1. Content : Divination with coins.
2. Note : Scroll. The beginning is missing. Recto, 29 lines. Verso, blank. Originally a single document which is divided into two parts: IOL Tib J 744 and Pelliot tibetáin 1055. The text continues from Pelliot tibetáin 1055 to IOL Tib J 744.
3. References :
Nishida (2011: 315-316).
(1) གྲོག་མྱེད༎ དགྲ་པྱ་ལ་བཏབ་ན་དགྲ་དང་ཕྲད་
(2) པའི་ངོ༎ དོན་གཉེར་བ་ལ་བཏབ་ན་དོན་
(3) མྱི་འགྲུབ་སྟེ་ངན་ནོ། ༔་།
(4) ༄༅༎ དོང་ཙེ་བཅུ་གཉྀས་རིལ་གན་ན་ཐེའུ་
(5) ཀོང་གི་ངོ་བྱུང་སྟེ༎ ཁྱིམ་པྱ་དང་སྲོག་པྱ་
(6) ལ་བཏབ་ན་བཟང་རབ༎ གྲོག་པྱ་ལ་བཏབ་
(7) ན་གྲོག་ཆེ༎ གཉེན་བྱས་ན་བཀྲ་ཤིས་བའི་
(8) ངོ༎ དགྲ་པྱ་ལ་བཏབ་ན་དགྲ་མྱེད༎ འཕོ་
(9) སྐྱས་བྱས་ན་ཉེས་པ་མྱི་འབྱུང༎ ཁང་
(10) ཁྱིམ་བྱས་ན་གདོན་མྱི་ལྡང༎ ངོ་འཕྲལ་
(11) དང་ལས་གསོལ ན ཐོབ༎ སྲིད་པྱ་ལ་བཏབbt[ab] ན་
(12) བཟང། ནད་པ་ལ་བཏབ་ན་སོས་པའི་ངོ༎
(13) མོ་འདི་ཅི་ལ་བཏབ་ཀྱང་བཟང་རབ་བོ། ༔་།
(14) དོང་ཙེ་རིལ་བུབ་ན༎ སྲིན་ཞ་མོ་འི་སྒོ༎
(15) ལྷ་ཐམས་ཅད་གྱིས་ཞབས་ཀྱིས་མནན་བའི་
(16) ངོ་བྱུང་སྟེ༎ ཁྱིམ་པྱ་དང་སྲིད་པྱ་ལ་བཏབ་ན་
(17) བཟང་རབ༎ སྲོག་པྱ་ལ་བཏབ་ན་མྱི་ཤི༎
(18) ཤགས་བཀྱེ་ན་བདག་རྒྱལ་བའི་ངོ༎ གཉེན་
(19) བྱས་ན་འཕྲོད༎ འདོན་པོ་ལ་བཏབ་ན་རེ་
(20) ཤིག་མྱི་འོང༎ གདོན་པྱ་ལ་བཏབ་ན༎
(21) ཐེའུ་རང་དང་དྲི་མོ་སྡོང་བའི་ངོ༎ དགྲ་
(22) པྱ་ལ་བཏབ་ན་དགྲ་མྱེད༎ འཕོ་སྐྱས་བྱས་
(23) ན་བཟང། ཉེས་པ་མྱི་འབྱུང། དོན་པྱ་ལ་བཏབ་
(24) ན་དོན་གྲུབ༎ ནད་པ་ལ་བཏབ་ན་མྱི་ཤི༎
(25) བོར་རླག་བྱུང་ན་རྙེད་དཀའ༎ ཁང་ཁྱིམ་
(26) བྱས་ན་ཁ་དྲོ༎ ། རྗེ་བླས་དང་ངོ་འཕྲལ་
(27) གསོལ་ན་གནང༎ ། ཉེ་ཞོ་འོང་
(28) ངམ་མྱི་འོང་བ་ལ་བཏབ་ན། ཉེ་ཞོ་མྱི་
(29) འོང་སྟེ་བཟང་རབ་བོ། ༔་། ༔་།