(r1-01) $ /:/ mdzo mo'I rabs 'di nI mnon gshen khong rma'I lags te bzang rab bo / / yul dang yul gyI dbye bkra na /
(r1-02) rje dang da dang skye rje dang rje tshogs snam za'I snam khri ma gnyis / bshos dang nams kyi sras gshen bltam na thong /
(r1-03) rje 'I dag mo sras / / gcung bltam na dnang dang sa 'I rje dkor du jimnga'ji mnga' na rta ro gu du ron zhig mnga' / mdzo mo tshogs /
(r1-04) snam khridmakhrid ma la dkor du ji mnga' na / yab dbu ru 'ong / / ma dang yum gyi mtshan na gzhi ste mal mal gnyis / yul phyI 'brog /
(r1-05) phabyIpha byi na ba nag gseng ma nI dbyam tsham sngo / yab dgu ru 'ong 'ong / / ma bzhi ste mal mal je nye ji nye na thugs dang gIs nye /
(r1-06) je nye je nye / spyan grus je nye je nye spu drang rngul gyis nye / 'tshas dang nams phu mo gcen gyI mtshan bdud mdzo tIng nyag /
(r1-07) gnyan / nam gdod kyI mdzo kla mdzo mar mo la rgyab ni khra bor mchis / ma bthub myI ka klu / myIg dang dango drang gsum zhig ma /
(r1-08) btub ma bcad / klu mar gtang bzangs dang ba ru skam dang / dang se namgrunnam grun gsum gyis / mjal bskya bas shIng bor ro / /
(r1-09) snyung las bskya bas zhIng bor / gnyan nam gdod jI gu mdzo'I slad na mdzo mo bre bre bre cung ldam bro [-]e[-] cung 'dI mdzomomdzo mo /
(r1-10) tshogs / snam za'I snam khrid ma dkor dang dad du bab / byang nas tsha blangs / myi mdzo snar ma dang / byang nas blangs sa na sna ma nas /
(r1-11) nya nya myI mdzo snar ma nas / nya phu mo snyIng che dang / nab mosnyIngmo snying myi che bab bo / 'dug kyang nub mo ku myi drag phu mo spu sdug /
(r1-12) kyang / nu mo spu myI sdug / phu mo nI nga ya nu / mo gan myIng na le mdzo drugdudrug du sum rje yag pha 'is mdzo'I sna da phub mdzo mo'I snaphugsna phug /
(r2-01) $ /:/ dang phu'I g.yal myI che nu nas zho bzhos dang phu 'Ig.yal'i g.yal myi che / rgyab du sga stad dang pha 'I g.yal myI che / mdzo ma tshogs tshogs /
(r2-02) snam za'I snam khrI mas nu nas zho bzhos / byang nas tsha blangs / phyugs nI zho re bdam / phyugs nI rgyab re g.yor / myI mdzo snar ma 'dI dkor dang /
(r2-03) dad du snams / spo ma zho re che spo ma rgyab re g.yor / mdzo mo tshogs snam za'I mdzo la kha thugs chags sam mdzo la 'brang gam 'am /
(r2-04) lho sud pha pha byI na / jobojo bo lho bu lang lIng la myimtha'myi mtha' gnyen du bgyi myI mying srIng du ni smos / 'drul nas phyugs dang nor gyis bsrul / zas dang skom /
(r2-05) gIs srul / phyugs dang nor gyis 'drul 'drul 'chab 'chag na / mdzo tshogs snam za'I snam khrId ma'I gsung dang mchid na re / kha ngan smos ma /
(r2-06) lags de myIng po khyod nongs shIng / lho bu lang ling khyod nongs na' / myI ste kho mo 'is snam gyI khyi tshang dbyung / bu sring bzang can gyIs lcam /
(r2-07) shas kyangkhokyang kho mos dbyungodbyung ngo / myi ma khol mo la mdzo chig yod myI mdzo snar ma zhig yod kyis / mdzo rogs myed kyIs / myIng po lho bu lang /
(r2-08) lIng lamyIla myi mdzo'i rogs chIg tshol stod kyI rogs chig gsol / gson gyI grogs bgyI 'is grongs na sring de grongs mdzo grongs chig stsald /
(r2-09) du gsol / lho bu lang lIng gyis pha dang yab kyI mtshan mdzo 'I pha dang yab kyi mtshan / dung lang dkar po nI lho yul ya byi na lha chab 'gyu /
(r2-10) mgo shed na dung glang de bzhugs / dkar po de na bzhugs / lho smob sbom byI drung na 'tshal / lho chab mgo na 'tshal / 'gyu phal che mgo na 'tshal lho chab 'gya 'gyu /
(r2-11) zhabs shed na ma zhig de na mchIs mchis na' / smad bdun de na mchis / 'brI bdun chab 'tshalo'tshal lo / pha'i drI ma gda' / dung lang dkar po'I dri ma gda' / spos tsham /
(r2-12) ngad de ngad / spor re zhim / drI ma ngad dedrode dro na chab kyi ya mgo ya byI na ji zhIg cho re 'phrul ji zhig 'brang re rdzus / chab la snam zhing gshegs na ljong bre mo na chI /
(r3-01) zhig 'gre zhing gda' / dung lang dkar po 'gre / zhing gda' / ma'I shangsushangs su gda' mching 'brI smad bdun shangsushangs su 'da' / 'dI lta spu sdug pa spu nI ji'I spu /
(r3-02) dbyI dang mtsha' 'I spu na chungs shIng thungs g.yag dang 'brong gi spu na chung zhIg rings / kyang rings spu ni ji'I spu spu bzangs 'ol te 'ol / na
(r3-03) dkar po 'ol te 'ol / rjes bltas bdag dang 'dra / yar nye yar nyenanye na lung gI ya phu ya kon ya 'brug / skad thong se thongs dmyIg gchig /
(r3-04) mye ltar tsher te tsherd / ru'u thung lcam gyI ru 'ong se 'ong phyugs nI slad du byer zhes bgyis / 'bri ma smad bdun slar byer bu gsuM ma /
(r3-05) bdun shar shar / sha brun dago brun tsham zhig 'dun du shar ra / smug pa khrIgs se khrigs / dar smug pa tsham zhig mdun na khrIms se khrigs /
(r3-06) je nye je nye na spyan lam sgrus te nye / / jenyeje nye je nye na spu drang rngul gyis nye / lo'I dus dusudus su / pho mo smad bdun gcen ba dang bshos dang nams /
(r3-07) kyi sras / skyi lde ru bran / ma mdzo chig de na gda' / rje lho bu lang lIng gis / chab myig dngo myIg du gser gyi gog tshe gtsugs / dar gyI snyi bres /
(r3-08) cha rmang ba'I gsus pa lon du phyung gsus khrag ldad ldod ma mdzo'I [g?]bran du bor / skyI lde de ru bzung / ru bran der ru bzung / ru bltas gser gyi ru
(r3-09) rnga bltas nI rta'i ja / myIg bltas ni lcags kyi myIg / mdzo sna phug / mdzo sgas stod / suM pa glang tshas 'Is / mdzo spo ma sna ma drag /
(r3-10) nye du rgyab ma rgod / nye du sna 'ang rje'I phyag du gsold / lho bu lang lIng phyag du gsold / lho bu lang lIng phyugs nag po dang / sems
(r3-11) myi gchig gIs / pha' mnyan ma phyIn spyI ba bal gyi mthon rgyan dang / se ba'I lcags ros kyIs / ma byIn yang spyi spo ma sna ma drag /
(r3-12) [shog?] shog rtsar bzho / 'Is shar shar rmyig ma 'phra' / nye du rmyIg ma 'phra rje lho bu lang ling gyIs / nye du bkri zhing bshald / ba base mnyen mo bkrI'
(v1-01) $ /:/ zha ra [khul] du bthags [---] sna ru bthags / gser gyI snal lcu bcug / se ma nye du bkrI zhing bshal /
(v1-02) lho brang [mnyen?] du mtsho'I snying re [---] ni drI ma gda' / ste stong [ra?] glang dung grang dkar po snyIng re langs / ma'i snyIng /
(v1-03) re langs mchIng 'brI ni smad bdun snyIng re langs / mdzo les langs / lho bon 'ol lcogs kyIs / gdo dang dbyad / /
(v1-04) bgyIs de yas su jI zhIg 'tshal ses na ma dang klu chu gya gyu dang gnyan bor ba dang / shong shong sna myI drag / phor /
(v1-05) [phor] nI rgyab [myi?] rgal / klu [tshu] nI glad [bchIng?] bsdabs / bkri zhIng ni bshal bshal na mdzo mo nI sna re g.yung mdzo /
(v1-06) mon rgyab re dul / gtshos snam [za'i?] snam khrid mas / phyI tho rgyang nas mdzor / phyi phyogs phar phyIn / /
(v1-07) lcam mdzo 'ong ba snyam / skyi lde [ru? bran?] 'ong ba snyam / [mying?] kI bshos shIg bgyi / skyems shIg bskrald /
(v1-08) [myang?] [---] skrumma su [---] / / zhag gsum dro dang bzhI / mying phas se gshegs na / lho bu lang lIng /
(v1-09) phassephas se gshegsnagshegs na / [mjo?] [---] ma gshegs na / skyI lde ru [bran?] phasephas se gshegs / jo mos tshus se bsus /
(v1-10) [le? 'u? byIn?] gong du tshus se [bsus?] me'u shed 'phrod na rtse zhIng rgal ba lta' / phyugs ru phrod na lces ldag pa /
(v1-11) lta' [---] thang sbra sngon mo gang nas phub [nan?] nam rIm dgu gdan du [bthing] na / gser skyogs rngul skyogs ni /
(v1-12) 'khrol nas 'khyol / srIng mo ga [---] la / myIng po lho bu lang ling gyIs / skyIldeskyi lde ru bran ni / lcam pha gson /
(v2-01) $ /:/ du phyung ji ltar phan na rje dang dang dasdangs kyI rje'I yul na dgra ma mchIs / byang na g.yag ma mchIs dgra /
(v2-02) myed / na dag yangtsholyang tshol / g.yag myed na g.yag kyang tshol / rje dang dang dangs gyI rje gyang ka snam brgyad du /
(v2-03) sha shor du gshegs / dgo 'drIm du gshegs / jo mo tshogs snam za'I snam khrId ma'i mchid na re / jobojo bo ma /
(v2-04) gshegs rje dang dang dangs kyi rje ma gshegs / myI ni zhal ma 'tshol sgyed po nI ngo ma gnags / re bo nI dud ma /
(v2-05) serd / jobojo bo ma gshegs ces bgyIs pa dang / dbu bzung ni zhabs shord / zhabs bzung na nI dbu shord te /
(v2-06) skyes bu rgyen du zhugs na ngom ngom lta' / rta po na thur du bzhud na 'thar 'thar lta' / byang 'brog /
(v2-07) snam stod na srin sha zhIg phasepha se byung na / bab ru rIngs phas se byung srIn sha bsad pa dang nyI ma nab nub na / /
(v2-08) sha lcags kyI nang du btsud / mnyen mo'I nang du btsud ser bshIg pa se 'bab 'byum bdun zhig phas se / /
(v2-09) bab / srIn zha mo dgu lcogs mos / kha nas lag bcug khong nas snyIng phyung ste / rje dang dang dangs gyI rjederrje der /
(v2-10) bkrongs kyIs myed / rta ra [gu?] du ron gyIs zhag gzhes kyang de bzhIn / zhag gnyis gzhes kyang de bzhin / bzhengs ma sbyod de mtho /
(v2-11) mkhar las thugs chad dam / bzang 'phro bzhi las thugs chad dam / rje dang dang dangs kyI rje phyi bltas na bya spu tsam / khong /
(v2-12) bltas na khrag ljI ba tsam ma mchIs / sha bltas nas+n nI dung bas dkard / spyan bltas nas+n nI mthing bas sngo / phyag gI theb gong du sha breng /
(v3-01) $ / / mnyen mos'ismos 'is phyag gI 'thes la bskrIs te rta ra gu du ron gyis / bkri zhIng bshal bshal nas / gram pa skya la ma drangs / g.ya' sngo la ma
(v3-02) bshal / spang sbur la drangs / jomojo mo tshog snam za'I snam khrid mas / bltas shIng gzIgs pa na' / sngun ni jIkhridji khrid na nag po nI lug tsam zhIg slad nas
(v3-03) 'brang ba nI ri bong nI skya bo tsham zhig drud cing nI bshal lo lta / jenyeje nye ni jenyeje nye nas sngun na ni khrid pa zhIg / ra gu nI du ron zhig mod / slad na nI khrid pa ni /
(v3-04) rje dang dang dangs kyI rje nongs pa nI spur ba lta' / yul dang yul gyI dbye bkra'i nang du gshegs / jomojo mo tshog snam za'I snam khrid mas phyag ma /
(v3-05) dud kyis 'tshald / sle ba ni leb kyIs blangs / ri dags rI phyogs rI ni bcad myI chung che ru brtsIs lud du gtang kung myI mtho dma' ru brkros sta la
(v3-06) nI ra yang bkrIs lung nas nI 'brongyang'brong yang bshas rgyal tag brgyad nI bas las bres / gur kar lung du phubstephubs te bong steg ye nI thang la /
(v3-07) brtsIgs / do ma snying dagsudags su rta khrin khrin gyis bsad na / ra gu du ron zhig dmag rams kyi rtar da' cha / rta ragura gu du ron nI khrid cen khrid kyis bsad de rta rang
(v3-08) gis rang chas / jomojo mo tshog snam za'I snam khrid mas / rje nongs pa'I slad bzhIn so yul na bsdang zhIng brag brag gIs yul na rje bdag skyes bu rang
(v3-09) chas na khong du lcags myi tsha / myI mo rang chas na mgul du rtsad myI tshatetsha te / rje dang dang dangs kyI rje'i phyIr khab dbye snam za'I snam khrid ma rang gis /
(v3-10) rang chas te mdzo rang gis rang chas na pha myIng byams kyis rtsaldpa'Irtsald pa'i mdzo skyi lde ru bran gis rang gis rang chas / mdzo'I slad du las na' /
(v3-11) myi mdzo snar ma slad du las / myI mdzo snar ma chab gang re chung / yang ba re thung / pha pha se gshegs na gshen rabs kyi myI bo pha se gshegs /
(v3-12) gshang dril chen na phyag ma g.yon na snams / gshog the ra ther bu nI phyag ma g.yas na snams / shI ni bdur rlag ni tshol / myI gshIn ni gshen kyis sadosad do
(ad) [-g] pha' na nas [ka?]l nyI shu' rtsa bdun