Old Tibetan Documents Online བོད་ཡིག

Text Archives > ITJ_0742

IOL Tib J 742 (= Fragment 55. = vol. 68, fols. 115-116)
    This Text All the Texts Find both and  
1. Content : Divination with coins.
2. Note : scroll. Complete text. Recto, a Chinese Buddhist text. Cf. Enoki (1962: C5). Verso, 49 lines.
3. References :
Macdonald (1971: 282-283), Thomas (1957: 150-151) [P.Translit.,P.Trans.], Yamaguchi (1987: 174) [P.Trans.], Chen Jian (2007) [I.Translit.,I.Trans.], Nishida (2011: 316-325) [I.Translit.,I.Trans.].

Transliteration   (Change the Display Format)

(1) (flower shape) (flower shape) གནམ་དང་པོ་ཀོང་ཚེ་འཕྲུལ་ཀྱྀ་བུ༎ གཙུག་ལག་དང། གཙུག་ལག་མང་པོ་ཞིག་མདོར་
(2) བསྟུས་སྟེ། གཏན་ལ་ཕབ་བ། འཕྲུལ་ཀྱྀ་{}་རྒྱལ་པོ་ལི་བསམ་བླང་གིས་ཆིབ་གོང་ནས་ཐུགས་རིང་ནས་མོ་འདི་
(3) གཏན་ལ་ཕབ་པ་ལགས་སོ། མོ་འདི་ཕུགས་བརྟན་ལ་འཕྲལ་རྣོ། མོ་འདི་འདེབས་པའི་ཡོ་བྱད་ལ། སྤོས་
(4) གྀས་ནྀ་མཆོད། གཡུ་མཆོད་འཕྲུགས་གཅྀག་དང། མདའ་བྱ་དརྒོད་མ་ཅྀག་དང། རྨེའུ་བྲེ་གང་དང།
(5) དཔགས་བུ་དཀར་ཐོད་གཅིག་མྱེད་དེ་མྱི་རུང། མོ་ཆ་ཚང་ན་རབ་དུ་རྣོ་འོ། (flower shape)
(6) ༄༅༎ དོང་ཚེ་གཅྀག་གན་ན། ཉྀ་མ་ཁུད་པར་ཤར་པའྀ་ངོ་སྟེ། ཁྱྀམ་ཕྱ་དང་སྲྀད་ཕྱར་བཏབ་ན་བཟང།
(7) བོར་རླག་བྱུང་ན་རྙེད། ནད་པ་ལ་བཏབ་ན་སོས། འདྲོན་པོ་ལ་བཏབ་ན་ཉེ་བར་འོང། མོ་འདི་ཅི་ལ་བཏབ་ན་
(8) ཀྱང་རབ་བོ། ༄༅༎ དོན་ཚེ་གཉྀས་གན་ན། མྱྀའི་ངོ་ལ་བབ་སྟེ། ཁྱྀམ་བདག་གཟའ་བྲན་ནང་
(9) མཐུན་ཏེ། ལུས་ལ་གདོན་མྱེད། ཁྱྀམ་ཕྱ་དང་སྲོག་ཕྱར་བཏབ་ན་བཟང། སྐྱེས་བུ་ངོ་མཐོ། གྲོག་ཆེ།
(10) ཁང་ཁྀམ་བརྟན་པོར་གཟུགས། ནད་པ་གསོ་ན་ཉེ་བར་སོས། གནམ་པ་འྀ་ངོ་ཞེ་བྱ། སྣང་གསལ་ཅྀག་གྀས་
(11) ཅྀག་བསུས་ཏེ། མོ་འདྀ་ལ་བཏབ་ཀྱང་རབ་བོ། (flower shape) (flower shape)
(12) ༄༅༎ དོང་ཚེ་གསུམ་གན་ན། ས་དང་ལྕགས་ཀྱྀ་ངོ་ལ་བབ་སྟེ། ཁྱྀམ་ཕྱ་དང་སྲོག་ཕྱར་བཏབ་ན་བཟང།
(13) ནད་པ་ལ་བཏབ་ན་ཡུལ་གདོན་དང། དྲྀ་མོ་འྀ་ངོ་ཡོད་དེ་གནོད། ཆོ་ག་བྱས་ན་བཟང་ངོ། མ་བྱས་ན་ངན། ཉོན་ཙོང་དང་
(14) དོན་གཉེར་ན་བཟང། འདྲོན་པོ བཏབ་ན་མྱྀ་བཟང། མྱྀ་འོང༎ (flower shape)
(15) ༄༅༎ དོང་ཚེ་བཞྀ་གན་ན། གནམ་གྲུ་བཞྀ་པ་སྡེ་བརྒྱད་གྀ་ངོ་ལ་བབ་སྟེ། ཁྱྀམ་ཕྱ་དང་སྲོག་ཕྱར་
(16) བཏབ་ན་བཟང། གདོན་ཕྱར་བཏབ་ན་ཟས་ངན་དང་སློ་ཐབ་དང་མཁོན་ལས་བྱུང་སྟེ་ཡུལ་དོན་དང། དྲྀ་མོར་
(17) བསྡོངས་སྟེ་གནོད། ནད་པ་ལ་བཏབ་ན་ནད་གཞི་ཆེ། ཆོ་ག་བྱ་བར་བཟང། དགྲ་ཕྱར་བཏབ་ན་དགྲ་དགྲ་ ངོ་མཐོ། གཉེན་
(18) བྱེད་པ་དང་ཁང་ཁྱྀམ་བྱེད་པ་དང། [དུར]ཆད་བྱེད་པར་བཏབ་ན་བཟང་ངོ། (two flower shapes)
(19) ༄༅། (flower shape) དོང་thse ལྔ་གན་ན། བཤུམ་བའྀ་ངོ་ལ་བབ་སྟེ། ཁྱྀམ་གཉྀས་གཅིག་དུ་འདུས་པའྀ་ངོ་ལ་བབ་སྟེ།
(20) ལྷོ་བ་བཀྲེས་ལ་ཟིསz[i]s གི་སྲི་ལངས་ཏེ། ཁྱྀམ་ཕྱ་[སྲོག]ཕྱར་བཏབ་ན་ངན། ལྷ་ནྀ་སྔངས་མྱྀ་ནི་སྐྲག་པའྀ་ངོ་སྟེ།
(21) དགྲ་སྡང་བ་ནྀ་ཕྲད། གཉེན་བྱམས་པ་དང་ནྀ་སྣོལ། གདོན་ཕྱར་བཏབ་ན། ཕུང་སྲྀན་དང་བཙན་དྲྀདdrI[d] མར་པོ་དང།
(22) རྟ་ཤུ་བོ་ཞོན་བ་གཅྀག[g]cIg གནོད། ནད་པ་ལ་བཏབ་ན། གླུད་བཏང་ན་རུང། མོ་འདྀ་ཅི་ལ་བཏབ་ཀྱང་ངན་ནོ། (flower shape)
(23) ༄༅༎ དོང་ཚེ་དྲུག་གན་ན། ཆུ་དང་གསེར་གྀ་ངོ་ལ་བབ་སྟེ། ཁྱྀམ་ཕྱ་སྲྀད་ཕྱ་སྲོག་ཕྱར་བཏབ་ན་བཟང།
(24) དགྲ་ཕྱར་བཏབ་ན་དགྲ་མྱེད། བཙོན་དུ་བཟུང་ན་ཐར། ཡུས་བརྩོད། ན་ཐོབ། གྱོད་རྨས་ན་འབྱང། ནད་
(25) པ་གསོས་ན་སོ། དོན་གཉེར་ན་འགྲུབ། གནམ་ལ་སྐར་མ་སྨྱྀན་དྲུག་གྀ་ངོ་སྟེ། སྐར་མ་མང་པོས་བསྐོར་
(26) བའྀ་ངོ། མོ་འདི་ཅི་ལ་བཏབ་ཀྱང་རབ་བོ། (flower shape) (flower shape) (flower shape)
(27) དར་མ ༄༅༎ དོང་ཚེ་བདུན་གན་ན༎ མྱེ་དང་ས་འི་ངོ་ལ་བབ་སྟེ༎ གཤིན་བ་ཀྲེན་དང༎ ས་དུར་ལངས་
(28) པའི་ངོ་ལ་བབ་སྟེ༎ ཁྱིམ་གཉིས་ཅིག་དུ་[སུས(/སྡུས)]པའྀ་ངོ་ལ་བབ་སྟེ༎ ཁྱིམ་ཕྱ་དང་སྲོག་ཕྱར་བཏབ་
(29) ན་ངན༎ ནང་མྱི་མཐུན་ཁལ་ལྕེ་མང༎ སྐྱེས་བུ་སྙིང་ཚེར་བའི་ངོ༎ དགྲ་ཕྱར་བཏབ་ན་དགྲའ་
(30) ངོ་མཐོ༎ མྱི་ཁ་ཟའ༎ གནོད་དམ་མྱི་གནོད་པ་ལ་བཏབ་ན་གནོད་དོ༎ མོ་འདི་ཅི་ལ་བཏབ་ཀྱང་
(31) ངན༎ (flower shape) དོང་ཚེ་བརྒྱད་གན་ན༎ ཆུ་དང་ཤིང་སྐྱེས་པའི་ངོ་ལ་བབ་སྟེ༎ ཅི་ལ་བཏབ་ཀྱང་བཟང༎
(32) གནམ་མྱི་གཡོ་པ་མྱི་ལྡག༎ ཕྱི་དལ་ཆེད་པོར་བཅད༎ འདྲོན་པོ་མྱི་འོངས༎ གསོལ་བ་
(33) མྱི་གནང༎ སྟོར་བ་མྱི་སྙེད༎ གཞན་ཅི་ལ་བཏབ་ཀྱང་བཟང༎
(34) (flower shape) དོང་ཚེ་དགུ་གན་ན༎ རྒྱལ་པོ་འི་ངོ་ལ་བབ་སྟེ༎ དགའ་བའྀ་རྟམ་སྙན་པ་ནི་ཐོས༎
(35) བསམ་པའྀ་དོན་ནི་གྲུབ༎ འདོད་པའི་ནོར་ནི་སྙེད༎ མོ་འདི་ཅི་ལ་བཏབ་ཀྱང་བཟང་ངོ༎
(36) (flower shape) དོང་ཚེ་བཅུ་གན་ན༎ ཉིས་ཟླ་འཕྲུག་ཅིག་དུས་ཅིག དུ ཤར་པའྀ་ངོ༎ རྒྱལ་པོ་གསེར་གྱི་
(37) ཁྲའུ་ཐོག་ན་བཞུགས་སྟེ༎ ཀུན་ལ་ལུང་སྙན་པ་འབོགས་པའི་ངོ་པ༎ ནད་པ་གསོའ་
(38) ན་སོས༎ དོན་ཉེར་ན་འགྲུབ༎ བོར་གླག་བྱུང་བ་ལ་བཏབ་ན་སྙེད༎ འདྲོན་པོ་ལ་བཏབ་ན་
(39) གྲོག་ཆེ༎ མོ་འདི་ཅི་ལ་བཏབ་ཀྱང་བཟང་ངོ༎
(40) (flower shape) དོང་ཚེ་བཅུ་ཅིག་གན་ན་མྱི་འི་ངོ་ལ་བབ་སྟེ༎ ད༎ ཀོང་རྩེ་མྱི་དགྱེས་སྟེ༎
(41) ཅི་བྱ་འོ་ཆོག་མྱི་འགྲུབས༎ ཁྱིམ་ཕྱ་དང་སྲོག་ཕྱར་བཏབ་ན་ངན༎ མཁོན་དང་མགོན་
(42) གཟན་ཡོད་དེ༎ ལྷ་ནི་སྔངས་མྱི་ནི་སྐྲག་སྟེ༎ མོ་འདི་ཅི་ལ་བཏབ་ཀྱང་ངན་ནོ༎
(43) (flower shape) དོང་ཚེ་བཅུ་གཉིས་གན་ན༎ ཉི་མ་སྟོང་དུས་ཅིག་དུ་ཤར་པའི་ངོ་ལ་བབ་སྟེ༎
(44) ཚེ་རབས་གར་འགྲོ་ན་ཡང༎ གནམ་གྲོག་ཆེད་པོ་འོངས་སྟེ་བཟང༎
(45) ནད་པ་ཚབ་ཆེ་ན་ངན༎ མོ་འདི་གཞན་ཅི་ལ་བཏབ་ཀྱང་བཟང༎ (flower shape) དོང་ཚེ་ཀུན་
(46) བུབ་ན༎ ཉི་མ་ནུབ་པའི་ངོ་ལ་བབ་སྟེ༎ ས་འགམ་བའི་ངོ༎ རྒྱལ་ནི་གདུང་ཆད་པའི་
(47) ངོ༎ བསེའ་ནི་དམྱིག་བོལ་བའྀ་ངོ༎ ཆོ་ག་བྱས་ཀྱང་མྱི་ཟློགས༎ མོ་འདི་ཅི་ལ་
(48) བཏབ་ཀྱང་ངན་ནོ། ༔་། དཀོང་ཙེ་འཕྲུལ་གྱིས་མཛད་པའི་དོང་ཙེ་བཅུ་གཉིས་ཀྱི་མོ༎
(49) བརྫོགས་སོ༎
';