(r1) $ / bka' gros la gtogstegtogs te zu tse glo ba nye 'o / / 'ung gi 'og du / / btsan po [khri?] srong rtsan gyi ring la /
(r2) myang zhang snang glo ba rIngs pa zu tses dku 'pel te / / btsan po'i snyan du gsol te / / zhang snang bkuM nas zu tse
(r3) glo ba nye'o / / to yo chas la'I rjo bo bor yon tse brlag ste / / to yo chas la lastsogslas stsogs te byang gi zhang zhung thams
(r4) cad / khrI srong rtsan gyi phyag du phul te / / zu tse glo ba nye'o / / btsan po'i blon po nang na / spung sad zu tse las glo ba
(r5) nyes ba sngan chad kyang ma byung ngo / / zu tse 'dzangs so shes so / / sgyu che zhing mkhas so / / dpa' shes pa'o / chu gang
(r6) che'o / / yang ba rIng ngo / / myi chig la tshogs dgu tshogs na / spung sad zu tse la tshogs dgu tshogs so / /
(v1) $ / 'ung gI 'og du btsan po khri srong rtsan gyi rIng la / / khyung po spung sad zu tse lta zhig rgastergas te nyi ma 'der gnang ngo / / 'ung nas
(v2) btsan po'i zha sngar / zu tses gsol pa / / sngun yab gnam rI'i ring la / / bdag gis 'bangsu'bangs su bkug pa lta zhig / yab
(v3) kyis kyang ma gzigs / zhabs kyis kyang ma bcags na / / btsan po sras kyis / spyan kyis gzigs shing / zhabs kyis
(v4) bcagstebcags te / / bdag rgan po'i sdum pa khri bomsuboms su dgyes skyems ston mo gsol bar ji gnang zhes gsol nas
(v5) btsan po khri srong rtsan gyis zu tse gsol ba bzhin du gnang ngo / 'ung gi rjes la / / mgar yul zung pho brang sa 'dri
(v6) bar bka' stsal te / / zu tse gan du mkhar khri bomsuboms su mchis nas / / / mgar [yul? zung?] gis bltas na / [mkhar?]