ning snga / / chab chab nI pha rol na / / yar chab nI pha rol na /
(234) dgu grI ni zing po rje / / nya las nI kham du bkod / kham las nI rmeg du bta' / / skyi nas nI nya 'don pa /
(235) dbyi tshab nI pangs to re / / klum na nI chab gchod pa / tseng sku nI smon to re / khur ra nI rags thogs shIng
(236) dog gI ni sa skyed pa / / pang sum nI 'dron po zhig / thang la nI rtse bchad ching / sham po ni rmed du' /
(237) bsnan / / yu sna 'I ni mkhar pab chIng pying ba 'I nI snon du bgyis / snga na nI mtho ba la / da tsam ni
(238) dgung la reg / / ngas po ni sgang dras shIng / yar mo ni khol du stsald / snga na nI che ba la da tsam ni
(239) mtha' yang yas / / lho rngegs ni 'phan gyi snon / ldong tong nI 'phan gyis btab / snga na nI 'phan ba
(240) la / da tsam ni spyan yang yas / na nIng ni gzhe ning snga / / pho ma 'I ni 'brong bkuM ba / lho shing ni
(241) smyug mo rgyal / / lcags kyIs nI ma dral na / / smyug gIs ni re myi pugs / / rgod kyis ni
(242) ma bsgron na / 'brong la nI re myi 'jen / / ngas po ni ra yul gyi / kom tse ni gzig mo
(243) rgyal / / khab kyis nI ma pug na / rgyus kyis nI re myi pugs / rgyus kyis ni ma
(244) drangs na / kom tse nI nyid myi 'jo zhes glu blangs nas / / tshig des / btsan po
(245) thugs / / myang zhang snang blon por bcug nas / blon po 'i mtshan mar
(246) yang gyi pug bu chung / /
(247) $ /:/ 'ung gI rjes la' / / dba's phangs to re dbyi tshab rgas te / nyI ma 'de zhing mchis / / btsan po khrI srong brtsan /
(248) nyen kar nas / skyi lung du gshegs kar / / phangs to re dbyi tshab gyis / / prIn snya to re gtsug blon las gsol te / /
(249) gna' zIng po rje rgyab du bor / / spu rgyal phang du len len / / chab srid chur nI bsrings / zheng du nI bskyed bskyed na / /
(250) myang gIs srid ma thub ste / / bkyon phab nas / bdag chag spad mtshan / blar glo ba ma rings / mthang ma grang zhing
(251) mchIs na / / da ro las bltas na ni nyam chung / / rma las bltas na phog snya che zhing mchIs na / / bdag rgan po tsam
(252) zhIg ma gum bar / / dbu snyung khud pa tsam gsol / / bu tsha bro khud bar stsald par jI gnang / / btsan po yab
(253) nI mchis brang du gdan bting yang gnang na / / da shul yogs su / la mo chag pa prum du pyag thab tsam
(254) zhIg gsol du ji gnang zhes gsol nas / / de tsam na myang dang cog ro stod rIms la bkyon dbab par bgyis ste / / khra khrug
(255) [g?]I rjes la bab pas / / gsol dgung yang gnang ste / / btsan po zha snga nas / / bka' stsald pa' / / myi drin
(256) [---] myI ni snying myI gchad / / rta lte 'u rta nI sgal myi dbyung / / snga na nga 'I yab kyi rIng la / / 'bring tho re sbung brtsan /
(257) dang / / phangs to re dbyi tshab dang khyed gnyIs / / chab pha rol tshu rol gyi / / gung blon 'tshol chig par dgod /
(258) dgod pa las / 'bring to re sbung brtsan nI shi / / khyod nI rgas ste nyI ma 'der gnang ste bzhag / / myang zhang
(259) snang blon cher bskos te bzhag na / / yab nongs nas / myang gis kyang glo ba / bkyon phab pa' /
(260) yIn no / da khyed dba's pha chIg ni / / gdo' thag gnyIs su / glo ba ma rings pas / / la mo chag pa prum du
(261) pyag thab kyang gsol chig / / dbu snyung yang gnang ngo zhes bka' stsal to / / la mo chag pa prum du / / rtsang
(262) pyed pub ste / / pyag thab gsol to / / sku rten du khrab bse' sna bcu dang / ldong prom gyi ral mdor cod /
(263) gnyis gsol to / / btsan pos dbu snyung yang gnang ngo / / dba's dbyi tshab spun mtshan bdun yang bro
(264) stsal to / / btsan pos bka' stsald pa / / dbyI tshab glo ba nye bas / / gum na mchad pyag dar te brtsig par gnang /
(265) rta nI brgya' dgum bar gnang / / bu tsha gang rung ba gchig / / gser gyI yi ge myI chad par stsald par bka' /
(266) stsal to / / btsan po zha snga nas / / mgur blangs pa' / / yar mo ni chu thungs kyis / / mdo nas nI rtsang du /
(267) bsring / yar mo ni zheng chungs kyis / lho nas nI byang du bskyed / / 'tham 'tham nI 'du 'du na / ngag rjes nI myis
(268) myI brjod / / 'gro 'gro ni 'cham 'cham na / / chags lham nI chus myI snang / da nas ni phan chad du / khyod
(269) [kyI?]s nI nga ma gtang / nga 'Is ni khyod myI gtang / / nga 'Is ni khyod btang na / / dgung mtha'I ni srung du rung / / khyod kyis nI
(270) [nga?] btang na / / ngas po nI rmad du rung zhes bka' stsal to / / de nas dba's dbyi tshab kyis mchId blangs pa /
(271) btsan du nI bdag 'tshal na / chung na ni rje khur chig / / pyug du nI bdag 'tshal na / / lha rI ni g.yang skyong
(272) shIg / / rje 'Is ni bka' stsal na gzha' ma nI yun kyi srid / / bya 'Is ni zhu pub na la pyi ni gdangs su dro / /
(273) zhes mchid blangs nas / / spad mtshan bdun gyIs gtang rag ched po btang ngo / / dbu snyung gnang ba 'i gor
(274) ma pyag du bon pa nI / / rgyal 'brIng lan ton gyis pyag du gsol nas / gor ma dkar po dngos
(275) nI / / dbyI tshab kyi mchad pa 'I rmang du / / zhang lon zha 'bring du bro 'dor 'dor ba / khu khrI do re smyang
(276) zung dang / gnubs snya do re gtsug blon dang / rngegs rgyal 'bring lan ton dang / tshes pong khri btsan khong sto /
(277) dang / 'o ma lde khri bzang lod btsan dang / khu smon to re phangs tshab dang / rje blon bdun gyis de ltar dbu snyung /
(278) gnang ngo / / dbu snyung gnang ba 'I tshig ni / da pyin chad khyed spad mtshan gyis / / btsan po spu rgyal gyi zha /
(279) sngar / glo ba ma rIngs ma grang na / / nam nam nam nam / zha zha zha zhar yang / dbyI tshab gyi bu la
(280) ma nyes par bkyon dbab re / 'phra' ma myi dag gsan re / 'phra' ma zhig gsan na yang / shags bya ste /
(281) yus bkrol nas / / bka's myI gchad re / / dbyI tshab kyi bu tsha la la zhig gis / ma bsams ste snying
(282) rIngs na yang / / gang snying rIngs pa nyi tse 'i sgor myi bkyon re / / gzhan blo la ma gthogs pa rnams
(283) la / bkyon re / phag dang mtshungs mtshon gyis myI dgar re / bya dang mtshungs khyus bda' re / ma nyes
(284) pa zhIg gis rngo thog na / / bskyung re smad re / / dbyi tshab kyi bu gchig la / gser gyi yI ge las smad re' / /
(285) khol yul yang ma nyes par dprog re / / snyIng ma rings par rabs chad na / khol yul bzhes re' / /
(286) khyed glo ba rings na dbu snyung la ma gthogs / / khyed kyis khol yul zhig brjes sam pul na / dbu
(287) snyung la ma gthogs / nam nam nam nam / zha zha zha zhar / sras dbon gyi zha sngar 'dI bzhin du
(288) gnang ngo / / dbyI tshab spad spun bro stsald pa' / btsan po spu rgyal khrI srong brtsan yab sras dang /
(289) gdung rgyud la / glo ba 'dring re / nam nam zha zhar yang / / dbon sras rgyal po gang mdzad pa la / glo ba 'drIng
(290) re / / gzhan myI 'o chog la rjo bo lhag pa tshol re / / gzhan glo ba 'drIng bar sems pa dang blod re /
(291) zas kyI don bzhag pa dang / dug du bsre re / btsan po khri slon btsan la / ngag sna chig 'tshal re' / /
(292) phu ma nu dang / bu tsha la la zhig gIs / / snying rIngs su byed na / / snying rings so zhes kyang myi 'thol
(293) re' / pu nu snyIng rings pa 'I grogs byed re / / btsan po la gzhan zhig snying rings par tshor na yang /
(294) myI 'thol re / pur myI ma nongs pa la / / 'phra' ma dang 'phrag dog mchi re / dpon du bcug na' /
(295) 'bangs so chog la snying snyoms par myI 'tshal re / / btsan pos bka' jI stsald pa gzungs su
(296) myI 'dzin re zhes bro stsald to / / bro bor ba nI / dbyi tshab dngos dang / bu bse do re nya sto / snang to re sum
(297) snang / khrI sum rje cung / mang rje btsan zung / / tsha bo stag po rje myes snang / mang po rje pu tshab / dang bdun
(298) gyis bro bor ro' / /
(299) $ / / btsan po srong brtsan sgam po'i ring la / / yab 'bangs nI 'khus / yum 'bangs nI log / /
(300) gnyen zhang zhung / mdzo sum pa / / nyag nyI dags po / / rkong po / myang po kun kyang log / / yab gnam
(301) rI slon mtshan dug bon te bkrongs so / / sras srong brtsan sku gzhon ma phan te / / gzod ma
(302) dku' ba dang / dug pa rnams rabs bchad do / / de 'i rjes la / de 'I myi log kun slar bkug
(303) go' / / 'ung gI 'og du myang mang po rje zhang snang gIs / sum pa mtha' dag gdab myi
(304) dgos par / lug rtug gis sgyu phab ste / lce 'I thor tho la brjod nas / khyIm grangs ma shor par
(305) yongs kyis 'bangs rnal mar bkug go / / 'ung gI 'og du btsan po zhabs kyis btsugs ste / /
(306) byang lam du ma byung ma drangs par / / rgya dang 'a zhas dpya' gcal lo / / thog ma 'a zha de nas 'bangs
(307) su mnga' 'o / / 'ung gI 'og du btsan po srong brtsan dang / mang po rje zhang snang rjes 'bangs
(308) kyi bar du / / khyung po spung sad kyis 'phra' ma bcug ste / btsan po zha sngar / zhang snang glo ba myi 'drIng du
(309) nI 'dring zhes gsol to / / zhang snang la btsan po myi bkyon du bkyon zhes byas so / / 'ung nas /
(310) zhang snang gI glo ba la / khyung po spung sad bdag dang shag rag po ste / spung sad zer ba bden snyam nas /
(311) btsan po 'i bka' byung na yang / na zhes bya ste / mkhar sdur bar then te mchir ma rung ngo / / 'ung
(312) nas / / btsan po zha snga nas / / zhang snang glo ba 'drIng yang dag ches bka' stsal nas / zhang snang
(313) gI mkhar sdur ba yang bsdigs so / / 'ung nas zhang snang gi bran / pa tshab gyim po /
(314) zhang snang brlag go / / mkhar sdur ba yang bshig go /
(315) $ / / 'ung gI 'i 'og du / / khyung po spung sad zu tses / / myang zhang snang btsan po la glo ba rings pa / / zu tses dku' bel te / / zhang snang bkum ste / / zu tse
(316) glo ba nye 'o / / btsan po 'i blon po 'i nang na / / khyung po spung sad zu tse las glo ba nye ba sngon chad ma byung ngo / / zu tse 'dzangs she na 'dzangs / / dpa'
(317) zhe na dpa' 'o / / chu gang che zhe na che / / yang ba rIng zhe na / / myI chig la tshogs dgu' tshogs na / / spung sad zu tse 'o / / 'ung gI 'og du /
(318) btsan po 'dI 'i ring la / / khyung po spung sad zu tse lta zhIg / / rgas te nyi ma 'der gnang ngo / / btsan po zha sngar khyung po spung sad kyis gsol pa' /
(319) sngon btsan po 'i yab gnam rI 'i ring la / / rtsang bod 'bangs su bkug pa lta zhig / / yab kyis spyan gyIs ma gzigs / / zhabs
(320) kyIs ma bchags na / / btsan po sras kyIs spyan gyIs gzigs / / zhabs kyIs / / sdum pa khrI / / dgyes skyems /
(321) ston mo gsol du jI gnang zhes gsol nas / / btsan pos spung sad gsol ba bzhin gnang ste / / mgar yul zung pho brang sa 'drir
(322) bka' stsal nas / / yul zung khri boms su mchis te / brtags na / / dku gang pub par yul zung gIs tshor nas / / yul zung slar
(323) btsan po 'i snyan du gsol to / / yul zung slar bros pa 'I rjes la / / khyung po spung sad rang gum nas / mgo bchad de / / bu ngag
(324) re khyung bskur nas / / skur mkhar pying bar mchIs so / / btsan po 'i snyan du ngag re khyung gIs gsol pa' / / pha rgas kyi /
(325) la gar / / btsan po 'i zha sngar glo ba rIngs nas / / tshams bsdal bar chad pa' / / mgar yul zung la 'thol bar bgyis pa las /
(326) yul zung gIs kyang tshor te / yul zung nI slar mchis / / pha bkum nas / / mgo bchad de mchis na / / srid myi brlag
(327) par jI gnang zhes gsold to / / btsan po khri srong brtsan gyis kyang / / ngag re khyung gis gsol pa bzhin gnang ste / / srId ma /
(328) $ /:/ btsan po khri 'dus srong / / sku chung nas gzhon gyis kyang / / phag rgod la bshan gyIs mdzad / g.yag rgod sgog du bcug / /
(329) rna ba la bzung ba la stsogs pa' / / thugs sgam ba 'I steng du / sku rtsal ched pos bsnan te / myI dang myi 'dra' bar 'phags
(330) pas / / nyI ngog rgyal po thams chad dang / 'bangs mgo nag pyogs kyis / / mtshan bla dags 'phrul gyi rgyal po zhes /
(331) / bka' mchid kyi dper brjod do / / mgar la stsogs pa blon po kha chig glo ba 'drIng na / / thugs sgam ba dang /
(332) dbu rmog brtsan pos gnyer nas / / glo ba rIngs pa thams chad bkyon phab ste / / pyag na chab srid sngon bas kyang /
(333) mtho / / dru gu la stsogs ste nyI ngog gzhan 'bangs su bkug cing / dpya' phab pa dang / mkhar sra ba phab /
(334) yul pyug po bcom ste chab srid legs pa mang po ni 'di 'i nang du ma gthogs / / 'ung gI 'og du 'jang
(335) la chab srid mdzad de myva dkar po dpya' phab / / myva nag po bkug pa la /
(336) rgyal po 'dI las / / dbu rmog brtsan zhing / chab srId mtha' skyes pa nI sngan chad gdung rabs kyis
(337) ma mdzad do / /
(338) $ / / rgyal po khri lde gtsug brtsan gyI ring la / / rjed gshIn chis 'jam ste / myI yongs kyis skyId do / / blon che stag sgra
(339) khong lod dang / rje blon mol nas / / rgyal po zhabs kyIs btsugs te / / rgya la chab srid mdzad na / / rgya 'i
(340) mkhar kva cu la stsogs pa phab ste / / de tsam na rgya 'i srid ches nas / / byang phyogs kyi dru gu kun kyang 'dus la / /
(341) ta zIg la thug pa man chad rgya 'I khams su gthogs ste / / rgya 'I nor mang po stod pyogs su 'don pa rnams / / kva
(342) cu na tshogs byas pa las / / thams chad bod kyis phab ste bzhes pas / / blar yang dkor mang po brnyes / / 'bangs
(343) mgo nag pos kyang / rgya dar bzang po khyab par thob bo / / lho pyogs kyI smad na 'jang dum myva dkar po zhes
(344) bya ba 'i rgyal po sde myI cung ba zhig 'dug pa / / rgyal po thugs sgam po 'i rlabs dang thabs kyis bka' stsal te /
(345) myva 'I rgyal po kag la bong zhes bya ba / / 'bangs su pyag 'tshal nas / thabs gcung stsal te / myi mang gI
(346) snon btab / yul che 'I ni 'dab bskyed do / / 'jang gI rgyal po bod kyi 'bangs su bzhes pas / / rgya 'I chab srid
(347) la yang shIn du dma' zhIng / myI bde bar byas s'o / / 'jang myva 'I rgyal po lta zhIg rgya la lta lta ba las / / rgya rjes
(348) dgrar / / btsan po khrI lde btsug brtsan gyi zha sngar glo ba nye nas / / rgya yul phab kyis nI yul dang / /
(349) mkhar du bchas te phul / / g.yul sprad kyis nI / rgya btson lug ltar bskyangs so' / / 'ung nas btsan po
(350) khrI lde gtsug brtsan gyi zha sngar / / phang dang gI khang mo cher / / kag la bong gi blon po / dvan cung kog /
(351) pyag 'tshal ba 'I tshe / / btsan po rjes 'bangs kyis mgur blangs pa 'I tshig la / / dgung sngo ni bdun rim
(352) gyI / / lha yul ni gung dang nas / / lha sras nI myi 'i mgon / myI yul nI thams chad dang / myi mtshungs
(353) nI myi 'dra' ste / / yul mtho ni sa gtsang bas / / bod yul nI gshang du gshegs / / myI yul nI kun kyi
(354) rgyal / / chos bzang nI gtsug che bas / / rgyal pran nI kun kyang 'dum / / na ning nI gzhe ning snga / chab
(355) chab nI ma gzhug nas / / la bong ni rje dang skol / blo che ni dkyel mkhas la / / rgal mkhas ni /
(356) khong dpa' bas / / rgya rje nI bsam lang la / dgra' bzher nI g.yul sprad cing / dgra zIn nI gsar
(357) spangs pas / / srId kyi ni mgo bzung zhIng / pha skyabs nI sdug btsal pa' / / lha sras nI btsan la /
(358) btsal / / lha sras nI gtsug che la / / chos bzang nI rjed gshin zhIng bka' drang nI gsung rtag la' /
(359) la bong nI srid gsol / myI srId nI lhas mdzad kyis / srId che ni mtha'r myi 'gyur / la bong nI rje dang
(360) skol / dpa' 'I ni las byas pa' / / rgya mkhar nI mtho' bshig cing / rgya 'bangs nI mang bsdus nas /
(361) yul dang nI sder / bod yul ni du bgyis / yar te nI gnam yang dgyes / mar te nI sa yang
(362) dga' / la bong nI rje dang skol / je nye nI je nye 'o / lha nye ni gung dang nye / je brtan nI je brtan na / sham po ni gnyan
(363) la brtan / dI ring ni sang lta na / cung kog nI dpon dang g.yog / gnam sa nI yid sbyor ba / na bun ni lha 'i
(364) sbubs / 'geng gang nI kun la dpen / / snga bsus nI pyis bskyal zhIng / klu blangs nI bro brdungs pa' / dgos
(365) kyis nI rim gro bgyi' / /
(366) $ /:/ btsan po khri srong lde brtsan gyI ring la / / chos bzang srId che ste / rgyal po nI gnam sa gnyIs kyi bar yul du
(367) brnam zhIng / / 'greng dud gnyis kyI rje dang bdag mdzad pa 'I gtsug lag chen po / myI 'i dper rung bar mdzad d'o / /
(368) legs kyi bya dga' nI rangs par byin / nyes kyI chad pa nI dmyigs su phog par mdzad do / / 'dzangs pa dang dpa'
(369) bo 'i rI mo bskyed do / / ngan pa ma rabs nI chis kyis gsos so' / / de 'I tshe blon po srid byed pa 'I rnams kyang /
(370) blo mthun gros gchig ste / / pyI 'i dgra' byung ba la / thabs dang ye myig cher byed / nang gI chos bya ba la drang zhIng 'grus
(371) su byed / / 'phrag myI dog / nyes myI byed / / dpa' 'dzangs gnyIs nI rlag pa bzhin btsal te / 'dzangs pa dpa'
(372) bo ni che sa chung sar bstod nas / sa sa yul yul du bkod do / / 'bangs 'og ma dal zhIng yul na 'khod pa
(373) nI / / 'dzangs drang gnyIs slob b'o / dmag myi so la 'khod pa nI dpa' ba 'I thabs dang / rtsal slob bo / / blo sgyu
(374) gnyIs kyi rlabs ched pos thub pas / / sdang dgra' sdo ba yang myed do / / sangs rgyas kyI chos bla na myed pa
(375) mdzad nas / / dbus mtha' kun du gtsug lag khang brtsigs te / chos btsugs nas / thams shad kyang snying
(376) rje la zhugs shIng dran bas skye shi las bsgral to / g.yung drung du bton to / / rje blon mol te / zhang mchims
(377) rgyal zIgs la stsogs pas rgya 'I mkhar king shI phab ste / rgya rje gvang bu hvang te bskos so / / legs pa zhin
(378) pa 'i bya dga' / g.yu 'I yi ge chu ngu nam nam zhar zhar byin no / / dba's skyes bzang stag snang gis / /
(379) rgya 'I dmag pon hon dze sangs dang / 'gu' log sgang du g.yul sprad nas / rgya mang po bthungs ste /
(380) 'gu' log rgya dur du / / sbrang rgyal sgra leg zigs kyis / stod phyogs su / mu
(381) g.yul bzlog nas / lung gI rgyal po nung kog man chad 'bangs su bsdus / dba's btsan bzher mdo
(382) lod la stsogs pas / mkhar tshan yan chad du / mkhar cu pa brgyad phab nas / dor po bton te /
(383) 'bangs su bzhes so / / chab srId che ste long shan la rgyud yan chad / / pyag du bzhes nas / mthong khyab
(384) khrI sde lnga btsugs / bde blon khams ched po gchig gsar du bskyed do / / blon che snang bzher zla brtsan
(385) 'dzangs shIng mkhas la / bkra' shIs shing kha dro bas / nor bu rIn po che 'i yi ge stsal to / / 'bangs
(386) kyI nang na / dor te pyug tshams ste 'dzom dpa' ba 'I mtshan mar / thog bu stsal to / / btsan
(387) po 'i zha snga nas / thugs sgam ba 'I rlabs dang / dbu rmog brtsan po 'i byin kyis / / nyi ngog rgyal
(388) po gzhan dpya' phab pa dang / rgyal pran 'bangs su bkug pa la stsogs pa phyir / / chab srid mtha'
(389) bzhir bskyed / nang gI bde ba nI snyoms par mdzad de / / bod 'bangs kyi nang nas zho sha 'bul 'bul
(390) ba rnams kyang / yang dag par g.yung drung gI bka' drin ma byin ba myed do / / btsan po 'dI las chab
(391) srid che ba / sngon chad gdung rabs kyis mdzad pa la nI ma byung ngo / / rgyal po 'dI 'I ring la / 'bro khri gzu'
(392) ram shags kyis / stod pyogs su / lI 'bangs su bkug nas dpya' phab bo / / 'ung gI 'og
(393) du myva dkar po 'bangs su mnga' ba las / glo ba rIngs pa 'I tshe / dmag phon 'bro ram shags / /
(394) bka' stsal nas / brag rtser nol thabs bkye ba 'i tshe / / 'jang mang po bkum nas / / spyan chen
(395) po nying rim dang / sna la gthogs pa dang / dmangs yan chad sum brgya' rtsa bcu gnyIs bzung nas /
(396) 'jang rje gol gyis kyang pyag 'tshal te / 'bangs rnal mar bkug nas / dpya' phab ste snga mkho bzhin du
(397) bkod do / /
(398) $ /:/ rgyal 'dI 'i ring la / / zhang zhung lte bu / / gnyen gyI yang do / / 'thab kyI yang skal te / / zhang zhung bdag du' /
(399) / / btsan mo sad mar kar / / lIg myi rhya la chab srId la gshegs so / / snga na shud ke za rtsal thIng shags mchis ste / / btsan mo dang nI myi
(400) bnal bar / / lIg myi rhya la shud ke za rtsal ting shags gnang ste / / btsan mo yang lIg myi rhya 'I so nam dang bu srId myi mdzad ching log /
(401) shIg na bzhugs par / / 'dir dral gyI snyan du gda' ste / / btsan mo de ltar log pa bgyIs na / / chab srid kyI dkrugs mar 'gyur [bas?]
(402) de lte bu ma bgyid par / / lIg myi rhya 'I so nam dang bu srid zung shIg ches / / spug gyim brtsan rmang cung bka' stsal te / / mkhar
(403) khyung lung du mchis na / / btsan mo myi bzhugs te / / chab nya la rol zhing / / mtsho ma pang du gshegs nas / / rmang cung ma pang du
(404) mchis te / / btsan mo zha sngar pyag bgyIs na / / btsan mo zhal nas / / btsan po dral gyI zha snga nas / / thugs bde 'am myi bde
(405) zhes bka' stsal to / / thugs bde zhes gsol to / / rmang cung glo ba bde 'am myi bde zhes rmas na / glo ba bde zhes gsol to / /
(406) 'ung gI rjes la / btsan po dral gyis bka' 'dI zhes stsal to zhes gsol to / / btsan mo zhal nas / / rmang cung / btsan po dral
(407) gyi zhal dang 'dra' ste / mgron kyis pyag la 'tshol chig ches pyag la stsal nas / / btsan mos / mgur blangs pa' / /
(408) yul gyi skal pog pa / khyung lung nI rdul mkhar zhig / / mu su nI gzhan na re / pyi bltas nI ngam dang brag / / nang bltas nI gser dang dbyig /
(409) ni g.yar snga ru mchis su nI ma tho 'am / / skya mo ni bseng bseng mo / / bran gyi nI skal pog pa / / gu ge nI rkang pran zhig /
(410) 'khol du nI ma tho 'am / / gu ge nI bdris shing sdang / / zas kyI ni skal pog pa / nya dang nI gro mchis te / 'tshal du nI ma tho 'aM
(411) nya gro nI bcha' zhing kha' / / pyugs kyi nI skal pog pa / sha dang nI rkyang mchis ste / / 'tsho ru nI ma tho 'am / sha rkyang
(412) nI btsa' zhing rgod / / kye byang 'brog ni ya bI na / / pho ma 'i nI 'brong gchig pa / / byang 'brog ni 'brong dgum na / / pu nas
(413) nI khus 'debs pa' / / ldong thong nI 'phan gyis thob / / mda' nas nI g.yab 'dor ba skyi 'I nI sha dang spug / / dbus
(414) nas ni 'phen ba / / yar kyI ni lho dang rngegs / / pu nas nI khus btab ching / / mda' nas nI g.yab bor nas / /
(415) de 'i ni bar bar du / pho ma 'I ni [*'brong] bkuM zhing / / thur thur nI pying ba 'I bcud / / ru rgyus nI ldong tong stsald / sha lko ni rngegs
(416) stsald / / lbo shog nI sha spug stsald / / mchil pa 'I nI ru srubs la / nI sha btags shing / g.yas su nI ma yo shig /
(417) g.yon du nI ma rdal chig / / g.yas su nI yo ba na so bya nI gre bo chung / / g.yon du nI rdal ba na sram bu nI gong te dngul / /
(418) mar gyI ni chang chang la gyur gyis nI ma na / / sang pyi nI gnangs slad na sram gyis nI 'tshal ta re / / nya mo ni mthong
(419) rgol zhig / mthong rgol ni mthong la rgol / mchil pa 'I ni snang thogs shig / snang thogs nI snang la thogs / / ring gi
(420) nI god lan dang / sa 'I ni shel myIg gnyis ga myI ni gyI go lta / / je nye nI je nye na / yar pa nI dgung dang nye / dgung skar nI si
(421) lI li / / je nye je nye na / gla skar nI brag dang nye / brag skar nI si li li / / sdur ba nI chab dang nye / gyur sram nI pyo la la' / /
(422) nyen kar nI dog dang nye / 'bras drug ni si lI li / / mal tro nI klum dang nye / skyi bser ni spu ru ru / / je nye ni je
(423) nye na / ra nye ni shug pa thu / / yar gyi ni bye ma la / lhan lhan nI 'gros mo 'di / / skyi 'i nI pur / za dur ni btab
(424) kyang rung zhes / mgur blangs pa 'I rjes la / rmang cung mchid byag bgyis pa las / / btsan po dral la / bka' lan yI ger
(425) gsol ba nI chang ma / btsan po dral gyi zha snga nas thugs bde zhing bzhugs pa glo ba dga' zhing mchis so /
(426) btsan pos bka' stsal pa nI / gum chad gnyis / rngo ji thog gis 'tshal zhing mchis so / / btsan po 'i pyag du
(427) 'dI pul chig ches / zhu g.yag zhu gchig pyag rgyas btab nas bskur ro / / gyim brtsan rmang cung slar / /
(428) btsan po spyan sngar mchIs nas / / btsan mos bka' lan yI ger gsol pa nI chang ma mchis / / mgur blangs pa
(429) 'I tshig nI 'dI zhes mchi / pyag rgyas btab ste skur ba 'dI lags shes gsol pa las / / zhu pyag rgya pye ste /
(430) gzigs na / g.yu rnying bzang po sum cu tsam zhig byung ste / / btsan po dgongs dgongs nas / yu bus lig
(431) myI rhya la rgol phod na nI g.yu thogs shig / / rgol ma phod na nI bud myed dang mtshungs zhu gyon chig zer
(432) ba lta zhes bka' stsal nas / / rje blon blod blod de / / lIg myi rhya 'I srid brlag go / /
(433) $ /:/ rgyal 'dI 'i ring la / / zhang zhung gI rgyal po la drangs ste / chab srid mdzad nas / / zhang zhung gI rgyal po lIg myi rhya srid brlag ste / /
(434) zhang zhung thams chad 'bangs su bkug go / / 'ung gI rjes la / / btsan po rjes 'bangs dgyes skyems ston mo gsol te /
(435) btsan po khri srong brtsan gyis mgur blangs pa / / kye rje 'i nI mtshan ba 'di / / khrI 'i nI srong brtsan zhig / / blon gyI ni mying ba
(436) 'dI / / stong rtsan ni yul zung zhIg / / chibs kyI ni mying ba 'dI / / rngul bu nI gtsang gtsang lta / / gtsang gtsang ni yang yang lta /
(437) yu bu nI rje dang blon / / yar mo ni chu thungs kyis / / mdo nas nI rtsang du bsring / / yar mo nI zheng chungs kyis lho nas nI byang
(438) du bskyed / / ma brun nI mtha' bzhi rgyal / / yu bu nI rje dang blon / / rje 'is nI 'bangs ma gtang / rje 'is nI 'bangs btang
(439) na / gnam mtha'I ni srung du rung / / 'bangs kyis nI rje ma gtang / 'bangs kyIs ni rje btang na / ngas po ni rmad du rung / / mgur
(440) de zhes gsungs so / / mgur gyi lan / / blon stong rtsan gyis gsol pa / rje 'Is ni bka' stsal pa gzha' pyI ni yun kyi
(441) srId / bya 'Is ni zhu pub pa / la pyi nI dro / / glo bo ni mang ku rgya / nams kyang ni yar myi po / gad kyI ni gser po che / /
(442) nams kyang nI pying ba 'I bcud / rje 'is nI 'bangs ma gtang / / rje 'Is ni 'bangs btang na / bya bang nI thang la thas / 'bangs kyis
(443) nI rje ma gtang / 'bangs kyis nI rje btang na / / 'jon mo ni shing ka rebs / / sang pyi ni gnangs slad na nam nam nI zha zha
(444) ru / / ri gang nI khus btab kyang / bya pu ni khus ma gdab / lung gang nI rtas bchags kyang / gser gad nI rtas ma bchag / /
(445) mol mol nI 'cham 'cham na / / bka' mchid nI myis myI mnyan / / 'cham 'cham nI 'drul 'drul na / chags
(446) lam nI chus myi sbang / klu de zhes blangs so / / bla na rje sgam na / khrI srong brtsan / 'og na blon 'dzangs na stong rtsan yul zung /
(447) rje nI gnam ri pyva 'I lugs / / blon po ni sa 'I ngam len gyi tshul / / mnga' thang chen po 'i rkyen du / jI dang jir ldan te / pyi 'i
(448) chab srid nI pyogs bzhIr bskyed / / nang gI kha bso ni myi nyams par lhun stug / 'bangs mgo nag po yang mtho dman nI
(449) bsnyams / dpya' sgyu nI bskyungs / dal du nI mchis / ston dpyid nI bskyal / / 'khor bar nI spyad / 'dod pa nI byin /
(450) gnod pa nI pye / btsan ba nI / sdo ba ni smad / 'jigs pa nI mnan / / bden ba nI bsnyen / 'dzangs pa nI bstod /
(451) dpa' bo nI bkur / smon par nI bkol / / chos bzang srId mtho ste / / myI yongs kyis skyid do / / bod la snga na yI ge
(452) myed pa yang / / btsan po 'di 'I tshe byung nas / / bod kyi gtsugs lag bka' grims ched po dang / blon po 'i rim pa dang / che chung
(453) gnyis kyI dbang thang dang / legs pa zin pa 'I bya dga' dang / nye yo ba 'i chad pa dang / zhing 'brog gi thul ka dang dor ka dang / slungs kyi go bar bsnyams
(454) pa dang / bre pul dang / srang la stsogs pa / / bod kyi chos kyi gzhung bzang po kun / / btsan po khri srong brtsan gyi ring las byung ngo / myi yongs
(455) kyis bka' drin dran zhing tshor bas / / srong brtsan sgam po zhes mtshan gsol to / /
(456) $ /:/ mgar glo ba rings pa'I tshe / / btsan po 'dus srong gis mgur blangs pa' / / kye gna'I ni thog ma ru / gzhe 'i nI dang po la /
(457) dgung sngo nI ma 'og gI / dog mon nI ya stengs na / / gtsug btsugs nI btsugs / mthos te nI dgung myi rdib / / dog mon
(458) nI sding myI nyams / dgung la nI gnyi shar ba / dro dro ni sa la dro / / sgro btags nI btags legs ste / btsa' na nI dpal yang dpal
(459) 'phangs na nI sha yang khums / sha khums nI myi yang gsos / / gye di ring nI sang lta na / / dog srin nI sbur bu 'Is / / bya ltar nI bcos
(460) bcos ste / gnam du nI 'phur 'dod kyang / 'phur du ni 'dab ma mchIs / 'phur du nI 'dab mchis kyang / / dgung sngo ni phang mthos ste /
(461) sprin kyI ni go myi 'da's / / ya ru nI dgung ma slebs / ma ru nI dog ma slebs / ma mtho ni ma dma' ste / / khra 'I ni gzan du
(462) gyurd / / bya pu nI lung chungs na / / 'bangs shIg ni rje ru re / mgar bu nI rje ru re / sbal pa ni 'pur du re / / 'bangs las nI rje re ba /
(463) mthing brang nI gyen du 'gyur / pa bong ni ri la 'drIl / pya mda'I ni smra 'or gyis gyen du nI 'dril 'drIl yang / / sham po ni rtse mo
(464) ru pyin snyam nI leng myi bgyid / / shams po nI gangs drung du snang dang nI zhugs bltam yang / sham po nI gangs myi zhu / yar [chab?]
(465) nI sngon po la chu bchad nI yur drangs kyang / yar chab ni gzhung myi skams / / bod kyi nI spu rgyal du sems shing nI re re yang /
(466) spu rgyal nI gdung myi 'chad / / bya pu ni lung cungs nas / glang zhIg ni langs kyang / / pho ma 'I ni sding po che / langs nI snar myi mnam /
(467) langs ni snar mnam yang / khus btab nI sding myI g.yo' / / mon ka 'I ni stag chIg pa' / bya ldings nI myig myi lta / bsrogs kyang nI spu
(468) myI langs / / tseng ldeng nI bra gu dang / yar lha nI sham po gnyis / gang che nI gang chung ba / / 'greng brgya' nI kun kyang 'tshal / / skyi cu nI sngon mo
(469) dang / yar chab nI chu bo che / rIng ni gang thung ba / / thang lha nI ya bzhur mkhyen / / gnubs mtsho ni kling dgu' dang / grang po ni mtsho le gong /
(470) gang che nI gag chung ba / / sha myed nI gangs kar mkhyen / / pya mda'I ni khang skya dang / pying ba 'I ni stag rtse gnyis / / gang mtho ni dma'
(471) ba / / yar lha nI sham po mkhyen / / bya pu nI lung chungs na / mgar khol nI rmang ba dang / yar lungs ni pying lungs na / lho rngegs ni /
(472) 'phan ba gnyis / / gang 'phan nI rags pa / / gnyI zla ni ya bIs gzigs / lhe 'u rje ni zin dags mkhyen / 'greng brgya' nI kun
(473) kyang 'tshal / yar mo ni langs pas / ba bdag nI ngo ma 'tshal / / 'bangs kyis nI rje bkol tam / rje 'is nI 'bangs bkol ba' /
(474) sngo ni ya bI mkhyen / myI 'is nI rta bzhon nam / rta 'Is ni myi bzhon ba / / pyva 'I ni gtsug mkhan mkhyen / rtsI 'is nI zor gchad
(475) dam / zor gyis nI rtsva gchad pa / dog mon nI ma bi mkhyen / / da tsam nI dgung mtha' yan / / gnyi zla nI spyan gyis gzigs /
(476) dgung sngo ni snyan gyIs gsan / / pyva 'I ni gtsug myi 'gyur / mda'I ni sgro myi 'bog / / bden nam nI brdzun ba 'dI / sang pyi nI gnangs
(477) slad na / 'bangs kyis nI rje myi bkol / rta 'Is ni myi myi zhon / rtsI 'is ni zor myI gchod / / pyIng ba 'I ni stag rtse na / spu rgyal ni
(478) gdung myI 'chad / / dI ring nI sang lta na' / / bya pu nI lung cungs su / 'ur bu nI khyu chig po / 'ur bas nI bskyod drags pas / ma mo ni
(479) khra 'is 'tshal / / 'ur prug nI thang la gram / / sang pyi nI gnangs slad na / nongs shing nI ma 'gyod chig / / gser gyI ni dong ral na
(480) g.yu 'I ni mda' chIg ma / / ma 'phangs nI sha myi khums / 'phangs na ni ral yang stongs / / re na ni gthang du na / re dku' nI
(481) mtshul du dku' / /
(482) $ /:/ btsan po khri 'dus srong / / 'dam gyI cog ro za dang / 'bre mdzad pa 'I tshe / / khe rgad rgyal to re mdo snang gis mchid blangs [pa?]
(483) ru thung nI bsar nga ba / khong khyim nI spyan bu cung / ris bkra' nI bsar nga ba / mon ka 'I ni stag chig pa / btsan te ni myi mkhas pa rgya drug
(484) nI dgung mtha' rje / / nI myi mkhas pa / shu ma nI rgyal ma gnyis / drag ste nI myi mkhas pa mcho gar nI 'brong gi ru / rno ste ni myi
(485) mkhas pa mdo lcags nI ste'u ka ma / 'dzangs shing nI sri zhu ba / yar kyI [*ni] lho rngegs za' / ngan zhing nI pho che ba / 'dam gyi nI cog ro za /
(486) drI ngan ni nya 'I dri / g.ya' ngan nI zangs kyi g.ya' / sku 'I ni ring stod du / g.yang gI ni yugs bab bam / sku 'I ni ring smad du [tshed (/tsher)] kyi ni
(487) yugs lhung ngam / / sngun na nI 'dren pa 'dI / khri gda's nI yul byin dang / mdo grags nI dgung dang nye / / slad nas nI rton pa 'di /
(488) rgyal tshan nI snang grags dang / mu ken nI klu cu rmad / / dbus nas nI 'phen pa 'di / / che 'am nI chung ma 'tshal / / 'dus srong
(489) nI mang po rje / sku la nI 'phrul yang mnga' / / 'og na nI bchibs pa 'dI / / rgyal ma nI mtha' bzhi 'dul / / mgyogs sam
(490) nI bul ma 'tsho / / rmyig rjes nI myis myI mthong / / rje chig nI mang po rje / gshegs so ni mang po rje / bzhugs kyang nI 'od myi dro /
(491) gshegs kyang nI dang ma chags / / cog ro zas mchid blangs pa 'I tshig la / / kye 'dam gyi ni thang kar du / lha gshegs ni
(492) zhal ma 'tshol / / lha gshegs nI zhal 'tshol na / dud de ni pyag kyang 'tshal / / pyag mda' nI sleb kyis 'dzIn / / de 'i ni
(493) man chad la / / dud de ni pyag 'tshal du / sogs bu nI yu ba thungs / / 'greng ste ni pyag 'tshal du / sten kyi ni chos
(494) ma lags / /
(495) $ /:/ bod kyi blon po / / mgar khri 'brIng btsan brod dang / / rgya 'I blon po wong ker zhang she gnyis / / kha dor gyis brgya' ba 'I tshig / / rgya
(496) 'I dmag byIn ched po / / dmag pon wong ker zhang shes / / dpung gis pul nas / / mtsho sngon po pyogs kyI dmag pon / /
(497) mgar khri 'brIng btsan brod 'tshal ba la / / wong ker zhang shes spring / / khre rkyal gang dang / yungs 'bru rkyal gang bskur te / /
(498) bod kyi dmag / / stag 'phrang g.yag 'phrang du bgrangs pa 'I grangs kyang nga la yod do / / / glad pa la tshad blangs ste /
(499) zhvar drubs / rkang pa la tshad lham du drubs / / bod kyi dmag thub pa tsam du brlabs nas / / nga 'I dmag 'di snyed
(500) chig yod do / / mgrIm pra mor shong na / / lto ched por zhugs krang / / gIs gnam pyags ched pos btab ste / / gchig
(501) myI dgye 'o / / mgar khrI 'bring gIs lan btab pa' / / mang nyung gI khar myi dor ro / / bye 'u mang mang yang khra chig gI nyod pa' / /
(502) nye 'u mang mang yang sram chIg gi nyod pa / sha ba rva mang ste 'gyen tam / g.yag ru ste / 'gyen pa blta 'o / / thang shIng lo brgyar skyes
(503) pa yang / sta re gchig gI dgra 'o / / chu gzha' gsang du song ba yang / / gru mdom gang gis ska chig chod do / / nas 'bras thang gang skyes
(504) pa yang / rang tag gchIg gi nang du chIb bo / / skar ma gnam gang yod pa yang nyi ma gchIg gi 'od la myed do / / lung pa mda' nas
(505) mye phar chIg mched na / / rI lung gnyIs kyi shIng rtsI kun tshig pa yang yod / / chu myig gchIg gi dngo' nas / dba' rgal zhIg byung na' / / ri
(506) thang gI shing rtsI kun khyer ba yang srId do / / bong pa thang gang gI nang du / / rdo ba gchig 'drIl du bcug na / rdo chag gam / bong pa
(507) chag pa blta 'o / thang ched po gchig la / rtsva khur gchIg dang / smrag shad kyi lcag gchig bzhag na / rtsva sngar 'drul lam
(508) lcag sngun du 'drul pa blta 'o / / chu zangs gang gI nang na / / lan tsa khyor gang btab na / / chu bro 'am / lan tsa bro ba blta 'o / /
(509) 'brug dang klog lte bu lce grangs nyung mod kyong / / gnam mtha' bzhir grags la brtsan zhIng che 'o / / khyod kyi dmag ni' /
(510) mtsho ga 'I sbrang bu dang 'dra' ste / / mang zhIng 'khol la myI phan no / / ri ka 'I na bun dang / myi la myI lci 'o / / nga 'I dmag ni
(511) rtsva mang po la zor ba gchIg gis gchod pa dang chod krang / / g.yag ched po la mda' phra mos 'phangs na sod krang / /
(512) ker zhang shes lan btab pa' / / sgo nga chu ngu / rI ched po 'i ljid kyIs mnan na chogs krang / mye 'ba'r ba / mtsho ched po 'i rlabs kyis
(513) bsad na sod krang / / mgar khrI 'bring gIs lan btab pa' / / rI ched po 'i steng na brag / brag gI kha na shIng / shing gI kha na tshang / tshang
(514) gI kha na sgo nga ste / rI ma rnyil bar brag myI 'dral / brag ma ral bar shIng myi 'chag / shIng ma chag dang tshang myi zhig / tshang myi zhig
(515) par sgo nga myI chag ste / / rIs sgo nga gchag du de ltar myi chogs so / / mye rI ka na 'ba'r ba / chu lung pa na 'bab pas gsad
(516) du myI / / bod kyi spu rgyal nI nyi ma dang 'dra' / / rgya rje nI zla ba dang 'dra ste / / rgyal po ched por 'dra' mod kyong /
(517) gnam mtha' 'og du 'od tha dad do / / che cung gI khar yong myi dor ro / / mtsho ched po 'i nang na / chu srIn rgyal ba'
(518) 'dug na / gnam las che phab ste / / chu srIn rgyal ba chu 'I nang du bsad do / / 'brug dang klag gnyIs kyis lce phab na[s?]
(519) brag las sra ba myed pa yang dral lo / / bod kyi lha btsan po dang / gnam gnyis kyIs bdud bchad na / / 'bal ljI rmang las che
(520) ba myed pa 'I bu / / sa dgu' rIm 'og du sbas pa yang [bzung (/bthud)] de bsad do / / de lta ste / che cung dang mang nyung gI khar de ltar myI dor ro /
(521) de nas rgya 'I dmag / / ker zhang shes byung ba las / / bod kyi dmag pon / blon khri 'brIng gis / dgra thabs / [---]
(522) dang g.yag ltar byas nas / / go bar du g.yul sprad de / / rgya mang po bthungs nas / rgya 'i ro gchig gnam du 'greng ba ya[ng]
(523) [myI?] 'bum bsad pa 'I mtshan ma zhes bya 'o / stag la rgya dur dang rma rgya [dus (/dur)] kyang de nas / rnga rab phan chad / / myang da[ng?] [---]
(524) [---] / dor po la stsogs pa / / rgyal po dang bchas su bkug nas / / so blon sde lnga yang btsugs so / /
(525) [---] [-ng] kog la stsogs pa' / / stod pyogs dang lho pyogs kyi rgyal pran mang po yang bsdus s'o / /
(526) [---] mang po rje stag [---] tshab rgyal to re rgya la bros pa 'I tshe / / pa tshab rgyal to res klu blangs pa' / /
(527) [---] na las / / sman sha nI la 'da's kyang / sha bkra' nI slad na lus / na ning nI
(528) [---] 'gres su nI spang bzangs nas / ma sring nI sdug gis bskyal / tsong ka ni che [cung?]
(529) [---] [rje] 'I ni skal pog pa rgya rje ni bsam lang zhig / pur myI ni skal ba ru rgya
(530) [---] chag pa / / mgar mang po rje stag rtsan gyI mchis brang / / cog ro [za?] khyo dang lhan chig rgya [la?]
(531) [---] mchid blangs pa' / / nyen kar nI stag rtse nas / lcags kyI ni khyi bkye zhing / rma 'I ni [pod (/pong)] bra [na'?]
(532) [---] [dud?] brda' btang / meg le ni glang mar nas / gser gyi nI sha smad 'drogs / / 'drogs so ni
(533) [---] 'da's so nI hab chen gong / / 'drims so ni so rgo rtsa / [bskyangs?] so nI / / yang [rung? stengs?]
(534) [---] nIng snga / jo bo ni stag rtsan dang / rgya rje nI bsam lang [gnyis?] / [bstos? zhing?] nI do re [bnyam?]
(535) [---] [ni? sang?] lta na / / 'brong bu nI skos thag ste / na rtsi nI bshor la 'tshal / ma brun ni rgya rje
(536) skol / /

OTDO

Old Tibetan Documents Online

Pt_1287