Old Tibetan Documents Online

Pt_1288 + [ITJ_0750] -- The text is divided between two parts.

1. Content : Old Tibetan Annals (version I).

2. Note : Scroll. Originally a single document which is divided into two parts: Pelliot tibétain 1288 and IOL Tib J 750. The beginning and the end are missing. Recto, 307 lines. The line 53 is cut in the middle: the upper part is on Pelliot tibétain 1288 and the lower part on IOL Tib J 750. The line 104: in the vermilion part, the last letter b is written in black. Verso, Chinese Buddhist texts. Cf. Catalogue VI (100) and Enoki (1962: C27). Similar to Or.8212/187.

3. References :

Choix II (pls. 579-591, notice 31-32), Choix III (40-51) [I.Translit.].

Lalou (1939-1961: III, 2) [P.Translit.],Bacot et al. (1940-1946: 13-52) [P.Translit., P.Trans.],Róna-Tas (1956: 166),Satō (1958-1959: 270, 283-4 et passim.),Zhang (1959-1960),Uray (1960) [P.Translit., P.Trans.],Vallée Poussin (1962: 236),Uray (1962a: 221, 225-226) [P.Translit., P.Trans.],Uray (1962b),Richardson (1965a),Richardson (1965b) [P.Translit., P.Trans.],Petech (1967),Bogoslovskij (1972: 46, 47 et passim.),Tōyō Bunko (part 8, 72-73) [P.Translit.],Róna-Tas (1978),Moriyasu (1984: 9-10, 13-14, 16-18, 20-22, 29-30, 32, 36-39) [P.Translit., P.Trans.],Yamaguchi (1985: 478-481) [P.Trans.],Beckwith (1987: 27, 29 et passim.) [P.Translit., P.Trans.],Uray (1991),Wang and Chen (1992: 12-29, 93-108, 145-154) [I.Translit., I.Trans.],Gnya' gong (1995: 59-69, 73-83, 86-102) [I.Translit., I.Trans.],Yang (1997: 161-178) [P.Translit., P.Trans.],Huang and Ma (2000: 1-123) [I.Translit., I.Trans.].

(1) [---] [']khus nas / snyIng drung
(2) [---] par / mtha' dag gyang
(3) [---]
(4) [---] [snang?] glo ba rIngs nas / kho na'I bran pa tsab gyIm po
(5) [---] bkyon phab nas / mkhar sdur ba bshIg go /
(6) [---] / btsan po khrI srong rtsan gyIs / shuld byang lam du pyung ste / 'a zha dang rgya la'
(7) [---] [dang?] 'a zha gnyIs gyis dpya' /
(8) [---] na' / btsan po gcen srong rtsan dang / gcung btsan srong gnyIs nold nas / gcung
(9) [---] [-l (/la)] ta mkha's sregs / mnyald gyI gzen du / gcung btsan srong /
(10) [---] [-o] /
(11) [---] [b]tsan mo mun chang kong co / mgar stong rtsan yul zung gyIs spyan bod yul
(12) du / bal po yu sna kug tI bkum / na rI ba ba rgyal phor bchug / gnag nad chen po byung / / /
(13) $ / / de nas lo gsum na / btsan po khrI srong rtsan gyI ring la' / lIg snya shur brlag ste zhang zhung thaMs
(14) cad bkug ste /
(15) $ / / de nas lo drug na' / btsan po khrI srong rtsan dgung du / btsan mo mun cang kong co dang
(16) dgung lo gsum bshos so
(17) $ / / khyI lo la bab ste / btsan po myes khrI srong rtsan gyI spur phyIng ba'I ring khang na' rIng mkhyud chIng
(18) / btsan po khrI mang slon mang rtsan mer ke na bzhugs phar lo gcig /
(19) $ /:/ lo la bab ste / btsan po nyen kar na bzhugs shIng / phying bar / btsan pho myes khrI srong rtsan gyI
(20) mda'd btang bar lo gcig /
(21) $ /:/ byI ba'I lo la bab ste / btsan po nyen kar na bzhugs shIng / blon che stong rtsan gyis glo bo dang rtsang rhya'
(22) bkug phar lo gcIg /
(23) [$ /:/? glang?] gyI lo la bab ste' / btsan po nyen kar na bzhugs shIng / blon che stong rtsan gyis / g.yug du
(24) gnag lIngs btab / da rgyal mang po rjes zhing gyI phying ril bgyIs / ra sang rje'i blon rid stag rhya dang
(25) zhIng gyI tshong chen sbyard / zhang zhung yul gyI mngan du spug gyIm rtsan rma chung bchug / mdo kam khri
(26) bzang bye 'da' thong myis bkum ste sha gnyard phar lo gchIg /
(27) $ /:/ lo la bab ste / btsan pho mer khe na' bzhugs shIng / blon che stong rtsan gyis / mong pu sral 'dzong du'
(28) / rgod g.yung dbye zhing / mkho sham chen pho bgyI ba'I rtsis mgo bgyI bar lo gchIg /
(29) $ /:/ yos bu'I lo la bab ste' / / btsan po mer khe na bzhugs shing / blon che stong rtsan gyIs / 'gor tIr / bka' /
(30) grIms gyI yi ge brIs phar lo gchig /
(31) $ /:/ lo la bab ste / btsan po mer ke bzhugs shIng / blon che stong rtsan gyIs / gtsam gyi yul mar du' sha
(32) lIngs chen pho btab phar lo gchIg /
(33) $ /:/ sbrul gyI lo la / btsan po mer ke na bzhugs shIng / blon ce stong rtsan / dbyar drung gyI g.ye thal ba na mchIs phar
(34) lo gcig /
(35) $ /:/ rta'I lo la / btsan po mer ke na bzhugs shIng / blon che stong rtsan snyIng drung gyI sna rings na mchIs par lo chig /
(36) $ /:/ lo la' bab ste / btsan po sprags gyI sha ra na bzhugs shIng / blon che stong rtsan 'a zha yul na
(37) da rgyal mang po rjes / mtsho nag stong rur / rgya se'u den pang dang / nol thabs / da rgyal gyang gum zhing
(38) brgyad khrI stong la rdugs phar lo gcig /
(39) $ /:/ spre'u lo la / btsan po mal ske bye na bzhugs / shIng blon che stong rtsan 'a zha yul na mchIs phar lo gchig /
(40) $ /:/ bya lo la / btsan po mer ke na bzhugs shIng / blon che stong rtsan 'a zha yul na mchIs phar lo gchig /
(41) $ /:/ khyI'i lo la / btsan po rkong g.yug du 'gord mdzad chIng / blon che stong rtsan gyis / du gul du zhang zhung gyi
(42) mkhos bgyIs phar lo gchIg /
(43) $ /:/ lo la / btsan po snam stod na bzhugs shIng / blon che stong rtsan 'a zha yul na mchis phar lo chIg /
(44) $ /:/ byI ba'I lo la / btsan po byang gshegs shIng / blon che stong rtsan 'a zha yul na mchIs par lo chig /
(45) $ /:/ glang gyI lo la / btsan po zrid kyi ldu nag na bzhugs shIng / blon che stong rtsan 'a zha yul na mchIs par lo chig /
(46) $ /:/ lo la bab ste / btsan po zrId gyi ldu nag slad ma na bzhugs shIng / blon che stong rtsan 'a zha yul nas slar
(47) 'khord te / zrId mda'r thong myig byung bar lo gchIg /
(48) $ /:/ yos bu'I lo la / btsan po 'or mang du / blon che stong rtsan rIs pur gum bar lo gchIg /
(49) $ /:/ lo la / btsan po sprags gyI sha ra na bzhugs cIng / jI ma khol du dgra bzher brtsIgs par lo chig /
(50) $ /:/ sbrul gyI lo la / btsan po zrId gyi ldu nag na bzhugs shIng / 'a zha po pyag gte'u bsdus par lo chIg /
(51) $ /:/ rta'I lo la' / btsan po 'o dang na bzhugs shIng / jI ma khol du rgya mang po bdungs phar lo gchig /
(52) $ /:/ lo la bab ste btsan pho dbyard ltam gyI ra sngon na / dgun nya mangs tshal du gshegs