OTDO
Old Tibetan Documents Online

Pt_1082
Source gallica.bnf.fr / Bibliothèque nationale de France

(1) $ /:/ deng re hve pur kha gan gI bka'k+' / /
(2) dbyar gI tshad pa la / / 'bangs mang po chIs la / / 'o brgyal thugs bde 'am my[I?] b[de?] [---]
(3) $ / / spya ngar phrIn yIg zhu zhIn gsol pa gdas / / phrIn yIg nang nas nong zho ma
(4) mchIs zhes thos / / glo ba dga'g+' /
(5) $ / / spya nga nas yang bka'k+' stsal na / / chab srId gI bka'k+' mchId cI yang myI gda' / /
(6) bdag gI pho nya yang leng cu 'og mar mchIs / / slar yang mchIs / / rgya rje [---]
(7) la phebs shag shIg ma mchIs / / keng shI 'I bka'k+' mchI[d?] [-]I m[ch?]I[-] [---]
(8) yar mchIs pa la re lta des gsol / / dbyar mo thang [tshun? chad? gI?] ['od 'bar] [la?] [---]
(9) ba ma mchIs / / gog chu rma grom gI pho nya spya ngar mchIs / / rma grom khrI sde cIg zha
(10) du blta zhes gsol / / bod gI pho nya jag rong du yang mchIs / / dbyar mo thang glIng du
(11) yang mchIs pa las / / 'od 'bar tang nI ma dum / / khyed gI pho nya yang gsol par
(12) mchI / / gzhan nI bka'k+' mchId cI yang myI gda' / /
(13) $ / / bod gI g.yar tshIgs las / / ston sla ra ba ngo la dmag drang zhes m[ch?]I[d?] [---]
(14) sho nI cha ma mchIs / / da dun nI dmag 'gul ba [ma? m?]chi[s?] [---]
(15) rIm 'gro cher la 'tshol / / ston gI dus la bab / / leng kong sa nas ya[ng?] [---]
(16) ba ma mchIs na / / rIm 'gro cher mdzad / /
(17) $ / / kam cu zhIg ral du gyur pa 'I mkhar pho brang bgyIs / / bzo bo ma mchIs
(18) bzo bo g.yar pa las bzo bo brdzangs pa glo ba dga'g+' / / pho brang yang mgo chems
(19) phran tshegs lus pa las / / bog ya yang yang na yang du phrIn yIg nang
(20) du zhu bzo bo yang brdzangs / / bzo bo yang dgung lo khyId khor [bzo] [---]
(21) mongs tshal ma 'ga'g+' brtsal nas / / zhang lon ['di?] [dag] [---]
(22) nas brdzangs / / rI mo mkhan nI las ma lags / / ston sla ra ba nya [nas] [---]
(23) brdzang bar 'tshal / / (seal)
(24) $ / / gser mgar gI yan lag la gsol pa / / gser mgar yang then pe kun gI
(25) dmag dpon la / / bdag gIs g.yar po bgyIs / / de yang brdung nI myI 'tshal [---]
(26) yang myi bzo / / then poe kun dmag dpon yang rgyun du khor [---]
(27) gI bzo bo sngun gI 'dra ba zhIg mchIs na sha cur brdzang ba lags / / bzo bo bu[s]
(28) ba zhIg mchIs pa nI nad pa / / 'drul ba 'I pho nya rnams re lta mthong / /
(29) dmag dpon gser mgar yan lag la yang na yang du gsol pa 'I slad na / /
(30) rgya rje 'I gser mgar gcIg bdag cI ste myI dbang zhes bgyIs s[-]
(31) then shI de phu la yang gser mgar 'dI bdag gIs bzung zh[-] [rgya? rje?]
(32) la yang gsol zhes bgyIs / / bzo bo rgad po de nang nyab bzo bgyid pa 'i
(33) slad na ma brdzangs / / ma brdzangs thugs ma gdung / / bzo gzhan
(34) ma mchIs / / skyes sha le yug drug dang bnabs tog sgye gang yang
(35) spya ngar mchIs / / ston byung ston gI bnabs thog kham bkra da[ng]
(36) dgun 'brum bdag ma myangs nas / lo mang lon / / tshos nas
(37) brdzang bar mdzad / / ma brdzangs na bog ya la lto mdun can zhes kha
(38) phyar btang bar mchI / / shIng bzo de rnam gnyis las la 'grus par
(39) gyur / / bog ya yang chIs mdzad pa la thug / / 'dI dus su pho [nya?]
(40) mchIs pa 'I slad na skyes ma brdzangs / / sku ma mkhong / / rgya rje sa nas
(41) pho nya 'drul ba mchIs na / / bdag gI pho nya brdzang bar bgyI / /
Loading...