(r1) 'phags pa bzang po spyod pa'i smon lam gyi rgyal po 'di dang por bshad pa'i gleng gzhi ni / tshong dpon gi bu nor bzangs zhes bya bas / shes rab rno ba'i mchog du phyin pa's ni dam pa'i chos mdo dang rgyas pa' bsam gis myi khyab pa zhig thugs su chud nas / dad pa che ba'i mchog du phyin pas ni / 'phags pa bzang po spyod pa'i smon
(r2) lam 'di ma gsan pa'i slad bzhin du / dge ba'i bshes gnyen brgya rtsa gcig zhal mthong ba' las / kun gi zhal nas ngas myi shes pa ni ma yin na / nga 'i 'dul skal du khyod ma gyur ro / / gsungs pas ma gsan nas / dge ba'i bshes gnyen de rnams kyi bar thag ni rta pa'i gdugs tsam / rkang thang gi zhag lam tsam zhig mchis so / /
(r3) dge ba'i bshes gnyen brgya tham ba' la thug pa dang / 'phags pa 'jam dpal gi zhal mthog nas / 'phags pa' 'jam dpal la zhus pa las / ngas myi shes pa ni ma yin na nga'i 'dul skal du ma bab pas / rgya gar gi yul byang chub chen po ma ha bo de'i gling na 'phags pa' kun tu bzang po bzhugs pas / 'phags pa kun tu
(r4) bzang po la zhu zhig par lung bstan to / / de nas tshong dpon gi nor bzangs gyis ma ha bo de byang chub chen po'i gling du 'phags pa kun tu bzang po la zhus pas / 'phags pa kun tu bzang pos / 'phags pa stug po bkod pa zhes kyang bya / sangs rgyas phal po che zhes kyang bya / mang po 'dus pa zhes kyang bya / rdza plags pa zhes kyang bya /
(r5) snyan gi gong rgyan zhes kyang bya / rma ga chad zhes kyang bya ba de'i nang nas bsus te bshad nas / tshong dpon gi bu nor bzangs kyi thugs dam du bzhes pas / mos par spyod pa las sa dang po rab du dga' ba'i bden ba' mthong / de dang mtshungs par rgya gar gi yul du yang 'phags pa bzang po spyod pa'i smon lam thugs dam du bzhes pas /
(r6) mang pos 'phags pa kun tu bzang po 'i dngos grub brnyes so / / de'i 'og tu ska ba' dpal rtsags dang cog ro klu'i rgyal mtshan dang / rma rad na ya kra las bsogs pas bsgyur nas / btsan po khri srong lde brtsan gi sku ring la / btsan po thugs dam ba' dba' dpal byams zhes bya ba zhig gis thugs dam du bzhes nas / nub gcig gi
(r7) myi lam na / gser gi sko ra bdun dbu la breng 'dug par rmangs pa las / btsan po 'i snyan du gsol nas / btsan pos dpyod ma mkhyen nas / khad myi ring ba' zhig na rgya gar gi mkhan po bo de sat tva zhes bya ba bzhugs pa de la btsan pos g.yar lam 'di lta bu zhig rmyis na / 'di ci lags zhes zhus pa dang / rgya gar gi mkhan pos de su lags
(r8) zhes btsan po la zhus pa dang / bdag gi slob ma dge sbyong zhig lags so zhes gsol pa dang / 'di ni 'phags pa' bzang po spyod pa'i smon lam 'don pas / 'phags pa kun tu bzang po 'i dngos grub thob pa zhig ces bka' rtsal pa dang / btsan pos slobs dpon dpal byams la bzlas pa dang / mkhan pos lhag par yang spro ba bskyed nas /
(v1) nyin lan gsum mtshan lan gsum bas kyang lhag par zhal [s]ton du mdzad do / / de nas ring ma lon ba dang / btsan po la zhus pa' / bdag ni rad pa phung po yang dgud pas / btsan po 'i thugs dam dngo myi thog pas / bdag ni dgon gnas gcig du mchi bar ci gnang zhes zhus pa dang / de tsam na ni lha sa bsam yas na bzhugs pa'
(v2) las / de nas rta pa'i gdugs lam rkang thang gi zhag lam tsam na / spa dro dgon pa na zhes bya ba der btsan pos kyang bskul nas / gcig gi thugs kar gcig gi phyag bzhag nas / sa sar smon lam btab nas gshegs so / / de nas ring zhig ma lon ba tsam na / khad kyis myi ring ba zhig na / 'ching pu brag rgye'u zhes bya ba de na /
(v3) ngan lam stag sgra klu gong gi gcung po / ngan lam rgyal mchog skyong bzhugs / sho ma la la ni slob dpon sgro snya ye shes byang chub bzhugs pa las / gnyis gi sku ltas sam rtogs pa la nam ka' las gzha' tshon las bsogs pa byung nas / slobs dpon dpal byams bsur 'gro 'o zhes thos pa las / gnyis ka slobs dpon la zlor
(v4) gshegs pa las lam du gnyis ka mjal nas / zhe sa bgyis nas bka' mchid bgyis nas / gar gshegs so sor zhus pa dang / mdang gsum g.yar ltas 'di lta bu zhig byung ngo zhes gsol ba las / slobs dpon gnyis la sku ltas mthun nas / zlor gshegs pa dang / slobs dpon dpal byams thugs dam 'don pa las / bdag ni chi ba'i
(v5) ba'i dus byed gyur pa na / gsung tsam na gsung lan gcig chad / de nas sgrib pa thams cad ni phyir bsal te / gsung tsam na / gcung tsam yang 'phags / mngon gsum snang ba' mtha' yas de mthong na gsung tsam na / slob dpon gnyis kyi sku ltas la byung ba bzhin du gzha' tshon la bsogs pa' dngos grub byung nas / lus gdos pa' can
(v6) bor nas / bde ba can gyi zhing der rab du 'gro / der song nas ni smon lam 'di dag kyang / zhes zlos shing gshegs so / de yan cad ni son gi gleng gzhi 'o // : //