(r1) [---] [-ngd?] [de?] zhes snga na gzhung gang las [---]
(r2) lags te / / myis chos dge ba bgyis na / / lha yang [dgyes?] [---] pas [---]
(r3) ba'i yang myi rigs / / yang rnams gcig du na / / da ltar bdag gi lha rnams myi dgyes shing 'thur ba'i bgegs
(r4) gang lags shes bgyis na / / stsang shab dang rtsog ngan dang ro bag smye bag dang bkyon bar rnams byung na / / lha myi
(r5) dgyes pa 'I bgegs su 'gyur ro zhes 'byung na / / lha chos las 'byung ba / / lan g.yem ma bgyid cig ces
(r6) 'byung ste / / stsang shab kyI drung phyung zhing mchis na / / lha dgyes pa'I rigs / / lha chos las sems
(r7) can no cog gI srog myi gcad do zhes 'byung ste / / smyes bag dang ro bag gnyIs ka'I drung phyung zhing mchis na /
(r8) lha dgyes pa'I rigs / / gnod khro glen ba'I 'thab rtsod ni spangs / / dga' dgu yangs pa'I gzungs ni bsten ces
(r9) 'byung ste / / mkhon gyI mdud pa ni bshig / / bkyon bar gyi drung ni phyung na / / lha dgyes par mngon te / / tshul
(r10) 'dI rnams gzigs na yang / / myi dgyes shing 'thur ba'I gcugs ma mchis te / / myi 'thur bar yang gda' / /
(r11) kha cig na re / / lha rthur'thur ba'I gcugs lta zhig / / gzhan ma mchis kyang lha brjed pa la tha dad de / / sangs rgyas ni
(r12) skam chos su gsol / / bdag cag gI sgo lha dang / / yul lha ni srog chags kyIs gsol te / / brjod pa'I cho ga
(r13) myi 'thun bas / / myi dgyes shing 'thur bar 'gyur ro zhes mchi ba dag kyang mchis grangste / / yong sangs rgyas
(r14) [---]