Old Tibetan Documents Online བོད་ཡིག

Text Archives > ITJ_0738

IOL Tib J 738.2 (= vol. 55, fol. 6) + 738.1 (= Ch.IV.3.a = Scroll Box 142) + 738.3 (= Ch.73.IV.3.a = vol. 72, fols. 34-36)
    This Text All the Texts Find both and photo (IDP) : 2, 1, 3
1. Content : Divination with dice.
2. Note : scroll. Originally a single document which is now divided into three parts numbered 738.1, 738.2, and 738.3. Recto, Tibetan Prajñā-pāramitā in 100,000 verses which is not included in this edition. Cf. Vallée Poussin (1962: 234). Verso, 738.1, 90 lines, 738.2, 33 lines and 738.3, 162 lines. The reading order is 738.2, 738.1 and 738.3. The beginning and the end are missing. Numbering: 1v16 = 738.1, verso, line 16. At the level of l.123, in the right half portion, there is an additional writing written in inverted direction.
3. References :
Thomas (1957: 113-140) [P.Translit., P.Trans.],Vallée Poussin (1962: 234),Tōyō Bunko (part 8, 61),Xie (1982) [P.Translit., P.Trans.],Wang and Chen (1988: 105-122 in Chinese, 200-232 in Tibetan) [P.Translit., P.Trans.].

Transliteration   (Change the Display Format)

(2v1) [---] [-]d[-] [---]
(2v2) [---] [-]s དང་n[-] [---]
(2v3) [---]མ་ཧའྀ་མོ་ལ་བབ་སྟེ༎ ལྷ་འོ་ཅོག་ཐམས་ཤད་[---]
(2v4) [---]དྲ་བ་འམ༎ ལྷ་བགྱེགས་ཀྱྀས་འཕངས༎ གདོན་ཁྱྀ་[---]
(2v5) བྱས་ཀྱང་མྱྀ་ཕན༎ འདྲོན་པོ་ལ་བདབ་ན་མྱྀ་འཁོར༎ གསོལ་ཤག་[---]
(2v6) ཕྱ་ལ་བཏབ་ན་ངན༎ དགྲ་ཕྱ་ལ་བཏབ་ན་དགྲ་ཕྲད་པའྀ་ངོ་ཡོད༎ མོ་འདྀ་ངན་[---]
(2v7) [-]co དེ་རྗེ༎ མནའ་བསལ་ནྀ་ཡོངས་མྱྀ་ཆེ༎ བཙའ་ཞྀང་ནྀ་བསྡུ་མྱྀ་འཚལ༎ [---]
(2v8) དཀར་མོའྀ་མོ་ལ་བབ་སྟེ༎ དབྱར་ནྀ་ལངས་དགུན་ནྀ་ཉལ༎ ཟས་སུ་ཟྀལ་པ་[---]
(2v9) [-]o ཀྱང་འགྲེང་མྱྀ་འོ་ཅོག་ལ་གནོད་པ་དང་འདྲ་སྟེ༎ ལྷ་བཀུར་ཕོད་པ་ཞྀག༎ [s?-] [---]
(2v10) [---]བཅས་ན་དབབ་མྱྀ་འདྲྀལ༎ རྗེ་བཙན་བ་ལ་སྐྱབས་བཙལ་ན། དགྲས་མྱྀ་ཚུགས་[---]
(2v11) གདོན་ལན་མ་མཆྀས༎ ཁྱྀམ་ཕྱ་དང་སྲོག་ཕྱ་ལ་བཏབ་ན་བཟང༎ དགྲ་ཕྱ་དང་[དོན་ཕྱ་ལ་བཏབ་ན] [---]
(2v12) [---]བཅོད་ལག་བྱུང་ན་རྙེད༎ གསལ་བ་ལ་བཏབ་ན་གནང༎ འབོ་སྐྱས་བྱས་བྱས་na[-] [---]
(2v13) ཀྱང་[---] [---]@@་། @་༎ ཀྱེ་ལྷོ་ག་ནྀ་མཆྀད་དྲུང་ནའ༎ སྤྲེའུ་ཅྀག་ནྀ་སྒྲྀན་བཞེད་སྟེ༎ [---]
(2v14) ཟས་[---][---]གྱྀ་དུག་དང་མཇལ༎ ཕྱྀར་ཞྀང་ནྀ་ཉམས་མྱྀ་དགའ༎ ནམས་ཀྱང་ནྀ་ཤ་རུ་གོང༎ མོ་འདྀ་
(2v15) ཆྀག་ཤྀན་[---]ལ་བབ་སྟེ༎ མཁོན་ཀྱྀས་སྣ་དྲངས་ཏེ༎ ཕོ་ས་ནས་སྲྀ་དང་རྒྱལ་བྱྀན་དང་འགོང་པོ་ཆེ་སྟེ༎ བསམb[sam?]
(2v16) བཞྀན་མྱྀ་འགྲུབ༎ སོ་ནམ་དང་ཆུ་སྲྀད་བར་དུ་ཡང་ཞུགས་ཞྀང་འདུག་པས༎ གདོན་ལན་འདྀ་དག་[བསྐར?]ན༎ ཆེར་ན་[---]
(2v17) [---] [-]ng [འབྱང(/འབྱུང)] འོག་དུ་ནྀ་བྱེ་ཟལ་དུ་འགྱུར་འོ༎ ཆུ་སྲྀད་ལ་ཡང་གནོད་དོ༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ གདོན་khyI[-]
(2v18) [---] [ཨཱྀང?]འདུག༎ དགྲ་ཕྱ་ལ་བཏབ་ན་དགྲ་དང་ཕྲད་པའྀ་ངོ་ཡོད་དོ༎ དོན་གཉེར་ན་མྱྀ་གྲུབ། འདྲོན་པོ་ལ་བཏབ་ན་མྱྀ་[---]
(2v19) [---] [-]s ན་མྱྀ་གནང༎ ཚོང་བྱེད་ན་མྱྀ་རུང༎ མོ་འདྀ་ཅྀ་ལ་བཏབ་ཀྱང་ངན་འོ་[---]@@@@་། @@་། @@@@་། ཀྱེ་ཕུ་སུམ་[ནི?] [---]
(2v20) [---]བ༎ མདའ་སུམ་ནྀ་མ་བྱྀ་ན་གྱུར་སྲམ་ནྀ་སྙན་མ་སྲ༎ ཀླུ་ལུང་ནྀ་[---] [སྟེངས?]ན༎ མུ་སྨནsma[n] [---]
(2v21) [---] [-]ms// བཀའ་སྙན་ནྀ་གསུང་བྲེས་པས༎ དགྱེས་སོ་ནྀ་ཁུས་མ་གདབ༎ མོ་འདྀ་ནྀ་[ངན?་པ?]ཉེny[e?] [---]
(2v22) གཙུག་ལག་ཀྱྀ་མོ་ལ་བབ[ba?]b སྟེ༎ [---]ཡྀད་ལོ་འཏད་ཅྀང་འཕྲོད་པ་དང་འདྲ་སྟེ་བཟང་རབ་བོ༎ ཁྱྀམ་ཕྱ་དང་སྲོག་ཕྱ་ལ་བཏབ་ན་
(2v23) བཟང༎ དགྲ་ཕྱ་དང་དོན་ཕྱ་ལ་[བཏབ]ན༎ དགྲ་ཕྱ་མྱེད་དོན་གྲུབ༎ གསོལ་ཤགས་བྱས་ན་གནང༎ འདྲོན་པོ་ལ་བཏབ་ན་ཉེ་བར་'te[-]
(2v24) ཅྀ་ལ་བཏབ་ཀྱང་བཟང་རབ་འོ༎ @@@@་། @@@་། @@@་། ཀྱེ་[གོང?] [སྲག?]ནྀ་མ་བུ་གཉྀས༎ ཟས་ཀྱྀ་ནྀ་སྐལ་པོག་པ༎ སྲུ་སྲུ་ནྀ་ལོ་bza[-] [---][---]
(2v25) ཅག་ནྀ་ཐེ་ནེ་ལོ༎ སྐོམ་ཀྱྀ་ནྀ་སྐལ་ཕོག་པ༎ གཡ་ཆབ་ནྀ་སྀལ་མ་གསོལ༎ རྫྀའུ་ནྀ་འདྲན་ཏོར་གྱྀས་ཆབ་ཀ་ནྀ[n]I [---]
(2v26) ཆབ་འཚལ་ནྀ་གནས་མ་མཆྀས༎ མོ་འདྀ་ནྀ་གའུ་[rhwa?]ཙང་གྱ་[---]ལ་བབ་སྟེ༎ མྱྀ་ཁྱོད་གྱྀ་སྙིང་ལ་དོན་ཅྀག་g[-] [---]
(2v27) དགྲ་ཞྀག་རྫྀ་བ་དང་འདྲ་སྟེ་ཐུགས་ཏུབ་མ་བྱེད་ཅྀག༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ ཐུགས་ཏུབ་མ་བྱེད་m[-] [---]
(2v28) ཐུབ་པར་གྱྀས༎ གསོལ་ཤགས་བྱས་ན་མྱྀ་གནང༎ འདྲོན་པོ་ལ་བཏབ་ན་མྱྀ་འཁོར༎ དོན་གཉེར་ན་མྱྀ་འགྲུབ༎ [སྲྀད?]ཕྱ་ལ་བཏབ་ན་སྲྀད་
(2v29) མྱེད༎ མོ་འདྀ་ཅྀ་ལ་བཏབ་ཀྱང་ངན༎ @@@@་། @@@་། @@@ཀྱེ་གཡ་མཚོ་ནྀ་ངུར་འཕྱོ་བ༎ མཚོ་སྨན་ནྀ་གཉན་གྱྀ་དྲྀན༎ མེན་ཏོག་ནྀ་ཧྭ་ལོ་
(2v30) མཚོན༎ ནེའུ་སྀང་ནྀ་སྤང་གྱྀ་རྒྱན༎ སྤང་རྒྱན་ནྀ་མཚོm[tsho?] [---][-]n ནྀ་ལུས་ལ་འཚོགས༎ ཡུལ་ས་དཀར་མོའྀ་མོ་ལ་བབ་སྟེ་
(2v31) [-]n ཕྱ་དང་སྲོག་ཕྱ་ལ་བཏབ་ན་བཟང༎ [---] [-]tab ན་དགྲ་མྱེད༎ གསོལ་ཤགས་བྱས་ན་ནང༎ བོར་ལག་[བྱང(/བྱུང)]
(2v32) [---]རྙེད༎ མོ་འདྀ་ཅྀ་ལ་བཏབ་ཀྱང་[---]
(2v33) [---]
(1v1) [---] སྡུག་[ཁམ?]ན་སྐྱུད་བཞད་པས་ཟླ་བསཅན་ན་
(1v2) [---]འབྲང༎ ཟླ་གྲོངས་ནྀ་ཆབ་ལ་གྲོངས། སྦྲྀབས་ཏེ་ནྀ་མ་གྲོངས་ཀྱང༎ བསེར་ཏེ་ནྀ་གྲོངས་དུ་ཆེ༎ མོ་འདྀ་ནྀ་གཞན་ལ་ནྀ་ངན།
(1v3) སྲོག་ཕྱ་དང་དགྲ་ཕྱ་ལ་བཏབ་ནྀ་བཟང༎ @@@@་། @@་། @@་། ཀྱེ་མཐོ་སྟེ་ནྀ་དཔེ་རེ་ལེགས༎ རྒྱལ་ཙན་ནྀ་གང་ང་ཅུང༎ མཁྱེན་མ་
(1v4) ནྀ་མ་བསོགས་པར༎ [སེན(/པེན)]མེན་ནྀ་ཕོ་བ་རྀས༎ ཟུར་བཞྀ་ནྀ་ལོགས་དང་བརྒྱད༎ བཟང་གན་ནྀ་བསྩོགས་པར༎ བཟང་[ལྡ(/ལྷ)] [---]
(1v5) ལ་འཚོགས༎ མྱྀ་མགོན་ནྀ་ཕུདུ་དུ་བགྱྀ༎ འདྀ་ནྀ་གེའུ་ཤྀ་ཏང་ཤོ་ཏྲའྀ་མོ་ལ་བབ་སྟེ༎ བདག་གྀས་ལས་ཐམས་ཤད་བྱས་[---]
(1v6) ཕྱྀན༎ ཁྱྀམ་ཕྱ་དང་སྲོག་ཕྱ་ལ་བཏབ་ན་བཟང༎ དགྲ་ཕྱ་དང་གདོན་ཕྱ་ལ་བཏབ་ན༎ དགྲ་གདོན་མ་མཆྀས༎ གསོལ་[---]
(1v7) གནང༎ ནད་པ་ལ་བཏབ་ན་སོས་པའྀ་ངོ༎ བོར་ལག་བྱུང་ན་རྙེད། འདྲོན་པོ་ལ་བཏབ་ན་འོང༎ མོ་འདྀ་ཅྀ་ལ་བཏབ་[ཀྱང] [---]
(1v8) @@@@་། @@་། @་། ཀྱེ་ཕས་གྱྀ་ནྀ་བཅུ་རུ་ཕོ༎ དབུ་ལ་ནྀ་རུ་འཕན་ཡང༎ རྡུང་ཞྀང་ནྀ་སྙོགས་མྱྀ་མཁྱེན༎ རུ་འཕན་ནྀ་ཅྀ་ལ་སྨན༎
(1v9) དྲུམ་[བུ(/ཅུ)]ནྀ་ལྡོངས་བཟངས་ལ༎ རྒོད་གྀ་ནྀ་གཤོགས་བཏགས་ཀྱང༎ མ་འཕངས་ནྀ་བཞུད་མྱྀ་མཁྱེན༎ མཚོན་གྱིས་ནྀ་དགྲ་མྱྀ་
(1v10) ཐུབ༎ གཤོག་བཏགས་ནྀ་ཅྀ་ལ་སྨན༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན་བཟང༎ གཞན་ལ་ནྀ་ཕྱྀ་དལ་ཡོད༎ [མྱྀ?]
(1v11) @@@@་། @་། @@@@་། ཀྱེ་དགུང་སྔོ་ནྀ་མཐོན་གོང་ལ༎ སྨྱྀན་དུག་ནྀ་བཙན་མོ་སྐར༎ དགུང་ལ་ནྀ་ཡན་ཡན་ཅྀང༎ དོག་སྲས་ནྀ་སྐར་གོ་[---]
(1v12) དགུང་ལ་ནྀ་ཕང་མ་ཕུང༎ གཟ་སྐར་ནྀ་གཅྀག་མྱྀ་འཚེ༎ རྩང་རོལ་ནྀ་ཡན་ཏེ་གཤེགས༎ མ་མོ་ འདྀ་ནྀ་ཐན་ཅྀ་ཧྭ་ཡེན་གྀ་མོ་བབ་[---]
(1v13) ཁྱྀམ་ཕྱ་དང་སྲོག་ཕྱ་ལ་བཏབ་ན༎ མྱྀ་ཁྱོད་ལ་ལྷད་པལ་བཟང་པོ་ཅྀག་འགོ་ཞོང་འཆེས་ཞྀང་འདུག་པས། བགྱེགས་སིལ་ལ་ལྷ་
(1v14) [མཆོད?]ཅྀག། ཅྀ་བསམ་བ་བཞྀན་དུ་གྲུབ་པར་འོང་འོ༎ མོ་འདྀ་ཅྀ་ལ་བཏབ་ཀྱང་བཟང༎ @@@་། @@@་། @@@་། ཀྱེ་རྗེ་བཙན་ནྀ་བུ་ཅྀག་པ༎ [---]
(1v15) དྲག་ནྀ་བསྙེམས་བཙལ་སྙམ༎ དྲག་[གངུག(/གདུག)]ནྀ་གདོན་དང་མཇལ༎ ཕྱྀར་ཞྀང་ནྀ་ཉམས་མྱྀ་དགའ༎ དངོས་གྀ་ནྀ་དུག་དང་མཇལ༎
(1v16) ཁྱྀམ་ཕྱ་དང་སྲོག་ཕྱ་ལ་བཏབ་ན༎ ཡེན་[---]དང། སྐག་སྔངས་དྲག་པོ་ཞིག་འོང་འོ༎ བག་དང་རྀམ་འགྲོ་དང་དམྱྀག་རས་[---]
(1v17) མོ་འདྀ་ནྀ་ཅྀ་ལ་བཏབ་ཀྱང་ངན་འོ༎ @@@་། @@@@་། @@@་། ཀྱེ་གང་ལྷ་ནྀ་ཞལ་ན་རེ༎ རྗེ་ལ་རྒྱལ་ནྀ་བཙན་གྀ་འབངས། རྗེག་ནྀ་བོན་གྀས་
(1v18) ཁོགས༎ ཆྀབས་ཁ་ན་སྲབ་གྱྀས་འཛྀན༎ དེ་ཕྱིར་ནྀ་བཙན་གྀ་འབངས༎ མྱྀ་ཁྱོད་ཀྱང་ཕུ་ནུ་དང་སྤུན་མཚན་བསྐོར་མཁས་པ་
(1v19) ཞྀག་སྟེ༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷ་བཀུར་ཕོང་པས༎ ལྷ་འགོ་ཞིང་འདུག༎ སྙྀང་དང་སྦྱན་བ་ཐོང་ན་རང་ལ་pha[-]
(1v20) གདོན་ལན་མ་མཆྀས༎ གཉེན་བྱས་ན་བུ་ཙ་གཞིན༎ ཁང་ཀྱིམ་བྱས་ན་ཁ་དྲོ། འདྲོན་པོ་ལ་བཏབ་ན་འོང༎ བོར་ལག་[བྱུང?]ན་
(1v21) རྙེད༎ མོ་འདྀ་ཅྀ་ལ་བཏབ་ཀྱང་བཟང༎ @@@་། @@@@་། @@ཀྱེ་བཅུ་རུ་ནྀ་འཕན་པོ་སྐྱེས༎ དབུ་ལ་ནྀ་རུ་འཔན་ཡང༎ རུ་འཔན་ནྀ་
(1v22) [---]ལ་སྨན༎ རྡུང་ཞྀང་ནྀ་སྙོགས་མྱྀ་མཁྱེན༎ མཚོན་གྱིས་ནྀ་དགྲ་མྱྀ་ཐུབ༎ དྲུམ་བུ་ནྀ་ལྡོངས་བཟངས་ལ༎ རྒོད་གྀ་ནྀ་[གཤོགས?]
(1v23) [---]ཀྱང༎ མ་འཕངས་ནྀ་བཞུད་མྱྀ་མཁྱེན༎ མོ་འདྀ་ནྀ་གདོན་ཆེ་སྟེ༎ འགོང་དང་ཡུལ་གདོན་ཡོད་ཕས༎ ཆོ་ག་དང་[---] [ལོན?] [ལེགས?]
(1v24) [---]གྱྀས་ཞིག༎ ཁྱྀམ་ཕྱ་དང་སྲོག་ཕྱ་ལ་བཏབ་ན་གདོན་ཆེད་པོ་ཡོད་དོ༎ དགྲ་ཕྱ་ལ་བཏབ་ན་དགྲ་དང་ཕྲད་པར་[འོང?]བས་དགྲ་གྱྀ་
(1v25) གསོལ་བ་དང་ཤགས་བུས་ན་མྱྀ་གནང༎ འདྲོན་པོ་ལ་བཏབ་ན་མྱྀ་འོང༎ དོན་གཉེར་ན་མྱྀ་གྲུབ༎ བོར་ལག་[བྱུང?]ན་ནྀ་རྙེད།
(1v26) མོ་འདྀ་ཅྀ་ལ་བཏབ་ཀྱང་ངན༎ @@@་། @@@@་། @་། ཀྱེ་གངས་སྨན་ནྀ་དགར་མོ་དང༎ གཡ་སྨན་ནྀ་སྀ་ལྀ་མ༎ [---]སྨན་ནྀ་
(1v27) སྣར་མོ་གསུམ་ཐུགས་དགོངས་ནྀ་དད་འཚོགས་ན༎ སེམས་ཤན་ནྀ་ཀུན་ཀྱྀ་གནམ༎ ཆེ་རྀང་ནྀ་ས། གདོན་དང་ནྀ་[ལན?]བྱུང་ཡང།
(1v28) གདོན་ལན་ནྀ་ཅང་མྱྀ་ཚགས༎ མོ་འདྀ་ནྀ་སྨན་གསུམ་བཀའ་+འ་ [བཞིན?]མོ་ལ་བབ་སྟེ༎ ཁྱྀམ་ཕྱ་དང་སྲོག་ཕྱ་ལ་བཏབ་ན་རབ་[ཏུ?]
(1v29) བཟང༎ གསོལ་བ་དང་དོན་ཕྱ་ལ་བཏབ་ན༎ སྐུར་མྱྀ་དགོས་པར་གྲུབ༎ འདྲོན་པོ་ལ་བཏབ་ན་འོང། བོར་ལག་བྱུང་ན་རྙེད་
(1v30) མོའདི་ལ་བཏབ་གྱང་བཟང༎ @@་། @@་། @@་། ཀྱེ་དགུང་སོ་ནྀ་མཐོན་གོང་ན༎ སྨྱྀན་[དུག?]ནྀ་བཟང་མོ་དང། སྨེ་བདུན་ནྀ་གཞི་[འཁོད(/འཁོར)]དང།
(1v31) སྨྲལ་པོ་ནྀ་རྒེད་ཅག་གསུམ༎ ཐུགས་སྙྀང་ནྀ་དད་འཚོགས་ཀྱང༎ མྱྀ་བརྣལ་ནྀ་ཕྱ་དལ་ཆེ༎ མོ་འདྀ་ནྀ་ཁྱྀམ་དང་སྲོག་ཕྱ་ལ་བཏབ་ན་
(1v32) ཁྱྀམ་བཏག་པོ་ཁྲོ་གཏུམ་ཅན་འམ། ལས་བྱ་བར་མྱྀ་བཏུབ་ཞྀག༎ དོན་ཕྱ་ལ་བཏབ་ན་མྱྀ་འགྲུབ༎ དོན་ཕྱ་ལ་བཏབ་ན་དྲྀ་མོ་དང་མྱྀ་[---]
(1v33) དང་ཡུལ་གདོན་གསུམ་དུ་སྟོང་བས༎ ཆོ་ག་དང་ལོན་ལེགས་པར་གྱྀས་ཞིག༎ མོ་འདི་ཅྀ་ལ་བཏང་ཀྱང་མྱྀ་བཟང༎ @@་། @@@@་། @@@@ཀྱེ་
(1v34) ཕོ་རོག་ནྀ་རྀགས་ཀྱྀ་བྱ༎ ཧང་ཏྲོག་ནྀ་རྀགས་གྀས་ཆེ༎ སྤྱན་དམྱྀག་ནྀ་རྀགས་ཀྱྀས་རྣོ༎ བཟང་ཁྲ་ནྀ་གཤོག་དྲག་གྱྀས༎ ཏྭོག་གྀས་ནྀ་
(1v35) བླངས་ཀྱང་རེ༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ སྡུག་ཅྀང་སྔངས་པ་འམ༎ མྱྀ་བདེ་བ་ཞྀག་འོང་བས། བག་ལེགས་པ།
(1v36) གྀས་ཞྀག༎ དགྲ་ཕྱ་ལ་བཏབ་ན་དགྲ་དང་ཕྲད་པའི་ངོ་ཡོད་དོ༎ དོན་གཉེར་ན་མྱྀ་གྲུབ། ཅྀ་ལ་བཏབ་ཀྱང་[མྱི]རུང༎ @@་། @@@@་། @@@་། ཀྱེ་[ལྗོན?]
(1v37) ཤྀང་ནྀ་དྲུང་ཅྀག་པོ༎ ཐོག་བཅད་ནྀ་རྩ་ནས་སྐྱེ༎ སླན་ཅད་ནྀ་ལྕང་ལོ་འཁྲྀལ༎ འོ་སེ་ནྀ་གདང་གྱྀ་རྒྱན༎ མོ་འདྀ་ནྀ་སྔར་སྡུག་ཅྀང་ཕོང་
(1v38) པ་ལས༎ ལྷད་པལ་བཟང་པོ་ཞིག་གྀ་མགོན་ཞིང་བསྐྱབས་པར་འོང༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷ་[པལ?] [ལགོ?]
(1v39) རྗེ་བླས་དང་འདྲོན་པོ་ལ་བཏབ་ན་བཟང༎ ཚོང་བྱས་ན་ཁེ་ཕྱིན༎ མོ་འདི་ཅྀ་ལ་བཏབ་ཀྱང་བཟང་རབ་འོ༎ @@་། @@@@་། @@ཀྱེ་གནམ་[---]
(1v40) ནྀ་ཞལ་ན་རེ༎ སྤང་སྣར་ནྀ་གཡེལ་གོང་དུ༎ ཤ་འབྲྀ་ནྀ་སྨད་པ་ལ༎ ཤ་ཤོར་ནྀ་ཕས་ཀྱང་མཆྀ༎ ལྒོ་བདུན་ནྀ་ཆུས་ཀྱང་[འདྲྀ?]
(1v41) སྐོ་ལ་ནྀ་བདག་གྀ་ཕྱུགས༎ སྡུས་ཅྀང་ནྀ་ར་བར་སྩོལ༎ ར་མཐའ་ནྀ་གངས་གྀས་བསྐོར༎ གངས་མཐའ་ནྀ་བྲག་གྀས་བསྐོར༎
(1v42) མྱྀ་ཁྱོད་ཀྱང་སྡུན་གྱོད་གྀས་ཐོགས་པ་ལས༎ ད་ནྀ་ཐར་བར་འོང་འོ༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ [སྔུན?] [སྡུག?] [ཕྲད?]
(1v43) པ་ལས་ཐར་ཏེ་སྐྱྀད་པར་འོང་བ་དང་ཕྱྀས་ལན་ཡོད་པར། འོང༎ དགྲ་ཕྱ་དང་དོན་ཕྱ་ལ་བཏབ་ན་བཟང༎ གསོལ་བ་དང་[---]
(1v44) བྱས་ན་གནང༎ འདྲོན་པོ་ལ་བཏབ་ན་འོང༎ གཉེན་བྱས་བུ་ཙ་གཞྀན༎ ཁང་ཀྱྀམ་བརྩྀགས་ཁ་དྲོ༎ ནད་པ་ལ་བཏབ་ན་སོས།
(1v45) མོ་འདྀ་ཅྀ་ལ་བཏབ་ཀྱང་བཟང༎ @@་། @@@@་། @་། ཀྱེ་ཅྀ་གསུང་ནྀ་སྨན་ཀྱྀ་དཀོར༎ དགུང་ལ་ནྀ་ཡན་ཡན་ཅྀང་[གནས?]བཙལ་ནྀ་ཐབ་
(1v46) ལེགས་ཏེ༎ ཕུ་སུམ་ནྀ་གངས་གྱྀས་བསྐོར༎ མདའ་སུམ་ནྀ་བྲག་གྱྀས་བསྐོར༎ རྟ་རྐྱང་ནྀ་གཅྀག་མྱྀ་ཐར༎ [འདུན?]ཏོར་ནྀ་གུས་མ་[ཚོལ?]
(1v47) དེ་ཕྱྀར་ནྀ་སྨན་གྀ་དཀོར༎ མོ་འདྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷ་དཔལ་བསྲུང༎ དགྲ་ཕྱ་ལ་བཏབ་ན། དགྲས་མྱྀ་[---]
(1v48) གྲོག་ཕྱ་ལ་བཏབ་ན་གྲོག་ཆེད་པོ་ཡོད༎ དོན་གཉེར་ན་གྲུབ༎ ནད་པ་ལ་བཏབ་ན། མྱྀ་འཇྀ༎ མོ་འདྀ་ཅྀ་ལ་བཏབ་ཀྱང་བཟང།
(1v49) @་། @་། @ཀྱེ་གནའ་དར་ནྀ་རྀགས་ཀྱྀ་བུ༎ ད་རྒུད་ནྀ་སྤྱ་ངར་པབ༎ བཙན་ཕྱུག་ནྀ་རེས་ཀྱྀས་མཆྀ༎ མྱི་ཅུང་ནྀ་ཁ་མ་དྲག༎ མྱྀ་[ཆུང?]
(1v50) ནྀ་ཁ་དྲག་དང༎ བཙན་ངག་ནྀ་བླ་ནས་མཆྀ༎ རྟེའུ་ཅུང་ནྀ་ཁ་མ་དྲག། ཏེའུ་ཅུང་ནྀ་ཁ་དྲག་དང༎ མགྱོགས་གྀ་ནྀ་དཀྱུས་མྱྀ་ཐུབ།
(1v51) ནམ་ཅྀ་ཐན་གྀ་མོ་ལ་བབ་སྟེ༎ མྱྀ་ཁྱོད་ལ་སྡུག་སྔངས་ཅྀག་འོང་གྱྀས་བག་གྱིས་ལ༎ རྀམ་གྲོམ་ཅུང་ཞིག༎ ཁྱྀམ་ཕྱ་དང་[སྲོག?]
(1v52) ཕྱ་ལ་བཏབ་ན༎ ལྷ་གདོན་ཡོད་གྀས༎ ལྷ་ལ་མཆོད་ཅྀག༎ དོན་ཞིག་གཉེར་ན་མྱྀ་གྲུབ༎ འདྲོན་པོ་ལ་བཏབ་ན་མྱྀ་འོང༎
(1v53) མོ་འདྀ་ཅི་ལ་བཏབ་ཀྱང་མྱྀ་བཟང༎ @་། @@@@་། @@@@་། ཀྱེ་ལྷ་རྗེ་ནྀ་ཁྱུང་མཁར་ན༎ མྱྀ་ཅྀག་ནྀ་ཕྱྭ་ལོང་ཅིག༎ ཕྱུགས་[ཅྀག?]ནྀ་གཡང་
(1v54) སྐྱོབས་ཅྀག༎ འགྲེང་ལ་ན་ནི་ བརྫྀད་རེ་ཆེ༎ དོག་ལ་ནྀ་འོ་རེ་བྱམས༎ འབོག་པྱྀ་ནྀ་མཐན་དུ་འཕེལ༎ ཆེ་བཙན་ནྀ་མན་གྀ་[---]
(1v55) མོ་འདྀ་ནྀ་ཀླུ་དང་གཉན་གྀ་མོ་ལ་བབ་སྟེ༎ ཁྱྀམ་ཕྱ་དང་སྲོག་པྱྭ་ལ་བཏབ་ན༎ ཡུལ་ས་དཀར་པོ་དང་སྨན་[འཚེས(/འཆེས)]འགྲོགས་ཅེ་[---]
(1v56) གྲོག་ཕྱ་ལ་བཏབ་ན་གྲོག་ཆེད་པོ་དང་ཕྲད༎ དོན་གཉེར་ན་གྲུབ། ནད་པ་ལ་བཏབ་ན་ཡེན་འདྲོག་དང་བྲལ༎ མོ་འདྀ་ཅྀ་ལ་བཏབ་
(1v57) ཅྀ་ལ་བཏབ་ཀྱང་བཟང་རབ་འོ༎ @་། @@@@་། @@@་། ཀྱེ་གར་གསས་ནྀ་བཙན་བཞུགས་པ༎ ཁ་དྲག་ནྀ་ཀུན་གྀ་རྗེ༎ དུར་[སྔུན?]ནྀ་ཀུན་གྀ་
(1v58) བསེན༎ ཅྀ་བྱས་ནྀ་ཅྀ་རུང་སྟེ༎ བསམ་བ་ནྀ་ཡྀད་བཞིན་གྲུབ༎ ལེགས་ཞྀང་ནྀ་དཔལ་སྐྱེ་པས༎ སེམས་ཤན་ནྀ་ཀུན་གྀ་གནས།
(1v59) མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ མྱྀ་ཁྱོད་གྱྀ་ཕ་མྱེས་ལྷད་པལ་བཟང་པོ་ཞིག་ཡོད་པས་ལེགས་མཆོད་ཅིག༎
(1v60) དགྲ་ཕྱ་ལ་བཏབ་ན་དགྲ་མྱེད༎ གསོལ་ཤགས་བྱས་ན་གནང༎ འདྲོན་པོ་ལ་བཏབ་ན་འོང༎ ཚོང་བྱས་ན་ཁེ་ཕྱྀན༎ མོ་[འདི?]
(1v61) ཅྀ་ལ་བཏབ་ཀྱང་བཟང༎ @་། @@@@་། @@ཀྱེ་གངས་དཀར་ནྀ་རྩ་ཤེད་ན༎ སྤངས་སྣར་ནྀ་གཡེལ་གོང་དུ་གཙོས་བུ་ནྀ་སྣར་མཐའ་ཡ་
(1v62) ནེའུ་སྀང་ནྀ་སྤང་གྱྀ་རྒྱན༎ དགྱེས་སོ་ནྀ་ཁུས་མ་གདབ༎ མོ་འདྀ་ནྀ་ཧ་ཆེན་བུ་ཉེན་གྀ་མོ་བབ་སྟེ༎ མེན་ཏོག་སྤང་ལ་[---]ན།
(1v63) ཀུན་གྀ་དམྱྀག་ལམ་དུ་སྡུག་པ་དང་འདྲ་སྟེ༎ མྱྀ་ཁྱོད་གྱི་སྙིང་རྗེ་ཆེ་བ་ཞྀག་པས༎ ཁྱྀམ་ཕྱ་དང་སྲོག་ཕྱ་ལ་བཏབ་ན་ཅྀ་[---]རུང་བ་
(1v64) འོང་འོ༎ དགྲ་ཕྱ་ལ་བཏབ་ན་དགྲ་མྱེད༎ དོན་ཕྱ་ལ་བཏབ་ན་དོན་གྲུབ༎ གསོལ་ཤགས་བྱས་ན་གནང༎ མོ་ཅྀ་ལ་[བཏབ?]ཀྱང་[བཟང?]
(1v65) @་། @@@@་། @་། ཀྱེ་དགུང་ཀྱྀ་ནྀ་ཕ་མཐའ་ན༎ གསེར་བྱེའུ་ནྀ་ཐེ་བོ་ཙམ༎ གསེར་གཤོག་ནྀ་འདབ་རྒྱས༎ དགུང་ལ་ནྀ་[འཁུམས?] [---]
(1v66) མྱྀ་འཁུམས་ནྀ་སླ་རུ་སྤྱོན༎ མོ་འདྀ་ལེང་བུ་ཧྭ་ཉེན་གྀ་མོ་ལ་བབ་སྟེ༎ ཁྱྀམ་དང་སྲོག་ཕྱ་ལ་བཏབ་ན༎ སྔུན་ཁམ་ཅུ་ཆེད་པོ་
(1v67) འམ་ཆད་པ་ཆེད་པོ་ཅིག་གྀས་ཐེབས་ཏེ་དེའུ་མ་རུང་བ་ལས༎ ད་ནྀ་ཐར་བར་འོང་འོང་འོ༎ དགྲ་ཕྱ་ལ་བཏབ་[?]དགྲ་དང་[---]
(1v68) གདོན་ཕྱ་ལ་བཏབ་ན། གདོན་མྱེད། དོན་གཉེར་ན་གྲུབ༎ ཚོང་བྱས་ན་ཁེ་ཕྱྀན༎ མོ་འདྀ་ཅྀ་ལ་བཏབ་ཀྱང་བཟང༎ @@@@་། @@་། @@་།
(1v69) ལུང་གྀ་ནྀ་མ་མདའ་ན༎ བྱ་ཟ་ནྀ་ཁྱུང་བཙུན་ཅྀག༎ མཚོ་རོ་ནྀ་སྐྱྀ་བཅད་ཅྀང༎ མཐྀང་གྱྀ་ནྀ་འུལ་ཕྲན་ལ༎ ཕྱག་མ་ནྀ་'o[-]
(1v70) རྩེད་དང༎ ཆབ་ལ་ནྀ་ཁང་དབུབ་དང༎ གདུང་ཕྱམ་ནྀ་ཁོད་རེ་སྙོམས༎ ཐུག་ལ་ནྀ་འཕྲུལ་མངའ་བས༎ ཡྀད་བཞིན་ནྀ་lha[-]
(1v71) ཚུལ༎ འདྀ་ནྀ་རླུང་གྀ་རྒྱལ་མོའྀ་མོ་ལ་བབ་སྟེ༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ མེན་ཏོག་པད་མོ་དམྱྀག་ལམ་དུ་[བཀྲ?]བ་
(1v72) དོན་གཉེར་བ་ནྀ་ཁྲུབ༎ ནད་པ་ལ་བཏབ་ན་སོས༎ དགྲ་ཕྱ་ལ་བཏབ་ན་དགྲ་མྱེད༎ གསོལ་ཤགས་བྱས་ནང༎ མོ་འདྀ་ཅི་ལ་བཏབ་
(1v73) ཀྱང་བཟང༎ @@@་༎ @@་། @@@@་། ཀྱེ་ཆབ་སྨན་ནྀ་ཞལ་ན་རེ༎ སྤང་སྣར་ནྀ་གཡེལ་གོང་དུ༎ ཤ་འབྲྀ་ནྀ་ཡན་པ་ལ༎ གྲུམ་ཕོས་ནྀ་
(1v74) ནེ་མྱྀ་བསྒྲོད༎ ཡེ་མཐོ་ནྀ་གངས་གྱྀ་རྫེ༎ འཕྱྀན་བུ་ནྀ་བྲག་ལ་བཟོར༎ ཁར་ཅ་ནྀ་ཕྱག་དྲུ་ལོ༎ འདྀ་ཚེན་དབ་ཉྀད་གྱྀ་མོ་ལ་བབ་སྟེ༎
(1v75) མྱྀ་ཁྱོད་ཀྱྀ་སེམས་ལ་དོན་ཅྀག་གཉེར་བར་བསམས་ཀྱང་རུང་སྟེ༎ ཕྱྀ་དལ་ཡོད་དོ༎ ཁྱྀམ་ཕྱ་དང་སྲོག་ཕྱ་ལ་བཏབ་ན་[མྱྀ?]རུང། གཞན་
(1v76) ལ་ནྀ་ཕྱི་དལ་ཡོད༎ དོན་ཅྀག་གཉེར་བར་བསམས་ན་མྱྀ་འགྲུབ༎ ཚོང་བྱེད་པར་སེམ་ན་ཁེ་མྱེད༎ རྗེ་བླས་གསོལ་ན་མྱྀ་གནང༎
(1v77) མོ་འདྀ་ཅྀ་ལ་བཏབ་ཀྱང་ཕྱྀ་དལ་ཡོད༎ @@@་། @@་། @@@་༎ ཀྱེ་གར་གསས་ནྀ་བཙན་བཞུགས་པ༎ ཁ་དྲག་ནྀ་ཀུན་གྱྀ་རྗེ༎ རུ་ཐུང་ནྀ་
(1v78) ཀུན་ཀྱྀ་བསེན༎ ཅྀ་བྱས་ནྀ་ཅྀ་རུང་སྟེ། བསམ་བ་ནྀ་ཡྀད་བཞྀན་འཕྲོད༎ སེམས་ཤན་ནྀ་ཀུན་ཀྱྀ་གནས༎ ཚེ་རྀང་ནྀ་[སྲོག?] [ཀྱང?]སྲ༎ དགྲ་
(1v79) ཡུལ་ནྀ་གཡག་ཡུལ་ན༎ དགྲ་དང་ནྀ་གཡག་འདོར་ཡང༎ དགྲ་དང་ནྀ་གཡག་བསད་སྟེ། དེ་འྀས་ནྀ་ལྷ་མཆོད་ཅྀག༎ ལྷ་ཡུལ་
(1v80) ནྀ་གླུ་དང་གར༎ འདྀ་འབོག་ཤྀང་བོ་དེ་ས་ཧྭ་ལ་འྀ་མོ་ལ་བབ་སྟེ༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷ་དཔལ་འཀོ། དགྲ་ཕྱ་ལ་བཏབ་ན་
(1v81) དགྲ་མ་མཆྀས༎ དོན་གཉེར་ན་གྲུབ། འདྲོན་པོ་ལ་བཏབ་ན་ཉེ་ཞོ་མྱེད་སྟེ་འོང༎ གསོལ་ཤགས་བྱས་ན་གནང༎ སྲྀད་ཕྱ་ལ་བཏབ་ན་བཟང་
(1v82) མོ་འདྀ་ཅྀ་ལ་བཏབ་ཀྱང་བཟང་འོ༎ @@@་། @@་། @@་། ཀྱེ་གངས་ལྷ་ནྀ་ཞལ་ན་རེ༎ སྤང་སྣར་ནྀ་གཡེལ་གོང་ན༎ གཙོས་བུ་ནྀ་སྣར་མཐའ་ཡ་
(1v83) མུ་སྨན་ནྀ་གཉན་གྱྀ་དཀོར༎ ནེའུ་སྀང་ནྀ་སྤང་ལ་ཡན༎ དགྱེས་ཏེ་ནྀ་ཀུས་མ་གདབ༎ མོ་འདྀ་ནྀ་ལྷ་ཤྀང་པད་མོའི་མོ་ལ་བབ་སྟེ༎
(1v84) ཁྱྀམ་ཕྱ་དང་སྲོག་ཕྱ་ལ་བཏབ་ན་ལྷ་དཔལ་འཆེ་སྟེ་འགོ༎ དགྲ་ཕྱ་ལ་བཏབ་ན། དགྲ་མྱེད་སྲྀད་ཕྱ་ལ་བཏབ་ན་སྲྀད་ཕྱིན༎ དོན་གཉེར་ན་
(1v85) གྲུབ༎ འདྲོན་པོ་ལ་བཏབ་ན་འོང༎ མོ་འདི་ཅྀ་ལ་བཏབ་ཀྱང་བཟང༎ @@@་། @@་། @་། ཀྱེ་སྨན་ཀང་ནྀ་འདུ་འདུ་ཞྀང༎ ཤ་འབྀ་ནྀ་ཉན་ཀྱྀ་[---]
(1v86) དགོ་སྤངས་ནྀ་རེ་རེ་མོ། མོ་བཏབ་ནྀ་ཕྱྭ་ལ་ཅན་ཡང༎ མུ་སྨན་ནྀ་རྒྱལ་མོའི་བཀའ་+འ་ ཡོན་ཕུལ་ནྀ་མཆོད་ལེགས་ན༎ ཉྀན་དྲོ་ནྀ་མཚན་
(1v87) ཡང་དྲོ༎ བཀའ་སྙན་ནྀ་གསུང་ཡང་རྟག༎ སྐྱེས་ཕྲན་ནྀ་མང་ཀྱྀ་གནས༎ འདྀ་ནྀ་སྨན་འདུ་འདུ་འྀ་མོ་ལ་བབ་སྟེ༎ མ་ཁྱྀམ་ཕྱ་དང་སྲོག་
(1v88) ཕྱ་ལ་བཏབ་ན་ལྷ་ལ་གཙང་[སྦྲ?]ཕྱིན་བར་གྱྀས་ཞིག༎ དོན་ཕྱ་ལ་བཏབ་ན་གྲུ་གྲུབgru[b] ནད་པ་ལ་བཏབ་སོས༎ འདྲོན་པོ་ལ་བཏབ་ན་འོང༎ མོ་
(1v89) འདྀ་ཅྀ་ལ་བཏབ་ཀྱང་བཟང༎ @@@་། @་། @@@་། ཀྱེ་གནའ་ལས་ནྀ་དུས་འགྱུར་བ་སེར་བ་ནྀ་རྒྱ་ཏོག་རྒྱ༎ ཞུ་ཕྱྀང་ནྀ་མྱྀ་[བལྡྀང?]དུ། ཆར་ཡན་ནྀ་
(1v90) དགུང་ལ་འཁོར༎ མ་སྦྱངས་ནྀ་དལ་ཅེས་དང༎ དབུ་སྐྲ་ནྀ་སྀལ་སྀལ་[---]
(3v1) [---]
(3v2) དོན་ཕྱ་ལ་བཏབ་ན་དོན་མྱྀ་གྲུ། ནད་པ་ལ་བཏབ་ན། གདོན་ཆེད་པོ་ཡོད་པས༎ ཆོ་ག་དང་[ངོ?] [ལན?]གྱྀས་ཞྀག༎ ཙོང་བྱར་[---]
(3v3) རུང། འདྲོན་པོ་ལ་བཏབ་ན་མྱྀ་འོང། དགྲ་ཕྱ་ལ་བཏབ་ན་དགྲ་དང་ཕྲད་པའྀ་ངོ་ཡོད༎ གསོལ་ཤགས་བྱས་ན་མྱྀ་གནང། མོ་
(3v4) འདྀ་ཅི་ལ་བཏབ་ཀྱང་མྱྀ་བཟང༎ @@@@་། @@@་། @@@@་། མཚོ་རོ་ནྀ་གཡུ་ཡུལ་ན༎ གཡུ་བཟངས་ནི་ལྕང་ལོ་ལ། གཡུ་བྱས་ནྀ་བཀའ་རྩེས་དང་
(3v5) བཀའ་སྙན་ནྀ་བཟང་དགུར་སྦྱར༎ དེང་བོས་ནི་སྐྱྀད་པའྀ་ལུགས༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན། [སྔར?]སྲུག[sr?]ug ཅིང་
(3v6) ཕོངས་ཏེ་འདུག་པ་ལས༎ དགྲ་བླ་དང་ཏྲྀ་མཆུན་ཐམས་ཤད་གྱྀས་འཆེས་ནས༎ སྔར་ས་དམའ་བ་ལ་འདུག་ན་ཡང། ད་ས་མཐོན་
(3v7) པོར་ཕྱྀན་བར་འོང༎ བགྱེགས་སོལ་ལྷ་མཆོད་ཅྀག། བཟང་པོར་འོང། དོན་གཉེར་ན་གྲུབ། ཚོང་བྱས་ན་ཁྱེ་ཕྱིན༎ གསོལ་ཤགས་
(3v8) བྱས་ན་གནང༎ འདྲོན་པོ་ལ་བཏབ་ན་འོང༎ མོ་འདྀ། [ཅི]ལ་བཏབ་ཀྱང་བཟང་འོ་པོ་ རབ་འོ༎ @@@་། @་། @@་། ཀྱེ་རྟ་ཅྀག་ནྀ་མྱྀར་རེ་སྙན༎ [དང?]
(3v9) སྐར་དང་ཉིད་སྐར་གཉྀས་འབྲོང་ཤ་ནྀ་མྱྀ་གསོལ་དུ༎ རྔོ་རྩྀར་ནྀ་རྔོག་ལེ་[རྒྱན?(/རྒུན?)] འབྲོང་གྱྀ་ནྀ་འདོར་[སྔ?]རུ༎ རྒྱུག་ཅྀང་ནྀ་རྨྱྀག་མྱྀ་[འདུབ?]
(3v10) ཅེས་སྒ་ནྀ་རུ་ཐུང་ལས༎ བསྟད་ཅྀང་ནྀ་སྒལ་མྱྀ་འབྱུང༎ [སྭལ(/སྦལ)]ལྕག་ནྀ་དཀར་པོ་ལས༎ བསྀགས་ཅྀང་ནྀ་སྤྱན་ནྀ་[ལྒྲ(/སྒྲ)] འདྀ་ནྀ་
(3v11) ཇུ་དང་ཤྀང་པར་གྱྀ་མོ་ལ་བབ་སྟེ༎ ཁྱིམ་ཕྱ་དང་སྲོག་ཕྱ་ལ་བཏབ་ན། བཟང༎ རི་དགདགས་རི་དགས་ ལ་འགྲོ་ན། རྟ་མྱྀ་[---]རྀ་དགས་[ཕྱི?]
(3v12) དོན་གཉེར་ན་གྲུབ། དགྲ་ཕྱ་ལ་བཏབ་ན་དགྲ་མྱེད༎ གསོལ་ཤགས་བྱས་ན་གནང༎ འདྲོན་པོ་ལ་བཏབ་ན་འོང། མོ་འདྀ་ཅི་ལ་[བཏབ?]
(3v13) ཀྱང་བཟང་འོ༎ @@@་། @@@@་། @@@@་༎ ཀྱེ་རྗེ་ནྀ་གཉན་ཡུལ་དུ། གཤེགས་སུ་ནྀ་དད་པ་སྟེ༎ ས་སྲྀན་ནྀ་འདུན་ཕྲན་གྱྀས། [ཡུལ?] [གྱྀ(/ཀྱྀ)]ནྀ་མདོ་
(3v14) ཡང་བཅད༎ ཕྱྭའ་བོས་ནྀ་གཡང་རེ་ཉམས༎ ཉམས་ཅུང་ནྀ་དབུགས་རེ་ཕྲ༎ མོ་འདྀ་ནྀ་འདྲེ་མ་ཧའྀ་མོ་ལ་བབ་སྟེ༎ ཁྱྀམ་[ཕྱ?] [དང?] [སྲོག?]
(3v15) ཕྱ་ལ་བཏབ་ན། ཡས་གདོན་དང་ས་བདག་གནོད་པས༎ གླུད་ཆེད་པོ་ཐོང་ཞིག༎ ཆོ་ག་ལེགས་པར་གྱྀས་ཞིག། དགྲ་ཕྱ་ལ་[བཏབ?]
(3v16) ན་དགྲ་དང་ཕྲད་པའྀ་ངོ་ཡོད་དོ༎ ཅག་དང་རྀམ་འགྲོ་ལེགས་པར་གྱྀས༎ གཉེན་བྱས་ན་མྱྀ་རུང། འདྲོན་པོ་ལ་བཏབ་ན་མྱྀ་འོང།
(3v17) ནད་པ་ལ་བཏབ་ན་གདོན་ཆེ༎ ཆོ་ག་ལེགས་པར་མ་བྱས་ན་ངན་འོ༎ གསོལ་ཤགས་བྱས་ན་མྱྀ་གནང༎ མོ་འདྀ་ཅྀ་ལ་བཏབ་[ཀྱང?]
(3v18) ངན་འོ༎ @@@@་། @@་། @@་། ཀྱེ་ར་སྤངས་ནྀ་ངོས་བཟངས་ལ༎ གཡུའྀ་ནྀ་ཤ་སྨད་འདྲྀམ། འཕྲུལ་ཀྱྀ་ནྀ་གྱྀ་ལྀང་ལས༎ བཟང་བདམ་
(3v19) ཞིང་འོག་དུ་སྩོལ༎ བདེ་རྀས་ནྀ་འཕྲུར་ཞིང་འཕྱོ༎ གཉར་ཞན་ནྀ་ཚེ་ལགས་འགྲང༎ སྐུ་བླ་ནྀ་གཉན་གྀ་དྲྀན། འདྀ་ནྀ་ཐེན་
(3v20) དབང་ཉྀད་གྱྀ་མོ་ལ་བབ་སྟེ༎ མྱྀ་ཁྱོད་གྱི་མོ་འདྀ་ཉེ་[དུང?]བཟང་པོ་ཞིག་དང་ཕྲད་པར་འོང་༎ ཁྱྀམ་ཕྱ་དང་སྲོག་[ཕྭ(/ཕྱ)]ལ་བཏབ་ན་
(3v21) བཟང༎ གྲོག་ཕྱ་ལ་བཏབ་ན་གྲོག་ཆེད་པོ་དང་ཕྲད༎ གསོལ་ཤགས་བྱས་ན་གནང༎ འདྲོན་པོ་ལ་བཏབ་ན་ཉེ་བར་འོང། [མོ?] [འདྀ?]
(3v22) ཅྀ་ལ་བཏབ་ཀྱང་བཟང༎ @@@@་། @@་། @་། ཀྱེ་བ་རབས་ནྀ་གསེར་བཟངས་ན༎ གསེར་གྱྀ་༌ནི[*ni] ཆབ་བྲུག་པ། ཆུབ་བྲུག་ནྀ་དགུ་སྟེ་དགུ༎
(3v23) དགྲ་དགུ་ནྀ་ཡན་པ་ལ༎ ཁྲྀ་གཤེགས་ནྀ་སྟོད་ཡང་འཕྱོ༎ དེ་ཡང་ནྀ་སྐྱིད་པའྀ་ལྟས༎ འདྀ་ནྀ་ཡུལ་ས་དགའ་ལ་ཡན་
(3v24) གྀ་མོ་ལ་བབ་སྟེ༎ ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷ་དཔལ་བཟང་པོ་དང༎ སྨན་དང་ཡུལ་ས་དགའ་ལ་ཡན་ཅྀག་[འཆེས?]
(3v25) ཞིང་འདུག་པས༎ ལེགས་པར་མཆོད་ཅིག༎ གསོལ་ཤགས་བྱས་ན་གནང་འོ༎ ཚོང་བྱས་ན་ཁེ་ཕྱྀན་པར་འོང། འདྲོན་པོ་ལ་བཏབ་ན་
(3v26) འོང༎ ནད་པ་ལ་བཏབ་ན་སོས༎ གྲོག་ཕྱ་ལ་བཏབ་ན་གྲོག་ཆེ༎ དགྲ་ཕྱ་ལ་བཏབ་ན་དགྲ་མྱེད༎ སྲྀད་ཕྱ་ལ་བཏབ་ན་སྲྀད་[ཡོད?] [---]མོ་
(3v27) འདྀ་ནྀ་ཅི་ལ་བཏབ་ཀྱང་བཟང༎ @@@@་། @་། @@@@་། ཀྱེ་བྱང་རྀ་ནྀ་ཕང་པུང་ན༎ དངོས་གྀ་ནྀ་ཕུང་རྐོརྐོ་རྐོ་རྐོ་ གསེར་གྀ་ནྀ་སྦམ་དང་མཇལ་
(3v28) དགའ་ཡྀས་ནྀ་ཏྭག་ཀྱྀས་བླངས༎ སྣམ་ཕྲག་ཏུ་སུར་གིས་སྩལ༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ ནོར་ཆེད་པོ་
(3v29) ཞིག་རྙེད་པ་འདྲ་བ་འཾ༎ གྲོག་ཆེད་པོ་ཞྀག་དང་ཕྲད་པར་འོང༎ དེ་མ་ཡྀན་ན་ཉེ་བ་དྲུང་པོ་ཞིག་དང་ཕྲད་པ་འོང༎ གསོལ་ཤགས་
(3v30) ཞིག་བྱས་ན་གནང༎ འདྲོན་པོ་ལ་བཏབ་ན་འོང༎ གཉེན་ཞིག་བྱེད་ན་འཕྲོད༎ ཚོང་ཞིག་བྱེད་ན་ཁེ་ཕྱྀན༎ མོ་འདྀ་ཅྀ་ལ་བཏབ་ཀྱང་
(3v31) བཟང༎ @@་། @@@་། @@@་༎ ཀྱེ་དྲུ་གུ་ནྀ་ཁྲྀ་སྣང་ཞིག༎ མ་འཚལ་ནྀ་མཆྀད་མཆྀ་རུ༎ གློ་བ་ནྀ་གཡར་མྱྀ་བཟད༎ སྣང་རྩན་ནྀ་ཞབོ་ཞབ་བོ་ ཅྀག།
(3v32) ཆབ་ལ་ནྀ་ཁང་དབུབ་དུ༎ གདུང་ཕྱམ་ནྀ་ཁོད་མྱྀ་སྙོམས༎ ནེའུ་སྀང་ནྀ་གཉེན་གོང་དུ་རྟ་དང་༌ནི[*ni] རྐྱང་འདྲེས་ན༎ ཞགས་[?]ནྀ་གང་ལ་
(3v33) འདེབས༎ གཡང་མོ་ནྀ་ལྷས་དཀྱྀལ་ན༎ ལུག་དང་ནྀ་ར་འདྲེས་ན༎ ཚོ་རྀད་ནྀ་གང་ལ་བདམ༎ ལྷ་དང་ནྀ་འདྲེ་འདྲེས་ན་གང་
(3v34) ཕྱེ་ནྀ་ཆ་མ་མཆིས༎ དགྲ་དང་ནྀ་གཡག་འདྲེས་ན༎ གང་བརྒལ་ནྀ་གཏོལ་མ་མཆྀས༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་
(3v35) བཏབ་ན༎ ལྷ་དང་འདྲེ་འདྲེས་ཏེ་མ་ཕྱེ༎ དགྲ་དང་གཡག་འདྲེས་རབ་ཏུ་འཇྀགས༎ བོན་པོ་ངན་པས་ནྀ་གདོན་མྱྀ་ཕྱེད༎ སྡར་
(3v36) མས་ནྀ་དགྲ་མྱྀ་སློགས༎ ཐེང་པོས་ནྀ་ཡུལ་མྱྀ་བསྒྲོད༎ ཞར་བས་ནྀ་ལམ་མྱྀ་ཐུབ༎ མོ་འདྀ་ཅྀ་ལ་བཏབ་ཀྱང་ངན༎
(3v37) @@་། @@@་། @@་། ཀྱེ་སྤང་ཀ་ནྀ་ཡ་བྱྀ་ན། ཤ་ཕོ་ནྀ་ཁྱུས་ཆགས་པ༎ རྀ་ཁྱྀ་ནྀ་བདུན་གྀས་བསྐོར༎ མྱྀ་ཤོར་ནྀ་དམ་དམ་ལྟར༎ སྨན་
(3v38) དག་ནྀ་དངོས་ཅྀག་མ༎ རྔོན་པ་ནྀ་བདུན་གྀས་བསྐོར༎ བསྐོར་ཅྀང་ནྀ་ཅྀ་རུ་མཆྀ༎ མོ་འདྀ་ནྀ་སྨན་རྒོད་ཤེལེ་ཤེལ་ལེ་ འྀ་མོ་ལ་[བབ?]སྟེ་མྱྀ་
(3v39) ཁྱོད་གྱྀ་མོ་འདྀ། ཁྱྀམ་ཕྱ་དང། སྲོག་ཕྱ་ལ་བཏབ་ནྀ༎ གདོན་ཆེད་པོ་ཞིག་ཁྱྀམ་ཕུགས་ཡོད་པས། བྱ་དགུར་ཡང་[མྱི?] [གྲུབ?]
(3v40) པ་དེ་ཡིན་འོ༎ ### གདོན་ལན་འདྀ་དག་མ་བསྐྲད་ན། དོན་གཉེར་ཡང་མྱྀ་
(3v41) གྲུབ༎ ཚོང་བྱས་ན་ཁེ་མྱེད། དགྲ་ཕྱར་བཏབ། ༌ན[*na] དགྲ་དང་ཕྲད་པའྀ་ངོ་ཡོད༎ གཉེན་བྱས་ན་མྱྀ་འཔྲོད༎ འདྲོན་པོ་ལ་བཏབ་ན་མྱི་འོང༎
(3v42) བོར་ལག་བྱུང་ནྀ་མྱྀ་རྙེད༎ གསོལ་གཤེགས་བྱས་ན༎ མྱྀ་གནང༎ མོ་འདྀ་ཅྀ་ལ་བཏབ་ཀྱང་ངན་འོ༎ @@་། @@@་། @་། ཀྱེ་[སྐར?]
(3v43) ཞན་ནྀ་སྨྱིན་དྲུག་ལ༎ སྐར་ཕྲན་ནྀ་བཟང་བདུན་འདུས༎ རྒྱ་སྐར་ནྀ་ཁྱུ་ན་མཛེས༎ བཟང་བདུན་ནྀ་ཡར་རུ་བླན༎ སྨྱྀན་དྲུག་
(3v44) ནྀ་ལྡེབ་སུ་ཤོར༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ སྔར་ཉོན་མོངས་མོས་སྟེ་འདུག་པ་ལས༎ ཁྱིམ་གི་ལྷ་བཟང་
(3v45) པོ་འཾ་ཕ་མྱེས་གསས་བཟང་པོ། གཙང་མ་སྨྱྀན་དྲུག་དང་འདྲ་བ༎ གཙ་ས་དང་མཐོན་པོར་འདུག་པ་ཅྀག་འཆེས་གྲོགས་བྱེད་
(3v46) ཅྀང་འདུག་པས༎ ལེགས་པར་གཙད་སྦྲ་ཕྱྀན་བར་མཆོད་ཅྀག༎ གདོན་ལན་ལས་བཙོགས་པ་ཐམས་ཤད་བཟོག་ནས་སྲོགsro[g?] [---]
(3v47) དོན་གཉེར་ན་གྲུབ། དགྲ་ཕྱ་བཏབ་ན་དགྲ་མྱེད༎ འདྲོན་པོ་ལ་བཏབ་ན་མྱུར་དུ་འོང༎ ཚོང་བྱས་ཁེ་ཕྱྀན༎ སྲྀད་ཕྱ་ལ་བཏབ་ན་[སྲྀད?] [ཡོད?]
(3v48) མོ་འདྀ་ཅྀ་ལ་བཏབ་ཀྱང་བཟང༎ @@་། @@་། @@@@་༎ ཀྱེ་གྲོངས་ཏེ་ནྀ་བཤུམས་མ་མཆྀས༎ ཟླ་གྲོགས་ནྀ་ཆབ་ལ་གྲོངས༎ དགྱེས་ཏེ་ནྀ་[བཤུཾ?]
(3v49) མ་མཆྀས༎ བཅུ་རུ་ནྀ་དགྱེས་ན་བཤུམས༎ བཤད་མོ་ནྀ་བཀྱོན་མ་མཆྀས༎ སོ་མངས་ནྀ་བཤད་ན་བཀྱོན༎ ཕར་བཏབ་ནྀ་[སླརུ?][སླ?་རུ?]
(3v50) སྙུང་གླང་རྒན་ནྀ་བག་ལ་འབྲ༎ རྨྱྀག་པ་ནྀ་ཁག་གྀས་གང༎ མོ་འདྀ་ནྀ་མཚོ་དར་ལ་འྀ་མོ་ལ་བབ་སྟེ༎ ཁྱྀམ་ཕྱ་ལ་བཏབ་ན།
(3v51) ཁྱྀམ་བདག་པོ་ཆེད་པོ་ཁྲོ་གཏུམ་དང༎ རྒུབ་ལོགས་ཆེ་བ་ཞྀག༎ ལྷ་འདྲེ་འགུལ་འདོད༎ ཅྀ་བསཾ་པ་བཞྀན་དུ་མྱྀ་འགྲུབ༎
(3v52) གྲོག་ཕྱི་སར་འབྱུང། དགྲ་ཕྱ་ལ་བཏབ་ན། དགྲ་དང་ཕྲད་པའི་ངོ་ཡོད༎ སྲྀད་ཕྱ་ལ་བཏབ་ན། སྲྀད་ཁར་གདོན་ཞུགས༎ རྩོབ་གྀས་
(3v53) ཕོག༎ འདྲོན་པོ་ལ་བཏབ་ན༎ མྱྀ་འོང༎ གསོལ་ཤགས་བྱས་ན། བླ་མ་ཐུགས་གཏུང་སྟེ་མྱྀ་གནང༎ བོར་ལག་བྱུང་ན།
(3v54) མྱྀ་རྙེད༎ མོ་འདྀ་ཅྀ་ལ་བཏབ་ཀྱང་ངན༎ @@་། @@་། @ཀྱེ་གངས་དཀར་ནྀ་སུམ་ཟུར་ན་འབྲོང་བུ་ནྀ་བཞེས་ལསས་ལས་ ཏེ༎ [ནམས?]
(3v55) ཀྱང་ནྀ་གངས་ཀར་རྫེ༎ སྲལ་མོ་ནྀ་བཞེངས་ལགས་ཏེ༎ ནམས་ཀྱང་ནྀ་གཡའ་སྔོ་རྒྱན༎ གོང་སྲག་ནྀ་མ་བུ་གཉྀས་[སུ?]gsu[-]
(3v56) སྙན་ནྀ་སྀ་ལྀ་ལྀ༎ སྨན་དག་ནྀ་དགོས་ཅྀག་མ། དགོངས་པ་ནྀ་ལྷའྀ་ཚུལ༎ སྤུ་སྟུག་ནྀ་འོད་ལྟར་འཚེར༎ དགོ་སྤངས་ནྀ་[---]
(3v57) ནོར༎ གཡུང་དྲུང་ནྀ་དྲ་བར་སྩོལ༎ ར་མཐའ་ནྀ་ཅང་མྱྀ་འགྲྀ༎ མོའདྀ་ནྀ་བསཾ་དང་རྒོད་སྨན་གྀ་མོ་ལ་བབ་སྟེ༎ ཁྱིམ་༌ཕྱ[*phya] ༌དང[*dang]
(3v58) སྲོག་ཕྱ་ལ་བཏབ་ན༎ མ་མྱེས་གྱྀ་ལྷ་བཟང་པོ་ཅྀག་ཡོད་གྀས༎ འགོ་ཞིང་འཆེ་བར་འོང་བས༎ དོན་པོ་དང་གནུམ་ལྷ་པ་ཡོད་
(3v59) ན༎ གསོལ་ཅྀག༎ མ་དང་བུ་གཉྀས་ཕྲད་ཕར་འོང་བ་དང་འདྲ་སྟེ༎ སྐད་སྙན་ཏེ་ཕྲད་པར་འོང༎ གཉེན་བྱས་ན་སྲྀད་ཡོད༎
(3v60) གྲོག་ཕྱ་ལ་བཏབ་ན་གྲོག་ཆེ༎ གསོལ་ཤགས་བྱས་ན་གནང༎ ཚོང་བྱས་ན་ཁེ་ཕྱིན༎ འདྲོན་པོ་ལ་བཏབ་ན་[འོང] [མོ?] [འདྀ?]
(3v61) ཅྀ་ལ་བཏབ་ཀྱང་བཟང༎ @@་། @་། @@@@་། ཀྱེ་སྨན་ཡུལ་ནྀ་སྨན་གོང་ན་མ་ཤྀང་ནྀ་ལྡེམས་འཁྲུང༎ རྨ་བྱ་ནྀ་ཁྱུས་ཀྱང་ལྡྀང། ལོ་
(3v62) བཟངས་ནྀ་དགུང་ལེ་རྒྱན༎ རྩ་བགྲངས་ནྀ་དོག་མཐའ་ཡན༎ དཔེ་[ལེགས?]ནྀ་གཉན་གྀ་མཆོག༎ མོ་འདྀ་ནྀ་ཁྱྀམ་ཕྱ་དང་སྲོག་
(3v63) ཕྱ་ལ་བཏབ་ན༎ དཔར་ལྷ་བཟང་པ་མྱ་ཐམས་ཤད་ལ་འགོ་བ་དང་འདྲ་སྟེ༎ མྱྀ་ཁྱོད་ཀྱང་ཤིང་བཟང་པོ་[ལོ?]མ་[---]ལ་
(3v64) [རྟེན?]བཅས་ན། གྲྀབ་མ་ཆེ་སྟེ་བསྀལ་བ་ལ་ཕན་པ་དང་འདྲ་སྟེ༎ རྀ་མཐོན་པོ་ལ་ཁརུ་[ཁ་རུ་ ]༽་བྱུང་ན། སྣང་ཡལ་ཆེ༎ རྗེ་བཙན་བ་ལ་
(3v65) [-]kyabs [བཛལ?]ན༎ ཁ་གཟེས་མྱྀ་ཚུགས༎ ལྷ་བཟང་པོ་ལ་མཆོད་ན་[ཕུག(/ཕྱུག)]ཞིང་མཐའ་མྱྀ་འགྲྀ༎ དོན་གཉེར་ན་གྲུབ་
(3v66) ལག་བྱུང་ན་རྙེད༎ འདྲོན་པོ་ལ་བཏབ་ན་ཉེ་ཞོ་མྱེད་སྟེ་འོང༎ གཉེན་བྱས་ན་བཟང༎ མོ་འདི་༌ཅི[*ci] ལ་བཏབ་ཀྱང་བཟང་རབ་འོ༎ @@་། @་། @@་།
(3v67) ཀྱེ་རྟོལ་བུ་ནྀ་ལོ་འདུ་སྣར༎ མཉེལ་གྀས་༌ནི[*ni] ལོ་བཙས་པ༎ སྐྱྀ་རུ་ནྀ་ཞིང་རྨོ་སྙམ༎ མདོ་རུ་ནྀ་ཤྭ་རྒལ་འབྱུང། བྱང་མཚར་ནྀ་[---]
(3v68) བླང་སྙམ༎ སྙ་རུ་ན་ནི་ ལྷོད་དེ་པོ༎ དཀོར་གྀ་ནྀ་སྒལ་མྱྀག་འབྱུང༎ ཤངས་གྱྀ་ནྀ་ཟུ་ང་ལ་གྲེས་དག་ནྀ་གསར་+ར་ ཅེས་ཀྱང། [སྙ?] [རུ?]ནྀ་ལྷོད་[---]
(3v69) མོ་འདྀ་ནྀ་རླུང་གྀ་ལྷ་མོ་འྀ་མོ་ལ་བབ་སྟེ༎ ཁྱྀམ་ཕྱ་དང་སྲོག་ཕྱ་ལ་བཏབ་ན། གདོན་དྲག་པོ་ཁྱྀམ་ཕུགས་ན་[འདུག?] ཅྀ་བྱ་[དགར?] ཅི་བྱ་[དགར?]
(3v70) མྱྀ་བཏུབ་ཅྀང་འདུག་འོ༎ ནད་པ་ལ་བཏབ་ན་མྱྀ་ལྷ་དང་ཐེའུ་རང་སྟོང་ཞིང་འདུག༎ ཆོ་ག་དང་ངོ་ལོན་དྲག་དུ་གྱྀས་ཅྀག༎ དགྲ་ཕྱ་ལ་
(3v71) བཏབ་ན། དགྲ་དྲག་ཕོ་ཡོད་པའྀ་ངོ༎ གསོལ་ཤགས་བྱས་ན། སླར་གྱོད་སྨེད་པའྀ་ངོ༎ འདྲོན་པོ་ལ་བཏབ་ན་མྱྀ་འོང༎ ཚོང་བྱར་
(3v72) མྱྀ་རུང༎ མོ་འདྀ་ཅྀ་ལ་བཏབ་ཀྱང་ངན་འོ༎ @@་། @་། @@ཀྱེ་དང་མ་ནྀ་དབྱར་འཁོར་ན། ལུང་ཕྲན་ནྀ་ཆུ་ཕྲན་གཉྀས༎ ཆར་བབ་ནྀ་[ཐག?]
(3v73) སྐལ་ཡང༎ སྐྱྀ་རྀ་ནྀ་ལྕང་ཏོག་ལ། བྱ་རྒྱལ་ནྀ་ཁྱུང་སྲས་[བཞགས(/བཞུགས)] ཕྱེ་བ་ནྀ་གསར་རོགས་པུལ༎ ཤོ་ཞྀང་ནྀ་འོལ་མོ་ལ། འཕྲས་
(3v74) དྲུག་ནྀ་ལྕང་ལོ་འཁྲྀལ༎ ཕས་གྱྀ་ན་རྀ་བོ་ལ། གཡང་བལ་ནྀ་སླེབ་གྱྀས་ལོང༎ འདྀ་ནྀ་སྨན་ཅུང་ངུན་གྀ་མོ་ལ་བབ་སྟེ། ཁྱྀམ་ཕྱ་
(3v75) དང་སྲོག་ཕྱ་ལ་བཏབ་ན། མྱྀ་ཁྱོད་[སྡུན(/སྔུན)]ཉོན་མོགས་ཞྀག་འདུག་ལ༎ ལྷ་བཟང་པོ་ཞིག་འགོ་ཞྀང་འདུག་འོ༎ མྱེ་ངམ་ཆེད་
(3v76) པོ་ལ་སྐལ་མས་ནས་འདུག་པ་ལས། གནམ་གི་ལྷས་ཆར་ཕབ་ནས། སྐོམ་རྙེད་པ་དང་འདྲ༎ སྲྀད་མྱེད་ནས་ཕོངས་ལས།
(3v77) མ་ལྷ་ཆེན་མོས་སྲྀད་བྱྀན་བའྀ་ངོ་ཡོད༎ རྗེ་བླས་ཞུས་ན་བཀའ་+འ་ ལུང་སྙན་པ་ཐོས་པའྀ་ངོ༎ ཚོང་ཞིག་བྱས་ན་ཁེ་ཕྱྀན༎ འདྲོན་
(3v78) ཕོ་ཅིག་ལ་བཏབ་ན་ཕྱྀན་ཏེ་འོང༎ ནད་པ་ལ་བཏབ་ན་སྩྀ་སྨན་མྱྀ་དགོས༎ དོན་གཉེར་ན་གྲུབ༎ ཤྀས་ཕྱ་ལ་བཏབ་ན་བཟང༎
(3v79) མོ་འདྀ་ཅྀ་ལ་བཏབ་ཀྱང་བཟང་འོ༎ @@@་། @@@@་། @@@@་། ཀྱེ་བཀའ་+འ་ མཆྀད་སྦྱངས་གདའ༎ ལྷོ་ག་དང་བྱང་ཀ་གཉྀས༎ གཡང་མོ་ནྀ་
(3v80) བྱང་ན་འཕན༎ འབྲས་དྲུག་ནྀ་ལྷོ་ན་མོད། གང་བདམ་ནྀ་ཆ་མ་མཆྀས༎ སྟག་དང་ནྀ་སེང་འགེ་གཉྀས༎ རྀས་བཀྲ་ནྀ་[སྟག?]
(3v81) ཀྱང་བཀྲ༎ མཐུ་རྩལ་ནྀ་སེང་འགེ་ཆེ༎ གང་རུང་ནྀ་གཏོལ་མ་མཆྀས༎ མོ་འདྀ་ནྀ་རང་དབང་གེས་པའྀ་མོ་ལ་བབ་སྟེ། ཁྱྀམ་ཕྱ་
(3v82) ལ་བཏབ་ན། ཁྲ་མྱྀ་ཁྱེད་ཅག་སེམས་མྱྀ་མཐུན་ཞྀང་འདུག༎ གཅྀག་ནྀ་ཕར་འཐེན། གཅྀག་ནྀ་ཚུར་འཐེན་ཞིང་འདུག་
(3v83) པས༎ ལས་ཞིག་བྱས་ན་མྱྀ་གྲུབ༎ ཚོང་ཞྀག་བྱས་ན་ཁེ་མྱེད༎ གཉེན་ཤྀག་བྱས་ན་མྱྀ་འཕྲོད། བོར་ལག་བྱུང་ན་མྱྀ་རྙེད།
(3v84) འདྲོན་པོ་ལ་བཏབ་ན་མྱྀ་འོང༎ དགྲ་ཕྱ་ལ་བཏབ་ན་དགྲ་གཉྀས་ཆེ་ཅུང་གྀ་ལ་རྩོད་པས་མྱྀ་འོང༎ ཤྀས་ཕྱ་ལ་བཏབ་ན་
(3v85) མྱྀ་ཤྀས༎ མོ་འདྀ་ཅྀ་ལ་བཏབ་ཀྱང་མྱྀ་བཟང༎ @@@་། @@@@་། @@@་། ཀྱེ་ལྷ་ག་ན་མཆྀང་དྲུང་ན་སྤྲེའུ་ཅྀག་ནྀ་སྒྲྀན་བཞེད་སྟེ༎ ནོར་གྀ་
(3v86) ནྀ་ལྷག་ཚོལ་ནའ༎ ནོར་གྀ་ནྀ་ལྷག་མ་རྙེད༎ དགུང་གྱྀ་ནྀ་དུག་དང་མཇལ༎ དུག་ཡུལ་ནྀ་སུལ་མངས་ན༎ དངོས་གྱྀ་ནྀ་
(3v87) རྩི་སྨན་བཞེད༎ དངོས་གྀ་ནྀ་སྨན་མ་རྙེད༎ ཕྱྀར་ཞིང་ནྀ་ཉམས་མྱྀ་བདེ༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ ཁྱྀམ་ན་
(3v88) མྱྀ་སྦྲྀན་བཞེད་པ་ཞྀག་ཡོད་པར་གྱུར༎ མྱྀ་ཁྱོད་སྒྲྀན་མ་འདོད་པར། ཁ་རོག་པར་འདུག་ན་བཟང་འོ༎ གསོན་གྀ་[ཟས?]བཙལ་
(3v89) དུ་འགྲོ་སྙམས་ཏེ༎ དངོས་པོ་དུག་དང་ཕྲད་པར་འོང༎ དགྲ་ཕྱ་ལ་བཏབ་ན་དགྲ་མྱྀ་སྲུན་པ་དང་ཕྲད་པའྀ་༌ངོ[*ngo] ༌ཡོད[*yod] དོན་གཉེར་ན་[མྱི?] [གྲུབ?]
(3v90) གསོལ་ཤགས་བྱས་ན་མྱྀ་གནང༎ ཤྀས་ཕྱ་ལ་བཏབ་ན་མྱྀ་ཤྀས༎ བོར་ལག་བྱུང་ན་མྱྀ་རྙེད༎ [འདྲོན?] [པོ?]ལ་[བཏབ?] [?] [མྱྀ?] [འོང?]
(3v91) མོ་འདྀ་ཅྀ་ལ་བཏབ་ཀྱང་ངན་འོ༎ @@@་། @@@་། @་། ཀྱེ་བྱང་ཀ་ནྀ་ཡ་བྱ་ན་དགོ་བདུན་ནྀ་ཕས་ཀྱང་འཚལ༎ རྐུན་པོས་ནྀ་རེ་མྱྀ་འཚལ།
(3v92) མུ་སྨན་ནྀ་ཉིད་གྀ་དཀོར༎ མོ་འདྀ་སྨན་རྒོད་སྤངས་ཤེ་ལེའི་མོ་ལ་བབ་སྟེ༎ ཁྱྀམ་ཕྱ་དང་སྲོག་ཕྱ་ལ་བཏབ་ན། མྱྀའྀ་ཕྱྭ་མྱྀ་
(3v93) ཉམས༎ ཕྱུགས་ཀྱྀ་གཡང་མྱྀ་ཉམས༎ དགའ་སྐྱྀད་ཚེ་རྀང་ལྷ་སྲུང། དོན་གཉེར་ན་གྲུབ། ནད་པ་ལ་བཏབ་ན་སོས། རྗེ་བླས་
(3v94) གསོལ་ན་གནང༎ སྲྀད་ཕྱ་ལ་བཏབ་ན་སྲྀད་ཡོད། གཉེན་བྱས་ན་འཕྲོད༎ ཚོང་བྱས་ན་ཁྱེ་ཕྱྀན༎ འདྲོན་པོ་ལ་བཏབ་ན་
(3v95) ཉེ་བར་འོང༎ མོ་འདྀ་ཅྀ་ལ་བཏབ་ཀྱང་བཟང་རབ༎ @@@་། @་། @@@@་། ཀྱེ་བྱ་བྲན་ནྀ་འབབ་ཞན་བས༎ དགུང་གྱྀ་ནྀ་མཐ་མྱྀ་སླེབ༎
(3v96) མྱྀ་ཆུང་ནྀ་ཁ་ཞན་བས་བྱམས་ན་ནྀ་ལན་མྱྀ་ལོན༎ ཕྱག་ན་ནྀ་མཚོན་ཞན་བས། སྟད་གྱྀ་ནྀ་དགྲ་མྱྀ་ཆོད༎ རྟེའུ་ཆུང་ནི་བང་
(3v97) ཞན་བས༎ སྐྱུས་གྀས་ནྀ་སླ་མྱྀ་སྙོགས༎ ཤྲེའུ་ཆུང་ནྀ་སྒྱྀད་ཞན་པས༎ རྀ་ཀ་ནྀ་རྒྱུག་མྱི་ཆོད༎ མོ་འདྀ་ནྀ་ཁྱྀམ་ཕྱ་དང་
(3v98) སྲོག་ཕྱ་ལ་བཏབ་ན༎ མྱྀ་ཁྱོད་རྨང་པོ་ཞྀག་སྟེ༎ ཅྀ་བྱར་ཡང་མྱྀ་སླེབ་ཅྀང་འདུག༎ འོག་རྟ་ངན་བས་དགྲ་དང་རྀ་དགས་
(3v99) མྱྀ་སོད༎ ལག་པ་འྀ་མཚོན་རྟུལ་བས་ནྀ་དགྲ་སྡང་གང་མྱྀ་ཐུབ༎ གསོལ་ཤགས་བྱས་ན་མྱྀ་གནང༎ དོན་གཉེན་གཉེར་ ན་
(3v100) མྱྀ་གྲུབ༎ འདྲོན་པོ་ལ་བཏབ་ན་མྱྀ་འོང༎ ཚོང་བྱས་ན་ཁེ་མྱེད། བོར་ལག་བྱུང་ན་མྱྀ་རྙེད༎ མོ་འདྀ་ངན་བས་གཞྀ་ནོན་ལ་འདུག་
(3v101) @་། @@@་། @@@@་། ཀྱེ་སྐྱྀ་རྀ་ནྀ་འཕན་ཀོས་པོ༎ འཕན་ཞིང་ནྀ་སྡུག་སྡུག་ལྟར༎ སྨན་དག་ནྀ་དགོས་ཅིག་མ། སྨན་དག་ནྀ་ལྷུན་
(3v102) ནས་འཕངས༎ འཕན་ཞང་ནྀ་རྨང་རྨང་ལ༎ མུ་སྨན་ནྀ་ཞལ་ན་རེ༎ དཀར་ཡང་ནྀ་སྨན་གྀ་དཀོར༎ སྡུས་ཞིང་ནྀ་ར་བ་སྩོལ།
(3v103) འདྀ་སྨན་བཀྲ་གཉན་གྀ་མོ་ལ་བབ་སྟེ༎ ཁྱིམ་ཕྱ་དང་སྲོག་ཕྱ་ལ་བཏབ་ན༎ མྱྀ་ཁྱོད་ཕན་པོ་ཡོད་པ་ཡིན་na[-] [---] [-]g
(3v104) ཅྀ་ཡང་མྱེད་ཤེ་དག་ཟེར་བ་ཞྀག་ལྷ་མྱྀ་དགའ༎ རེམ་ལ་ལྷ་མཆོད་ཅྀག༎ བསཾ་བ་བཞྀན་གྲུབ་པར་འོང་འོ༎ རྗེ་བླས་[གསོལ?]
(3v105) ན་གནང༎ ཁམ་ངུ་བར་མྱྀ་ལ་སྦྱྀན་ཏོངས་གྀས༎ དོན་གཉེར་ན་གྲུབ། ཚོང་བྱས་ན་ཁེ་ཕྱིན༎ གཉེན་བྱས་ན་འཕྲོད་ནད་པ་ལ་
(3v106) བཏབ་ན་སོས༎ གནོད་པ་ལ་བཏབ་ན་ལྷ་གནོད༎ མོ་འདྀ་ཅྀ་ལ་བཏབ་ཀྱང་བཟང༎ @་། @@@་། @@@་། ཀྱེ་སྐྱྀ་རྒྱལ་ནྀ་གྲང་མ་མཙོ་
(3v107) རྩང་པོ་ནྀ་གཞུང་ལ་ཡན༎ གྲོ་ཞྀན་ནྀ་བྱྀ་ཞྀན་གཉྀས། དགུང་སྔོ་ནྀ་ཡན་ཡན་ཅྀང་དོ་མོའྀ་ནྀ་རྒྱན་དུ་གཤེགས། མཐོ་སྔ་ནྀ་
(3v108) སྐྱྀད་བཞེད་སྟེ༎ མཐོ་རྀས་ནྀ་བཀའ་+འ་ སྙན་ནྀ་གསུང་བྲེས་པས༎ དེང་ཐོས་ནྀ་མ་ལགས་ཏེ༎ གནའ་ཐོས་[ནྀ?]ཚངས་པ་འྀ་sbya[-] [---]
(3v109) དགྱེས་པོ་ནྀ་ཁུས་མ་གདབ༎ མོ་འདྀ་ནྀ་ཁྱྀམ་དང་སྲོག་ཕྱ་ལ་བཏབ་ན༎ ཁྱྀམ་བདག་སེམས་བག་གྲང་བ་ཞྀག༎ སེམས་
(3v110) མ་གྲང་བར་ཅྀ་བྱ་ན་ཡང། སེམས་བསྟུན་ཞིང་བྱ་བར་བཟང༎ གཡག་གྀ་ཞུན་མར་དང་ལུག་གྀ་ཞུན་མར་གཉྀས་འདྲ་སྟེ་
(3v111) གཉྀས་ཀ་མཉམ་བར་བྱས་ན་ཅྀ་བྱ་བར་ཡང་བཟང༎ དོན་གཉེར་ན་འགྲུབ་ཙོང་བྱས་ན་ཁེ་ཕྱྀན། རྗེ་བླས་ཞུས་གནང། དགྲ་ཕྱ་ལ་
(3v112) བཏབ་ན་དགྲ་མྱེད༎ གསོལ་ཤགས་བྱས་གནང། འདྲོན་པོ་ལ་བཏབ་ན་འོང། བོར་ལག་བྱུང་ན་རྙེད༎ མོ་འདྀ་ཅྀ་ལ་བཏབ་ཀྱང་
(3v113) བཟང༎ @་། @@@་། @@་། ཀྱེ་ངང་ངུར་ནྀ་གསེར་མ་གཡུ༎ མཐྀང་བྲང་ནྀ་ཆབ་གྀ་རྐྱེན། མེན་ཏོག་ནྀ་ཧྭ་ལོ་ཐེན༎ ནེའུ་སྀང་
(3v114) ནི་སྤང་ཀྱི་རྒྱན༎ སྤང་རྒྱན་ནྀ་མཐོན་སྟེ་བཀྲ༎ བཟང་ལྡན་ལུས་འཚོགས༎ བལྟ་སྡུག་ནྀ་དམྱྀག་ལམ་བཀྲ༎
(3v115) སྤོས་དྲྀ་ནྀ་གངས་ན་གདའ༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷད་དཔལ་བཟང་པོ་འམ་སྨན་དཀར་
(3v116) མོ་ཞྀག་ཡོད་པས༎ དེ་ལ་མཆོད་འཕྲས་ལེགས་པར་བྱས་ན༎ ཁྱེད་ལ་འགོ་ཞིང་འདུག་པས། རྀགས་བཤོར་ན་སོད།
(3v117) རྗེ་བླས་ཞུས་ན་གནང༎ དོན་གཉེར་ན་གྲུབ། འདྲོན་པོ་ལ་བཏབ་ན་འོང༎ ནད་པ་ལ་བཏབ་ན་སོས། གསོལ་ཤགས་བྱས་ན་
(3v118) གནང༎ བོར་ལག་བྱུང་ན་རྙེད༎ ཚོང་བྱས་ན་ཁེ་ཕྱྀན༎ མོ་འདྀ་༌ཅི[*ci] ལ་བཏབ་ཀྱང་བཟང༎ @་། @@@་། @་། ཀྱེ་དམུ་ལྕམ་དང་ནྀ་
(3v119) གངས་ལྕམ་དང༎ མཐྀང་མ་ནྀ་སྐྱྀ་རུ་གཉྀས༎ ཐུགས་སྙྀང་ནྀ་དད་འཚོགས་ཀྱང། མྱྀ་བརྣལ་ནྀ་ཕྱྀ་དལ་ཆེ༎ མོ་འདྀ་
(3v120) ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ སེམས་མྱྀ་མཐུན། ཅྀ་བྱར་མྱྀ་བཏབ་པས། ཕྱྀ་དལ་ཆེ་དོན་གཉེར་ན་མྱྀ་གྲུབ། ཚོང་བྱས་
(3v121) ན་ཁེ་མྱེད༎ གསོལ་ཤགས་བྱས་ན། མྱྀ་གནང་དོན་གཉེར་ན་མྱྀ་བགྲུབ༎ འདྲོན་པོ་ལ་བཏབ་ན་མྱྀ་འོང། གཉེན་བྱར་
(3v122) མྱྀ་རུང༎ ཚོང་བྱར་མྱྀ་རུང༎ མོ་འདྀ་ཅྀ་ལ་བཏབ་ཀྱང་མྱྀ་ཤྀས༎ @་། @@་། @@་། ཀྱེ་གསེར་མཚོ་ནྀ་ངུར་འཕྱོ་བ། ཉྀན་ཞྀང་ནྀ་
(3v123) མྱྀ་མྱྀ་ལྟར༎ མཚན་ཞྀང་ནྀ་ཁྱྀ་མྱྀ་ཟུགས༎ ཤེལ་ཀྱྀ་ནྀ་སྤ་
(3v124) བཀྲ་ལ༎ གཡང་སྲས་ནྀ་ངོས་ལ་[འཚལ?] དགོ་སྤངས་ནྀ་ཟུར་ལ་འཚལ༎ མོ་འདྀ་ནྀ་
(3v125) ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷ་ནྀ་ཕས་སྐྱོན། མྱྀ་ནྀ་ཚུས་མཆོད༎ དགའ་སྐྱྀད་ཚེ་[རང(/རིང)] དགྲ་ཕྱ་ལ་བཏབ་ན་
(3v126) དགྲ་མྱེད༎ དོན་གཉེར་ན་དོན་གྲུབ༎ ནད་པ་ལ་བཏབ་ན་ལྷ་སྲུང་བའི་ངོ༎ གསོལ་ཤགས་བྱས་ན་གནང༎ འདྲོ་པོ་ལ་
(3v127) བཏབ་ན་བཟང། གྲོག་ཕྱ་ལ་བཏབ་ན་གྲོག་ཆེད་དང་ཕྲད༎ གདོན་ལན་མ་མཆྀས་མོ་འདྀ་ཅྀ་ལ་བཏབ་ཀྱང་བཟང་རབ༎
(3v128) @་། @@་། @@@་། ཀྱེ་དབྱར་ལེ་ནྀ་སླ་གསུཾ་ན་སྨྱ་ལོ་ནྀ་ཕྲུམ་ཕྲུམ་སྀལ༎ བལ་ཏོག་ནྀ་དཀར་གྱྀས་ལོང༎ སྟོན་ལེ་ནྀ་ཟླ་གསུམ་ན་སྨ།
(3v129) སྤང་རྒྱན་ནྀ་གཡུའྀ་ལོ༎ རྣ་ལོ་ནྀ་སླེབ་གྀས་ལོང༎ གཡུ་འི་ནྀ་སྡོག་ཅྀག་མ༎ དར་སྣ་ནྀ་བཟང་གྀས་ཐོགས༎ མྱྀ་སྤྱད་ནྀ་
(3v130) ཕངས་སུ་གྱྀས༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ ཁྱེད་སྔུན་གྀ་ཕ་མྱེས་ལྷ་བཟང་པོ་ཅྀག་ཡོད་ཟྀན༎ ད་ལྟ་
(3v131) ཡང་ལྷ་དེ་ཅུང་ཐག་རྀང་ཞྀང་འདུག་པ་ལྟར་བྱེད་གྱྀས༎ ལྷ་དེ་ལེགས་པར་གསོལ་ན། ཁྱེད་ལ་འགོ་ཞིང་འཆེས་ཕར་འོང༎
(3v132) @་། @@་། @་། ཀྱེ་ལྕགས་གིས་མཐའ་བསྐོར་སྟེ༎ མཐྀང་ཀྱྀས་ནྀ་རྒྱན་བྲེས་པས༎ དགུང་མཐའ་ནྀ་འགྱུར་མྱྀ་སྲྀད། དགུ་ཚྀགས་ཚྀག & s
(3v133) ནྀ་གཞུང་[རྟན(/སྟན)]བས༎ སྐར་ནྀ་ལྟུང་མྱྀ་སྲྀད། གསེར་གྀ་ནྀ་ཕུར་བཏབ་པས༎ ཟངས་གྱྀ་ནྀ་རྒྱན་བྲེས་པས༎ དོག་མཐའ་
(3v134) ནྀ་ལྡྀང་མྱྀ་སྲྀད༎ མོ་འདྀ་ནྀ་ཁྱྀམ་ཕྱ་དང་སྲོག་ཕྱ་ལ་བཏབ་ན༎ ལྷད་པལ་མཐུ་བོ་ཆེས་བསྐྱབས་ནས། ཁྱྀམ་ཕྱྀ་ཀུན་
(3v135) གསེར་གྱྀ་ཕུར་པ་བཏབ་པ་ལྟར་བརྟན་ཞྀང་འདུག༎ གསོལ་ཤགས་བྱས་ན་གནང། དགྲ་ཕྱ་ལ་བཏབ་ན་དགྲ་མྱེད༎
(3v136) དོན་གཉེར་ན་གྲུབ། ཚོང་བྱས་ན་ཁེ་ཕྱྀན༎ འདྲོན་པོ་ལ་བཏབ་ན་འོང༎ ནད་པ་ལ་བཏབ་ན་ལྷས་ཅྀང་འདུག། བོར་ལག་བྱུང་
(3v137) ན་རྙེད༎ མོ་འདྀ་ཅྀ་ལ་བཏབ་ཀྱང་བཟང༎ @་། @་། @@@@་། ཀྱེ་ཤ་ལ་ནྀ་མདའ་འཚལ་བ༎ མཆུད་ཡྀད་མྱྀ་ཆེས༎ ལྕུང་ཀ་ནྀ་མཆུ་
(3v138) དམར་མོ༎ ཕོ་རོག་ནྀ་ལོ་སྟོང་པོ༎ ཤ་འཚལ་ནྀ་དད་ཅེས་དང༎ མཆུ་ལ་ནྀ་ཡྀད་མྱྀ་ཆེས༎ སྤུ་བཟངས་ན་གཞན་ལ་སྐུ༎
(3v139) དྲྀ་བཟངས་ནྀ་རང་ལ་སྡུག༎ དེ་ཙཾ་ནྀ་གཡར་ལ་གཅགས༎ འདྀ་ཁྱྀམ་ཕྱ་དང་སྲོག་ཕྱ་ལ་བཏབ་ན། མྱྀ་ཁྱོད་ཀྱང་འདོད་
(3v140) ཅེན་ཆེ་བས༎ ནོར་རམ་ཕྱུགས་ཞྀག་ཉོས་ན༎ འདྲེ་ཆེ་ཁྱོད་ཤ་ཟ་འདོད་ན་ཡང་ཁ་ནས་མྱྀ་ཞྀག་གྀས་ཕྲོག་པར་
(3v141) འོང་གདོན་དྲག་པོ་ཞིག་ཡོད་པས། གནོད་པར་སེམས་ཞིང་འདུག་གོ༎ དོན་ཅིག་གཉེར་སེམ་ན་རོགས་པོ་ཞྀག་
(3v142) གྀས་ངན་པར་སེམས་ཞྀང་འདུག་པས། བག་གྱྀས། དགྲ་ཞྀག་གྱྀས་རྫྀ་བར་སེམ་བ་འདྲ་བ་འཾ། ཡེན་འདྲོག་པོ་
(3v143) ཞིག་འོང་བས༎ ངོ་ལོན་ཆོ་ག་བཟང་དུ་གིས་ལ། ནེམ་ནུར་མ་བྱེད་ཅྀག༎ དོན་གཉེར་ན་མྱྀ་གྲུབ། འདྲོན་པོ་ལ་བཏབ་
(3v144) ན་མྱི་འོང༎ ནད་པ་ལ་བཏབ་ན་འདྲེ་ཆེ༎ གསོལ་ཤགས་བྱས་ན་མྱྀ་གནང༎ མོ་འདྀ་ཅྀ་ལ་བཏབ་ཀྱང་ངན་རབ་བོ༎
(3v145) @་། @་། @@@་། ཀྱེ་ས་ཀྱྀ་ནྀ་དུས་བྱུང་བས༎ མ་འགྲོད་ནྀ་ལྷ་ཡུལ་མཐོང༎ མ་བརྙེབས་ནྀ་དགུང་སྔོ་སླེབས༎ མ་གཉེར་ནྀ་ལྷ་
(3v146) དཀར་རྩེ༎ དཔལ་སྐྱེས་ནྀ་མཐའ་མྱྀ་འགྲྀ༎ མོ་འདི་བསམ་དང་བཀའ་གཉན་གྱྀ་མོ་ལ་བབ་སྟེ༎ ཁྱྀམ་ཕྱ་དང་སྲོག་ཕྱ་ལ་
(3v147) བཏབ་ན༎ མ་གཉེར་བར་ནྀ་ཕྱྀན་ཏེ་འོང༎ མ་བརྙེབས་པར་ནྀ་གནམ་སླེབས༎ མ་སོང་བར་ཁྱོད་གྱྀ་སྙིང་ཕྱྀན་ཟྀན། མོ་འདྀ་
(3v148) དོན་གཉེར་ན་གྲུབ༎ ཚོང་ཅྀག་བྱས་ན་ཁེ་ཕྱྀན༎ གསོལ་ཤགས་ཞྀག་བྱས་ན་གནང༎ བོར་ལག་བྱུང་ན་རྙེད་མོ་འདི་ཅི་
(3v149) ལ་བཏབ་ཀྱང་བཟང༎ རྒྱ་སྐར་ནྀ་འོད་པོ་ཆེ་ཐོ་རས་ནི་ཤ་རུ་ཙམ་ན༎ འོད་ཟེར་ནི་ཀུན་ལ་གསལ༎ འོད་གསལ་ནཾ་མ་
(3v150) ལགས་ན༎ དེང་སང་ནྀ་དམུས་ལོང་འཁྱམ༎ ཕྱུག་གྀ་ནྀ་བུ་ཅྀག་པ༎ ཉྀན་དང་མཚན་དབང་ཡང། དངོས་གྀ་ནྀ་དོན་མ་
(3v151) མཆྀས༎ དགུང་ལས་ནྀ་ལྷ་གཤེགས་ཀྱང༎ སྤྱན་མྱྀག་ནྀ་ཟུར་མྱྀ་ལྟ༎ དེ་ཙམ་ནྀ་གཡར་ལ་གཅགས༎ མོ་འདྀ་ནྀ་
(3v152) ཁྱྀམ་ཕྱ་དང་སྲོག་ཕྱ་ལ་བཏབ་ན། མྱྀ་ཁྱོད་ལ་ཕ་མྱེས་གྀ་ལྷ་བཟང་ཕོ་ཅྀག་ཡོད་ཟྀན་ན༎ ཁྱོད་ལྷ་ལ་མྱྀ་བཀུར་བར་
(3v153) གྱུར༎ ད་ཡང་ལྷ་ལེགས་པར་མཆོད་ཞྀག༎ དོན་གཉེར་ན་གྲུབ་པར་འོང། གསོལ་ཤགས་བྱས་ན་གནང། འདྲོན་པོ་
(3v154) ལ་བཏབ་ན་འོང་དགྲ་ཕྱ་ལ་བཏབ་ན་དགྲ་མྱེད༎ སྲྀད་ཕྱ་ལ་བཏབ་ན་ལྷ་མྱྀ་དགའ༎ གསོལ་ཤགས་བྱས་ན་མྱྀ་གནང།
(3v155) མོ་འདྀ་འབྲྀང་ཙམ༎ @@@་། @་། @་། ཀྱེ་དགུང་སྔོ་ནྀ་མཐོན་གོང་ན༎ ཉྀ་བཙུན་ནྀ་འོད་དྲོ་མ། ཉྀན་ཞྀང་ནྀ་ཀུན་ལ་དྲོ༎ མཚན་
(3v156) ཞྀང་ནྀ་དགོངས་མལ་གཤེགས༎ ཉྀ་བཙུན་ནྀ་མ་ལགས་ན། སེམས་ཤན་ནྀ་མང་ཅྀག༎ མོ་འདྀ་ནྀ་ཁྱྀམ་ཕྱ་དང་
(3v157) སྲོག་ཕྱ་ལ་བཏབ་ན༎ ལྷ་ཅྀག་འགོ་ཞྀང་འདུག་པས༎ ལྷ་དེ་མ་ཡྀན་ན་མྱྀ་ཁྱོད་ལྟོགས་ཏེ་ཡང་དེའུ་ཤྀ་ལས་ལྟ་
(3v158) དེས་བསྐྱབས་ཞྀང་འདུག་འོ༎ ཅྀ་བྱ་ན་ཡང་ལྷ་ལ་གསོལ་བ་ཐོབ་ལ་གྱྀས་དང། བྱ་བར་རུང་བར་འོང༎
(3v159) @@་། @་། @་། ཀྱེ་ཟླ་བརྩན་ནྀ་དུང་མདོག་ལ༎ ཤེལ་གྱྀ་ནྀ་ཁ་བབ་པ༎ དེང་གསལ་ནྀ་མ་པ། གནའ་གསལ་ནྀ་ཡོངས་གྱྀས་གསལ༎
(3v160) ཁྱེའུ་ཅུང་ནྀ་འཛངས་པ་ཕོ། ཆུང་ནས་ནྀ་དྭར་ལུས་ཀྱང༎ རང་ལུས་ནྀ་རང་ཀྱྀས་ཐེག༎ ནམས་ཀྱང་ནྀ་མཐའ་
(3v161) མྱྀ་འགྲྀ༎ མོ་འདྀ་ནྀ་མྱྀ་ཁྱོད་ཀྱང༎ རང་ལུས་རང་གྱྀས་ཐེག་པས༎ ཁྱྀམ་ཕྱ་དང་སྲོག་ཕྱ་ལ་བཏབ་ན་བཟང། དོན་ཕྱ་
(3v162) ལ་བཏབ་ན་དོན་གྲུབgru[b] དགྲ་ཕྱ་ལ་བཏབ་ན་དགྲ་མྱེད༎ གསོལ་ཤགས་བྱས་ན་གནང༎ འདྲོན་པོ་ལ་བཏབ་ན་འོང༎
(ad) ཡུག་རིངས་དགུ་མཆིས་
';