(r1) $ / / 'brug gi lo 'i ston sla ba cungs gyi ngo la / / ^an btsan zigs tshan gyi rta gcig / / pho nya gzhams
(r2) khong khri 'tsal cing / par kog gi tshugsutshugs su mcis nas / / slar zlogs pa'i rigs pa las / / slungs gyi dphonph+n
(r3) sna tshugs phon la stsogs pa / / rta phrogstephrogs te / / tshugsutshugs su bzhag pa las / / stor ches mcistemcis te / / rta slar ma
(r4) stsal nas / / slungs gyi rta rdzi li ^ab sab nyang / bzungstebzung ste rmas pa las / / slungs tshugsutshugs su rta bdag chag
(r5) gis bzhag pa yang mad / / li zhen 'do la gthad pa las / / rta snar mo stor ches mcistemcis te /
(r6) ^ab sab nyang / zhan 'do yang khug la / / rmos te / rta 'di tshugsutshugs su bzhag pa las / stor pa ma lags
(r7) re / / bdag chag gis sbyangs re brkus re shes bro dkar gis / thob shig / bro phod na skyin ba phob
(r8) shig / bro ma phod na / / khrims bzhin gchad par bgyis te / / kho na ^ab sab nyang la
(r9) stsogs pa / / dkar drus / lan 'di'i dgun sla ra ba tshes brgyad la bgyis pa las / tshes bcu bzhi'i
(r10) bar du ^ab sab nyang dang / khungs po zhan 'do yang ma mchis nas / / tshugs phon / yo gang
(r11) g.yu la skyes grar bkugstebkug ste rmas pa las / / pho nya gzhams khong khri / sha cu pa 'i rta gchig
(r12) 'tsal te / / par kog gi tshugsutshugs su mchis pa las / / rta 'di pho nya dang / rta rdzi ^ab sab nyang gnyis gyis rta / pho
(r13) skyon bar bgyis pa las / / pho nyangnya mang po ni ma mchis / / pho nya rkya 'ga' mchis pa la / / sha cu pa'i rta bya bsdas
(r14) pa la ma thug shes / / pho nya dang rta rdzi la bdag gis bgyis / / rta ga la mcis pa / long la skyal
(r15) slar skris shig par rta rdzi la yang bdag gis bsgos pa las / / phyi de nang par dze'u hing yir slar tshugsutshugs su
(r16) mchis te / nga'i rta ga re zhes rmas pa las / / ^ab sab nyang gi mchid nas / sha cu pa'i rta gnyi ga slungs phon
(r17) g.yul thog na mchis pa las / dze'u hing yir gis gcig zhon gcig khrid de bros shes / ^ab nyang
(r18) la thos / / rta ni bdagisbdag gis ma thong zhes mchi' / / rta bdag hing tse mchid shags rnam gchig la / bdag gi rta tshugs
(r19) khor na dgung gsum mchis pa / slungs gyi rta gzhan gchig kyang ma mchis la / rta 'di tshugs phon gyis myi mthongth+ng
(r20) du yang myi rung na / rku su yang glo ba chung na / / khong ta gar mchis zhes rmar gsol zhes mchi / / de 'i tshe slungs gyi bu gnyer chags / /
(r21) thum chu ma phyi la chagstechags te / / ju chang yan chad dang / lug lung man cad du gnyer du mchi zhes mchi nas / / dbyangs
(r22) te bchad pa / / hing tshe la stsogs pa'i rta stor pa / / tshugs phon la stsogs pa la / brkusubrkus su yang dog shes
(r23) gsol / / tshugs phon rmas pa las / rta 'di tshugsutshugs su mchis pa las / bdag gis rta slar
(r24) skri shig par rta rdzi ^ab sab nyang la bsgos / rnam chig la rta gnyi ga slungs phon gyi g.yul thog
(r25) mchis pa las / / dze'u gis gchig zhon gchig khrid de bro ste [s]ong zhes / / ^ab sab nyang la thos /
(r26) shes mchi' / ^ab sab nyang sngar gnya' dus btab pa las kyang / dus su ma mchis / zhan 'do
(r27) yang ma mchis / / rta stor pa tha snyad 'dogs shing bsgyang du myi rung gis / / tshugs phon yang gnya'
(r28) stsol la / ^ab sab nyang dang / zhan 'do khug la / / dgun sla ra ba nya la mchid shags 'tshol chig
(r29) par bcadebcad de / / g.yu la skyes gyi gnya' la / / ^an hva hva dang / den bun 'de dang / cang stag bzher dang / yo
(r30) gang re'u skyes dang / gnyi ba lha mthong dang / shig shing shing la stsogs pa'i gnya' rgya dang / khong ta'i
(r31) sug rgya dang / / zhang lon zhal che pa'i dpang rgyas bthab pha / /
(v1) $ /:/ bya gag lo'i dbyar sla ra ba tshes bcu bdun la / bla'i dngul kyi 'ji ba can gyi pan bris pa'I ceng
(v2) bco lnga / ri mo mkhan dze'u syang 'do dang khang tsin beng la gthadegtha de / / kho na gnyis kyi sug rgya dang
(v3) do han ku'i dpang rgyas btab pa / / (a flower-shaped sign) tsam do han ku /