OTDO
Old Tibetan Documents Online

Pt_1101
Source gallica.bnf.fr / Bibliothèque nationale de France

(1) $ // lnga bcu rkang 'go klu gzigs kyI tshan gyi 'bangs kyI dphya' chad de 'bangs la' las pa' / / 'phral du
(2) ma 'byor nas / / zhang khri gzigs kyI sgo nas las bun chen du blangsteblangs te / khyi'i lo'i ston sla 'bring po nya la stsang bang
(3) gI sgor khal gcig la gnyis 'bul bar bgyis nas / / dphya chad gyI rnams mying smrar bris pha / /
(4) ha le'u le'u la khal gcig / / wang shun shun la khal bzhI / cang lI ki'u la khal bzhI / wang kun cI la khal
(5) drug / / cang pe'u hing la kal gsuM / / 'go kim kang la khal gnyis / / sheg pe'u kim la khal gsum
(6) khang deng tsun la khal gcig / / 'di rnams dus gong ma bzhin du 'bul bar bgyis dus der ma phul
(7) lam gya gyu zhig 'tsal de ma phul ba zhig mchis na / gcig las gnyisugnyis su bsgyur de gyur dang
(8) bchas par khong ta rnams kyi sgo nas nor phyugs ji la bab gyang rung ste / ring lugs myi 'tshal
(9) bar rang lugsulugs su phrogs na yang zhal mchu ma mchis par bgyis pa'I dphang la / / stag bzang
(10) si'u dam dang / 'bal khong rton dang / ngom to to dang / chang kog tsheng lastsogs pha'I dphang
(11) rgya dang khong ta rnams kyi sug rgya dang sug yig tshad kyis bthab pha / /
(12) (inverted line<) shig bu kim / kyi mdzub / tshad bthabobthab bo (>inverted line) (inverted line<) ha le'u le'u lag yig tsha[d] // (>inverted line) (inverted line<) 'bangs cang pe'u hing kyi sug yig tshad // kyis bthabobthab bo (>inverted line)
Loading...