1. Content : Draft of a letter.
2. Note : Sheet. Complete. Recto, a Chinese text. Verso, 13 lines of Tibetan, draft of a letter. According to Takeuchi 1990, it is classified as Type III, with greeting pattern 2: private letter.
3. References :
Takeuchi (1990: 190) [P.Trans.].
(1) ༄༅། ༔། ཤ་ཅུ་ན་ལྀ་སྀང་ཇེའྀ་ཞ་སྔར༎ ༎
(2) ཡྀ་ཅུའྀ་ལྀ་སྀང་ཇེ་དཔལ་ལྡན་གྀས་མཆྀད་
(3) གསོལ་ག & སོལ་ པ༎ སྟོན་ཚྀགས་གྀ་རྩྀ་དོག། མདོག་གྱུར་བའྀ་སྐབས་སུ། ཆེར་ནྀ་ཐེའུ་པོའུ་གྀ་རྀམ་འགྲོ་དང།
(4) སེམ་ཅེན་མཐ་དག་གྀ་དོན་དུ་འོ་བརྒྱལ་དེ་གདན་བཞུགས་ན་སྐུ་ལ་སྙུང་མྱྀ་བངའ་ཡང་སྲྀ་ཞུ་འྀ།
(5) ཚུལ་གྀས་སྙུང་མཆྀད་ཡྀ་གྱྀ་ལས་གསོལ་ཞྀང་མཆྀས་བཀའ་སྤྲྀང་བར་གསོལ༎ ངན་བུའྀ་ཕྲལ་ཕྲ & l
(6) ཆོད་གྀ་སྐྱེས་ནྀ། སྤོང་བྲེ་གང་ལྷད་དཔལ་ལ་རྨ་སྟེ་བཞེས་པར་གསོལ༎ ལྕགས་བགས་ཅྀ་
(7) འདོད་པ་ཡྀ་གྱྀ་ཐོང་ཅྀག་སྟ་གོན་བྱ ལ བསྐུར་ལ་བཏང། ངན་བུ་དར་མ་བྲྀ་ཤོག་ཤོག་བཟང་པོ་ཡོད་ན་
(8) [ཐོབ(/ཐེབ)]བཞྀ་ལྔ་སྐུར། ཀྀ་ལམ་དང་ཟངས་སྤྱད་བསྐུར་ན་བཏེག་མྱྀ་བཏུབ། རྟ་གཅྀག་དང་ལྕགས་བགས་བག & s
(9) ནྀ་ཕྭྲམ་པག་ཤྀ་ལག་དུ། བསྐུར་ལ་བཏང༎ ༎ རྗེས་ལ་ངན་བུའྀ་བུ་ལོན། ཤ་ཅུ་
(10) པ་རྒྱ། སེ་ཧམ་ཞྀ་ལ་ཡུ་སྟམ་གཉྀས་བསྐུར་བར་བྱས་མ་འོངས༎ ཡང་ཤ་ཅུ་པ་ཁོའ་ཡེན་ཕུ་དང། ལུང་
(11) བུན་ཉེ་གཉྀས་གྀ་བར་ན། གྀ་ལམ་ལྔ་ཁྱེར་ནས་དར་རྗེན་པ་ཆེག་བཞྀ་བཅུ་ལ་ཆེག་གང་མྱྀ་རངས་རང & s
(12) པ་ཅྀག་བསྐུར་བར་བྱས། མ་འོངས་ཁམ་སྙོགས་ལ་སྐུར་ཅྀག༎ བརྒྱ་ལ་འདྲུལ་བ་མ་[སྐུངས(/སྐུརས)] ན་
(13) ཤ་ཅུ་པ སུ བོང ན བུ་ཕྱོག་པ་ཡྀན༎