OTDO
Old Tibetan Documents Online

Pt_0016
Source gallica.bnf.fr / Bibliothèque nationale de France

(22r1) $ / smon lam du gsol ba / / dkon mchog gsum la phyag 'tsal lo / / phyogs bcu'I 'jIg rten gyI khams chos kyI dbyIngs kyIs kun du klas pha / na ka'I dbyIngs kyIs
(22r2) mtha's gdugs pha na / dus gsum du rnam par bzhugs pa'I sangs rgyas bcom ldan 'das zhI ba chos kyI sku / thams cad mkhyen pa'I ye shes can / stobs dang / myI 'jigs pha dang / mtsan dang dpe byad bzang
(22r3) pos brgyan pa'I sku yId bzhIn gyI nor babu rIn po che ltar / sems can thams cad gyI re ba yongs su bskong bar mdzad pha'I thugs rje chen po dang ldan ba jI snyed bzhugs pha thams cad la phyag 'tsal lo / /
(22r4) dam pa'I chos ngo bo nyId kyis dag pha rang bzhIn kyis rnam par grol ba / nyes pa'I skyon rnam par rtog pa'I mtsan ma thams cad dang bral ba / nam ka ltar jI la yang chags gos pha myed la / shes bya thams cad du khyab gying /
(22v1) myI 'dre zhIng rnam par dben ba rgya che zhIng yangs pa'I mtha' thug pa myed pas gunkun tu khyab pa / gzung ba dang 'dzin pa'I mtha' las rnam par grol bas bsam kyIs myI khyab pa'I ye shes mnga' ba'I
(22v2) spyod yul du gyurd pa / sangs rgyas thams cad kyI che ba nyId dang / tIng nge 'dzIn la stsogs pha yon tan thams cad gyI 'byung gnas / 'gro ba thams cad gyI bsod nams dang / ye shes kyI tshogs kyI sgo
(22v3) 'byed pha la rnam par gsal zhIng dpag dka' ba'I chos kyI sku ma rabs rnams kyI spyod yul ma yIn ba / 'phags pha rnams gyIs rang gIs rIg pa la phyag 'tsal lo / / byang cub sems dpa'I
(22v4) dge 'dun 'jIgs pa lnga las shIn tu 'das pha / phyIr myI ldog pa'I go 'phang thob pa / thabs dang shes rab kyIs bdag dang gzhan kyI dod spyod pa / dbang bcu la mnga' ma rnyes phas lhun kyIs grub pa'I sku dang /
(23r1) $ / / thugs dang / gsung du ldan bas thugs chen po'I shugs kyis 'gro ba ma lus pa'I don mdzad kyang myI gnas pa'I mya ngan las 'da's pa'I yon tan dang ldan ba jI snyed bzhugs pa thams cad la phyag 'tsal lo / /
(23r2) khro bo 'bar ba dpal byIn gzI brjId can kyI sku / 'dul ba'I sdom bas bsdams pa'I tsul ltar myI bzhugs gyang / 'gro ba bag myed la brlang ba'I rgyal can dag btul ba la rnam par mdzes
(23r3) pa / de bzhIn gshegs pa'I sku las spruld pa'Is / thugs rje'I rang bzhIn kyIs khro 'dzums dus gcIg gda' yang / nga rgyal rnam par 'dul zhIng / sdIg la bag myed par 'jug pa don myed
(23r4) cing sdIg pa'I mtsams myI 'da' bar 'gro ba thams cad 'dul ba la mkhas pa 'od gzer rnam par 'phro bas khams gsum zIl kyIs gnon pha / yud tsam gcig la / 'jIg rten rgya mtsho sku dang gsung
(23v1) dang / thugs kyI sprul pas 'jIg rten thams cad rgyas par mdzad pha cI snyed bzhugs pha thams cad la phyag 'tsal lo / / dkon mchog gsum gyI yon tan chen po bsam gyIs myI khyab brjod kyIs
(23v2) myI lang / bshad gyIs myI rdzogs te / jI ste sems can thams cad kyIs bskal ba chu bo gang ga'I bye ma snyed du brjod du zIn kyIs cha shas su yang myI 'gyur ba'I yon tan mnga' ba' / brjod du
(23v3) rung ba'I rgyus myI gzung ste / brda skad myIng tu gdags pa'I tshig gIs brjod kyis myI lang ba / de 'dra bar bsgrun bzod cing dper lom ba / 'jIg rten gyI khams na myed pa grangs su bya na /
(23v4) bgrang ba'I rgyus myI bzung kyIs kyang yon tan de snyed bgrang ba'I rtsis kyI grangs la myed pa brjod cing dpag pa las 'das pha / bsam kyIs myI khyab pa'I yon tan mnga' ba de dag la rjes su yI rang ba chen pos
(24r1) $ / / rjes su yI rang ngo / / dgondkon mchog gsum la mchod pa nI lha rdzas sam / myI'I longs spyod kyI mchog / rI rab tsam 'am / rgya mtsho snyed dam / nam ka gang ba 'am / 'jIg rten rgyas
(24r2) pa'am / yId kyIs spruld pa sems kyIs dmyIgs pha / tshad myed grangs myed pa / phun sum tshogs pha thams cad kyis mchod pa nI / men tog pog spos / 'phre'ng ba byug pa /
(24r3) phye ma sbram bu / sIl snyan rol mo / lhab lhub lda ldI / gdugs dang bla re / rgyal mtsan ba dan mar mye dkyIl 'khor bshos sang spos chab las stsogs pha / mchod rten bslang ba dang /
(24r4) dkon mchog gsum gyI rten sgu gzugs rIn po ches spras pha dang / bzhon ba dang / 'chag sa dang / skyed mos tsal dang / gtsug lag khang rgya chen po tshad myed pa'I dmyIgs pa dang ldan ba / rnam par
(24v1) dag pa'I yo byad thams cad kyIs / de bzhIn gshegs pha de dag thams cad la stI stang du bgyI'o / / bla mar bgyI'o / / rI mor bgyI'o / / mchod cing gsol lo / / rIm 'gror bgyI'o / /
(24v2) bod rje blon 'khor dang bcas pa dang / sems can thams cad kyIs bsam kyIs myI khyab pa'I tshe rabs nas dus 'dI'I bar du / lus dang / ngag dang / yId gsum gyI sgo nas nyon mongs pa'I
(24v3) rgyu 'am / sgyeskye shI'I sa bon nam / bdag dang gzhan la yongs su gdung bar 'gyur ba nyes sdIg gI las chos dang 'dul ba las 'gal ba bdag gIs byas sam / gzhan bcol tam / gzhan byed pha
(24v4) la smon pa 'am / nga rgyal dang bsnyems pa'I phyIr byas sam / dbang dang / mthu yod pas bdag dga' dang / dngan can gyI phyIr byas sam / jI phyIr byas kyang rung ste / de lta bu'I las ngan pa /
(25r1) $ / / 'phags pha 'jIg rten las 'das pa rnams kyIs smad pha / ma rabs byIs ba lta bu phyIn ci log gI spyod yul tu gyurd pa / de rkyen dang 'bras bus ngan song gsum du rgyu ba'I las
(25r2) ngan pa mtho rIs bde bar 'gro ba'I lam gcod pa / 'khor ba'I gshal thag tu gyurd pa / gal te de lta bu spyad pa ma 'thol ma bshags sam / ma spangs ma btang na yun rIng por shIn tu
(25r3) nyon mongs par 'gyur bas na da rtul cig gI steng na / rtul snyed kyI sangs rgyas bcom ldan 'das byang cub sems dpa'I 'khord dang bcas pa rnams mngon sum tu gyurd par dran ba
(25r4) nye bar bzhag ste / de'I tshad bzhIn lus re res zhabs kyI mthIl la spyI bos gtugs te / sems thag pa nas 'thol lo / bshags so / / shIn tu 'gyod cing gnong ba'I sems kyIs gtang ngo /
(25v1) spang ngo / / sngon gyI sdIg pa rnams zhu zhIng byang bar smon to / / rje blon 'khor dang bcas pha dang / bdag cag dang / sems can thams cad kyis dus 'dI nas bzung ste / snyIng po byang cub la mcis
(25v2) kyI bar du dkon mchog gsum la skyabs su mci'o / / phyogs shIng rten to / / yong gnam gyI legs pha mtho zhIng yangs pas nI myI dgab pa myed / sa'I legs pa sdug cing che bas
(25v3) nI myI bkur ba myed / rgyal po'I legs pa drang zhIng snyoms pas nI myI gso ba myed do / bod kyI lha btsan po myi rje lhas mdzad pa khrI gtsug lde brtsan gyI zha snga nas kyang yab myes 'phrul kyI lus bzhIn /
(25v4) dgab cing bkur ba nI gnam sa dang mtsungs / / drang zhIng snyoms pas nI srog chags so chog bsgyur / yangs shIng rgya che la chos gtsug nI / lugs kyIs bzang / thugthugs skamsgam dbu rmog btsan pa'I chab srid nI
(26r1) $ / / byIn du che bas nyI 'og lho byang shar nub kyI rgyal khams kyang / bka' lung gus par mnos te / chags 'og tu 'dus phas jI mdzad do 'tsal dgongs pha bzhIn lhun kyIs grub pa'I
(26r2) chab srId kyI blon po chen po blon chen po zhang khrI sum rje dang / chen po zhang lha bzang gIs 'dzangs kyI phul phyung bas nI yId bzhIn gyI nor bu rIn po che dang 'dra / dpa' ba'I la bor bas nI rgya drug
(26r3) las stsogs pa rang rang gI nga rgyal snyems pha rnams kyang drag dal gyI dmyIg su bab pa'I dgra chos kyIs spa bkong byIn bsgraltebsgrald te / g.yo' sgyu'I khung nI bsubs / dgra chos kyI mtshon cha
(26r4) nI bsnyal / gna'I chos chen pos nI bstud / legs pa rgyas pa nI rabs khrIr bzhag nas chu gang khrel ltas nI brlIng du btsugs / 'thab mo myed pa nI gces par byas nas bod rgyal khams gcIg
(26v1) 'bangs mtho dma' gnyIs che chung gnyIs la so so'I sgo sgor bde skyId pa'I drin kyis ma khyab pa yang myed / bod chen po dang rgya drug las stsogs pha so so'I yul yul na bde skyId pa'I dus la bkod nas / rgya drug gIs
(26v2) chab srId mjal par gsol ba yang khyIm gcig gI myI dang 'dra bar bkra shIs chen po'I yul de ga g.yu tsal mjal dum thang du rgya drug tangdang chab srId gcig du mjald pa'I tshigs
(26v3) bcas nas yun du chab srId kyI mtha' myI 'gong zhIng brtan ba dang / nam zhar mang po kun kyIs yId ches shIng bden ba'I rtags rdo rIngs la bris nas dkon mchog gsum gyI rten btsugs pha 'dI
(26v4) mdo sde'I lung las kyang / la la zhIg gIs 'dzam bu glIng du gtsug lag khang brtsIgs na / bsod nams chen po'I gzugs brnyan 'og myIn gnam du lha'I gzhal myed khang 'byung zhes sangs
(27r1) $ / / rgyas kyIs bka' stsal pha bzhIn / gtsIgs kyI gtsug lag khang bzhengs pa'I yon bdag chen po blon chen po zhang khrI sum rje dang / chen po zhang lha bzang gis brtsIgs pa 'dI la rjes su
(27r2) yI rang ba'I yon bdag ya ya nas dad cing mos pas gzhI bzung ste / stongs mo bgyIs pa'I rnams kyang bsod nams kyI 'bras bu byed pa'I bdag po dang / 'dra'o zhes 'byung bas / stongs mo
(27r3) gces spras sus bgyIs so 'tsal kyang / chab myI 'tsal bar mtho rIs lha'I khamsukhams su bsod nams chen po'I gzugs brnyan 'byung ba'I rgyu dang rkyen gtsug lag khang brtsigs
(27r4) dbus rnam par snang mdzad / bsod nams dang ye shes kyI tshogs bsam kyIs myI khyab pa las grub pa'I sku byang cub sems dpa' sa bcu pa la gsang ba gsum gyI sgo nas chos gyI longs spyod
(27v1) ston pas shes bya'I sgrIb pa skad cig gIs byang zhIng dag par mdzad la / spruld pa'I skus phyogs cu'Ibcu'I 'jIg rten gyI khams kyI sems can yongs su smyIn pha' mdzad pa'I sku'I gzugs brnyan bzhugsubzhugs su
(27v2) gsol pa dang / sangs rgyas snang ba mtha' yas sangs rgyas thams cad kyI zhIng gI mchog ngan song gsum dang bgegs brgyad kyI myIng myI gragstegrags ste / lha'I longs spyod kyI rgyan
(27v3) thams cad kyIs brgyan pa na / mya ngan las 'da' ba'I mying myI srid pa na bzhugs shIng 'jIg rten las 'das pa'I skyid pa phun sum tshogs pa thams cad kyis brgyan p'aipa'i zhIng na / sems
(27v4) can gyI don mdzad cing lhag par thugs rje che bas mtsan nas brjod pa tsam kyis sdIg pa thams cad 'byang la sangs rgyas kyI zhIng der skye bar byIn kyIs rlob pa'I sku'I gzugs brnyan bzhugs par gsol
(28r1) $ pa dang / sangs rgyas byams pa da ltar dga' ldan gnam na rIn po che'I gzhal myed kang lha'I rgyan thams cad kyis brgyan pa'I gnas na lha'I bu thams cad yongs su smyIn par mdzad cing
(28r2) chos kyI 'khor lo skor ba'I spyod lam gcig la lha'I pho brang gI dkyIl 'khor na myI g.yo bar bzhugs kyang thugs rje chen po'i 'od gzer dang / thams cad mkhyen pa'I ye shes skad cig gcig gIs
(28r3) 'jIg rten gyI khams rgya mtsho snyed du lha rdzas kyI bde bas rol cing bzhugs pa'I sangs rgyas byams pa / ma 'ongs paipa'i dus na thams cad sdod cing re la kun kyI dbugs 'byInd pa mtsan dang don du ldan
(28r4) ba / thugs rje chen po'I shugs kyis kun la byams pas khyab pa'I sku'I gzugs brnyan bzhugsubzhugs su gsol pha dang / byang cub sems dpa' chen po brgyad dang / khro bo gnyIs las stsogs pa'I 'khor bzhugsu gsol pha
(28v1) dang / ngos bzhI'I mgon po dang / phyogs skyong dang / lha klu sde brgyad las stsogs pa'I rten btsugs te bzhugsubzhugs su gsol pha nas / bzhon ba dang 'chag sa dang / bskyed mos tsal dang / rnam par dag pa'I yo byad thams cad
(28v2) yon du phul nas mnga' rIs bcad pa'I bsod nams kyIs / / btsan po khrI gtsug lde brtsan gyI zha snga nas / / dpag du myed par sku tshe rIng la / mnga' thang che / thugs la dgongs so 'tsal 'byord grub ste 'khor
(28v3) lo skor ba'I rgyal po dang 'dra bar glIng bzhI rgyal khams gzhan la yang mnga' mdzad cing mthar bla na myed pa'I sangs rgyas su grub par smon to / / rgya drug dang chab srId mjal bar mol te / gtsigs kyI gtsug
(28v4) lag khang brtsIgs nas mnga' rIs bcad de / mchod pa gsold / yon phul ba'I yon bdag chen po byang cub kyI sems dang ldan zhIng dkon mcog gsum kyi skyabs mdzad pha blon chen po zhang khri sum rje dang / zhang chen po lha bzang
(29r1) $ / / lta bu dkon mchog gsum gyI skyabs su che ba sang slad gnyIs ma byung ste / snyIng chen pos kun la phan 'dogs pha 'dI mang po kun la phangs shIng gces par / / 'phags pa thugs rje can rnams kyis kyang thugs su chud
(29r2) cing mkhyen pa dang / ngos bzhI'I mgon po dang / lha klu las stsogs phas thugs su chud cing mkhyen pas bgegs dang bar chad thams cad yongs su bstsaltebstsald te dpag tu myed par tshe rIng zhIng nad myed par byIn kyis
(29r3) brlab ste / dgongs su gsol / / gzIgsugzIg su gsol / / thugs rjes bskyab tu gsol / / bsam pa phun sum tshogs pa thams cad grub par mdzad du gsol / / slad 'khor na phyI nang gyI 'khor
(29r4) thams cad bgegs dang / bar chad yongs su zhI byang ste / tshe rIng nad myed la skyId pa phun sum tshogs pa dang ldan bar smon to / / blon chen po zhang khrI sum rje dang / chen po zhang lha bzang las stsogs pha bdag cag rnams
(29v1) kyIs bla na myed pa'I byang cub du sems bsnyed de / dge ba'I rtsa ba bsngo ba nI gtsigs kyI gtsug lag khang brtsIgs te / dkon mchog gsum gyI rten btsugs phas bod rje blon 'khord dang bcas pha sku tshe rIng la mnga' thang
(29v2) che / mtha'I rgyal khams gzhan dgra chos kyIs gdab myI 'tsal bar 'bangs su rang 'dus te gtsigs bcas pa bzhIn yun rIng por brtan ba dang / dgra dang 'khrug pa'I myIng myI grag / / lo phyugs rtag
(29v3) tu legs la theg pa chen po'I chos yun rIng tu brtan zhIng / dard pa dang / sems [can] thams cad dam pa'I chos la dad cing mos par 'gyur te bde skyId phun sum tshogs pa dang ldan bar smon to / /
(29v4) gtsug lag khang brtsIgs pas blon chen po zhang khrI sum rje dang / chen po zhang lha bzang las stsogs pha sems can thams cad kyI gnas 'jIg rten dang 'jIg rten las 'das pa'I lha'I pho brang rIn po che gzhal
(30r1) $ / / myed khang dang ldan bar shog / shIg / / de bzhIn gshegs pa'I sku'I gzugs brnyan bzhugs su gsol ba'I bsod nams kyIs / bod rje blon 'khor dang bcas pha dang / blon chen po zhang khrI sum rje dang chen po zhang lha
(30r2) bzang dang / sems can thams cad kyIs de bzhIn gshegs pa'I sku mtsan dang / dpe byad bzang pos brgyan pha / thugs ye shes rnam bzhI bsam kyIs myI khyab pa dang ldan ba / gsung tshangs pa'I dbyangs
(30r3) drug cu rtsa gnyIs dang ldan bas kun tu sgrogs pa dang ldan bar shog shIg / / yon bla re dang / gdugs phul bas nI 'gro ba mang po'I bla mar gyurtegyurd te / rIn po che'I bla res g.yogs pha sems can
(30r4) thams [cad] kyI nyon mongs pa'I drod 'jIl bar shog shIg / / rgyal mtsan dang ba dan gsol pas nI nyon mongs pa'I dgra dang bdud bzhI las rgyal te rIn po che'I rgyal mtsan thams cad kyIs chos kyI dbyIngs kun tu gnas
(30v1) bar gyur nas dbang gI rgyal mtsan tsugs par shog shIg / / rgyan dang na bza' gsol pas nI lha rdzas kyI rin po che'I na bza' spa ba gser gyI ngang rIs can rgyan thams cad kyis brgyand pha
(30v2) lha rdzas gos kyI mchog thob cing rang bzhIn kyIs khrel ba dang / 'dzem ba'I bag yod pas klan ka dang / skyon [dpyas (/dmyas)] myed pa thob par shog shIg / / dkyIl 'khor gsol pas nI sangs rgyas kyI zhIng yongs su
(30v3) dag par rIn po che'I shIng dang / rgyan thams cad kyIs brgyan pa'I gnas spyod yul khyad bar can thog par shog shIg / / yon me tog gsol pas nI yId tu 'ong ba'I gzugs dang / mtsan kyIs brgyan te / 'gro ba
(30v4) mang pos bltas na mdzes shIng mthong na dad par 'gyur ba'I lus skyon myed pa thob par shog shIg / pog spos gsol phas nI tsul khrIms kyI drI bsung rnam par dag pas brgyan cing gnas pa'I 'khor dang / spyod
(31r1) $ / / yul yId tu 'ong ba dang ldan bar shog shIg / / spos chab gsol pas nI gnas dang 'khor na yan lag brgyad dang ldan ba'I chu dang ldan te / gtsang zhIng drI myed la dbang po dang zhIng gsal bar shog shIg / / nor rdzas
(31r2) gsol phas nI 'jIg rten thams cad na dbul zhIng phongs pa'I myIng myI gragstegrags ste / yInyId bzhIn lha'I longs spyod dang ldan zhIng zad myI shes pa'I gter dang ldan bar shog shIg / / rkang 'gros gsol pas nI 'gro ba mang po
(31r3) sgyong bar gyur te sangs rgyas kyI zhing gcig nas gcig tu rgyu ba'I rdzu 'phruld kyI rkang pha dang ldan bar shog shIg / / zhal zas gsol phas nI zIl dngar bro'I mchog gsung mchog brtsegs pa'I
(31r4) zhal zas dam pa dang ldan bar gyurd te / sems can thams cad kyI gsos su gyur par shog shIg / / mchod ston gsol pas nI gnas dang 'khor na lha rdzas dam pa'I rol mo'I sgra 'byIn cing kun tu khyab
(31v1) shog shIg / / kha dog dang stobs mchog tu rgyas shIng tshe rIng nad myed pa dang / longs spyod zad myI shes pa dang ldan bar shog shIg / / yon rol mo gsol pas nI gnas dang 'khor na lha rdzas dam pa'I rol
(31v2) mo'I sgra 'byIn cing kun tu khyab par shog shIg / / mar mye gsol phas na 'gro ba thams cad kyI ma rIg pa'I mun nag bstsaltebstsald te / shes rab kyI sgron ma dang ldan bar shog shIg / / rkyen kyI 'bangs
(31v3) phul bas nI gzhan kyIs myI phyed myI thub pa'I 'khor phun sum tshogs pa'Ipa dang ldan bar shog shIg / / bya dga' rIm par phye ste don stsal bgyIs so 'tsal gyI bsod nams kyIs 'jIg rten dang 'jIg
(31v4) rten las 'das pa'I longs spyod phun sum tshogs pa thams cad dang ldan bar shog shIg / / gzhan yang de bzhIn gshegs pa'I ye shes chags pa myed cing sgrIb pa myed pas mkhyen pa rab tu mkhyen pha
(32r1) $ / / gzIgs pha rab tu gzIgs pha'I bdag cag gI dge ba'I rtsa ba gcig tu bsdus nas bla na myed pa yang dag par rdzogs pa'i byang cub du bsngos pha des sangs rgyas thams cad yongs su mnyes par
(32r2) gyurd cig / / sangs rgyas kyI zhIng thams cad yongsuyongs su sbyong bar gyur cig / / sems can thams cad yongs su smyIn par byed pa'I mthu dang ldan bar gyurd cig / / dge ba'I bshes gnyen thams cad
(32r3) dang chos smra ba thams cad du mgu bar byed par gyurd cig / / de bzhIn gshegs pha thams cad kyI bstan pa yang dag par 'dzIn cing srung ba dang yongs su skyong bar gyurd cig / / las kyI sgrIb
(32r4) pa thams cad byang bar gyurd cig / / nyon mongs pa'I sgrIb pa thams cad rnam par dag par gyurd cig / / sgrIb pa'I lIng tog thams cad rnam par sbyong bar gyurd cig / / bdud kyI rtsod pa'I dpung thams
(32v1) cad rab tu 'dul bar gyurd cig / / ngan song thams cad kyI rgyun chad par gyurd cig / / sangs rgyas kyI chos thams cad mngon bar byang cub par gyurd cig / / tIng nge 'dzIn thams cad dang / dbang thob
(32v2) pa dang / mngon bar shes pha thams cad kyIs rnam par rtsend pa dang / rnam par thard pa thams cad kyI sgo nas rnam par 'phruld par gyurte 'phags pa 'jam dpal lta bu'I shes rab dang / kun [tu] bzang po
(32v3) lta bu'I smon lam dang / kun tu spyan ras gzIgs kyI thugs rje dang / phyag na rdo rje lta bu'I mthu stobs dang / drI ma myed par grags pa lta bu'I thabs la mkhas phas sems can gyI don la 'jug par
(32v4) 'gyur te / / nyon mongs pa'I sgrIb nI zad / shes bya'I sgrIb pa nI byang / byang cub kyI sa bcu nI non te / myI gnas pa'I mya ngan las 'das par smon to / /
(33r1) $ / / rgya drug las stsogs pha mjal duM chen po mdzad pa'I gtsIgs gyI gtsug lag khang grags pha chen po'I khams nI bzhengs pa'I dkon mchog gsum la dbyar mo thang khrom chen po khaMs nas smon lam du
(33r2) gsol ba dang / yon du dbul ba' / / dkon mchog gsum la phyag 'tsal lo / / sangs rgyas la phyag 'tsal te / thams cad mkhyen pa'I ye shes rdzogs pa la'o / / chos la phyag 'tsal te theg pa
(33r3) chen po'I pha rol tu phyIn pa'I don dang ldan ba rnams la'o / / dge 'dun la phyag 'tsal te / / 'gro ba yongs kyI don snyIng rje chen po sbyor ba'I byang cub sems dpa' rnams la'o / / rje lha sras 'phruld kyI rje blon chen pos
(33r4) bod khams yongs kyis bde skyId par thugs dpags mdzad de / sku don chen po grub pa bdag cag khams chen po yongs kyI smon lam de bzhInb is written overlapping and deleting d te / mchod pa'I yul phul nas / dkon mchog gsum la skyabs su gsol lo /
(33v1) rje lha sras kyI zha snga nas / / myI rje lhas mdzad pas thugs la 'phrul mnga' / lha'I chos gtsug lag bzang po rgyas par mdzad pa'I thugs rjes gnam mtha' 'og gunkun du yang khyab / dbu rmog brtsan mnga'
(33v2) thang che ba'I byIn kyIs nI blon chen po 'phags pha dang ldan ba rje blon 'phrul kyis nyI 'og gI rgyal po chen po rgya drug las stsogs pa gdul dka' zhIng / sngan cad bka' 'og tu ma cud pa'I rnams
(33v3) la rlabs chen pos btul te / rgyal po chen po rgya drug dang 'jang las stsogs pha bka' 'og du dus gcig du 'dus te / mjal dum gyI gtsigs chen po bcas te / bod 'bangs mgo nag po mthamtha' yun
(33v4) du bde skyId par gnang ba'I bka' drIn chen po stsald pas kyang ma 'tsalte'tsald te / mtha' bzhI thams cad du bde pa'I bka' drin kyis bkab nas mjal dum chen po'I gtsigs bcas pa'I gzhIr bkra shIs kyI gtsug lag khang
(34r1) $ / / grags pa chen po bzhengs nas nam zhar yang myI 'gyur ba'I gtsigs kyI rdo rings btsugs te / rje blon chen pos legs pa chen po'I gzhI btIng ba' rje lha sras gyI zha snga nas / sku tshe g.yung drung du bzhes te / sku
(34r2) la snyun myI mnga' / slad rjes su yang dgongs 'tsal grub / chab srId kyI blon po chen po legs pa chen po mdzad pa'I rnams legs dgur 'gyur zhIng / rgyal po nyI 'og bka' 'og du 'dus pha dang / bkra
(34r3) shIs par smon lam gsoltegsold te / dbyar mo thang khrom chen po'I khams nas / yon du dbul ba' / / dbus kyi khams chen po mdo gams gyI dbang po
(34r4) man cad 'bangs yongs kyis gtsigs kyi gtsug lag khang du yon tu dbul zhIng smon lam du gsol ba' / / bod chen po 'phrul kyI lha btsan po sku la byInd chags / thugs la 'phrul mnga' ba'I zha snga nas / /
(34v1) 'greng mgo nag gI rjer myI rjer lha las gshegs te / rgyal khams gzhan gyI rgyal po gang bas kyang 'phags shIng thugs la 'phrul mnga' dgongs pa nam ka'I dbyIngs dang 'dra bar yangs shIng rgya che / ri rab lhun po bzhIn du bkra' drang
(34v2) gsung rtag / gnyI zla'I 'od dang 'dra bar / byams pa dang thugs rjes khyab par mdzad de / mtha' yun gyI don du dkon mcog gsum gyI mcod rten btsugs shIng dam pa'I chos bdud rtsI'i sgo phye nas spyod du
(34v3) stsald te / bod rje blon byang cub gyI spyod pa dang / sngon gyI bsod nams dang / smon lam gyI shugs kyIs 'dzam bu gling 'dI'I rgyal pho chen po bzhI'i 'bangs 'greng dud la thugs rje chen po'I byin
(34v4) kyis khyab ste / mtha' dag bde skyid par dgongstedgongs te / mjal dum chen po grub nas 'gro ba mang po so so gnas gnas mal mal du bde skyid pha chen po mdzad de / de ga g.yu tshal mjal dum
Loading...