Old Tibetan Documents Online བོད་ཡིག

Text Archives > ITJ_0737-3

IOL Tib J 737-3 (= vol. 56, fol. 11, Fragment 63)
    This Text All the Texts Find both and  
1. Content : Tibetan version of Rāmāyana stories.
2. Note : scroll. The beginning and end are missing. Recto, Chinese Buddhist text. Cf. Enoki (1962: C52). Verso, 52 lines of a part of Tibetan version of Rāmāyana stories.
3. References :
de Jong (1977) [I.Translit.], de Jong (1989) [I.Translit., I.Trans.].

Transliteration   (Change the Display Format)

(1) [---]
(2) [---]d// མཚེ་འུ་ལང་ལིང་ནྀ་[---]
(3) [(/)]ངུལ་ད་ཆབ་ལ་r[---]བ་ནྀ་སྒྲ་དང་དང་དྀང༎ ལྷ་བྱ་གནམ་ལ་[---]
(4) ཀུར་ཐབས་མཁའ་ལ་ཕུར་པ་ནི་བཀྲ་ཡེར་ཡེར༎ ན་བུན་རྀ་ལ་[---]
(5) དཔག་བསམས་ཀྱྀ་ཤིང། རྀན་པོ་ཆེ་འི་འབྲས་བུ་འབྲུལ་ཞིང༎ [---]
(6) 'bod thong thong / rtsI shing ngang ldum bu men tog rgyas pa nI // yid bzhin gyI nor bu [---]
(7) འྀ་སེར་བུ་ནྀ་ངད་ངད༎ རྀན་པོ་ཆེ་སྣ་ཚོགས་འབྱུང་བ་འྀ་རི་ལ༎ གཡུ་བྲག་སྔོན་པོས་སྤྲེལ་པ་ན་[---]
(8) རེ་བ་ཡོངས་སུ་སྐོངས་པས། དགའ་ཡལ་ཡལ༎ ནགས་ཚལ་སྟུག་པོ་དག་ན༎ སྤོས་ཀྱྀ་རི་དགས་[---]
(9) འབབ་ཅུ་གཙང་མ་ནི་དབའ་རྒལ་དང་ལྷག་ལྷག༎ གཡུ་འྀ་གྲམ་བུ་ནྀ་སིལ་སྀལ༎ ཆན་དན་གྱྀ་དྲི་ch[---]
(10) གསེར་གྱི་བྱེ་མ་དག་ནྀ་ཕང་པུང༎ རྩྀ་དོག་བཟང་པོ་དག་ནྀ་ལྡེམ་ལྡེམ་སྟེ༎ འདྀ་ལྟ་བུ་འྀ་ཡུལ༎ ལྷ་d[---]
(11) འོས་པ་ཞིག་ལས༎ སྲྀན་པོ་སྡེ་ཚན་ཆེན་པོ་ཞིག་གནས་སྟེ༎ འདྀ་འི་རྒྱལ་པོ་ཡག་ཤ་ཀོ་རེ་ཞེས་བྱ བ་ཞིག [---]
(12) དང་གཟྀ་བྱིན་དུ་ཆས་ལ་རྩལ་དང་དྲག་ཤུལ་དུ་ལྡན་བས༎ སྲིད་པ་གསུམ་ལ་དབང་བ། མ་ཧ་དེ་བ་དང། བརྒྱའ་བྱིན་ལ་stsa[---]
(13) པ། ལྷ་མྱྀ་གཞན་གྱིས་ནྀ་མྱི་བཐུབ་initial b is written interline པས། སྲྀན་པོ་འི་འཁོར་འདྀ་ལྟར་དར་ཆིང་རྒྱགས་སྟེ་༎ ལྷ་དང་མྱི་ལ་སྩོགས་པ་དཀར་
(14) པོ་འི་ཕྱོགས་ནྀ་དམས་ཤིན་འགྲྀབས༎ འདྲེ་སྲིན་ལ་སྩོགས་པ་ནག་པོ་འི་ཕྱོགས་ནྀ། འཕེལ་ཅིང་དར་ཏེ། ལོ་ཉེས་དང་ནད་ལ་སྩོགས་
(15) རྒྱུན་དུ་བྱུང་ནས༎ སྲྀད་པ་གསུམ་ལ་གཐོགས་པ། ལྷ་རྣམས་[---]བཀའ་གྲོས་མཛད་པ། སྲིན་པོ་འི་འཁོར་འདྀ་ལྟར་དར་ཆིང།
(16) [---] ལྷ་མྱྀ་འི་སྲིད་[]རབ་དུ་དམའ་སྟེ་མ་ལེགས་ཀྱིས་ཀྱང། སྲིན་པོ་འདྀ། སྲིད་པ་གསུམ་ལ་དབང་བའ་+འ་ ལྷ་མྱི་གཞན།
(17) [---]ཐུབ། ན༎ དྲང་སྲོང་[---]ལྷ་མོ་གཉིས་བཤོས་ན་ནྀ༎ འདྀ་འི་སྲས་ཀྱིས་ངེས་པར་ཐུབ་པར་དཔྱད།
(18) [---]pal ལྷ་མོ་གཉིསgny[i]s ལ༎ ལྷ་ནམས་ཀྱིས་གསོལ་པ༎ ཤེས་རྫོགས་མཉེན་མཛེས། དགེ་བའི་
(19) [---]བསལ་པྱིར་མྱེ་ལོང་རྟག་དུ་ལྟ༎ འདོད་པ་འྀ་སྡུག་བྲལ་པུན་སུམ་མྱི་གདུང་ཡང། ལྷ་མྱྀ་ཡོངས་
(20) [---]srol བའྀ་རིགས་ཤེས་གསོལ་པ་ལས། དྲང་སྲོང་དང་དཔལ་ལྷ་མོས་བཀའ་སྩལ་པའ།
(21) [---]ཡན་ཞིང། མཐོ་རིས་ལས་དང་འགལ་མོད་ཀྱི༎ ལྷ་མྱོ་མྱི་ ཡོངས་ལ་བརྩེ་བ་འྀ་པྱིར། གཟིགས་པ་
(22) [---]r ཕྱ་ཞེས་གསུང་ནས། སོ་སོ་ནས་མཛུམ་བ་ཙམ་གྱིས་སྲས་ཆགསྟེ༎ དུས་སུ་བཙས[btsa]s པ་འི་
(23) [---]པ་ཐོས་ཀྱི་སྲས་སུ་བཏགསོ༎ དེ་ནས་རྣམ་ཐོས་ཀྱི་སྲས་ཀྱིས༎ ཡུལ་ལང་ཀ་པུ་ར་འི་
(24) [---]པར། ཁ་བཏག། བཉལ་བཆད་དེ། མྱེད་པར་བྱས་ནས༎ ཡུལ་ཡང་ལྷ་དང་མྱིས་བཀང་ངོ༎
(25) ཡག་ཤ་ཀོ་རེ་འི་བུ། མ་ལྱ་པན་ཏ ཞེས ཚེམ་བུ་ན་འདུག་པ་གཆིག་པུད་དུ་བཞག་པ་དེ་སྐྱེས་ནས༎ བསམས་ན༎ ཡུལ་
(26) མྱྀ་ཁྱིམ་ཚེས་ཀུན་ལ༎ ཕ་མ་དང་གཉེན་འདུན་དུ་བཆས་པ་ཤེ་དག་ན༎ ང་འྀ་ཕ་མ་དང་གཉེན་འདུན་གོ་གར་སོང་
(27) སྙམ་ནས༎ ཡུལ་དེ་ན༎ བྲམ་འཛེ་ར་ཏ་ན་ཞེས་བྱ་བ་ལ་དྲྀས་པ་དང། ར་ཏ་ན་ན་རེ༎ ཁྱོད་ཀྱི་ཕ་ནྀ་སྲིན་པོ་འི་རྒྱལ་པོ་
(28) ཡག་ཤ་ཀོ་རེ་ཞེས་བྱ་སྟེ༎ གཟྀ་བྱིན་དང་མཐུ་སྟོབས་སུ་ཆས་ལ། རྩལ་དང་དྲག་ཤུལ་དུ་ལྡན་བ་ཞིག་སྟེ། ལྷ་མྱྀ་གང་གིས་ཀྱང་མྱི་
(29) ཐུབ་པ་ལསྟེ་ལས་ སྲྀན་པོ་འི་འཁོར་མང་པོ༎ ཡུལ་འདྀ་ན་འཕགས་པར་སྐྱིད་ཆིང་ལོང་སྤྱོད་ཆེ་བ་ལས༎ ལྷ་རྣམས་ཀྱིས་
(30) ལྟོ་བགྱིསྟེ། རྣམ་ཐོས་ཀྱི་སྲས་ཀྱིས༎ འགྲེང་གཆིག་མྱེད་པར་ཁ་བཏག་བཉལ་བཆད་དེ༎ མྱེད་པར་བྱས་ནས་ཡུལ་ཡང་ལྷ་དང་མྱིས་བཀང་ངོ ༽་༎ པུད་དུ་བཞག་པ་ཁྱོད་ཡིནyi[n]
(31) ནོ་ཞེས་བྱས་པ་དང༎ ཤིན་དུ་ཡིད་ལ་གཆགས་སྙིང་ན་ནས༎ འདྀ་ལན་ཀླན་བར་དམ་བཆས་ན༎ དངོས་ནི་མཐུ་
(32) རྩལ་ཆུངས་པས་མྱྀ་ཐུབསྟེ༎ སྐྱབས་ཆེད་པོ་འགའ་ཞིག་ལ། བརྟེན་ན་འགྲུབ་བོ་སྙམ་ནས༎ ཚངས་པ་འི་སྲས།
(33) བྀ་ཤུ་ར་སེ་ན་ཞེས་བྱ་བ༎ རྣམ་པར་རྒྱལ་བ་འྀ་ཁང་བཟངས་ཀྱྀ་སྒྱེད་མོ་ཚལ་ན། ལྷ་འི་དྲང་སྲོང་སྒྲུབ་ཆིང་བཞུགས་པ་
(34) འྀ་ཞ་འབྲིང་དུ་ཁས་བླངསྟེ༎ ལོ་མང་མོ་འི་བར་དུ༎ བཀུར་སྟི་དང་རྀམ་གྲོ་མཉེས་པར་བྱས་སོ༎ ལན་ཆིག་ན་མན་
(35) ལྱ་པན་ཏས། ཉམ་སད་ཕ་འྀ་པྱིར༎ ལྷ་འྀ་དྲང་སྲོང་ལ་གསོལ་པ༎ བརྩེར་དགོངས། གུས་པས་འབུལ་བ་བཞེས་
(36) ལགས་སམ་ཞེས་བྱས་པ་དང༎ དྲང་སྲོང་གིས་བཀའ་སྩལད་པ༎ ང་ནྀ་ཙངས་ཕ་འྀ་ལོང་སྤྱོད་ལ་མ་ཆགསྟེ། དབེན་
(37) བ་འྀ་གནས་ན། ལྷ་འྀ་དྲང་སྲོང་མཛད་པ་ལ་ཇྀ་ཡང་མྱྀ་དགོས་མོད་ཀྱི༎ སེམས་ཆན་བསོད་ནམས་ཐོབ་པར་
(38) བྱ་བ་འྀ་པྱིར༎ སྦྱྀན་བར་སྟོབས་པ་འྀ་ནོར་བླང་ངོ་ཞེས་བྱས་སོ༎ དེ་ནས་ཞག་གསུམ་ལོན་བ་དང། བུ་མོ་ཁྲིད་
(39) དེ་འོངས་ནས། མན་ལྱ་ཕན་ཏས། ལྷ་འྀ་དྲང་སྲོང་ལ་གསོལ་པ༎ འཇྀག་རྟེན་དག་ན་གཉི་ཟླ་དྲོ་བ་དཀོན།
(40) བདག་ལ་བྱམས་པ་ཁྱོད་ལས་གཞན་མྱི་བཞུགས། དྲིན་གཟོ་ལན་དུ༎ བདགི་བུ་མོ་མེ་ག་སྀ་ན་འབུལ་ན་བཞེས་
(41) སུ་གསོལ་ཞེས། བུ་མོ་ཁྲིད་དེ་འོངས་ནས་པུལ་བ་དང༎ དྲང་སྲོང་རབ་དུ་མྱྀ་དགྱེསྟེ། བུ་མོ་འདྀ་བླངས་ན་ནི། དྲང་སྲོང་གི་
(42) ཆོས་ལུགས་ལས་ཀྱང་འགལ། ཞིང། འཇྀག་རྟེན་གཞན་གྱིས་ཀྱང་དཔྱས་པར་འོང༎ མྱྀ་བླང་ན་ནི༎ སྦྱྀན་བར་བྱས་
(43) པ་འྀ་ནོར་བླང་ངོ་ཞེས། སྔར་སྨྲས་པ་འྀ་ཚིག་ལས་ཀྱང་འགལ་ན༎ ཇྀ་ལྟར་བྱ་སྙམ་ནས། ཅང་མྱི་གསུང་སྟེ་
(44) མྱྀ་དགྱེས་ཤིང་བཞུགས་པ་དང༎ ཡང་མན་ལྱ་ཕན་ཏས་གསོལ་པ༎ ཀུན་དང་འདྲའ་བ་འྀ་བདེ་མཆོག་ལོང་སྤྱོད་
(45) ནྀ། གཟི་མདངས་མཛེས་པ་འྀ་མདོག་དང་བསྟེན་པ་ལགས༎ དཔལ་བརྗོད་འཕྲུལ་གྱྀ་བསྟེན་གྲོགས ལྷ་མོ འདྀ། ཁྱོད་
(46) ལ་འཚམ་ཞེས༎ ཀུན་སྟོད་སྐུ་མྱི་ངས༎ མགོ་འཕང་དམའ་ཞིང་སྐབསུ་ཟུར་མྱིག་ཆན༎ ཡིད་ཙམ་མཛུམ་
(47) ཞིང་གཞོག་སྟེགས་ཚུལ་ལས་མཁས༎ འཇོ་སྒེག་ཆེ་ཞིང་བྱྀ་བྱད་དག་ལ་བརྩོན༎ ལྷ་མོ་ནང་ན་དཀོན་བ་
(48) འདྀ་བཞེས་ཤིག་ཆེས་གསོལ་པ་དང༎ དྲང་སྲོང་གིས་བཀའ་སྩལད་པ༎ དྲང་སྲོང་ལས་མཆོག་སྤྱོད་པ་འིས།
(49) དཔལ་བརྗོད་ལྷ་མོ་དག་ཏང་བརྟེན་བ་མ་ཡྀན་ཡང༎ སེམས་ཆན་དམན་བས། ལོ་ཟླ་མང་མོ་འདའས་
(50) པ་འྀ་སྔོན་རོལ་ན༎ རྩེ་གཆིག་བསམས་པ་འྀ་དོན་ཆེད་འདི༎ དམ་ཆོས་ཚུལ་དང་འགལ་མོད་ཀྱི༎
(51) [---]བ་ཡོངསུ་མ་བསྐངས་ན༎ ཕ་བསད་པས་ཀྱང་དེ་མྱི་དགའ༎ དེ་པྱིར་མཛེས་སྡུག་འདྀ་ཡང་བཞེས་པར།
(52) [---]ཞེས་བཀའ་སྩལ་ནས༎ ངེད་ལྷ་འྀ་ཆོས་ལུགས་ཀྱིས་སྔར་སྨྲས་པ་འི་ཚིག་ལ་འགལ་བར་མྱི་
';