Old Tibetan Documents Online

insc_Zhol

1. Content : The Zhol inscription

2. Location : south of the Potala Palace in Lhasa.

3. Date : post 763

4. Condition : extant

5. Photos / Rubbings :

Richardson (1952: opposite p. 1): East Face, South Face, ll. 48-68+, (1985: plates 2 and 3) same as or very similar to the preceding, larger and more clearly printed, Wang (1982: 7 plate 11) South face, lines 44-54.

6. References :

Waddell (1909-1911) [*], Wang (1982: 61-92) [I. Translit., I. Trans.], Bsod rnams skyid (1984: 50-76) [I. Translit., I. Trans.], Richardson (1985: 1-25) [I. Translit., I. Trans.], Li and Coblin (1987: 138-185) [I. Translit., I. Trans.], Khu (1996) [*], Chen and Wang (2003: 44-64) [I. Translit., I. Trans.].

Transliteration (Change the Display Format)

(e1) $ / / blon stag sgra klu
(e2) khong / nang blon chen
(e3) po dang yo gal ['chos]
(e4) pa chen por / bka[']
(e5) stsald kyis kyang /
(e6) bka' lung dang 'dra
(e7) bar / rje blas dka[']
(e8) dgu nyamsu blangs
(e9) te phyi nang gnyIs kyi
(e10) chab srid khab so [-]
(e11) dpend pa dang che
(e12) chung gnyis la dra[ng]
(e13) zhing snyoms te / bod
(e14) mgo nag po'i srid
(e15) la phan ba legs / /
(e16) dgu byas so / / /
(s1) $ / / btsan pho khrI lde gtsug
(s2) rtsan gyI ring la' / /
(s3) [-] / / ngan lam klu khong gis / /
(s4) glo ba nye ba'I rje blas byas pha
(s5) / / 'bal ldong tsab dang / lang
(s6) myes zigs / blon po chen po
(s7) byed byed pa las / glo ba
(s8) nas / / / btsan pho yab khrI lde
(s9) gtsug rtsan gyi sku la dard te /
(s10) dgung du gshegs so / / /
(s11) btsan pho sras khrI srong lde
(s12) gyi sku la ni dard du nye / / bod
(s13) mgo nag po'i srid nI 'khrug du
(s14) byed pa las / klu khong gis /
(s15) dang / lang glo ba rings ba'I
(s16) gtsigs / / btsan pho sras khrI
(s17) lde brtsan gyi snyan du gsold
(s18) 'bal dang / lang glo ba rings /
(s19) bden bar gyurd te / khong ta nI
(s20) bkyon phab ste / / klu khong glo ba nye'o
(s21) [-] / / btsan pho khrI srong lde brtsan gyI rIng
(s22) la / / / ngan lam klu khong glo ba nye la
(s23) bka' gros che nas / thugs brtand
(s24) te / / nang blon bka' la gtogs
(s25) par bcug nas / / rgya'I srid gyI nyam
(s26) drod rtog cing / khar tsan phyogs su
(s27) thog ma drangs pa'I / dmag dpon
(s28) du / bka' stsald gyis kyang / dgra'
(s29) thabs mkhas la gros gyis song de /
(s30) rgya'i khams su gtogs pa'i 'a zha
(s31) [ma]ng po bsdus / rgya las mnags phal
(s32) [p]o che bcad pas / rgya spa gong ste / / rgya'I /
(s33) kha[ms] su [gt]ogs pa dbyar mo thang /
(s34) [---] na dang / tsong ka
(s35) [---] [---]ng dang nas las
(s36) [pa] [---] [---]ng pho gcald / klu
(s37) [khong gis] [---] 'khrugs pa'I dgra
(s38) [---] chab srId chen pho m[dzad]
(s39) [---] [bka'] gros chen pho
(s40) [---] glo ba nye zhing chab srId la
(s41) [pa'i sems] dka' ba byaso / / / btsan
(s42) po khrI srong lde brtsan thugs sgam la' /
(s43) [bka'] gros gyI rgya che bas / chab srId gar
(s44) mdzad do cog du'ang legs ste / rgya'i
(s45) su gtogs pa'I yul dang mkhar mang po
(s46) bcom ste bsdus nas / / rgya rje he'u 'gI wang
(s47) te rje blon skrag ste / lo gcIg cing rtag du dpya
(s48) dar yug lnga khri phul te / rgya dpya' 'jal du
(s49) bcug go / / / de'i 'og du / rgya rje yab he'u 'kI
(s50) wang te grongs ste / rgya rje sras wang peng wang
(s51) rgyal por zhugs nas / bod la dpya' 'jal
(s52) du ma rung ste / / bstsan pho thugs snyung ba'I tshe
(s53) ngan lam klu khong gis / / rgya yul gyI thild / rgya
(s54) rje'I pho brang keng shir / bod gyIs dmag drang
(s55) ba'i bka' gros gyI mgo chen pho gsold nas /
(s56) keng shir drang ba'I dmag dpon chen phor / /
(s57) zhang mchims rgyal rgyal zIgs shu theng dang / /
(s58) blon stag sgra klu khong gnyIs / bka' stsald te /
(s59) keng shIr drangs nas / / ci'u cIr gyi rab ngogs
(s60) su rgya dang thab mo chen pho byas te / bod gyis g.yul
(s61) bzlog nas / / rgya mang po btungs pas / / rgya rje kvang
(s62) peng wang yang / keng shI'i mkhar nas byung ste' /
(s63) sshem ci'ur bros nas / keng shI phab ste rgya rje'I nang
(s64) blon ['bye'u ts]In keng las stsogs te dong kvan dang
(s65) bo kan ya[---] btsan po'i
(s66) 'ba[ngs] [---] bod [---]u gang
(s67) dang khra [---] te / kim sheng kong
(s68) co'i ming po [---] 'khras
(s69) [---] blon po
(s70) [---] rgyal po che
(s71) [---] srid /
(s72) [gra] ba gta[m yun tu] snyand par byas te / klu khong glo
(s73) ba nye zhing chab srId la [dpen]d pa'i se[ms] dka'
(s74) ba byas so /
(n1) [-] / / blon stag sgra klu khong /
(n2) dku rgyal gtsigs gnang
(n3) ba'I mdo rdo rings la yIg [du]
(n4) bris pa' / /
(n5) $ / / btsan pho khrI srong lde brtsan
(n6) gyi zha snga nas dbu snyung gnang
(n7) ste / blon stag sgra klu khong gi bu tsha
(n8) rgyud 'pheld la nam nam zha zha[r]
(n9) dngul gyI yi ge chen po gcig / /
(n10) na myI dbab par g.yung drung /
(n11) du stsald phar gnang ngo / /
(n12) btsan po sras dbon sku tse
(n13) re zhing yang / zla gong gI bu tsha rgyud
(n14) 'peld las gcIg / zham /
(n15) na nang kor yan cad du gzhug
(n16) cing tshal zar rtag du mchIs
(n17) gnang ngo / / zla gong gi bu tsha rgyud
(n18) 'peld la rje blas gyI rngo thog pa'I
(n19) rnams jI tsam du rngo thog par
(n20) bkur zhIng bstod par gnang ngo /
(n21) zla gong gI bu tsha rgyud gyis / / btsan poe
(n22) zha sngar / / glo ba ma rIngs na / nongs
(n23) myig gshan cI byung yang rung / srog
(n24) srid la myI dbab par / / bka' gyod gyI
(n25) tshigs cI la bab pa las / / bka' gyod
(n26) na gcIg gis smad cIng bskyung bar
(n27) gnang ngo / / zla gong gi bu tsha peld
(n28) la la zhig / rabs chad na rabs chad
(n29) gyI khol yul dang / nor pyugs / blar myi
(n30) bzhes par / pu nu po gang nye ba stsald
(n31) par gnango / / / blon stag sgra klu khong /
(n32) gi bu tsha rgyud peld / dku rgyal gyi yi ge'
(n33) lag na 'chang 'chang ba zhIg rabs chad
(n34) dam bkyon bab na yang / dngul gyI yi ge
(n35) blar myI bzhes par / blon stag sgra klu khong /
(n36) dang / zla gong gi bu tsha rgyud gang nye ba gcIg
(n37) dngul gyI yi ge chen po g.yung drung du stsald
(n38) par gnang ngo / / / blon stag sgra klu khong gi
(n39) pha zla gong gi bu tsha rgyud 'pheld gyi rnams
(n40) zhang lon yI ge pa'I thang dang / dmag sum rgyar
(n41) gnang ngo / / / sku srungs 'phan yul pa'I
(n42) stong dpon du gzhan su yang myi gzhug par
(n43) blon stag sgra klu khong gI myes po gsas /
(n44) gyi bu tsha rgyud peld las gang rngo thog pa' /
(n45) dmangs 'drang ba gcig / sku srungs 'pan
(n46) yul pa'I stong dpon g.yung drung du stsald
(n47) par gnang ngo / / / ngan lam gsas slebs
(n48) gyi bu tsha rgyud 'pheld / nam zhar gyang sde sku
(n49) srungs su gnang ba las / sde cha gudu myI spo' myi
(n50) bsgyur bar gnang ngo / / / zla gong gi bu tsha'
(n51) rgyud 'pheld gyI lag na bran zhing 'brog sog
(n52) tshal las stsogs te dbang ngo cog / blar myi b[zhes]
(n53) myi dbrI gzhan gyis myi dprog khong ta bdag myI
(n54) dga' na nye ring dang bzang ngan myI brje bar
(n55) gnang ngo / / / zla gong gi bu tsha rgyud 'pheld la
(n56) la la zhig gIs sha khon gyi bag du srog srid la /
(n57) dma' bar byed pa zhIg yod na / bka' non bla
(n58) nas mdzad par gnang ngo / / / zla gong gi bu tsha
(n59) rgyud pheld gyIs glo ba ma rings na phra ma myi
(n60) glan ka myi btsal myI bkyon bar gnang ngo / / /
(n61) bu tsha 'pheld gyI nang nas la la zhig / / btsan po
(n62) zha sngar glo ba rings yang dag par gyurd na gang
(n63) nyes pa'I sgor / bka' gyod rma'o / / pu nu po gzhan /
(n64) khrin la myI gdags srog srid la myI dbab par
(n65) ngo / /
(n66) $ / / mdor na' blon stag sgra klu khong gi pha zla gong
(n67) gi bu tsha rgyud pheld srog [---] dang srid de par
(n68) gong mdzad de [---]