(1) bden zhan te /
(2) $ /:/ kye deng gI khri gdugs la ji dang ji la bdal lo / gtang zhes bgyis na
(3) gar bzang ba zhig la bdal lo / ba rab dag gser mdo na' / gser bzang dag
(4) khang phub ste / khang khang cag rim te drug / bar khang cag khyams tang bdun /
(5) gser sgo cag khrigs tang brgyad / tha rams cag sil tang dgu /
(6) phyag rgya dag bden tang bcu / bden bcu dag khrigs pa la / ra gan
(7) dag bdag zhan te / gcig dag sgo ma phyed / gcig
(8) tsam dag sgo phyed na' / bzang dag za bog dar /
(9) bkra dgu dag stag tang gzigs / mjam la dag dro ba ni /
(10) phags sbu dag dpying tang sbying / gnag dgu dag khri tang
(11) 'bras / che dgu dag rje dang blon / rno dgu dag 'damda' dang mdung /
(12) dmar dgu dag btsod dang khrags / bde dgu dag khri
(13) spyan rta / gnag dag dom dang 'dras / de tsham dag de ru bas
(14) ma bas dag slad na mchis / gang gang cag don mo che / shing
(15) khang cag g.yar mo 'brings / gang [ngon?] sa so phyi du nu / /