Old Tibetan Documents Online བོད་ཡིག

Text Archives > Pt_1056

Pelliot tibetáin 1056
    This Text All the Texts Find both and  
1. Content : Divination with coins.
2. Note : scroll. The beginning and the end missing. Recto, 24 lines. Verso, blank.
3. References :

Transliteration   (Change the Display Format)

(1) འགྱེད་ན། བདག་རྒྱལ་སྟེ་བཟང༎ [རྗེ]བླས་གསོལ་ན་ཁ་ནས་
(2) འཕྲོག་པ་ཞྀག་ཡོད༎ གཉེན་བྱེད་ན་འབྲྀང༎ ཁང་ཁྀམ་བྱེད་
(3) པ་ལ་བཏབ་ན་ནོར་འདུ༎ ནད་པ་ལ་བཏབ་ན་ཚབས་ཆེ་ན་ཡང་
(4) [མྱྀ][—] [ཅྀག?] ཕ་མྱེས་ཀྱྀ་སྲྀ་གདོན་ཏེ། ཅོ་ག་བྱས་ན་ཕན༎
(5) [དོན?]གཉེན་ན་མྱྀ་འགྲུབ༎ [ཅི] []བཏབ་ཀྱང་[འབྲིང་ངོ] @@@@
(6) དོཙེ་བཞྀ་གན་ཏེ་གཞན་བུབ་ན༎ ཆུའྀ་ངོ་སྟེ། ཁྱྀམ་ཕྱ་དང་སྲོག་
(7) ཕྱ་ལ་བཏབ་ན་བཟང༎ སྙྀང་འཚེར་བ་ཞྀག་ཡོད་ན་ཡང་དེའུ་[རེ]
(8) འབྱང༎ བྱ་འོ་ཆོག་ཕམས་ཤད་འགྲུབ་སྟེ། བདག་དགའ། གཉེནgnye[n]
(9) བྱེད་ན། གཉེན་འབྱོར་ཁང་ཁྱྀམ་བྱ་ན་ནོར་འདུ༎ གདོན་ཕྱ་ལ་
(10) བཏབ་ན་ཐབ་རྒོད་དང་དྲྀ་མོར་གདོན༎ ཆོ་ག་བྱས་ན་ཕན་འོ༎
(11) དོནd[o]n གཉེར་ན་ཉུར་དུ་འགྲུབ༎ དགྲ་བྱ་ལ་བཏབ་ན་བཟང༎
(12) སྟོར་ལག་བྱུང་རྙེད། ཕོ་སྐྱས་བྱས་ན་བཟང༎ འདྲོན་པོ་ལ་བཏབ་
(13) ན་ཉུར་དུ་ཕྱྀན་ཏེ་མོ་འདྀ་ཅི་ལ་བཏབ་ཀྱང་བཟང་རབ་འོ༎ @@@@@ དོཙེ་
(14) ལྔ་གན་ཏེ་གཞན་བུབ་ན། གསེར་ཀྱྀ་ངོ་འབྱུང་སྟེ། ཁྱྀམ་ཕྱ་ལ་བཏབ་
(15) ན། ནོར་རྫས་ཅིག་གདོན་སྟེ༎ བྱ་འོ་ཆོག་མྱི་འགྲུབ། ནད་པ་ལ་
(16) བཏབ་ན་འཆྀ་བའྀ་ངོ༎ དགྲ་ཕྱ་ལ་བཏབ་ན་དགྲ་ཕྲད་པའྀ་ངོ༎
(17) སྟོར་ལག་བྱུང་མྱྀ་རྙེད༎ མོ་འདྀ་ཅྀ་ལ་བཏབ་ཀྱང་ངན༎ @@@@@@
(18) དོཙེ་དྲུག་གན་ཏེ་གཞན་བུབ་ན། སའྀ་ངོ་སྟེ་ཁྱྀམ་ཕྱ་དང་སྲོག་ཕྱ་
(19) ལ་བཏབ་ན་བཟང༎ གསོལ་བ་དང་ཤགས་འགྱེད་ན་བདག་རྒྱལ་
(20) སྙྀང་དགའ༎ གཉེན་བྱེད་ན་འབྲོད་བུ་ཙ་གཞྀན། ཁང་ཁྱྀམ་བྱེད་
(21) ན་ཁ་དྲོ༎ དབང་ཏང་ཆེ༎ བཙན་ཕྱག་དུ་འགྱུར༎ དོན་གཉེར་ན་
(22) དོན་གྲུབ། ནད་པ་ལ་བཏབ་ན་ཟ་ཐབ་ཅིག་གདོན། ཆོ་ག་བྱས་ན་
(23) ཁ་དྲོ༎ ཅི་ལ་བཏབ་ཀྱང་བཟང་རབ་འོ༎ @@@@@@@ དོཙེ་བདུན་གན་ཏེ་
(24) [---]
';