(1) $ /:/ sngun yur ba ke hva gu na / / stong sar kyi sde / wang weng tshan dang / wang rgod kong spun gyi [---]
(2) zhing dang mu sbrel du mchis pa las / / kog yung dang / rgod kong du zhing la mchid ma mjal nas / / [---]
(3) myi mjal pa'i zhing rnams / / blon lha bzherbzhre mdo brtsan la phul nas / / dgung lo mang mo zhig bar [d]u [---]
(4) slad kyis 'brugi'brug gi lo'i dbyar / / kva cu khrom gi 'dun tsa / / blon rgyal tsan dang / blon btsan bzang dang / blon [---]
(5) stsogs pas / / kva cu se shi thang du btab pa'i lan la / / rlang blon lha bzherbzhre spad la / sha cu pa'i 'bangs r[g]od [---]
(6) nas phyung ba'i rjes la / / wang rgod kong spun gyis / khri zla blon btsan suM brtsan la gsol pa las / / bdag [---]
(7) sngun rgya'i tshe nas / yur ba ke hva gu na mchis te / slad kyis byi ba lo la / / sha cu pa rkyar sbyar / zhing mkhos m[-] [---]
(8) las rkya zhing du mnos te / / snga mkho bzhin rnal du rmed cing mchIs pa las / / snying tsoms gyi [sd]e [---]
(9) bdag cag gi rkya zhing chung zad dor ka yangs pa'i bag ba du zhugs nas / / tha snyad btags te / phrog du rga[l] [---]
(10) tshal zhing 'di rnams / blon lha bzherbzhre mdo brtsan la phul nas / / rlang gIs ni zhIng bdag bgyis / dze'u bur [---]
(11) gi tshal zhing la / dpung du rlang gnyer nas / khang khyim brtsIgs / shing ra btsugs te / dgung lo nyi shur nye ba zhig gI [---]
(12) nas tshal zhIng stsogs pa 'gum ba dang 'dra ste stams las chad bzhIn du / btsan nyen du gyur pas blar gsol [-]I [---]
(13) byung bas / / bdag cag stams las chad pa'i sgo yus dang / rgyus 'tshal ba'I che bzhI rma zhing / tshal zhI[ng] [---]
(14) bcas par bdag cag la slar gthad pa tsam du ci gnang zhes gsol / / do kog yung gsol [pa] [---]
(15) kong spun gyi tshal zhing / gna' rgya'I tshe nas mu sbrel du mchis pa las / / slad gyis sha cu pa rkyar sbyard / [---]
(16) gyI rkya zhing dor phyedangphyed dang drug drug mnyaM bar khram du btab pa las / / zhing yig dkar cag 'dris pa'I 'og du [---]
(17) nI / / zhIng dor bcu gcig du byung / / rgod kong spun la dor phyedangphyed dang drug btab pa ni / khong tas nod par ma [byung] / [---]
(18) zhi[ng] dor brgyad nod par 'byung ste / / bdag la de snyed gyi zhing ma mchis pa'I yus gyis / to dog [b]lo[n] [---]
(19) las / / zhing yig kyang gtugs / dor thag gis kyang btab pa las / / bdag gi zhing ni dor gsu[m] [---]
(20) ni dor phyed dang brgyad lhag par byung ste / / wang rgod kong gi zing lhag las dor gsuM dang lhu bdun / [b- (/g-)] [---]
(21) gyis bcad pa las / / khong tas ma nyan te / mchid ma mjal nas / / bdag cag gi stong pon / blon [---]
(22) stong pon gyis mchid nas / bdag cag sha cu pa'I rkya zhing ma mnos pa'i yus kyis / zhing lhag las [-e] [---]
(23) pon gyis / rmos pa lags / da blon lha bzherbzhre spad kyang yul nas byung / / to dog snga ma dag gis b[-] [---]
(24) ci gnang zhes gsol pa las / / gsol ba ltar mad daM myi mad / / khral pon dang khri yig dag gis rmos [---]
(25) khral pon / blon mdo bzherbzhre dang / khri yig blon stag suM stag legs gyi g.yarg.yra sngar / zhing yig dang gtu[gs?] [---]
(26) yur ba ke hva gur / wang beng 'do 'i zhing las dor cig dang lhu gnyis nod par 'byung / / do kog yung gis mI [---]
(27) zhing yig las spyir ma byung nas / rgyus 'tshaltsh+l ba'I che bzhi / zhIng tses rgan rabs / ^Im hIng weng dang / baM kyir '[d]o [---]
(28) tse dang / leng ho ^an tshe dang / sag dze sheng dang / baM kheng tse rnaMs bro stsalts+l te / rmas pa las mchid mthun te phye ba / / [---]
(29) khong ta pha myes gyi gtan zhing dang / ra shul lagstelags te / slad kyIs byI ba lo la / sha cu pa rkyar sbyar zhing mkhos mdzad pa'I 'o[g] [---]
(30) spun gyis tshal zhing 'di rnams rnal du rmed cing dbang ba las / / do kog yung dang / dze'u bur yang spad gyis / wang rgod ko[ng] [---]
(31) du zhugs te phrog du rgol ba las / / ma tshugs nas / blon lha bzherbzhre mdo brtsan la phul the / / dgung lo nye shur nye bar [la] [---]
(32) pa mad ches phye nas / dbyangs pa'I gzhis / blon btsan suM brtsan la zhus pa las / mchid kyis bcad [---]
(33) yus mchisnamchis na / wang gi zhing lhag la brgal ba nI / wang las zhing ma nod par ma byung la / che bzhis phye ba dang sbyar na / yu[s] [---]
(34) do la stsal par / to dog blon klu bzang stag skyes lastsogslas stsogs pas kyang bcad ces gsol la / 'bangs gyi chis bgyi '[tshal?] [---]
(35) lho ngos na mchis pa nI / do dang / dze'u la stsal / yur ba byang phyogs na mchis pa'I rnaMs nI / rgod kong spun dbang bar bcad [---]
(36) mchid mjal nas / slan cad myI gleng myi rtsod par so so nas bro shing bcastebcas te / bros bskyal nas / do kog yung dang / dzhe['u?] [---]
(37) ring lugs gyi sug rgya dang / khri zla blon btshan suM brtsan gyi bchad rgyas btab nas / do dang wang re re 'chang du stsald [---] (nine round seals<) [---], [---], [---], bam stag legs, [---], [---], bam [-e leng], [---], la[---](>nine round seals) (three Chinese signatures)